Author: អេបិល

​MV​ ​«​ ​ក្រមុំ​ស្រុកស្រែ​»​ ​មួយ​បទ​នេះ​ ​ទាំង​ពិរោះ​ ​ទាំង​មាន​អត្ថន័យ​ ​និង​មានសាច់​រឿង​រស់រវើក​ឆ្លុះបញ្ចាំង​ពី​ទំនៀម​ទំ​លាប់​ខ្មែរ​ដែល​ទម្លាប់​វិច​នំ​ ​ជួបជុំ​បងប្អូន​ឳពុក​ម្ដាយ​ ​និង​ទៅវត្តទៅវ៉ា​ ​ក្នុង​ឱកាស​ខែ​ភ្ជុំ​។​ ​អ្នកនាង​ ​ឈួន​ ​សុ​វណ្ណ​ឆៃ​ ​បាន​សម្រិតសម្រាំង​ស្នាដៃ​នៃ​ការ​ផ្តិត​យក​រូបភាព​ស្អា​តៗ​ ​និង​ស្រស់​ត្រកាល​តាម​វាលស្រែ​។​ ​ខណៈ​ដែល​អឹម​វី​នេះ​បាន​បញ្ចេញ​នៅ​លើ​បណ្ដាញ​សង្គម​ហ្វេ​សប៊ុ​ក​ ​បាន​ធ្វើ​ឱ្យ​អ្នកគាំទ្រ​អ្នកនាង​លាន់មាត់​សរសើរ​ពី​ការផលិត​បទចម្រៀង​របស់​អ្នកនាង​។​
​
​ ​MV​ ​បទចម្រៀង​របស់​អ្នកនាង​ ​ត្រូវ​បាន​ចេញ​បង្ហោះ​ ​កាលពី​រសៀល​ថ្ងៃទី១៨​ ខែ​កញ្ញា​ ​មុន​នេះ​ ​ដោយមាន​អ្នក​ចូល​ទស្សនា​កើនឡើង​ជាបន្តបន្ទាប់​ ​ដោយសារតែ​ត្រូវ​នឹង​បរិបទ​ក្នុង​អំឡុង​កាន់បិណ្ឌ​ ​និង​ភ្ជុំបិណ្ឌ​។​ ​អ្នកនាង​ ​ឈួន​ ​សុ​វណ្ណ​ឆៃ​ ​និយាយ​ថា​ ​ដើម្បី​អបអរ​បុណ្យ​ភ្ជុំ​ ​អ្នកនាង​មានតែ​បទ​”​ក្រមុំ​ស្រុកស្រែ​”​ទុកជា​ចំណងដៃ​ប៉ុណ្ណោះ​ ​ដោយបទ​ចម្រៀង​នេះ​ ​អ្នកនាង​គឺជា​អ្នក​ចំណាយ​ផលិត​ទាំងស្រុង​ ​ព្រោះតែ​ស្រលាញ់​តែម្ដង​។​ ​អ្នកនាង​ថា​ខ្លួន​នៅតែ​មិន​អាច​ដាច់​ឆ្ងាយ​ពី​សិល្បៈ​ដែល​ធ្លាប់​ជ្រោមជ្រែង​អោយ​អ្នកនាង​មាន​ថ្ងៃនេះ​នោះ​ទេ​ ​ទើប​អ្នកនាង​នៅតែ​ក្រ​វែលៗ​នឹង​សិល្បៈ​ ​បើ​ទោះជា​អ្នកនាង​មានមុខ​របរ​ ​និង​មាន​ជីវភាព​មួយ​ល្អ​ប្រសើរ​ទៅ​ហើយ​។​ ​អ្នកនាង​បាន​ទាំង​រំពឹង​ថា​បទចម្រៀង​”​ក្រមុំ​ស្រុកស្រែ​”​ ​នឹង​ជួយ​អំពេ​រអា​រម្ម​ណ៍​បងប្អូន​ខ្មែរ​ទាំង​ក្នុង​ស្រុក​ ​ជាពិសេស​អ្នក​រស់នៅ​ក្រៅប្រទេស​ ​អោយ​បាត់​នឹកស្រុក​នោះ​ផង​។​
​
​ ​ខាងក្រោម​នេះ​ ​ជា​ ​MV​ ​ក្ដៅ​ៗ​របស់​អ្នកនាង​ ​ឈួន​ ​សុ​វណ្ណ​ឆៃ​ ​«​ ​ក្រមុំ​ស្រុកស្រែ​»​៖​

​ព្រឹត្តិ​ការណ៍​នៅ​ទីក្រុង​ណា​ននីង​ ​ខេ​ត្ត​គ័ង​ស៊ី​ ​ប្រទេស​ចិន​ ​កម្មវិធី​«​ASEAN​-​China​ ​TV​ ​Drama​ ​Week​»​ ​គេ​បានឃើញ​កញ្ញា​ ​រតនៈ​ ​ពិសី​ ​លេចមុខលេចមាត់​យ៉ាង​ខ្លាំង​ ​ដោយ​គេ​ឃើញ​មាន​ការ​ឌីហ្សា​ញរូ​បថ​ត​របស់​នាង​នៅ​ចំកណ្ដាល​ប៉ាណូ​ ​ដែល​មិនមែន​គ្រាន់តែ​ចូលរួម​បង្គ្រប់​កម្មវិធី​នោះ​ឡើយ​។​ ​

ក្នុង​វីដេអូ​ហាត់​សម​ដែល​បាន​បង្ហោះ​ឡើង​ ​គឺ​នាង​ច្រៀង​ផង​ ​ធ្វើពិធី​ការិនី​ផង​ ​ដោយ​នាង​ចេញមុខ​ជាមួយ​តារា​បរទេស​យ៉ាង​កា​លី​ប​លើ​ឆាក​ដែល​ចម្រុះ​ដោយ​ភ្លើងពណ៌​យ៉ាង​ប្រណិត​។​ ​នេះ​ជា​ការ​ចេញ​សម្ដែង​ជា​លក្ខណៈ​ជាតិ​របស់​នាង​ ​មុន​ចេញទៅ​សម្តែង​នៅ​ប្រទេស​អូស្ត្រាលី​ ​ខណៈ​ដែល​វត្តមាន​របស់​នាង​ ​នៅក្នុង​ផលិត​កម្ម​ថោន​ ​ក៏​នឹង​ធ្វើ​ឱ្យ​នាង​ឈានឡើង​។​ ​
​
​រតនៈ​ ​ពិសី​ ​និយាយ​ថា​ ​នាង​ពិតជា​មាន​អារម្មណ៍​រំភើប​ ​និង​សប្បាយចិត្ត​យ៉ាង​ខ្លាំង​ ​ដែល​បាន​ក្ដោបក្ដាប់​ឱកាស​ ​ចេញទៅ​សម្ដែង​នៅ​ក្រៅប្រទេស​ ​ជា​ញឹកញាប់​ ​ដោយ​បាន​ទាំង​ត្រូវ​គេ​ជ្រើស​ឱ្យ​ក្លាយជា​តំណាង​របស់​កម្ពុជា​ ​នៅក្នុង​ព្រឹត្តិ​ការណ៍​ ​«​Asean_China​ ​Concert​»​ ​នៅ​ឯ​ទីក្រុង​ណា​ននីង​គ័ង​ស៊ី​ ​ប្រទេស​ចិន​ ​ដោយ​នាង​ទៅ​ហាត់​សម​តាំងពី​ថ្ងៃទី​ ​១៥ខែកញ្ញា​។​ ​ថ្លែង​ពី​ប្រទេស​ចិន​តារា​ស្រី​សិច​ស៊ី​ ​រូប​នេះ​បញ្ជាក់​ថា​ ​ក្រោយ​បញ្ចប់​ការសម្ដែង​យ៉ាង​ជោគជ័យ​ ​នាង​នឹង​ត្រឡប់មកវិញ​នៅ​ថ្ងៃទី១៩ខែកញ្ញា​ ​ឆ្នាំ២០១៩នេះ​។​ ​នាង​បន្ត​ថា​ ​នាង​ពិតជា​រីករាយ​នឹង​ឱកាស​មួយ​នេះ​ ​ហើយ​នាង​ក៏​មោទនភាព​ណាស់​ដែរ​ ​ខណៈ​ត្រូវ​បាន​កម្មវិធី​ទាំងមូល​លើកមុខ​ដល់​ម្លឹង​។​
​
​តារា​ស្រី​សាច់​សខ្ចី​រូប​នេះ​ ​បាន​បន្ត​ថា​កម្មវិធី​នេះ​ប្រមូល​ផ្តុំ​ដោយ​ដោយ​សិល្បករ​ល្បីឈ្មោះ​ពិសេស​អ្នកមាន​បទចម្រៀង​នៅក្នុង​ភាពយន្ត​ភា​គ​ល្បី​ៗ​លើ​កញ្ចក់​ទូរទស្សន៍​។​ ​ក្រោយ​ត្រលប់​មកវិញ​ ​នាង​នឹង​បន្ត​ទៅ​សម្ដែង​ ​និង​ច្រៀង​ក្នុង​ប្រទេស​អូស្ត្រាលី​ ​រយៈពេល៣ខែ​ ​ដោយ​កុងត្រា​រយៈពេល៥ឆ្នាំ​របស់​នាង​នៅ​ថោន​ ​គឺ​សម្រុក​ផលិត​បទ​ក្រោយ​បញ្ចប់​បេសកកម្ម​នៅ​ក្រៅប្រទេស​៕​

​តារា​សម្ដែង​ ​កញ្ញា​ ​យ៉ែម​ ​ស្រីពេជ្រ​ ​បាន​រៀបរាប់​ប្រាប់​អ្នកសារព័ត៌មាន​នៅក្នុង​ពិធី​ធម្មយាត្រា​ទាំង៥ប្រទេស​ ​គឺ​កម្ពុជា​ ​ថៃ​ ​ឡាវ​ ​វៀតណាម​ ​និង​ ​មីយ៉ាន់ម៉ា​ ​ជាច្រើន​ជុំវិញ​ផ្លូវធម៌​ ​ដែល​មិន​នឹកស្មាន​ថា​ ​នាង​ជា​យុវវ័យ​ដែល​ជោគជាំ​ដោយ​សាសនា​ដល់​ម្លឹង​។​ ​នាង​បាន​ប្រកាស​ថា​ ​នាង​មានបំណង​ចង់​បួស​ជា​ដូនជី​យ៉ាង​យូរ​រយៈពេល១ខែ​ ​តែ​ឱកាស​មិនទាន់​ហុច​ឱ្យ​នៅឡើយ​។​ ​
​
​តារា​សម្ដែង​ស្រី​ប្រចាំ​ស្ថានីយ​ទូរទស្សន៍​ប៉ុ​ស្ដិ៍​លេខ៥​ ​កញ្ញា​ ​យ៉ែម​ ​ស្រីពេជ្រ​ ​និយាយ​ថា​ ​ដ្បិតតែ​កញ្ញា​រវល់​ ​និង​មាន​វ័យ​មិនទាន់​ចាស់​មែន​ ​ប៉ុន្តែ​កញ្ញា​មាន​ចំណូលចិត្ត​ស្ដាប់​ព្រះធម៌​ ​និង​គោរព​ព្រះពុទ្ធ​សាសនា​យ៉ាង​ខ្លាំង​ ​អ៊ីចឹង​ហើយ​ទើប​កញ្ញា​ ​សម្រេចចិត្ត​ចូលរួម​ក្នុង​សន្និសីទ​ស្ដីពី​ធម្មយាត្រា​ ​ដែល​ជាពិធី​ដង្ហែ​រក្បួន​ផ្សព្វផ្សាយ​សាសនា​ប្រចាំឆ្នាំ​របស់​ប្រទេស​ទាំង៥​ ​នៅ​ជុំវិញ​ដងទន្លេ​មេគង្គ​នោះ​។​ ​កញ្ញា​ថា​ ​ខ្លួន​មានបំណង​ចង់​ផ្សារភ្ជាប់​ជាមួយ​ព្រះពុទ្ធ​សាសនា​ប្រមាណ២ឆ្នាំ​ចុងក្រោយ​ ​ដោយ​ប៉ង​ទៅ​ស្ដាប់ធម៌​ ​និង​សមាធិ​នៅក្នុង​វត្ត​អារ៉ាម​ ​ដើម្បី​ឱ្យ​បាន​យល់ដឹង​ពី​ព្រះពុទ្ធ​សាសនា​។​ ​កញ្ញា​និយាយ​ថា​ ​ជា​រៀងរាល់​ឆ្នាំ​ព្រះសង្ឃ​ ​និង​ដូនជី​ ​តែង​ធ្វើពិធី​សមាធិ​ស្ដាប់ធម៌​ម្ដង១០ថ្ងៃ​ ​ដោយ​តម្រូវ​ឱ្យ​រៀន​ធម៌​ ​និង​តាំងសម្មាធិ​ ​ដែល​កញ្ញា​ស្ងប់​ផ្លូវចិត្ត​កុំ​ឱ្យ​ស្ត្​រេស​។​ ​កញ្ញា​បង្ហាញ​អារម្មណ៍​ខកចិត្ត​ ​ដែល​មិនបាន​ចូលរួម​ក្នុង​វគ្គសិក្សា​ព្រះធម៌​បែបនេះ២ឆ្នាំ​មក​ហើយ​ ​ដោយសារ​ឱ្យ​តែ​ដល់​វគ្គ​បណ្ដុះបណ្ដាល​ព្រះធម៌​នេះ​ ​គឺ​នាង​អត់​បានដឹង​ពី​ចម្ងាយ​ ​ហើយ​សុំច្បាប់​ការងារ​ថត​មិនបាន​។​ ​យ៉ាងណាមិញ​ ​កញ្ញា​ ​ថា​នឹង​ប៉ង​ចូលរួម​ក្នុង​កម្មវិធី​នេះ​ឱ្យ​ខាន​តែ​បាន​ ​ដោយ​បាន​ទូល​សុំ​ព្រះសង្ឃ​ដែល​ជា​អ្នក​រៀបចំ​ដើម្បីអោយ​ប្រាប់​ឱ្យ​ដឹងមុន​។​ ​ក្នុង​នោះ​កញ្ញា​ក៏​ប្រកាស​គាំទ្រ​ក្បួន​ធម្មយាត្រា​ដែល​ប្រកាស​ធ្វើឡើង​ផង​ដែរ​។​ ​
​
​លោក​ ​ស៊ុ​ផា​ឆៃ​ ​វិរៈ​ភូ​ជុង​ ​អគ្គលេខាធិការ​វិទ្យាស្ថាន​ពោធិ​ខា​យ៉ា​វិ​ឆា​ឡា៩៨០​ ​បាន​ថ្លែង​បញ្ជាក់​ថា​ ​ព្រឹត្តិ​ការណ៍​នេះ​ ​នឹង​ធ្វើពិធី​ដង្ហែ​រក្បួ​នក្នុង​ប្រទេស​ទាំង៥​ ​ដោយ​បន្ទាប់ពី​ប្រកាស​អោយ​ដឹង​នៅ​ប្រទេស​កម្ពុជា​ ​ក្បួន​រថយន្ត​ ​និង​ក្បួន​ថ្មើ​ជើង​ ​នឹង​ចាប់​ធ្វើដំណើរ​នាំ​ព្រះធម៌​បង្កើត​មិត្តភាព​ពី​ខេ​ត្ត​ឈៀ​ងរ៉ៃ​ប្រទេស​ថៃ​ ​នៅ​ថ្ងៃទី១៤​ ​តុលា​ ​ឆ្ពោះទៅ​មីយ៉ាន់ម៉ា​ ​ឡាវ​ ​វៀតណាម​ ​និង​ត្រលប់​មក​បញ្ចប់​នៅ​សៀមរាប​នៅ​ថ្ងៃទី៣១​ ​តុលា​ ​ឆ្នាំ២០១៩​។​ ​ព្រឹត្តិ​ការណ៍​នេះ​រំពឹង​ថា​នឹង​មាន​មនុស្ស​ច្រើន​ចូលរួម​ ​ខណៈ​ដែល​ប្រទេស​ទាំង៥​ ​ក៏បាន​យោគយល់​គ្នា​ ​ដោយ​អនុញ្ញាតិ​ក្បួន​ដង្ហែ​រ​ចេញចូល​ដោយ​មិនបាច់​ប្រើ​លិខិតឆ្លងដែន​ ​ដើម្បី​រួមគ្នា​ផ្សព្វផ្សាយ​សាសនា​៕​

ស្រីស្អាត ម៉ូកតា ម៉ាតថាណា ជាកូនកាត់ឥណ្ឌា នាង មានឪពុកជាកូនកាត់ឥណ្ឌា ចូលប្រឡូកសិល្បៈមុនដំបូងតាមរយៈការប្រឡងស្រីស្រស់ប្រុសស្អាតនៅទូរទស្សន៍ My Tv ក្នុងឆ្នាំ ២០១៦ ។ នាងទទួលបានឱកាសសម្តែងក្នុងភាពយន្តជាច្រើនបន្តបន្ទាប់រហូតទទួលបានការគាំត្រច្រើនពីទស្សនិកជន និងផលិតករ។

តារាស្រីវ័យក្មេងស្រស់សោភារូបនេះបានរៀបចំពិធីខួបកំណើតទ្រង់ទ្រាយធំលើកទី១ក្នុងជីវិតគម្រប់វ័យ២១ឆ្នាំ និងបានបង្ហាញសម្រស់ដូចបវរកញ្ញានៅរាត្រីថ្ងៃទី១៧ ខែកញ្ញាក្រោមវត្តមានសិល្បករជាច្រើនចូលរួម។ នាងគ្រោងបើកដំណើរការហាងអ៊ុតសក់ទ្រង់ទ្រាយធំគួរសមមួយដើម្បីបំពេញក្តីស្រម៉ៃបន្ថែមលើការងារសិល្បៈ។

តារាស្រីកូនកាត់ឥណ្ឌារូបនេះលើកឡើងថានាងចូលសិល្បៈច្រើនឆ្នាំហើយដែរទើបសម្រេចចិត្តធ្វើខួបកំណើតលើកនេះ ដែលមានភ្ញៀវប្រមាណជាង២រយនាក់ដែលភាគច្រើនជាអ្នកសិល្បៈដែលបានរាប់អានគ្នាជាយូរមកហើយដែរ។ តារាស្រីល្បីឈ្មោះក្នុងរឿង”មុខកាំបិទមុខស្នេហ៍” រូបនេះបញ្ជាក់ថា ថ្មីៗនេះនាងបន្ថយការងារសិល្បៈខ្លះដើម្បីទុកពេលមើលថែគ្រួសារពិសេសឪពុកនាងដែលមានឈឺ ហើយក៏ត្រូវរកពេលបន្ថែមការងារក្រៅពីរង្វង់សិល្បៈដែរ។ នាងថានាងថាបានបើកហាងអ៊ុតសក់មួយនៅតំបន់ផ្សារច្បារអំពៅ ហើយហាងនេះកំពុងតែទទួលបានការគាំទ្រច្រើន។ នាងថារឿងស្នេហានាងនៅមិនទាន់បង្ហើបទេ គឺត្រូវចាំពេលវេលាបន្តិចសិន។ នាងបន្តថាថ្ងៃខួបកំណើតឆ្នាំនេះអ្វីដែលនាងចង់បានបំផុតគឺការងារមុខរបររីកចម្រើន ពិសេសសូមឲ្យឪពុកនាងឆាប់ជាសះស្បើយពីជំងឺ មានសុខភាពល្អ៕

នៅ​ព្រឹក​ថ្ងៃទី​ ​១៧​ ​ខែកញ្ញា​ ​នេះ​ ​លោក​ឧកញ៉ា​ ​ឡេង​ ​ណា​វ៉ា​ត្រា​ ​ដែល​ជា​ម្ចាស់​ផលិតកម្ម​ ​កាឡាក់ស៊ី​ ​បាន​បង្ហោះ​សារ​បកស្រាយ​ ​ស្របគ្នា​ដែល​ការ​ប្រគំតន្ត្រី​បញ្ចប់​យ៉ាង​ជោគជ័យ​នៅ​កូរ៉េ​។​
​
​តាំងពី​កើតរឿង​ចម្រូង​ចម្រាស់​កក្រើក​ហ្វេ​សប៊ុ​ក​ជុំវិញ​បុរស​មួយ​ក្រុម​ថត​បង្ហោះ​ពី​សកម្មភាព​សិល្បករ​ ​អម​ដោយ​ការ​ជេរប្រមាថ​ពូជខ្មែរ​ ​និង​ដៀល​អ្នក​សិល្បៈ​ ​ធ្វើ​ឱ្យ​ផ្ទុះ​ប្រតិកម្ម​ពេញ​ស្រទាប់​មហាជន​នោះ​ ​គេ​មិនទាន់​ឃើញ​លោក​ឧកញ៉ា​ ​ឡេង​ ​ណា​វ៉ា​ត្រា​ ​ដែល​ត្រូវ​ភាគី​ម្ខាងទៀត​កាត់ត​វីដេអូ​ ​ហើយ​ចោទ​ថា​មានបំណង​ចង់​ប្រើ​អំពើ​ហិង្សា​នៅ​ព្រលា​ន​អ៊ី​ន​ឆន​ ​ប្រទេស​កូរ៉េ​ ​ចេញ​ប្រតិកម្ម​ ​ឬ​ ​បកស្រាយ​នោះ​ទេ​។​ ​លោក​បាន​សរសេរជា​សាធារណៈ​ថា​ ​៖​«​ ​រឿង​ពិត​កើតឡើង​នៅ​កូរ៉េ​ ​ ​ ​នៅ​ប្រលាន​អ៊ី​ន​ឆន​ ​ប្រទេស​កូរ៉េ​ទេ​ ​ដែល​ជា​ការ​ព្យាយាម​ថត​លើក​ទី2របស់​បងប្អូន​ ​បន្ទាប់ពី​ថ​ត​ជេប្​រមា​ថ​នៅ​ម៉ាឡេស៊ី​ហើយ​ ​ម៉្យាងទៀត​ដោយសារ​ទីនោះ​យើង​កំពុង​ឈរ​នៅកន្លែង​អន្តោ​ប្រវេ​ស​ ​គឺ​កន្លែង​ដែល​ហាមឃាត់​ការ​ថត​គ្រប់រូប​ភាព​ ​។​ ​បើ​និយាយ​ពី​ច្បាប់​នៅ​កូរ៉េ​ ​ថត​គេ​គ្មាន​ការ​អនុ​ញាតិ​អាច​មានទោស​ដល់​ជាប់គុក​ ​ហើយ​ជាប់blak​ ​list​ ​ជាពិសេស​កន្លែង​អន្តោ​ប្រវេ​សទៀ​ត​ ​ក្រុម​សិល្បៈ​ព្យា​យាម​សម្រម​សម្រួល​ ​ឱ្យ​បញ្ចប់​តែ​ក្រុម​បងប្អូន​កាន់តែ​ទាញ​កា​មេ​រា​ថត​ច្រើនឡើង​ ​ព្រោះ​កា​ថត​នេះ​មិនមែន​ថត​រិះគន់​ធម្មតា​ទេ​ ​ជា​កា​ថត​តិះដៀល​ប្រមាថ​»​។​
​
​បន្ថែម​ពី​ការ​បង្ហោះ​ ​ក្នុង​កិច្ច​សម្ភាសន៍​បន្ថែម​ពីលើ​ការ​បង្ហោះ​ ​លោក​ហេង​ ​ឡុង​ ​ស្វាមី​អ្នកនាង​ ​ចន​ ​ច័ន្ទ​លក្ខិ​ណា​ ​ដែល​ស្ថិត​ក្នុង​ហេតុការណ៍​នោះ​ ​បញ្ជាក់​បន្ថែម​ថា​ ​ក្នុង​រូបភាព​ដែល​ក្រុម​ឆ្មក់​ថត​វីដេអូ​បាន​បង្ហោះ​កាត់ត​នោះ​ ​មិនមែន​លោក​ឧកញ៉ា​ ​ឡេង​ ​ណា​វ៉ា​ត្រា​ ​ចង់​ហក់​ទៅ​វ៉ៃតប់​ជាមួយ​អ្នក​ថត​ ​ដូច​ការចោទប្រកាន់​នោះ​ទេ​ ​គឺ​លោក​ឧកញ៉ា​ ​គ្រាន់តែ​ខឹង​រឿង​បុរស​នោះ​ ​គ្រាន់តែ​និ​យាយ​ច​ចារ​គ្នា​សោះ​ ​ក៏​ថត​វីដេអូ​ ​ទើប​លោក​ឧកញ៉ា​ ​ស្ទុះ​ទៅ​បម្រុង​ចាប់​ឃាត់​កាមេរ៉ា​ទូរស័ព្ទ​កុំឱ្យ​បន្ត​ថត​ ​តែ​ដោយ​តែ​លោក​ខ្លាច​មានរឿង​ ​ហើយ​ចាប់ដៃ​កុំឱ្យ​លូក​ទៅ​ ​ទើប​មើលទៅ​ដូច​ចង់​ហក់​វ៉ៃ​ ​ក្រោយពេល​អ្នក​បង្ហោះ​ ​ក៏​ព្យាយាម​កាត់ត​ប្លង់​នោះ​ដដែល​ៗ​ ​ដើម្បី​ចោទប្រកាន់​។​ ​
​
​លោក​ហេង​ ​ឡុង​ ​បាន​ប្រាប់​អ្នកសារព័ត៌មាន​ថា​ ​មិនមែន​ត្រឹមតែ​លោក​ឧកញ៉ា​នោះ​ទេ​ ​សូម្បីតែ​លោក​ក៏​ទទួលយក​មិនបាន​នោះ​ដែរ​ ​នៅពេល​ឮ​អ្នកថតរូប​របស់​ក្រុម​ខ្លួន​យក​ទៅ​បង្ហោះ​ ​បំប៉ោង​ស្ថានការណ៍​ហើយ​ស្រាប់តែ​ពេល​ចរ​ចារ​ឱ្យ​លុប​វីដេអូ​នោះ​ចោល​ ​ប្រកាស​មិនព្រម​លុប​ ​និង​បន្ត​ថត​វីដេអូ​បន្ថែម​ទៀត​ ​ដើម្បី​បំប៉ោង​ហេតុការណ៍​ឱ្យ​កាន់តែ​មើលទៅ​ធ្ងន់ធ្ងរ​។​ ​លោក​ទទួលស្គាល់​ចំពោះ​កំហុស​របស់​ក្រុម​អ្នក​រួម​ដំណើរ​ដែល​សាង​កំហុសឆ្គង​នៅ​ព្រលា​នយន្​ត​ហោះ​នៅក្នុង​ប្រទេស​ម៉ាឡេស៊ី​ ​ប៉ុន្តែ​អ្វី​ដែល​លោក​ទទួលយក​មិនបាន​ ​គឺ​ក្រុម​អ្នករិះគន់​ថត​បង្ហោះ​ ​ដោយ​មិនបាន​មក​ស្នើ​ឱ្យ​ក្រុម​របស់​លោក​ដែល​មាន​កំហុស​ដោយ​អចេតនា​បញ្ឈប់​សកម្មភាព​ជាមុន​សូម្បី​បន្តិច​ ​ហើយ​ស្រាប់តែ​ថត​វីដេអូ​យក​ទៅ​បង្ហោះ​ ​ដោយ​ប្រើពាក្យ​ដៀល​ប្រមាថ​ជាតិខ្មែរ​ ​និង​អ្នក​សិល្បៈ​មួយ​ប្រទេស​ ​ដែល​លោក​យល់ថា​ ​នោះ​គឺជា​ការ​បំប៉ោង​ស្ថានការណ៍​ ​និង​ធ្វើអោយ​គេ​មើលងាយ​ជាតិខ្មែរ​ពេញ​ពិភពលោក​ ​ខណៈ​ដែល​ហេតុការណ៍​នោះ​ ​បើ​ក្រុម​អ្ម​ក​ទើស​មក​ប្រាប់​តែ​បន្តិច​ ​គឺ​នឹង​មិន​មាន​អ្វី​កើតឡើង​។​
​
​ម្យ៉ា​សំឡេង​ភ្លេង​ ​និង​ការ​រាំ​លេង​នៅក្នុង​ពេលនោះ​ ​ក៏​នៅ​ឆ្ងាយ​ពី​កន្លែង​គេ​អង្គុយ​ ​និង​មិនបាន​បើក​សំ​លេង​ឮៗ​ ​បង្ក​ការ​ប៉ះពាល់​ ​នៅកន្លែង​រង់ចាំ​នោះ​ដែរ​។​ ​លោក​បន្ត​ថា​ ​បើ​មាន​អ្នកដំណើរ​ ​ឬ​ ​អ្នកបម្រើ​ការ​នៅ​ក្នុង​ព្រលា​ននៅ​ម៉ាឡេស៊ី​ណា​ម្នាក់​ ​មក​ប្រាប់​ ​ឬ​មក​ហាម​ ​ហើយ​ពួក​លោក​មិនឈប់​ ​លោក​ថា​វា​សម​ខ្លាំង​ណាស់​ក្នុង​ការ​បង្ហោះ​ ​ប៉ុន្តែ​បរិយាកាស​គឺ​មិន​មានតែ​ម្ដង​ ​ទើប​ក្រុម​លោក​ពិបាក​ទទួលយក​នៅពេល​ឃើញ​វីដេអូ​បង្ហោះ​ឡើង​ ​អម​ដោយ​ការប្រមាថ​។​ ​លោក​ថា​គ្រប់យ៉ាង​បើជា​ខ្មែរ​ដូចគ្នា​ ​គឺ​គ្រាន់តែ​មក​ប្រាប់​ ​ឬ​ ​គ្រាន់តែ​សម្រួល​គ្នា​ ​ដោយ​លុប​វីដេអូ​ ​ហើយ​ក្រុម​លោក​ទទួលកំហុស​រឿង​រាំ​លេង​នោះ​ ​វា​ចប់​បាត់​ហើយ​ ​ប៉ុន្តែ​មក​ពី​ក្រុម​នោះ​ចង់​បង្ក​ ​និង​ចង់​បំប៉ោង​ស្ថានការណ៍​អោយ​ធ្ងន់​ ​ទើប​មើលទៅ​កាន់តែ​អាក្រក់​។​ ​លោក​នៅតែ​អះអាង​ថា​ ​លោក​ឧកញ៉ា​ ​ឡេង​ ​ណា​វ៉ា​ត្រា​ ​មិនមែន​ចង់​ប្រើ​ហិង្សា​ដូច​ការ​កាត់ត​ ​និង​បង្ខូចឈ្មោះ​ក្នុង​វីដេអូ​ទេ​ ​ប៉ុន្តែ​មក​ពី​លោក​ចាប់ដៃ​ស្រប​ពេល​លោក​ឧកញ៉ា​ហក់​ទៅ​ចាប់​កាមេរ៉ា​ ​ហើយ​ក្រុម​នោះ​កាត់​ត​ដដែល​ៗ​ ​ទើប​មើលទៅដូចជា​សកម្មភាព​ចង់​ប្រើ​ហិង្សា​ ​ការពិត​មិនមែនទេ​។​ ​យ៉ាងណាមិញ​លោក​ថា​ ​សម្រាប់​លទ្ធផល​ពាក្យបណ្ដឹង​ដែល​បាន​ដាក់​បណ្ដឹង​ ​លោក​សុំ​មិនទាន់​បកស្រាយ​ទេ​ ​ដោយ​ទុក​ឱ្យ​មេធាវី​បន្ត​និ​តិ​វិធី​៕​

​ថ្មី​ៗ​នេះ​តារាចម្រៀង​ ​Rith​ ​Pros​ ​Pov​ ​ដែលគេ​តែងតែ​ហៅថា​ ​តារាចម្រៀង​ ​Original​ ​Song​ ​បាន​ក្លាយជា​សមាជិក​គ្រួសារ​របស់​ផលិត​កម្ម​ថោន​។​ ​ជាមួយនឹង​វត្តមាន​ ​MV​ ​ថ្មី​ ​នៃ​ចម្រៀង​ចាស់​ ​ជា​ប្រភេទ​បទ​បែប​មនោសញ្ចេតនា​ចាក់ដោត​ចិត្ត​យុវវ័យ​នោះ​ ​បាន​ចេញ​ផ្លូវការ​ ​កាលពី​ថ្ងៃទី១៥​ ​ខែកញ្ញា​ ​នេះ​។​
​
​គ្មាន​អ្នកណា​មិនដឹង​សោះ​នោះ​ទេ​ ​ថា​បទ​«​មាន​នឹក​បង​ទេ​អូន​»​ ​គឺជា​បទ​ល្បីល្បាញ​ក្នុង​ស្រទាប់​មហាជន​ ​តាំងពី​ចេញ​បង្ហោះ​។​ ​អ្នកគាំទ្រ​ច្រើនឡើង​ ​កាន់តែ​ផ្ដោត​ការចាប់អារម្មណ៍​ ​បន្ទាប់ពី​ផលិតកម្ម​ថោ​នដា​ក់​បង្ហោះMV​ ​បទ​ល្បី​«​មាន​នឹក​បង​ទេ​អូន​»​សំនៀង​របស់​ ​រិទ្ធ​ ​ប្រុសពៅ​ ​ដែលគេ​ធ្លាប់​ស្តាប់​យ៉ាង​ពេញនិយម​ ​ក្នុង​ស្រទាប់​មហាជន​។​
​
​ ​បទចម្រៀង​របស់​លោក​ត្រូវ​បាន​ផលិត​កម្ម​ថោន​ ​យក​មក​សម្រិតសម្រាំង​ជា​សាច់រឿង​ ​មើល​ហើយ​ជក់ភ្នែក​ ​ដោយ​ទើបតែ​បង្ហោះ​ប៉ុណ្ណោះ​ ​ក៏​មាន​អ្នក​ចូល​ ​View​ ​របស់​ដល់​ច្រើន​ខេ​ភ្លាម​ៗ​។​ ​វត្តមាន​បទ​នេះ​ ​នៅក្នុង​ផលិតកម្ម​ធំ​ ​ធ្វើ​ឱ្យ​ម្ចាស់​បទ​ ​ដែល​ពោរពេញ​ដោយ​ភាព​រីករាយ​រហូត​ ​ស្ទើរគ្រប់​សកម្មភាព​ជាមួយ​មិត្ត​រួម​ក្រុម​រូប​នេះ​ ​កាន់តែ​មាន​មោទនភាព​ ​និង​ឈាន​ដល់​គោលដៅ​។​ ​ក្រោយពេល​ចេញ​ ​MV​ ​ផ្លូវការ​ ​បទ​នេះ​មាន​អ្នកទស្សនា​ច្រើន​ជាបន្តបន្ទាប់​ធ្វើ​ឱ្យ​ ​ដែល​ធ្វើ​ឱ្យ​គេ​មើល​ឃើញ​ភ្លាម​ៗ​ ​ថា​បទ​នេះ​មាន​សន្ទុៈ​ខ្លាំង​ម្ដងទៀត​ ​បន្ទាប់ពី​បទ​នេះ​កញ្ជ្រោល​ស្រទាប់​មហាជន​យ៉ាង​ខ្លាំង​មក​ហើយ​។​ ​
​
​ចង់​ដឹង​ថា​ ​MV​ ​បទ​«​មាន​នឹក​បង​ទេ​អូន​»​ ​មានសាច់​រឿង​បែប​ណា​ ​សូម​ទស្សនា​ដូចតទៅ​៖​

​
​

នៅ​លើ​បណ្ដាញ​សង្គម​ហ្វេ​សប៊ុ​ក​គេ​បានឃើញ​ថា​ ​តារាចម្រៀង​ ​ជុំ​ ​លី​ណូ​ ​បាន​បញ្ចេញ​បទចម្រៀង​ថ្មី​មួយ​ដែល​មាន​អត្ថន័យ​ទាក់ទង​ទៅ​នឹង​ទឹកជំនន់​។​ ​ស្រប​ពេល​ដែល​ស្ថានភាព​ទឹកជំនន់​កំពុង​វាយលុក​តំបន់​មួយចំនួន​ ​នៅក្នុង​ប្រទេស​កម្ពុជា​។​ ​បទ​ថ្មី​យ៉ាង​ចាក់ដោត​មួយ​នេះ​មាន​ចំណងជើង​ថា​ ​”​ឱ​ ​ទឹកជំនន់​”​ទាំង​ខ្លឹមសារ​ ​និង​អត្ថន័យ​ ​គឺ​ចាក់ដោត​ខ្លាំង​។​ ​
​
​លោក​ ​ជុំ​ ​លី​ណូ​ ​បញ្ជាក់​ថា​ ​ដោយសារតែ​អារម្មណ៍​របស់​លោក​ ​ឌិ​ត​ដាម​ដោយ​ទិដ្ឋភាព​ដ៏​សង្វេគ​នៃ​គ្រោះ​ទឹកជំនន់​កំពុង​កើតឡើង​ ​ទើប​លោក​សម្រេចចិត្ត​ផលិត​បទចម្រៀង​នេះ​ឡើង​ ​ដើម្បី​រៀបរាប់​ពី​ទុក្ខសោក​ ​និង​ពី​មហន្តរាយ​ដែល​បាន​កើតឡើង​ពី​គ្រោះ​ទឹកជំនន់​។​ ​បទចម្រៀង​នេះ​ ​លោក​សម្រេច​ផលិត​ឡើង​ ​ដើម្បី​ជា​ការ​លើកទឹកចិត្ត​ ​និង​បួងសួង​ចំពោះ​បងប្អូន​ខ្មែរ​ ​ដែល​ជួបប្រទះ​នូវ​គ្រោះ​ទឹកជំនន់​កុំ​អោយ​មាន​គ្រោះថ្នាក់​ ​ក៏ដូចជា​ចង់​អោយ​ពួកគាត់​មានការ​ប្រយ័ត្ន​ប្រយែង​ខ្ពស់​។​ ​អ្វី​ដែល​លោក​ក្ដុកក្ដួល​ ​គឺ​បទចម្រៀង​មួយ​បទ​នេះ​ ​ធ្វើអោយ​លោក​បង្ហូរទឹក​ភ្នែក​ក្នុង​ពេល​ថត​ច្រៀង​ ​ដោយសារតែ​អត្ថន័យ​នៃ​បទចម្រៀង​ ​ធ្វើអោយ​លោក​ស្រ​ម៉ៃ​ឃើញ​ពី​ទិដ្ឋភាព​ដ៏​សោកសង្រេង​របស់​បងប្អូន​ខ្មែរ​ ​ដែល​ជួបនឹង​គ្រោះ​ទឹកជំនន់​។​ ​
​
​ចង់​ដឹង​ថា​បទចម្រៀង​របស់​លោក​ ​ស្ដាប់​ហើយ​ចាក់ដោត​ប៉ុណ្ណា​ ​សូម​រីករាយ​ទស្សនា​៖​

គណៈកម្មការ​រៀបចំ​ប្រកួត​ ​លោក​ ​ប៊ុ​នកើដ​ ​រាំ​ងរាំនួ​យសិរ​ ​បាន​ប្រកាស​រៀបចំ​កម្មវិធី​ប្រកួត​ ​ស្រស់​សោភា​ពោរពេញ​ដោយ​ឧត្តមភាព​ ​«​MISS​ ​GRAND​ ​CAMBODIA​ ​2019​»​ ​រដូវ​កាល​ទី៥ជា​ផ្លូវការ​នៅ​ ​សណ្ឋាគារ​ជូ​លី​ណា​នៅ​រាជធានី​ភ្នំពេញ​ ​នា​រសៀល​ថ្ងៃទី១៦​ ​ខែកញ្ញា​ ​ឆ្នាំ២០១៩​ ​នេះ​។​ ​ក្នុង​ឆ្នាំនេះ​លោក​ ​ប៊ុ​នកើដ​ ​បាន​ខ្លះ​ខ្នែង​ក្នុង​ការរៀបចំ​ឯកសារ​ដាក់​ជូន​ ​កម្មវិធី​កម្រិត​អន្តរជាតិ​មួយទៀត​ ​ព្រមទាំង​ទទួល​នូវ​ការ​ផ្តល់​អាជ្ញា​ ​ប័ណ្ណ​ជា​ក្រុមហ៊ុន​ ​ទទួល​សិទ្ធិ​រៀបចំ​កម្មវិធី​ប្រកួត​ ​MISS​ ​WORLD​ ​CAMBODIA​ ​2019​ ​ជា​ឆ្នាំ​ដំបូង​ផង​ដែរ​។​
​
​កម្មវិធី​ប្រកួត​ផ្នែក​សម្រស់​ ​(​Beauty​ ​Pageart​)​ ​ទាំង២​ ​ជា​វេទិកា​កិត្តិយស​ក្នុង​ការលើកតម្កើង​នូវ​សម្រស់​ ​ដ៏​ស្រស់​សោភា​ ​តម្លៃ​នៃ​នារី​ខ្មែរ​ ​នៅ​លើ​ឆាក​ជាតិ​ ​និង​អន្តរជាតិ​ ​ក៏​ដូច​ការ​នាំ​យក​នូវ​វប្បធម៌​ ​ទំនៀមទម្លាប់​ ​ប្រពៃណី​ ​ជាពិសេស​គឺ​បាន​ចូលរួម​ផ្សព្វផ្សាយ​វិស័យ​ទេសចរណ៍​នៃ​កម្ពុជា​ទៅកាន់​ពិភពលោក​ផង​ដែរ​។​ ​កាលពីឆ្នាំទៅ​ ​មិញ​យើង​ទទួល​បាន​នូវ​ការ​កោតសរសើរ​យ៉ាង​ខ្លាំង​ ​និង​ការ​គាំទ្រ​ពីសំណាក់​បងប្អូន​ប្រជាជន​ខ្មែរ​ ​ចំពោះ​បេក្ខភាព​ ​ជ័យលាភី​ឯក​ ​ដែល​បាន​ចូលរួម​ប្រកួត​ក្នុង​វេ​ទិ​ការ​ ​MISS​ ​GRAND​ ​INTERNATIONAL​ ​2018​ ​ក្នុង​នោះ​យើង​បាន​ ​លើកយក​នូវ​សម្លៀក​ពាក់ស​ម័យ​ចេនឡា​ក្នុងនាម​សម្លៀកបំពាក់​តំណាង​ជាតិ​ ​ទៅ​បង្ហាញ​លើ​ ​វេ​ទិ​ការអន្តរជាតិ​។​នេះ​ជា​មោទនភាព​នៃ​កម្មវិធី​ប្រកួត​ ​ជា​មោទនភាព​នៃ​នារី​ខ្មែរ​ដែល​អន្តរជាតិ​កាន់តែ​យល់​ច្បាស់​ពី​សម្រស់​ ​ដ៏​ត្រកាល​នៃ​នារី​ខ្មែរ​។​
​
​សម្រាប់​កម្មវិធី​ប្រកួត​ឆ្នាំ​ ​២០១៩​ ​នេះ​ ​មាន​សុភាពនារី​ខ្មែរ​ចុះឈ្មោះ​ចូលរួម​ប្រកួត​ ​មាន​ចំនួន​លើស​ពីឆ្នាំ​ទៅ​គួរ​ ​ឲ្យ​កត់សម្គាល់​ ​គឺ​ចំនួន​ប្រមាណ​ជិត​ ​៥០០នាក់​។​ ​ឆ្លងកាត់​នូវ​កម្មវិធី​សម្ភាស​ជម្រុះ​ចម្រាញ់​ ​មាន​បេក្ខនារី​ចំនួន​ ​២៩រូប​ ​មាន​វត្តមាន​ដែល​នឹង​បង្ហាញខ្លួន​ក្នុង​កម្មវិធី​សន្និសីទ​សារព័ត៌មាន​នា​រសៀល​ថ្ងៃនេះ​។​ ​នា​ថ្ងៃទី១៩​ ​ខែកញ្ញា​ ​ខាងមុខ​ ​មាន​ព្រឹត្តិ​ការណ៍​នៃ​កម្មវិធី​ប្រកួត​ចំនួន​ពីរ​ ​ដែល​នឹង​ប្រារព្ធ​កម្មវិធី​ប្រកួត​ផ្តាច់ព្រ័ត្រ​ ​នោះ​គឺ​ ​កម្មវិធី​ប្រកួត​ ​KHMER​ ​SUPERMODEL​ ​Cycle​ ​១០ជា​កម្មវិធី​ផ្សាយ​ផ្ទាល់​ ​នៅ​ស្ទូ​ឌី​យ៉ូ​ធំ​ ​ស្ថានីយ​ទូរទស្សន៍​ ​CTN​ ​នៅ​វេលា​ម៉ោង​ ​៧យប់​ ​និង​កម្មវិធី​ប្រកួត​ ​MISS​ ​GRAND​ ​CAMBODIA​ ​2019​ ​កម្មវិធី​ផ្សាយ​ផ្ទាល់​ ​កម្មវិធី​ប្រកួត​ផ្តាច់ព្រ័ត្រ​ ​នៅ​ស្ទូ​ឌី​យ៉ូ​ធំ​ ​ស្ថានីយ​ទូរទស្សន៍​ ​CTN​ ​នៅ​វេលា​ម៉ោង​ ​៨យប់​។​
​
​ជាង​នេះ​ទៅទៀត​ ​នា​ថ្ងៃទី​ ​៣១​ ​ខែតុលា​ ​ខាងមុខ​ ​មាន​ព្រឹត្តិ​ការណ៍​នៃ​កម្មវិធី​ប្រកួត​ចំនួន​ពីរ​ ​ដែល​នឹង​ប្រារព្ធ​ ​កម្មវិធី​ប្រកួត​ ​ផ្តាច់ព្រ័ត្រ​ ​ផង​ដែរ​នោះ​គឺ​ ​កម្មវិធី​ប្រកួត​ ​MISTER​ ​CAMBODIA​ ​Season​ ​3​ ​ជា​កម្មវិធី​ផ្សាយ​ផ្ទាល់​ ​នៅ​ស្ទូ​ឌី​យ៉ូ​ធំ​ ​ស្ថានីយ​ទូរទស្សន៍​ ​MISS​ ​WORLD​ ​CAMBODIA​ ​2019​ ​វិធី​ប្រកួត​ផ្តាច់ព្រ័ត្រ​ ​ជា​កម្មវិធី​ ​ផ្សាយ​ផ្ទាល់​ ​នៅ​ស្ទូ​ឌី​យ៉ូ​ធំ​ ​ស្ថានីយ​ទូរទស្សន៍​ ​CTNនៅ​វេលា​ម៉ោង​ ​៨យប់​។​ ​សូម​គោរព​អញ្ជើញ​ប្រិយមិត្ត​ទស្សនិកជន​ ​ចូលរួម​ទស្សនា​ដោយ​ផ្ទាល់​ ​និង​សេរី​ ​ក៏ដូចជា​តាមដាន​ ​ទស្សនា​ ​ដើម្បី​ជា​កម្លាំងចិត្ត​ដល់​កម្មវិធី​ប្រកួត​។​
​
​ជយលាភី​ឯក​ដែល​គ្រង​មកុដ​ ​Miss​ ​Grand​ ​Cambodia​ ​2019​ ​នឹង​ចូលរួម​ប្រកួត​ ​Miss​ ​Grand​ ​International​ ​2019​ ​នៅ​ប្រទេស​ ​Venezuela​ ​ចំណែក​ ​Miss​ ​World​ ​Cambodia​ ​2019​ ​នឹង​ចូលរួម​ប្រកួត​ ​MISS​ ​WORLD​ ​2019​ ​នៅ​ចក្រភព​ ​អង់​គ្លេ​សុំ​។​ ​ចំណែក​បេក្ខជន​ជ័យលាភី​ឯក​ ​MISTER​ ​CAMBODIA​ ​នឹង​ចូលរួម​ប្រកួត​ ​MR​ ​WORLD​ ​2020​ ​ផង​ដែរ​។​ ​កម្មវិធី​ដ៏​មាន​អត្ថន័យ​នៃ​វេទិកា​ ​ប្រកួត​ពោរពេញ​ដោយ​កិត្តិយស​នេះ​ ​បាន​ផ្តល់​នូវ​កា​រប​ត្ថ​ម្ភ​ ​ពី​បណ្តា​ក្រុមហ៊ុន​ដែល​ក្នុង​នោះ​មាន​ដូចជា​ ​ក្រុមហ៊ុន​ទឹកដោះគោ​ ​DUTCH​ ​MILL​,​PTT​ ​Cambodia​,​ ​Tuus​ ​Café​ ​Amazon​ ​Cambodia​,​ ​ស្ករគ្រាប់​ ​PARRYក្រុមហ៊ុន​ ​អង្ករ​ ​រ៉ូ​យាល់​ម្កុដ​ ​,​ ​ហាងទំនិញ​ ​Jiffy​ ​។​ ​ក្នុង​នោះ​ក៏​មានការ​ ​សហ​ការណ៍​ចូលរួម​ឧបត្ថម្ភ​ពី​ក្រុមហ៊ុន​មួយចំនួន​ទៀត​ ​ដែល​មាន​ដូចជា​ ​សំលៀកបំពាក់​ម៉ាក​ ​RANSITA​ ​ហាង​កាត់​សំលៀកបំពាក់​ ​ធិ​រី​កា​ដើម​,​ ​The​ ​Olympia​ ​Mall​ ​និង​ ​The​ ​Olympia​ ​City​ ​។​
​
​កម្មវិធី​ប្រកួត​ ​MISS​ ​GRAND​ ​CAMBODIA​ ​2019​ ​ពិតជា​មាន​មោទនភាព​ ​ដែល​បាន​ចូលរួម​ចំណែក​ក្នុង​ការ​ ​បណ្តុះបណ្តាល​ ​ដល់​កុល​ធិ​តា​កម្ពុជា​នៅ​លើ​ប្រធានបទ​ជាច្រើន​ ​ក្នុង​នោះ​ដូចជា​ ​បុគ្គលិក​លក្ខណៈ​ ​សុជីវធម៌​ ​ចរិយាមាយាទ​ ​ការ​ប្រាស្រ័យ​ទាក់ទង​ ​ទស្សនៈ​នៃ​ចែ​ក​រម្លែ​ក​ ​មនុស្សធម៌​ជាដើម​ ​ដែល​ក្នុង​នោះ​បេក្ខនារី​ទាំងអស់​ ​នឹង​ធ្វើដំណើរ​ទៅ​ចូលរួម​សាក​ ​សួរ​សុខ​ទុ​ក្ខ​ប្អូន​ៗ​កុមារ​ក្នុង​អង្គការ​ក្តី​សង្ឃឹម​ថ្មី​ ​ក្នុង​ខេត្ត​កំពង់ស្ពឺ​ជាដើម​។​ល​។​ ​កម្មវិធី​ប្រកួត​នានា​ដូច​បាន​រៀបរាប់​ខាងលើ​ ​កម្មវិធី​ប្រកួត​ ​FRESHIE​ ​ក៏​នឹង​វិល​មក​ជាថ្មី​ម្តង​ទៀត​ ​ដើម្បី​ជា​វេទិកា​ ​បញ្ចេញ​ ​និង​បង្ហាញ​សមត្ថភាព​ ​និង​ទេព​កោសល​នៃ​ប្អូន​យុវជន​ ​យុវតី​ខ្មែរ​។​ ​ការ​គាំទ្រ​របស់​លោកអ្នក​ ​ជា​មាគ៌ា​សម្រាប់​ទំពាំងស្នងឫស្សី​ខ្មែរ​គ្រប់រូប​៕​

​ពិតជា​យីអ៊ុន​ឡើង​ពិតមែន​ ​តារា​ស្រី​សម្ដែង​ក្នុង​ ​MV​ ​បទចម្រៀង​ ​“​អ្នកណា​កែចិត្ត​បង​”​ ​ដែល​និពន្ធដោយ​លោក​ ​សូរ​ ​រៈ​បូរី​ ​បាន​ទទួល​តំណែង​ធំៗ​នៅក្នុង​ពិភព​សិល្បៈ​ដែល​គួរ​ឱ្យ​កត់សម្គាល់​។​ ​
​
​ទើបតែ​ចូល​ប្រឡូក​សិល្បៈ​ត្រឹម​រយៈពេល​ខ្លី​តែ​តារា​សម្ដែង​ពន្លឹក​ថ្មី​ ​ទី​ទី​ ​ត្រូវ​បាន​ក្រុមហ៊ុន​តូច​ធំ​មួយចំនួន​ទាក់ទង​នាង​ ​ឱ្យ​ថត​ស្ប៉ត​ជាបន្តបន្ទាប់​មិនចាញ់​រៀមច្បង​សិល្បៈ​មួយចំនួន​ឡើយ​។​ ​ថ្មី​ៗ​នេះ​នាង​ក៏​ទទួល​បាន​តំណែង​ជា​អ្នកគ្រប់គ្រង​ទូទៅ​នៅ​ផលិតកម្ម​ ​Zone​ ​កាលពី​ប៉ុន្មាន​ខែមុន​បន្ត​ពី​លោក​ ​អ៊ុច​ ​រ៉ា​វុឌ្ឍ​។​ ​ជាក់ស្ដែង​មុន​នេះ​បន្ដិច​ស្រី​ស្អាត​ ​ទី​ទី​ ​បានឱ្យ​ដឹង​ថា​ ​មួយ​រយៈ​ក្រោយនេះ​ខ្លួន​ពិតជា​រវល់​មែន​ក្រៅពី​ការងារ​សម្ដែង​ ​MV​ ​បទចម្រៀង​ ​ភាពយន្ត​នាង​ ​ត្រូវ​បាន​ស្រី​នី​ន​សម្អាងការ​ទាក់ទង​ឲ្យ​ធ្វើជា​ ​ទូត​សុច្ឆន្ទៈ​ ​ភ្លែត​តែម្ដង​ដោយ​ឱ្យ​ថត​ផ្សព្វផ្សាយ​សម្លៀកបំពាក់​រៀបមង្គលការ​របស់​កូនក្រមុំ​។​
​
​ទី​ទី​ ​បន្ថែម​ថា​ ​នេះ​គឺជា​លើក​ទី១ហើយ​សម្រាប់​នាង​ ​ដែល​ខាង​សម្អាងការ​ជ្រើសរើស​ឱ្យធ្វើ​ជា​ទូត​សុ​ច្ឆ​នៈ​ស្រី​នីន​ ​សម្អាងការ​ ​ហេតុដូច្នេះ​ហើយ​ទើប​ធ្វើ​ឱ្យ​តារា​ស្រី​សាង​កេរ្តិ៍​ៗ​ឈ្មោះ​ល្បីល្បាញ​ត្រឹម​មួយ​ប៉ប្រិចភ្នែក​តាមរយៈ​បទ​ ​“​អ្នកណា​កែចិត្ត​”​រូប​នេះ​ប្រឹងប្រែង​ធ្វើការ​ឱ្យ​ពី​សមត្ថភាព​មិន​ឲ្យ​ខាង​ក្រុមហ៊ុន​ដែល​ជឿ​ទុកចិត្ត​លើ​ខ្លួន​ព្រួយបារម្ភ​ឡើយ​។​ ​នាង​ ​ថា​ ​“​ខ្ញុំ​មាន​អារម្មណ៍​ថា​សប្បាយរីករាយ​ណាស់​បង​ ​ដែល​មានឱកាស​ជួយ​ផ្សព្វផ្សាយ​សម្លៀកបំពាក់​រៀបមង្គលការ​ប្រពៃណី​ខ្មែរ​បែបនេះ​”​។​