ក្នុងចំណោម ៤៦ នាក់ ដែលសុទ្ធតែជាករណី អូមីក្រុង ត្រូវបានរកឃើញក្នុងអំឡុង ២៤ ម៉ោងនៃថ្ងៃទី ២ កុម្ភៈ ២០២២ មានករណីឆ្លងក្នុងសហគមន៍ ចំនួន ៤១ នាក់ និងអ្នកដំណើរពីបរទេស ៥ នាក់។
Author: សឿន សំណាង
ប្រព័ន្ធផ្លូវសម្ងាត់ក្រោមដីរបស់ សេតវិមាន (The White House) ដែលជាផ្ទះ និងជាកន្លែងធ្វើការផ្លូវការរបស់ប្រធានាធិបតីសហរដ្ឋអាម៉េរិក
ត្រូវបានសាងសង់កាលពីអំឡុងទសវត្សរ៍ឆ្នាំ ១៧៩០ សេតវិមាន (White House) មានទីតាំងនៅមហាវិថី ១៦០០ Pennsylvania ក្នុង រដ្ឋធានីវ៉ាស៊ីងតោន សហរដ្ឋអាម៉េរិក។ ក្នុងអំឡុងជាង ២០០ ឆ្នាំមកនេះ សេតវិមាន មានការប្រែប្រួលច្រើន ក្នុងនោះក៏មានវត្តមានរបស់បណ្ដាផ្លូវសម្ងាត់ក្រោមដីផងដែរ។
ប្រព័ន្ធផ្លូវសម្ងាត់ក្រោមដីដំបូងនៅ សេតវិមាន ត្រូវបានសាងសង់នៅក្នុងពេលនៃការកែលម្អអគារនេះកាលពីឆ្នាំ ១៩៥។ ផ្លូវសម្ងាត់ក្រោមដីមួយត្រូវបានសាងសង់ដើម្បីភ្ជាប់ពី ស្លាបខាងលិច របស់ សេតវិមាន (White House West Wing) ទៅកាន់ ស្លាបខាងកើត របស់ សេតវិមាន (White House East Wing) ដើម្បីធ្វើជាទីតាំងលាក់ខ្លួននៅពេលមានករណីវាយប្រហារដោយគ្រាប់បែក។
អគារសេតវិមាន ផ្នែកដែលបែរទៅទិសខាងត្បូង ប្រធានាធិបតី Ronald Reagan ក៏ធ្លាប់បញ្ជាឱ្យសាងសង់ផ្លូវសម្ងាត់ក្រោមដីមួយខ្សែកាលពីឆ្នាំ ១៩៨៧ ដើម្បីភ្ជាប់ទៅកាន់ជណ្ដើរនៅខាងក្រៅការិយាល័យប្រធានាធិបតី (បន្ទប់រាងពងក្រពើ/The Oval Office) ទុកសម្រាប់គេចខ្លួនពេលមានអំពើភេរវកម្ម។ Franklin D. Roosevelt ក្រោយមកក៏បានចេញបញ្ជាឱ្យសាងសង់ផ្លូវសម្ងាត់ក្រោមដីមួយដែរ ដែលភ្ជាប់ពី ស្លាបខាងកើត ទៅកាន់ ក្រសួងហិរញ្ញវត្ថុ ដើម្បីជាកន្លែងលាក់ខ្លួនពេលមានការវាយប្រហារពីអាកាស។
ទីតាំងរបស់ សេតវិមាន និង តំបន់ភ្នំ Capitol Hill ព័ត៌មានចចាមអារ៉ាមជាច្រើនបាននិយាយថា នៅមានផ្លូវសម្ងាត់ក្រោមដីជាច្រើនផ្សេងទៀតដែលមិនត្រូវបានគេដឹងជាសាធារណៈ ក្នុងនោះមានដូចជា ផ្លូវសម្ងាត់ក្រោមដីភ្ជាប់ពី សេតវិមាន ទៅកាន់ តំបន់ភ្នំ Capitol Hill (ដែលមានវិមានរដ្ឋសភា ព្រឹទ្ធសភា និងតុលាកំពូល។ល), ផ្លូវសម្ងាត់ក្រោមដីភ្ជាប់ពី សេតវិមាន ទៅកាន់ វិមានអនុប្រធានាធិបតី, ផ្លូវសម្ងាត់ក្រោមដីភ្ជាប់ពី សេតវិមាន ទៅកាន់ Camp David ដែលជាទីសម្រាកលំហែកាយរបស់ប្រធានាធិបតីអាម៉េរិក និងផ្លូវសម្ងាត់ក្រោមដីពី សេតវិមាន ទៅកាន់ មន្ទីរបញ្ចកោណ (The Pentagon) ដែលជាអគាររបស់ ក្រសួងការពារជាតិ ជាដើម៕
«ស្ដេចថ្មរថយន្តអគ្គិសនី» ដែល Elon Musk និង Tim Cook សុទ្ធតែធ្លាប់ «សុំជំនួយ»៖ ជាអ្នកបង្កើតថ្មអាយុកាល ១៦ ឆ្នាំ និងរត់បាន ២ លានគីឡូម៉ែត្រ
បើទោះជាមិនល្បីឈ្មោះខ្លាំងក្នុងពិភពលោក ប៉ុន្តែ លោក Zeng គឺជាអ្នកជំនួញដ៏សំខាន់នៅក្នុងវិស័យឧស្សាហកម្មថ្មផ្ទុកថាមពលអគ្គិសនី។
កាលពីឆ្នាំ ២០២១ ព័ត៌មានស្ដីអំពីលោក Zeng Yuqun បានយកឈ្នះ Jack Ma ក្នុងបញ្ជីចំណាត់ថ្នាក់អ្នកមានជាងគេក្នុងពិភពលោក បានធ្វើឱ្យមានចំណាប់អារម្មណ៍ខ្លាំង។
លោក Zeng បច្ចុប្បន្នមានទ្រព្យសរុប ៤៩.៥ ពាន់លានដុល្លារអាម៉េរិក បន្ទាប់ពីភាគហ៊ុនរបស់ក្រុមហ៊ុនផលិតថ្មសម្រាប់រថយន្តអគ្គិសនី Contemporary Amperex Technology (CATL) បានកើនឡើងខ្ពស់ក្នុងឆ្នាំនេះ។ តួលេខនេះក៏ខ្ពស់ជាងបើធៀបនឹងទ្រព្យរបស់មហាសេដ្ឋីចិន លោក Jack Ma ដែលមាន ៤៨.១ ពាន់លានដុល្លារអាម៉េរិក និងបានជួយឱ្យលោក Zeng មានឈ្មោះនៅក្នុងបញ្ជីចំណាត់ថ្នាក់កំពូលអ្នកមានជាងគេទាំង ៥ រូប នៅ ទ្វីបអាស៊ី។
បើទោះជាមិនល្បីឈ្មោះខ្លាំង ប៉ុន្តែ ប្រធានក្រុមហ៊ុន CATL លោក Zeng Yuqun គឺជាអ្នកជំនួញដ៏សំខាន់នៅក្នុងវិស័យឧស្សាហកម្មថ្មផ្ទុកថាមពលអគ្គិសនីនៅ ប្រទេសចិន។
ប្រធានក្រុមហ៊ុន CATL លោក Zeng Yuqun នៅពេលចូលប្រលូកក្នុងទីផ្សារចិន Tesla ត្រូវប្រឈមនឹងការស្វែងរកដំណោះស្រាយសម្រាប់បញ្ហាថ្មផ្ទុកថាមពលអគ្គិសនី ដែលបំពាក់សម្រាប់រថយន្តរបស់ពួកគេ។ មហាសេដ្ឋីអាម៉េរិក លោក Elon Musk ត្រូវទៅសុំជំនួយពីវិស្វករលំដាប់កំពូលក្នុងវិស័យនេះ ជាមនុស្សដែលបានជួយឱ្យ Apple បង្កើនអាយុកាលថ្មនៅលើ Macbook។ មនុស្សសំខាន់ម្នាក់នោះគឺលោក Zeng Yuqun។
«ស្ដេចថ្មរថយន្តអគ្គិសនី»
លោក Zeng Yuqun អាយុ ៥៣ ឆ្នាំ មកពីខេត្ត Fujian (ប្រទេសចិន)។ លោក Zeng មានសញ្ញាបត្របណ្ឌិតផ្នែករូបធាតុ (Condensed matter physics) នៃបណ្ឌិត្យសភាវិទ្យាសាស្ត្រចិន នា រដ្ឋធានីប៉េកាំង។
លោក Zeng បានកសាង Contemporary Amperex Technology Co.Ltd ឱ្យទៅជាក្រុមហ៊ុនអភិវឌ្ឍ និងផលិតថ្មផ្ទុកថាមពលអគ្គិសនីលំដាប់កំពូលនៅ ប្រទេសចិន ដោយប្រើពេលមិនដល់ ១ ទសវត្សរ៍។ បច្ចុប្បន្ន CATL គឺជាក្រុមហ៊ុនផលិតថ្មផ្ទុកថាមពលអគ្គិសនីធំបំផុតក្នុងពិភពលោក សម្រាប់យានជំនិះដែលត្រូវបានចាត់ទុកថាជាអនាគតរបស់វិស័យរថយន្ត។ ការប្រឹងប្រែងកន្លងមក បានធ្វើឱ្យ Zeng ដែលជាអ្នកស្រែ និងជាមន្ត្រីរដ្ឋការដែលទទួលបានប្រាក់បៀវត្ស ៣០ ដុល្លារអាម៉េរិក/ខែ ក្លាយជាមហាសេដ្ឋីពិភពលោក។
បណ្ដាផលិតផលរបស់ CATL បានក្លាយជាគ្រឿងបន្លាស់នៃរថយន្តរបស់ក្រុមហ៊ុនធំៗក្នុងពិភពលោក។ ចាប់ពីខែកក្កដា ពួកគេនឹងផ្គត់ផ្គង់ថ្មសម្រាប់រថយន្តអគ្គិសនី Tesla ដែលផលិតនៅ សៀងហៃ ប្រទេសចិន។
ការិយាល័យកណ្ដាលរបស់ CATL ឪពុកបង្កើតរបស់ កំពូលថ្មផ្ទុកថាមពលអគ្គិសនី ដែល «រស់» បាន ១៦ ឆ្នាំ
កាលពីឆ្នាំ ២០២១ CATL បានប្រកាសថា ពួកគេអាចផលិតបានប្រភេទថ្មដែលមានអាយុកាលជាង ១៦ ឆ្នាំ និងអនុញ្ញាតឱ្យរថយន្តដែលបំពាក់ថ្មនេះ រត់បានជិត ២ លានគីឡូម៉ែត្រ។ ប្រភេទថ្មដែលត្រូវបានប្រើប្រាស់នៅក្នុងរថយន្ត Tesla បច្ចុប្បន្ន មានអាយុកាលត្រឹមតែប្រហែល ៨ ឆ្នាំ និងរត់បានជិត ២៥០,០០០ គីឡូម៉ែត្របណ្ដោះ។
លោក Zeng Yuqun ដែលជាប្រធានក្រុមហ៊ុន CATL ឱ្យដឹងថា៖ «បើមានអ្នកណាបញ្ជាទិញ យើងនឹងចាប់ផ្ដើមផលិតភ្លាម។ តម្លៃរបស់ថ្មប្រភេទថ្មីនេះ ខ្ពស់ជាងប្រហែល ១០% ធៀបនឹងប្រភេទថ្មបច្ចុប្បន្ន ប៉ុន្តែ អត្ថប្រយោជន៍ដែលប្រភេទថ្មថ្មីនេះនាំមក គឺពិតជាធំធេង»។
យោងតាមការព្យាកររបស់លោក Zeng ចំនួនរថយន្តអគ្គិសនីក្នុងពិភពលោក នឹងយកឈ្នះលើរថយន្តប្រើប្រាស់ប្រេងឆាំងនៅអំឡុងឆ្នាំ ២០៣០-២០២៥៕
ចោរប្រដាប់អាវុធ ជូនប្រាក់ និងរៀបរាប់រឿងរ៉ាវប្រាប់ដល់ម្ចាស់ផ្ទះ ពេលត្រូវតាមទាន់
(សហរដ្ឋអាម៉េរិក)-ចោរម្នាក់ដែលប្រើប្រាស់កាំភ្លើង AR-១៥ បានលួចចូលក្នុងផ្ទះមួយខ្នងនៅក្នុងរដ្ឋ New Mexico ប៉ុន្តែត្រូវគេតាមទាន់ ភ្លាមនោះជននេះក៏បានជូនប្រាក់ដល់ម្ចាស់ផ្ទះចំនួន ២០០ ដុល្លារ។
អធិការប៉ូលិសស្រុក Santa Fe ដែលស្ថិតក្នុងរដ្ឋ New Mexico សហរដ្ឋអាម៉េរិក ថ្ងៃនេះ បានឱ្យដឹងថា បុរសម្នាក់ដែលកាន់កាំភ្លើង AR-១៥ ១ ដើម បានលួចចូលទៅក្នុងផ្ទះមួយខ្នងនៅក្នុងតំបន់ និងដេកស៊ីចុកនៅទីនេះ។
បន្ទាប់ពីត្រូវម្ចាស់ផ្ទះតាមទាន់ ជនជាចោរនេះមិនបានគំរាម ឬយករបស់របរអ្វីពីក្នុងផ្ទះនេះដែរ។ ជំនួសមកវិញ ជននេះបានជូនប្រាក់ ២០០ ដុល្លារ ដល់ម្ចាស់ផ្ទះដើម្បីសងថ្លៃបង្អួចដែលខ្លួនបានធ្វើឱ្យបែកបាក់។ នេះបើតាមការឱ្យដឹងពីសមត្ថកិច្ចក្នុងតំបន់។
ជនជាប់សង្ស័យដែលមានអាយុជាង ២០ ឆ្នាំ និងកម្ពស់ប្រហែល ១.៨ ម៉ែត្រ ក៏ថែមទាំងបាននិយាយរៀបរាប់រឿងរ៉ាវរបស់ខ្លួនប្រាប់ម្ចាស់ផ្ទះទៀតផង។ ជននេះប្រាប់ថា ខ្លួនកំពុងរត់គេចពីការតាមសម្លាប់ ខណៈដែលសមាជិកគ្រួសាររបស់គាត់ត្រូវគេបាញ់ប្រហារនៅតំបន់ខាងកើតនៃរដ្ឋ Texas ហើយរថយន្តរបស់គាត់ក៏ត្រូវខូច។
«ចោរនេះពិតជាមានការខ្មាសអៀន និងដឹងកំហុសចំពោះហេតុការណ៍នេះ» អាជ្ញាធរក្នុងតំបន់ដកស្រង់សម្ដីម្ចាស់ផ្ទះឱ្យដឹងដូច្នេះ។
ក្រោយពីបានសុំទោសម្ចាស់ផ្ទះ ចោរនេះក៏បានចាកចេញទៅជាមួយនឹងកាបូបចាស់ និងកាំភ្លើងមួយដើម។ ជននេះត្រូវបានម្ចាស់ផ្ទះជឿថា បានប្រើប្រាស់របស់របរនៅក្នុងផ្ទះរបស់គាត់ប្រហែល ១៥ ដុល្លារ។ ប៉ូលិសបាននាំគ្នាតាមរកជនសង្ស័យ ប៉ុន្តែមិនទាន់រកឃើញនៅឡើយ៕
ទស្សនាទិដ្ឋភាពចំការបណ្ដែតទឹកផលិតអគ្គិសនីពីថាមពលព្រះអាទិត្យធំជាងគេក្នុងពិភពលោក
ចំការបណ្ដែតទឹកផលិតអគ្គិសនីពីថាមពលព្រះអាទិត្យធំជាងគេក្នុងពិភពលោក ដែលទើបតែត្រូវបានដាក់ឱ្យដំណើរការនៅ ប្រទេសថៃ មានទំហំធំជាង ១០០ ដង បើធៀបនឹងទីលានបាល់ទាត់។
យោងតាមក្រុមហ៊ុនផ្គត់ផ្គង់អគ្គិសនីថៃ (EGAT) ចំការផលិតអគ្គិសនីនេះមានទីតាំងនៅក្នុងតំបន់ទំនប់វារីអគ្គិសនី Sirindhorn ដែលស្ថិតនៅលើទន្លេ Lam Dom Noi ក្នុងខេត្ត Ubon Ratchathani ចម្ងាយពី រដ្ឋធានីបាងកក ប្រហែល ៦៦០ គីឡូម៉ែត្រទៅទិសខាងកើត។ រោងចក្រនេះត្រូវបានដំណើរការទៅតាមរូបមន្តបច្ចេកវិទ្យា «កូនកាត់»។
នៅពេលថ្ងៃ ផ្ទាំងសូឡាចំនួន ១៤៥,០០០ ផ្ទាំង ដែលត្រូវបានដំឡើងនៅក្នុងគម្រោង មានតួនាទីបង្កើតអគ្គិសនីដោយប្រមូលថាមពលពីព្រះអាទិត្យ។ ចំណែកពេលយប់វិញ វានឹងបន្តផលិតអគ្គិសនីដោយមាន ទួរប៊ីន ខ្នាតធំ ដែលបានដំឡើងនៅក្នុងទន្លេដើម្បីប្រើប្រាស់កម្លាំងទឹកហូរ។
ចំការអគ្គិសនី Sirindhorn ត្រូវបានសាងសង់ដោយប្រើប្រាស់ថវិកាវិនិយោគចំនួន ៣៤ លានដុល្លារអាម៉េរិក និងផ្ដល់ថាមពល ៤៥ MW។
ចំការផលិតអគ្គិសនី Sirindhorn ត្រូវបានស្ថាបនាលើផ្ទៃទឹកទំហំ ១២០ ហិកតា ស្មើនឹងទីលានបាល់ទាត់ស្ដង់ដាចំនួន ១២០ បូកចូលគ្នា និងស្ថិតនៅក្នុងទំនប់វារីអគ្គិសនី Sirindhorn។ ចំការនេះមានផ្ទាំងសូឡាប្រមូលថាមពលព្រះអាទិត្យចំនួន ១៤៥,០០០ ផ្ទាំង ដែលត្រូវបានដាក់ជា ៧ ក្រុម។
ក្រុមហ៊ុនផ្គត់ផ្គង់អគ្គិសនីថៃ (EGAT) ឱ្យដឹងថា ចំការអគ្គិសនីនេះ ជួយកាត់បន្ថយឧស្ម័នកាបូនប្រមាណ ៤៧,០០០ តោន ជារៀងរាល់ឆ្នាំ។
រាជរដ្ឋាភិបាលថៃ សង្ឃឹមថា ដល់ឆ្នាំ ២០៣៧ ថាមពលកកើតឡើងវិញ ក្នុងនោះមានពន្លឺព្រះអាទិត្យជាដើម នឹងរួមចំណែក ៣៥% នៃថាមពលអគ្គិសនីសរុបដែលប្រទេសនេះផលិតបាន៕
(វីដេអូ)-យន្តហោះដឹកអ្នកដំណើរអគ្គិសនីដំបូងគេ ត្រៀមខ្លួនរួចរាល់សម្រាប់ជើងហោះហើរដំបូង
(អ៊ីស្រាអែល)-Alice ដែលជាយន្តហោះដឹកអ្នកដំណើរដែលប្រើប្រាស់ថាមពលអគ្គិសនីដំបូងគេបង្អស់ក្នុងពិភពលោក និងត្រូវបានអភិវឌ្ឍដោយក្រុមហ៊ុន Eviation បានត្រៀមខ្លួនរួចហើយសម្រាប់ការហោះហើរ។
Alice បានធ្វើតេស្តប្រព័ន្ធដំណើរការកាលពីសប្ដាហ៍មុននៅឯព្រលានយន្តហោះ Seattle ភាគខាងជើង។ Omer Bar-Yohay ដែលជាអគ្គនាយកប្រតិបត្តិរបស់ Eviation បានឱ្យដឹងថា តែប៉ុន្មានសប្ដាហ៍ទៀតប៉ុណ្ណោះ Alice នឹងធ្វើការហោះហើរលើកដំបូង។
ជាមួយនឹងបច្ចេកវិទ្យាថ្មដែលដូចទៅនឹងថ្មរបស់រថយន្តអគ្គិសនី ឬទូរស័ព្ទចល័ត និងរយៈពេលនៃការបញ្ចូលថាមពលប្រហែល ៣០ នាទី យន្តហោះ Alice ដែលមានកៅអីចំនួន ៩ នេះ អាចហោះក្នុងរយៈពេល ១ ម៉ោង និងអាចហោះបាន ៨១៥ គីឡូម៉ែត្រ/ម៉ោង។ ល្បឿនហោះហើរធម្មតាដែលខ្ពស់បំផុតគឺ ៤៦២ គីឡូម៉េត្រ/ម៉ោង។
ក្រុមហ៊ុន Eviation សង្ឃឹមថា យន្តហោះអគ្គិសនីដែលអាចផ្ទុកមនុស្សពី ២០ ដល់ ៤០ នាក់ របស់ខ្លួន នឹងក្លាយជាការពិតក្នុងរយៈពេលពី ៧ ដល់ ១០ ឆ្នាំខាងមុខ។
ក្រុមហ៊ុនដឹកជញ្ជូនអន្តរជាតិ DHL បានបញ្ជាទិញជាមុននូវយន្តហោះ Alice ចំនួន ១២ គ្រឿង ដែលគ្រោងនឹងទទួលបាននៅឆ្នាំ ២០២៤។ ចំណែកក្រុមហ៊ុនអាកាសចរណ៍ CapeAir ក៏បានបញ្ជាទិញយន្តហោះនេះ ហើយគ្រោងនឹងដាក់ឱ្យហោះហើរចាប់ពីឆ្នាំ ២០២៣៕
ភរិយារបស់ មេដឹកនាំកូរ៉េខាងជើង បង្ហាញខ្លួនជាលើកដំបូង បន្ទាប់ពីអវត្តមានច្រើនខែ
ភរិយារបស់ មេដឹកនាំកូរ៉េខាងជើង បានបង្ហាញខ្លួននៅក្នុងពិធីសម្ដែងសិល្បៈអំណរចូលឆ្នាំថ្មី ក្រោយបាត់ខ្លួនពីសាធារណៈជិត ៥ ខែ។
សារព័ត៌មានជាតិកូរ៉េខាងជើង KCNA បានឱ្យដឹងថា មេដឹកនាំ Kim Jong-un និងភរិយា Ri Sol-ju បានចូលរួមក្នុងពិធីសម្ដែងសិល្បៈដើម្បីទទួលអំណរឆ្នាំថ្មីនៅឯសាលមហោស្រពសិល្បៈ Mansudae នៅ រដ្ឋធានីព្យុងយ៉ាង កាលពីម្សិលមិញ។ នេះគឺជាលើកដំបូងដែលលោកស្រី Ri បង្ហាញខ្លួនជាសាធារណៈ រាប់ចាប់ពីថ្ងៃទី ៩ កញ្ញា ២០២១ អំឡុងពេលលោក Kim Jong-un និងលោកស្រី ធ្វើទស្សនកិច្ចរាជវាំងព្រះអាទិត្យ Kumsusan នាឱកាសទិវាបុណ្យឯករាជ្យជាតិ។
KCNA សរសេរថា លោក Kim Jong-un និងភរិយា បានឡើងលើឆាក ក្រោយពិធីសម្ដែង ដើម្បីចាប់ដៃ និងថតរូបជាមួយក្រុមអ្នកសិល្បៈ។ ក៏ប៉ុន្តែ សារព័ត៌មានជាតិកូរ៉េខាងជើង នេះ មិនទាន់បញ្ចេញរូបថតស្ដីពីព្រឹត្តិការណ៍នេះនៅឡើយ។
លោកស្រី Ri Sol-il កាលពីឆ្នាំ ២០១៨ លោកស្រី Ri ធ្លាប់ទាក់ទាញចំណាប់អារម្មណ៍ពីសាធារណៈជនជាតិ និងអន្តរជាតិនាពេលកន្លង នៅពេលលោកស្រី និងស្វាមី បង្ហាញវត្តមានក្នុងព្រឹត្តិការណ៍ធំៗជាច្រើនរបស់ប្រទេសជាតិ ខុសពីអ្វីដែលអតីតមេដឹកនាំ Kim Jong-il ធ្លាប់បានធ្វើ។ លោកស្រី Ri Sol-il ធ្លាប់បានបាត់ខ្លួនប្រហែល ១ ឆ្នាំ ក្នុងអំឡុង ២០២០-២០២១ ធ្វើឱ្យសាធារណមតិយល់ថា លោកស្រីប្រហែលជាមានបញ្ហាសុខភាព ឬមានគភ៍។
ទីភ្នាក់ងារស៊ើបការសម្ងាត់របស់ កូរ៉េខាងត្បូង បានឱ្យដឹងថា អវត្តមានរយៈពេល ៥ ខែកន្លងទៅថ្មីៗនេះ របស់ លោកស្រី Ri ទំនងជាដោយសារខ្លាចឆ្លង វីរុសកូវីដ-១។ លោក Kim Jong-un និងភរិយា មានបុត្រជាមួយគ្នាចំនួន ៣ នាក់ ប៉ុន្តែ មិនមានព័ត៌មានច្រើនដែលត្រូវបានបញ្ចេញជាសាធារណៈស្ដីពីកូនៗរបស់មេដឹកនាំរូបនេះឡើយ៕
កូវីដ នៅ កម្ពុជា! រកឃើញអ្នកឆ្លងថ្មី ៥៦ នាក់ទៀត កាលពីម្សិលមិញ
ក្នុងចំណោម ៥៤ នាក់ដែលសុទ្ធតែជាករណី អូមីក្រុង ត្រូវបានរកឃើញក្នុងអំឡុង ២៤ ម៉ោងនៃថ្ងៃទី ៣០ មករា ២០២២ មានករណីឆ្លងក្នុងសហគមន៍ ៤៧ នាក់ និងអ្នកដំណើរពីបរទេស ៩ នាក់។
អ្នកវិទ្យាសាស្ត្ររកឃើញថា ទឹករាវពិតជាមាននៅលើពិភពព្រះអង្គារ «កាលពីពេលថ្មីៗនេះ»
ក្រុមអ្នកជំនាញបានសិក្សាអំពីកំណកអំបិលលើពិភពព្រះអង្គារ និងបានសន្និដ្ឋានថា ទឹកទម្រង់រាវទំនងជាមានវត្តមានកាលពីយុគសម័យ «ថ្មី» នេះ ជាជាង ការសន្និដ្ឋានមុនៗដែលថា វត្តមានចុងក្រោយរបស់ទឹក មានកាលពី ៣ ពាន់លានឆ្នាំមុន។
ដោយពឹងផ្អែកលើយានសង្កេតពិភពលោកអង្គារ (MRO) របស់ NASA ក្រុមអ្នកស្រាវជ្រាវនៃវិទ្យាស្ថានបច្ចេកវិទ្យាកាលីហ្វរញ៉ា (Caltech) កំណត់បានថា ទឹកទម្រង់រាវអាចហូរនៅលើពិភពក្រហមនេះកាលពី ២ ពាន់លានឆ្នាំមុន ពោលគឺជិតនឹងសម័យបច្ចុប្បន្នជាង បើធៀបនឹងការគិតមុន។ នេះបើតាម Space ចេញផ្សាយកាលពីថ្ងៃទី ១៦ មករា។
ក្រុមអ្នកវិទ្យាសាស្ត្របានប្រើប្រាស់ទិន្នន័យរបស់ MRO ដើម្បីបង្កើតតារាងស្ដីអំពីវត្តមានរបស់កំណកអំបិល chloride ដែលទឹកហូរបានបន្សល់ទុក។
ស្នាមកំណកអំបិលលើពិភពអង្គារ ដោយការពិនិត្យមើលកំណកអំបិល ក្រុមអ្នកវិទ្យាសាស្ត្រនេះបានរកឃើញថា កំណកអំបិលដែលថតបានដោយ MRO មានអាយុកាលក្មេងជាងអ្វីដែលបានរកឃើញមុននោះ។
របកគំហើញថ្មី បានផ្លាស់ប្ដូរការយល់ឃើញអំពីពេលវេលាស្ដីពីវត្តមានរបស់ទឹករាវនៅលើពិភពព្រះអង្គារ។ ការរកឃើញមុនៗបង្ហាញថា ទឹករាវមាននៅលើពិភពអង្គារកាលពី ៣ ពាន់លានឆ្នាំមុន ខណៈរបកគំហើញថ្មីបញ្ជាក់ថា ២ ពាន់លានឆ្នាំមុន៕
(វីដេអូ)-រន្ធត់! ស្ត្រីម្នាក់ទម្លាក់កូនអាយុ ៣ ឆ្នាំ ចូលក្នុងទ្រុងខ្លាឃ្មុំ
មនុស្សម្នាមានការភ្ញាក់ផ្អើលយ៉ាងខ្លាំង នៅពេលស្ត្រីម្នាក់ទម្លាក់កូនស្រីតូច ចូលទៅក្នុងទ្រុងរបស់ខ្លាឃ្មុំ ពីកម្ពស់ ៥ ម៉ែត្រ។
យោងតាមទំព័រ RT (រុស្ស៊ី) ហេតុការណ៍ដ៏គួរឱ្យរន្ធត់នេះត្រូវបានកាមេរ៉ាសុវត្ថិភាពថតបាននៅឯសួនសត្វមួយក្នុង រដ្ឋធានីតាស្កិន (Tashken) របស់ ប្រទេសអ៊ូសបេគីស្ថាន (Uzbekistan) កាលពីថ្ងៃទី ២៩ មករា។
សកម្មភាពដែលថតបានដោយកាមេរ៉ាសុវត្ថិភាពបង្ហាញថា ស្ត្រីម្នាក់លើកកូនឡើងដាក់លើរបងរបស់ទ្រុងខ្លាឃ្មុំ ហើយក្រោយមកក៏រុញក្មេងស្រីនេះឱ្យធ្លាក់ទៅក្នុងប្រឡាយទឹកកម្ពស់ ៥ ម៉ែត្រ។
ខ្លាឃ្មុំ Zuzu ហាក់មានការភ្ញាក់ផ្អើលខ្លាំង និងបានប្រញាប់ចុះទៅពិនិត្យមើលកូនក្មេងនោះ។ ពេលចូលទៅដល់ ខ្លាឃ្មុំបានហិតក្លិន រួចក៏ចាកចេញទៅ។
https://www.youtube.com/watch?v=aSemK3xLWnU
នៅចំពោះមុខហេតុការណ៍នេះ មនុស្សម្នានៅជុំវិញនាំគ្នាស្រែកឱ្យជួយ ភ្លាមនោះបុគ្គលិកសួនសត្វក៏មកដល់កន្លែងកើតហេតុ ហើយនាំខ្លាឃ្មុំទៅឆ្ងាយ និងលើកបីក្មេងនេះចេញពីកន្លែងគ្រោះថ្នាក់។
ក្មេងស្រីមិនត្រូវបានខ្លាឃ្មុំវាយប្រហារក៏ពិតមែន ប៉ុន្តែ ក៏ត្រូវបញ្ជូនទៅកាន់មន្ទីរពេទ្យ ព្រោះតែរងរបួសដោយសារធ្លាក់ពីទីខ្ពស់។
រដ្ឋអាជ្ញានៃតុលាការរបស់ ប្រទេសអ៊ូសបេគីស្ថាន បានបើកការស៊ើបអង្កេតលើករណីនេះ ដោយសង្ស័យថា ស្ត្រីនេះមានចេតនាសម្លាក់មនុស្សម្នាក់ដែលមិនមានលទ្ធភាពទប់ទល់។ ប្រសិនបើត្រូវបានកាត់ទោស ស្ត្រីរូបនេះអាចត្រូវប្រឈមនឹងការជាប់ពន្ធនាគារ ១៥ ឆ្នាំ។
សមត្ថកិច្ចបានឱ្យដឹងថា ស្ត្រីវ័យ ៣០ ឆ្នាំរូបនេះ មានបញ្ហាផ្លូវចិត្ត ព្រោះតែបែកបាក់គ្រួសារ។ ស្វាមីរបស់គាត់ បានទៅធ្វើការនៅ ប្រទេសរុស្ស៊ី៕