កម្ពុជា រកឃើញអ្នកឆ្លងថ្មី ១២ នាក់ទៀត និងជាសះស្បើយ ១៣ នាក់ ខណៈអ្នកស្លាប់ មានចំនួន ៣ នាក់ ក្នុងអំឡុង ២៤ ម៉ោង នៃថ្ងៃទី ៨ ធ្នូ ២០២១។
Author: សឿន សំណាង
ថ្នាំអង់ទីប៊ីយោទិច សម្រាប់ការព្យាបាលជំងឺកូវីដ-១៩ របស់ក្រុមហ៊ុន Brii Biosciences ទទួលបាន «ភ្លើងខៀវ» ពី ប្រទេសចិន
កាលពីថ្ងៃទី ៨ ធ្នូ អាជ្ញាធរគ្រប់គ្រងឱសថជាតិ NMPA របស់ ប្រទេសចិន ប្រកាសថា បានផ្ដល់ការអនុញ្ញាតឱ្យប្រើប្រាស់ថ្នាំ អង់ទីប៊ីយោទិច របស់ក្រុមហ៊ុនបច្ចេកវិទ្យាជីវសាស្ត្រ Brii Biosciences នៅក្នុងការព្យាបាលជំងឺកូវីដ-១។ នេះគឺជាថ្នាំព្យាបាលជំងឺ កូវីដ-១៩ ដំបូងគេដែលទទួលបាន «សញ្ញាភ្លើងខៀវ» នៅប្រទេសនេះ។
ថ្នាំខាងលើនេះ នឹងត្រូវបានប្រើប្រាស់ដើម្បីព្យាបាលអ្នកជំងឺដែលមានអាការស្រាល និងមធ្យម ប៉ុន្តែមានហានិភ័យចូលពេទ្យខ្ពស់។ ថ្នាំអង់ទីប៊ីយោទិច របស់ Brii Biosciences អាចព្យាបាលទាំងអ្នកជំងឺពេញវ័យ ទាំងអ្នកជំងឺដែលមានអាយុចាប់ពី ១២ ដល់ ១៧ ឆ្នាំ។
កាលពីខែតុលាកន្លងទៅ ក្រុមហ៊ុន Brii Biosciences ឱ្យដឹងថា ក្នុងការពិសោធលើមនុស្សដំណាក់កាលទី ៣ ថ្នាំនេះមានប្រសិទ្ធភាពខ្ពស់ ដោយបានជួយកាត់បន្ថយអត្រាចូលពេទ្យ និងស្លាប់រហូតដល់ ៧៨% នៅលើក្រុមដែលមានហានិភ័យខ្ពស់។ លទ្ធផលនេះត្រូវបានលើកឡើងដោយយោងទៅលើការសិក្សាស្រាវជ្រាវនៅក្នុងប្រទេសចំនួន ៦ នៃទ្វីបចំនួន ៤ និងនៅឯមូលដ្ឋានស្រាវជ្រាវចំនួន ១១១ កន្លែង ក្នុងពេលពិភពលោក បានរកឃើញ វ៉ារ្យ៉ង់ ថ្មី ច្រើនប្រភេទ របស់ វីរុសកូវីដ-១៩ (SARS-CoV-2)។
ថ្នាំខាងលើនេះ ត្រូវបានក្រុមហ៊ុន Brii Biosciences សហការអភិវឌ្ឍជាមួយក្រុមស្រាវជ្រាវរបស់សាស្ត្រាចារ្យ Zhang Linqi នៃសាកលវិទ្យាល័យ Tsinghua, មន្ទីរពេទ្យប្រជាជនលេខ៣ ដែលស្ថិតក្នុងទីក្រុង Shenzhen នៃខេត្តក្វាងទុង។ ចាប់ពីថ្ងៃទី ៥ វិច្ឆិកា ថ្នាំនេះត្រូវបានប្រើប្រាស់សម្រាប់ព្យាបាលអ្នកជំងឺចំនួនជិត ៧០០ នាក់រួចមកហើយ នៅក្នុងក្របខណ្ឌបន្ទាន់។
បច្ចុប្បន្ន ក្រុមហ៊ុន Brii Biosciences កំពុងដាក់ពាក្យស្នើសុំការអនុម័តឱ្យប្រើប្រាស់បន្ទាន់ចំពោះថ្នាំនេះ នៅ សហរដ្ឋអាម៉េរិក៕
មហាសេដ្ឋី Bill Gates ព្យាករអំពីដំណាក់កាលបញ្ចប់របស់ជំងឺរាតត្បាតសកលកូវីដ-១៩
មហាសេដ្ឋីអាម៉េរិក លោក Bill Gates បានធ្វើការព្យាករអំពីដំណាក់កាលដែលជំងឺរាតត្បាតសកលកូវីដ-១៩ ត្រូវបានបញ្ចប់ នៅក្នុងគ្រាដែលពិភពលោកកំពុងព្រួយបារម្ភចំពោះវត្តមានរបស់ កូវីដ-១៩ ប្រភេទ អូមីក្រុង (Omicron)។
យោងតាមទូរទស្សន៍ RT (រុស្ស៊ី) នៅលើទំព័រប្លក់ផ្ទាល់ខ្លួន មហាសេដ្ឋី Bill Gates ព្យាករថា «ដំណាក់កាលស្រួចស្រាវ» របស់ជំងឺរាតត្បាតសកលកូវីដ-១៩ នឹងបញ្ចប់នៅក្នុងឆ្នាំ ២០២។
លោក Bill Gates ទទួលស្គាល់ថា បើទោះជាវ៉ាក់សាំងបង្ការជំងឺកូវីដ-១៩ ត្រូវបានផ្គត់ផ្គង់ពាសពេញពិភពលោក ប៉ុន្តែ ឆ្នាំ ២០២១ នៅតែមានអ្នកស្លាប់ច្រើនជាងឆ្នាំ ២០២។ លោកបន្តថា ជំងឺរាតត្បាតសកលនេះមិនបានបញ្ចប់ក្នុងរយៈពេលខ្លីដូចលោកបានរំពឹងកាលពីដំបូង ដោយសារតែវត្តមានរបស់ វ៉ារ្យ៉ង់ដេលតា (Delta) និងការដែលប្រទេសជាច្រើនបានបរាជ័យក្នុងការបញ្ចុះបញ្ចូលឱ្យពលរដ្ឋទៅចាក់វ៉ាក់សាំង។
មហាសេដ្ឋីរូបនេះរៀបរាប់ថា៖ «ខ្ញុំបានវាយតម្លៃទាបទៅលើឧបសគ្គក្នុងការបញ្ចុះបញ្ចូលឱ្យគ្រប់គ្នាទៅទទួលការចាក់វ៉ាក់សាំង និងបន្តពាក់ម៉ាស»។
លោក Gates បានវាយតម្លៃទៅលើវីរុសបំប្លែងខ្លួនថ្មី អូមីក្រុង ថា «គួរឱ្យព្រួយបារម្ភ» ប៉ុន្តែ លោកបានឱ្យដឹងថា ពិភពលោក «ត្រៀមខ្លួនបានល្អជាង ធៀបនឹងពេលកន្លង នៅក្នុងការទប់ទល់នឹង វ៉ារ្យ៉ង់ ថ្មីនានា នៅអនគត ដែលបង្កប់ដោយហានិភ័យ។ ជាមួយនឹងល្បឿននៃការរកឃើញ វ៉ារ្យ៉ង់ ថ្មី ដូចបច្ចុប្បន្ន រួមនឹងការអភិវឌ្ឍវ៉ាក់សាំង និងថ្នាំព្យាបាល លោក Gates សង្ឃឹមថា «ជំងឺរាតត្បាតសកល» កូវីដ-១៩ នឹងក្លាយជា «ជំងឺរាតត្បាតតាមតំបន់» នៅក្នុងឆ្នាំ ២០២។
លោកក៏បានបន្ថែមថា ក្រុមអ្នកវិទ្យាសាស្ត្រ ក្នុងនោះមានទាំងក្រុមស្រាវជ្រាវដែលទទួលបានជំនួយរបស់មូលនិធិ Bill & Melinda Gates ក៏កំពុងប្រឹងប្រែងវិភាគលើ វ៉ារ្យ៉ង់អូមីក្រុង ហើយបើគម្រោង ពួកគេនឹងរកឃើញព័ត៌មានជាច្រើនបន្ថែមទៀតស្ដីពីវីរុសបំប្លែងខ្លួនថ្មីមួយនេះ៕
ធ្លាក់ឧទ្ធម្ភាគចក្រយោធានៅ ប្រទេសប៉េរូ! មនុស្ស ៥ នាក់ ត្រូវបាត់បង់ជីវិត
កាលពីថ្ងៃទី ៨ ធ្នូ ក្រសួងការពារជាតិប៉េរូ បានបញ្ជាក់ថា មានមនុស្សចំនួន ៥ នាក់ បានស្លាប់ បន្ទាប់ពីឧទ្ធម្ភាគចក្រមួយគ្រឿងរបស់ទ័ពអាកាសប្រទេសនេះ បានធ្លាក់នៅពេលកំពុងបំពេញបេសកកម្មមនុស្សធម៌។
យោងតាមប្រភពព័ត៌មានរបស់ ANews អ្នកនាំពាក្យរបស់ក្រសួងការពារជាតិប៉េរូ ឱ្យដឹងថា កម្លាំងជួយសង្គ្រោះបន្ទាន់បានទៅដល់កន្លែងកើតហេតុ ក្រោយពីបានរកឃើញឧទ្ធម្ភាគចក្រដែលត្រូវបានគេរាយការណ៍ថា បានបាត់ខ្លួនមុននោះមួយថ្ងៃ។ អ្នកនាំពាក្យរូបនេះបន្តថា មន្ត្រីយោធាចំនួន ៥ រូប ក្នុងនោះមានទាំងមេបញ្ជាការម្នាក់ និងប្រធានក្រុមហោះហើរ ២ នាក់ នៃកងទ័ពអាកាសរបស់ ប្រទេសប៉េរូ បានបាត់បង់ជីវិត។
ឧទ្ធម្ភាគចក្រ MI-171SH ដែលផលិតដោយ រុស្ស៊ី ត្រូវបានរាយការណ៍ថា បានបាត់ខ្លួន មួយម៉ោងក្រោយពីការហោះហើរពីរដ្ឋធានី លីម៉ា (Lima) ក្នុងបេសកកម្មដឹកជំនួយផ្នែកមនុស្សធម៌ទៅកាន់តំបន់ព្រៃជ្រៅ។
ឧទ្ធម្ភាគចក្រនេះ ក្រោយមកក៏ត្រូវបានរកឃើញនៅក្នុងតំបន់ ហួរ៉ូជីរី (Huarochiri) ដែលមានចម្ងាយ ពី លីម៉ា ជិត ២០០ គីឡូម៉ែត្រ ទៅទិសខាងកើត។គិតចាប់ពីដើមឆ្នាំដល់បច្ចុប្បន្ន ករណីធ្លាក់ឧទ្ធម្ភាគចក្រយោធានៅ ប្រទេសប៉េរូ កើតមានចំនួន ៣ ករណីមកហើយ ក្នុងនោះមាន ១ ករណីនៅក្នុងខែមេសា ដែលបានបណ្ដាលឱ្យទាហាន ៧ នាក់ស្លាប់ និង ១ ករណីនៅក្នុងខែឧសភា បានសម្លាប់មនុស្ស ៥ នាក់៕
(វីដេអូ)-ធ្លាក់ឧទ្ធម្ភាគចក្រនៅ ឥណ្ឌា! អគ្គមេបញ្ជាការកងទ័ព និងភរិយា បាត់បង់ជីវិត
ប្រជាជនជាច្រើននាក់នៅក្នុងរដ្ឋ Tamil Nadu មានការភ្ញាក់ផ្អើលជាខ្លាំងនៅពេលបានឃើញឧទ្ធម្ភាគចក្រដឹកមន្ត្រីជាន់ខ្ពស់យោធារបស់ ឥណ្ឌា ហោះទៅបុកដើមឈើពេញមួយទំហឹង បណ្ដាលឱ្យឆេះយ៉ាងសន្ធោសន្ធៅ។
«ដំបូង ខ្ញុំឮសំឡេងផ្ទុះយ៉ាងធំ។ ពេលរត់ទៅមើល ទើបឃើញថា ឧទ្ធម្ភាគចក្រមួយគ្រឿងបានបុកដើមឈើ។ ហេតុការណ៍នេះបង្កើតបានជាដុំភ្លើងដ៏ធំ ហើយឧទ្ធម្ភាគចក្រក៏បន្តហោះទៅបុកដើមឈើមួយដើមផ្សេងទៀត។ ខ្ញុំឃើញមនុស្សពី ២ ទៅ ៣ នាក់ ស្ទុះចេញពីឧទ្ធម្ភាគចក្រ ខ្លួនពួកគេរលាកភ្លើងយ៉ាងធ្ងន់ធ្ងរ ហើយក៏ដួលទៅលើដី» ពលរដ្ឋម្នាក់នៅក្បែរកន្លែងកើតហេតុ រៀបរាប់ដូច្នេះ។
ពលរដ្ឋម្នាក់ទៀតនិយាយថា ក្នុងពេលមានហេតុការណ៍ ផ្ទៃមេឃងងឹត ប្រហែលជាដោយសារផ្សែងបាញ់ចេញពីឧទ្ធម្ភាគចក្រដែលបានធ្លាក់។ គាត់បានទៅដល់កន្លែងកើតហេតុ ហើយឃើញថា ឧទ្ធម្ភាគចក្រត្រូវដាំក្បាលចុះ និងកំពុងឆាបឆេះ។
អគ្គមេបញ្ជាការកងទ័ពជាតិឥណ្ឌា លោក Bipin Rawat «ខ្ញុំបានជួយដល់ក្រុមពន្លត់អគ្គិស័យ។ ក្រៅពីមនុស្សម្នាក់ អ្នកផ្សេងទៀតទំនងជាត្រូវបានរំដោះចេញមកក្រៅក្នុងស្ថានភាពបាត់បង់ជីវិត។ អ្នកដែលនៅរស់ ក៏ត្រូវបានបញ្ជូនទៅកាន់មន្ទីរពេទ្យជាបន្ទាន់» Prakash ដែលជាពលរដ្ឋម្នាក់នៅក្នុងភូមិ Burliyar បានរៀបរាប់អំពីស្ថានភាពនៃឧបទ្ទវហេតុដែលមានចម្ងាយប្រហែល ២០០ ម៉ែត្រ ពីផ្ទះរបស់គាត់។
ឧទ្ធម្ភាគចក្រប្រភេទ Mi-17V5 បានជួបគ្រោះថ្នាក់នៅពេលកំពុងហោះហើរពីមូលដ្ឋានទ័ពអាកាស Sulur ស្ថិតនៅក្នុងស្រុក Coimbatore ឆ្ពោះទៅកាន់ការិយាល័យការពារជាតិនៅក្នុងទីរួមស្រុក Wellington របស់ស្រុក Nilgiris។
ឧត្តមសេនីយផ្កាយមាស ៤ របស់ ឥណ្ឌា លោក Bipin Singh Rawat និងភរិយា លោកស្រី Madhulika Rawat គ្រោះថ្នាក់នេះបានបណ្ដាលឱ្យអគ្គមេបញ្ជាការកងទ័ពជាតិឥណ្ឌា លោក Bipin Rawat និងភរិយារបស់លោក រួមនឹងមន្ត្រីយោធា ១១ នាក់ផ្សេងទៀត បាត់បង់ជីវិត។
យោងតាមព័ត៌មានបឋម គ្រោះថ្នាក់ធ្លាក់ឧទ្ធម្ភាគចក្រនេះ កើតឡើងដោយសារមេឃចុះអ័ព្ទខ្លាំង និងកំពុងត្រូវបានបន្តស៊ើបអង្កេត។
កំពូលស្ត្រីមួយចំនួន នៅក្នុងបញ្ជីឈ្មោះ «ស្ត្រីដែលមានអំណាចបំផុតក្នុងពិភពលោក នាឆ្នាំ ២០២១»
កាលពីថ្ងៃទី ៧ ធ្នូ ទស្សនាវដ្ដី Forbes របស់ សហរដ្ឋអាម៉េរិក បានប្រកាសបង្ហាញបញ្ជីឈ្មោះប្រចាំឆ្នាំស្ដីពីស្ត្រី ១០០ រូប ដែលមានអំណាចបំផុតលើពិភពលោក។ ក្នុងបញ្ជីឈ្មោះនោះ រួមមានទាំង CEO, អ្នកជំនួញ, ថ្នាក់ដឹកនាំប្រទេស, សប្បុរសជន។ល។
មហាសេដ្ឋិនី MacKenzie Scott បានចូលមកគ្រប់គ្រង «តំណែង» ស្ត្រីដែលមានអំណាចជាងគេក្នុងពិភពលោក ជំនួសអតីតអធិការបតីអាល្លឺម៉ង់ លោកស្រី Angela Merkel នៅក្នុងបញ្ជីរបស់ទស្សនាវដ្ដី Forbes។ ខាងក្រោមនេះគឺជាបញ្ជីឈ្មោះស្ត្រីមួយចំនួនដែលមានអំណាចបំផុតក្នុងពិភពលោក និងត្រូវបានគេស្គាល់ច្រើន៖
១-លោកស្រី MacKenzie Scott
-អតីតភរិយារបស់ស្ថាបនិកក្រុមហ៊ុន Amazon លោក Jeff Bezos
-ទ្រព្យបច្ចុប្បន្ន៖ ៥៩.២ ពាន់លានដុល្លារអាម៉េរិក
-ចំណាត់ថ្នាក់ក្នុងបញ្ជី៖ ១២-លោកស្រី Melinda French Gates
-សហប្រធាននៃមូលនិធិ Bill & Melinda Gates Foundation
-ទ្រព្យបច្ចុប្បន្ន៖ ៦.១ ពាន់លានដុល្លារ
-ចំណាត់ថ្នាក់ក្នុងបញ្ជី៖ ៥៣-លោកស្រី Abigail Johnson
-CEO របស់ Fidelity Investments
-ទ្រព្យបច្ចុប្បន្ន៖ ២៥ ពាន់លានដុល្លារអាម៉េរិក
-ចំណាត់ថ្នាក់ក្នុងបញ្ជី៖ ៦៤-លោកស្រី Safra Catz
-CEO របស់ Oracle
-ទ្រព្យបច្ចុប្បន្ន៖ ១.៧ ពាន់លានដុល្លារអាម៉េរិក
-ចំណាត់ថ្នាក់ក្នុងបញ្ជី៖ ១៩៥-លោកស្រី Oprah Winfrey
-ផលិតការិនីទូរទស្សន៍
-ទ្រព្យបច្ចុប្បន្ន៖ ២.៦ ពាន់លានដុល្លារអាម៉េរិក
-ចំណាត់ថ្នាក់ក្នុងបញ្ជី៖ ២៣៦-លោកស្រី Laurence Powell Jobs
-ស្ថាបនិក និងជាប្រធានក្រុមហ៊ុន Emerson Collective
-ទ្រព្យបច្ចុប្បន្ន៖ ១៧.១ ពាន់លានដុល្លារអាម៉េរិក
-ចំណាត់ថ្នាក់ក្នុងបញ្ជី៖ ៣២៧-លោកស្រី Sheryl Sandberg
-COO របស់ Facebook
-ទ្រព្យបច្ចុប្បន្ន៖ ១.៨ ពាន់លានដុល្លារអាម៉េរិក
-ចំណាត់ថ្នាក់ក្នុងបញ្ជី៖ ៣៦៨-លោកស្រី Gina Rinehart
-ប្រធានក្រុមហ៊ុន Hancock Prospecting
-ទ្រព្យបច្ចុប្បន្ន៖ 2២១.៦ ពាន់លានដុល្លារអាម៉េរិក
-ចំណាត់ថ្នាក់ក្នុងបញ្ជី៖ ៤៤៩-លោកស្រី Judy Faulkner
-ស្ថាបនិក និងជា CEO របស់ Epic Systems
-ទ្រព្យបច្ចុប្បន្ន៖ ៦.៤ ពាន់លានដុល្លារអាម៉េរិក
-ចំណាត់ថ្នាក់ក្នុងបញ្ជី៖ ៦៤១០-តារាចម្រៀង Rihanna (Robyn Fenty)
-ស្ថាបនិករបស់ Fenty Beauty
-ទ្រព្យបច្ចុប្បន្ន៖ ១.៧ ពាន់លានដុល្លារអាម៉េរិក
-ចំណាត់ថ្នាក់ក្នុងបញ្ជី៖ ៦៨
ឆ្នាំ ២០២១ នេះ តើស្ត្រីរូបណាដែលជាមហាសេដ្ឋិនីមានអំណាចបំផុតក្នុងពិភពលោក?
ឆ្នាំនេះ មហាសេដ្ឋិនី MacKenzie Scott បានចូលមកគ្រប់គ្រង «តំណែង» ស្ត្រីដែលមានអំណាចជាងគេក្នុងពិភពលោក ជំនួសអតីតអធិការបតីអាល្លឺម៉ង់ លោកស្រី Angela Merkel នៅក្នុងបញ្ជីរបស់ទស្សនាវដ្ដី Forbes។
កាលពីថ្ងៃទី ៧ ខែធ្នូ ឆ្នាំ ២០២១ Forbes បានប្រកាសបង្ហាញបញ្ជីឈ្មោះប្រចាំឆ្នាំស្ដីពីស្ត្រី ១០០ រូប ដែលមានអំណាចបំផុតលើពិភពលោក។ ក្នុងបញ្ជីឈ្មោះនោះ រួមមានទាំង CEO, អ្នកជំនួញ, ថ្នាក់ដឹកនាំប្រទេស, សប្បុរសជន។ល។
លោកស្រី MacKenzie Scott ដែលជាអតីតភរិយារបស់ស្ថាបនិកក្រុមហ៊ុន Amazon លោក Jeff Bezos បាននាំមុខគេនៅក្នុងបញ្ជីនេះ។ លោកស្រីបានបរិច្ចាគប្រាក់របស់ខ្លួនចំនួន ៨.៦ ពាន់លានដុល្លារ ក្នុងនោះមាន ២.៧ ពាន់លានដុល្លារត្រូវបានបរិច្ចាគក្នុងឆ្នាំ ២០២១។ បច្ចុប្បន្ន លោកស្រីមានទ្រព្យសរុបចំនួន ៥៩.២ ពាន់លានដុល្លារអាម៉េរិក។ នេះបើតាមស្ថិតិរបស់ទស្សនាវដ្ដី Forbes។
មូលហេតុដែលបាននាំឱ្យលោកស្រី Scott ត្រូវបានចាត់ទុកជាស្ត្រីដែលមានអំណាចបំផុតក្នុងពិភពលោក ត្រូវបាននិពន្ធនាយិការបស់ក្រុម ForbesWomen ពន្យល់ថា៖ «លោកស្រី MacKenzie Scott បានចំណាយទ្រព្យដ៏ច្រើនរបស់លោកស្រី ដើម្បីជួយដល់បណ្ដាអង្គការមិនស្វែងរកប្រាក់កម្រៃ។ ពុំមាននរណាម្នាក់ក្នុងលោក មានសិទ្ធិម្ចាស់ការលើខ្លួនឯង ឬលើប្រាក់កាសច្រើនជាង និងបង្កើតបានជាឥទ្ធិពលយូរអង្វែងដល់ថ្នាក់នេះ។ វិធីដែលលោកស្រីចំណាយប្រាក់ ក៏កំពុងតែបង្កើតឱ្យមានបដិវត្តន៍នៅក្នុងវិស័យមនុស្សធម៌ផងដែរ»៕
ទិដ្ឋភាពដ៏គួរជាទីគយគន់នៃព្រឹលដ៏ស្រស់ស្អាត ដែលធ្លាក់ក្រាលពេញផ្ទៃសមុទ្រខ្សាច់ តាក្លាម៉ាកាន
ព្យុះព្រឹលមួយដ៏កម្រ បានបង្កើតឱ្យមានទិដ្ឋភាពដ៏ស្រស់ត្រកាល បីដូចជាផ្ទាំងគំនូររបស់កំពូលវិចិត្រករ នៅលើសមុទ្រខ្សាច់ធំបំផុតប្រចាំប្រទេសចិន ដែលស្ថិតក្នុង តំបន់ស្វយ័តស៊ីនជាំង។
ស្ថិតនៅកណ្ដាលអាងទន្លេ តារីម (Tarim) នៅ ស៊ីនជាំង តាក្លាម៉ាកាន (Taklamakan) គឺជាសមុទ្រខ្សាច់ធំបំផុតរបស់ ប្រទេសចិន និងជាសមុទ្រខ្សាច់ផ្លាស់ទីធំបំផុតលំដាប់ទីពីររបស់ពិភពលោក។
សមុទ្រខ្សាច់ តាក្លាម៉ាកាន មានទំហំរហូតដល់ ៣៣៧,០០០ គីឡូម៉ែត្រក្រឡា ក្នុងនោះ ប្រហែល ៨៥% នៃផ្ទៃដី ត្រូវបានបង្កើតឡើងដោយទីទួលខ្សាច់ផ្លាស់ទី ដែលមានកម្ពស់រាប់សិប ដល់រាប់រយម៉ែត្រ។
តាក្លាម៉ាកាន មានអាកាសធាតុក្ដៅ និងហួតហែងខ្លាំង។ ភ្លៀង និងព្រឹល កម្រកើតមាននៅទីនេះ។ ថ្មីៗនេះ មានព្រឹលធ្លាក់យ៉ាងក្រាសជាលើកទីពីរនៅលើសមុទ្រខ្សាច់នេះ រាប់ចាប់ពីឆ្នាំ ២០០។
ដោយសារតែស្ថិតនៅក្បែរតំបន់អាកាសធាតុត្រជាក់ដែលបកមកពីតំបន់ ស៊ីប៊េរី (Siberia) សីតុណ្ហភាពនៅ តាក្លាម៉ាកាន អាចចុះដល់ ២០ អង្សាសេក្រោមសូន្យនៅរដូវរងា ខណៈដែលរដូវក្ដៅ ឡើងដល់ជាង ៤០ អង្សាសេ។
យោងតាមរបាយការណ៍ពីតំបន់នេះ ព្រឹលបានផ្ដើមធ្លាក់មកលើសមុទ្រខ្សាច់ តាក្លាម៉ាកាន ចាប់ពីចុងខែវិច្ឆិកា ២០២១ នៅពេលចំហាយអាកាសធាតុត្រជាក់បក់មកដល់។
បើទោះជាមានភ្លៀងធ្លាក់ជាមធ្យមក្រោម ៤០ មម ប៉ុន្តែ សមុទ្រខ្សាច់ តាក្លាម៉ាកាន នៅតែមានកូនកោះមួយចំនួនដែលមានបឹងទឹកដ៏ស្រស់ស្អាត។ ទឹកនៅទីនេះ មានប្រភពពីភ្នំនានានៅក្បែរនោះ៕
មហាសេដ្ឋី Elon Musk នឹងបំពាក់ឈីបកុំព្យូទ័រទៅក្នុងខួរក្បាលមនុស្ស នៅឆ្នាំក្រោយ
(សហរដ្ឋអាម៉េរិក)-មហាសេដ្ឋី Elon Musk សហស្ថាបនិករបស់ក្រុមហ៊ុនបច្ចេកវិទ្យាអភិវឌ្ឍផ្ទាំងបង្ហាញស្ដីពីខួរក្បាល-កុំព្យូទ័រ ដែលមានឈ្មោះថា Neuralink បានឱ្យដឹងថា ការវះកាត់បំពាក់ឈីបរបស់កុំព្យូទ័រទៅក្នុងខួរក្បាលរបស់អ្នកជំងឺពិការអវយវៈនឹងត្រូវបានធ្វើឡើងនៅក្នុងឆ្នាំ ២០២។
ការពិសោធឈីបរបស់ក្រុមហ៊ុន Neuralink នឹងចាប់ផ្ដើមធ្វើឡើងនៅលើអ្នកជំងឺដែលរងរបួសនៅលើខួរឆ្អឹងខ្នង។ កាលបរិច្ឆេទនេះយឺតជាង ២ ឆ្នាំ ធៀបនឹងការគ្រោងទុក។ ឧបករណ៍របស់ក្រុមហ៊ុននឹងអនុញ្ញាតឱ្យអ្នកជំងឺដែលបាត់បង់លទ្ធភាព អាចបញ្ជាអវយវៈរបស់ខ្លួនឡើងវិញបាន ជាមួយនឹងបច្ចេកវិទ្យាទំនើប។ ដូច្នេះ អ្នកដែលពិការដៃ ជើង អាចបញ្ជាទិញទំនិញ ធ្វើការទាក់ទងជាមួយមិត្តភក្ដិ ចូលមើលព័ត៌មានលើគេហទំព័រដោយផ្ទាល់ ដោយការប្រើប្រាស់រលកសញ្ញារបស់ខួរក្បាល។
កន្លងមក ក្រុមហ៊ុន Neuralink ក៏ធ្លាប់បានពិសោធលើសត្វ ដោយអនុញ្ញាតឱ្យស្វាលេងហ្គេមដោយប្រើរលកសញ្ញាខួរក្បាល កាលពីដើមឆ្នាំ ប៉ុន្តែ លោក Musk សង្កត់ធ្ងន់ថា ការបំពាក់បច្ចេកវិទ្យានេះនៅលើខួរក្បាលមនុស្ស នៅតែមានឧបសគ្គច្រើន។
«Neuralink ដំណើរការរលូននៅលើសត្វស្វា។ យើងបានធ្វើការពិសោធជាច្រើនលើក និងបានឃើញថា បច្ចេកវិទ្យានេះពិតជាមានសុវត្ថិភាព និងគួរឱ្យទុកចិត្ត។ ឧបករណ៍ Neuralink អាចត្រូវបានយកចេញពីខួរក្បាល» លោក Musk ថ្លែងដូច្នេះ។
លោកបន្តថា៖ «យើងសង្ឃឹមថា អាចភ្ជាប់ឧបករណ៍នេះសម្រាប់អ្នកជំងឺដែលរងរបួសធ្ងន់ធ្ងរនៅលើខួរឆ្អឹងខ្នង ដូចជាអ្នកត្រូវពិការដៃជើងជាដើម បន្ទាប់ពីអាជ្ញាធរគ្រប់គ្រងអាហារ និងឱសថ (សហរដ្ឋអាម៉េរិក) បានទទួលស្គាល់»។
Neuralink មិនមែនជាក្រុមហ៊ុនតែមួយគត់ដែលអភិវឌ្ឍឧបករណ៍សម្រាប់បច្ចេកវិទ្យាបែបនេះនោះទេ។ កាលពីខែមេសា ឆ្នាំ ២០២០ ឧបករណ៍មួយដែលត្រូវបានអភិវឌ្ឍដោយក្រុមហ៊ុន BrainGate ក៏មានសមត្ថភាពជួយដល់អ្នកពិការអវយវៈ អាចបញ្ជាលើកុំព្យូទ័រដោយប្រើរលកសញ្ញាខួរក្បាល ហើយទទួលបានលទ្ធផលយ៉ាងប្រសើរ។ ទាំង BrainGate ទាំង Neuralink សុទ្ធតែប្រើប្រាស់បច្ចេកវិទ្យាគ្មានខ្សែដើម្បីជួយឱ្យឧបករណ៍របស់ពួកគេកាន់តែមានប្រសិទ្ធភាពនៅក្នុងជីវភាពប្រចាំថ្ងៃ៕
ស្ថិតិស្ដីពីជំងឺកូវីដ-១៩ នៅ កម្ពុជា សម្រាប់ថ្ងៃទី ៨ វិច្ឆិកា ឆ្នាំ ២០២១
ក្នុងអំឡុង ២៤ ម៉ោង នៃថ្ងៃទី ៧ វិច្ឆិកា ២០២១ កម្ពុជា បានរកឃើញអ្នកឆ្លងជំងឺកូវីដ-១៩ ថ្មី ចំនួន ១៤ នាក់ទៀត និងអ្នកជាសះស្បើយចំនួន ១៣ នាក់ ខណៈអ្នកស្លាប់មានចំនួន ៤ នាក់។
