តាមការជួបប្រជុំគ្នានាទីក្រុងហាណូយ ប្រទេសវៀតណាម ប្រធានសហព័ន្ធបាល់ទាត់ធំៗចំនួន3 គឺ FIFA (សហព័ន្ធកីឡាបាល់ទាត់ពិភពលោក) AFC (សហព័ន្ធកីឡាបាល់ទាត់ទ្វីបអាស៊ី) និង AFF (សហព័ន្ធកីឡាបាល់ទាត់អាស៊ាន) បានយល់ព្រមក្នុងការបង្កើតពានរង្វាន់ថ្មីមួយសម្រាប់ប្រទេសចំនួន12 ក្នុងសហព័ន្ធកីឡាបាល់ទាត់អាស៊ាន។
ពានរង្វាន់ថ្មីមួយនេះមានឈ្មោះថា ASEAN Club Championship (ACC) មានសមាសភាពចូលរួមប្រកួតពីក្លិបអូស្ត្រាលី កម្ពុជា ថៃ ឡាវ វៀតណាម មីយ៉ាន់ម៉ា ម៉ាឡេស៊ី សិង្ហបុរី ប្រ៊ុយណេ ឥណ្ឌូនេស៊ី ហ្វីលីពីន និងទីម័រខាងកើត ដែលគ្រោងនឹងបង្កើតឡើងនៅក្នុងឆ្នាំ2020 ខាងមុខនេះ។
ចំពោះពានរង្វាន់នេះនឹងមានការប្រកួតជាច្រើនវគ្គបន្តបន្ទាប់ ក្នុងនោះថរិកាដែលរៀបចំ គឺស្ថិតនៅក្រោមការផ្គត់ផ្គង់ដោយសហព័ន្ធកីឡាបាល់ទាត់អាស៊ាន ហើយប្រាក់រង្វាន់ គឺបានទៅគ្រប់ក្រុមទាំងអស់ដោយមានចំនួនខុសៗគ្នាទៅតាមវគ្គប្រកួតនីមួយៗ៕
Author: អេបិល
អស្ចារ្យ! កម្ពុជានឹងបានលេងពានថ្មី ASEAN Club Championship នៅឆ្នាំក្រោយ
Suphanat Mueanta មិនអាចជួយក្រុមថៃបានទេក្នុងជំនួបជាមួយនឹងកម្ពុជា
ក្នុងវគ្គជម្រុះពានរង្វាន់ AFC U19 Championship 2020 ដែលកម្ពុជាធ្វើជាម្ចាស់ផ្ទះនោះ ក្រុមបាល់ទាត់ជម្រើសជាតិយុវជនថៃអាយុក្រោម 19ឆ្នាំ បានយកឈ្នះក្រុមប្រ៊ុយណេ ក្នុងលទ្ធផល 9ទល់នឹង0 ដូចដែលកម្ពុជាយកឈ្នះលើក្រុមម៉ារីណាខាងជើងដែរ។
តែ អ្វីដែលគួរឱ្យចាប់អារម្មណ៍នោះគឺ កីឡាករខ្សែប្រយុទ្ធវ័យ 17ឆ្នាំរបស់ថៃ Suphanat Mueanta បានបង្ហាញទម្រង់លេខបានយ៉ាងល្អ ដោយបានស៊ុតបញ្ចូលទីបានដល់ទៅ 4គ្រាប់ម្នាក់ឯង ដែលបានធ្វើឱ្យរូបគេជាប់ឈ្មោះជាកីឡាកររកគ្រាប់បាល់បានច្រើនជាងគេបង្អស់គិតត្រឹមថ្ងៃទី6 ខែវិច្ឆិកា ឆ្នាំ2019 នេះ។
គួរបញ្ជាក់ផងដែថា កីឡាកររូបនេះនឹងអវត្តមានក្នុងជំនួបជាមួយនឹងក្រុមបាល់ទាត់ជម្រើសជាតិកម្ពុជា ដោយសារតែជាប់ភារកិច្ចហ្វឹកហាត់ក្នុងក្រុមបាល់ទាត់ឈុតធំជម្រើសជាតិថៃក្នុងវគ្គជម្រុះ World Cup ជាមួយនឹងម៉ាឡេស៊ី នៅថ្ងៃទី14 ខែវិច្ឆិកា ឆ្នាំ2019 ខាងមុខនេះ៕
ចង់បានទូរទឹកកកល្អ និងតំលៃសមរម្យអានអត្ថបទមួយនេះសិន!!!
សួស្ដីអ្នកទាំងអស់គ្នា តើលោកអ្នកកំពុងពិបាកក្នុងការស្វែងរកទូរទឹកកកល្អសម្រាប់ប្រើប្រាស់ប្រចាំថ្ងៃមែនទេ? តោះអញ្ចឹងថ្ងៃនេះខ្ញុំសូមបង្ហាញទូរទឹកកក LG 4 ប្រភេទដែលជួយដោះស្រាយបញ្ហាទាំងនោះបានយ៉ាងមានប្រសិទ្ធភាពបំផុត ។
ចាប់ផ្ដើមដំបូងនេះគឺជាម៉ូឌែលទូរទឹកកកធនតូច ដែលមានចំណុះ 272 លីតស៊េរីថ្មីដែលភ្ជាប់មកនូវបច្ចេកវិទ្យាកុំប្រែសស័រពិសេសផ្ដល់ភាពត្រជាក់បានលឿន ដោយសារតែវាមានកន្លែងបញ្ចេញខ្យល់ត្រជាក់គ្រប់ថតតែម្ដង សូម្បីតែនៅមាត់ទ្វារទូរទឹកកកក៏មានផងដែរ ដែលហៅថា Door Cooling Door Cooling នេះបង្កើតឡើងដើម្បីផ្ដល់ភាពត្រជាក់សម្រាប់របស់ដែលដាក់នៅខាងមុខ និងមានថ្នើរដាក់សម្ភារៈបានច្រើន ចំនែកផ្នែកកកវិញគឺធ្វើអោយឆាប់ត្រជាក់និងកកបានទាន់ចិត្ដ ហើយវាសមស្របសម្រាប់ក្រុមគ្រួសារដែលមានសមាជិកត្រឹម 2 3 នាក់ ទទួលបានភាពងាយស្រួល។
ក្រឡេកមកមើលទូរទឹកកកធនមធ្យមមួយនេះវិញម្ដង ដែលវាមានចណុះធំគួរសមគឺ 516លីត សាកសមសម្រាប់ក្រុមគ្រួសារដែលមានសមាជិកចាប់ពី4 ទៅ 5 នាក់ លោកអ្នកអាចពិចារណាជាមួយម៉ូឌែលមួយនេះបាន បើយើងនិយាយពីសមត្ថភាពរបស់វាវិញគឺមានច្រើនជាងទូរទឹកកកម៉ូឌែលទី1 ដោយមានមុខងារ Hygiene Fresh អាចកម្ចាច់បាក់តេរីនិងក្លិនមិនល្អបានរហូតដល់ 99,99% និង Fresh O Zone ជួយថែរក្សាសាច់អោយនៅស្រស់បានយូរ មានកន្លែងចុចទឹកនៅខាងក្រៅដែលងាយស្រួលដាក់ទឹកចូល និងញ៉ាំបានគ្រប់ពេលវេលា ហើយកាន់តែពិសេសជាងនេះគឺវាមានភ្ជាប់មកជាមួយ Smart ThinQ ជួយសម្រួលដល់ការគ្រប់គ្រងសីតុណ្ហភាព ត្រួតពិនិត្យការស៊ីភ្លើង និងឆែកមើលបញ្ហាណាមួយបានតាមរយៈទូរសព្ទដៃរបស់អ្នក ។
ឥឡូវយើងប្ដូរអារម្មណ៍មកមើលជាមួយទូរទឹកកកពណ៌ខ្មៅរលើបរលោងទាន់សម័យមួយនេះវិញ សម្រាប់អ្នកដែលមានសមាជិកគ្រួសារចំនួន៦ឡើងទៅ និងនិយមពណ៌ខ្មៅៗ ធានាថាពេញចិត្ដតែម្ដងព្រោះការរចនាឡើងប្រកបដោយភាពស៊ីវិល័យទំនើបទាន់សម័យកាល ចំពោះលក្ខណៈពិសេសវិញគឺវាមានទំហំធំ និងចំណុះរហូតដល់ 590លីត ហើយអាចដាក់របស់របរបានច្រើនមែនទែន រួមជាមួយការន្ថែមនូវ Door Cooling មួយទៀតនៅជាប់ទ្វារបើក ដើម្បីបង្កើនកម្រិតភាពត្រជាក់បានកាន់តែខ្លាំងដល់ម្ហូបអាហារ បន្លែផ្លែឈើនិងភេសជ្ជៈរបស់អ្នក ប្រសិនបើក្រុមគ្រួសារលោកអ្នករវល់ច្រើននិងពុំសូវមានពេលទំនេរទៅផ្សារ ទិញអីវ៉ាន់ស្ដុកនោះទេ សូមជ្រើសរើសទូរទឹកកកមួយនេះពិតជាមិនខុសបំណងទេ ។
ចុងក្រោយគេនេះគឺជាទូរទឹកកក LG InstaView Door-in-Door™ ដែលមានមុខងារទំនើបច្រើននិងឈានមុខគេបង្អស់ ដោយសារតែរូបរាងល្អប្រណិតនៃពណ៌ខ្មៅដិតដ៏ទាក់ទាញ ហើយពេញនិយមសម្រាប់គេហដ្ឋានសម័យថ្មី អ្វីដែលកាន់អស្ចារ្យបំផុតនោះគឺបច្ចេកវិទ្យាទ្វារនៅក្នុងទ្វារ ដែលជួយសន្សំសំចៃភ្លើងបានយ៉ាងច្រើន ដោយមិនចាំបាច់បើកទ្វារញឹកញាប់ឡើយ គឺគ្រាន់តែគោះពីរដងនៅលើកញ្ជក់ទ្វារ វានឹងបង្ហាញអ្វីដែលមាននៅក្នុងទូរទឹកកកអោយយើងបានឃើញភ្លាមៗ រួមផ្សំនឹងកន្លែងចុចទឹក ទឹកកក ទឹកកកម៉ត់ ផ្ដល់ភាពងាយស្រួលសម្រាប់ការប្រើប្រាស់ប្រចាំថ្ងៃរបស់ក្រុមគ្រួសារ មួយវិញទៀតបើយើងមើលទៅផ្នែកខាងក្នុងនៃទូរទឹកកកទាំងមូលវិញ វាត្រូវបានបែងចែកជាពីរផ្នែកសំខាន់ៗ រួមមានផ្នែកទីមួយគឺសម្រាប់បន្លែ ផ្លែឈើ ម្ហូបអាហារនិងគ្រឿងស្លរស្លុក ចំនែកឯផ្នែកទីពីរវិញគឺផ្ដោតសំខាន់ទៅលើប្រភេទចំនីអាហារដែលត្រូវការភាពត្រជាក់ខ្លាំងមានដូចជាការ៉េមជាដើម ហើយអត្ថប្រយោជន៍ដ៏អស្ចារ្យទាំងនេះហើយទើបធ្វើអោយទូរទឹកកកមួយនេះល្អដាច់គេតែម្ដង។
សរុបមកវិញខ្ញុំសូមបញ្ជាក់ជាថ្មីម្ដងទៀតថាប្រសិនបើអ្នកមិនមានសមាជិក 2 ឬ 3 អាចជ្រើសរើសទូរទឹកកកធនតូចដែលមានចំណុះ 272 លីតនេះបាន ។ ប៉ុន្ដែបើអ្នកគិតថាវាមិនគ្រប់គ្រាន់សម្រាប់តម្រូវការប្រចាំថ្ងៃរបស់លោកអ្នកនោះទេ ខ្ញុំសូមណែនាំទូរទឹកកកធនមធ្យមមួយនេះចំណុះធំជាងគឺ 516 លីតសាកសមនឹងគ្រួសារដែលមានសមាជិក 5 ទៅ 6 នាក់ ។ ម្យ៉ាងវិញទៀតបើលោកអ្នកមានសមាជិកច្រើនហើយ គិតថាគ្មានពេលវេលាច្រើននោះទេ មួយអាទិត្យឡើងផ្សារម្ដងនោះខ្ញុំសូមណែនាំទូរទឹកកកធនធំម៉ូឌែលនេះដែលមានចំណុះផ្ទុកបានរហូតដល់ 590 លីត ។ សម្រាប់លោកអ្នកដែលគាត់និយមចូលចិត្ដភាពទំនើបទាន់សម័យ ហើយមិនគិតច្រើនរឿងតម្លៃនោះទេ ខ្ញុំសូមលើកទឹកចិត្ដអោយជ្រើសរើសទូរទឹកកក LG InstaView Door-in-Door™ តែម្ដងទៅ ទាំងស្រស់ស្អាត ទាំងទំនើបនិងជួយសន្សំសំចៃកប់សេរី ហើយចំណុះវិញគឺធំទូលាយមែនទែន 675 លីតសបស្រមនិងគុណភាពផលិតផលទៀតផង ហើយទូរទឹកកមួយនេះនឹងធ្វើអោយលោកអ្នកពេញចិត្ដ ពេញថ្លើមមិនខាន ។ទាំងនេះគឺជាទូរទឹកកកទាំង4 ម៉ូឌែលដែលលោកអ្នកអាចស្វែងរកបានទិញបាននៅ LG Brandshop គ្រប់សាខាដែលមាននៅក្នុងលីងមួយនេះ ។
ព័ត៌មានបន្ថែម៖ https://www.ggear.com.kh/appliances/refrigerators/
ប្រូម៉ូសិន៖ http://bit.ly/WaterFestival2019
ទីតាំង៖ https://www.ggear.com.kh/lg-brandshop/
លេខទូរសព្ទ៖ 023 222 699
មហាព្រឹត្តិការណ៍ប្រគល់ពានរង្វាន់សហគ្រិនឆ្នើម Successful CEO Award 2019 ធំជាងគេបំផុតផ្នែកសម្ភស្សរៀបចំឡើងប្រកបដោយភាពជោគជ័យ
មហាព្រឹត្តិការណ៍ប្រគល់ពានរង្វាន់សហគ្រិនឆ្នើម Successful CEO Award 2019 ដល់ម្ចាស់អាជីវកម្មផ្នែកសម្ផស្សនៅកម្ពុជា ដែលរៀបចំឡើងដោយក្រុមហ៊ុន Luxury Smile Beauty Group Co., LTD បានប្រព្រឹត្តទៅប្រកបដោយភាពជោគជ័យ និងជាមោទនភាពបំផុតមួយសម្រាប់វិស័យពាណិជ្ជកម្មនៅកម្ពុជា។ កម្មវិធីដ៏មានសារៈសំខាន់នេះបានរៀបចំឡើងចាប់ពីម៉ោង 5ល្ងាច ដល់ម៉ោង 9យប់ នៅថ្ងៃទី8 ខែវិច្ឆិកា ឆ្នាំ2019នេះ នៅផ្សារទំនើបអ៊ីអនម៉ល សែនសុខ ក្រោមអធិបតីភាពពីលោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល តំណាងដ៏ខ្ពង់ខ្ពស់របស់ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល និងមានការចូលរួមពីលោកជំទាវ វី សាឌី អនុប្រធានគណៈកម្មការប្រឆាំងផលិតផលក្លែងក្លាយតំណាងដ៏ខ្ពង់ខ្ពស់ឯកឧត្តម មៀច សុផាន់ណា រដ្ឋលេខាធិការក្រសួងមហាផ្ទៃនិងជាប្រធានគណៈកម្មការប្រឆាំងផលិតផលលក្លែងក្លាយ ព្រមទាំងមានវត្តមានរបស់តំណាងស្ថានទូត ស្ថាប័នពាណិជ្ជកម្ម និងក្រុមហ៊ុនជាតិ-អន្តរជាតិជាច្រើនផ្សេងទៀត។
ក្រុមហ៊ុន Luxury Smile Beauty Grop Co., LTD ដែលជាក្រុមហ៊ុនបង្កើតម៉ាកសញ្ញា និងចែកចាយគ្រឿងសម្អាងធំជាងគេបំផុតនៅកម្ពុជា និងមានរោងចក្រផលិតដ៏ធំនៅប្រទេសថៃ ជាក្រុមហ៊ុនដែលបានផ្តល់សិទ្ធិចែកចាយគ្រឿងសម្អាងប្រកបដោយគុណភាព សុវត្ថិភាព និងទំនុកចិត្តខ្ពស់ ដល់ក្រុមហ៊ុនក្នុងស្រុកជាច្រើននាពេលបច្ចុប្បន្ននេះ។
រដ្ឋលេខាធិការក្រសួងសុខាភិបាល លោកជំទាវ ឱ វណ្ណឌីន បានលើកឡើងថា ពិធីប្រគល់ពានរង្វាន់នៅថ្ងៃនេះ ជាសក្ខីភាពដ៏សំខាន់បង្ហាញឱ្យឃើញពីភាពរីកចម្រើននៃវិស័យពាណិជ្ជកម្ម ពាក់ព័ន្ធនឹងផ្នែកសម្ផស្សនៅកម្ពុជា។ បច្ចុប្បន្ននេះ ក្រសួងសុខាភិបាលបានខិតខំប្រឹងប្រែងយ៉ាងខ្លាំងដើម្បីជំរុញឱ្យសុខុមាលភាពរបស់ប្រជាជនកាន់តែប្រសើរ ហើយក៏ជំរុញលើកទឹកចិត្តផងដែរឱ្យក្រុមហ៊ុនឯកជន ចូលរួមចំណែកគោរពតាមបទដ្ឋានសុវត្ថិភាព ឬធ្វើអាជីវកម្មដោយផ្តោតសំខាន់លើការគិតគូពីសុខភាពរបស់សាធារណជនឱ្យបានត្រឹមត្រូវ ស្របតាមច្បាប់របស់ព្រះរាជាណាចក្រកម្ពុជា។ គំនិតផ្តួចផ្តើមគំនិតបង្កើតកម្មវិធីដ៏មានសារៈសំខាន់នៅថ្ងៃនេះ ជាការឆ្លើយតបយ៉ាងល្អដើម្បីធ្វើយ៉ាងណាឱ្យការអភិវឌ្ឍវិស័យពាណិជ្ជកម្ម ជាពិសេសអាជីវកម្មពាក់ព័ន្ធនឹងសុខភាព បង្កើនភាពរីកចម្រើនប្រកបដោយភាពវិជ្ជមាន និងអនុលោមទៅតាមលក្ខខណ្ឌត្រឹមត្រូវដែលកំណត់ដោយក្រសួងសុខាភិបាល។ 
លោកឧកញ៉ា ចិត្រ សិរីសុភ័ក្ត្រ អគ្គនាយកក្រុមហ៊ុន Luxury Smile Beauty Group Co., LTD បានមានប្រសាសន៍ថាការបង្កើតកម្មវិធីប្រគល់ពានរង្វាន់សហគ្រិនឆ្នើម Successful CEO Award 2019 នៅថ្ងៃនេះ គឺបង្ហាញពីចេតនាដ៏សំខាន់ក្នុងការចូលរួមចំណែកលើកស្ទួយដល់វិស័យសុខាភិបាល ជាពិសេសផ្នែកផលិតផលថែរក្សាសម្រង់ដែលកំពុងមានការវិវឌ្ឍទៅមុខជាលំដាប់ប្រកបដោយភាពវិជ្ជមាន។ បច្ចុប្បន្ននេះ ប្រទេសកម្ពុជាកំពុងមានសុខសន្តិភាព និងស្ថិរភាពល្អ ដែលកម្រិតនៃការរស់នៅរបស់ប្រជាជនកាន់តែប្រសើរឡើងជាមួយនឹងកំណើនសេដ្ឋកិច្ចដ៏ល្អ។ ហេតុនេះនៅពេលមនុស្សមានការរស់នៅកាន់តែប្រសើរ នោះពួកគាត់នឹងចាប់ផ្តើមគិតគូកាន់តែច្រើនលើគុណភាពនៃការរស់នៅ និងភាពស្រស់ស្អាត ដែលធ្វើឱ្យវិស័យសម្ផស្សក្លាយជាវិស័យប្រកបដោយសក្តានុពលមួយនៅកម្ពុជាទាំងពេលបច្ចុប្បន្ន និងអនាគត។ 
លោកឧកញ៉ា ចិត្រ សិរីសុភ័ក្ត្រ បានមានប្រសាសន៍ថា៖ «យើងសង្ឃឹមថាកម្មវិធីប្រគល់ពានរង្វាន់ឆ្នើម Successful CEO Award 2019 ដ៏ធំ និងដំបូងបំផុតប្រចាំឆ្នាំ 2019 នេះនឹងក្លាយជាចលករដ៏សំខាន់ក្នុងការជំរុញលើកទឹកចិត្តឱ្យម្ចាស់អាជីវកម្មផ្នែកសម្ផស្សនៅកម្ពុជាមានកម្លាំងចិត្តកាន់តែខ្លាំងក្នុងការបន្តអភិវឌ្ឍខ្លួន និងបង្កើនការយល់ដឹងផ្នែកផ្លូវច្បាប់ដើម្បីជំរុញការរីកចម្រើនឱ្យក្លាយជាក្រុមហ៊ុនស្តង់ដារខ្ពស់សម្រាប់ប្រកួតប្រជែងក្នុងទីផ្សារក្នុងប្រទេស ក៏ដូចជាទីផ្សារតំបន់»។
សហគ្រិនវ័យក្មេងប្រកបដោយសក្តានុពលខាងលើបានលើកឡើងផងដែរថា កម្មវីធីដ៏អស្ចារ្យនេះមិនត្រឹមតែជំរុញលើកទឹកចិត្តម្ចាស់អាជីកវម្មផ្នែកសម្ផស្សប៉ុណ្ណោះទេ តែក៏ជាការផ្តល់ការទទួលស្គាល់ទាំងកម្រិតជាតិ និងអន្តរជាតិចំពោះផលិតផល និងអាជីវកម្មដែលគាត់ខិតខំអភិវឌ្ឍឡើងនេះ ព្រោះអ្នកចូលរួមទាំងអស់សុទ្ធតែជាបុគ្គលសំខាន់ដែលនេះជាភស្តុតាងប្រកបដោយសក្តានុពលក្នុងការបង្ហាញទៅកាន់អតិថិជន និងសាធារណជនឱ្យកាន់តែមានទំនុកចិត្តលើផលិតផលរបស់ម្ចាស់ពានរង្វាន់នីមួយៗ។ បន្ថែមពីលើនេះ ម្ចាស់អាជីវកម្មទាំងអស់ក៏បានយកឱកាសនេះដើម្បីស្វែងយល់បន្ថែមផងដែរពីចំណេះដឹងសំខាន់ៗទាំងផ្នែកច្បាប់ និងយុទ្ធសាស្រ្តអាជីវម្មពីអ្នកជំនាញផ្នែកសម្ផស្ស៕
ពីរោះប្លែក!! « ស្រឡាញ់អូនប៉ុណ្ណា» កំពុងល្បីនៅលើបណ្ដាញសង្គម ច្រៀងដោយតារាស្រី អ៊ុក ស្រីឡា (មានវីដេអូ)
តាមរយៈបណ្ដាញសង្គមហ្វេសប៊ុកកំពុងតែមានការកក្រើកខ្លាំងជាមួយបទចម្រៀង « ស្រឡាញ់អូនប៉ុណ្ណា » ដែលជាការច្រៀងខូវើ (Cover)សាជាថ្មីឡើងវិញ ។ បទនេះដែរ ត្រូវបានគេដឹងថា អ្នកចម្រៀងស្រីនៅអាមេរិកឈ្មោះ អ៊ុក ស្រីឡា ជាអ្នកច្រៀងឡើងវិញ និងសម្រួលភ្លេងថ្មី ដោយមានបន្ថែមឃ្លារ៉េបជាមួយតារាប្រុសផងដែរ។ ក្រោយពេលបញ្ចេញបទនៅលើបណ្ដាញសង្គមរួចហើយ អ្នកគាំទ្រនៅកម្ពុជា កាន់តែស្គាល់ច្រើនឡើងនាពេលចុងក្រោយផងដែរ។
តាមគណនីហ្វេសប៊ុកតារាចម្រៀង អ៊ុក ស្រីឡា បានសរសេរក្រោយបទ”ស្រលាញ់អូនប៉ុណ្ណា” ត្រូវបានដាក់បង្ហោះថា «សួស្តីអ្នកទាំងអស់គ្នា! Srolanh Oun Punah (ស្រលាញ់អូនពេលណា?) 🤗:heart:🥰:kissing_heart:ទីបំផុតត្រូវបានផ្សាយផ្ទាល់លើយូធូបហើយ។ សូមរីករាយ! កុំភ្លេចជួយ like ផ្តល់យោបល់ចែករំលែកផងណា:kissing_heart::100::notes::dancer:🏻:movie_camera::clapper::fire:🇰🇭:heart::kissing_heart::100::notes::dancer:🏻:movie_camera::clapper::fire:🇰🇭បទនេះជាចម្រៀងមួយក្នុងចំណោមបទជាច្រើនដែលខ្ញុំចូលចិត្ត ខ្ញុំតែងតែមានក្ដីស្រម៉ៃថា ថ្ងៃណាមួយខ្ញុំនឹងបានបកស្រាយបទនេះ ក្នុងនាមជាតារាចម្រៀងមួយរូប។ ខ្ញុំបានខិតខំយ៉ាងខ្លាំងជាមួយនឹងក្ដីស្រម៉ៃនេះ ទើបខ្ញុំសប្បាយចិត្ត ដែលបានបកស្រាយបទនេះ ដែលពីមុនខ្ញុំធ្លាប់តែស្ដាប់ ដោយក្ដីស្រលាញ់។ ខ្ញុំពិតជាមានមោទនភាពណាស់ដែលបានបង្ហាញជូនអ្នកនូវបទចម្រៀងផ្ទាល់ខ្លួនរបស់ខ្ញុំ គឺបទ”ស្រលាញ់អូនប៉ុណ្ណា” ដែលជាបទចម្រៀងល្បី ក្នុងទសវត្សទី៨០ និងដើមទសវត្ស ៩០ ។ ខ្ញុំចង់រក្សាវប្បធម៌របស់យើងឱ្យនៅស្ថិតស្ថេរជារៀងរហូតហើយសង្ឃឹមថាបទនេះ នឹងទទួលបានការគាំទ្រ។ ខ្ញុំក៏ពិតជារំភើបផងដែរ ដែលបានរួមការងារជាមួយ លោក ឃាងដែលជាតារាខ្មែរមកពីរដ្ឋម៉ាសាឈូសេត សម្រាប់បទនេះ»។
គួរបញ្ជាក់ផងដែរថា ចម្រៀង Cover”ស្រលាញ់អូនប៉ុណ្ណា” ដែលទើបបង្ហាញខ្លួន គឺជាការដឹកនាំសម្តែងដោយ អ៊ុក ស្រីឡា ផ្ទាល់ និង លោក អាឡិនហ្សូប៊ែតថេត។ ផលិតដោយ លោក បុទុមផេន ថតដោយ លោក ប៉ូលអ៊ុក និងក្រុមការងារមួយចំនួនទៀត នៅសហរដ្ឋអាមេរិក៕
មកដឹង!! ឱក សុគន្ធកញ្ញា សម្រាលបុត្រចំក្បួនហុងស៊ុយ
ប្រិយមិត្តប្រហែលជាបានជ្រាបហើយ តារាចម្រៀងប្រចាំផលិតកម្មរស្មីហង្សមាស អ្នកនាង ឱក សុគន្ធកញ្ញា និង លោក អ៊ឺង សុខលី ប្អូនប្រុសម្ចាស់ផលិតកម្មរស្មីហង្សមាស បានរៀបអាពាហ៍ពិពាហ៍កាលពីថ្ងៃទី១៦ ខែឧសភា ឆ្នាំ២០១៩ ហើយក៏មានភ្ញៀវកត្តិយសជាច្រើនបានចូលរួមដូចជាតារាចម្រៀងល្បីៗ ក្នុងប្រទេសកម្ពុជា ថែមទាំងថ្នាក់ដឹកនាំជាច្រើនរូបទៀត។
យ៉ាងណាមិញ តារាចម្រៀងឱក សុគន្ធកញ្ញា ក៏បានបញ្ចប់បេសកកម្មធ្វើជាគណៈកម្មការក្នុងកម្មវិធី X Factor Cambodia ជោគជ័យ ហើយភ្លាមៗមិនរង់ចាំយូរក៏បាន ហោះហើរទៅក្រៅប្រទេស ដើម្បីត្រៀមទទួលសមាជិកថ្មីដោយក្ដីរំភើប។ កញ្ញានិង ស្វាមី បានជ្រើសរើមន្ទីរពេទ្យថៃ Bumrungrad International នៅទីក្រុងបាងកក ដើម្បីត្រៀមសម្រាលបុត្រ ដែលជាមន្ទីរពេទ្យដ៏ល្បី ទំនើប និងលំដាប់មួយក្នុងប្រទេសថៃ ។
គួរបញ្ជាក់ផងដែរថា ផ្អែកលើគណនីហ្វេសបុកលោក ណុប បាយ៉ារិទ្ធិ ដែលជាមិត្តសិល្បករស្និទ្ធស្នាលតារាស្រី ឱក សុគន្ធកញ្ញា បានបង្ហោះសារអបអរសាទរអ្នក នាង ដែលអ្នកនាងបានសម្រាលកូនប្រុសដោយជោគជ័យនៅវេលាម៉ោង១រសៀលនេះថ្ងៃទី១១ ខែវិច្ឆិកានេះ ។ លោក ណុប បាយ៉ារិទ្ធិ បានសរសេរលើបណ្តាញសង្គមហ្វេសបុកយ៉ាងដូច្នេះថា៖ “អបអរសាទរ ក្មួយប្រុស ឆលី អ៊ឹង កូនប្រុសរបស់ប្អូនស្រីឱក សុគន្ធកញ្ញា និង ហ៊ាអ៊ឹង សុខលី បានប្រសូត្រជាស្ថាពរ ដោយសុវត្តិភាព ទាំងម្តាយនិងកូន នៅថ្ងៃនេះកាលពីម៉ោង១កន្លះថ្ងៃត្រង់។ នេះតាមក្បួនហុងស៊ុយ ត្រូវបានគេដឹងថា ថ្ងៃខែនេះ ជាវេលាដែលអ្នកអាចចំណេញបានប្រាក់ច្រើន ព្រោះហុងស៊ុយអ្នកដែលកើតថ្ងៃនេះឡើងខ្ពស់ត្រដែត។ ដូចនេះ អ្វីដែលមានក្នុងផ្ទះអ្នកគឺមានតែប្រាក់តែប៉ុណ្ណោះ ជាហេតុដែលធ្វើឱ្យអ្នកកាន់ឡើងទ្រព្យស្ដុកស្តម៕
អតីតសិល្បករ គឹម ចាន់រតនា បញ្ចេញបទថ្មី «អូនកូនអ្នកណា?» មិនរំពឹងបានចំណូលពីសិល្បៈវិញ
ក្រោយពីអន្ទងចិត្តមហាជន ឱ្យឃើញពីការប្រឹងប្រែងក្នុងសិល្បៈតាមរយៈបទ«ទំនួញអកឈ្មោល»លោក គឹម ចាន់រតនា ក៏បញ្ចេញបទថ្មីមួយទៀត «អូនកូនអ្នកណា?» ដោយជ្រើសយកភរិយាលោកជាតួសម្ដែងផងដែរ។ ស្របពេលប្រឡូកក្មុងអាជីពជាតន្ត្រីករ និង ជាតារាចម្រៀង ក្នុងវង់អកកេស លោក គឹម ចាន់រតនា និង អ្នកស្រី ជិន វណ្ណារី មិនមានឱកាសដណ្ដើមបានកេរ្តិ៍ឈ្មោះបោះសំឡេងនោះទេ តែអ្នកសិល្បៈមួយគូនេះបានប្រែខ្លួនជាអ្នកជំនួញ។
ទន្ទឹមការចេញបទចម្រៀងថ្មី តន្ត្រីកររូបនេះ បានបញ្ជាក់ថា លោកបញ្ចេញបទចម្រៀង មិនមែនចង់ល្បី និងចង់ឱ្យមានការទាក់ទងលោកឡើងឆាក ដើម្បីបានលុយនោះទេ។ ពោលគឺលោកផលិតបទចម្រៀងដោយបកស្រាយសំនៀងខ្លួនឯង ដោយសារតែស្រលាញ់អាជីពចម្រៀង និងចង់ផលិតបទដែលលោកស្រឡាញ់ ទុកជាអនុស្សាវរីយ៍ប៉ុណ្ណោះ។ អ៊ីចឹងហើយ ទើបខណៈម្ចាស់សំនៀងភាគច្រើន ជ្រើសយកតារាល្បីៗ ឱ្យជួយសម្ដែង ដើម្បីលើកមុខ MV សម្រាប់លោកគឺរើសភរិយាខ្លួនឯងតែម្ដង ដើម្បីសម្ដែងក្នុងបទរបស់លោក ទុកគ្រាន់ចែកកូនមើលលេង និងទុកជាអនុស្សាវរីយ៍ ដើម្បីបង្ហាញថាទំនាក់ទំនងប្ដីប្រពន្ធរបស់លោក បើទោះជាពេលនេះម្នាក់ៗរវល់ច្តើន ហើយប្រេក្លាយជីវភាពលូយឆាយខុសពីមុន ក៏ស្នេហានៅតែរឹងមាំ។
លោកបន្ដថា កាលពីនៅប្រឡូកសិល្បៈលោកគ្រាន់តែជាអ្នកលេងភ្លេងប៉ុណ្ណោះ ចំណែកភរិយាទើបជាអ្នកចម្រៀងអាជីព។ លោក និងភរិយា គម្រោងចេញបទបកស្រាយរួមគ្នា ក្រោយពីចេញបទ”អូនកូនអ្នកណា” ដែលជាបទសារ៉ាវ៉ាន់ សម្រាប់អបអរបុណ្យអុំទូកនេះផង។ គួរបញ្ជាក់ថា លោក គឹម ចាន់រតនា គឺជាអតីតតន្ត្រីករ ខណៈភរិយាគឺជាអ្នកចម្រៀងក្នុងវង់អកកេសមួយ កាលពីប្រមាណ១០ឆ្នាំ ដោយសូម្បីតែឈ្នួលបង់ផ្ទះ ក៏ស៊ឹងមិនចង់មាន។ បច្ចុប្បន្នលោក និងភរិយា គឺជាម្ចាស់ក្រុមហ៊ុន LYK គឹមចាន់រតនា ហ្សាណា ដែលមានគម្រោងដីពុះឡូតិ៍ធំៗជាច្រើនគម្រោងន្រកាស លក់នៅស្រុកគងពិសី ក្នុងខេត្តកំពង់ស្ពឺ៕
សមាជិកក្រុម Cambodia Super Model ធ្វើឱ្យកក្រើកព្រឹត្តិការណ៍ Successful CEO Award 2019
ព្រឹត្តិការណ៍ Successful CEO Award 2019 ទទួលបានការចាប់អារម្មណ៍យ៉ាងខ្លាំង ខណៈដែលមានសមាសភាពតារាល្បីៗជាច្រើនចូលរួមពីក្រុមបង្ហាញម៉ូដ Cambodia Super Model រួមមាន អ្នកនាង ចន ច័ន្ទលក្ខិណា អ្នកនាង កែវ ពេជ្រ ពិសី អ្នកនាង លី ម៉ារីណា អ្នកនាងនៅ សូនីតា និង កញ្ញា សូដា នីតា ជាដើម។
តារាល្បីៗដែលធ្លាប់ជួយអោយក្រុម Cambodia Super Model មួយនេះ ល្បីកក្រើក ប៉ុន្តែក្រោយពេលអ្នកទាំង៤ល្បីរៀងខ្លួន ក៏កម្រឃើញប៉ះគ្នា ក្នុងសកម្មភាពដើរម៉ូដ អស់មួយរយៈធំ។ នៅក្នុងថ្ងៃនោះ ក៏មានតារាល្បីស៊េរីក្រោយ ដែលកំពុងឡើងកូដបង្ហាញខ្លួនផងដែរ ដូចជា កញ្ញា អ៊ឹង និមល កញ្ញា សុផា លីនដា កញ្ញា សោម ស្រីនាថ Miss Grand កញ្ញា ហេង ចន្ថា និង កញ្ញា ឌី លីកា ផងដែរ ទើបធ្វើអោយវេទិកាបង្ហាញផលិតផលថែរក្សាសម្រស់មុទិតា របស់កញ្ញា ឌួង ហ្សូរីដា កាន់តែកក្រើក នៅក្នុងពិធី Successful CEO Award 2019 ដែលជាវេទិកាប្រកួតប្រជែង និងប្រគល់រង្វាន់ឆ្នើមចំនួន២០ ដល់ស្រីជាម្ចាស់ក្រុមហ៊ុន ដែលជោគជ័យក្នុងមុខជំនួញ។
កញ្ញា ឌួង ហ្សូរីដា និយាយនៅពីថ្ងៃទី៨ វិច្ឆិកា ឆ្នាំ២០១៩ ថា កញ្ញា រំភើបចិត្តយ៉ាងខ្លាំង ដែលសមាជិកចាស់ៗក្នុងក្រុម Cambodia Super Model ដូចជាអ្នកនាង ចន ច័ន្ទលក្ខណៈ អ្នកនាង លី ម៉ារីណា អ្នកនាង កែវ ពេជ្រពិសី អ្នកនាង សូដា នីតា និង កញ្ញា សូដា នីតា ដែលសុទ្ធតែជាសមាជិកដំបូងៗប្រចាំក្រុម មកដើរម៉ូដជុំគ្នា។ កញ្ញាថាអ្នកទាំង៥ ខកខានជួបគ្នាក្ន៧ងវេទិកាបែបនេះជាយូរមកហើយ ទើបកញ្ញា ចាត់ទុកថា គឺជាវេទិកាសំខាន់មួយ ដែលអ្នកទាំង៥ បានធ្វើអោយចាប់អារម្មណ៍ជាថ្មី។ កញ្ញាចាត់ទុកថាតារាល្បីៗទាំង៥ និង តារាថ្មីៗទាំង៥ មិនខុសពីបង្កើតវេទិកាប៉ះគ្នាផង និងមកអបអរកញ្ញាផង ដែលទទួលបានពានឆ្នើមក្នុងចំណោម CEO ឆ្នើម២០រូប ពីកម្មវិធីនាថ្ងៃនោះទេ។
មិនធម្មតា!! ឌួង ហ្សូរីដា លើកពានឆ្នើមប្រចាំឆ្នាំក្នុងកម្មវិធី « Successful CEO Award 2019 »
តារាសម្ដែង និងជាពិធីការិនីល្បីឈ្មោះ ឌួង ហ្សូរីដា ដែលត្រូវគេដឹងថា កំពុងជោគជ័យក្នុងមុខជំនួញ នាំចូលផលិតផលថែរក្សាសម្រស់នោះ ទទួលបានពានឆ្នើមមួយផ្សេងទៀតហើយ ដែលពានលើកនេះ រឹតតែជាពានកិត្តិយសថែមទៀត ដ្បិតតែប្រគល់ជូនដោយអ្នករៀបចំក្នុងស្រុក បន្ទាប់ពីបានទទួលពានទាំងបង និងប្អូន ក្នុងចំណោម អ្នកជំនួញស្រ្តីឆ្នើមៗ មកពីបណ្ដាប្រទេសផ្សេងៗក្នុងប្រទេសថៃ។ នេះជាជំហានកាន់ តែជោគជ័យខ្លាំង បន្ទាប់ពីកញ្ញា សម្រេចចិត្តបើកក្រុមហ៊ុន មុទិតា ដែលមានផលិតផលថែរក្សាសម្រស់ ស្ដង់ដារច្រើនប្រភេទចរាចរ នៅកម្ពុជា។
យោងតាមកម្មវិធី Successful CEO Award 2019 ដែលមានវត្តមានលោកស្រី វេជ្ជបណ្ឌិត ឱ វណ្ណឌីន រដ្ឋលេខាធិកាក្រសួងសុខាភិបាល និង លោកឧកញ៉ា ចិត្រ សេរីសុភ័ក្ត្រ អ្នករៀបចំកម្មវិធី ដែលធ្វើឡើងនៅផ្សារទំនើបអ៊ីអន២ កាលពីល្ងាចថ្ងៃទី៨ វិច្ឆិកា ឆ្នាំ២០១៩ ប្រកាសថា កញ្ញា ឌួង ហ្សូរីដា ម្ចាស់ប្រេន MUDHITA GS-2113 ប្រេន SSO/SHO និង Brand N27 និងជាអគ្គនាយិកាក្រុមហ៊ុន MUDHITA Trading Co.LTD ទទួលបានពានឆ្នើមប្រចាំឆ្នាំ ក្នុងចំណោមម្ចាស់មុខជំនួញ២០រូប ដែលត្រូវបានកម្មវិធីសម្រេចប្រគល់ជូន។ ម្ចាស់ផលិតផលដែលទទួលបានពានឆ្នើម នៅក្នុងថ្ងៃនោះ គឺសំដៅលើម្ចាស់ក្រុមហ៊ុនផលិតផលដែលបានចុះបញ្ជីត្រឹមត្រូវក្នុងក្រសួងសុខាភិបាល ក្រសួងពាណិជ្ជកម្ម និងត្រូវបានចុះបញ្ជីផលិតផលគ្រប់ប្រភេទជាមួយក្រសួងសុខាភិបាល ព្រមជាមួយនឹងលក្ខណ្ឌជោគជ័យលើទីផ្សារនាំមុខ ទើបត្រូវបានកម្មវិធីអនុញ្ញាតិអោយចូលប្រកួត។ អ៊ីចឹងហើយ ទើប កញ្ញា ឌួង ហ្សូរីដា ទទួលបានកិត្តិយសយ៉ាងខ្លាំងបន្ទាប់ពីត្រូវបានប្រកាសថាឈ្នះពាន Top 20 ក្នុងចំណោម CEO ដែលមានឈ្មោះប្រកួតជាច្រើនមកពីគហរប់ទិសទី។
នៅក្នុងពិធីនោះ បណ្ដាក្រុមហ៊ុនចូលរួម ក៏បានរៀបចំតារាម៉ូដែលស្អាត អោយដើរបង្អួតផលិតផលរបស់ខ្លួននោះផង ខណៈដែល កញ្ញា ឌួង ហ្សូរីដា បានសម្ញ៉ែងតារា Cambodia Super Model ដែលសុទ្ធតែជាសមាសភាពល្បីៗ ដូចជា អ្នកនាង ចន ច័ន្ទលក្ខិណា, អ្នកនាង កែវ ពេជ្រ ពិសី, អ្នកនាង លី ម៉ារីណា, អ្នកនាងនៅ សូនីតា, កញ្ញា សូដា នីតា, កញ្ញា អ៊ឹង និមល, កញ្ញា សុផា លីនដា, កញ្ញា សោម ស្រីនាថ, Miss Grand កញ្ញា ហេង ចន្ថា និង កញ្ញា ឌី លីកា ជាដើម។
ក្រុមហ៊ុន ម៉េងលី ជេ.គួច អេឌ្យូខេសិន (MJQE ) នឹងចុះអនុស្សារណៈយោគយល់ (MOU) ជាមួយក្រុមហ៊ុនលំដាប់អន្ដរជាតិ ICES ដំបូងគេនៅកម្ពុជា
ក្រុមហ៊ុន ម៉េងលី ជេ.គួច អេឌ្យូខេសិន (MJQE ) បានចុះអនុស្សារណៈយោគយល់ (MOU) ជាមួយនឹង International Cultural Exchange Services (ICES) នៅថ្ងៃទី ៦ ខែវិច្ឆិកា ឆ្នាំ ២០១៩ ដើម្បីលើកកម្ពស់វិស័យអប់រំនៅកម្ពុជា និងផ្លាស់ប្ដូរនូវបទពិសោធន៍ការសិក្សារបស់សិស្សានុសិស្សនៅក្នុងតំបន់ និងទៅកាន់ពិភពលោក។
បើតាមលោក ឡាយ សុភា ប្រធានមជ្ឈមណ្ឌលភាសា អេ អាយ អាយ បានឱ្យដឹងថា International Cultural Exchange Services (ICES) មានទីស្នាក់ការកណ្ដាលនៅសហរដ្ឋអាមេរិក អស់រយៈពេលជាង ២៥ ឆ្នាំមកហើយ ព្រមទាំងកំពុងទទួលបានការគាំទ្រ និងល្បីល្បាញ ពីបណ្ដាសិស្សានុសិស្ស និងអ្នកអាណាព្យាបាលសិស្សជាច្រើនក្នុងបណ្ដាទ្វីបមួយចំនួនដូចជា ទ្វីបអ៊ឺរ៉ុប ទ្វីអាស៊ី ទ្វីបអាព្រិចឡាទីន ទ្វីបអូសេអានី ទ្វីបអង់តាកទិច សហរដ្ឋអាមេរិក និងចក្រភពអង់គ្លេស ជាដើម។
ប្រធានមជ្ឈមណ្ឌលដដែលបានបញ្ជាក់ថា ម៉េងលី ជេ.គួច អេឌ្យូខេសិន ចុះអនុស្សារណៈយោគយល់ (MOU) និង (ICES) ដំបូងគេបង្អស់នៅប្រទេសកម្ពុជា។ សំខាន់ជាងនេះទៅទៀត គោលដៅរបស់ MJQE និង ICES គឺផ្ដល់ឱកាសដល់សិស្សានុសិស្សកម្ពុជាពីថ្នាក់ទី ១០ និងទី១១ មានឱកាសផ្លាស់ប្ដូរបទពិសោធន៍ ចំណេះដឹង ចំណេះធ្វើ ការរស់នៅ និងប្រពន្ធសិក្សានៅសហរដ្ឋអាមេរិក ចក្រភពអង់គ្លេស កាណាដា អូស្ត្រាលី ញូហ្សេឡេន និងបណ្ដាញប្រទេសជាច្រើនទៀតនៅទ្វីបខាងលើ។
លោក ឡាយ សុភា បញ្ជាក់ថា សិស្សានុសិស្សកម្ពុជា និងត្រូវបញ្ជូនទៅកាន់ប្រទេសមួយចំនួនដូចជា សហរដ្ឋអាមេរិក ចក្រភពអង់គ្លេស កាណាដា អូស្ត្រាលី ។ល។ ក្នុងកម្មវិធី ផ្លាស់ប្ដូរបទពិសោធន៍ការសិក្សានេះ។
ម៉្យាងវិញទៀត លោក ឡាយ សុភា បានបញ្ជាក់ថា គោលដៅជាចម្បងចុះអនុស្សារណៈយោគយល់ (MOU) នេះគឺដើម្បីឱកាសដល់សិស្សានុសិស្សកម្ពុជាបានទៅសិក្សាក្រៅប្រទស ក្នុងការឈ្វេងយល់អំពីវប្បធម៌ និងការរស់នៅក្រៅប្រទេសដូចជា នៅសហរដ្ឋអាមេរិក ចក្រភពអង់គ្លេស កាណាដា អូស្ត្រាលី ជាដើម មុននឹងពួកគាត់ធ្វើការសម្រេចចិត្តដ៏ធំមួយនៅបន្ដរការសិក្សានៅមហាវិទ្យាល័យ នៅបណ្ដាប្រទេសទាំងអស់នោះ។
រីឯ International Cultural Exchange Services (ICES) ជាក្រុមហ៊ុនលំដាប់អន្ដរជាតិមួយ ដែលរៀបចំ និងផ្ដល់ឱកាសដល់សិស្សានុសិស្សនៅតាមបណ្ដាប្រទេសនានានៅលើពិភពលោក បានផ្លាស់ប្ដូរបទពិសោធន៍ការសិក្សា ឈ្វេងយល់ពីវប្បធម៌ និងការរស់នៅក្នុងបណ្ដាប្រទេសទាំងអស់នោះ៕
