សឿន សំណាង - La Reine Media

រាជរដ្ឋាភិបាលមិនទាន់មានគោលការណ៍អនុញ្ញាតឱ្យរៀបអាពាហ៍ពិពាហ៍ឡើងវិញនៅឡើយ

ប្រមុខរដ្ឋាភិបាលកម្ពុជា នៅរសៀលថ្ងៃទី 21 ខែតុលា ឆ្នាំ 2021 នេះ បានបញ្ជាក់ថា រដ្ឋាភិបាលមិនទាន់មានគោលការណ៍អ្វីក្នុងការអនុញ្ញាតឱ្យមានការរៀបអាពាហ៍ពិពាហ៍ជាឡើងវិញនៅឡើយ ខណៈដែលមានការចែកចាយសារសំឡេងរបស់ សម្ដេច ដែលមានខ្លឹមសារទាក់ទងនឹងការអនុញ្ញាតឱ្យរៀបការឡើងវិញ។

សម្តេចអគ្គមហាសេនាបតីតេជោ ហ៊ុន សែន បានបញ្ជាក់ប្រាប់សារព័ត៌មានក្នុងស្រុកថា សារជាសំឡេងរបស់ សម្ដេច ដែលត្រូវបានចែករំលែកតគ្នាតាមបណ្ដាញសង្គមនៅថ្ងៃនេះ គឺជាសារសំឡេងចាស់កាលពីឆ្នាំ 2020។

គួរបញ្ជាក់ថា នៅថ្ងៃនេះមានការចែករំលែកតគ្នានូវសារសំឡេងចាស់មួយរបស់ ប្រមុខរដ្ឋាភិបាល ដែលប្រកាសថានឹងអនុញ្ញាតឱ្យមានការរៀបចំអាពាហ៍ពិពារណ៍ឡើងវិញក្នុងរដូវរំហើយឆ្នាំនេះ។ សារសំឡេងនេះ ត្រូវបានផ្សាយនៅក្នុងពេល សម្ដេច ប្រកាសបិទបញ្ចប់ព្រឹត្តិការណ៍ COVID-19 3 វិច្ឆិកា ឆ្នាំ 2020៕

October 21, 2021

(វីដេអូ)-ហេតុការណ៍ផ្ទុះដ៏ធំមួយនៅ ប្រទេសចិន ធ្វើឱ្យកក្រើកទីក្រុង សេនយ៉ាង

ហេតុការណ៍ផ្ទុះដ៏ធំមួយដែលគេសង្ស័យថា បណ្ដាលមកពីធុងហ្គាស នៅក្នុង ទីក្រុងសេនយ៉ាង (Shenyang) ប្រទេសចិន កាលពីព្រឹកមិញនេះ បានបង្កឱ្យមានអ្នកស្លាប់ និងរបួសច្រើននាក់ ព្រមទាំងបានបំផ្លាញអគារ និងយានជំនិះច្រើនគ្រឿងផងដែរ។

ករណីនេះកើតឡើងនៅក្នុង តំបន់សេនយ៉ាង ជាទីក្រុងរដ្ឋបាលរបស់ ខេត្តលាវនីង (Liaoning) ភាគឦសាននៃ ប្រទេសចិន នៅវេលាម៉ោងប្រហែល 8 និង 20 នាទី ព្រឹក (ម៉ោង 7 និង 20 នាទី នៅ ភ្នំពេញ) បណ្ដាលឱ្យផ្នែកខាងមុខនៃអគារមួយខ្នងត្រូវក្លាយជាគំនរបាក់បែក។ ព័ត៌មានបឋមឱ្យដឹងថា យ៉ាងហោចណាស់ក៏មានមនុស្សស្លាប់ 3 នាក់ និងជាង 30 នាក់រងរបួស។

ក្រោយហេតុការណ៍កើតឡើងភ្លាម កងកម្លាំងពន្លត់អគ្គិភ័យចំនួន 110 នាក់ រួមនឹងរថយន្តបាញ់ទឹកសរុប 25 គ្រឿង ត្រូវបានបញ្ជូនទៅដល់កន្លែងកើតហេតុ។

ក្រុមសមត្ថកិច្ចបានចាប់ផ្ដើមជម្លៀសមនុស្សនៅក្បែរទីតាំងកើតហេតុ។ ស្ត្រីម្នាក់ដែលមានទីលំនៅក្បែរនោះបាននិយាយថា កញ្ចក់បង្ហួចផ្ទះរបស់គាត់ត្រូវបែកខ្ទេចខ្ទីដោយសារការផ្ទុះនេះ។

កាលពីខែមិថុនាកន្លងទៅ មានករណីផ្ទុះបំពង់បង្ហូរហ្គាសមួយនៅតំបន់ប្រជុំជននៃ ខេត្តហ៊ូប៉ី (Hubei) ភាគកណ្ដាលប្រទេសចិន បណ្ដាលឱ្យមនុស្សចំនួន 25 នាក់បាត់បង់ជីវិត និងជាង 100 នាក់រងរបួស។ មនុស្ស 8 នាក់ ក្នុងនោះក៏មានទាំងអគ្គនាយកក្រុមហ៊ុនគ្រប់គ្រងប្រព័ន្ធបំពង់បង្ហូរហ្គាស ត្រូវបានចាប់ខ្លួន បន្ទាប់ពីក្រុមមន្ត្រីរកឃើញថា វិធានការធានាសុវត្ថិភាពមិនត្រូវបានអនុវត្តត្រឹមត្រូវ៕

October 21, 2021

កូនរោងចក្រប្រតិកម្មនុយក្លេអែរចល័តដ៏តូចមួយគ្រឿងរបស់ក្រុមហ៊ុនធុរកិច្ចថ្មីនេះ អាចផ្គត់ផ្គង់អគ្គិសនីដល់គ្រួសារ 1,000 គ្រួ

(សហរដ្ឋអាម៉េរិក)-ក្រុមហ៊ុន Radiant កំពុងប្រមូលទុនវិនិយោគដើម្បីអភិវឌ្ឍគំរូរោងចក្រប្រតិកម្មនុយក្លេអែរ (រ៉េអាក់ទ័រ) ចល័តខ្នាតតូចដែលអាចផលិតអគ្គិសនីបានមួយម៉េហ្គាវ៉ាត់ ដោយចំណាយថវិកាទាប។

យោងតាម Radiant កូនរោងចក្រប្រតិកម្មរបស់ពួកគេអាចដាក់ក្នុងកុងតឺន័រដឹកទំនិញ អាចផ្គត់ផ្គង់អគ្គិសនីដល់គ្រួសារចំនួន 1,000 គ្រួ និងប្រើប្រាស់ អេល្យូម ជំនួសឱ្យទឹកដើម្បីបញ្ចុះកម្ដៅ។ Radiant ត្រូវបានបង្កើតឡើងដោយក្រុមអតីតវិស្វករមកពីក្រុមហ៊ុន SpaceX របស់មហាសេដ្ឋី Elon Musk។ ពួកគេនិយាយថា គំរូកូន រ៉េអាក់ទ័រ ប្រើប្រាស់សម្រាប់ការផ្គត់ផ្គង់ថាមពលដល់តំបន់អាណានិគមលើពិភពព្រះអង្គារដែលកំពុងគេកំពុងអភិវឌ្ឍ នឹងមានឥទ្ធិពល និងប្រយោជន៍ធំធេងជាង នៅពេលប្រើប្រាស់នៅលើផែនដី។

Radiant ទាក់ទាញប្រភពទុនវិនិយោគបានចំនួន 1.2 លានដុល្លារអាម៉េរិក សម្រាប់បន្តអភិវឌ្ឍរោងចក្រប្រតិកម្មនេះ។ គំរូកូនរោងចក្ររបស់ Radiant ត្រូវបានរចនាជាពិសេសសម្រាប់សម្រួលដល់ការចល័ត ដាក់ដំណើរការឆាប់រហ័ស និងមានប្រសិទ្ធនៅគ្រប់ទីកន្លែង។ គោលដៅរបស់ក្រុមហ៊ុនគឺសហគមន៍ដែលស្ថិតនៅក្នុងតំបន់ដាច់ស្រយាល និងតំបន់ដែលប្រឈមនឹងគ្រោះធម្មជាតិញឹកញាប់។

ការបញ្ចេញឧស្ម័នពុលរបស់រោងចក្រថាមពលនុយក្លេអែរបុរាណ

កងទ័ពក៏ជាអតិថិជនគោលដៅចម្បងរបស់ក្រុមហ៊ុន Radiant។ រចនារូបរាងរបស់កូនរោងចក្រនេះ មិនត្រឹមតែជួយកាត់បន្ថយការបញ្ចេញឧស្ម័នពុលពីបណ្ដារោងចក្រអគ្គិសនីដែលប្រើថាមពលពីប្រេងម៉ាស៊ូតដូចបច្ចុប្បន្ននោះទេ តែវាក៏កាត់បន្ថយតម្រូវការចាក់ប្រេងជាប្រចាំផងដែរ។

ក្រុមហ៊ុន Radiant ឱ្យដឹងថា វត្ថុធាតុប្រើសម្រាប់កូនរោងចក្រ ឬ រ៉េអាក់ទ័រ នេះ អាចអាចជួយឱ្យវាស៊ូទ្រាំជាមួយសីតុណ្ហភាពខ្ពស់ជាង ធៀបនឹងវត្ថុធាតុនុយក្លេអែរបុរាណ។ ការប្រើប្រាស់ អេល្យូម ដើម្បីបញ្ចុះកម្ដៅ ក៏ជួយកាត់បន្ថយកម្រិតនៃការសឹករេចរិល បាតុភូតពុះកញ្ជ្រោល និងហានិភ័យនៃការឆ្លងមេរោគផងដែរ។

ក្រុមហ៊ុន Radiant បានទទួលប័ណ្ណប៉ាតង់ពីអាជ្ញាធររួចហើយ។ បច្ចុប្បន្ន ក្រុមហ៊ុននេះកំពុងសហការជាមួយក្រុមហ៊ុនមួយចំនួនដើម្បីបង្ហើយគំរូកូនរោងចក្រនេះ៕

October 21, 2021

ស្ថិតិស្ដីពីករណី COVID-19 នៅកម្ពុជា និងពិភពលោក សម្រាប់ព្រឹកថ្ងៃទី 21 ខែតុលា ឆ្នាំ 2021

តួលេខ COVID-19 ថ្មី នៅ កម្ពុជា ក្នុងអំឡុង 24 ម៉ោង នៃថ្ងៃទី 20 តុលា 2021 រួមមាន៖

– ឆ្លងថ្មី = 151 នាក់
– ជាសះស្បើយថ្មី = 366 នាក់
– ស្លាប់ថ្មី = 11 នាក់។

ក្នុងចំណោមអ្នកឆ្លងថ្មីទាំង 151 នាក់ (7 នាក់ មិនបានចាក់វ៉ាក់សាំង) រួមមាន៖

– ករណីឆ្លងសហគមន៍ 130 នាក់
– អ្នកដំណើរពីបរទេស 21 នាក់

គិតត្រឹមព្រឹកថ្ងៃទី 21 ខែតុលា ឆ្នាំ 2021 តួលេខ COVID-19 សរុប នៅ កម្ពុជា រួមមាន៖

– អ្នកឆ្លងសរុប= 117,352 នាក់
– អ្នកជាសះស្បើយ= 112,056 នាក់
– អ្នកស្លាប់= 2,704 នាក់

តួលេខ COVID-19 សរុប នៅទូទាំងពិភពលោក គិតមកដល់ថ្ងៃនេះ រួមមាន៖

– អ្នកឆ្លងសរុបជាង = 242,810,000 នាក់
– អ្នកជាសះស្បើយសរុបជាង = 220,099,200 នាក់
– អ្នកស្លាប់សរុបជាង = 4,937,660 នាក់
– អ្នកកំពុងព្យាបាលសរុបជាង = 17,773,160 នាក់

October 21, 2021

មូលដ្ឋានទ័ពរបស់ អាម៉េរិក ត្រូវរងការវាយប្រហារពីយន្តហោះគ្មានមនុស្សបើក

(ប្រទេសស៊ីរី)-មូលដ្ឋានទ័ពយុទ្ធសាស្ត្រ al-Tanf ត្រូវបានយន្តហោះគ្មានមនុស្សបើក (UAV) ដែលផ្ទុកពេញដោយគ្រឿងផ្ទុះ វាយប្រហារ ប៉ុន្តែមិនបានបណ្ដាលឱ្យមានទាហាន អាម៉េរិក ណាម្នាក់ស្លាប់ ឬរងរបួសនោះទេ។

មន្ត្រី អាម៉េរិក មួយរូប សុំមិនបញ្ចេញឈ្មោះ ថ្ងៃនេះបានឱ្យដឹងថា មូលដ្ឋានទ័ព al-Tanf គ្រប់គ្រងដោយ សហរដ្ឋអាម៉េរិក ដែលមានទីតាំងនៅភាគខាងត្បូងនៃ ប្រទេសស៊ីរី ត្រូវរងការវាយប្រហារពី «យន្តហោះគ្មានមនុស្សបើក (UAV) និងអាវុធ ដោយប្រយោល»។ ប្រភពព័ត៌មានពីកងសន្តិសុខនៃ ប្រទេសអ៊ីរ៉ាក់ បង្ហើបឱ្យដឹងថា ករណីវាយប្រហារនេះប្រើប្រាស់យន្តហោះ UAV ចំនួន 5 គ្រឿងដែលផ្ទុកពេញដោយគ្រឿងផ្ទុះ និងត្រូវបានបញ្ជាពី ទឹកដីស៊ីរី។

ពុំមានករណីស្លាប់ ឬរងរបួសនៅក្នុងការវាយប្រហារលើកនេះ ប៉ុន្តែ មន្ត្រីរបស់ អាម៉េរិក ឱ្យដឹងថា គេមិនទាន់ប្រាកដថា ក្រុមណាជាអ្នកនៅពីក្រោយការវាយប្រហារនេះនៅឡើយ។ យ៉ាងនេះក្ដី មូលដ្ឋានទ័ព al-Tanf កន្លងមកធ្លាប់ជាគោលដៅនៃការវាយប្រហារដោយ UAV របស់កងជីវពលស្និទ្ធនឹង អ៊ីរ៉ង់ ដែលកំពុងឈរជើងនៅលើទឹកដី ស៊ីរី។

សហរដ្ឋអាម៉េរិក គ្រប់គ្រងតំបន់ al-Tanf ចាប់តាំងពីក្រុមយោធាស៊ីរីថ្មី (NSA) ដែលគាំទ្រដោយ អាម៉េរិក ដណ្ដើមបានតំបន់ព្រំដែនជាប់នឹង ប្រទេសអ៊ីរ៉ាក់ កាលពីឆ្នាំ 2016។ មូលដ្ឋានទ័ពដែល សហរដ្ឋអាម៉េរិក បានសាងសង់នៅទីនេះត្រូវបានចាត់ទុកថាមានសារសំខាន់ជាយុទ្ធសាស្ត្រដើម្បីឱ្យ អាម៉េរិក ដណ្ដើមបានឥទ្ធិពលក្នុងតំបន់ ព្រោះតែវាស្ថិតនៅក្បែរតំបន់ត្រីកោណរវាង ប្រទេសស៊ីរី ហ្ស៊កដានី និង អ៊ីរ៉ាក់។

Al-Tanf ក៏ជាទីតាំងតែមួយគត់ដែលមានវត្តមានយោធាដ៏ច្រើនរបស់ អាម៉េរិក ក្នុង ប្រទេសស៊ីរី ដែលនៅខាងក្រៅតំបន់ភាគខាងជើងដែលគ្រប់គ្រងដោយជនជាតិ Kurd។ អាម៉េរិក ធ្លាប់បានដកទ័ពចេញពីទីនេះកាលពីឆ្នាំ 2018 ប៉ុន្តែ ក្រោយមកក៏ត្រលប់មកវិញ ហើយរក្សាវត្តមាន និងបង្កើតតំបន់កណ្ដាលដែលមានទំហំ 50 គីឡូម៉ែត្រ ព័ទ្ធជុំវិញ al-Tanf ដើម្បីទប់ស្កាត់ការប៉ះទង្គិចជាមួយកងទ័ពរដ្ឋាភិបាលស៊ីរី និង រុស្ស៊ី៕

October 21, 2021

ស្នាដៃនៃការរចនារូបភាពបែបខ្មែរដាក់លើកែវកាហ្វេ នាំឱ្យកូនខ្មែរមួយរូបទទួលបានការគាំទ្រពីហាងជាង 5 ពាន់ នៅ កម្ពុជា

ការចូលចិត្តជំនាញផ្នែកបច្ចេកវិទ្យាព័ត៌មាន និងការរចនារូបភាព ម៉ាកសញ្ញាតាមប្រព័ន្ធឌីជីថល បានជំរុញឱ្យកូនខ្មែរមួយរូបគឺ លោក ម៉ិល ខន បង្កើតបានក្រុមការងារមួយដើម្បីរចនារូបភាពបែបសិល្បៈ និងវប្បធម៌ខ្មែរប្រកបដោយភាពច្នៃប្រឌិត និងទទួលបានការគាំទ្រច្រើនពីសំណាក់ក្រុមហ៊ុន អាជីវកម្មនានាក្នុង ប្រទេសកម្ពុជា។

ក្នុងចំណោមច្នៃដៃ ឬផលិតផលដែលបានច្នៃប្រឌិត ដូចជា ការរចនាផ្ទាំងប៉ាណូផ្សព្វផ្សាយពាណិជ្ជកម្ម ឬស្លាកសញ្ញា ឡូហ្គោ ជាដើម គេឃើញថា ការរចនារូបភាពតាមបែបខ្មែរនៅលើកែវកាហ្វេ ទទួលបានការនិយមជាពិសេស ពីក្រុមហ៊ន សាលារៀន ហាងកាហ្វេ និងគម្រោងរបស់ក្រុមហ៊ុនជាច្រើនផ្សេងទៀត។

លោក ម៉ិល ខន ដែលអ្នកស្រុកអង្គរបុរី ខេត្ដតាកែវ ហើយបច្ចុប្បន្នរស់នៅក្នុង រាជធានីភ្នំពេញ បានប្រាប់ថា គិតមកដល់ពេលនេះ ក្រុមរបស់លោកបានរចនារូបភាពតាមបែបសិល្បៈ និងជាភាសាខ្មែរ ដាក់នៅលើកែវកាហ្វេ របស់ហាងនានាជាង 5,000 កន្លែងរួចហើយ។

បុរសរូបនេះបន្ថែមថា ជោគជ័យនាបច្ចុប្បន្នរបស់ក្រុមលោក ដំបូងឡើយគឺផ្តើមចេញពីការងារតិចតូច ទាក់ទងនឹងការរចនាម៉ាកសញ្ញាហាងកាហ្វេ និង ភាពច្នៃប្រឌិតតាមរចនាបថខ្មែរបែបបុរាណ និងទំនើប។ តម្រូវការដ៏ធំនៃទីផ្សារ និងការរីកចម្រើនផ្នែកបច្ចេកវិទ្យានាពេលបច្ចុប្បន្ន បានជួយឱ្យលោក ម៉ិល ខន និងក្រុមការងារ ពង្រីកមុខជំនាញទាំងនេះបានធំជាងមុន ហើយទទួលបានការគាំទ្រកាន់តែច្រើន ពិសេសគឺពីសំណាក់ម្ចាស់ហាងកាហ្វេនានា។

«ការរៀបចំរចនារូបភាពនៅលើកែវកាហ្វេនេះ គឺក្នុងគោលដៅដើម្បីរួមចំណែកជាមួយរាជរដ្ឋាភិបាល និងចូលរួមលើកស្ទួយ ផ្សព្វផ្សាយវប្បធម៌ សិល្បៈ និងភាសាខ្មែរ» នេះបើតាមលោក ម៉ិល ខន។

នៅ កម្ពុជា គេសង្កេតឃើញថា ហាងកាហ្វេលក្ខណៈគ្រួសារ រីកដុះដាលដូចផ្សិត ប៉ុន្តែភាគច្រើនមិនទាន់មានម៉ាកយីហោត្រឹមត្រូវ។ លោក ម៉ិល ខន យល់ឃើញថា ហាងកាហ្វេមួយដែលមានម៉ាកសញ្ញាត្រឹមត្រូវ អាចជួយរួមចំណែកធ្វើឱ្យហាងកាហ្វេ និងផលិតផលរបស់ម្ចាស់ហាង ទទួលបានការចាប់អារម្មណ៍ច្រើនជាងមុន។

លោក ម៉ិល ខន បង្ហើបឱ្យដឹងថា លោកធ្លាប់ឆ្លងកាត់បទពិសោធ៍ជាង 10 ឆ្នាំ លើការងារជាអ្នករចនាម៉ាកសញ្ញានានា។ លោកធ្លាប់រចនាម៉ាកសញ្ញាឱ្យសាលារៀនជាតិ-អន្តរជាតិជាច្រើន ហើយលោកក៏ធ្លាប់បានសរសេរផែនការគ្រប់គ្រងទីផ្សារជាច្រើនសម្រាប់សាលាឯកជន ទាំងសាលាថ្នាក់ជាតិ និងសាលាអន្តរជាតិផងដែរ ក្រោយពីបានបញ្ចប់ថ្នាក់វិញ្ញាបនបត្រជាន់ខ្ពស់ផ្នែកគ្រប់គ្រងទីផ្សារ នៅសាកលវិទ្យាល័យជាតិគ្រប់គ្រង៕

October 21, 2021

អង់គ្លេស បញ្ជាទិញថ្នាំគ្រាប់ព្យាបាល COVID-19 រាប់សែនឈុត ដើម្បីត្រៀមសម្រាប់រដូវរងា

ប្រទេសអង់គ្លេស បានបញ្ជាទិញថ្នាំប្រឆាំងវីរុស ព្យាបាលជំងឺ COVID-19 ចំនួនរាប់សែនឈុត ដើម្បីត្រៀមសម្រាប់រដូវរងាខាងមុខ។

អាជ្ញាធរអង់គ្លេស សម្រេចបានកិច្ចព្រមព្រៀងទិញថ្នាំ molnupiravir ចំនួន 480,000 ឈុត ពីក្រុមហ៊ុន អាម៉េរិក Merck។ Molnupiravir គឺជាថ្នាំប្រឆាំងវីរុស ដែលត្រូវបានបញ្ជាក់ថា អាចកាត់បន្ថយហានិភ័យនៃការចូលពេទ្យ និងស្លាប់របស់អ្នកជំងឺ COVID-19។ កិច្ចព្រមព្រៀងទីពីរគឺថ្នាំ PF-07321332/ritonavir របស់ Pfizer ចំនួន 250,000 ឈុត។ ថ្នាំ ritonavir ផ្សំជាមួយនឹងថ្នាំគ្រាប់ប្រឆាំងវីរុសមួយប្រភេទទៀង តែងត្រូវបានគេប្រើសម្រាប់ព្យាបាលអ្នកជំងឺ អេដស៍ (AIDS) ឬអ្នកផ្ទុកវីរុស HIV។

បច្ចុប្បន្ន ពុំទាន់មានថ្នាំប្រភេទណាមួយដែលត្រូវបានស្ថាប័នគ្រប់គ្រងឱសថ និងផលិតថែទាំសុខភាព (MHRA) របស់ អង់គ្លេស ធ្វើការអនុម័តនៅឡើយ។ ថ្នាំ PF-07321332/ritonavir របស់ Pfizer ដែលកំពុងស្ថិតក្នុងដំណាក់កាលពិសោធន៍នៅឡើយ ប្រហែលជាត្រូវរង់ចាំរហូតដល់ដើមឆ្នាំ 2022 ខណៈដែល ថ្នាំ molnupiravir តាមគម្រោងនឹងត្រូវបានដឹកទៅដល់ អង់គ្លេស នៅក្នុងខែវិច្ឆិកា។

ក្រុមមន្ត្រីអង់គ្លេស បានឱ្យដឹងថា កិច្ចព្រមព្រៀងខាងលើនេះត្រូវបានធ្វើឡើងដើម្បីទប់ទល់នឹងរលកនៃការឆ្លងរាលដាលខ្លាំងថ្មីដែលអាចកើតឡើងនៅក្នុងរដូវរងាខាងមុខ។

ក្រុមអ្នកឯកទេសផ្នែករោគឆ្លងនៅ ប្រទេសអង់គ្លេស បានស្នើឱ្យរដ្ឋាភិបាលរឹតបន្តឹងសកម្មភាពមួយចំនួនរបស់ពលរដ្ឋដើម្បីទប់ស្កាត់ COVID-19 នៅពេលដែលករណីឆ្លង និងករណីចូលពេទ្យ កើនឡើងខ្ពស់ រួមនឹងការបង្ហាញខ្លួនរបស់វីរុស COVID-19 បំប្លែងខ្លួនថ្មី AY.4.2 ដែលជា «កូនចៅ» របស់ Delta។ ក្រុមវេជ្ជបណ្ឌិតបានព្រមានថា ប្រទេសអង់គ្លេស អាចប្រឈមនឹង «វិបត្តិរដូវរងា» បើសិនជាមិនចាត់វិធានការទប់ស្កាត់ជាមុន។

គិតមកដល់បច្ចុប្បន្ន អង់គ្លេស មានអ្នកឆ្លងវីរុស COVID-19 សរុបចំនួនជិត 8.59 លាននាក់ និងជាង 139,000 នាក់ បានបាត់បង់ជីវិត។ កាលពីម្សិលមិញ ប្រទេសនេះបានរាយការណ៍ថា មានករណីឆ្លងថ្មីចំនួន 49,139 នាក់ និងករណីស្លាប់ថ្មីចំនួន 179 នាក់។

រដ្ឋលេខាធិការក្រសួងសុខាភិបាលអង់គ្លេស លោក Sajid Javid បានព្រមានថា ចំនួនអ្នកឆ្លងប្រចាំថ្ងៃនៅ អង់គ្លេស អាចឡើងដល់ខ្ទង់សែន និងបានអំពាវនាវឱ្យពលរដ្ឋប្រញាប់ទៅទទួលការចាក់វ៉ាក់សាំង៕

October 21, 2021

រាជរដ្ឋាភិបាលសម្រេចបន្តឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ កំឡុងពេលប្រយុទ្ធប្រឆាំងនឹងជំងឺកូវីដ

សេចក្ដីសម្រេចរបស់ក្រសួងសេដ្ឋកិច្ច និងហិរញ្ញវត្ថុ មានខ្លឹមសារថា «កម្មវិធីឧបត្ថម្ភសាច់ប្រាក់នេះនឹងត្រូវបន្តអនុវត្ត សម្រាប់ជុំទី 7 ដែលមានរយៈពេល 03 ខែគឺ ខែតុលា ខែវិច្ឆិកា និងខែធ្នូ ឆ្នាំ 2021។ ការបើកផ្ដល់ប្រាក់ឧបត្ថម្ភ ត្រូវធ្វើឡើងក្នុងសប្ដាហ៍ទី 4 នៃខែនីមួយ។

ព័ត៌មានបន្ថែម សូមអានសេចក្ដីសម្រេចរបស់ក្រសួងសេដ្ឋកិច្ច និងហិរញ្ញវត្ថុ ដែលមានដូចខាងក្រោម៖

October 20, 2021

ខេត្ដកំពង់ធំ ផ្អាកជាបណ្ដោះអាសន្ន ការលក់គ្រឿងស្រវឹង និងក្លឹបកម្សាន្ត ខារ៉ាអូខ ឬម៉ាស្សា ជាបន្តទៀត

(កំពង់ធំ)៖ រដ្ឋបាលខេត្ដកំពង់ធំ បានចេញសេចក្តីសម្រេចបន្តផ្អាកជាបណ្ដោះអាសន្ន ការលក់គ្រឿងស្រវឹងគ្រប់ប្រភេទ ការជួបជុំគ្នាពិសារគ្រឿងស្រវឹង និងសកម្មភាពមុខរបរក្លឹបកម្សាន្ត ខារ៉ាអូខ រង្គសាល ឌីស្កូតក បៀហ្គាឌិន និងហាងម៉ាស្សា រយៈពេល 2 សបា្តហ៍បន្ថែមទៀត រាប់ចាប់ពីថ្ងៃទី 20 ខែតុលា ដល់ថ្ងៃទី 02 ខែវិច្ឆិកា ឆ្នាំ 2021 ដើម្បីទប់ស្កាត់ការឆ្លងរាលដាលនៃជំងឺ COVID-19។

ទន្ទឹមនឹងនេះ រដ្ឋបាលខេត្ដ ក៏ផ្អាកជាបណ្តោះអាសន្នការលក់គ្រឿងស្រវឹងគ្រប់ប្រភេទ នៅតាមផ្សារម៉ាត ភោជនីយដ្ឋាន អាហារដ្ឋាន តូបអាហារ ហាងកាហ្វេ ហាងភេសជ្ជៈ អាជីវកម្មផ្នែកអាហារ-ភេសជ្ជៈ និងដេប៉ូចែកចាយគ្រឿងស្រវឹងនៅទូទាំងខេត្តនេះ។

ជាងនេះ រដ្ឋបាលខេត្តកំពង់ធំ ក៏ផ្អាកជាបណ្តោះអាសន្ននូវការប្រមូលផ្ដុំ ឬការជួបជុំគ្នាទទួលទានគ្រឿងស្រវឹងគ្រប់ប្រភេទ និងការប្រមូលផ្តុំ ឬការជួបជុំគ្នាច្រៀង ឬរាំកម្សាន្ដផងដែរ។

October 20, 2021

20 ចំណុចដែល Ford EcoSport អាចផ្តួលគូប្រកួតប្រជែងបាន

ថ្មីៗនេះយើងសង្កេតឃើញថាទីផ្សាររថយន្ត Mini SUV ឬ Compact SUV កាន់តែមានភាពប្រកួតប្រជែងឡើង ហើយក៏មានម៉ូឌែលរថយន្ត Mini SUV មួយចំនួនទើបតែលេចវត្តមានមកប្រទេសកម្ពុជាដែរ ប៉ុន្តែ Ford EcoSport នៅតែជារថយន្ត Mini SUV ដែលទទួលបានការគាំទ្រខ្លាំងជាងគេដដែល ដោយសារតែរថយន្ត Ford EcoSport មានរូបរាងដ៍រឹងមាំ ផាសុកភាព ប្រព័ន្ធសុវត្ថិភាព និងបច្ចេកវិទ្យាលើសពីដៃគូប្រកួតប្រជែងដែលមានតម្លៃប្រហាក់ប្រហែល។ ពោលគឺ Ford EcoSport នៅជារថយន្ត Mini SUV ដែលអាចឈរជើងយ៉ាងរឹងមាំក្នុងទីផ្សារប្រទេសកម្ពុជា ដែលទទួលបានការទទួលស្គាល់ និងពេញនិយមពីអតិថិជនគ្រប់វ័យតែម្តង។ សម្រាប់អត្ថបទនេះដែរយើងខ្ញុំនឹងលើកយកចំណុចពិសេសទាំង 20 នៃរថយន្ត Ford EcoSport ដែលអាចយកឈ្នះដៃគូប្រកួតប្រជែងបានមកចែកជូនប្រិយមិត្តទាំងអស់គ្នា។

ទំហំនៃរថយន្ត មានប្រិយមិត្តមួយចំនួនបាននិយាយថា រថយន្ដនេះមើលពីក្រៅទៅឃើញដូចជាតូច មិនសូវខ្ពស់នោះទេ។ តែតាមពិតទៅមិនដូច្នោះទេ សម្រាប់ទទឹងរថយន្តមានប្រវែង 1765mm ដែលប្រវែងនេះគឺលើសពីដៃគូប្រកួតប្រជែងបាត់ទៅហើយ រីឯបណ្តោយនៃរថយន្តវិញគឺមានប្រវែងរហូតដល់ទៅ 4325mm ឯណោះ ប៉ុន្តែអ្វីដែលអាចទាក់ចិត្តអតិថិជនខ្លាំងបំផុតនោះគឺ កម្ពស់ខ្ពស់ពីដីនៃរថយន្តនេះរហូតដល់ទៅ 209mm វាពិតជាខ្ពស់ជាងរថយន្ដ Mini SUV ដទៃដែលតែងតែនិយាយថាខ្ពស់ជាង Ford Ecosport ប៉ុន្តែតាមពិតរថយន្ដដទៃទៀតមានកម្ពស់ពីដីត្រឺមតែ 200mm ឬក៏ទាបជាងនេះប៉ុណ្ណោះ ហើយវាក៏ជាចំណុចមួយល្អខ្លាំងក្នុងការបើកបរទាំងផ្លូវខេត្តគឺខ្ពស់ស្រឡះងាយស្រួលមើលផ្លូវខាងមុខ និងនៅក្នុងក្រុងវិញក៏ស្រួលក្នុងការចូលចត ឬឡើងចំណោតខ្ពស់ៗផងដែរ។
ជាចំណុចសំខាន់ដែលលោកអ្នកមិនគួរមើលរំលងនោះគឺ កម្លាំងម៉ាស៊ីន Ford Ecosport មានកម្លាំងម៉ាស៊ីន 1.0L ក៏ពិតមែន ប៉ុន្តែរថយន្ដនេះបំពាក់ជាមួយម៉ាស៊ីនសាំងប្រភេទ EcoBoost ដែលជាម៉ាស៊ីនតែមួយគត់របស់ក្រុមហ៊ុន Ford ដែលផ្ដល់កម្លាំងខ្លាំងមែនទែនគឺអាចផលិតកម្លាំងសេសរហូតទៅដល់ 125PS និងកម្លាំងរមួល 170Nm បើធៀបទៅនឹងក្រុមហ៊ុនរថយន្តមួយចំនួនបានអះអាងថាម៉ាស៊ីន 1.0L របស់ពួកគាត់មានសភាពស្ទុះប៉ុន្តែជាក់ស្តែងកម្លាំងសេះគឺមិនទាន់ដល់ 100 PS នៅឡើយទេ ហើយសម្រាប់រថយន្ដក្រុមហ៊ុនដទៃទម្រាំតែបានកម្លាំង 125PS យ៉ាងហោចណាស់ក៏ម៉ាស៊ីន 2.0L 4 ស៊ីឡាំងដែរ។ ដូច្នេះការបើកបរក្នុងល្បឿនលឿនគឺមានភាពស្ទុះ និងរលូនប៉ុន្តែចំពោះរថយន្ដរបស់ក្រុមហ៊ុនដទៃដែលមានកម្លាំងម៉ាស៊ីន1.0Lដូចគ្នានេះ គឺថាពេលដែលជាន់ហ្គ៊ែរទៅគឺស្ទក់ មិនsmoothដូច Ford Ecosport នោះទេ ហើយថែមទាំងមានសម្លេងរំខានពីម៉ាស៊ីនទៀត។ មិនតែប៉ុណ្ណោះ Ford EcoSport ថែមទាំងគិតគូដល់បរិស្ថានផងដែរដែលបានបំពាក់មកជាមួយនឹងប្រព័ន្ធកាត់បន្ថយផ្សែងពុល (Emissions System) ដែលវាជាបំពង់ចម្រោះនៅលើកស៊ីម៉ាំងដែលអាចកាត់បន្ថយផ្សែងពុលចេញពីរថយន្តទៅបរិស្ថាន។
ជាចំណុចដ៏សាមញ្ញមួយប៉ុន្តែបែរជារថយន្តដៃគូប្រកួតប្រជែងមិនមានបំពាក់ទៅវិញ នោះគឺ ផ្លិតទឹកអូតូ ដែលវានឹងដំណើរការពេលមានទឹកសាច ឬភ្លៀង។
ចូលមកដល់ការរចនារូបរាងផ្នែកខាងក្នុងដ៏មានផាសុកភាព អ្វីដែលគួរឲ្យចាប់អារម្មណ៍នោះគឺដំបូលផ្នែកខាងលើស្រលះ ធំ បើប្រៀបធៀបជាមួយរថយន្ដដទៃពេលយើងចូលមកដល់ផ្នែកខាងក្នុងគឺមិនធំស្រលះដូចទៅរថយន្ដ Ford Ecosport ទេ គឺដំបូលផ្នែកខាងលើរបស់ Ford EcoSport មានលក្ខណៈទូលាយស្រឡះល្អ ដែលងាយស្រួលក្នុងការចេញចូលរថយន្ត ការបើកបរផ្លូវជិតផ្លូវឆ្ងាយ បូករួមជាមួយនឹងតាបឡូស្បែកធំទូលាយ ធ្វើឲ្យអ្នកបើកបរ និងអ្នកអមដំណើរមានផាសុកភាព និងមិនងាយពុលឡាននោះទេ។
ការប្រើប្រាស់ស្បែកទន់បែបប្រណិតនៅលើកៅអី ដែលមានជម្រើស 2 ពណ៍ដូចជាពណ៍ទឹកដោះគោ និងពណ៍ខ្មៅ។ កៅអីរបស់រថយន្ដនេះគឺប្រណិត និងមានផាសុកភាពមែនទែន។ ចំពោះរថយន្ដមួយចំនួនគឺកៅអីរបស់គេមិនធ្វើអំពីស្បែកនោះទេ គឺធ្វើអំពីក្រណាត់ពូកធម្មតាដែលងាយនឹងជក់ទឹក ឬបែកញើសពេលយើងបើកបរយូរ ហើយធ្វើឲ្យមានក្លិនមិនល្អថែមទៀតផង តែដោយឡែក Ford EcoSport កៅអីធ្វើឡើងពីស្បែកសុទ្ធដែលធ្វើឲ្យការបើកបរមានផាសុកភាព។
តាបឡូស្បែកដែលខុសពីរថយន្ដដទៃដែលតាបឡូធ្វើឡើងពីជ័រដែលងាយនឹងប្រេះពេលត្រូវថ្ងៃក្ដៅខ្លាំង ដូច្នេះចំពោះតាបឡូស្បែករបស់រថយន្ដមួយនេះលោកអ្នកអស់បារម្មណ៍ជាមួយនឹងបញ្ហាដូចរថយន្ដ SUV ដទៃដែលមានតម្លៃប្រហាក់ប្រហែលហើយ។
កញ្ចក់មើលក្រោយ គឺពិសេសអាចកាត់ចំណាំងផ្លាតបាន ដូច្នេះវាពិតជាជួយសម្រួលដល់ការបើកបរលោកអ្នកបានច្រើនមែនទែនគឺមិនចាំងភ្នែកខ្លាំងទោះបីជារថយន្តក្រោយបើកភ្លើងខ្លាំង ឬបើកភ្លើងហ្វាក៏ដោយ ចង់បញ្ជាក់ថាចំណុចនេះក៏រថយន្តដៃគូប្រកួតប្រជែងមិនមានបំពាក់ជូនដែរ
ចង្កូតបូមអេឡិចត្រូនិច (EPAS) លោកអ្នកច្បាស់ជាធ្លាប់បើកបររថយន្ដដែលមានដៃចង្កូតតឹង និងប្រើកម្លាំងខ្លាំងពេលលោកអ្នកបើកបរ ប៉ុន្តែដោយសារ Ford Ecosport បំពាក់ជាមួយចង្កូចបូមអេឡិចត្រូនិច ដែលផ្ដល់ភាពងាយស្រួលក្នុងការបើកបរដែលសម្រាប់ផ្លូវក្នុងក្រុងវាមានលក្ខណៈងាយស្រួលបត់បែន ជាពិសេសសម្រាប់មិត្តៗនារីតែម្តង រីឯផ្លូវខេត្ត ឬបើកបរល្បឿនលឿនវានឹងជួយបន្តឹងដើម្បីឲ្យរថយន្តមានលំនឹងបន្ថែមទៀត។
អេក្រង់ Touch Screen ទំហំ 8 អ៊ីញដែលផ្តល់នូវរូបភាពរស់រវើកច្បាស់ល្អ និងងាយស្រួលចុចគឺគ្រាន់តែយកម្រាមទៅចុចអូស ដូចទូរស័ព្ទ Smart Phone យើងអញ្ចឹង ដែលខុសពីរថយន្តដៃគូប្រកួតប្រជែងគឺ Touch Screen ផ្តល់រូបភាពមិនច្បាស់ ព្រិលៗ ហើយទាល់តែយកដៃទៅសង្កត់ទើបអាចចាប់យកចំណុចដែលយើងចង់បាន និយាយរួមគឺដូច Touch Screen ទូរស័ព្ទចាស់ៗជំនាន់មុនអញ្ចឹង។ ជាពិសេសនោះគឺមានបំពាក់មកជាមួយ SYNC 3 ជំនាន់ថ្មី ដែលមានមុខងារ Apple CarPlay, Android Auto និង Google Map ហើយងាយស្រួលភ្ជាប់ខ្លាំងមែនទែនគ្រាន់តែយកខ្សែសាកទូរស័ព្ទមកដោតជាមួយនឹងរថយន្ត USB នេះវានឹងស្គាល់ភ្លាមតែម្តង។
បំពាក់មកជាមួយកាមេរ៉ាដែលមានខ្សែគំនូស ពណ៍សរេតាមចង្កូត និងអាចពង្រីកបង្រួមបាន ដែលផ្តល់ជូននូវរូបភាពច្បាស់ត្រជាក់ភ្នែក ដែលខុសពីរថយន្តដៃគូប្រកូតប្រជែងដែលមិនមានខ្សែគំនូសរេតាមចង្កូត និងមិនអាច Zoom បានទៀត រីឯរូបភាពក៏មិនសូវច្បាស់ដែរ
សេនសឺជុំវិញរហូតដល់ទៅ 8 គ្រាប់ឯណោះ គឺ 4 ផ្នែកខាងមុខ និង 4 ផ្នែកខាងក្រោយ ដែលក្រុមហ៊ុនរថយន្ដមួយចំនួនមានត្រឹមតែ 4 គ្រាប់ប៉ុណ្ណោះ។ ជាពិសេសនោះគឺវាលោតបង្ហាញនៅលើអេក្រង់ Touch Screen នេះផ្ទាល់តែម្តង ដែលវាលោតចេញជា 3 ពណ៍គឺពណ៍បៃតង ទឹកក្រូច និងពណ៍ក្រហមនៅពេលដែលឧបសគ្គកាន់តែគៀក ដែលនេះប្រៀបដូចជាវិញ្ញាណអញ្ចឹង គឺខុសពីរថយន្តដៃគូប្រកួតប្រជែងគឺបានត្រឹមលោតនៅលើកុងទ័រ ហើយចាប់យកឧបសគ្គ និងបង្ហាញទិន្នន័យមិនល្អដូច Ford EcoSport ទេ។
មានកន្លែងផ្ទុកសម្ភារៈរហូត 25 កន្លែង ដែលយើងឃើញសូម្បីតែនៅក្រោមតាបឡូនេះក៏អាចដាក់បាន និងកន្លែងដែលអតិថិជនមួយចំនួនមិនបានដឹងនោះគឺ ក្រោមកៅអីអ្នកអង្គុយផ្នែកខាងមុខក៏អាចដាក់អីវ៉ាន់បានដែរ។
ឃ្លុបខាងក្រោយធំទូលាយអាចផ្ទុកអីវ៉ាន់បានច្រើន លើសពីនេះទៅទៀត កៅអីជួរទីពីរអាចបត់បានផងដែរ ងាយស្រួលផ្ទុកសម្ភារៈបានកាន់តែច្រើន ដែលរថយន្ដដទៃមានទំហំប៉ុនគ្នាមិនអាចបត់បាននោះទេ ម្យ៉ាងទៀតកន្លែងដាក់សម្ភារៈក៏មិនធំទូលាយដូច Ford EcoSport ដែរ
ទម្រដាក់អីវ៉ាន់ផ្នែកខាងក្រោយមានភាពរឹងមាំអាចផ្ទុកអីវ៉ាន់បានច្រើន មិនដូចរថយន្តដៃគូប្រកួតប្រជែងនោះទេដែលប្រើប្រាស់ជាប្រភេទសាច់ក្រណាត់ធម្មតា និងទន់ខ្លាំង មិនអាចផ្ទុកអីវ៉ាន់បាន។
បំពាក់ជូននូវពោងសុវត្ថិភាពចំនួន 6 គ្រាប់ដែលសងខាងជាប្រភេទវាំងននវែងពីមុខដល់ក្រោយ ជាក់ស្តែងវាមានដល់ទៅ 8 គ្រាប់ឯណោះតែសម្រាប់ភាសាបច្ចេកទេសគឺរាប់តែ 6 ទេ ដែលសងខាងជាប្រភេទវាំងនននេះគឺរាប់តែម្ខាង 1 តែដៃគូប្រកួតប្រជែងរាប់ម្ខាង 2។
កាន់តែផ្តល់សុវត្ថិភាពបន្ថែមជូនដល់អតិថិជននោះគឺស្ទើរគ្រប់ម៉ូឌែលនៃរថយន្ត Ford សុទ្ធតែបានបំពាក់មកជាមួយនឹងដែកថែបដែលបង្កប់ក្នុងទា្វរ (Side Impact Beam Bar) ដែលអាចការពារលោកអ្នកពីការប៉ះទង្គិចផ្សេងៗបានយ៉ាងល្អ។
ល្បឿននៃរថយន្តនេះវិញគឹថារថយន្ដនេះពិតជាស្ទុះមែនទែន ដោយគ្រាន់តែយកជើងគងទៅលើហ្គ៊ែរបន្តិចទេ មិនចាំបាច់ខំជាន់បង្ខំ។ ដូច្នេះវាពិតជាងាយស្រួលសម្រាប់លោកអ្នកក្នុងការបើកបរផ្លូវលាត ជាពិសេសសម្រាប់ការជែង ដោយសាររថយន្ដនេះពិតជាមានលំនឹង និងស្ងាត់ល្អ។
បន្ថែមពីនេះទៅទៀតរថយន្ដនេះក៏មាននូវប្រព័ន្ធគ្រប់គ្រងសីតុណ្ហភាពដោយស្វ័យប្រវត្ត ដែលលោតចេញជាសីតុណ្ភភាពអង់ហ្សាសេ (OC) ច្បាស់ៗងាយស្រួលសារេដែលធ្វើឲ្យកាន់តែមានផាសុកភាពពេលបើកបរ
ប្រព័ន្ធហ្វ្រាំង ABS, EBD និងប្រព័ន្ធទប់លំនឹងរថយន្ដពេលបើកបរលើផ្លូវកោងរអិល និងបញ្ចៀសការក្រឡាប់
ប្រព័ន្ធទប់លំនឹងពេលឡើងចំណោត ដែលជួយទប់លំនឹងរថយន្តលោកអ្នកកុំឲ្យរអិលថយក្រោយពេលឈប់នៅទីខ្ពស់ និងចោត ដែលទាំងនេះសុទ្ធសឹងតែជាបច្ចេកវិទ្យាទំនើបដែលអាចជួយសម្រួលដល់ការបើកបររបស់លោកអ្នក។ជាសរុបមកវិញរថយន្ត Ford EcoSport នៅតែនាំមុខគេក្នុងទីផ្សាររថយន្ត Mini SUV ក្នុងប្រទេសកម្ពុជាដោយសារតែវាមានចំណុចពិសេសទាំង 20 នេះលើសពីរថយន្តដែលជាដៃគូប្រកួតប្រជែង ដូច្នេះលោកអ្នកគួរពិចារណាជាមួយនឹងរថយន្ត Ford EcoSport នេះដែលមានសមត្ថភាពលើសគេ ប្រព័ន្ធសុវត្ថិភាព និងបច្ចេកវិទ្យាដែលអាចជួយសម្រួលដល់ការប្រើប្រាស់ប្រចាំថ្ងៃបានយ៉ាងល្អ។ សម្រាប់តម្លៃវិញត្រឹមតែជាង 2ម៉ឺនដុល្លាតែប៉ុណ្ណោះ សម្រាប់ការបង់ប្រាក់អាចធ្វើបានតាមរយៈសាច់ប្រាក់ ឬការបង់រំលស់ដែលមានអត្រាការប្រាក់ទាបជាងគេគឺលោកអ្នកអាចបង់ប្រចាំខែត្រឹមតែ $197 ក្នុងមួយខែ ឬបង់ប្រាក់កក់ដំបូងត្រឹមតែ $5,580 តែប៉ុណ្ណោះជាមួយនឹងលក្ខខណ្ឌនៃការបង់រំលស់ងាយៗ និងការអនុម័តឆាប់រហ័សត្រឹមតែ 2-3 ថ្ងៃលោកអ្នកអាចយករថយន្តថ្មីទៅប្រើប្រាស់បាន តាមតម្រូវការ។ ជាពិសេសនោះគឺរថយន្តមាននៅក្នុងស្តុកស្រាប់ ទិញភ្លាមទទួលបានរថយន្តភ្លាម មិនចាំបាច់រង់ចាំយូរដូចក្រុមហ៊ុនដទៃដែលចាំរហូតដល់ទៅជាងកន្លះឆ្នាំ ឬមួយឆ្នាំនោះទេ។ជាមួយនឹងជម្រើស 7 ពណ៍ដូចជា៖ ស ខ្មៅ ខៀវ ក្រហម ទឹកប្រាក់ ទឹកក្រូចក្រម៉ៅ និងប្រផេះ។ រថយន្ត Ford EcoSport ត្រូវបានដាក់តាំងនៅគ្រប់អគារតាំងបង្ហាញរថយន្ត Ford ដូច្នេះបើលោកអ្នកចង់ជ្រាបច្បាស់បន្ថែមសូមអញ្ជើញមកសាកសួរព័ត៍មានក៏ដូចជា បើកបរសាកល្បងជាមួយរថយន្តនេះនៅតាមបណ្តាអគារតាំងបង្ហាញរថយន្ត Ford គ្រប់សាខាដូចខាងក្រោម៖

អគារតាំងបង្ហាញរថយន្ត Ford សាខាព្រះមុនីវង្ស ដែលស្ថិតនៅអគារលេខ 444 ផ្លួវព្រះមុនីវង្ស ជាប់ទូតវៀតណាម លេខទូរស័ព្ទទំនាក់ទំនង៖ 078 999 773
អគារតាំងបង្ហាញរថយន្ត Ford សាខាទឹកថ្លា ដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 095 939 939
អគារតាំងបង្ហាញរថយន្ត Ford សាខាទួលសង្កែ ដែលស្ថិតនៅលើផ្លូវ 105 ជិតផ្សារសាំហាន់ លេខទូរស័ព្ទទំនាក់ទំនង៖ 078 935 935
អគារតាំងបង្ហាញរថយន្ត Ford សាខាខេត្តសៀមរាប ដែលស្ថិតនៅអគារលេខ 593 តាមបណ្តោយផ្លូវជាតិលេខ 6A លេខទូរស័ព្ទទំនាក់ទំនង៖ 077 666 357
អគារតាំងបង្ហាញរថយន្ត Ford សាខាខេត្តកំពង់ចាម ដែលស្ថិតនៅអគារលេខ 940 តាមបណ្តោយផ្លូវជាតិលេខ 7 ភូមិបឹងស្នាយ សង្កាត់សំបួរមាស ក្រុងកំពង់ចាម លេខទូរស័ព្ទទំនាក់ទំនង៖ 078 999 883។

October 20, 2021

Author: សឿន សំណាង