កម្ពុជា រកឃើញអ្នកឆ្លងកូវីដ-១៩ ករណីថ្មី ចំនួន ១៤ នាក់ទៀត ក្នុងអំឡុង ២៤ ម៉ោងនៃថ្ងៃទី ១៤ ខែកក្កដា ២០២២ ដែលទាំងនេះសុទ្ធតែជាករណីឆ្លងក្នុងសហគមន៍។
ក្នុងអំឡុងពេលដដែល ក៏មានអ្នកជំងឺកូវីដ-១៩ ចំនួន ៨ នាក់ បានជាសះស្បើយ និងមិនមានករណីស្លាប់ថ្មីដោយសារជំងឺនេះនៅឡើយ។
សភាជាន់ទាបរបស់ សហរដ្ឋអាម៉េរិក បានអនុម័តសេចក្ដីព្រាងច្បាប់ដែលអនុញ្ញាតឱ្យបង្កើនថវិកាសម្រាប់វិស័យការពារជាតិឡើងដល់កម្រិតខ្ពស់បំផុតក្នុងប្រវត្តិសាស្ត្រ នៅឆ្នាំ ២០២៣។
សេចក្ដីព្រាងច្បាប់ស្ដីពីការផ្ដល់សិទ្ធិការពារជាតិ (NDAA) សម្រាប់ឆ្នាំ ២០២៣ ត្រូវបាន សភាជាន់ទាបអាម៉េរិក អនុម័តកាលពីថ្ងៃទី ១៤ កក្កដា ដោយមានសន្លឹកឆ្នោតគាំទ្រ ៣២៩ សំឡេង និងប្រឆាំង ១០១ សំឡេង។ សេចក្ដីព្រាងច្បាប់នេះអនុញ្ញាតឱ្យបន្ថែម ៣៧ ពាន់លានដុល្លារទៅក្នុងថវិកាការពារជាតិរបស់ សហរដ្ឋអាម៉េរិក ធៀបនឹងសំណើ ៧៧៣ ពាន់លានដុល្លាររបស់ ប្រធានាធិបតី ចូ បៃដិន។
សេចក្ដីព្រាងច្បាប់នេះក៏អាចបើកផ្លូវឱ្យ សហរដ្ឋអាម៉េរិក ចំណាយទៅលើវិស័យការពារជាតិ លើសពី ៨០០ ពាន់លានដុល្លារ ដែលជាកំណត់ត្រាថ្មីក្នុងប្រវត្តិសាស្ត្ររបស់ប្រទេសនេះ។
សភាជាន់ខ្ពស់អាម៉េរិក មិនទាន់អនុម័តកំណែ NDAA របស់ខ្លួន ប៉ុន្តែ គណៈកម្មការយោធារបស់ សភាជាន់ខ្ពស់អាម៉េរិក បានគាំទ្រកញ្ចប់ថវិកាធំជាងនេះ ពោលគឺច្រើនជាង ៤៥ ពាន់លានដុល្លារធៀបនឹងសំណើរបស់លោក បៃដិន។
សភាសហរដ្ឋអាម៉េរិក នឹងអនុម័តសម្រេចចុងក្រោយលើ NDAA នៅក្នុងកិច្ចប្រជុំនាពេលខាងមុខ ហើយក្រោយមកនឹងមានការបោះឆ្នោតទាំងនៅក្នុងសភាជាន់ខ្ពស់ និងសភាជាន់ទាបនៅចុងឆ្នាំនេះ។
កាលពីចុងឆ្នាំកន្លង ប្រធានាធិបតី បៃដិន បានអនុម័ត NDAA សម្រាប់ឆ្នាំ ២០២២ អនុញ្ញាតឱ្យបញ្ចេញថវិកា ៧៧៣ ពាន់លានដុល្លារ កើន ៥% ធៀបនឹងឆ្នាំ ២០២១៕
យោងតាមការគណនារបស់ Bundesnetzagentur អគ្គិសនី ១ គីឡូវ៉ាត់ដែលបានមកពីឧស្ម័ននៅ អាល្លឺម៉ង់ មានតម្លៃប្រហែល ២២ អឺរ៉ូ ខ្ពស់ជាង ៤ ដង ធៀបនឹងឆ្នាំ ២០២១ ហើយអាចកើនឡើងយ៉ាងតិច ៣ ដង នៅក្នុងឆ្នាំក្រោយ។
យោងតាមប្រកាសកាលពីថ្ងៃទី ១៤ កក្កដា របស់ អាជ្ញាធរជាតិគ្រប់គ្រងបណ្ដាញ Bundesnetzagentur (Federal Network Agency) របស់ អាល្លឺម៉ង់ បន្ទាប់ពីការផ្គត់ផ្គង់ឧស្ម័នរបស់ រុស្ស៊ី តាមរយៈបណ្ដាញបំពង់បង្ហូរ Nord Stream 1 ត្រូវបានផ្អាក កម្រិតនៃការប៉ះប៉ូវរបស់ឃ្លាំងឧស្ម័ននៅ អាល្លឺម៉ង់ កំពុងថយចុះ ក្នុងនោះ ឧស្ម័ននៅក្នុងឃ្លាំងមួយចំនួនកំពុងតែត្រូវបានយកចេញ «ព្រោះតែទីផ្សារ»។
Bundesnetzagentur បានព្រមានថា តម្លៃឧស្ម័នអាចកើនឡើងដល់ ៣ ដង នៅឆ្នាំ ២០២៣។ Bundesnetzagentur បានប្រកាសថា ជារួមបរិមាណឧស្ម័នដែលត្រូវបានយកចេញពីឃ្លាំង គឺច្រើនជាងធៀបនឹងបរិមាណដែលបានបញ្ជូនចូលក្នុងឃ្លាំង។
បញ្ហាខាងលើនេះធ្វើឱ្យការរក្សាឧស្ម័នដែលរក្សាទុកសម្រាប់រដូវរងា ក្លាយជារឿងលំបាក និងនាំឱ្យបរិមាណឧស្ម័នដែលរក្សាទុកក្នុងករណីខ្វះខាតត្រូវថយចុះ។ កម្រិតនៃការបំពេញឃ្លាំងឧស្ម័ននៅ អាល្លឺម៉ង់ បច្ចុប្បន្នគឺ ៦៤.៥%។
បច្ចុប្បន្ន Nord Stream 1 កំពុងស្ថិតក្នុងដំណាក់កាលជួសជុល ហើយកិច្ចការនេះគ្រោងនឹងបង្ហើយនៅថ្ងៃទី ២១ កក្កដា។ ក្នុងដំណាក់កាលនេះ ពុំមានទំនិញជាឧស្ម័នធម្មជាតិណាមួយត្រូវបានដឹកជញ្ជូនទៅកាន់ អាល្លឺម៉ង់ តាមរយៈបណ្ដាញ Nord Stream 1 ឡើយ។
ថ្វីបើមានវិធីដឹកជញ្ជូនផ្សេងដូចជា ប្រព័ន្ធបំពង់បង្ហូរ Yamal ឬ ការដឹកជញ្ជូនឆ្លងកាត់ ប្រទេសអ៊ុយក្រែន ប៉ុន្តែ ទាំងនេះមិនត្រូវបានគេប្រើប្រាស់នោះទេ នៅក្នុងគ្រាដែល Nord Stream 1 កំពុងត្រូវជួសជុល។
ទោះជាយ៉ាងណាក៏ដោយ Bundesnetzagentur បានបញ្ជាក់ថា ប្រភពផ្គត់ផ្គង់ឧស្ម័ននៅ អាល្លឺម៉ង់ ជារួមនៅតែមាន «ស្ថិរភាព» ហើយសន្តិសុខនៃប្រភពផ្គត់ផ្គង់នៅតែត្រូវបានធានា។
រាប់ចាប់តាំងពីឆ្នាំ ២០២១ តម្លៃថាមពលនៅ អឺរ៉ុប ពិសេសគឺនៅ ប្រទេសអាល្លឺម៉ង់ បានកើនឡើងខ្ពស់ ដោយមួយផ្នែកធំគឺបណ្ដាលមកពីវិបត្តិសកល៕
ប្រធានាធិបតីអ៊ីតាលី Mattarella បានបដិសេធពាក្យសុំលាលែងពីតំណែងរបស់នាយករដ្ឋមន្ត្រី Draghi ដោយស្នើឱ្យលោកចរចាជាមួយសភា ដើម្បីរកដំណោះស្រាយសម្រាប់វិបត្តិនយោបាយ។
«ប្រធានាធិបតីមិនទទួលយកលិខិតសុំលាលែងរបស់នាយករដ្ឋមន្ត្រី Mario Draghi។ លោកបានអញ្ជើញនាយករដ្ឋមន្ត្រីឡើងថ្លែងនៅមុខសភា ដើម្បីអាចមានការវាយតម្លៃសមស្របអំពីវិវត្តន៍នៃស្ថានការណ៍» ការិយាល័យប្រធានាធិបតីអ៊ីតាលី Gergio Mattarella ប្រកាសកាលពីថ្ងៃទី ១៤ កក្កា។
ប្រកាសខាងលើត្រូវបានធ្វើឡើងបន្ទាប់ពីនាយករដ្ឋមន្ត្រី Draghi ដាក់ពាក្យសុំលាលែងពីតំណែងទៅកាន់ប្រធានាធិបតី ដោយសារ «សម្ព័ន្ធមិត្តឯកភាពជាតិគាំទ្ររដ្ឋាភិបាលនេះលែងមានទៀតហើយ»។
រដ្ឋាភិបាលរបស់លោកនាយករដ្ឋាមន្ត្រី Draghi កំពុងប្រឈមនឹងការដួលរលំ ព្រោះតែ បក្សផ្កាយ៥ (M5S) បានគំរាមដកខ្លួនចេញពីរដ្ឋាភិបាលចម្រុះ និងបដិសេធការចូលរួមបោះឆ្នោតផ្ដល់សេចក្ដីទុកចិត្តដល់រដ្ឋាភិបាល។
រដ្ឋាភិបាលចម្រុះរបស់នាយករដ្ឋមន្ត្រី Draghi ត្រូវបានបង្កើតឡើងកាលពីខែកុម្ភៈ ២០២១ ដោយមានការចូលរួមរបស់ គណបក្ស M5S, គណបក្សសម្ព័ន្ធ, បក្ស Forza Italia, បក្សប្រជាធិបតេយ្យ, បក្ស Italia Viva និងបក្ស Article One។ ក្នុងនោះ M56 គឺជាបក្សធំជាងគេ កាន់កាប់កៅអីជាង ៣០% នៅសភាជាន់ខ្ពស់ និង សភាជាន់ទាប ក្រោយការបោះឆ្នោតសកលកាលពីឆ្នាំ ២០១៨។
អតីតនាយករដ្ឋមន្ត្រីអ៊ីតាលី លោក Giuseppe Conte ដែលជាមេដឹកនាំបក្ស M5S កាលពីថ្ងៃទី ១៣ កក្កដា បានគំរាមដក M5S ចេញពីរដ្ឋាភិបាលចម្រុះ ក្នុងពេលដែលភាពតានតឹងរវាងលោក និងនាយករដ្ឋមន្ត្រី Draghi កើនឡើងខ្ពស់ក្នុងប៉ុន្មានសប្ដាហ៍ចុងក្រោយនេះ។ នាយករដ្ឋមន្ត្រី Draghi ថ្លែងថា លោកមិនចង់ដឹកនាំរដ្ឋាភិបាលមួយដែលមិនមាន M5S។
ក្រោយការប្រកាសរបស់លោក Conte មេដឹនរបស់បក្សផ្សេងៗមួយក៏បានគំរាមដកខ្លួនពីរដ្ឋាភិបាលចម្រុះ ធ្វើឱ្យរដ្ឋាភិបាលរបស់លោក Draghi ប្រឈមនឹងការដួលរលំ៕
អ្នកនាំពាក្យរងរបស់ រាជរដ្ឋាភិបាលថៃ Traisuree Taisaranakul កាលពីថ្ងៃទី ១៤ កក្កដា បានឱ្យដឹងថា គណៈរដ្ឋមន្ត្រីថៃ បានអនុម័តគម្រោងផ្ដល់បណ្ណស្នាក់នៅអចិន្ត្រៃយ៍ដល់ពលរដ្ឋបរទេសដើម្បីជំរុញការវិនិយោគ។
យោងតាមលោកស្រី Traisuree គណៈរដ្ឋមន្ត្រីថៃ បានអនុម័តសេចក្ដីព្រាងនៃការណែនាំរបស់ ការិយាល័យនាយករដ្ឋមន្ត្រី និងក្រសួងមហាផ្ទៃ ស្ដីពីការផ្ដល់បណ្ណស្នាក់នៅអចិន្ត្រៃយ៍ដល់ពលរដ្ឋបរទេស។ គោលនយោបាយនេះនឹងផ្ដល់បណ្ណស្នាក់នៅអចិន្ត្រៃយ៍ដល់ពលរដ្ឋបរទេស មិនលើសពី ១០០ នាក់ និងអ្នកមិនមានសញ្ជាតិមិនឱ្យលើសពី ៥០ នាក់ ជារៀងរាល់ឆ្នាំ។
លោកស្រី Traisuree បានឱ្យដឹងថា ពលរដ្ឋបរទេសមានមូលហេតុផ្សេងៗគ្នាដើម្បីស្វែងរកការស្នាក់នៅអចិន្ត្រៃយ៍នៅ ប្រទេសថៃ។ មនុស្សមួយចំនួនមកប្រទេសនេះដើម្បីធ្វើការ និងវិនិយោគ ខណៈដែលមនុស្សជាច្រើនផ្សេងទៀតមានបំណងនាំគ្រួសារមករស់នៅ និងទទួលផលប្រយោជន៍នៅ ប្រទេសថៃ។ ក្នុងគ្រាដែល ប្រទេសថៃ កំពុងត្រូវការទុនវិនិយោគពីបរទេសដើម្បីស្ដារសេដ្ឋកិច្ច រាជរដ្ឋាភិបាលថៃ សង្ឃឹមថា គោលនយោបាយថ្មីនេះនឹងជួយលើកទឹកចិត្តពលរដ្ឋបរទេសមករស់នៅយូរអង្វែងដើម្បីវិនិយោគ និងធ្វើការនៅ ប្រទេសនេះ។
យោងតាមលោកស្រី Traisuree គោលនយោបាយនេះ មុននោះត្រូវបាន គណៈកម្មាធិការជាតិអន្តោប្រវេសន៍ថៃ អនុម័តរួចហើយ ហើយនឹងមានសុពលភាពក្នុងពេលឆាប់ៗនេះ។
រាជរដ្ឋាភិបាលថៃ ថ្មីៗនេះបាន និងកំពុងរកវិធីដើម្បីទាក់ទាញពលរដ្ឋបរទេសដែលជាអ្នកមានទ្រព្យច្រើន និងអ្នកដែលមានជំនាញខ្ពស់ មករស់នៅ តាមរយៈគោលនយោបាយនានា ដូចជា អនុញ្ញាតឱ្យជួលផ្ទះ និងដីក្នុងរយៈពេលវែង ការសងប្រាក់បង់ពន្ធត្រលប់ទៅវិញ។ល។ តាមរយៈគោលនយោបាយនេះ រាជរដ្ឋាភិបាលថៃ សង្ឃឹមថា នឹងទាក់ទាញពលរដ្ឋបរទេសដែលមានជំនាញខ្ពស់ជាង ១ លាននាក់ មកកាន់ប្រទេសនេះដើម្បីរស់នៅ និងប្រកបរបររកស៊ី ហើយអាចនាំមកនូវខ្ទង់ប្រាក់វិនិយោគ ១ ទ្រីលានបាត (១,០០០ ពាន់លានបាត- ជិត ២៩ ពាន់លានដុល្លារអាម៉េរិក) នៅឆ្នាំ ២០២៦។ ខ្ទង់ប្រាក់នេះនឹងរួមចំណែកក្នុងការជួយស្ដារសេដ្ឋកិច្ចប្រទេសនេះ បន្ទាប់ពី GDP បានធ្លាក់ចុះជ្រៅក្នុងអំឡុង ២ ឆ្នាំកន្លងមក៕
អគ្គនាយកក្រុមហ៊ុន Metfone បានឱ្យដឹងថា ការចុះហត្ថលេខាលើកិច្ចព្រមព្រៀងសហការគ្នានេះគឺជាឱកាសដើម្បីតភ្ជាប់ទំនាក់ទំនងសហប្រតិបត្តិរវាង Metfone និង Angkormilk រួមចំណែកផ្ដល់នូវតម្លៃល្អប្រសើរសម្រាប់ កម្ពុជា។
ក្រុមហ៊ុនវៀតណា ២ ស្ថាប័ន ដែលកំពុងរកស៊ីនៅ កម្ពុជា គឺ Viettel Cambodia (Metfone) និង Angkormilk ទើបតែបានចុះហត្ថលេខាលើកិច្ចព្រមព្រៀងសហការគ្នាអភិវឌ្ឍសេវាកម្មទូរគមនាគមន៍ និងទូទាត់តាមប្រព័ន្ធឌីជីថល នៅ កម្ពុជា។
ពិធីចុះហត្ថលេខាលើកិច្ចព្រមព្រៀងសហការគ្រប់ជ្រុងជ្រោយរវាង Metfone និង Angkormilk ត្រូវបានធ្វើឡើងកាលពីរសៀលថ្ងៃទី ១៤ កក្កដា នៅ រាជធានីភ្នំពេញ។
ខ្លឹមសារនៃកិច្ចព្រមព្រៀងខាងលើបានបញ្ជាក់ថា កិច្ចសហការនេះគឺដើម្បីកែលម្អវឌ្ឍនភាពនៃសេវាកម្មទូរគមនាគមន៍ និងសេវាកម្មទូទាត់ប្រាក់តាមប្រព័ន្ធឌីជីថលនៅ កម្ពុជា។
យោងតាមកិច្ចព្រមព្រៀង Metfone និង eMoney នឹងសហការគ្រប់ជ្រុងជ្រោយជាមួយដៃគូក្នុងការផ្ដល់សបវែរលក់ទំនិញនាំចេញនាំចូលពីឃ្លាំង, ខ្សែទូរស័ព្ទទាន់ហេតុការណ៍ (hotline) សម្រាប់សេវាបម្រើអតិថិជន, សេវាផ្ញើសារផ្សព្វផ្សាយ,សេវាអ៊ីនធើណិត, កញ្ចប់សេវាទូរស័ព្ទសម្រាប់ក្រុមហ៊ុន, ស៊ីម data សម្រាប់កាមេរ៉ាសន្តិសុខខាងក្នុងទូ ATM រួមនឹងការផ្ដល់សេវាទូទាត់ប្រាក់តាមប្រព័ន្ធឌីជីថល ដូចជា បើកប្រាក់ខែដល់បុគ្គលិកជាដើម។ល។
Angkormilk គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនវៀតណាម Vinamilk ដែលផ្គត់ផ្គង់ផលិតផលទឹកដោះគោ។ ចំណែក Metfone វិញ គឺជាក្រុមហ៊ុនបុត្រសម្ព័ន្ធរបស់ Viettel ដែលគ្រប់គ្រងដោយកងទ័ពវៀតណាម។
នាយករដ្ឋមន្ត្រីអ៊ីតាលី Draghi ប្រកាសលាលែងពីតំណែងនៅពេលវិបត្តិនយោបាយផ្ទុះឡើងដោយសារបក្សចលនាផ្កាយ៥ មិនចូលរួមការបោះឆ្នោតផ្ដល់សេចក្ដីទុកចិត្តដល់រដ្ឋាភិបាល។
«ខ្ញុំចង់ប្រកាសថា ព្រលប់នេះខ្ញុំនឹងដាក់ពាក្យលាលែងពីតំណែងទៅកាន់ប្រធានាធិបតី» នាយករដ្ឋមន្ត្រីអ៊ីតាលី លោក Mario Draghi ថ្លែងប្រាប់គណៈរដ្ឋមន្ត្រីកាលពីថ្ងៃទី ១៤ កក្កដា។ «សម្ព័ន្ធមិត្តឯកភាពជាតិគាំទ្ររដ្ឋាភិបាលនេះមិនមានទៀតនោះទេ»។
លក្ខខណ្ឌចាំបាច់ដើម្បីរក្សារដ្ឋាភិបាលចម្រុះ «លែងមានទៀតហើយ» ហើយ «កិច្ចព្រមព្រៀងនៃសេចក្ដីទុកចិត្តដែលជាមូលដ្ឋានគ្រឹះក្នុងការបង្កើតរដ្ឋាភិបាលក៏លែងមានទៀតដែរ» នេះបើតាមលោក Draghi។
ការសម្រេចចិត្តរបស់លោក Draghi ត្រូវបានលើកឡើងបន្ទាប់ពី បក្សចលនាផ្កាយ៥ (M5S) បដិសេធការចូលរួមបោះឆ្នោតផ្ដល់សេចក្ដីទុកចិត្តដល់រដ្ឋាភិបាល។ ការបោះឆ្នោតផ្ដល់សេចក្ដីទុកចិត្តបានក្លាយជាចំណុចកណ្ដាលនៃភាពតានតឹងក្នុងរដ្ឋាភិបាលចម្រុះរបស់លោក Draghi នៅពេលបក្សនានាត្រៀមប្រឈមមុខដាក់គ្នានៅក្នុងការបោះឆ្នោតជាតិដែលនឹងត្រូវបានធ្វើឡើងនៅឆ្នាំក្រោយ។
រដ្ឋាភិបាលចម្រុះរបស់នាយករដ្ឋមន្ត្រី Draghi ត្រូវបានបង្កើតឡើងកាលពីខែកុម្ភៈ ២០២១ ដោយមានការចូលរួមរបស់ គណបក្ស M5S, គណបក្សសម្ព័ន្ធ, បក្ស Forza Italia, បក្សប្រជាធិបតេយ្យ, បក្ស Italia Viva និងបក្ស Article One។ ក្នុងនោះ M56 គឺជាបក្សធំជាងគេ កាន់កាប់កៅអីជាង ៣០% នៅសភាជាន់ខ្ពស់ និង សភាជាន់ទាប ក្រោយការបោះឆ្នោតសកលកាលពីឆ្នាំ ២០១៨។
អតីតនាយករដ្ឋមន្ត្រីអ៊ីតាលី លោក Giuseppe Conte ដែលជាមេដឹកនាំបក្ស M5S កាលពីថ្ងៃទី ១៣ កក្កដា បានគំរាមដក M5S ចេញពីរដ្ឋាភិបាលចម្រុះ ក្នុងពេលដែលភាពតានតឹងរវាងលោក និងនាយករដ្ឋមន្ត្រី Draghi កើនឡើងខ្ពស់ក្នុងប៉ុន្មានសប្ដាហ៍ចុងក្រោយនេះ។ នាយករដ្ឋមន្ត្រី Draghi ថ្លែងថា លោកមិនចង់ដឹកនាំរដ្ឋាភិបាលមួយដែលមិនមាន M5S។
ក្រោយការប្រកាសរបស់លោក Conte មេដឹនរបស់បក្សផ្សេងៗមួយក៏បានគំរាមដកខ្លួនពីរដ្ឋាភិបាលចម្រុះ ធ្វើឱ្យរដ្ឋាភិបាលរបស់លោក Draghi ប្រឈមនឹងការដួលរលំ។
នាយករដ្ឋមន្ត្រី Draghi កាលពីថ្ងៃទី ១២ កក្កដា ប្រកាសថា បើសិន M5S ដកខ្លួនពីរដ្ឋាភិបាលចម្រុះ បញ្ហាទាំងអស់នឹងអាស្រ័យទៅលើការសម្រេចរបស់ប្រធានាធិបតី Sergio Mattarella៕
ក្រុមបាតុករនាំគ្នាស្រែកច្រៀង រាំរែកនៅលើដងផ្លូវក្នុង រដ្ឋធានីកូឡុំបូ បន្ទាប់ពីប្រធានាធិបតី Gotabaya Rajapaksa ផ្ញើសារអេឡិកត្រូនិកលាលែងពីតំណែងទៅកាន់ប្រធានសភា។
ក្រុមបាតុករស្រីលង្កា កាលពីព្រលប់ថ្ងៃទី ១៤ កក្កដា បានប្រមូលផ្ដុំគ្នានៅក្បែរវិមានប្រធានាធិបតីដើម្បីជប់លៀងអបអរសាទរ ដោយពួកគេបានហៅការលាលែងពីតំណែងរបស់លោក Rajapaksa ថាជា «ជ័យជម្នះសម្រាប់ប្រជាធិបតេយ្យ»។ មនុស្សរាប់សិបនាក់នាំគ្នារាំរែក ស្រែកហ៊ោ និងលើកគ្រវីទង់ជាតិស្រីលង្កា ខណៈដែលមនុស្សពីរនាក់កំពុងស្រែកច្រៀងនៅលើឆាកតូចមួយ។
បរិយាកាសនេះដូចទៅនឹងពិធីបុណ្យធំ ខណៈដែលគ្រប់គ្នាស្រែកច្រៀង រាំរែកទៅតាមតន្ត្រី គ្រាដែលអ្នកផ្សេងស្រែកដាក់មីក្រូថា ពួកគេចង់ឱ្យមានការដឹកនាំប្រទេសជាតិល្អជាងនេះ។
«នៅលើពិភពលោក យើងបានដឹកនាំចលនាផ្ដួលរំលំប្រធានាធិបតីដោយកម្លាំងបាយ និងអំពើហិង្សាតិចតួចបំផុត។ នោះគឺជាការរួមផ្សំរវាងជ័យជម្នះ និងភាពធូរស្រាល» Viraga Perera វិស្វករម្នាក់ដែលបានចូលរួមធ្វើបាតុកម្មតាំងពីខែមេសា បានឱ្យដឹងដូច្នេះ។
ប្រធានាធិបតីស្រីលង្កា បានផ្ញើសារអេឡិកត្រូនិកលាលែងពីតំណែងទៅកាន់ប្រធានសភាកាលពីថ្ងៃទី ១៤ កក្កដា ប៉ុន្មានម៉ោងប៉ុណ្ណោះបន្ទាប់ពីលោកបានធ្វើដំណើរដល់ សិង្ហបុរី។ អ្នកនាំពាក្យសភាបានឱ្យដឹងថា សារលាលែងពីតំណែងនេះត្រូវបានបញ្ជូនទៅកាន់អគ្គរដ្ឋអាជ្ញាដើម្បីពិនិត្យភាពស្របច្បាប់ មុនពេលទទួលស្គាល់ជាផ្លូវការ។
បើសិនជាអ៊ីមេលនោះត្រូវបានទទួលស្គាល់ លោក Rajapaksa នឹងក្លាយជាប្រធានាធិបតីដំបូងគេដែលលាលែងពីតំណែងរាប់ចាប់តាំងពី ស្រីលង្កា អនុម័តរបបប្រធានាធិបតីកាលពីឆ្នាំ ១៩៧៨៕
សហភាពអឺរ៉ុប (EU) កំពុងតែត្រៀមកញ្ចប់ទណ្ឌកម្មទី ៧ ដែលនឹងត្រូវដាក់ទៅលើ ទីក្រុងមូស្គូ ប៉ុន្តែ នឹងមិនមានការកាត់បន្ថយការនាំចូលឧស្ម័ន។
នៅលើទំព័រ Reuters នាយករដ្ឋមន្ត្រីឆែក លោក Petr Fiala បានឱ្យដឹងថា កញ្ចប់ទណ្ឌកម្មបន្ទាប់ដែល EU កំពុងព្រាង នឹងមិនកាត់បន្ថយការនាំចូលឧស្ម័នពី រុស្ស៊ី ឡើយ។ មូលហេតុគឺដោយសារសមាជិកជាច្រើនមិនអាចរកប្រភពផ្គត់ផ្គង់ថ្មីបានក្នុងពេលដ៏ខ្លី។
ប្រទេសឆែក កាន់កាប់តំណែងប្រធានបន្តវេនរយៈពេល ៦ ខែរបស់ EU ចាប់ពីថ្ងៃទី ១ កក្កដា។ ឆែក គឺជាប្រទេសមួយដែលពឹងផ្អែកស្ទើរតែទាំងស្រុងទៅលើការផ្គត់ផ្គង់ឧស្ម័នរបស់ រុស្ស៊ី។
ការដាក់ថាមពលចូលទៅក្នុងកញ្ចប់ទណ្ឌកម្មគឺជារឿងដែលមិនល្អ។ លោក Fiala យល់ថា «គោលការណ៍រួមគឺថា ទណ្ឌកម្មនានាត្រូវតែមានឥទ្ធិពលលើ រុស្ស៊ី ច្រើនជាងបណ្ដាប្រទេសដែលដាក់ទណ្ឌកម្ម»។ មុនពេល រុស្ស៊ី ចូលឈ្លានពានលើ អ៊ុយក្រែន EU ពឹងផ្អែកលើឧស្ម័នរបស់ រុស្ស៊ី ប្រមាណ ៤០%។
ជំនួសមកវិញ កញ្ចប់ទណ្ឌកម្មថ្មីនេះ គ្រោងនឹងផ្ដោតសំខាន់ទៅលើការហាមនាំចូលមាស ការបន្ថែមមុខទំនិញដែលហាមនាំចូល រុស្ស៊ី និងសំដៅទៅលើបុគ្គលសំខាន់ៗរបស់ប្រទេសនេះ។
ស្ថាបនិករបស់ក្រុមហ៊ុន Microsoft នឹងផ្ទេរប្រាក់ ២០ ពាន់លានដុល្លារទៅក្នុងមូលនិធិ Bill & Melinda Gates ដែលជាអង្គការមួយត្រូវបានបង្កើតឡើងដោយលោក Bill Gates និងអតីតភរិយា ក្នុងគ្រាពិភពលោកកំពុងជួបវិបត្តិផ្ទួន។
«វិបត្តិធំៗនាបច្ចុប្បន្ន ទាមទារឱ្យគ្រប់គ្នាបញ្ចេញសកម្មភាពច្រើនជាងមុន» លោក Bill Gates សរសេរនៅលើទំព័រ Twitter កាលពីថ្ងៃទី ១៣ កក្កដា និយាយអំពីផលប៉ះពាល់ត្រួតលើគ្នាដែលកើតឡើងពីរោគរាតត្បាតកូវីដ-១៩ សង្គ្រាមនៅ អ៊ុយក្រែន បញ្ហាបម្រែបម្រួលអាកាសធាតុ និងបញ្ហាជាច្រើនផ្សេងទៀត។
យោងតាមមហាសេដ្ឋីរូបនេះ ស្ថានការណ៍ខាងលើធ្វើឱ្យអតិផរណាកើនឡើងខ្ពស់ខ្លាំង តម្រូវឱ្យមានការវិនិយោគច្រើនថែមទៀតទៅក្នុងបណ្ដាវិស័យសំខាន់ៗដូចជា សុខាភិបាល អប់រំ កាត់បន្ថយភាពក្រីក្រ និងសមភាពយែនឌ័រជាដើម។
«យើងមានគម្រោងបង្កើនការចំណាយពីជិត ៦ ពាន់លានដុល្លារជារៀងរាល់ឆ្នាំនាបច្ចុប្បន្ន ឡើងដល់ ៩ ពាន់លានដុល្លារជារៀងរាល់ឆ្នាំ នៅឆ្នាំ ២០២៦។ ដើម្បីអនុវត្តគម្រោងនេះ ខ្ញុំនឹងផ្ទេរ ២០ ពាន់លានដុល្លារអាម៉េរិក ទៅក្នុងមូលនិធិ ក្នុងខែនេះ» លោក Bill Gates បញ្ជាក់ដូច្នេះ។
ខ្ទង់ប្រាក់ថ្មីនេះនឹងធ្វើឱ្យទុននៃមូលនិធិ Bill & Melinda Gates ឡើងដល់ប្រហែល ៧០ ពាន់លានដុល្លារអាម៉េរិក ក្នុងនោះមាន ៣.១ ពាន់លានដុល្លារដែលបានពីមហាសេដ្ឋី Warren Buffett កាលពីខែកន្លង។
Street ដែលជាទំព័រព័ត៌មានហិរញ្ញវត្ថុនៅ New York បានវាយតម្លៃថា សកម្មភាពនេះនឹងធ្វើឱ្យលោក Gates ត្រូវធ្លាក់ចុះច្រើនកាំនៅក្នុងតារាងចំណាត់ថ្នាក់អ្នកមានរបស់ពិភពលោក។
យោងតាម Bloomberg បច្ចុប្បន្ន លោក Gates ឈរលំដាប់ទី ៤ ក្នុងបញ្ជីចំណាត់ថ្នាក់អ្នកមានជាងគេក្នុងពិភលោក ដោយមានទ្រព្យ ១១៣ ពាន់លានដុល្លារ។ បន្ទាប់ពីខ្ទង់ប្រាក់ ២០ ពាន់លានដុល្លារត្រូវបានផ្ទេរចេញ លោក Gates នឹងធ្លាក់មកឈរលំដាប់ទី ៩ បន្ទាប់ពីលោក Buffett ដែលមានទ្រព្យ ៩៦.៧ ពាន់លានដុល្លារ៕