សឿន សំណាង - La Reine Media

ក្លាយជាមហាសេដ្ឋី ដោយសារលក់សម្លៀកបំពាក់អាពាហ៍ពិពាហ៍ប្រពៃណី

Modi បានក្លាយជាមហាសេដ្ឋីក្នុងវិស័យសម្លៀកបំពាក់ឥណ្ឌា នៅពេលមនុស្សម្នាកាន់តែចូលចិត្តពិធីរៀបអាពាហ៍ពិពាហ៍ធំៗ ច្រើនថ្ងៃ និងស្លៀកពាក់ឈុតប្រពៃណីដូចក្នុងភាពយន្ត Bollywood។

នៅពាក់កណ្ដាលទសវត្សរ៍ទី ៩០ ពេលទៅជួយការងារក្នុងហាងសម្លៀកបំពាក់របស់ឪពុកនៅ Kolkata (ប្រទេសឥណ្ឌា) ក្រោយចេញពីរៀន Ravi Modi រកឃើញឱកាសធំមួយ។ ហាងរបស់គ្រួសារគាត់លក់សម្លៀកបំពាក់ទាន់សម័យ និងមិនមានសម្លៀកបំពាក់បែបប្រពៃណីរបស់ ឥណ្ឌា។

«មានតម្រូវការ ប៉ុន្តែមិនមានរបស់ផ្គត់ផ្គង់» លោក Modi បច្ចុប្បន្នមានអាយុ ៤៥ ឆ្នាំ រៀបរាប់រឿងរ៉ាវកាលពីថ្ងៃដំបូងៗដែលគាត់ចាប់អារម្មណ៍លើការជួញដូរសម្លៀកបំពាក់ប្រពៃណី។ Modi ព្យាយាមបញ្ចុះបញ្ចូលឪពុកដើម្បីឱ្យគាត់លក់អាវ kurta និងខោ pajama ប្រពៃណី ប៉ុន្តែមិនបានសម្រេច។ ដូច្នេះ នៅពេលឪពុករបស់គាត់ទៅចូលរួមហែធម្មយាត្រាកាលពីឆ្នាំ ១៩៩៦ Modi (ពេលនោះមានអាយុ ១៩ ឆ្នាំ) រកបានសម្លៀកបំពាក់ kurta-pajama សម្រាប់បុរសចំនួន ១០០ ឈុត និងលក់បាន ៨០ ឈុតនៅចុងសប្ដាហ៍។

«នៅពេលឪពុកខ្ញុំត្រលប់មកវិញ ដំបូងគាត់ខឹងណាស់។ ប៉ុន្តែ ពេលដឹងថាខ្ញុំលក់បាន ៨០ ឈុត គាត់ក៏សប្បាយចិត្ត» លោក Modi រម្លឹករឿងអតីតកាល។ នោះគឺជារឿងរ៉ាវដែលបាននាំគាត់ចូលក្នុងវិស័យសម្លៀកបំពាក់ប្រពៃណី។ សព្វថ្ងៃ Vedant Fashions របស់លោក Modi គឺជាក្រុមហ៊ុនលំដាប់កំពូលនៅក្នុងទីផ្សារសម្លៀកបំពាក់សម្រាប់អាពាហ៍ពិពាហ៍ និងពិធីបុណ្យនៅ ឥណ្ឌា ដោយលក់បានប្រមាណ ៤ លានខោអាវជារៀងរាល់ឆ្នាំ។

កាលពីខែកុម្ភៈ ២០២២ Modi បាននាំយកក្រុមហ៊ុន Vedant Fashions ឡើងផ្សារហ៊ុន។ ទ្រព្យសម្បត្តិនេះត្រូវបានកំណត់តម្លៃឡើងដល់ ៣.៧៥ ពាន់លានដុល្លារអាម៉េរិក ជួយឱ្យលោក Ravi Modi មានឈ្មោះនៅក្នុងបញ្ជីចំណាត់ថ្នាក់មហាសេដ្ឋីនៅ ប្រទេសឥណ្ឌា។

ក្នុងឆ្នាំសារពើពន្ធ ២០២១ ដែលបានបញ្ចប់កាលពីថ្ងៃទី ៣១ មីនា ២០២២ ប្រាក់ចំណូលរបស់ Vendant Fashions បានកើន ៨៤% ដោយឡើងដល់ ១០.៤ ពាន់លានរ៉ូពីឥណ្ឌា (១៣៨ លានដុល្លារអាម៉េរិក) និងប្រាក់ចំណេញក្រោយពីការទូទាត់ពន្ធ កើនទ្វេដង ដោយឡើងដល់ ៣.១ ពាន់លានរ៉ូពី ធៀបនឹងឆ្នាំ ២០២០។ បើធៀបនឹងឆ្នាំ ២០១៩ ប្រាក់ចំណូលរបស់ Vendant Fashions កើន ៣០% ខណៈប្រាក់ចំណេញកើន ៧៩%។

មូលនិធិវិនិយោគ Axis Capital នៅ Mumbai បានព្យាករថា ប្រាក់ចំណូល និងប្រាក់ចំណេញរបស់ក្រុមហ៊ុន Vedant Fashions នឹងកើនក្នុងអត្រា ៣០% ក្នុងពីរឆ្នាំសារពើពន្ធខាងមុខ។ Modi មានផែនការបង្កើនផ្ទៃក្រឡាសម្រាប់ការលក់រាយក្នុងប៉ុន្មានឆ្នាំខាងមុខ ឡើងដល់ជាង ២២០,០០០ ម៉ែត្រការ៉េ៕

October 14, 2022

ទាហានអាម៉េរិក និង ហ្វ៊ីលីពីន ចំនួន ២,៥០០ នាក់ ធ្វើសមយុទ្ធបាញ់គ្រាប់ពិត

ទាហានម៉ារីនចំនួន ២,៥០០ នាក់របស់ សហរដ្ឋអាម៉េរិក និង ហ្វ៊ីលីពីន ចូលរួមសមយុទ្ធយោធា Kamandag ដែលប្រើប្រាស់មីស៊ីលប្រតិកម្មរហ័ស និងកាំភ្លើងធំវាយប្រហារគោលដៅដែលបានរៀបចំទុក។

សមយុទ្ធយោធាដែលមានឈ្មោះថា «កិច្ចសហការរវាងក្រុមទាហានសមុទ្រ (Kamandag) ត្រូវបានធ្វើឡើងចាប់ពីថ្ងៃទី ១៣ ដល់ ១៤ តុលា នៅតំបន់សម្រាប់ធ្វើសមយុទ្ធក្នុងជ្រលងភ្នំក្បែរទីរួមស្រុក Capas ភាគខាងជើង រដ្ឋធានីម៉ានីល។

ក្រុមទាហានអាម៉េរិក និង ហ្វ៊ីលីពីន ធ្វើសមយុទ្ធផ្នែកវាយឡើងគោក និងយុទ្ធសាស្ត្រផ្គុំកម្លាំងការពារឆ្នេរសមុទ្រ។

ប្រព័ន្ធមីស៊ីល HIMARS របស់ សហរដ្ឋអាម៉េរិក និងកាំភ្លើងធំ បើកការវាយប្រហារទៅលើគោលដៅដែលបានរៀបចំជាមុន ក្នុងគ្រាដែលយន្តហោះចម្បាំង F-35 ហោះពីខាងលើ។ សមយុទ្ធនេះត្រូវបានគេវាយតម្លៃថា គឺជាការបង្ហាញកម្លាំងអាវុធទំនើបរបស់ អាម៉េរិក នៅក្នុងតំបន់។

សមយុទ្ធយោធាខាងលើនេះត្រូវបានធ្វើឡើងដំណាលគ្នានឹងសមយុទ្ធរវាង អាម៉េរិក និង ជប៉ុន នៅលើកោះ Hokkaido ភាគខាងជើងនៃ ប្រទេសជប៉ុន ដែលមានទាហាន ៣,០០០ នាក់ចូលរួម។

October 14, 2022

ស្ថានភាពជំងឺកូវីដ-១៩ នៅ កម្ពុជា ប្រកាសនៅក្នុងថ្ងៃទី ១៤ ខែតុលា ២០២២

កម្ពុជា រកឃើញអ្នកឆ្លងកូវីដ-១៩ ករណីថ្មី ចំនួន ០៥ នាក់ ក្នុងអំឡុង ២៤ ម៉ោង នៃថ្ងៃទី ១៣ ខែតុលា ឆ្នាំ ២០២២។

ក្នុងអំឡុងពេលដដែល ក៏មានអ្នកជំងឺកូវីដ-១៩ ចំនួន ០៨ នាក់បានជាសះស្បើយ និង មិនមានករណីស្លាប់ថ្មី ដោយសារជំងឺនេះនៅឡើយ។

គិតត្រឹមព្រឹក ថ្ងៃទី ១៣ ខែតុលា ឆ្នាំ ២០២២ កម្ពុជា មាន អ្នកឆ្លងកូវីដ-១៩ សរុប ៖ ១៣៧,៩៥៧ នាក់, អ្នកជាសះស្បើយសរុប ៖ ១៣៤,៨២៤ នាក់ និងអ្នកស្លាប់សរុប ៖ ៣,០៥៦ នាក់៕

October 14, 2022

ខ្មាន់កាំភ្លើងបាញ់រះនៅ សហរដ្ឋអាម៉េរិក សម្លាប់មនុស្សយ៉ាងតិច ៥ នាក់

ប៉ូលិសនៅ Carolina ខាងជើង បានចាប់ខ្លួនខ្មាន់កាំភ្លើងម្នាក់ ក្រោយពីជនសង្ស័យនេះបានបាញ់សម្លាប់មនុស្សយ៉ាងតិច ៥ នាក់ និងបណ្ដាលឱ្យច្រើននាក់រងរបួស។

ការិយាល័យប៉ូលិស Raleigh បានឱ្យដឹងថា នៅវេលាម៉ោងប្រហែល ១៨ ថ្ងៃទី ១៣ តុលា (ម៉ោង ៥ ព្រឹក ថ្ងៃទី ១៤ តុលា នៅ កម្ពុជា) ពួកគេបានទទួលព័ត៌មានស្ដីពីករណីផ្ទុះអាវុធនៅតំបន់ភាគឦសាននៃមជ្ឈមណ្ឌលទីក្រុង Raleigh រដ្ឋ Carolina ខាងជើង សហរដ្ឋអាម៉េរិក។

អភិបាលក្រុង Raleigh លោកស្រី Mary-Anne Baldwin បានឱ្យដឹងថា ករណីផ្ទុះអាវុធនេះបានបណ្ដាលឱ្យមនុស្ស ៥ នាក់បាត់បង់ជីវិត និងច្រើននាក់រងរបយស ក្នុងនោះក៏មានប៉ុលិសម្នាក់ដែលកំពុងបំពេញភារកិច្ច។ សមត្ថកិច្ចចាប់បានជនសង្ស័យម្នាក់ដែលជាខ្មាន់កាំភ្លើង។

ការិយាល័យប៉ូលិស Raleigh មិនទាន់ប្រកាសអំពីព័ត៌មានដែលទាក់ទិននឹងអត្តសញ្ញាណរបស់ជនសង្ស័យក្នុងករណីនេះនៅឡើយ។

សហរដ្ឋអាម៉េរិក ថ្មីៗនេះ កើតមានករណីបាញ់រះសម្លាប់មនុស្សជាបន្តបន្ទាប់។ ជនសង្ស័យ Robert Crimo កាលពីថ្ងៃទី ៤ កក្កដា បានប្រើប្រាស់កាំភ្លើងបាញ់រះនៅក្នុងទិវាឯករាជ្យ បណ្ដាលឱ្យមនុស្ស ៦ នាក់ត្រូវស្លាប់ និងរាប់សិបនាក់រងរបួស។ មុននោះ ករណីបាញ់រះដ៏បង្ហូរឈាមមួយបានកើតឡើងនៅឯសាលាបឋមសិក្សាមួយក្នុងតំបន់ Ulvade រដ្ឋ Texas ធ្វើឱ្យមនុស្ស ២១ នាក់បាត់បង់ជីវិត៕

October 14, 2022

បង្វិលឈ្នះៗ! ឈ្នះរង្វាន់សន្ធឹកសន្ធាប់គ្រប់គ្នាពី 1Byte ក្នុងខែតុលានេះ!

ភ្នំពេញ៖ 1Byte ផ្តល់ទាំងរង្វាន់ ផ្តល់ទាំងការបញ្ចុះតម្លៃពិសេស 50%! ដំណឹងល្អសម្រាប់សាធារណជនទាំងអស់ក្នុងការឈ្នះរង្វាន់ដ៏ច្រើនសន្ធឹកសន្ធាប់មិនធ្លាប់មានពី 1Byte តាមរយៈកម្មវិធីបង្វិលកងយករង្វាន់ដែលរៀបចំឡើងនៅក្នុងផ្សារទំនើបអ៊ីអនសែនសុខ នាថ្ងៃទី22-23 និងថ្ងៃទី29-30 ខែតុលា ឆ្នាំ2022 ចាប់ពីម៉ោង10:00 ព្រឹក ដល់ម៉ោង8:00 យប់។ រង្វាន់មានផ្តល់ជូនសម្រាប់អ្នកចូលរួមបង្វិលកងទាំងអស់គ្នា ដែលរង្វាន់មានដូចជា អាវភ្លៀង មួកសុវត្ថិភាព និង Voucher ដែលមានទឹកប្រាក់រហូតដល់ $50 ជាច្រើនរង្វាន់។

ពិសេសលើសពីនេះទៀត 1Byte ក៏កំពុងធ្វើការបញ្ចុះតម្លៃពិសេស 50% ជូនអតិថិជនថ្មីរបស់ខ្លួនផងដែរ ដើម្បីអបអរពិធីបុណ្យហាឡូវីន ទិវាប្រារព្ធពិធីគោរពព្រះវិញ្ញាណក្ខន្ធ ព្រះបរមកោដ្ឋ ទិវាបុណ្យឯករាជ្យជាតិ និងព្រះរាជពិធីគ្រងព្រះបរមរាជសម្បត្តិរបស់ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។

1Byte ជាក្រុមហ៊ុនផ្តល់សេវាកម្ម Cloud Computing និង Web Hosting ឈានមុខគេនៅប្រទេសកម្ពុជា មានផ្តល់ជូននូវសេវាកម្មដ៏ល្អបំផុតលំដាប់ពិភពលោកជាច្រើនដូចជា Cloud Server, Cloud Hosting, Shared Hosting, Domain, SMS Brandname, AWS partner និង DCMA Ignored Hosting ជាដើមជាមួយនឹងតម្លៃដ៏សមរម្យជាទីបំផុត។ អ្វីដែលសំខាន់បំផុតនោះគឺ 1BYTE ផ្តោតសំខាន់លើឯកជនភាពរបស់អតិថិជន ដោយមិនទាមទារឱ្យអតិថិជនបញ្ជាក់អត្តសញ្ញាណរបស់ខ្លួននៅក្នុងពេលចុះឈ្មោះប្រើប្រាស់ឡើយ។ រាល់ព័ត៌មានទាំងអស់របស់អតិថិជន រួមមានដំណើរការអាជីវកម្ម និងកាតប្រើប្រាស់ក្នុងប្រតិបត្តិការអាជីវកម្ម (Payment Card) ត្រូវបានកំណត់ក្នុងប្រព័ន្ធសុវត្ថិភាពកម្រិតខ្ពស់បំផុត។

1Byte ផ្តល់នូវកម្រិតបញ្ជូនគ្មានដែនកំណត់ (Unlimited Transfer Bandwidth) ជួយឱ្យអ្នកអាចបង្កើត Streaming Platform មួយដែលអាចគ្រប់គ្រងរហូតដល់100 Streamers Online ក្នុងពេលតែមួយ។ អ្នកថែមទាំងអាចធ្វើឱ្យ Server របស់អ្នកក្លាយជាអ្នករុករករ៉ែ Bitcoin (Bit Coin miner) គេហទំព័រកម្សាន្ត ឬបណ្ណាល័យផ្ទុកទិន្នន័យតាមអ៊ីនធឺណិតជាដើម។

មជ្ឈមណ្ឌលទិន្នន័យ (Data Center) របស់ 1Byte មានទីតាំងនៅក្នុងប្រទេសកម្ពុជា ដែលធ្វើឱ្យការតភ្ជាប់បានយ៉ាងរលូនល្អឥតខ្ចោះ (Seamless Connectivity) និងចំណាយពេលបញ្ចូនព័ត៌មានឆាប់បំផុត (Lowest Latency) ហើយ 1Byte ក៏មានក្រុមការងារដែលអាចនិយាយភាសាខ្មែរ អង់គ្លេស និងវៀតណាមបានយ៉ាងស្ទាត់ជំនាញនៅប្រចាំការរាល់ថ្ងៃពេញ 24ម៉ោង ដើម្បីជួយដោះស្រាយរាល់បញ្ហាបច្ចេកទេសដែលអ្នកជួបប្រទះភ្លាមៗទាន់ចិត្ត។ ចំពោះមធ្យោបាយទូទាត់វិញក៏សម្បូរបែប និងងាយស្រួលបំផុត ដោយអតិថិជនអាចទូទាត់បានតាមរយៈ ABA Pay ឬ Credit/Debit Card ឬធនាគារ ឬ 1Byte’s Wallet ។

ក្រៅពីជាក្រុមហ៊ុនផ្តល់សេវាកម្ម Cloud Computing និង Web Hosting ឈានមុខគេនៅប្រទេសកម្ពុជា 1Byte ក៏ជាក្រុមហ៊ុនដែលតែងតែយកចិត្តទុកដាក់ផ្តល់ជូនបុគ្គលិកនូវអត្ថប្រយោជន៍នានា ក្នុងបំណងបង្កើនសមត្ថភាពបំពេញការងារ ក៏ដូចជាបង្កើតបរិយាកាសការងារល្អៗ និងឱកាសក្នុងការរឹតចំណងសាមគ្គីភាពនៅក្នុងក្រុមការងារផងដែរ។ 1Byte មានជំនឿថា នៅពេលដែលបុគ្គលិកពេញចិត្តនឹងបំពេញការងារ គុណភាពនិងលទ្ធផលការងារក៏នឹងល្អប្រសើរទៅតាមនោះដូចគ្នា។

1Byte សេវាកម្មល្អ ចរាចរណ៍លឿនរហ័ស ធ្វើឱ្យការងារនិងអាជីវកម្មរបស់អ្នកដំណើរការយ៉ាងរលូន!

ទំនាក់ទំនងយើងខ្ញុំតាមរយៈ៖

លេខទូរសព្ទ៖ +855 88 468 8888

អ៊ីមែល៖ [email protected]

អាសយដ្ឋានក្រុមហ៊ុន៖ F14 អគារ Keystone មហាវិថីព្រះនរោត្តម សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ

Translated

Contact us at:

Phone number: +855 88 468 8888

Email: [email protected]

Company Address: F14 Keystone Building, Norodom Blvd, Sangkat Tonle Bassac, Khan Chamkarmon, Phnom Penh

ស្វែងយល់បន្ថែមពីយើងខ្ញុំតាមរយៈ៖

គេហទំព័រ៖ https://1byte.com/

ហ្វេសប៊ុកផេក៖ https://www.facebook.com/1bytecom

Twitter៖ https://twitter.com/1bytecom

យូធូប៖ https://www.youtube.com/c/1Bytecom

Telegram៖ https://t.me/onebytecom

Instagram: www.instagram.com/1bytecom/

October 14, 2022

យន្តហោះចម្បាំង ១០ គ្រឿងរបស់ កូរ៉េខាងជើង ចូលទៅកៀកព្រំដែនកូរ៉េខាងត្បូង

កូរ៉េខាងត្បូង និយាយថា កូរ៉េខាងជើង បញ្ជូនយន្តហោះចម្បាំងប្រហែល ១០ គ្រឿង ចូលមកកៀកនឹងព្រំដែនប្រទេសនេះ និងបាញ់មីស៊ីលប្លោងចូលតំបន់សមុទ្រ។

សេនាធិការដ្ឋានចម្រុះកូរ៉េខាងត្បូង (JSC) បានឱ្យដឹងថា យន្តហោះចម្បាំងកូរ៉េខាងជើង បានហោះហើរនៅលើបន្ទាត់ខណ្ឌចែកកងទ័ពប្រហែល ២៥ គីឡូម៉ែត្រទៅទិសខាងជើង និងមានចម្ងាយប្រហែល ១២ គីឡូម៉ែត្រ ធៀបនឹងបន្ទាត់ព្រំដែនជាក់ស្ដែងនៅ សមុទ្រលឿន នៅវេលាម៉ោង ២២ និង ៣០ នាទី ថ្ងៃទី ១៣ តុលា និងម៉ោង ០ និង ២០ នាទីថ្ងៃទី ១៤ តុលា (ម៉ោង ២០ និង ៣០ នាទី និងម៉ោង ២២ និង ៣០ នាទី ថ្ងៃទី ១៣ តុលា នៅ កម្ពុជា)។

យោងតាម JCS យន្តហោះចម្បាំងកូរ៉េខាងជើង ក៏ត្រូវបានរកឃើញនៅក្បែរព្រំដែននៅភាគខាងកើតឧបទ្វីបកូរ៉េ ផងដែរ។ កូរ៉េខាងត្បូង បានបញ្ជូនយន្តហោះចម្បាំងជាច្រើនគ្រឿង ក្នុងនោះក៏មាន F-35A ទៅទល់ទល់ស្ថានការណ៍នេះ។

JSC ក្រោយមកក៏បានរាយការណ៍ថា កូរ៉េខាងជើង បានបាញ់មីស៊ីលប្លោងមិនស្គាល់អត្តសញ្ញាណ ចូលសមុទ្រ។ នេះគឺជាករណីសាកល្បងមីស៊ីលប្លោងលើកទី ៨ របស់ កូរ៉េខាងជើង ក្នុងរង្វង់ប្រហែល ២ សប្ដាហ៍ចុងក្រោយនេះ និងជាករណីសាកល្បងលើកទី ២៦ របស់ ទីក្រុងព្យុងយ៉ាង រាប់ចាប់ពីដើមឆ្នាំ។

October 14, 2022

ផ្ទុះឃ្លាំងអាវុធនៅរុស្ស៊ី! អ៊ុយក្រែន រងការចោទថា «នៅពីក្រោយ» អំពីនេះ

ក្រុមមន្ត្រីនៅទីក្រុង Belgorod ភាគខាងត្បូងប្រទេសរុស្ស៊ី បានចោទថា ការបាញ់កាំភ្លើងធំរបស់ អ៊ុយក្រែន សំដៅចូលទឹកដីរបស់ រុស្ស៊ី បានបំផ្លាញផ្ទះប្រជាជន និងធ្វើឱ្យផ្ទុះឃ្លាំងអាវុធមួយកន្លែងផងដែរ។

«នៅក្នុងភូមិមួយនៅ Belgorod ការបាញ់ប្រហារដោយកាំភ្លើងធំរបស់ កងកម្លាំងអ៊ុយក្រែន បានបណ្ដាលឱ្យឃ្លាំងអាវុធមួយត្រូវផ្ទុះខ្ទេច» អភិបាលខេត្ត Belgorod លោក Vyacheslav Gladkov បានឱ្យដឹងតាម Telegram កាលពីថ្ងៃទី ១៣ តុលាដូច្នេះ។

អភិបាលខេត្តខាងលើបន្តថា ព័ត៌មានដំបូងឱ្យដឹងថា មិនមានអ្នកណាម្នាក់រងរបួស ហើយប្រជាពលរដ្ឋត្រូវបាននាំទៅកាន់ទីសុវត្ថិភាព។ មុននោះ លោក Gladkov បានឱ្យដឹងថា ផ្ទះប្រជាពលរដ្ឋមួយខ្នងត្រូវខូចខាតនៅក្នុងការវាយប្រហាររបស់ អ៊ុយក្រែន នៅទីក្រុង Belgorod។

Mykhaylo Podolyak ជំនួយការជាន់ខ្ពស់របស់ ប្រធានាធិបតីអ៊ុយក្រែន បានបដិសេធការចោទប្រកាន់ដែលថា កងទ័ពអ៊ុយក្រែន នៅពីក្រោយអំពីវាយប្រហារលើតំបន់ប្រជាជន។ មន្ត្រីរូបនេះនិយាយថា កម្លាំងរុស្ស៊ី បាញ់មីស៊ីលសំដៅទីក្រុង Kharkov របស់ អ៊ុយក្រែន នៅក្បែរព្រំដែន «ប៉ុន្តែ មានបញ្ហា ហើយមីស៊ីលក៏ហោះទៅចំអគារស្នាក់នៅ»។

អភិបាលខេត្ត Roman Starovoit ឱ្យដឹងថា នៅតំបន់ Kursk ដែលជាទឹកដីមួយផ្សេងទៀតរបស់ រុស្ស៊ី នៅក្បែរព្រំដែនជាមួយ អ៊ុយក្រែន មានភូមិចំនួន ២ ត្រូវដាច់ចរន្តអគ្គិសនី ដោយសារតែស្ថានីយអគ្គិសនីរងការខូចខាតក្រោយពីការវាយប្រហាររបស់ អ៊យក្រែន។ អាជ្ញាធររុស្ស៊ី កំពុងធ្វើការស៊ើបអង្កេតលើករណីនេះ។

ក្រសួងការពារជាតិអ៊ុយក្រែន ពេលនេះមិនទាន់មានការអធិប្បាយអ្វីនៅឡើយ ទាក់ទិននឹងករណីផ្ទុះឃ្លាំងអាវុធ និងការចោទប្រកាន់នានារបស់ រុស្ស៊ី៕

October 14, 2022

G7 សន្យាកំណត់គោលដៅបន្សាបឧស្ម័នបំភាយក្នុងបរិយាកាសនៅឆ្នាំ ២០៥០

កាលពីថ្ងៃទី ១២ តុលា នៅខាងក្រៅកិច្ចប្រជុំប្រចាំឆ្នាំរបស់ IMF និង WB នៅ សហរដ្ឋអាម៉េរិក ក្រុមរដ្ឋមន្ត្រីក្រតំណាងបណ្ដាប្រទេសនៅ G7 បានអះអាងជាថ្មីអំពីការសន្យាដែលថា នឹងសម្រេចគោលដៅបំភាយឧស្ម័នសុទ្ធស្មើនឹង ០ នៅ ២៨ ឆ្នាំទៀត។

ក្រុមមេដឹកនាំហិរញ្ញវត្ថុរបស់ក្រុមប្រទេសឧស្សាហកម្មជឿនលឿនទាំង ៧ (G7) សន្យាថា បង្កើនកិច្ចខិតខំក្នុងការកាត់បន្ថយការបំភាយឧស្ម័ន និងផ្ដល់ជំនួយទាក់ទិននឹងបញ្ហាអាកាសធាតុដល់បណ្ដាប្រទេសកំពុងអភិវឌ្ឍ។

នៅក្នុងប្រកាសដែលត្រូវបានលើកឡើងកាលពីថ្ងៃទី ១២ តុលា នៅក្នុងកិច្ចប្រជុំខាងក្រៅសន្និសីទប្រចាំឆ្នាំរបស់ មូលនិធិរូបិយវត្ថុអន្តរជាតិ (IMF) និង ធនាគារពិភពលោក (WB) នៅ វ៉ាស៊ីងតោន (សហរដ្ឋអាម៉េរិក) ក្រុមរដ្ឋមន្ត្រីក្រសួងហិរញ្ញវត្ថុ និងទេសាភិបាលធនាគារជាតិរបស់ G7 បានអះអាងជាថ្មីអំពីការសន្យាដែលថា នឹងសម្រេចគោលដៅបំភាយឧស្ម័នសុទ្ធស្មើនឹង ០ នៅឆ្នាំ ២០៥០។

យោងតាមក្រុមមន្ត្រីដែលបានចូលរួមកិច្ចប្រជុំខាងលើ ក្នុងមួយរយៈពេលកន្លង តម្លៃថាមពល និងស្បៀងអាហារបានកើនឡើងខ្ពស់ ប៉ះពាល់ដល់ទីផ្សារ និងប្រភពផ្គត់ផ្គង់ទូទាំងសកលលោក។

ក្រុមមន្ត្រីខាងលើបានបង្ហាញការប្ដេជ្ញាចិត្តក្នុងការសម្រេចបានគោលដៅអាកាសធាតុ រួមមានការពន្លឿនដំណើរការងាកទៅរកថាមពលស្អាត ការធានាតុល្យភាព និងស្ថិរភាព ដើម្បីជួយកែលំអសន្តិសុខថាមពលរបសពិភពលោក៕

October 13, 2022

ថៃចាក់វ៉ាក់សាំងបង្ការកូវីដ-១៩ ដល់កុមារអាយុពី ៦ ខែដល់ ៤ ឆ្នាំ

កាលពីថ្ងៃទី ១២ តុលា ក្រសួងសុខាភិបាលថៃ បានដំណើរការកម្មវិធីចាក់វ៉ាក់សាំងបង្ការជំងឺកូវីដ-១៩ សម្រាប់ក្រុមកុមារដែលមានអាយុពី ៦ ខែដល់ ៤ ឆ្នាំ ដែលនេះបាននាំឱ្យ ប្រទេសថៃ ក្លាយជាទឹកដីដំបូងក្នុងតំបន់អាស៊ីអាគ្នេយ៍ ដែលអនុវត្តកិច្ចការបែបនេះ។

ព្រឹត្តិការណ៍ដែលជាកិច្ចចាប់ផ្ដើមសម្រាប់កម្មវិធីខាងលើត្រូវបានធ្វើឡើងនៅឯមន្ទីរពេទ្យ Phra Nang Klao ខេត្ត Nonthaburi ក្រោមអធិបតីភាពរបស់ រដ្ឋមន្ត្រីក្រសួងសុខាភិបាល Anutin Charnvirakul។

នៅក្នុងពិធីបើកដំណើរការកម្មវិធីនេះ លោក Anutin បានឱ្យដឹងថា កុមារអាយុពី ៦ ខែដល់ ៤ ឆ្នាំ នៅតូចណាស់ មិនអាចការពារខ្លួនបាន និងមានហានិភ័យខ្ពស់ក្នុងការឆ្លងជំងឺ។ ការចាក់វ៉ាក់សាំងដើម្បីបង្កើនសមត្ថភាពការពាររាងកាយគឺជារឿងចាំបាច់។

លោក Anutin អះអាងថា ប្រភេទវ៉ាក់សាំងសម្រាប់កុមារ មានប្រសិទ្ធភាព និងសុវត្ថិភាព។ បន្ទាប់ពីបានចាក់វ៉ាក់សាំង អាចកើតមានអាការមួយចំនួន ប៉ុន្តែមិនបង្កគ្រោះថ្នាក់។ លោកក៏បានអំពាវនាវដល់គ្រួសារទាំងអស់ នាំកូនតូចមកទទួលការចាក់វ៉ាក់សាំងនេះ។

គិតមកដល់បច្ចុប្បន្ន ពលរដ្ឋប្រមាណ ៨២% នៅ ប្រទេសថៃ បានទទួលការចាក់វ៉ាក់សាំងបង្ការជំងឺកូវីដ-១៩ ពេញលេញ។

រដ្ឋលេខាអចិន្ត្រៃយ៍របស់ ក្រសួងសុខាភិបាលថៃ លោក Opas Karnkawinpong បានឱ្យដឹងថា ក្រសួងសុខាភិបាលប្រទេសនេះបានបញ្ជាទិញវ៉ាក់សាំងបង្ការកូវីដ-១៩ របស់ Pfizer ចំនួន ៣ លានដូសសម្រាប់កុមារតូចៗ និងបានទទួល ១ លានដូសរួចហើយ៕

October 13, 2022

យន្តហោះពាណិជ្ជកម្មត្រូវគំរាមបំផ្ទុះគ្រាប់បែក អង់គ្លេសបញ្ជូនយន្តហោះចម្បាំងអមការពារ

ទ័ពអាកាសរបស់ អង់គ្លេស បញ្ជូនយន្តហោះចម្បាំង Typhoon ច្រើនគ្រឿង ហោះអមការពារយន្តហោះពាណិជ្ជកម្មមួយគ្រឿងដែលត្រូវរងការគំរាមបំផ្ទុះគ្រាប់បែកដែលបង្កឱ្យមានការព្រួយបារម្ភខ្លាំងអំពីសុវត្ថិភាព។

ប៉ូលិសតំបន់ Essex ភាគអាគ្នេយ៍របស់ ចក្រភាពអង់គ្លេស បានទទួលការរាយការណ៍អំពីការគំរាមកំហែងចំពោះជើងហោះហើរ LS922 របស់ក្រុមហ៊ុនអាកាសចរណ៍តម្លៃទាប Jet2 កាលពីម៉ោងប្រហែល ២១ ថ្ងៃទី ១២ តុលា (ម៉ោង ៣ ថ្ងៃទី ១៣ តុលា នៅ កម្ពុជា)។ យន្តហោះ Airbus A321 នេះ បានចេញដំណើរពី Dalaman របស់ តួកគី កំពុងហោះឆ្ពោះទៅកាន់ទីក្រុង Manchester។

ទ័ពអាកាសអង់គ្លេស (RAF) បានបញ្ជូនយន្តហោះចម្បាំង Typhoon ២ គ្រឿង ចេញទៅហោះអមការពារ Airbus A321 ទៅចុះចតនៅព្រលានយន្តហោះ London Stansted នៃតំបន់ Essex។ ប្រភពព័ត៌មានពីក្រុមហ៊ុនអាកាសចរណ៍ Jet2 ឱ្យដឹងថា យន្តហោះនេះត្រូវរងការគំរាមបំផ្ទុះគ្រាប់បែក។

ផ្លូវហោះហើររបស់យន្តហោះ Airbus A321 ដែលអមការពារដោយយន្តហោះចម្បាំង Typhoon ២ គ្រឿង

យន្តហោះខាងលើបានចុះចតដោយសុវត្ថិភាពនៅលើទីតាំងដាច់ដោយឡែកដែលគេស្ថាបនាឡើងទុកសម្រាប់ទប់ទល់នឹងករណីភេរវកម្ម និងករណីប្លន់យន្តហោះ។ សមត្ថកិច្ច Essex បានធ្វើការត្រួតពិនិត្យយន្តហោះទាំងមូល ប៉ុន្តែមិនបានរកឃើញអ្វីមួយដែលគំរាមកំហែងដល់សន្តិសុខសុវត្ថិភាពរបស់យន្តហោះនេះឡើយ៕

October 13, 2022

Author: សឿន សំណាង