Author: អេបិល

មហាជនអ្នកគាំទ្រដែលនិយមតាមដានព័ត៌មានតារាចម្រៀង លោក ឃុំ ប៉ុណ្ណាដែត និងអ្នកនាង យក់ ថិតរដ្ឋា ពិតជាបានដឹងច្បាស់ថា អ្នកនាងយក់ ថិតរដ្ឋា ទើបតែសម្រាលកូនស្រីម្នាក់ ដែលជាកូនទី៣របស់ខ្លួន បានដោយសុវត្ថិភាពហើយ ហើយនេះក៏ជាបំណងប្រាថ្នាចង់បានរបស់អ្នកទំាងពីរផងដែរ បន្ទាប់ពីមានកូនប្រុសធំៗ2នាក់រួចមកហើយ។

ឆ្លងទន្លងមិនទាន់ចាស់សរសៃបានស្រួលបួលផងនោះ នាពេលថ្មីៗនេះ ឆ្លៀតពេលទំនេរ ស្វាមីភរិយាមួយគូនេះនិងក្រុមគ្រួសារ ធ្វើដំណើរកម្សាន្តមួយទៅទឹកដី អង្គរ ខេត្តសៀមរាប ព្រមទំាងបានថតរូបភាពស្អាំតៗជាច្រើនសន្លឹក មកបង្ហាញអ្នកគាំទ្ររបស់ខ្លួនថែមទៀតផង មើលទៅពិតជាសប្បាយ និងមានក្តីសុខណាស់។ ក្នុងនោះ អ្វីដែលបានធ្វើឱ្យគ្រប់គ្នាចាប់អារម្មណ៍ជាងនេះទៅទៀតនោះ ក្រោយឃើញ យក់ ថិតរដ្ឋា ស្រក់ទឹកភ្នែក ព្រោះតែស្វាមីនាំជិះកន្ត្រកវិលខ្នាតយក្ស នៅខេត្តសៀមរាប។

រដ្ឋា ហៅចែស្រស់រូបនេះ បានភ្ជាប់សារមួយបញ្ជាក់ថា«គ្នាប្រាប់ហើយថា គ្នាខ្លាចខ្ពស់នឹងហើយ នៅតែឱ្យគ្នាជិះកន្ត្រកនឹងទៀត​ ចប់ហ្មង ខ្លាចឡើងចេញយំខ្មាសគេណាស់​ លោកអើយ​ ចាញ់កូននិងក្មួយៗផង គេជិះហើយឡើងសប្បាយ​ឯងវិញឡើងចេញយំ”៕

នៅថ្ងៃ​ទី​21 ខែកញ្ញា នេះស្រាប់តែ​តារា​ចម្រៀង សួស វីសា បាន​បង្ហោះ​សារ​អម​ដោយ​រូបភាព​ទៅ​ពិនិត្យ​ផ្ទៃពោះ​ឱ្យដឹងថា «​សុខ​សប្បាយ​ទេ​ចាស៎​បងប្អូន​អ៊ំ​ពូ​មីង​? បាត់​ខ្ញុំ​មួយរយៈ​នេះ​នឹក​ខ្ញុំ​ទេ​?​មួយរយៈ​នេះ​ខ្ញុំ​រវល់​ថែទាំ​សុខភាព​មិនសូវ​បាន​Live Facebook​លេង​ទេ រូបថត​ក៏​មិនបាន​ផុស​ដែរ​​ សំខាន់​យប់មិញ​ខ្ញុំ​ឈឺពោះ​ខ្លាំង​ និង​ពិបាក​ក្នុង​ខ្លួន ខ្ញុំ​ភ័យ​ណាស់​ជាពិសេស​ប្តី​ខ្ញុំ​រួម​ទាំង​គ្រួសារ​ភ័យ​គ្រប់គ្នា ព្រោះ​គិត​ខ្លាច​ថា​កូន​សម្រាល​មុន​ពេល​កំណត់ តែ​សំណាងល្អ​ណាស់​គ្រប់យ៉ាង​មិន​ដូច​អ្វីដែល​យើង​គិត​ទេ ថ្ងៃនេះ​ខ្ញុំ​មក​ពិនិត្យ​នៅ​មន្ទីរពេទ្យ​លទ្ធផល​​ឃើញ​ថា ទាំង​ម្តាយ​និង​កូន​មាន​សុខ​ភាពល្អ​ធម្មតា​មិនមាន​សញ្ញា​អ្វី​ខុស​ប្រក្រតី​ទេ តែ​មកពី​ខ្ញុំ​ញុំា​ចំណី​ខុស ទើប​មាន​អាកា​រ​ឆ្អល់ពោះ​បែបនេះ​​ អរគុណ​ដល់​បងប្អូន​សម្រាប់​ការស្រលាញ់​មកកាន់​គ្រួសារ​ខ្ញុំ​»​។​

គួរឱ្យដឹងដែរថា អ្នកនាង សួស វីសា ពេលនេះ កំពុង​ពពោះ​ជិត​ឆ្លងទន្លេ​ហើយ ហើយក៏​ជា​ពេលវេលា​មួយ ដែល​សប្បាយរីករាយ​បំផុត ជាមួយ​អារម្មណ៍​ភ័យ​ព្រួយ​។ កន្លងទៅអ្នកនាង បានបង្ហោះសារបង្ហាញអារម្មណ៍​ថា ​«​ពេលវេលា​ ដែល​រង់ចាំ​ជួប​មុខ​កូនស្រី​ជាទី​ស្រលាញ់​របស់ខ្ញុំ​កាន់តែ​កៀក​នឹង​មកដល់​ហើយ នៅសល់តែ​20​ថ្ងៃ​ទៀត​ទេ ម្តាយ​បាន​ជួប​មុខ​កូន​ហើយ​ កែវភ្នែក​របស់​ម៉ាក់​ ក៏​សូម​អរគុណ​ដល់​បងប្អូន​អ៊ំ​ពូ​មីង​ទាំងអស់គ្នា​សម្រាប់​ពាក្យ​ជូនពរ​ល្អៗ​មកកាន់​ក្រុមគ្រួសារ​របស់ខ្ញុំ​»​។

ខណៈដែរ លោក​ថ​មមី ជាស្វាមីទើបតែ​ស្វាគមន៍​សមាជិក​ថ្មី ជា​រថយន្ត​ស៊េរី​ទំនើប​មួយគ្រឿង អម​ដោយ​ការ​សរសេរ​រៀបរាប់​ថា «​ស្វាគមន៍​សមាជិក​ថ្មី​បន្ថែម អរគុណ​សន្តិភាព អរគុណ​ការ​ខំប្រឹងប្រែង​តស៊ូ អរគុណ​ប្រពន្ធ​ដែល​តែងតែ​អោយ​កម្លាំង​ចិត្ត​ប្តី សូម​អោយ​ហេង​ហេង​រីកចម្រើន​ត​ទៅ​មុខ​ទៀត សមាជិក​ថ្មី សម្រាប់​ទុក​ទៅតាម​ខេត្ត​និង​ចម្ការ ​ហត់​ណាស់​រាល់ថ្ងៃ​តែ​ក៏​សប្បាយចិត្ត​ព្រោះ​បាន​ឃើញ​ការ​តស៊ូ​បាន​ដូច​បំណង​»​។ នៅ​ថ្ងៃ​ជាមួយគ្នា​នោះ ស្រាប់តែ​ប្រពន្ធ​មាន​អាការមិន​ស្រួលខ្លួន ធ្វើឱ្យ​លោក​​​​​ ដែល​ត្រេកអរ​​ ចំពោះ​សមិទ្ធផល​ថ្មី ​បែរ​ជា​មាន​​អារម្មណ៍​ភ័យ​ព្រួយ​​​ចំពោះ​ភរិយា​ តែ​ជា​សំណាងល្អ​ពេល​ទៅ​ពិនិត្យ​ផ្ទៃពោះ ភរិយា​ជាទី​ស្រឡាញ់ និង​កូន មាន​សុខ​ភាព​ល្អ​ធម្មតា ​ទុក្ខ​កង្វល់​ក៏​រសាយ​បាត់​ទៅ៕

 

 

 

 

 

 

នៅថ្ងៃទី21 ខែកញ្ញា ឆ្នាំ2020 នេះ មហាជនជាច្រើនមានការភ្ញាក់ផ្អើលជាខ្លាំង ក្រោយឃើញលោក ជា វិបុល កោរសក់បួស នៅវត្តនិគ្រោធវ័ន ហៅវត្ត គល់ទទឹង មើលទៅទឹកមុខពិតជាជ្រះថ្លាខ្លាំងណាស់។ ពិធីករល្បីមួយរូបនេះ បានសម្រេចចិត្តបួសក្រោយពេលបញ្ចប់ដំណើរកម្សាន្ដនារដូវកាលបុណ្យភ្ជុំបិណ្ឌនៅលើកោះសង្សារ និងកន្លែងផ្សេងទៀតក្នុងទឹកដីខេត្តកំពត មើលទៅពិតជាពោរពេញដោយក្តីសប្បាយរីករាយខ្លាំងណាស់។

បន្ទាប់ពីបានបំបួសនាគមកហើយ អ្នកនាង គង់ សុជាតិ បានបង្ហោះរូបភាពជាច្រើនសន្លឹកនៃពិធីបំបួសនោះ ហើយភ្ជាប់សារបញ្ជាក់ថា “សូមឱ្យសទ្ធាបុណ្យនៃការបួសរបស់លោកបង បានជាផលបុណ្យអោយបានជាកុសលដ៏ថ្លាថ្លៃ និងបានជាការលើកស្ទួយព្រះពុទ្ធសាសនា”។ គង់ សុជាតិ ក៏បានប្រាប់បន្ថែមនៅក្នុង comment នៃផុសនេះថា “តេគុណម្ចាស់ សាងភ្នួសសងគុណឪពុកម្ដាយ”។ ក្រោយឃើញបែបនេះ អ្នកប្រើប្រាស់ ក្នុងបណ្តាញសង្គមហ្វេសប៊ុកជាច្រើន បានបង្ហាញពីអារម្មណ៍ថា ៖ សាធុ សាធុ សាធុ, ជ្រះថ្លាណាស់, ប្រពៃណាស់លោកប្អូន, សូមចម្រើនក្នុងព្រះពុទ្ធសាសនា។

យ៉ាងណាមិញ មូលហេតុនៃការសាងភ្នួសភេទជាព្រះសង្ឃរបស់លោក ជា វិបុល គឺមិនទាន់មានការបញ្ជាក់ច្បាស់លាស់ នៅឡើយនោះទេ លោក ជា វិបុល បួសជាសង្ឃចាកចោលអ្នកនាង គង់ សុជាតិ ក្នុងរយៈពេលយូរប៉ុណ្ណានោះទេ។ អ្នកនាងបានត្រឹមតែបញ្ជាក់ប្រាប់អ្នកគាំទ្រថា ស្វាមីបួសលាបំណន់ និង ដើម្បីសងគុណដល់ឳពុកម្ដាយ ចំណែកការបួសប៉ុន្មានថ្ងៃស្រេចលើលោក ជា វិបុល ប៉ុណ្ណោះ។ តែអ្នកនាងថា បួសមិនយូរទេ ដោយសារតែលោក ជា វិបុល ការងារច្រើន និង គ្រាន់តែចង់បួសរយៈពេលខ្លីភ្ជាប់និស្ស័យ៕

ដូចនេះដើម្បីជ្រាប កាន់តែច្បាស់បន្ថែមទៀត សូមទស្សនារូបភាព និងវីដេអូខាងក្រោមនេះ ៖

នៅថ្ងៃទី21 ខែកញ្ញា សារព័ត៌មានថៃបានចេញផ្សាយឱ្យដឹងថា តារាកំប្លែង រ៉ូបឺត បានទទួលមរណភាព ក្រោយបន្សល់ស្នាដៃភាពយន្ដថ្មីមួយ។ តារាកំប្លែងប្រុសមានវ័យ 55 ឆ្នាំរូបនេះ មរភាពភាពដោយសារជំងឺមហារីកសួត ហើយលោកត្រូវបានផ្អាកសម្ដែងភាពយន្ដភ្លាមៗដើម្បីទទួលការព្យាបាល។

លោក ប៉ាថេន ភុំរ៉ាត ដែលមានឈ្មោះក្រៅ (រ៉ូបឺត​ម៉ាឌិន) ឬមហាជនចំនាំហៅ (រ៉ូបឺត សៃខុក) ដោយលោកគឺជាតារាសម្ដែង ក៏ដូចជាតារាកំប្លែងដ៏ល្បីល្បាញប្រចាំព្រះរាជាណាចក្រថៃ។ តាមប្រភព័ត៌មានដដែលបានបញ្ជាក់ថា លោក រ៉ូបឺត សៃខុក បានកើតនៅថ្ងៃ07ខែវិច្ឆិកា ឆ្នាំ1965 ហើយបានទទួលមរណភាពក្នុងវ័យ55ឆ្នាំ នៅថ្ងៃទី19 ខែកញ្ញា ឆ្នាំ2020 នៅក្នុងទីក្រុងបាងកក។

មានអ្នកគាំទ្រ និងមិត្តភក្តិជាច្រើនសម្តែងការចូលរួមរំលែកទុក្ខ ជាមួយគ្នានេះ តារាចម្រៀង និងសម្ដែងក្នុងរឿងចុងក្រោយជាមួយលោក Bel Patumrach RSiam បានបង្ហោះរូបភាព និងសម្ដែងទុក្ខសោក ព្រមទាំងបានសរសេរបង្ហោះក្នុងគណនីហ្វេសប៊ុកផ្ទាល់ខ្លួនថា” សូមបងប្រុស គេងលក់ឱ្យស្រួលចុះ…” ។ គួរបញ្ជាក់ដែរថា ខ្សែភាពយន្តចុងក្រោយដែលលោកបានសម្ដែង មានចំណងជើងថា “ LAND Of Smiles film” ដែលត្រៀមដាក់បញ្ចាំងនាពេលខាងមុខនេះ៕

https://youtu.be/ja-5be9i5nM

តាមការចេញផ្សាយរបស់សារព័ត៌មានថៃ បានឱ្យដឹងថា នៅលើបណ្ដាញសង្គមហ្វេប៊ុកត្រូវបានភ្ញាក់ផ្អើលយ៉ាងខ្លាំង ខណៈអ្នកគាំទ្ររបស់ក្រុមច្រៀង Blackpink និង Red Velvet បានជះកំហឹងយ៉ាងខ្លាំងទៅម្ចាស់ហ្វេសប៊ុកផេច Poetry is ដែលបានកាត់តរូបភាពតារាចម្រៀងស្រីដូចជា អាយរីន Red Velvet លីហ្សា ជេននី ជីឈូ ជារូបភាពអាសអាភាស និងប្រកបរបររកស៊ីផ្លូវភេទ ដែលជាទង្វើបៀតបៀនផ្លូវភេទសិល្បករល្បីឈ្មោះ។

អ្នកគាំទ្រជាច្រើនបានបញ្ចេញកំហឹងរបស់ខ្លួនដោយនិយាយថា « តើនេះជាការកំប្លែងលេងសើចណាស់មែនទេ? ទង្វើនេះគឺស្ដែងឱ្យឃើញពីចេតនាខាងផ្លូវភេទ វិធីសាស្ត្រជំនាញកាត់តរូបភាពមានច្រើនបែប ក៏ប៉ុន្ដែ បើប្រើប្រាស់ជំនាញកាត់តបំផុសបំផុលផ្លូវភេទបែបនេះ ជារឿងមិនគួរឱ្យធ្វើឡើយ»។ អ្នកខ្លះទៀតបានប្រើពាក្យអសុរសថា « មនុស្សនេះអាក្រក់ផុតលេខ អាចង្រៃ»។ យ៉ាងណាមិញ គេមើលឃើញថា ហ្វេស៊ុកផេច Poetry is ត្រូវបានបង្កើតឡើងដោយបុរសជនជាតិថៃ ដែលផេចនេះមានចំនួនអ្នកតាមដានច្រើនបំផុត៕

ក្នុងពិធីបង្ហាញចំណាប់អារម្មណ៌តួសម្ដែង និង ផលិតករ កាលពីថ្ងៃទី១៥ កញ្ញា ឆ្នាំ២០២០ នៅរោងភាពយន្ត Prim Ceneplex សាខាទួលគោក (Samai Square) អ្នកស្រី ពាន់ ភួងបុប្ផា ដែលជាផលិតករ និង ជាអ្នកដឹកនាំរឿងបញ្ជាក់យ៉ាងមុតមាំថា ភាពយន្តរឿង”កុមារី២៥ឆ្នាំវគ្គ៣” នឹងទទួលបានជោគជ័យ បើទោះជាភាពយន្តនេះ ដាក់បញ្ចាំងចំពេលភ្ជុំបិណ្ឌ និង ដាក់បញ្ចាំងចំពេលកូវីត នៅមិនទាន់ស្ងប់ស្ងាត់។ លោកស្រីថា ភាពយន្តនេះ គ្រោងបញ្ចាំងតាំងពីអំឡុងចូលឆ្នាំខែ៤ តែដោយសារតែបិទរោងកុន ទើបពន្យារមកដល់ពេលនេះ។ លោកស្រីបានទាំងជឿថា ភាពជោគជ័យ នឹងមិនចាញ់ភាពយន្តនេះ កាលពីវគ្គទី១ និង វគ្គទី២ នោះផង។ ហេតុផលដែលលោកស្រី ជឿជាក់បែបនេះ គឺដោយសារតែនេះជាភាពយន្តដែលបង្ហាញពីករសម្ដែងជាថ្មីរបស់ អ្នកនាង នី មុល្លិកា ដែលបាត់មុខពីសិល្បៈអស់១០ឆ្នាំ ជារឿងដែលធ្លាប់ល្បីរួចមកហើយ និង ជារឿងដែលបង្ហាញពីរសជាតិថ្មី ខុសពីវគ្គទី១ និង ទី២។ ក្នុងនោះ បណ្ដាលមកពីស្នាដៃនេះ គឺជាការចាប់ដៃជាមួយផលិតកម្ម កងចក្រភាពយន្ត ដែលពោរពេញដោយឯកទេសផលិត ដែលធ្វើអោយស្ដង់ដារផលិតគឺជាទំនុកចិត្តផង ទើបលោកស្រីជឿថា មិនពិបាកជោគជ័យ។

ជាមួយនឹងការប្រកាសនេះ នៅក្នុងសាច់រឿងទាំងមូល ក៏ទាក់ភ្នែក និង ល្អមើលផងដែរ ដោយរសជាតិនៅក្នុងសាច់រឿង គឺកម្សត់ផង សើចផង តាំងពីដើមរឿងដល់ចុងរឿង ធ្វើអោយអ្នកទស្សនាជក់ចិត្ត។ ក្នុងវគ្គ៣នេះ ទាំងសំលេង ក្រាហ្វិក និង បច្ចេកទេសគេកត់សម្គាល់ថា គឺកម្រិតស្ដង់ដារតែម្ដង ដោយសារតែក្រុមបច្ចេកទេសដែលជាអ្នកផលិតផ្ទាល់ គឺសុទ្ធតែជាអ្នកឯកទេសផ្នែកកុនកម្រិតបរទេស។ មួយរឿងនេះ ក៏ប្រមូលផ្ដុំដោយតារាល្បីៗផងដែរ ទើបធ្វើអោយមួយរឿងនេះ ទាក់ភ្នែក និង ល្អមើលតាំងពីដើមដល់ចប់។ នៅក្នុងពិធីបង្ហាញចំណាប់អារម្មណ៏ ដើម្បីដាក់បញ្ចាំងរឿងអោយភ្ញៀវកិត្តិយសមើលនោះក៏មានវត្តមានសិល្បករសិល្បការិនី ផលិតករ និង អ្នកពាក់ព័ន្ធក្នុងវិស័យសិល្បៈមួយចំនួនចូលរួមផងដែរ។ ភាពយន្តនេះ ប្រកាសលក់សំបុត្រ ចាប់ពីថ្ងៃទី១៧ តទៅ ពោលគឺដាក់បញ្ចាំងលក់សំបុត្រចំថ្ងៃភ្ជុំបិណ្ឌតែម្ដង ដោយទោះជាមានការលើកឡើងថា អ្នកភ្នំពេញនឹងទៅលេងស្រុកភាគច្រើន តែអ្នកមិនទៅណា ហើតនៅភ្នំពេញភាគច្រើន នឹងក្លាយជាអ្នកគាំទ្រភាពយន្តមទួយនរះ។ យ៉ាងណាមិញលោកក៏ទទូច អោយចូលរួមគាំទ្រផងដែរ សម្រាប់ស្នាដៃៗនេះ។

គួរបញ្ជាក់ផងដែរភាពយន្តរឿង”កុមារី២៥ឆ្នាំវគ្គ៣” គឺជាការសហការផលិតរួមគ្នារវាងផលិតកម្មកងចក្រភិចឈ័រ និង ផលិតកម្ម អិមស៊ីអិនវីភិចឈ័រ ទើបធ្វើអោយស្នាដៃរបស់លោកស្រី ពាន់ភួង បុប្ផា មួយនេះ ល្អមើល និង ឈានដល់ការសរសើរថា មានស្ដង់ដា មុនចាញ់ភាពយន្តខាងក្រៅ នៅក្រោយកាបញ្ចាំងជូនភ្ញៀវទស្សនា។ ខាងក្រោយនេះ គឺជាទិដ្ឋភាពមួយចំនួនក្នុងពិធីបង្ហាញចំណាប់អារម្មណ៍ផលិតករ និង តួសម្ដែង ក្នុងរឿង”កុមារី២៥ឆ្នាំ” វគ្គ៣ កាលពីថ្ងៃទី១៥ កញ្ញា ឆ្នាំ២០២០៖

នៅថ្ងៃទី 12 ខែកញ្ញា ឆ្នាំ2020 តារាសម្ដែង លោក ឆឹម សក្កដា និង តារាកំប្លែង លោក ម៉ាដូណា ត្រូវបានក្រុមហ៊ុនមួយនេះ ប្រកាសថា គឺជា Brand Ambassador រយៈពេលមួយឆ្នាំ។ យ៉ាងណាមិញ ក្នុងចំណោម តារាជាអ្នកតំណាងទាំងពីរ លោក ឆឹម សក្កដា ត្រូវបានមហាជនផ្តោតការចាប់អារម្មណ៍ជាង ដោយសារតែលោកគឺជាអ្នកតំណាង ផលិតផលមុខ NS Skin Care ដែលនេះគឺជាឱកាសរបស់លោកជាលើកដំបូង នៅក្នុងវិស័យគ្រឿងសម្អាង។

លោក ឆឹម សក្កដា បញ្ជាក់ថា ក្នុងរយៈពេលមួយឆ្នាំនៃការកុងត្រា លោកមាននាទីថតរូបសន្លឹក និងផ្សាយប្រូម៉ូតពីផលិតផលមុខ NS Skin Care ដោយលោកក៏នឹងវីដេអូ ណែនាំឱ្យហ្វេនហ្វេនរបស់លោក ជឿជាក់លើ SN Skin Care ដោយលោករំពឹងថា រយៈពេល១ឆ្នាំនេះ នឹងធ្វើអោយតួនាទីជាអ្នកតំណាងរបស់លោកឈានឡើង។

លោកស្រី លាង សុខអ៉ីម អគ្គនាយិការក្រុមហ៊ុន SN Skincare Co,Ltd បានថ្លែងបញ្ជាក់ថា ដើមចមដំបូងនៃការជ្រើសយកលោក ឆឹម សក្កដា គឺដោយសារតែ លោក ឆឹម សក្កដា ក៏ជាអតិថិជនរបស់ផលិតផល SN Skin Care មួយរូប ហើយដោយសារតែផលិតផលនេះ បានធ្វើឱ្យផ្ទៃមុខរបស់លោកប្រែប្រួលពីមុខរោល មុខមុន និង ប្រហោង មកជារលោងស្អាតដូចបច្ចុប្បន្ន ទើបលោកយល់ព្រមធ្វើជាអ្នកតំណាង ក្រោយពេលលោកស្រីដាក់សំណើ។ លោកស្រីថាក្រុមហ៊ុនភាគច្រើន គឺយកតារាស្រី ធ្វើជាអ្នកតំណាង ប៉ុន្តែលោកស្រីជ្រើសយកលោក ឆឹម សក្កដា ព្រោះតែលោកគឺជាអតិថិជនស្រាប់ ហើយក៏ចង់អោយមហាជនដឹងថា ផលិតផលរបស់ SN Skin Care គឺក្រៅត្រូវសម្រាប់ស្បែកមុខនារី ក៏ប្រើបានសម្រាប់បុរសផងដែរ។ លោកស្រីបន្ដអះអាងថា ក្រៅពីផលិតមុខ NS Skin Care ដែលតំណាងដោយលោក ឆឹម សក្កដា ក្រុមហ៊ុនក៏បាននាំចូលផលិតផលខូឡូជេនមួយប្រភេទ ដោយជ្រើសយក តារាកំប្លែងលោក ម៉ាដូណា ធ្វើជាអ្នកតំណាងផងដែរ។ មកដល់បច្ចុប្បន្នលោកស្រីថា ក្រុមហ៊ុនមានតំណាងចែកចាយប្រមាណជាខ្ទង់ម៉ឺននាក់ ដោយផលិតផលទាំងមូលក្រៅពីវាយលុកទីផ្សារក្នុងស្រុក ក៏មានទីផ្សានៅបារាំង កូរ៉េ និងបណ្ដាប្រទេសមួយចំនួនផងដែរ បន្ទាប់ពីចរាចរអស់៦ខែ មុនបើកសម្ពោធ។

នៅក្នុងពិធីនោះក្រៅពីជប់លៀងកាត់ខ្សែរបូរប្រកាសីការដំណើរការក្រុមហ៊ុន NS Skincareក៏មានពិធីប្រគល់វិញ្ញាបនប័ត្រជូនដល់អ្នកតំណាងឆ្នើមជាងមួយរយនាក់ផងដែរ។

ទស្សនិកជនជាច្រើនមិនទាន់ភ្លេចរាជិនីសំឡេងផ្អែមត្រជាក់ចិត្តនោះឡើយ ទាំងទឹកដមសំឡេងដ៏ផ្អែមត្រជាក់ ចាក់ជាប់ក្រអៅបេះដូង នូវបទមនោសញ្ជេតនារបស់គាត់ ពេលនេះតារាចម្រៀងដ៏ល្បី កំពូលតារាចម្រៀងស្រី មាស សុខសោភា បានបញ្ចេញបទចម្រៀងថ្មីសម្រាប់រដូវភ្ជុំបិណ្ឌនេះផងដែរ។ នៅលើបណ្ដាញសង្គមហ្វេសប៊ុក និងយូធូប កំពូលតារាស្រីក្នុងដួងចិត្តមិត្តយុវវ័យរូបនេះ បង្ហោះបទថ្មីសម្រាប់រដូវភ្ជុំមានចំណងជើងថា «ទៅវត្តទៅវ៉ា»។

មាស សុខសោភា បានរៀបរាប់ប្រាប់ហ្វេនៗឱ្យដឹងពីដំណឹងបទថ្មីថា «សូមអនុមោទនាថ្ងៃបិណ្ឌទី ៦ 🙏🙏 តើអ្នកទាំងអស់គ្នាអញ្ចើញទៅបានប៉ុន្មានវត្តហើយ? ល្ងាចនេះនាងខ្ញុំនឹងបង្ហោះបទថ្មីជាបទភ្ជុំបិណ្ឌប្រពៃណី សង្ឃឹមថាពុកម៉ែបងប្អូននឹងគាំទ្រទាំងអស់គ្នាណា៎! សូមជួយធ្វើការ Subscribe YouTube Channel ផ្លូវការរបស់នាងខ្ញុំ ខាងក្រោមនេះដើម្បីទទួលបានបទចម្រៀងថ្មីៗជាច្រើនទៀត។ សូមអរគុណ! 👉 »។

គួរឱ្យដឹងដែរថា ក្រោយការចាកចេញពីផលិតកម្មចាស់របស់ខ្លួនមក មាស សុខសោភា ក៏បានបន្ដចេញបទចម្រៀងនិពន្ធថ្មីនៅក្នុងផលិតកម្មផ្ទាល់ខ្លួនរបស់អ្នកនាង នៅមានបទថ្មីជាច្រើនបទទៀត ដែលអ្នកនាងនឹងក្រុមការងារកំពុងដុតដៃដុតជើង ផលិតឱ្យទាន់តម្រូវការមហាជនអ្នកគាំទ្រ។ យ៉ាងណាមិញ ចំពោះតម្រុយចូលជ្រកទ្រនំថ្មីផ្សេងទៀត យើងមិនទាន់ដឹងថា អ្នកនាង មាស សុខសោភា គាត់ច្រៀងនៅក្នុងផលិតកម្មមួយណានោះឡើយ តែគេរំពឹងថា មនុស្សមានសមត្ថភាពដូចរាជិនីសំឡេងផ្អែមមួយនេះ មិនងាយសាបប្រជាប្រិយភាពនោះទេ​ បើទោះបីជាជ្រកនៅផលិតកម្មមិនធំក៏ដោយ៕

ស្នាដៃបទចម្រៀងថ្មីមួយបទរបស់តារាចម្រៀងថ្មីសន្លាងលោក បារមី ទើបបានរំលេចខ្លួនឡើងក្រោមចំណងជើងថា ទសក័ណ្ឋ ដែលជាឈ្មោះរបស់ស្តេចយក្សក្នុងរឿងរាមកេរ្តិ៍ ជាស្នាដៃអក្សរសិល្បិ៍របស់ខ្មែរ ដែលនេះជាការលើកយកមកបង្ហាញដល់ទស្សនិកដោយប្រយោល ដើម្បីលើកស្ទូយអក្សរសិល្បិ៍ខ្មែរឱ្យកាន់តែសំបូរបែបថែមទៀត។

បទចម្រៀង«ទសក័ណ្ឋ» ជាបទចម្រៀងមួយនិយាយពីបុរសម្នាក់ចាប់ចិត្តទៅលើនារីម្នាក់ តែដោយនារី​ម្នាក់នោះមានសង្សារទៅខ្លួន រូបគេបានប្រៀបខ្លួនឯងទៅនឹងទសក័ណ្ឋ មានចិត្តស្រលាញ់ទៅលើសីតា និងដណ្តើមសីតាមក។ ជាមួយនឹងសម្លេងដង្ហើយហៅថា ខ្លួនជាមនុស្សឬស្សាក៏ស្នេហ៍ចរណៃដែរ។ នៅក្នុងសាច់រឿងនេះ ក៏ចង់បង្ហាញដល់ទស្សនិកជនមកដឹងពីមូលហេតុថា ហេតុអ្វីបានជាមនុស្សអាក្រក់ហ៊ានដណ្តើមមនុស្សដែលគេស្រលាញ់ពេញបេះដូងមកខ្លួន តែគេពិតជាមិនបានដឹងពីជម្រៅបេះដូងនៃមនុស្សអាក្រក់ដែលស្រលាញ់តួស្រី សុខចិត្តហ៊ានដណ្តើមយកមករក្សា​ដោយគ្មានរអាពីពាក្យអ្នកដទៃ ដែលនេះគឺផ្តើមចេញពីចិត្តស្រលាញ់នេះឯង។

សូមបញ្ជាក់ថា បទចម្រៀងថ្មីនេះ គឺជាទឹកដៃនិពន្ធយ៉ាងចំណាន ពីកវីនិពន្ធលោក ស៊ុំ សុរិយ ដែលលោកបានបញ្ជាក់ថា ដោយចិត្តស្រលាញ់ និងចង់លើកយកស្នាដៃអក្សរសិល្បិ៍ខ្មែរជាពិសេសល្ខោនខោល តួយ៉ាងក្នុងរឿង រាមកេរ្តិ៍នេះមកផ្សព្វផ្សាយ។

សូមបញ្ជាក់ថា នេះគឺជាបទចម្រៀងទី២ហើយរបស់ កសិណ Entertainment ដែលជាក្រុមចម្រៀងមួយផលិតឡើងក្នុងហេតុផលនៃក្តីស្រលាញ់ ក្រោមពាក្យស្លោកមួយគឺ សាក្សីនៃអារម្មណ៍របស់លោកអ្នក ដែលបទចម្រៀងទាំងអស់ ពីក្រុនេះ នឹងផ្តោតសំខាន់ទៅលើរឿងពិតដែលកើតពីអារម្មណ៍របស់ទស្សនិកជន។ នៅក្នុងនោះដែរ ទស្សនិកជនក៏អាចផ្ញើសាច់រឿងពិត ដើម្បីក្រុមផលិត នឹងផលិតបទចម្រៀងដែលត្រូវនឹងសាច់រឿងទាំងអស់នោះផងដែរ៕

បទថ្មីដំបូងរបស់លោកព្រាប សុវត្ថិ ក្នុងផលិតកម្ម Galaxy Navatra ដែលបងប្អូនមានការទន្ទឹងរង់ចាំយូរនោះត្រូវបានបញ្ចេញកាលពីថ្ងៃទី6 ខែកញ្ញា ឆ្នាំ2020 ដែលមានចំណងជើងថា” ខែភ្ជុំជ្រូកយំពេញទ្រុង ” ។ បទចម្រៀងរបស់កំពូលតារាចម្រៀង ព្រាប សុវត្ថិ មួយបទនេះ បើគិតមកទល់ពេលនេះគឺមានរយៈពេលជិត3ថ្ងៃទៅហើយ។ គេមើលឃើញថា ចំនួនអ្នកចូលទស្សនានៅក្នុងហ្វេសបុក និង Youtube មាន អ្នក Like និង Share យ៉ាងច្រើនហួសការស្មាន។

សូមជម្រាបថា ” ខែភ្ជុំជ្រូកយំពេញទ្រុង ” ជាការនិពន្ធ Melody និងទំនុកច្រៀងដោយលោក យឹម តាស្រង់ និពន្ធបទភ្លេងដោយ Grimes ដឹកនាំសម្តែងដោយ Jonathan ថតដោយ ភួង សុភារិន និងបច្ចេកទេសកែពណ៍ដោយ Tim Pek។ យ៉ាងណាមិញ កំពូលតារាចម្រៀងប្រុសរូបនេះធ្លាប់បានបញ្ជាក់ថា “មកដល់ពេលនេះ ការចាកចេញ របស់ខ្ញុំ គឺខ្ញុំមានតែស្មាមញញឹម មានតែក្ដីរំភើប មានតែក្ដីសប្បាយ និងការងាររបស់ខ្ញុំ ដែលខ្ញុំទទួលបានជោគជ័យ ជាមួយនឹងក្រុមហ៊ុន ដែលទទួលបានជោគជ័យ មកដល់ថ្ងៃនេះ ។ ចឹងការជោគជ័យនេះ គឺជារឿងមួយដែលល្អរវាងគ្នានឹងគ្នា ដែលពួកយើងទទួលបានជោគជ័យ “។

លោក ព្រាប សុវត្ថិ ក៏បានថ្លែងអំណគុណក្រុមហ៊ុន ហង្សមាស ក៏ដូចជារស្មីហង្សមាស និងក្រុមគ្រួសារ ហង្សមាសទាំងអស់ ដែលធ្លាប់ធ្វើការជាមួយគ្នា។ ជាមួយគ្នានោះដែរ លោកឧកញ៉ា ឡេង ណាវ៉ាត្រា បានបញ្ជាក់ថា មិនមានការចំណាយណាមួយសម្រាប់ឲ្យលោក ព្រាប សុវត្ថិ មកGalaxy Navatra ទេ។ លោកថា គាត់មកនេះដោយសារ ការស្រឡាញ់ពិតប្រាកដ និងចង់ផ្លាស់ប្ដូរបទពិសោធន៍ ។