សឿន សំណាង - La Reine Media

ទិញភ្លាមបានភ្លាម! បង់ត្រឹមតែ $197 ក្នុងមួយខែ ជាមួយជម្រើសពណ៌ថ្មីយ៉ាងច្រើនសម្បូរបែប!

Ford EcoSport បានចូលខ្លួនមកអង្រួនទីផ្សារប្រទេសកម្ពុជាអស់រយៈពេលជាច្រើនឆ្នាំមកហើយ មកទល់នឹងពេលនេះ Ford EcoSport ក៏បានក្លាយជារថយន្ត SUV មួយដែលមានប្រជាប្រិយភាពពីសំណាកអ្នកប្រើប្រាស់រថយន្តថ្មីផងដែរ ដើម្បីឆ្លើយតបទៅនឹងកំណើននៃតម្រូវការ Ford EcoSport។ ក្រុមហ៊ុន អ អិម អេ ខេមបូឌា បានសម្រេចបន្តនាំចូលរថយន្ត Ford EcoSport ស៊េរីថ្មីឆ្នាំ 2022 យ៉ាងច្រើនសន្ធឹកសន្ធាប់សម្រាប់អតិថិជនទាំងអស់ដើម្បីមានភាពងាយស្រួលក្នុងការបញ្ជាទិញរថយន្តដោយមិនចាំបាច់រង់ចាំយូរ គឺទិញភ្លាមបានភ្លាម ជាមួយនឹងតម្លៃពិសេសត្រឹមតែ $27,900 ប៉ុណ្ណោះ ឬក៏អាចបង់រំលស់ជាមួយនឹងអត្រាការប្រាក់ទាបជាងគេ លក្ខខណ្ឌងាយៗ និងការអនុម័តឆាប់រហ័ស ដោយបង់ប្រចាំខែត្រឹមតែ $197 ប៉ុណ្ណោះ

ជាមួយនឹងជម្រើសពណ៌យ៉ាងច្រើនសម្បូរបែបរហូតដល់ទៅ 9 ពណ៌ ដូចជា៖ ពណ៌លឿងស្រស់បែកទឹកមាសដែលជាពណ៌ថ្មីស្រឡាងនឹងកំពុងតែអង្រួនចិត្តប្រិយមិត្តពិសេសគឺយុវវ័យតែម្តង ពណ៌ខៀវក្រម៉ៅដែលមានភាពភ្លឺភ្លេកប្រដេញស្អាតហើយនេះក៏ជាពណ៌ថ្មីផងដែរ ពណ៌សដែលកំពុងពេញនិយម ពណ៌ក្រហម ពណ៌ខៀវខ្ចី ពណ៌ខ្មៅ ពណ៌ប្រផេះ ពណ៌ទឹកប្រាក់ និងពណ៌គ្រាប់អំពិល។

នៅមានចំណុចមួយចំនួនធំដែល Ford EcoSport ស៊េរីថ្មីឆ្នាំ 2022 មានប្រៀបជាងរថយន្តផ្សេងៗដែលជាដៃគូប្រកួតប្រជែងដូចជា៖

ម៉ាស៊ីន EcoBoost 1.0L ជំនាន់ថ្មីដែលធ្វើឲ្យល្បឿនរថយន្តមានភាពស្ទុះ មានលំនឹង និងស្ងាត់ល្អ
កម្ពស់ខ្ពស់ពីដីរហូតដល់ទៅ 209mm

ដែកថែបពិសេសចំនួន 2 ដើម សម្រាប់ការពារផ្នែកចំហៀងសងខាងនៃរថយន្ត
ប្រព័ន្ធផ្លិតទឹកស្វ័យប្រវត្ត
ផ្នែកខាងក្នុងធំទូលាយ និងមានផាសុកភាព

ពូកស្បែកបែបប្រណិត
តាបឡូស្បែកបែបប្រណិត
កញ្ចក់មើលក្រោយអាចកាត់បន្ថយចំណាំងផ្លាត
ចង្កូតបូមអេឡិចត្រូនិច ធូរងាយស្រួលបើកបរ (EPAS)
អេក្រង់ Touch Screen 8 អ៊ីញ សម្រាប់គ្រប់គ្រង វិទ្យុ តន្ត្រី និងការកម្សាន្តផ្សេងៗ

អាចភ្ជាប់ជាមួយនឹង Apple CarPlay, Android Auto និង Google Map
កាមេរ៉ាជំនួយចូលចតផ្នែកខាងក្រោយមានខ្សែគំនូសពណ៍ស រេតាមចង្កូត
សេនសឺជុំវិញរថយន្តចំនួន 8 គ្រាប់
កន្លែងដាក់អីវ៉ាន់ 25 កន្លែង

ឃ្លុបខាងក្រោយធំទូលាយអាចផ្ទុកអីវ៉ាន់បានច្រើន
ទម្រដាក់អីវ៉ាន់មានភាពរឹងមាំអាចផ្ទុកអីវ៉ាន់បានច្រើន
បំពាក់នូវពោងសុវត្ថិភាពចំនួន 6 គ្រាប់
ប្រព័ន្ធគ្រប់គ្រងសីតុណ្ភភាពដោយស្វ័យប្រវត្ត
ប្រព័ន្ធហ្វ្រាំង ABS និង EBD
ប្រព័ន្ធទប់លំនឹងរថយន្តពេលបើកបរលើផ្លូវកោង រអិល និងបញ្ចៀសការក្រឡាប់
ប្រព័ន្ធទប់លំនឹងកុំឲ្យរអិលថយក្រោយពេលឡើងចំណោត

ក្រៅពីនេះគឺនៅមានប្រព័ន្ធសុវត្ថិភាព និងបច្ចេកវិទ្យាជាច្រើនទៀតដែលមានបំពាក់លើរថយន្ត Ford EcoSport ស៊េរីថ្មីឆ្នាំ 2022។

ចង់ជ្រាបព័ត៌មានកាន់តែច្បាស់អាចទស្សនាវីដេអូនេះ៖ https://www.youtube.com/watch?v=V_bDLb0Y-ls&t=4s

សម្រាប់ព័ត៌មានបន្ថែមលោកអ្នកអាចអញ្ជើញទៅសាកសួរព័ត៌មាន ក៏ដូចជាបើកបរសាកល្បងរថយន្ត Ford EcoSport នៅតាមបណ្តាសាខាអគារតាំងបង្ហាញរថយន្ត Ford និងទំនាក់ទំនងទៅតាមលេខទូរស័ព្ទដូចខាងក្រោម៖

អគារតាំងបង្ហាញរថយន្ត Ford សាខា ផ្លូវព្រះមុនីវង្ស ដែលស្ថិតនៅអគារលេខ 444 ផ្លួវព្រះមុនីវង្ស ជាប់ទូតវៀតណាម លេខទូរស័ព្ទទំនាក់ទំនង៖ 078 999 773
អគារតាំងបង្ហាញរថយន្ត Ford សាខា ទឹកថ្លា ដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 095 939 939
អគារតាំងបង្ហាញរថយន្ត Ford សាខា ទួលសង្កែ ដែលស្ថិតនៅលើផ្លូវ 105 ជិតផ្សារសាំហាន់ លេខទូរស័ព្ទទំនាក់ទំនង៖ 078 935 935
អគារតាំងបង្ហាញរថយន្ត Ford សាខា ខេត្តសៀមរាប ដែលស្ថិតនៅអគារលេខ 593 តាមបណ្តោយផ្លូវជាតិលេខ 6A លេខទូរស័ព្ទទំនាក់ទំនង៖ 077 666 357 | 088 9 666 357
អគារតាំងបង្ហាញរថយន្ត Ford សាខា ខេត្តកំពង់ចាម ដែលស្ថិតនៅអគារលេខ 940 តាមបណ្តោយផ្លូវជាតិលេខ 7 ភូមិបឹងស្នាយ សង្កាត់សំបូមាស ក្រុងកំពង់ចាម លេខទូរស័ព្ទទំនាក់ទំនង៖ 078 999 883 | 088 3 999 883។

May 4, 2022

រោងចក្រចម្រាញ់ប្រេងខុសច្បាប់នៅកណ្ដាលព្រៃជ្រៅ! ដល់មានអគ្គិភ័យសម្លាប់មនុស្សរយនាក់ស្លាប់ ទើបនាំគ្នាផ្អើល

(នីហ្សេរីយ៉ា)-ករណីផ្ទុះឆេះរោងចក្រចម្រាញ់ប្រេងខុសច្បាប់ដែលបានសម្លាប់មនុស្សជាង ១០០ នាក់ កាលពីថ្ងៃទី ២២ មេសា នៅក្នុងរដ្ឋ Rivers ភាគខាងត្បូងនៃ ប្រទេសនីហ្សេរីយ៉ា បានបង្ហើបឱ្យដឹងអំពីពិភពអាថ៌កំបាំងនៃសកម្មភាពចម្រាញ់ប្រេងខុសច្បាប់ដ៏ធំនៅប្រទេសនេះ។

ក្រោយរយៈពេលច្រើនម៉ោងនៃការធ្វើដំណើរដោយរថយន្ត ម៉ូតូ និងថ្មើរជើង ក្រុមអ្នកយកព័ត៌មានរបស់ BBC បានចូលទៅដល់រោងចក្រចម្រាញ់ប្រេងខុសច្បាប់មួយនៅក្នុងទីតាំងឆ្ងាយដាច់ស្រយាល ក្បែរដៃទន្លេនៅតំបន់វាលរាបទន្លេ Niger ភាគខាងត្បូងនៃ ប្រទេសនីហ្សេរីយ៉ា។ ទីតាំងនេះត្រូវបានអាជ្ញាធររបស់ នីហ្សេរីយ៉ា ឆ្មក់ចូលគ្រប់គ្រង និងបិទទ្វារកាលពីពេលថ្មីៗនេះ។

តំបន់នេះធ្លាប់ជាប្រព័ន្ធជីវចម្រុះដែលមានព្រៃលិចទឹកប្រៃ ប៉ុន្តែពេលនេះវានៅសល់តែជាព្រៃដ៏សោះកក្រោះ និងគ្របដណ្ដប់ដោយក្លិនប្រេងពិបាកទ្រាំ។ ពណ៌បៃតងនៃរុក្ខជាតិនៅទីនេះ ត្រូវបានបំផ្លាញគ្មានសល់ ប្រៀបបានទៅភ្នំភ្លើងដែលទើបតែបានផ្ទុះឡើង។

Chidi Lloyd អ្នកនយោបាយមួយរូបបានឱ្យដឹងថា ប្រេងត្រូវបានលួចពីប្រព័ន្ធបំពង់បង្ហូរនៅកន្លែងផ្សេង ហើយត្រូវបានដឹកតាមទូកមកកាន់ទីតាំងចម្រាញ់ប្រេងខុសច្បាប់នេះ។

នៅទីនេះគេឃើញមានធុងចាស់ៗខ្នាតធំ ដែលប្រើសម្រាប់ចម្រាញ់ប្រេងឆៅ។ គេដុតភ្លើងពីក្រោមធុងធំនេះ ដើម្បីកម្ដៅប្រេងឆៅឱ្យទៅជាផលិតផលសម្រេច ដូចជា ប្រេងកាត ឬប្រេងម៉ាស៊ូត ជាដើម។ ប្រេងដែលបានក្ដៅរួច ត្រូវបានបូមទៅក្នុងអាងធំៗដើម្បីទុកឱ្យត្រជាក់។

ក៏ប៉ុន្តែ ដំណាក់កាលនៃការចម្រាញ់ខាងលើនេះ ជួនកាលក៏អាចបណ្ដាលឱ្យមានការផ្ទុះឆេះដូចករណីអគ្គិភ័យកាលពីថ្ងៃទី ២២ មេសា។ ក្រៅពីបានសម្លាប់មនុស្សជាង ១០០ នាក់ ហេតុការណ៍ផ្ទុះកន្លែងចម្រាញ់ប្រេងនេះ ក៏បានបណ្ដាលឱ្យមនុស្សជាង ១៥០ នាក់ ត្រូវរងរបួសផងដែរ។

ចំនួនមនុស្សដែលបានស្លាប់ និងរងរបួសនៅក្នុងហេតុការណ៍ខាងលើ បង្ហាញថា វិស័យចម្រាញ់ប្រេងខុសច្បាប់នៅតំបន់វាលរាបទន្លេ Niger មានទ្រង់ទ្រាយធំកម្រិតណា។

កម្មករតែងស្នាក់នៅ និងធ្វើការនៅពេលយប់ជាច្រើនសប្ដាហ៍ នៅក្នុងទីតាំងចម្រាញ់ប្រេងខុសច្បាប់ដែលមានអង្គការចាត់តាំងប្រកបដោយជំនាញ តាំងពីផ្នែកហិរញ្ញវត្ថុ ការដឹកជញ្ជូន និងកម្លាំងឯកទេស។ អាជ្ញាធរនីហ្សេរីយ៉ា បានបើកយុទ្ធនាការតាមចាប់ខ្លួន Okenze Onyewoke ម្ចាស់ទីតាំងចម្រាញ់ប្រេងខុសច្បាប់ដែលបានផ្ទុះឆេះកាលពីថ្ងៃទី ២២ មេសា។

រដ្ឋាភិបាលនីហ្សេរីយ៉ា គណនាឃើញថា ប្រេងតម្លៃជាង ៣ ពាន់លានដុល្លារអាម៉េរិក ត្រូវបានលួចនៅក្នុងឆ្នាំ ២០២១។ ប្រេងឆៅទាំងនេះត្រូវបានលួចបូមពីបណ្ដាញបំពង់បង្ហូរប្រេងស្របច្បាប់ រួចដឹកទៅលាក់ក្នុងព្រៃជ្រៅហើយលក់ក្នុងទីផ្សារងងឹតក្នុងប្រទេស ឬនាំចេញ។

Osaja ដែលជាពលរដ្ឋម្នាក់នៅទីក្រុងក្បែរតំបន់ខាងលើ ឱ្យដឹងថា ទីតាំងចម្រាញ់ប្រេងខុសច្បាប់នេះ មិនងាយនឹងត្រូវបានបំបាត់ចោលឡើយ ព្រោះថា មានភាគីជាច្រើនចូលរួមជាចំណែក ក្នុងនោះមានទាំងក្រុមមនុស្សមកពីស្ថាប័នអនុវត្តច្បាប់ផងដែរ៕

May 4, 2022

ក្រុមហ៊ុនផលិតរថយន្តអគ្គិសនីរបស់ វៀតណាម បើកសេវាកម្ម «សង្គ្រោះបន្ទាន់» សម្រាប់ជួយរថយន្តអស់ថ្មកណ្ដាលផ្លូវ

ថ្ងៃទី ៤ ឧសភានេះ ក្រុមហ៊ុន VinFast របស់ វៀតណាម ប្រកាសបើកដំណើរការសេវាជួយសង្គ្រោះថ្មរបស់រថយន្តអគ្គិសនី ២៤/។ តម្លៃសេវាកម្មនេះគឺប្រមាណ ៣០០,០០០ ដុង សម្រាប់ការបញ្ចូលថាមពលថ្ម ១៥ នាទី ដែលអាចបើកបរបាន ៣០ គីឡូម៉ែត្រ (ចំពោះរថយន្ត VF e៣៤)។

សេវាសង្គ្រោះថ្មរថយន្តអគ្គិសនីនេះ ត្រូវបាន VinFast បើកដំណើរការទន្ទឹមគ្នាជាមួយនឹងសេវាជួសជុលចល័ត Bobile Service និងគោលការណ៍ជួយសង្គ្រោះ ២៤/៧ ដែលមានស្រាប់ ដើម្បីជួយដល់អតិថិជនក្នុងករណីរថយន្តអស់ថាមពលថ្មនៅលើដងផ្លូវ និងឆ្ងាយពីស្ថានីយបញ្ចូលថាមពល។ ក្រុមបច្ចេកទេសរបស់ VinFast នឹងទៅដល់កន្លែង ផ្ដល់សេវាបញ្ចូលថាមពលនៅនឹងកន្លែង។

៣០០,០០០ ដុង ឬជាង ១៣ ដុល្លារអាម៉េរិក គឺជាថ្លៃសេវាកម្មដែលអតិថិជនជាម្ចាស់រថយន្តអគ្គិសនីត្រូវទូទាត់ឱ្យ VinFast សម្រាប់ការបញ្ចូលថាមពលថ្មយូរបំផុតត្រឹម ១៥ នាទី។

នៅក្នុងដំណាក់កាលដំបូង សេវាកម្មខាងលើនឹងត្រូវបានដាក់ឱ្យដំណើរការនៅ រដ្ឋធានីហាណូយ, ទីក្រុងដាណាំង, ទីក្រុងហូជីមិញ (ព្រៃនគរ) និងបណ្ដាខេត្តក្បែរខាង។ រង្វង់ប្រតិបត្តិការនៃសេវាបញ្ចូលថាមពលថ្មរថយន្តអគ្គិសនីចល័តរបស់ VinFast មានចម្ងាយ ១០០ គីឡូម៉ែត្រ គិតចាប់ពីច្រកទ្វារចេញចូលរបស់ទីក្រុងទាំង ៣ ខាងលើ៕

May 4, 2022

កូវីដ-១៩ នៅ កម្ពុជា! រកឃើញអ្នកឆ្លងថ្មី ០១ នាក់ទៀត ក្នុងថ្ងៃទី ០៣ ឧសភា ឆ្នាំ ២០២២

អ្នកវិជ្ជមាននឹង កូវីដ-១៩ ចំនួន ០១ នាក់ ដែលទើបតែបានរកឃើញក្នុងអំឡុង ២៤ ម៉ោងនៃថ្ងៃទី ០៣ ឧសភា គឺជាករណី អូមីក្រុង និងជាករណីឆ្លងក្នុងសហគមន៍។

May 4, 2022

អាកាសធាតុក្ដៅខ្លាំង ធ្វើឱ្យមនុស្សរាប់សិបនាក់នៅ ប្រទេសឥណ្ឌា ត្រូវបាត់បង់ជីវិត

រដ្ឋ Maharashtra នៅភាគខាងលិចនៃ ប្រទេសឥណ្ឌា បានរាយការណ៍ថា មានប្រជាជន ២៥ នាក់ បានបាត់បង់ជីវិតដោយសារអាកាសធាតុក្ដៅខ្លាំង ចាប់ពីចុងខែមីនា ដែលនេះគឺជាតួលេខខ្ពស់បំផុតក្នុងអំឡុង ៥ ឆ្នាំ។

«នេះគឺជាករណីស្លាប់ដែលសង្ស័យថា ដោយសារដាច់សរសៃឈាមខួរក្បាល ព្រោះតែកម្ដៅក្ដៅខ្លាំងពេក» Pradeep Awate មន្ត្រីសុខាភិបាលរបស់ រដ្ឋ Maharashtra ឱ្យដឹងកាលពីថ្ងៃទី ៣ ឧសភា នៅក្នុងប្រកាសស្ដីពីការណីស្លាប់ ២៥ នាក់ ព្រោះតែកម្ដៅ រាប់ចាប់ពីចុងខែមីនា។

ក្រុមមន្ត្រីរបស់រដ្ឋ Maharashtra និយាយថា ករណីស្លាប់ខាងលើ ភាគច្រើនគឺជាពលរដ្ឋនៅក្នុងតំបន់ជនបទ។ ក្រៅពី Maharashtra ក៏មានរដ្ឋជាច្រើនទៀតរបស់ ឥណ្ឌា ដែលមានអ្នកស្លាប់ដោយសារអាកាសធាតុក្ដៅខ្លាំង។

រដ្ឋ Odisha នៅភាគខាងកើតនៃ ប្រទេសឥណ្ឌា ក៏មានពលរដ្ឋអាយុ ៦៤ ឆ្នាំម្នាក់ បានបាត់បង់ជីវិតព្រោះប្រតិកម្មនឹងកម្ដៅកាលពីថ្ងៃទី ២៥ មេសា និងរាប់រយនាក់ក្នុងតំបន់នេះ ត្រូវចូលពេទ្យដោយសារកម្ដៅព្រះអាទិត្យ។

អាជ្ញាធរឥណ្ឌា ឱ្យដឹងថា នៅក្នុងខែមីនា ឆ្នាំនេះ ឥណ្ឌាប្រឈមនឹងអាកាសធាតុក្ដៅខ្លាំងបំផុតក្នុងអំឡុងជាង ១ ទសវត្សរ៍កន្លង ដោយជាមធ្យម សីតុណ្ហភាពទូទាំងប្រទេសកើនដល់ ៣៣,១ អង្សាសេ ខ្ពស់ជាងជិត ១.៨៦ អង្សា ធៀបនឹងពេលធម្មតា។

សីតុណ្ហភាពនៅតំបន់ភាគខាងជើង ខាងលិច និងខាងកើតរបស់ ប្រទេសឥណ្ឌា ក៏ឡើងដល់ជាង ៤០ អង្សា កាលពីខែកន្លង។ Subarnapur ដែលជាខណ្ឌមួយក្ដៅជាងគេបង្អស់របស់រដ្ឋ Odisha មានកម្ដៅ ៤៣.២ អង្សា កាលពីថ្ងៃទី ៣ ឧសភា។

មុននោះ ក្រុមអ្នកវិទ្យាសាស្ត្របញ្ជាក់ថា បម្រែបម្រួលអាកាសធាតុ បានបង្កឱ្យមានសីតុណ្ហភាពខ្ពស់នៅ ឥណ្ឌា រួមនឹងប្រទេសជិតខាង គឺ ប៉ាគីស្ថាន។ ភ្លៀងត្រូវបានគេព្យាករថា នឹងកើតមាន ប៉ុន្តែ ចាប់ពីខែក្រោយឯណោះ ដែលបញ្ហានេះ រួមនឹងបញ្ហាដាច់ភ្លើងញឹកញាប់ ធ្វើឱ្យប្រជាជនមានការពិបាកទ្រាំ៕

May 4, 2022

Elon Musk អាចនាំយក Twitter ទៅធ្វើ IPO នៅផ្សារហ៊ុនម្ដងទៀត បន្ទាប់ពីទិញបានច្រើនឆ្នាំ

មហាសេដ្ឋី Elon Musk លើកឡើងនូវគម្រោងបោះផ្សាយមូលបត្រជាសាធារណៈលើកដំបូង (IPO) ជាថ្មី ដើម្បីបង្ហាញដល់ក្រុមអ្នកវិនិយោគថា លោកអាចកែលម្អសកម្មភាព និងលទ្ធភាពនៃការរកបានប្រាក់ចំណេញសម្រាប់ Twitter ក្នុងរយៈពេលដ៏ខ្លី។

អ្នកមានជាងគេក្នុងពិភពលោក បាននិយាយប្រាប់អ្នកវិនិយោគថា លោកមានផែនការធ្វើ IPO ចំពោះ Twitter បន្ទាប់ពីទិញបានប្រហែល ៣ ឆ្នាំ នេះបើតាមសារព័ត៌មាន WSJ។ បច្ចុប្បន្ន គម្រោងនៃការទិញដូរបណ្ដាញសង្គម Twitter នេះ កំពុងរង់ចាំការឯកភាពពីក្រុមភាគហ៊ុនិករបស់ Twitter និងក្រុមមន្ត្រីរដ្ឋាភិបាល ហើយគ្រោងនឹងរួចរាល់នៅចុងឆ្នាំ ២០២២។

នាយកប្រតិបត្តិរបស់ Tesla បានបញ្ចុះបញ្ចូលក្រុមហ៊ុនវិនិយោគធំៗជាងច្រើន ដើម្បីឱ្យពួកគេចូលរួមក្នុងការទិញដូរ Twitter ដែលប្រការនេះអាចជួយកាត់បន្ថយចំនួនទឹកប្រាក់ ២១ ពាន់លានដុល្លារ ជាប្រាក់ហោប៉ៅផ្ទាល់ខ្លួនរបស់លោក ដែលគ្រោងនឹងវិនិយោគទៅលើការទិញដូរនេះ។ ចំណែកដែលនៅសល់គឺពឹងលើប្រាក់កម្ចីពីធនាគារ។ WSJ ឱ្យដឹងថា ក្រុមហ៊ុនមួយកំពុងតែពិចារណាលើការចូលរួម នោះគឺក្រុមហ៊ុន Apollo Global Management។

សញ្ញាខាងលើរបស់លោក Musk បង្ហាញថា លោកចង់បង្កើតទំនុកចិត្តចំពោះក្រុមអ្នកវិនិយោគធំៗ និងឱ្យពួកគេជឿថា លោកអាចកែលម្អសកម្មភាព និងលទ្ធភាពនៃការរកបានប្រាក់ចំណេញសម្រាប់ Twitter ដោយប្រើពេលខ្លី៕

May 4, 2022

អាម៉េរិក ចង់ឱ្យ អង្គការសហប្រជាជាតិ បោះឆ្នោតដាក់ទណ្ឌកម្មលើ កូរ៉េខាងជើង

សហរដ្ឋអាម៉េរិក ចង់ឱ្យ ក្រុមប្រឹក្សាសន្តិសុខ នៃ អង្គការសហប្រជាជាតិ បោះឆ្នោតក្នុងខែនេះ ដើម្បីរឹតបន្តឹងការដាក់ទណ្ឌកម្មចំពោះ កូរ៉េខាងជើង ដោយសារតែមានការសាកល្បងអាវុធនាពេលថ្មីៗនេះ។

«យើងមានការបារម្ភចំពោះស្ថានការណ៍បច្ចុប្បន្ន និងសង្ឃឹមថា អាចរក្សាបាននូវការឯកភាពរបស់ក្រុមប្រឹក្សា ក្នុងការថ្កោលទោសចំពោះសកម្មភាពរបស់ កូរ៉េខាងជើង» ឯកអគ្គរដ្ឋទូតអាម៉េរិក ប្រចាំ អង្គការសហប្រជាជាតិ Linda Thomas-Greenfield ថ្លែងកាលពីថ្ងៃទី ៣ ឧសភាដូច្នេះ។

សហរដ្ឋអាម៉េរិក កាលពីខែកន្លង បានលើកឡើងនូវសេចក្ដីព្រាងនៃសេចក្ដីសម្រេចដំបូងសម្រាប់ ក្រុមប្រឹក្សាសន្តិសុខ នៃ អង្គការសហប្រជាជាតិ ដែលមានសមាជិក ១៥ ប្រទេស ធ្វើការអនុម័ត។ សេចក្ដីព្រាងនោះ ស្នើឱ្យហាមឃាត់បារី និងកាត់បន្ថយប្រេងនាំចូល កូរ៉េខាងជើង ចំនួនពាក់កណ្ដាល និងដាក់ក្រុមចោរអ៊ីនធើរណិត Lazarus ទៅក្នុងបញ្ជីខ្មៅ។

ក៏ប៉ុន្តែ រុស្ស៊ី និង ចិន បានបង្ហាញសញ្ញាប្រឆាំងនឹងការបង្កើនទណ្ឌកម្មលើ កូរ៉េខាងជើង ទាក់ទិននឹងរឿងសាកល្បងកាំជ្រួចផ្លោងអន្តរទ្វីប។

សេចក្ដីសម្រេចមួយរបស់ ក្រុមប្រឹក្សាសន្តិសុខ ត្រូវការសំឡេងគាំទ្រចំនួន ៩ សំឡេង ដើម្បីអនុម័ត ដោយមិនត្រូវមានសំឡេងប្រឆាំងណាមួយ ក្នុងចំណោមសមាជិកអចិន្ត្រៃយ៍ទាំង ៥ គឺ រុស្ស៊ី, ចិន, បារាំង, អង់គ្លេស ឬ អាម៉េរិក៕

May 4, 2022

នាវិកជាង ២០០ នាក់ បានចាកចេញពីនាវាផ្ទុកយន្តហោះចម្បាំងអាម៉េរិក ក្រោយមានករណីអត្តឃាតជាបន្តបន្ទាប់

នាវិកជាង ២០០ នាក់បានចាកចេញពីនាវាផ្ទុកយន្តហោះចម្បាំង Washington របស់ ទ័ពជើងទឹកអាម៉េរិក បន្ទាប់ពីមានហេតុករណ៍ធ្វើអត្តឃាត ៤ ករណី ក្នុងនោះមាន ៣ ករណី កើតឡើងក្នុងរយៈពេលមិនដល់ ១ សប្ដាហ៍។

វរសេនីយ៍ឯក Brent Gaut មេបញ្ជាការនាវាផ្ទុកយន្តហោះ USS George Washington បានសម្រេចចិត្តអនុញ្ញាតឱ្យនាវិកទាំងឡាយរបស់នាវានេះ ប្ដូរទៅកាន់មូលដ្ឋានផ្សេង នេះបើតាមអង្គភាពទ័ពអាកាសជើងទឹកអាត្លង់ទិក។

ក្នុងថ្ងៃដំបូងនៃការអនុវត្តសេចក្ដីសម្រេចខាងលើ ដែលចាប់ផ្ដើមពីថ្ងៃទី ២ ឧសភា នាវិកជាង ២០០ នាក់ បានចាកចេញពីនាវាផ្ទុកយន្តហោះនេះ និងត្រូវបានបញ្ជូនទៅកាន់មូលដ្ឋានទ័ពជើងទឹកនៅក្បែរនោះ។ សេចក្ដីប្រកាសឱ្យដឹងថា «គម្រោងនេះនឹងបន្តរហូតដល់នៅលើនាវានេះលែងមានវត្តមានរបស់នាវិកដែលចង់ចាកចេញ»។

ជាធម្មតា USS George Washington មាននាវិកប្រហែល ៥,០០០ នាក់ ប៉ុន្តែ ក្នុងដំណាក់កាលជួសជុលលើកនេះ តួលេខនេះគឺប្រហែលពី ២,០០០ ទៅ ៣,០០០ នាក់។

ក្នុងរយៈពេល ១២ ខែកន្លងទៅ នាវិក ៧ នាក់នៅលើនាវាផ្ទុកយន្តហោះចម្បាំង USS George Washington បានបាត់បង់ជីវិត ក្នុងនោះមានករណីសម្លាប់ខ្លួនចំនួន ៤ នាក់ ដែលមាន ៣ នាក់បានធ្វើអត្តឃាតក្នុងរយៈពេលមិនដល់ ១ សប្ដាហ៍ កាលពីខែកន្លង នាំឱ្យក្រុមមន្ត្រីបើកការស៊ើបអង្កេត។ លទ្ធផលនៃការស៊ើបអង្កេតនឹងត្រូវបានប្រកាសនៅក្នុងសប្ដាហ៍នេះ។

May 4, 2022

ក្រុមហ៊ុនមួយនេះ មានគម្រោងផលិតរថយន្តអគ្គិសនីឱ្យបាន ៣០ ម៉ូដែល ក្នុងរយៈពេលជិត ១០ ឆ្នាំទៀត

ក្រុមហ៊ុន Honda របស់ ជប៉ុន បានប្រកាសថា ពួកគេបានកំណត់គោលដៅបញ្ចេញរថយន្តអគ្គិសនី (EV) ចំនួន ៣០ ម៉ូដែល នៅឆ្នាំ ២០៣០ ប៉ុន្តែ ក្រុមអ្នកវិភាគយល់ឃើញថា Honda គួរតែដើរឱ្យបានឆ្ងាយជាងនេះ។

ទីភ្នាក់ងារសារព័ត៌មាន Nikkei បានចេញផ្សាយថា ក្រុមហ៊ុន Honda នៅក្នុងខែនេះ បានប្រកាសថា ពួកគេកំណត់គោលដៅបញ្ចេញរថយន្តអគ្គិសនី (EV) ចំនួន ៣០ ម៉ូដែល នៅឆ្នាំ ២០៣០។ កាលពី ១ ឆ្នាំមុន Honda បានប្រកាសថា នឹងឈប់លក់រថយន្តដើរដោយប្រេងសាំងនៅឆ្នាំ ២០៤០។ យុទ្ធសាស្ត្រថ្មីនេះគឺដើម្បីឆ្លើយតបទៅនឹងការរិះគន់ដែលថា ការសន្យារបស់ Honda កន្លងមក គឺខ្វះភាពជាក់លាក់។

ប្រធានក្រុមហ៊ុន Honda លោក Toshihiro Mibe ថ្លែងថា «តាំងពីខែមេសា ឆ្នាំ ២០២១ យើងបានចាប់ផ្ដើមពិចារណារកវិធីដើម្បីសម្រេចបានគោលដៅនេះ។ ដោយមានការរំពឹងទុកនៅស្រពេចស្រពិល យើងបានរៀបផែនការចុះឡើងជាច្រើនលើក»។

គម្រោងថ្មីបំផុតរបស់ Honda តម្រូវឱ្យបង្កើនការផលិតរថយន្តឱ្យបានជាង ២ លានគ្រឿងក្នុង ១ ឆ្នាំៗ ដែលប្រហាក់ប្រហែលនឹង ៤០% បើធៀបនឹងបរិមាណរថយន្តរបស់ក្រុមហ៊ុននេះនៅឆ្នាំ ២០៣១។

ក៏ប៉ុន្តែ ភាគហ៊ុនរបស់ Honda បានថយចុះ ៥ យេន នៅក្នុងថ្ងៃដែលប្រកាសខាងលើនេះត្រូវបានផ្សព្វផ្សាយ ពោលគឺមកនៅត្រឹម ៣,២២៩ យេន/ហ៊ុន។

Shinya Naruse អ្នកវិភាគមួយរូបប្រចាំ Okasan Securities ឱ្យដឹងថា «យើងមិនបានឃើញអ្វីដែលយើងរំពឹងទុកសោះ នៅពេលមើលទៅលើយុទ្ធសាស្ត្ររបស់ Honda ឧទាហរណ៍ដូចជា ការរួមកម្លាំងជាមួយសកម្មភាពជំនួញក្នុងផ្នែកម៉ូតូរបស់ក្រុមហ៊ុននេះជាដើម»។

តម្លៃមូលធនទីផ្សាររបស់ Honda កាលពីថ្ងៃនោះគឺ ៥.៨៥ ទ្រីលានយេន (៤៥.៧ ពាន់លានដុល្លារអាម៉េរិក) ថយចុះបន្តិចធៀបនឹងមុនពេលប្រកាសងាកទៅផលិតរថយន្តអគ្គិសនីទាំងស្រុង កាលពីខែមេសា ២០២១។ ក្នុងដំណាក់កាលនោះ គូប្រជែងរបស់ Honda ក៏កំពុងតែរត់ប្រណាំងនៅពីមុខ។ មូលធនទីផ្សាររបស់ Tesla កើន ៤៧% ខណៈដែល BYD របស់ ចិន និង Toyota Motor កើនបន្តបន្ទាប់គឺ ៣៧% និង ២៤%។

លទ្ធភាពនៃការរកបានប្រាក់ចំណេញពីការផលិតរថយន្តគឺជាឧបសគ្គធំបំផុតចំពោះតម្លៃភាគហ៊ុនរបស់ Honda ដែលវាធំជាងការខកចិត្តទៅលើយុទ្ធសាស្ត្រក្នុងការផលិតរថយន្តអគ្គិសនីរបស់ពួកគេទៅទៀត។ Honda នៅតែបន្តពឹងផ្អែកលើអាជីវកម្មម៉ូតូ ដោយវិស័យនេះមានអត្រាចំណេញ ១៥% ជួយបង្កើនអត្រាចំណេញរួមរបស់ក្រុមហ៊ុននេះឡើងដល់ ៦%។

យោងតាមយុទ្ធសាស្ត្រថ្មី ដែលស្នើឱ្យវិនិយោគ ៥ ទ្រីលានយេន (៥,០០០,០០០,០០០,០០០) ទៅក្នុងវិស័យរថយន្តអគ្គិសនី និងវិស័យដទៃទៀតនៅចុងខែមីនា ២០៣១ ក្រុមហ៊ុន Honda នឹងបង្កើនកិច្ចសហប្រតិបត្តិការណ៍ជាមួយ GM នៅក្នុងការការចែករំលែកបច្ចេកវិទ្យារថយន្តអគ្គិសនី និងអភិវឌ្ឍរថយន្តរួមគ្នា។ Honda ក៏កំពុងចាប់ដៃជាមួយ Sony ដែលជាក្រុមហ៊ុនក្រៅវិស័យ ដើម្បីបង្កើនប្រសិទ្ធភាពផ្នែក R&D (ស្រាវជ្រាវ និងអភិវឌ្ឍ)។

ទោះជាយ៉ាងណាក៏ដោយ ក្រុមអ្នកវិភាគយល់ឃើញថា ក្រុមហ៊ុន Honda គួរតែដើរឱ្យបានឆ្ងាយជាងផែនការដែលពួកគេបានគ្រោងទុក៕

May 4, 2022

កូវីដ-១៩! កម្ពុជា បានរកឃើញអ្នកឆ្លងថ្មីតែ ០៣ នាក់ទៀត ក្នុងអំឡុងថ្ងៃទី ០២ ខែឧសភា ឆ្នាំ ២០២២

ក្នុងអំឡុង ២៤ ម៉ោងនៃថ្ងៃទី ០២ ឧសភា កម្ពុជា បានរកឃើញអ្នកវិជ្ជមាននឹង កូវីដ-១៩ ចំនួន ០៣ នាក់ ដែលសុទ្ធតែជាប្រភេទ អូមីក្រុង និងសុទ្ធតែជាករណីឆ្លងក្នុងសហគមន៍។

May 3, 2022

Author: សឿន សំណាង