Author: អេបិល

នៅថ្ងៃទី ១២ ខែកញ្ញាឆ្នាំ ២០១៩ សមាគមន៍សឹង្ហបុរីប្រចាំកម្ពុជា ជាថ្មីម្តងទៀតបានប្រារព្ធពីធីបុណ្យសែនព្រះខែដោយមានការអញ្ជើញចូលរួមដោយប្រធាន និងសមាជិកសមាគមន៍សឹង្ហបុរីប្រចាំកម្ពុជា គ្រួសារជនជាតិសឹង្ហបុរីដែលមកធ្វើជំនួញ ឬ ធ្វើការស្នាក់នៅអចិន្ត្រៃយ៍ មកជួបជុំកម្សាន្ដដើម្បីបង្ហើតទំនាក់ទំនងល្អជាលក្ខណៈគ្រួសារសឹង្ហបុរី និងជួយយកអាសារគ្នាទៅវិញទៅមក។

កម្មវិធីមានការអញ្ជើញចូលរួមពីសំណាក់ ប្រជាជនកម្ពុជាផងដែរដោយកម្មវិធីរួមមាន ការសម្តែងភ្លេង របាំ នឹងចម្រៀងចិន បរិភោគអាហារ ញាំនំព្រះខែ បង្ហោះប៉េងប៉ោង ហើយក៏មានការ បង្រៀនកុមារតូចៗធ្វើគោមក្រដាស ធ្វើនំសែនព្រះខែ នឹងស្តាប់រឿងនិទាអំពីបុណ្យសែនព្រះខែនេះផងដែរ។

បុណ្យសែនេព្រះខែត្រូវាបានគេធ្វើឡើងជាង ៣០០០ឆ្នាំមុននៅប្រទេសចិន ពិធីនេះធ្វើឡើងដើម្បី ជួបជុំគ្រួសារមិត្តជិតឆ្ងាយ ហើយក៏ជាពិធីបុណ្យប្រមូលផលពេញនិយមមួយ ដែលត្រូវបានប្រារព្ធឡើងដោយជនជាតិចិន រហូតដល់ពេលបច្ចុប្បន្ន កម្មវិធីនេះត្រូវបានប្រារព្ធឡើង នៅតាមបណ្តាលប្រទេសផ្សេងៗមួយចំនួនទៀតផងនៅអាស៊ីដូចជា សិង្ហបុរី តៃវ៉ាន់ ហុងកុង វៀតណាម នឹង ប្រទេសកម្ពុជា ដែលឆ្នាំនេះ គេប្រារព្ធនៅថ្ងៃទី ១៣ កញ្ញា។

ទូរស័ព្ទNokiaថ្មីផ្តល់បទពិសោធន៍ប្រណីតភាពនៃការប្រើប្រាស់នៅគ្រប់កម្រិត

បង្កើនបទពិសោធន៍នៃប្រភេទទូរស័ព្ទថ្នាក់កណ្តាលជាមួយ Nokia 7.2 និង Nokia 6.2 ដែលជាការបន្ថែមថ្មីទៅលើប្រភេទទូរស័ព្ទរួមមាន លក្ខណៈពិសេសរបស់ Nokia 800 ដែលមានលក្ខណៈជាទូរស័ព្ទកម្រិតយោធាដែលមានភាពធន់ខ្ពស់ និងការបង្កើតឡើងវិញនូវប្រភេទទូរស័ព្ទ Nokia 2720 Flip ។

ទីក្រុងបែកឡាំង ថ្ងៃទី ៥ ខែកញ្ញាឆ្នាំ ២០១៩ – ក្រុមហ៊ុន HMD Global ដែលជាក្រុមហ៊ុនគោលរបស់ទូរស័ព្ទ Nokia កាលពីសប្តាហ៍មុននេះបានប្រកាសនូវប្រភេទទូរស័ព្ទ Nokia ថ្មីចំនួន ៥ គ្រឿង។ ស្មាតហ្វូនស៊េរីថ្មីចំនួនពីរគឺ Nokia 7.2 ដែលជាស្មាតហ្វូនកម្រិតកំពូល ជាមួយកាមេរ៉ាទំហំ ៤៨ មេហ្គាភិចសែល ប្រើប្រាស់នូវលែន ZEISS Optics និង Nokia 6.2 ដែលបំពាក់ដោយអេក្រង់ដ៏អស្ចារ្យ PureDisplay ដែលបានបំពាក់មកជាមួយនូវកាមេរ៉ាបីគ្រាប់ ហើយដំណើរការដោយបច្ចេកវិទ្យា AI គឺជាប្រភេទស្មាតហ្វូនដែលរួមបញ្ចូលគ្នានូវគ្រប់យ៉ាងដែលអ្នកត្រូវការ។

ក្រុមហ៊ុនក៏បានពង្រីកប្រភេទទូរស័ព្ទពិសេសរបស់ខ្លួនដើម្បីជាការចូលទៅកាន់ បណ្តាញនៃទីផ្សារថ្មីរបស់ខ្លួន​។ Nokia 800 Tough គឺជាទូរស័ព្ទ Nokia រឹងមាំដំបូងបង្អស់ពី HMD Global ដែលតំណាងឱ្យសញ្ញាណសំគាល់ថ្មីមួយនៃភាពធន់ និងអាយុកាលថ្មរបស់ Nokia ដែលភ្ជាប់មកជាមួយយ៉ាងល្អឥតខ្ចោះជាមួយបច្ចេកវិទ្យាទំនើបចាំបាច់ដូចជា Google Assistant 4G និងក៏ដូចជាបច្ចេកវិទ្យាទំនើបៗជាច្រើនទៀត។ ស្មាតហ្វូន Nokia 2720 Flip ជាប្រភេទទូរស័ព្ទទំហំតូច និងមានភាពប៉ិនប្រសប់ ហើយត្រូវបានបង្កើនប្រសិទ្ធភាពនៃការប្រើប្រាស់ដោយការរួមបញ្ចូលគ្នានូវបច្ចេកវិជ្ជា AI នេះធ្វើឱ្យវាក្លាយជាទូរស័ព្ទល្អបំផុតសម្រាប់អតិថិជនដែលមានតំរូវការក្នុងការប្រើប្រាស់ស្មាតហ្វូនដែលមានភាពភាពងាយស្រួល ឬសម្រាប់អ្នកមិនចូលចិត្តភាពស្មុគស្មាញនៃពិភពឌិជីថល។ ចុងក្រោយគេគឺ Nokia 110 គឺផ្តោតលើការកម្សាន្តជាទូរស័ព្ទ និងមានតំលៃសមរម្យបំផុត។

ការបង្ហាញអោយដឹងពីដំណាក់កាលបន្ទាប់សម្រាប់ទូរស័ព្ទ Nokia

ក្រុមហ៊ុន HMD Global ក៏បានចែករំលែកចក្ខុវិស័យរបស់ខ្លួនសម្រាប់ទូរស័ព្ទ Nokia នាពេលអនាគតផងដែរ។ បន្តដោយមានជំនឿថាបច្ចេកវិទ្យា និងការច្នៃប្រឌិតត្រូវតែជំរុញដំណើរប្រជាជនឆ្ពោះទៅមុខ – និងមិនត្រូវបានកំណត់ចំពោះចំណុចតម្លៃជាក់លាក់ណាមួយនោះទេ – ក្រុមហ៊ុនបានកំណត់តំបន់វិនិយោគយុទ្ធសាស្ត្រសំខាន់ៗសម្រាប់ពេលអនាគត។ ការវិនិយោគទាំងនេះនឹងមានគោលបំណងជំរុញឱ្យមានភាពខុសគ្នាកាន់តែស៊ីជម្រៅសម្រាប់ទូរស័ព្ទ Nokia នៅក្នុងផ្នែកនៃរូបភាព សន្តិសុខ ក៏ដូចជាការច្នៃប្រឌិតការរចនា និងការកែច្នៃលើវត្ថុធាតុដើម។ ដោយនាំមកនូវអត្ថប្រយោជន៍នៃបច្ចេកវិទ្យាបណ្តាញថ្មីដល់អ្នកទស្សនាកាន់តែទូលំទូលាយ ក្រុមហ៊ុន HMD Global ក៏បានប្រកាសពីការប្តេជ្ញាចិត្តរបស់ខ្លួនក្នុងការផ្តល់នូវបទពិសោធន៍កម្រិត 5G ដែលមានគុណភាព តែមានតម្លៃសមរម្យនៅឆ្នាំ ២០២០ ។

លោក Florian Seiche នាយកប្រតិបត្តិក្រុមហ៊ុន HMD Global បានមានប្រសាសន៍ថា“ យើងកំពុងត្រួសត្រាយផ្លូវសម្រាប់ទូរស័ព្ទ Nokia នៅដំណាក់កាលបន្ទាប់ ហើយបានកំណត់តំបន់វិនិយោគយុទ្ធសាស្រ្តសម្រាប់ការនាំមកនូវបទពិសោធស្មាតហ្វូន Nokia ដែលមានគុណភាពខ្ពស់សម្រាប់អ្នកគាំទ្ររបស់យើងជាពិសេសផ្តោតលើការនាំមកនូវការច្នៃប្រឌិតនៅក្នុងតំបន់នៃប្រព័ន្ធ 5G សន្តិសុខ រូបភាព និងការរចនា។ ”

“យើងមានមោទនភាពចំពោះការផ្តោតការយកចិត្តទុកដាក់យ៉ាងខ្លាំងទៅលើសុវត្ថិភាពនៅលើទូរស័ព្ទទាំងអស់របស់យើង ដែលធ្វើឱ្យយើងក្លាយជាម៉ាកសញ្ញាអ៊ឺរ៉ុបតែមួយគត់នៅក្នុងចំណាត់ថ្នាក់របស់យើងជាមួយនឹងការផ្តោតសំខាន់ទៅលើការជឿទុកចិត្ត សន្តិសុខនិងបទពិសោធន៍នៃការប្រើប្រាស់ប្រព័ន្ធប្រតិបត្តិការ Android សុទ្ធ។ ជាមួយនឹងសមិទ្ធិផលដ៏អស្ចារ្យដូចជាម៉ាកសញ្ញាតែមួយគត់ដែលមានប្រភេទទូរស័ព្ទទាំងអស់ដំណើរការដោយប្រព័ន្ធប្រតិបត្តិការ Android ចុងក្រោយយើងបាននាំមកនូវលក្ខណៈពិសេសថ្មីបំផុតរបស់ប្រព័ន្ធប្រតិបត្តិការ Android នៅលើគ្រប់ផ្នែកតម្លៃទាំងអស់។ យើងគឺជាម៉ាកសញ្ញាតែមួយគត់ដែលផ្តល់ជូននូវព័ត៌មានថ្មីៗអំពីសុវត្ថិភាពប្រចាំខែជាប់លាប់ ដោយសន្យារក្សាសុវត្ថិភាពទូរស័ព្ររបស់អ្នក។” លោក Seiche បន្ថែម

Nokia 7.2 – ការបង្កើនកម្រិតនៃប្រភេទទូរស័ព្ទកម្រិតកណ្តាលរបស់ Nokia

Nokia 7.2 បំពាក់កាមេរ៉ាកាមេរ៉ាបីគ្រាប់ កម្រិត៤៨មេហ្គាភិចសែលដែលមានកម្លាំងខ្លាំងជាមួយនឹងបច្ចេកវិទ្យា Quad Pixel និងប្រើប្រាស់លេនប្រភេទ ZEISS Optics ។ ការផ្តល់បទពិសោធនៃការថតរូបពិសេសៗល្អផុតគេជាច្រើនរបស់ Nokia 7.2 បានផ្តល់ជូនកេរ្តិ៍ឈ្មោះរបស់ទូរស័ព្ទ Nokia ក្នុងការនាំមកនូវបច្ចេកវិទ្យាផ្នែករូបភាព និងលក្ខណៈពិសេសប្លែកៗ។ នៅក្នុងការធ្វើសមាហរណកម្មឧស្សាហកម្មដំបូងនៃបែបផែនផលិតរូបភាពកម្រិត DSLR level pro- bokeh ទៅក្នុងស្មាតហ្វូន Nokia 7.2 ភ្ជាប់មកជាមួយស្ទីល ZEISS bokeh ប្លែកៗដែលមាននៅក្នុងការថតរូបបែប Portrait ដើម្បីផ្តល់ឱ្យអ្នកនូវរូបស្អាតដ៏គួរអោយគួរឱ្យភ្ញាក់ផ្អើល និងប្រកបដោយគុណភាពខ្ពស់នៅគ្រប់ពេលដែលអ្នកថត។ រចនាបថ bokeh ទាំងនេះបង្កើតបែបបទផលិតរូបភាពនៃលេន ZEISS ដ៏ល្បីល្បាញ បង្កើតចេញជារូបភាពដ៏ច្បាស់ និងរូបភាពបែបព្រិលខាងក្រោយ។ ផ្តល់ឲ្យអ្នកប្រើប្រាស់នូវសេរីភាពក្នុងការច្នៃប្រឌិត, Nokia 7.2 ក៏អនុញ្ញាតឲ្យអ្នកអាចថតរូបបែប ព្រិតទាំងផ្នែកខាងមុខនិងផ្ទៃខាងក្រោយ ដែលជួយកាត់បន្ថយការបែកពណ៌នៃរូបភាព។ Nokia 7.2 ក៏នាំមកនូវការថតរូបភាពក្នុងកម្រិតពន្លឺទាបដ៏ទំនើប ក្នុងបែបផែន Night mode ដោយប្រើបច្ចេកវិទ្យាលាយបញ្ចូលគ្នារវាងបែបផែននៃរូបភាពក្នុងកម្រិតពន្លឺទាប  និង AI រួមជាមួយកាមេរ៉ាមេដែលមានទំហំ 48MP ។ បំពាក់ដោយអង្គគណនាដែលមានថាមពលខ្លាំង Nokia 7.2 បានរួមបញ្ចូលគ្នានូវអាយុកាលថ្មរយៈពេលពីរថ្ងៃ បច្ចេកវិទ្យា PureDisplay និង Always-on HDR ជាមួយនឹងការរចនាបែប Nordic មិនចេះរីងស្ងួតដើម្បីកំណត់ឡើងវិញនូវអ្វីដែលអ្នកគាំទ្របានរំពឹងទុកពីប្រភេទនៃស្មាតហ្វូននេះ។

Nokia 6.2 – អេក្រង់ដ៏ទាក់ទាញ បំពាក់ជាមួយនឹងកាមេរ៉ាបីគ្រាប់ដ៏អស្ចារ្យ

Nokia ស៊េរីទី ៦ ដំបូងបង្អស់ដែលបំពាក់មកជាមួយនូវកាមេរ៉ាចំនួនបីគ្រាប់ និងបច្ចេកវិទ្យា PureDisplay។ Nokia 6.2 ផ្តល់ជូនអ្នកគាំទ្រនូវបទពិសោធន៍ដ៏ទាក់ទាញ ជាមួយនិងការថតរូបបែបទំនើបនៅក្នុងកញ្ចប់មួយដែលមានតម្លៃសមរម្យ។ Nokia 6.2 នាំមកនូវ always-on HDR ទៅក្នុងផ្នែកស្មាតហ្វូនស៊េរីថ្មីដែលបង្ហាញពីបច្ចេកវិទ្យា PureDisplay ដំណើរការដោយអង្គគណនាសម្រាប់បង្ហាញរូបភាព ដែលអាចបង្ហាញនូវកម្រិតពណ៌ដល់ទៅជាងមួយពាន់លានពណ៌ ។ ជាមួយនឹងការរួមបញ្ចូលគ្នានៃមុខងារ AI និងកាមេរ៉ាចំនួនបីគ្រាប់ ដែលប្រកបដោយអនុភាពខ្ពស់ Nokia 6.2 អនុញ្ញាតឱ្យអ្នកគាំទ្រថតរូបប្រកបដោយភាពលម្អិត ការថតបែប bokeh portraits និងការថតបែបរូបភាពទូលាយ ដែលអាចអោយអ្នកថតបានកាន់តែច្រើន។ ហើយជាមួយនឹងអាយុកាលថ្មរយៈពេលពីរថ្ងៃ អ្នកប្រើ​ប្រាស់នឹងអាចប្រើប្រាស់បានកាន់តែច្រើនទៅតាមអ្វីដែលពួកគេចូលចិត្ត ដោយមិនមានការព្រួយបារម្ភពីថាមពលថ្ម។ Nokia 6.2 ស្ថិតនៅជាប់ដែលជាមរតនៃការរចនាបែប Nordic របស់ខ្លួនដោយចូលរួមមានការរចនាម៉ូដពិសេសរួមផ្សំជាមួយនឹងវត្ថុធាតុដើមប្រកបដោយបច្ចេកវិទ្យាខ្ពស់ ដើម្បីផ្តល់ជូននូវស្មាតហ្វូនមួយដែលមានរូបរាងយ៉ាងល្អឯក។

Nokia 800 Tough – កំណត់លក្ខណៈថ្មីនៃភាពធន់ និងអាយុកាលនៃថាមពលថ្ម ចូលរួមជាមួយប្រភេទនៃទូរស័ព្ទដែលមានលក្ខណៈឈានមុខគេនៅលើទីផ្សារ Nokia 800 Tough គឺជាទូរស័ព្ទ Nokia រឹងមាំដំបូងបង្អស់ពី HMD Global ដែលនាំមកនូវភាពធន់ថ្មីដល់អ្នកគាំទ្រទូទាំងពិភពលោក។ មិនត្រឹមតែជាមានមុខងារការពារទឹកនិងធូលីប៉ុណ្ណោះទេ វាអាចធន់នឹងការធ្លាក់ និងត្រូវបានរចនាឡើងដើម្បីទប់ទល់នឹងស្ថានភាពសីតុណ្ហភាពលំបាកៗ ដែលធ្វើឱ្យវាក្លាយជាដៃគូដ៏ល្អសម្រាប់អ្នកដែលចូលចិត្តផ្សងព្រេងនៅខាងក្រៅ ឬអ្នកដែលមានតម្រូវការក្នុងការបំពេញការងារ។ វាក៏នាំមកនូវលក្ខណៈពិសេសចុងក្រោយដែលអ្នកគាំទ្ររំពឹងថានឹងមាននៅក្នុងទូរស័ព្ទទំនើបមួយ ដែលរួមមាន Google Assistant កម្មវិធីពេញនិយមដូចជា WhatsApp និងហ្វេសប៊ុក ការតភ្ជាប់អ៊ីធឺណិតកម្រិត 4G និងចំនុចពិសេសៗជាច្រើនទៀត។ ជាមួយនឹង Nokia 800 Tough ក្រុមហ៊ុន HMD Global កំពុងពង្រីកការផ្តល់ជូនរបស់ខ្លួនដើម្បីឈានដល់ផ្នែកថ្មីដូចជា B2B និង អតិថិជននៅក្នុងវិស័យសហគ្រាសដែលត្រូវការទូរស័ព្ទដែលមានអាយុកាលប្រើប្រាស់យូរអង្វែង ក៏ដូចជាបុគ្គលដែលចង់បានទូរស័ព្ទដែលអាចទុកចិត្តបានសម្រាប់ដំណើរផ្សងព្រេងរបស់ពួកគេ។

Nokia 2720 Flip – ការរចនាឡើងវិញជាមួយប្រព័ន្ធ 4G

Nokia 2720 Flip គឺជាទូរស័ព្ទបែបបុរាណដែលត្រូវបានរច​នាឡើងវិញសម្រាប់អ្នកប្រើប្រាស់នាពេលបច្ចុប្បន្ននេះ មានទំហំតូច និងមានភាពប៉ិនប្រសប់ តែប្រកបដោយគុណសម្បត្តិ ដែលបានមកពីការរួមបញ្ចូលគ្នានៃបច្ចេកវិជ្ជា AI ។ Nokia 2720 Flip មានការរចនាម៉ូដទូរសព្ទ័ដែលមានលក្ខណៈប្រហាក់ប្រហែលនឹងទូរស័ព្ទប្រភេទបត់ទូទៅ ដែលរួមបញ្ចូលគ្នានូវភាពសាមញ្ញនិងភាពជឿជាក់ហើយអាចប្រើប្រាស់បានយូរអង្វែង។ ការនាំមកនូវលក្ខណៈពិសេសថ្មីៗទៅកាន់អ្នកប្រើប្រាស់ Nokia 2720 Flip ភ្ជាប់មកជាមួយ WhatsApp និងហ្វេសប៊ុកដើម្បីប្រាកដថាអ្នកបានភ្ជាប់ជាមួយអ្វីៗដែលសំខាន់សម្រាប់អ្នក។ ហើយជាមួយមាន Google Assistant  អ្នកគ្រាន់តែចុចប៊ូតុងបន្តិចប៉ុណ្ណោះ អ្នកប្រើប្រាស់នឹងអាចសម្រេចការងារបានច្រើនជាងមុនដោយប្រើសំលេងរបស់ពួកគេ។ ក្នុងករណីអាសន្នកើតឡើងទូរស័ព្ទ Nokia 2720 Flip ភ្ជាប់មកជាមួយប៊ូតុងអាសន្នក៏ដូចជាម៉ឺនុយសម្រាប់ក្នុងករណីបន្ទាន់ (ICE)។ ជាទូរស័ព្ទល្អឥតខ្ចោះសម្រាប់អ្នកដែលអ្នកជាទីស្រលាញ់របស់អ្នក។ Nokia 2720 Flip មិនត្រឹមតែជាដៃគូរដ៏ល្អសម្រាប់ពេលអ្នកកំពុងស្វែងរកការកាត់បន្ថយការប្រើប្រាស់បច្ចេកវិជ្ជាឌីជីថលប៉ុណ្ណោះទេ ប៉ុន្តែវាអាចជាទូរស័ព្ទដ៏ល្អឥតខ្ចោះសម្រាប់ថែរក្សាមនុស្សជាទីស្រឡាញ់របស់អ្នកជាមួយនឹងតម្រូវការនៃការភ្ជាប់ទំនាក់ទំនង។

Nokia 110 – ការកម្សាន្តនៅជាប់ផ្ទាល់នឹងខ្លួនអ្នក

ការបន្ថែមថ្មីទៅប្រភេទទូរស័ព្ទពិសេសរបស់យើងគឺ Nokia 110 ភ្ជាប់មកជាមួយនូវអ្វីគ្រប់យ៉ាងដែលអ្នកត្រូវការ ដើម្បីផ្តល់ភាពរីករាយដល់អ្នក។ ម៉ាស៊ីនចាក់ MP3 សម្រាប់តន្ត្រីដែលអ្នកចូលចិត្ត កាមេរ៉ា និងវិទ្យុអេហ្វអឹម។ Nokia 110 ក៏មានភ្ជាប់មកជាមួយនូវហ្គេមដែលអ្នកគ្រប់គ្នាចូលចិត្តដូចជាហ្គេមពស់បែបបុរាណ និងថាមពលថ្មដែលអាចអោយអ្នកនិយាយចាប់ពីពេលថ្ងៃរះរហូតដល់ថ្ងៃលិចបន្ទាប់ពីសាកពេញរួច។ Nokia 110 ផលិតដោយផ្អែកលើរូមមន្តនៃទូរស័ព្ទ Nokia ​105 ដែលទទួលបានជោគជ័យ ដោយបន្ថែមកាមេរ៉ា តន្ត្រី និងហ្គេមដើម្បីផ្តល់ការកម្សាន្តបន្ថែមទៀតក្នុងតម្លៃប្រហាក់ប្រហែលគ្នា។

កាសណូគាឥតខ្សែ Power Earbuds

បង្កើតឡើងដោយផ្អែកលើជោគជ័យនៃ Nokia True Wireless Earbuds ដែលទទួលបានពានរង្វាន់ ក្រុមហ៊ុនHMD Global សូមណែនាំប្រភេទកាស True Wireless Nokia Power Earbuds ដែលជាសមាជិកថ្មីបំផុតក្នុងត្រកូល True Wireless Earbuds ។ កាសស្តាប់ត្រចៀកឥតខ្សែថ្មីត្រូវបានផលិតឡើងដោយផ្តល់នូវការប្រើប្រាស់ដ៏យូរអង្វែងមួយ នៅពេលបញ្ចូលគ្នាជាមួយប្រអប់សាកថ្ម ដែលអាចសាកបានរហូតដល់ ៣០ ដង ដែលអនុញ្ញាតអោយអ្នកអាចស្តាប់តន្ត្រីបានរហូតដល់ ១៥០ ម៉ោង។

កាសឥតខ្សែ True Wireless Nokia Power Earbuds ផ្តល់ជូននូវសំលេងដែលមានគុណភាពខ្ពស់ អរគុណចំពោះ Graphene drivers ទំហំ 6mm។ កាសនេះអាចធន់នឹងទឹករហូតដល់ ៣០ នាទីក្នុងជម្រៅ ១ម៉ែត្រនឹងភ្ជាប់មកជាមួយកម្រិតការការពារកម្រិត IPX7 ។ អ្នកអាចភ្ជាប់វាជាមួយស្មាតហ្វូន Nokia របស់អ្នកបានយ៉ាងងាយស្រួល អរគុណដល់ការតភ្ជាប់ដោយរហ័សរបស់ Bluetooth® 5.0 ។ ហើយដើម្បីជួយអ្នកអោយសំរេចការងារបានច្រើនជាងមុនដោយសំលេងរបស់អ្នក Nokia Power Earbuds ភ្ជាប់មកជាមួយ Google Assistant  ដោយគ្រាន់តែប៉ះលើកាស ពួកគេនឹងក្លាយជាដៃគូប្រចាំថ្ងៃយ៉ាងល្អរបស់អ្នក។

ក្រុមហ៊ុន KTH និងយកទូរសព្ទ័ទាំងអស់មកលក់នៅស្រុកខ្មែរ ហើយ​ក្រុមហ៊ុននិង​ប្រកាសតម្លៃនិងថ្ងៃចេញលក់ក្នុងពេលឆាប់ៗ។

 អំពីក្រុមហ៊ុន HMD Global

មានទីស្នាក់ការកណ្តាលនៅទីក្រុង Espoo ប្រទេសហ្វាំងឡង់ HMD Global Oy ជាក្រុមហ៊ុនមេរបស់ទូរស័ព្ទ Nokia ។ HMD ជាអ្នករចនា និងចែកចាយទូរស័ព្ទស្មាតហ្វូន និងទូរស័ព្ទជាច្រើនប្រភេទដែលផ្តោតសំខាន់ទៅលើអតិថិជននិងតម្លៃ។ ដោយមានការប្តេជ្ញាចិត្តលើការច្នៃប្រឌិត និងគុណភាព HMD គឺជាអ្នកទទួលបានសិទ្ធិផ្តាច់មុខលើម៉ាកសញ្ញា Nokia សម្រាប់ទូរស័ព្ទ និងថេប្លេត។សម្រាប់ព័ត៌មានបន្ថែមសូមទៅកាន់www.hmdglobal.com

Nokia គឺជាពាណិជ្ជសញ្ញាចុះបញ្ជីរបស់ក្រុមហ៊ុន Nokia Corporation ។ ប្រព័ន្ធប្រតិបត្តិការ Android Google និងសញ្ញាសំគាល់ដែលពាក់ព័ន្ធផ្សេងទៀតគឺជាពាណិជ្ជសញ្ញារបស់ Google LLC។ រាល់លក្ខណៈពិសេសនិង ព័ត៌មានផលិតផលផ្សេងទៀតដែលបានផ្តល់គឺអាចផ្លាស់ប្តូរដោយគ្មានការជូនដំណឹងជាមុន។ ការប្រែប្រួលលើការផ្តល់ជូននានាអាចត្រូវបានអនុវត្ត។ សូមពិនិត្យមើលការដាក់លក់នៅតាមតំបន់របស់អ្នក។

ផ្អែកលើ “បច្ចុប្បន្នភាពកម្មវិធី និងសន្តិសុខ – តំណភ្ជាប់ដែលបាត់សម្រាប់ស្មាតហ្វូន” ដែលបោះពុម្ពផ្សាយដោយ CounterPoint Rese

​(​ប៉េ​ណាំង​,​ម៉ាឡេស៊ី​)​៖​ ​កោះ​ ​Penang​ ​មាន​ទីតាំង​ស្ថិតនៅ​លើ​ឆ្នេរសមុទ្រ​ភាគ​ពាយព្យ​នៃ​ប្រទេស​ម៉ាឡេស៊ី​។​ ​George​ ​Town​ ​គឺជា​ទីក្រុង​របស់​ ​Penang​ ​ត្រូវ​បាន​អង្គការ​ ​UNESCO​ ​ដាក់បញ្ចូល​ជា​តំបន់​បេតិកភណ្ឌ​ពិភពលោក​ ​នៅ​ឆ្នាំ២០០៨​ ​ដោយសារ​ទីក្រុង​នេះ​ ​មាន​ស្ថាបត្យកម្ម​ ​និង​វប្បធម៌​ ​ដែល​គ្មាន​គេ​ដូច​នៅ​អាស៊ី​បូព៌ា​ ​និង​អាស៊ី​អាគ្នេយ៍​។​ ​Penang​ ​ល្បី​ដោយសារ​ម្ហូប​ ​និង​ភាព​ប្រណិត​នៃ​ទីក្រុង​ ​George​ ​Town​។​
​
​ការ​ធ្វើ​តំណើ​រជុំ​វិញ​ ​George​ ​Town​ ​និង​ ​Penang​ ​ដើរ​៖​ ​George​ ​Town​ ​ជាទី​ក្រុង​បុរាណ​ដែល​មាន​ផ្លូ​វតូចៗ​ជាច្រើន​ ​ហើយ​កន្លែង​ដើរលេង​សំ​ខាន់​ៗ​ ​គឺ​នៅ​ជិត​គ្នា​ ​ដែល​អាច​ដើរ​ដល់​។​ ​ជិះ​ស៊ីក្លូ​៖​ ​បើ​អ្នក​ខ្ចិល​ដើរ​ ​អ្នក​អាច​ជួល​ស៊ីក្លូ​ជិះ​បាន​ ​ហើយ​គេ​ ​និង​នាំ​អ្នក​ទៅតាម​កន្លែង​ទេសចរ​នានា​នៅ​ជុំវិញ​ ​George​ ​Town​ ​ហើយ​គេ​ឈប់​ឱ្យ​អ្នកថតរូប​តាម​កន្លែង​នី​មួយ​ៗ​។​
​
​ដើម្បី​ធ្វើដំណើរ​មកដល់​ ​កោះ​ ​Penang​ ​ភ្ញៀវ​ទេសចរណ៍​មាន​ជំរើស​ជាច្រើន​។​ ​ដោយមាន​ចំងាយ​ជាង៣០០គីឡូម៉ែត្រ​ ​ពីទី​ក្រុង​ ​Kualumpur​ ​ភ្ញៀវ​ទេសចរណ៍​ងាយស្រួល​ក្នុង​ការ​ធ្វើដំណើរ​តាមផ្លូវគោក​។​ ​ភ្ញៀវ​ទេសចរណ៍​អាច​មានឱកាស​ឆ្លងស្ពាន​ ​Penang​ ​ទី២​៖​ ​ជា​ស្ពាន​វែង​បំផុត​នៅ​អាស៊ី​អាគ្នេយ៍​ ​ដោយមាន​ប្រវែង​ ​២៤គីឡូម៉ែត្រ​ ​តភ្ជាប់​ដីគោក​ ​និង​កោះ​។​ ​មិន​តែប៉ុណ្ណោះ​ ​ដើម្បី​ទៅដល់​ ​Penang​ ​អ្នក​អាច​ជិះ​យន្តហោះ​ ​ពី​ភ្នំពេញ​ ​ទៅ​ប្តូរ​យន្តហោះ​នៅ​កូឡា​ឡាំ​ពួ​ ​ហើយ​ហោះ​ទៅ​ ​Penang​។​ ​អ្នក​ក៏អាច​ហោះ​ទៅ​កូឡា​ឡាំ​ពួ​ ​ហើយ​ជិះឡាន​ ​ឬ​ជិះ​រថភ្លើង​ ​បន្ទាប់មក​ត្រូវ​ជិះ​សាឡាង​ឆ្លង​សមុទ្រ​ទៅ​កោះ​ ​Penang​។​
​
​ពីទី​ក្រុង​ ​Kualumpur​ ​ទៅកាន់​កោះ​ ​Penang​ ​គេ​ត្រូវ​ចំណាយពេល​វេលា​សម្រាប់​ការ​ជិះ​យន្តហោះ៥០នាទី​។​ ​មកដល់​ទីនេះ​ ​ភ្ញៀវ​ទេសចរណ៍​នឹង​បាន​លង់ខ្លួន​ចូលក្នុង​បរិយាកាស​បរិសុទ្ធ​ ​គ្មាន​ធូលី​ ​ផ្សែង​រថយន្ត​ដូច​នៅ​ទីក្រុង​ទំនើប​នានា​ទេ​។​ ​ខ្យល់បក់​ពី​សមុទ្រ​ ​បាន​នាំមក​នូវ​រស់​ជាតិ​ប្រៃ​របស់​ទឹកសមុទ្រ​ ​ធ្វើ​ឱ្យ​ភ្ញៀវ​ទេសចរណ៍​មាន​អារម្មណ៍​ស្រួលខ្លួន​។​
​
​មណ្ឌល​របស់​កោះ​នោះ​ ​គឺ​មណ្ឌល​ ​George​ ​Town​ ​ហើយ​នា​ឆ្នាំ​ ​២០០៨​ ​George​ ​Town​ ​ត្រូវ​បាន​ ​UNESCO​ ​ទទួលស្គាល់​ជាទី​ក្រុង​បេ​តិ​ក​ភ័​ណ្ឌ​ពិភពលោក​។​ ​ក្នុង​សត​វត្ស៍​ទី១៥​ ​ជនជាតិ​ព័រ​ទុយ​ហ្គា​លបាន​មកដល់​ទីនេះ​ហើយ​។​ ​បាន​ជាវ​ប្ប​ធម៌​ ​របស់​បណ្ដា​ប្រទេស​លោកខាងលិច​ ​និង​វប្បធម៌​តំបន់​ ​បាន​ចូលគ្នា​បង្កើត​ ​ឡើង​ទីក្រុង​អឺរ៉ុប​-​អាស៊ី​ ​ដ៏​ពិសេស​ដោយឡែក​។​ ​
​
​ស្ថិត​ចំងាយ​ពី​វិហារ​ ​Kek​ ​Lok​ ​Si​ ​ជាង២គីឡូម៉ែត្រ​ ​Penang​-​ ​ជា​ទូល​ខ្ពស់​បំផុត​នៅ​លើ​កោះ​ ​ដែល​មាន​កម្ពស់​ជាង៨២១ម៉ែត្រ​។​ ​ពីយូរយារ​មក​ហើយ​ ​ជនជាតិ​អង់គ្លេស​ ​បាន​កសាង​ប្រព័ន្ធ​រថភ្លើង​អគ្គិសនី​ឡើង​ដល់​កំពូល​ទូល​នេះ​ ​ហើយ​វា​ត្រូវ​បាន​អភិរក្ស​រហូតដល់​បច្ចុប្បន្ន​។​ ​ឡើង​ដល់​កំពូល​ទូល​នេះ​ ​ភ្ញៀវ​ទេសចរណ៍​នឹង​បាន​គយគន់​ទិដ្ឋភាព​ទាំងស្រុង​ជំ​វិញ​កោះ​ ​ដូចជា​ទីប្រជុំជន​ ​ស្ពាន​វែង​បំផុត​នៅ​អាស៊ី​អាគ្នេយ៍​.​.​.​។​ល​។​
​
​ជិះកង់​៖​ ​កង់​សារ​ធា​រណៈ​មាន​ដាក់​ឱ្យ​ជួល​ដោយ​យើង​ត្រូវ​បង់ប្រាក់​ ​ដើម្បី​បាន​លេខ​កូដ​យក​កង់​ទៅ​ជិះ​។​ ​ស្រុក​គេ​ជិះ​ប្រកាន់​ធ្វេង​ ​ដូចនេះ​ត្រូវ​ជិះ​ឱ្យ​ស្រួលបួល​ប្រយ័ត្ន​ចូល​ឡាន​។​ ​ឡានក្រុង​៖​ ​បើ​អ្នក​ចង់ទៅ​កន្លែង​ផ្សេង​ៗ​នៅ​ ​Penang​ ​ឡានក្រុង​ជា​ជម្រើស​មួយ​ល្អ​។​ ​Komta​ ​ជា​ចំណត​ឡានក្រុង​ធំ​ ​ដែល​ចេញ​តំណើ​រ​ទៅ​គ្រប់ទិស​ ​ដៅ​លើ​កោះ​ ​Penang​។​ ​ជិះឡាន​ក្រុង​ ​គឺ​ថោក​ខ្លាំង​ណាស់​ចម្ងាយ​ ​៧គីឡូម៉ែត្រ​ ​អស់​តែ​ ​1.5​ ​MYR​ ​តែប៉ុណ្ណោះ​។​
​
​ម្ហូប​ឆ្ញាញ់ៗ​ដែល​ត្រូវ​ភ្លក់​ម្ហូប​សំ​ខាន់​ៗ​ ​ក្នុង​តំបន់​មាន​ដូចជា​៖​ ​ម្ហូប​ម៉ា​ឡេ​ ​ម្ហូប​ឥណ្ឌា​ ​និង​ម្ហូប​ចិន​។​ ​អ្នក​អាច​ស្វែង​រក​ខិត្​ត​បណ្ឌ​ ​Penang​ ​Street​ ​Food​ ​ដែល​មានរាយ​មុខ​ម្ហូប​ល្បី​ៗ​ប្រចាំ​តំបន់​ ​និង​កន្លែង​ដែល​អ្នក​អាច​រក​ម្ហូប​ទាំងនោះ​បាន​។​ ​ម្ហូប​ចម្រុះ​៖​ ​ម្ហូប​មាន​ច្រើនមុខ​ ​អ្នក​អាច​ចាប់​អ្វី​ដែល​អ្នក​ចង់បាន​ ​បន្ទាប់មក​យក​ទៅ​គិតលុយ​ ​ហើយ​អ្នកលក់​ធ្វើការ​ស្មាន​តាម​មុខម្ហូប​។

​សូម​បញ្ជាក់​ថា​ ​ក្រសួងទេសចរណ៍​ម៉ាឡេស៊ី​ ​តាមរយៈ​ក្រុមប្រឹក្សា​ផ្សព្វផ្សាយ​ទេសចរណ៍​ម៉ាឡេស៊ី​ប្រចាំ​កម្ពុជា​ ​បាន​អញ្ជើញ​អ្នកសារព័ត៌មាន​កម្ពុជា​ ​និង​អ្នកសារព័ត៌មាន​មក​ពី​បណ្តា​ប្រទេស​មួយចំនួន​ ​ដើម្បី​ទៅ​ចូលរួម​ក្នុង​ព្រឹត្តិ​ការណ៍​ ​Mega​ ​Fam​ ​«​It’s​ ​Summertime​ ​in​ ​Malasysia​-​Let’s​ ​go​ ​to​ ​the​ ​beach​ ​visit​ ​Malaysia​ ​2020​»​ ​រយៈពេល៥ថ្ងៃ​ ​គឺ​ចាប់ពី​ថ្ងៃទី២​ ​ដល់​ថ្ងៃទី៧​ ​ខែកញ្ញា​ ​ឆ្នាំ២០១៩​។​ ​ដូច្នេះ​ ​តាមរយៈ​លិខិត​អញ្ជើញ​នេះ​ ​ក្រសួងទេសចរណ៍​ម៉ាឡេស៊ី​ ​បាន​បែងចែក​ក្រុម​អ្នកសារព័ត៌មាន​ជា៣ក្រុម​ ​ដើម្បី​បន្តដំណើរ​ទស្សនកិច្ច​ ​នៅ​តាម​គោលដៅ​ទេសចរណ៍​ធម្មជាតិ​,​ ​តំបន់​ទេសចរណ៍​វប្បធម៌​ ​និង​តំបន់​ទេសចរណ៍​ប្រវត្តិសាស្ត្រ​ផង​ដែរ​៕​

តោះ​ចឹង​ប្អូន​ៗ​ដែល​ទើបតែ​ប្រឡង​សញ្ញាបត្រ​មធ្យមសិក្សា​ទុតិយភូមិ​ហើយ​ ​នៅពេល​នេះ​បានដឹង​ពី​លទ្ធិ​ផល​របស់​ខ្លួន​ហើយ​ ​សូម​ទៅ​ចូលរួម​នៅក្នុង​កម្មវិធី​តាំងពិព័រណ៍​ឧត្តម​សិក្សា​ទាំងអស់គ្នា​ណា៎​ ​ដើម្បី​បាន​ទទួល​ព័ត៌មាន​លម្អិត​ពីសា​លា​រៀន​ល្បី​ៗ​ ​ល្អ​ៗ​នៅក្នុង​ប្រទេស​ ​ក៏ដូចជា​នៅ​ក្រៅប្រទេស​ ​ព្រមទាំង​អាច​ទទួល​ព័ត៌មាន​ពី​កម្មវិធី​សិក្សា​ ​និង​មុខ​វិទ្យា​ដែល​ស្លួ​ន​ស្រឡាញ់​ពី​ពេញចិត្ត​ ​ដើម្បី​ឱ្យ​ប្អូន​ៗ​ងាយស្រួល​ក្នុង​ការ​ជ្រើសរើស​មុខវិជ្ជា​ ​និង​សាកល​វិទ្យាល័យ​បាន​ត្រឹមត្រូវ​ ​និង​អាច​ធ្វើការ​ត្រូវជា​មួយ​នឹង​ចំណង់​ចំណូលចិត្ត​ ​និង​ជំនាញ​របស់​ខ្លួន​នា​ពេល​អនាគត​។​

​នៅសល់​តែ1ថ្ងែ​ទៀត​តែប៉ុណ្ណោះ​ ​ដល់​កម្មវិធី​ពិព័រណ៍​ឧត្តម​សិក្សា​ហើយ​ ​គឺ​នៅ​ថ្ងៃសៅរ៍​-​អាទិត្យ​ ​ទី14​-​15​ ​ខែកញ្ញា​ ​ឆ្នាំ2019នេះ​ ​នៅ​បរិវេណ​ផ្សារ​ទំនើប​អូ​ឡាំ​ព្យា​ ​ជាន់ផ្ទាល់ដី​ ​ហើយ​ការ​តាំងពិព័រណ៍​នេះ​ប្រារព្ធ​ឡើងជា​លើក​ទី2ហើយ​ ​ដោយ​រៀបចំឡើង​ក្នុង​គោលបំណង​តម្រង់​ទិស​សិស្សានុសិស្ស​ក្នុង​ការ​ជ្រើសរើស​មុខជំនាញ​ ​និង​ព័ត៌មាន​ទាក់ទង​នឹង​អាហារូបករណ៍​ដែល​ផ្តល់​ពីសា​កល​វិទ្យាល័យ​ ​និង​ស្ថាប័ន​អប់​រំ​ផ្សេង​ៗ​ ​ដែល​មានវត្តមានក្នុង​កម្មវិធី​។​ ​លើស​ពីនេះ​ទៅទៀត​ក្នុង​កម្មវិធី​ក៏​មាន​វា​គ្មិន​ល្បី​ៗ​មួយ​ដូចជា​លោកគ្រូ​ ​គូ​ ​សុភាព​ ​កញ្ញា​ ​អ៊ុង​ ​ច័ន្ទ​សោភា​ ​វី​ជេ​ ​ណា​ ​ណា​ ​និង​វាគ្មិន​មួយចំនួន​ទៀត​ ​ដើម្បី​ចែករំលែក​ចំណេះដឹង​ ​និង​បទ​ពិសោធ​ន៏​ល្អ​ៗ​ ​ទៅកាន់​អ្នកចូលរួម​ ​ជាពិសេស​សម្រាប់​សិស្សានុសិស្ស​ដែល​ទើបតែ​បញ្ចប់​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ​នា​ពេល​ថ្មី​ៗ​នេះ​។​ ​

​ខាងក្រោម​នេះ​ជាហេតុ​ផល​ ​៥យ៉ាងដែល​អ្នក​គួរ​ចូលរួម​ពិព័រណ៍​ឧត្តម​សិក្សា​នៅ​ឆ្នាំនេះ​៖​ ​
​1​.​ ​ទទួល​បាន​ព័ត៌មាន​សំ​ខាន់​ៗ​ពី​ការសិក្សា​នៅ​ថ្នាក់​ឧត្តម​សិក្សា​
​2​.​ ​ស្គាល់​ពីសា​កល​វិទ្យាល័យ​ល្បី​ៗ​នៅក្នុង​ទីក្រុង​ភ្នំពេញ​
​3​.​ ​ទទួល​បទពិសោធន៍​ពី​វា​គ្មិន​ល្អ​ៗ​ ​ជាច្រើន​រូប​ដូចដែល​បាន​រៀបរាប់​ខាងលើ​ ​
​4​.​ ​បង្កើន​ទំនាក់ទំនង​ក្នុង​សង្គម​ ​និង​បង្កើន​ភាព​ជឿជាក់​លើ​ខ្លួនឯង​
​5​.​ ​ទទួល​បាន​ភាព​សប្បាយរីករាយ​ជាមួយ​ល្បែង​កំសាន្ត​ ​និង​ការ​ប្រគំតន្ត្រី​ពីសំណាក់​សិល្បៈ​ករ​ជាច្រើន​រូប​ទៀត​។​ ​
​ការ​តាំងពិព័រណ៍​ឧត្តម​សិក្សា​នេះ​នឹង​ប្រារព្ធ​ឡើង​នៅ​ថ្ងៃទី14​ ​និង​ ​15​ ​ខែកញ្ញា​ ​ឆ្នាំ2019​ ​ដែល​មាន​ទីតាំង​ស្ថិតនៅ​បរិវេណ​ផ្សារ​ទំនើប​អូ​ឡាំ​ព្យា​ ​ជាន់ផ្ទាល់ដី​ ​ចាប់ពី​ម៉ោង9ព្រឹក​ ​ដល់ម៉ោង10យប់​។​ ​
​គួរ​បញ្ជាក់​ផង​ដែរ​ថា​កម្មវិធី​នេះ​ប្រារព្ធ​ឡើង​មួយឆ្នាំ​ម្តង​ ​ដែល​នេះ​ជា​លើក​ទី2ហើយ​ ​បន្ទាប់ពី​លើកទីមួយ​បាន​បាន​ប្រព្រឹត្តទៅ​យ៉ាង​ជោគជ័យ​។​ ​ដូចច្នេះ​ ​ដើម្បី​កុំឱ្យ​ឱកាស​ដ៏​ល្អ​នេះ​រំលង​ផុត​ទៅ​ឱ្យ​សោះ​ណា៎​!​ ​កុំ​ភ្លេច​ចូលរួម​ទាំងអស់គ្នា​!​ ​ ​ជួប​គ្នា​ឆាប់​ៗ​នេះ​នៅ​ផ្សារ​ទំនើប​អូ​ឡាំ​ព្យា​៕​
​
​សម្រាប់​ព័ត៌មាន​បន្ថែម​សូម​ទំនាក់ទំនង​អ្នកសម្របសម្រួល​កម្មវិធី​
​ឈ្មោះ​៖​ ​កញ្ញា​ ​ហៀម​ ​ចិ​ត្រា​ ​និង​ ​កញ្ញា​ ​តាន់​ ​គឹ​ម​ច័ន្ទ​វាសនា​
​លេខទូរស័ព្ទ​៖​ ​015​ ​935​ ​383​ ​/​ ​093​ ​643​ ​636​