Author: អេបិល

  • កម្ពុជា​ឈរ​លើ​លេខ8​ ​ក្នុងចំណោម​ ​11ប្រទេស​ ​ក្រោយ​ដណ្ដើម​បាន​មេដាយ​ ​9គ្រឿងក្នុង​ថ្ងៃ​ដំបូង​

    កម្ពុជា​ឈរ​លើ​លេខ8​ ​ក្នុងចំណោម​ ​11ប្រទេស​ ​ក្រោយ​ដណ្ដើម​បាន​មេដាយ​ ​9គ្រឿងក្នុង​ថ្ងៃ​ដំបូង​

    ក្រុមកីឡា​ករ​ ​កីឡាការិនី​ ​ជម្រើសជាតិ​កម្ពុជា​ ​បាន​ប្រកួត​ដណ្តើម​បាន​មេដាយ​ចំនួន​ ​9គ្រឿង​ហើយ​ ​ពី​ព្រឹត្តិ​ការណ៍​ស៊ី​ហ្គេម​លើក​ទី30​ ​ឆ្នាំ2019​ ​នៅ​ប្រទេស​ហ្វីលីពីន​ ​គិត​ត្រឹម​ព្រឹក​ថ្ងៃទី2​ ​ខែវិច្ឆិកា​ ​ម្សិលមិញ​នេះ​ ​ក្រោយ​ការប្រកួត​ជា​ផ្លូវការ​បាន​ចាប់ផ្តើម​នៅ​ថ្ងៃទី1​ ​ខែធ្នូ​ ​ឆ្នាំ2019​ ​កន្លងមក​។​
    ​
    ​គិត​ត្រឹម​ពេល​បញ្ចប់​ថ្ងៃ​ដំបូង​នេះ​ ​ការប្រកួត​បាន​បញ្ចប់​ចំនួន​ ​46វិញ្​ញ​សា​ហើយ​ ​ដែល​ក្នុង​នោះ​កម្ពុជា​បាន​ទទួល​មេដាយ​ចំនួន​ ​9គ្រឿង​ហើយ​ ​ក្នុង​នោះ​មាន​ប្រាក់3​ ​និង​សំរិទ្ធ​ ​6គ្រឿង​ ​ឈរ​នៅ​លើ​ចំណាត់ថ្នាក់​លេខ៨​ ​ក្នុងចំណោម​ ​11ប្រទេស​ ​នៃ​តារាង​មេដាយ​ ​ដោយ​ឈរ​ពីលើ​មីយ៉ាន់ម៉ា​ ​ប្រ៊ុយយ​ណេ​ ​ឡាវ​ ​និង​ទី​ម័រ​។​
    ​
    ​គួរ​បញ្ជាក់​ដែរ​ថា​ ​កម្ពុជា​មាន​សង្ឃឹម​ដណ្តើម​បាន​មេដាយ​បន្ថែម​ក្នុង​វិញ្​ញ​សា​ជាច្រើន​ទៀត​ ​ព្រោះ​លើក​នេះ​កម្ពុជា​ ​មាន​កីឡាករ​ ​និងកីឡា​ការិនី​ ​ចំនួន​ដល់ទៅ​ជាង​ ​500នាក់​ឯណោះ​ ​ខណៈ​ដែល​រាល់​លើក​ ​កម្ពុជា​បញ្ជូន​អត្តពលិក​ទៅ​ចូលរួម​ប្រកួត​ត្រឹមតែ​ជាង​ ​200នាក់​តែប៉ុណ្ណោះ​៕​


    ​

  • កម្ពុជា​ត្រឡប់​មកលេង​ពាន​ ​AFC​ ​U19​ ​សាជាថ្មី​ ​ក្រោយ​ខកខាន​អស់​ជិត​ ​5ទសវត្សរ៍​

    កម្ពុជា​ត្រឡប់​មកលេង​ពាន​ ​AFC​ ​U19​ ​សាជាថ្មី​ ​ក្រោយ​ខកខាន​អស់​ជិត​ ​5ទសវត្សរ៍​

    ​កាលពី​ពេល​ថ្មី​ៗ​នេះ​ ​ក្រុមបាល់ទាត់​យុវជន​អាយុ​ក្រោម​ ​19ឆ្នាំ​កម្ពុជា​ ​បាន​ជាប់​ទៅលេង​ក្នុង​ពានរង្វាន់​យុវជន​អាយុ​ក្រោម​ ​19ឆ្នាំ​ ​ប្រចាំ​ទ្វីបអាស៊ី​ ​ដែល​នឹង​ធ្វើឡើង​នៅក្នុង​ប្រទេស​អ៊ូបេគីស្ថាន​ ​នៅក្នុង​ឆ្នាំក្រោយ​ ​2020ខាងមុខនេះ​ ​ក្រោយ​ការប្រកួត​នៃ​ពូល​ ​A​ ​ឯណោះ​បាន​បញ្ចប់​។​
    ​
    ​ក្នុង​ពូល​ ​A​ ​ក្រុម​ដែល​មាន​សង្ឃឹម​បាន​ឡើង​ចំនួន​ ​2ក្រុម​គឺ​ ​គូ​វេ​ត​ ​បាន​ត្រឹម​ស្មើ​ ​ប៉ាឡេស្ទីន​ ​ក្នុង​លទ្ធផល​ ​3ទល់នឹង3​ ​នឹង​បាន​ដឹកដៃ​គ្នា​ធ្លាក់​ពី​វគ្គ​ជម្រុះ​នេះ​ជាមួយគ្នា​។​ ​នេះ​គឺជា​លើក​ទី4​ ​របស់​ក្រុម​យុវជន​កម្ពុជា​អាយុ​ក្រោម​ ​19ឆ្នាំ​ ​ដែល​នឹង​បាន​ឡើង​មកលេង​ក្នុង​ពាន​នេះ​ ​ដោយ​ធ្លាប់​បាន​លេង​ក្នុង​ពាន​នេះ​កាលពី​ឆ្នាំ1963​,​ ​1972​,​ ​1974​ ​និង​ឆ្នាំ2020​ ​ខាងមុខនេះ​ ​ដែល​នេះ​គឺជា​ការ​វិលត្រឡប់​មកវិញ​ក្នុងរយៈពេល​ជិត​ ​50ឆ្នាំ​។​
    ​
    ​គួរ​បញ្ជាក់​ថា​ ​ពានរង្វាន់​ ​AFC​ ​U19​ ​Championship​ ​ប្រចាំឆ្នាំ2020​ ​ខាងមុខនេះ​ ​នឹង​ធ្វើឡើង​ចាប់ពី​ថ្ងៃទី14​ ​ដល់31​ ​តុលា​ ​ឆ្នាំ2020​ ​ខាងមុខនេះ​៕​


    ​

  • កម្ពុជា​សង្ឃឹម​ខ្ពស់​នៅ​ល្ងាច​នេះ​ ​ដើម្បី​ឡើង​វគ្គ​ពាក់កណ្តាល​ផ្តាច់ព្រ័ត្រ​ស៊ី​ហ្គេម​

    កម្ពុជា​សង្ឃឹម​ខ្ពស់​នៅ​ល្ងាច​នេះ​ ​ដើម្បី​ឡើង​វគ្គ​ពាក់កណ្តាល​ផ្តាច់ព្រ័ត្រ​ស៊ី​ហ្គេម​

    ​ក្រុម​លេខ2​ ​ប្រចាំ​ពូល​ ​A​ ​នៃ​វិញ្ញាសា​បាល់ទាត់​បុរស​នៅក្នុង​ព្រឹត្តិ​ការណ៍​ស៊ី​ហ្គេម​ឆ្នាំ2019​ ​លើក​ទី30​ ​ប្រទេស​ហ្វីលីពីន​នេះ​ ​ក្រុមបាល់ទាត់​ជម្រើសជាតិ​យុវជន​អាយុ​ក្រោម​ ​22ឆ្នាំ​កម្ពុជា​ ​ឆ្លងកាត់​ ​2ប្រកួត​ ​ឈ្នះ1​ ​និង​ស្មើ1​ ​ដោយមាន​ ​4ពិន្ទុ​ ​ស៊ុត​ចូល​គេ​ ​6គ្រាប់​ ​ហើយ​គេ​ស៊ុត​ចូល​វិញ​តែ​ ​1គ្រាប់​ប៉ុណ្ណោះ​។​
    ​
    ​នៅក្នុង​ថ្ងៃនេះ​ដែរ​ ​ក្រុមបាល់ទាត់​ជម្រើសជាតិ​យុវជន​អាយុ​ក្រោម​ ​22ឆ្នាំ​កម្ពុជា​នឹង​ត្រូវ​ប្រកួត​ក្នុង​ជំនួប​ទី3​ ​របស់​ខ្លួន​ ​ដោយ​នឹង​ត្រូវ​ប៉ះ​ជាមួយ​ក្រុមបាល់ទាត់​ជម្រើសជាតិ​យុវជន​អាយុ​ក្រោម​ ​22ឆ្នាំ​របស់​មីយ៉ាន់ម៉ា​ ​នៅ​កីឡដ្ឋាន​ ​Binan​ ​Stadium​ ​វេលា​ម៉ោង៧ល្ងាច​នេះ​។​


    ​

  • ម្ចាស់ផ្ទះ​ហ្វីលីពីន​ ​យកឈ្នះ​ម៉ាឡេស៊ី​ ​នៅ​ស៊ី​ហ្គេម​ ​ជា​ជ័យជម្នះ​ជាលើកដំបូង​

    ម្ចាស់ផ្ទះ​ហ្វីលីពីន​ ​យកឈ្នះ​ម៉ាឡេស៊ី​ ​នៅ​ស៊ី​ហ្គេម​ ​ជា​ជ័យជម្នះ​ជាលើកដំបូង​

    ​ការ​ពីម្សិលមិញ​នេះ​ ​ក្នុង​ការប្រកួត​កីឡាបាល់ទាត់​បុរស​ ​នៅ​ស៊ី​ហ្គេម​ប្រចាំ​ពូល​ ​A​ ​បាន​កន្លង​ផុត​ទៅ​ ​1ថ្ងៃ​ទៀតហើយ​ ​ដែល​ថ្ងៃ​នោះ​មាន​ទាំងអស់​ ​2ប្រកួត​ ​គឺ​មីយ៉ាន់ម៉ា​ ​បាន​យក​ឈ្នះ​ទី​ម័រ​ដោយ​លទ្ធផល​ ​3ទល់នឹង1​ ​ចំណែក​ឯ​ម្ចាស់ផ្ទះ​ហ្វីលីពីន​ ​បាន​យកឈ្នះ​ក្រុម​ខ្លាំង​ម៉ាឡេស៊ី​ ​ក្នុង​លទ្ធផល​ ​1ទល់នឹង0​។​
    ​
    ​លទ្ធផល​នេះ​ ​បាន​ធ្វើ​ឱ្យ​ហ្វីលីពីន​ ​រំកិល​ខ្លួន​ឡើង​មក​ចំណាត់ថ្នាក់​លេខ3​ ​ដោយមាន​ ​4ពិន្ទុ​ ​ក្រោយ​ស្មើ​កម្ពុជា​ ​1ទល់នឹង​ ​1​ ​និង​ចាញ់​មីយ៉ាន់ម៉ា​ ​2ទល់នឹង1​។​ ​ការ​ឈ្នះ​នេះ​ ​បាន​បន្ត​ក្តី​សង្ឃឹម​ដល់​ក្រុម​ម្ចាស់ផ្ទះ​ស៊ី​ហ្គេម​នេះ​ឱ្យ​មាន​ទឹកមាត់​លេប​វិញ​ ​ដ្បិត​ត្រូវ​នៅចាំ​អ៊ុត​មើល​ក្រុម​ផ្សេង​ៗ​ទៀត​ក្នុង​ពូល​ ​ព្រោះ​ខ្លួន​នៅសល់​តែ​ ​1ប្រកួត​ទៀត​ប៉ុណ្ណោះ​ជាមួយនឹង​ទីម័រខាងកើត​៕​


    ​
    ​
    ​
    ​
    ​
    ​

  • បាល់ទាត់​កម្ពុជា​ ​រំកិល​ខ្លួន​ចុះក្រោម​ ​1លេខ​ទៀត​ ​ក្នុង​តារាង​ចំណាត់ថ្នាក់​ពិភពលោក​ ​

    បាល់ទាត់​កម្ពុជា​ ​រំកិល​ខ្លួន​ចុះក្រោម​ ​1លេខ​ទៀត​ ​ក្នុង​តារាង​ចំណាត់ថ្នាក់​ពិភពលោក​ ​

    ​ក្រុមបាល់ទាត់​ជម្រើសជាតិ​កម្ពុជា​ ​កំពុងតែ​ឈរ​នៅ​ចំណាត់ថ្នាក់​លេខ​ ​173​ ​នៃ​តារាងពិន្ទុ​ ​FIFA​ ​RANKING​ ​ប្រចាំខែ​ធ្នូ​នេះ​ ​ដោយមាន​ពិន្ទុ​ស្មើគ្នា​ជាមួយ​នឹង​ឥណ្ឌូ​នេ​ស៊ី​ដែល​ធ្លាក់​ចំនួន​ ​2ចំណាត់ថ្នាក់​ដែរ​។​ ​សម្រាប់​កាលពី​ខែមុន​កម្ពុជា​ ​ក៏បាន​ធ្លាក់​ចំនួន​ ​3ចំណាត់ថ្នាក់​ដែរ​ ​ពី​លេខ​ ​169​ ​មក​ ​172​ ​ក្រោយ​លេង​ចាញ់​បារ៉ែន​ ​1ទល់នឹង0​ ​មុននឹង​បន្ត​ចាញ់​អ៊ឺ​រ៉ង់​ ​លទ្ធផល​ ​14ទល់នឹង0​។​
    ​
    ​ក្រុមបាល់ទាត់​ជម្រើសជាតិ​កម្ពុជា​ ​នៅសល់​ការប្រកួត​ចំនួន​ ​3ប្រកួត​ទៀត​ ​គឺ​នៅ​ក្រៅ​ទឹកដី​ ​2ប្រកួត​ ​និង​ក្នុងទឹក​ដី​ខ្លួនឯង​ ​1ប្រកួត​ទៀត​ ​នេះ​សម្រាប់​ឈុត​ធំ​កម្ពុជា​ ​ក្នុង​វគ្គ​ជម្រុះ​ ​World​ ​Cup​ ​ខណៈ​ការប្រកួត​បន្ត​របស់​កម្ពុជា​ ​គឺ​នៅ​ថ្ងៃទី26​ ​ខែមីនា​ ​ឆ្នាំ2020​ ​ខាងមុខនេះ​នៅ​ឯ​ប្រទេស​ប៉ា​រ៉ែ​ន​៕​


    ​

  • តារា​សិល្បៈ​ល្បី​ៗ​ព្រោងព្រាត​បង្អួត​សម្រស់​គ្នា​ក្នុង​ថ្ងៃ​សម្ពោធ​ហាង​ ​ជេក​ ​ឃុន​ ​

    តារា​សិល្បៈ​ល្បី​ៗ​ព្រោងព្រាត​បង្អួត​សម្រស់​គ្នា​ក្នុង​ថ្ងៃ​សម្ពោធ​ហាង​ ​ជេក​ ​ឃុន​ ​

    ​នៅ​រាត្រី​ថ្ងៃទី០២​ ​ខែធ្នូ​ ​ឆ្នាំ២០១៩​ ​គេ​ឃើញ​តារា​សម្តែង​ ​និង​តារាចម្រៀង​ ​ប្រុសស្រី​ល្បីឈ្មោះ​ជាច្រើន​រូប​បាន​បង្ហាញ​វត្តមាន​ក្នុង​កម្មវិធី​សម្ពោធ​ជា​ផ្លូវការ​ហាង​ជេក​ ​ឃុន​ព្រិល​ ​ថ្មី​ជិត​ក្លោងទ្វារ​វត្ត​សំរោង​អណ្តែត​។​
    ​
    ​ក្រៅពី​បង្ហាញ​វត្តមាន​សិល្បករ​ជាច្រើន​ក៏បាន​ឡើង​បកស្រាយ​បទចម្រៀង​ជាច្រើន​បទ​បន្តបន្ទាប់​ផង​ដែរ​។​ ​សិល្បករ​មាន​ដូចជា​ ​កញ្ញា​ ​សុខ​ ​មុនី​រក្សា​ ​លោក​ ​ជ័យ​ ​សុ​វ៉ា​ត​ ​លោក​ ​ភី​ ​ថា​ត់​ ​លោក​ ​ប៉ែន​ ​សា​រ៉ាវ​ ​កញ្ញា​ ​ហេង​ ​ស្រីពេជ្រ​ ​លោក​ឃីង​ ​សាន់​ ​កញ្ញា​ ​វ៉ាន់​ ​នី​តា​ ​និង​សិល្បករ​ជាច្រើន​រូប​ទៀត​។​ ​លោក​ ​យ៉េប​ ​រ៉ូ​ហ្វា​ត​ ​ជំនួយការ​ផ្ទាល់​ថៅកែ​ហាង​ ​និង​ជា​អ្នក​ផលិតកម្ម​វិធី​សិល្បៈ​បាន​លើកឡើង​ថា​ ​ទីតាំង​ថ្មី​ដែល​ហាង​បើក​ដំណើរការ​នៅពេល​នេះ​មាន​ទីតាំង​ធំ​ទូលាយ​ជាង​មុន​ ​ជំនួស​ហាង​ចាស់​នា​តំបន់​ផ្សារដើមថ្កូវ​។​

    ​លោក​បន្ដថា​ ​ហាង​នេះ​អាច​ទទួលភ្ញៀវ​បាន​គ្រប់​កម្រិត​ប្រមាណ៥០តុ​ ​មាន​ទទួល​បម្រើ​អាហារ​ថ្ងៃត្រង់​ ​និង​គ្រឿងក្លែម​ពេលល្ងាច​ដល់​រាត្រី​។​ ​លោក​ថា​សិល្បករ​ដែល​បង្ហាញ​វត្តមាន​នៅ​ថ្ងៃនេះ​ក៏​ជាតា​រា​ចម្រៀង​ផ្ទាល់​ប្រចាំ​ហាង​ផង​ដែរ​ ​ដែល​ហាង​មា​ក្រុមតន្ត្រី​សម្រាប់​កំដរ​អារម្មណ៍​ភ្ញៀវ​ផង​ដែរ​។​ ​លោក​ថា​ទាំង​ទីតាំង​ហាង​ ​អាហារ​មានឱជារស​ ​នៅ​ជិត​តំបន់​ប្រជុំជន​ ​និង​ប្រមូល​ផ្តុំ​ដោយ​តារាចម្រៀង​ប្រុសស្រី​ល្បីឈ្មោះ​ ​ប្រាកដ​ណាស់​ថា​នឹង​ទទួល​បានការ​គាំទ្រ​ច្រើន​ពីអ​តិថិ​ជន​។​ ​
    ​
    ​លោក​ថា​សម្រាប់​ភ្ញៀវ​ប្រចាំ​កន្លងមក​ដែល​ធ្លាប់​ទទួលទាន​អាហារ​ ​និង​ស្តាប់​កម្សាន្ត​តន្ត្រី​កន្លងមក​ពេលនេះ​អាច​ទទួល​បាន​អារម្មណ៍​ស្រស់ស្រាយ​ទ្វេឡើង​ព្រោះតែ​ជាទី​តាំង​ថ្មី​ធំ​ទូលាយ​ ​អំណោយផល​ជាង​មុន​៕​


    ​

  • ក្រោយ​រិះគន់​ ​មាន​ ​សូ​នី​តា​ ​តប​ថា​ ​«​ ​ករណីពាក់​ស្បែក​ស្បែ​ក​ជេីង​ចូល​គាល់​ព្រះមហាក្សត្រ​.​.​.​ ​ពុំ​មាន​ខុស​អ្វី​ឡេីយ​»​

    ក្រោយ​រិះគន់​ ​មាន​ ​សូ​នី​តា​ ​តប​ថា​ ​«​ ​ករណីពាក់​ស្បែក​ស្បែ​ក​ជេីង​ចូល​គាល់​ព្រះមហាក្សត្រ​.​.​.​ ​ពុំ​មាន​ខុស​អ្វី​ឡេីយ​»​

    ​​នៅ​លើ​បណ្ដាញ​សង្គម​ហ្វេ​សប៊ុ​ក​របស់​ស្រី​ស្រស់​ ​មាន​ ​សូ​នី​តា​ ​នា​រសៀល​ថ្ងៃទី០២​ ​ខែធ្នូ​ ​ឆ្នាំ២០១៩បាន​បង្ហោះ​រៀបរាប់​ភ្ជាប់​ជាមួយ​រូបថត​អនុស្សាវរីយ៍​ជាមួយ​ព្រះករុណា​ព្រះមហាក្សត្រ​ ​និង​សម្ដេចម៉ែ​ថា​ ​ជាម​ហា​កិត្តិយស​ដ៏​ខ្ពង់ខ្ពស់​បំផុត​របស់ខ្ញុំ​ម្ចាស់​បាន​ចូល​គាល់​ ​និង​ថ្វាយ​ក្រមា​ពី​ផ្ទះ​ស្រលាញ់​ចំនួន​ ​២០០០ក្រមា​ ​ថ្វាយព្រះ​ករុណា​ជា​អម្ចាស់​ជីវិត​តម្កល់​លើ​ត្បូង​ ​និង​ ​សម្តេច​ព្រះ​វររាជ​មាតា​ជាតិខ្មែរ​ ​ដោយ​ផ្ទាល់​ក្នុង​ព្រះរាជ​សាវ​នា​ការ​នាម​ហា​ប្រាសាទ​ខេមរិន្ទ្រ​ ​ព្រះបរមរាជវាំង​ ​ទីក្រុង​ភ្នំពេញ​។​
    ​
    ​បនា្ទប់​ពី​ផុស​ហើយ​ ​ក៏​មាន​បងប្អូន​យើង​មួយចំនួន​បាន​ធ្វើការ​រិះគន់​នាង​រឿង​ ​ពាក់​ស្បែក​ស្បែ​ក​ជេីង​ចូល​គាល់​ព្រះមហាក្សត្រ​ថា​ ​ជា​ទង្វើ​មិន​សមគួរ​។​ ​នៅ​ថ្ងៃនេះ​ដែរ​ក៏បាន​ផុស​បញ្ជាក់​យ៉ាង​ច្បាស់​ឱ្យ​អ្នក​ដែល​បាន​រិះគន់​វិញ​ថា​៖​ ​នាងខ្ញុំ​ ​មាន​ ​សូ​នី​តា​ ​សូម​ជំរាប​ដល់​បងប្អូន​ទាំងអស់​ឲ្យបាន​ជ្រាប​ថា​ ​នាងខ្ញុំ​បាន​ចូល​ក្រាប​ថ្វាយបង្គំ​គាល់​ព្រះករុណា​ព្រះមហាក្សត្រ​ ​និង​ ​សម្តេច​ព្រះ​វររាជ​មាតា​ជាតិ​ ​រួម​ជាមួយ​ប្រតិភូ​ដទៃទៀត​ ​ដោយមាន​ពិធីការ​នៃ​បរមរាជវាំង​ណែនាំ​និង​រៀបចំ​ជូន​ត្រឹមត្រូវ​គោរព​តាមច្បាប់​ក្បួន​នៃ​ព្រះបរមរាជវាំង​។​ ​ការ​ចូល​គាល់​របស់​នាងខ្ញុំ​និង​ប្រតិភូ​នេះ​គឺ​គោរព​បែបបទ​ពិធីការ​ត្រឹមត្រូវ​តាម​ការណែនាំ​របស់​ពិធីការ​របស់​ព្រះបរមរាជវាំង​ទាំងអស់🙏🇰🇭 ​​​​​​​​​​​​​​​​​​​​​​​​​​​​​​​ករណីខ្ញុំពាក់ស្បែកជេីងនេះ​ ពុំមានខុសអ្វីឡេីយ​ ​​​​​​​​​​​​​​​​​​​​​​​​​​​​​​​បេីប្រការមិនគប្បីពិធីការនៃព្រះបរមរាជ​​​​​​​​​​​​​​​​​​​​​​​​​​​​​​​វាំងប្រាកដជាណែនាំជាមិនខាន។

    សូមបងប្អូនមួយចំនួនដែលបានរិះគន់​​​​​​​​​​​​​​​​​​​​​​​​​​​​​​​ នឹង មិនពេញចិត្ត ​​​​​​​​​​​​​​​​​​​​​​​​​​​​​​​សូមពិចារណាអោយច្បាស់លាស់សិន។ បញ្ជាក់ ​​​​​​​​​​​​​​​​​​​​​​​​​​​​​​​: មើលឱ្យជាក់ចាំញាក់ចិញ្ចើមកុំចេះតែនិយាយតាម​​​​​​​​​​​​​​​​​​​​​​​​​​​​​​​ការគិតឃើញដោយមិនមានក្បួន​​​​​​​​​​​​​​​​​​​​​​​​​​​​​​​មានច្បាប់ ច្បាស់លាស់ ពិសេសមិនមែនការយល់ឃើញរបស់អ្នកសុទ្ធតែត្រឹមត្រូវរហូតនោះទេ​​​​​​​​​​​​​​​​​​​​​​​​​​​​​​​ ព្រោះអ្នកយល់ឃើញយ៉ាងមិចអ្នកគិតថាចំណុចនោះគឺដឹងតែត្រូវ ​​​​​​​​​​​​​​​​​​​​​​​​​​​​​​​😔ការចូលគាល់ព្រះអង្គទាំងទ្វេក្នុងព្រះរបមរាជវាំងមិនមែន​​​​​​​​​​​​​​​​​​​​​​​​​​​​​​​ចេះតែចូលងាយស្រួលហើយធ្វើអ្វីតាមចិត្តចង់ទេ 👌🙏សុំ share ​​​​​​​​​​​​​​​​​​​​​​​​​​​​​​​ម្នាក់១ផងណាដើម្បីអោយបងប្អូនជ្រាបកាន់តែច្បាស់ណា៎ ​​​​​​​​​​​​​​​​​​​​​​​​​​​​​​​…. ៕

    ​
    ​​​​​​​

  • ខៀវ សានសាណា នៅតែជាពិធីការិនីនាំមុខគេក្នុងកម្មវិធីធំៗជាង ១៨ ឆ្នាំមកនេះ

    ខៀវ សានសាណា នៅតែជាពិធីការិនីនាំមុខគេក្នុងកម្មវិធីធំៗជាង ១៨ ឆ្នាំមកនេះ

    រាល់កម្មវិធីធំៗមិនថាលំដាប់ថ្នាក់ជាតិ ឬអន្ដរជាតិនោះទេ ខៀវ សានសាណា ត្រូវបានគេមើលឃើញថា អ្នកនាងបង្ហាញវត្តមានមិនបាត់មុខជានិច្ច នេះបើគិតមកទល់ថ្ងៃនេះម៉ោងនេះគឺមានរយៈពេល ១៨ឆ្នាំមកហើយ ដែលមហាជនជាច្រើនលាន់មាត់ថា អ្នកនាងជាពិធីការិនីឆ្នើម ដែលជោគជ័យក្នុងអាជីពអត្ថាធិប្បាយដាក់ក្បាលមេក្រូ។

    មានសមត្ថភាពគឺជារឿងមួយ ក៏ប៉ុន្ដែអ្វីដែលសំខាន់ជាងនោះគឺ ការក្ដោបទីផ្សារដ៏ណែនក្នុងដៃ ទើបធ្វើឱ្យ សាណា រវល់នឹងការងារកើបលុយសឹងតែគ្មានពេលសម្រាក។ អ្នកនាង ខៀវ សានសាណា នៅតែស្ថិតក្នុងលំដាប់ជួរមុខ ជាពិធីការិនីដែលរកចំណូលបានខ្ពស់ និងមានទីផ្សារស្ទុះឡើងមិនថមថយ។ កម្មវិធីសម្ពោធ និងបង្ហាញផលិតថ្មីៗ ស្ទើរតែមិនបាត់មុខអ្នកនាងនោះទេ ដ្បិតថាពិធីករ និងពិធីការិនី ដែលអាចប្រើប្រាស់ភាសាបានល្អដូចអ្នកនាងច្រើនឡើងចាប់ផ្ដើមប្រជែងទីផ្សារ។

    ជូបសម្ភាសន៍ជាមួយអ្នកសារព័ត៌មាន អ្នកនាង ខៀវ សានសាណា ប្រាប់ថា រៀងរាល់មួយខែៗ អ្នកនាងទទួលការងារមិនក្រោម២០កម្មវិធីនោះទេ ដោយអ្នកនាងមិនមានពេលទទួលកម្មវិធីជាន់គ្នា ដែលមិនខុសពីបោះលុយចោលនោះផង។ អ្នកនាងថាទីផ្សារពិធីការិនី ហាក់មិនមានការប្រែប្រួលក្នុងពេលដែលមានពិធីការិនីដែលមានសមត្ថភាពច្រើនឡើងលេចឡើងនោះទេ ផ្ទុយទៅវិញ ទីផ្សារការងារគឺនៅតែដដែល មិនខុសពី១៨ឆ្នាំមុនដែលអ្នកនាងទើបប្រឡូកឡើយ។

    អ្នកនាងនិយាយថា ខែវស្សាដែលមិនសូវមានពិធីសម្ពោធផ្សេងៗ ក៏អ្នកនាងទទួលបានកម្មវិធីមិនក្រោម២០កម្មវិធីដែរ ខណៈដែលក្នុងរដូវបុណ្យការ គឺអាហ្វែកាត់នំ និងអាហ្វែបើកសម្ពោធផ្សេងៗ ក៏ត្រូវរត់ម្នាក់ឯង២-៣រោងក្នុងមួយថ្ងៃ។ អ្នកនាងថាសប្បាយចិត្ត ដែលនៅតែទទួលបានការគាំទ្រ ក្នុងអាជីពជាពិធីការិនី ដូច្នេះហើយទើបអ្នកនាងនៅតែក្រាញក្នុងអាជីពនេះ ដោយសារតែឃើញលុយនៅនឹងមុខៗ ហើយមិនចង់បោះចោល។ អ្នកនាងក៏ប្រកាសជំហរមិនដើរចោលជំនាញនេះផងដែរ បើទោះជាអ្នកនាងមានឱកាសបើកជំនួញ និងអាចទៅធ្វើការងារផ្សេងដោយមិនលំបាក៕

  • ការ​ប្រគំតន្ត្រី​សប្បុរសធម៌​ដើម្បី​ពង្រឹង​ ​សាមគ្គីភាព​ ​សន្តិភាព​ ​និង​ ​កា​យល់ដឹង​

    ការ​ប្រគំតន្ត្រី​សប្បុរសធម៌​ដើម្បី​ពង្រឹង​ ​សាមគ្គីភាព​ ​សន្តិភាព​ ​និង​ ​កា​យល់ដឹង​

    ថ្មីៗនេះ​សណ្ឋាគារ​សូ​ហ្វី​តែល​ភ្នំពេញ​ភូ​គី​ត្រា​បាន​ប្រារព្ធ​ការ​ប្រគំតន្ត្រី​សប្បុរសធម៌​ ​ដែល​សម្តែង​ដោយក្រុម​ចម្រៀង​ ​Musica​ ​Felice​ រួមទាំង​​តន្ត្រីបុរាណ​​ប្រពៃណី​ សម្តែង​ជូនយ៉ាងអស្ចារ្យដើម្បីសប្បុរសធម៌ក្នុង​បរិវេណទីធ្លា​សួនច្បារ​នៃ​ ​សណ្ឋាគារ​សូ​ហ្វី​តែល​ភ្នំពេញ​ភូ​គី​ត្រា​ ​។​ ​ក្រុមតន្ត្រី​ដែល​មានឈ្មោះ​ថា​ ​Musica​ ​Felice​ ​នឹង​បង្ហាញ​កម្មវិធី​តន្ត្រីបុរាណ​និង​សហសម័យ​ ​ដើម្បី​ប្រមូល​ថវិកា​ទៅ​បរិច្ចាគ​ជូន​ទៅ​សាលា​តន្ត្រី​ ​Happy​ ​Chandara​ ​School​ ​និង​ ​Phum​ ​Pleng​ ​School​ ​។​ ​


    ​​
    ​ការ​ប្រគុំ​តន្ត្រី​សប្បុរសធម៌​នេះ​គឺជា​គំនិត​ផ្តួចផ្តើម​មួយ​ពីសំណាក់​តន្ត្រីករ​ជនជាតិ​ជប៉ុន​ ​គឺ​លោកស្រី​ ​Miwako​ ​Fujiwara​ ​ដែល​មាន​ចំណង់​ចំណូលចិត្ត​ស្រឡាញ់​វិស័យ​ចម្រៀង​ខ្លាំង​។​ ​អ្នកស្រី​បាន​ដឹកនាំ​ក្រុមតន្ត្រី​ ​’​Musica​ ​Felice​’​ ​ដែល​មានន័យថា​ ​’​ចម្រៀង​សប្បាយរីករាយ​’​ ​ដែល​មាន​តន្រ្តី​ករ​ ​ចំនួន​ ​៣០​ ​នាក់​។​ ​ក្រុម​នេះ​បាន​បង្កើត​ឡើង​អស់​រយៈពេល​បួន​ឆ្នាំ​ ​ហើយ​នេះ​គឺជា​ការ​ប្រគំតន្ត្រី​ ​សប្បុរសធម៌​លើក​ទី​ ​៦​ ​នៅ​ ​សណ្ឋាគារ​សូ​ហ្វី​តែល​ភ្នំពេញ​ភូ​គី​ត្រា​។​ ​
    ​
    ​ទេពកោសល្យ​របស់​តន្រ្តី​ករ​នៅ​កម្ពុជា​តែងតែ​ធ្វើឲ្យ​ខ្ញុំ​មាន​ភាព​ស្ញប់ស្ញែង​ខ្លាំង​បំផុត​។​ខ្ញុំ​ពិតជា​សប្បាយរីករាយ​ជា​ពន់ពេក​ក្នុង​ការ​សម្តែង​ជាថ្មី​ម្តង​ទៀត​ជាមួយ​ក្រុម​តន្រ្តី​ករ​ ​Musica​ ​Felice​ ​ក្នុង​កម្ម​វី​ធី​ ​ដ៏​សំខាន់​មួយ​នេះ​។​ ​ខ្ញុំ​ក៏​ធ្លាប់​បាន​ធ្វើការ​ជាមួយ​សាលា​តន្ត្រី​ ​Happy​ ​Chandara​ ​School​ ​និង​ ​Phum​ ​Pleng​ ​School​ ​អស់​រយៈពេល​ជាច្រើន​ឆ្នាំ​មក​ហើយ​ដែរ​ ​ពួកគេ​គឺជា​មនុស្ស​ល្អ​ខ្លាំង​ណាស់​ ​“​ប្រសាសន៍​របស់​ ​លោកស្រី​ ​Miwako​ ​Fujiwara​”​។
    ​
    ​​ភាពជា​ដៃគូ​នេះ​គឺជា​មោទនភាព​មួយ​សម្រាប់​សណ្ឋាគារ​ ​ដោយសារតែ​សណ្ឋាគារ​សូ​ហ្វី​តែល​ភ្នំពេញ​ភូ​គី​ត្រា​តែងតែ​គាំទ្រ​សិល្បៈ​យ៉ាង​ខ្លាំង​នៅក្នុង​ព្រះរាជាណាចក្រ​កម្ពុជា​។​ ​លោក​ ​Charles​-​Henri​ ​Chevet​ ​អ្នកចាត់ការ​ទូទៅ​នៃ​ ​សណ្ឋាគារ​សូ​ហ្វី​តែល​ភ្នំពេញ​ភូ​គី​ត្រា​ ​បាន​រៀបរាប់​ថា​ការ​ប្រគុំ​តន្រ្តី​នេះ​គឺជា​ឱកាស​ដ៏​ល្អ​មួយ​ដើម្បី​ចែករំលែក​តន្ត្រី​ជាមួយ​ប្រជាពលរដ្ឋ​នៅ​រាជធានី​ភ្នំពេញ​ ​ដ៏​ដូចជា​ជ​ម្រុ​ញ​ ​ឲ្យ​ប្រជាពលរដ្ឋ​ចូលរួម​ចំណែក​ជួយ​ដល់​មូ​និធិ​ទ្រទ្រង់​ដើម្បី​ផ្តល់​ក្តី​សង្ឃឹម​ថ្មី​មួយ​ដល់​ប្រជាជន​កម្ពុជា​ដែល​មាន​បញ្ហា​លំបាក​។​
    ​


    ​
    ​លោកស្រី​ ​Miwako​ ​Fujiwara​
    ​
    ​លោកស្រី​ ​Miwako​ ​Fujiwara​ ​គឺជា​អ្ន​ក​លេង​ព្យ៉ា​ណូ​ដ៏​ចំណាន​មួយ​រូប​ ​និង​ ​ជា​អ្នកដឹកនាំ​ក្រុម​ចម្រៀង​ផង​ដែរ​។​ ​លោកស្រី​បាន​សិក្សា​ព្យា​ណូនិ​ង​ចង្វាក់ភ្លេង​នៅ​សាកល​វិទ្យាល័យ​ ​Soai​ ​នៅ​ប្រទេស​ជប៉ុន​ ​ហើយ​បាន​បន្ត​ការសិក្សា​អស់​រយៈពេល​ ​7​ ​ឆ្នាំ​នៅ​ ​the​ ​Hague​ ​Royal​ ​Conservatorium​ ​នៅ​ទីក្រុង​ឡា​អេ​ ​ប្រទេស​ហូ​ឡង់​ ​ជាមួយនឹង​លោក​ ​Tom​ ​Koopman​ ​និង​ ​Tini​ ​Mathot​ ​ដោយ​ទទួល​បាន​សញ្ញាបត្រ​ ​Docent​ ​Musicus​ ​ថែមទៀត​ផង​។​ ​លោកស្រី​ ​Miwako​ ​ក៏​ទទួល​បានការ​ថត​តន្រ្តី​ដាក់​ស៊ីឌី​ជាច្រើន​ ​ហើយ​លោកស្រី​ក៏បាន​សម្តែង​នៅ​មហោស្រព​ ​North​ ​Sea​ ​Jazz​ ​Festival​ ​នៅ​ហូ​ឡង់​ ​ដែល​មានការ​គាំទ្រ​យ៉ាង​ខ្លាំង​ថែមទៀត​ផង​។​ ​លោកស្រី​ ​Miwako​ ​បាន​ធ្វើដំណើរ​ទូទាំង​ទ្វីបអឺរ៉ុប​និង​ជប៉ុន​អស់​រយៈពេល​ ​20​ ​ឆ្នាំ​ក្រោម​ការ​ប្រគំតន្ត្រី​ទេសចរណ៍​ ​និង​ ​លើស​ពីនេះ​លោកស្រី​គឺជា​គ្រូបង្រៀន​ព្យា​ណូ​អស់​រយៈពេល​ជិត​ ​25​ ​ឆ្នាំ​មក​ហើយដែល​បច្ចុប្បន្ន​លោកស្រី​បាន​រស់នៅ​ប្រទេស​កម្ពុជា​អស់​រយៈពេល9ឆ្នាំ​។​
    ​
    ​សូ​ហ្វី​តែល​ ​សណ្ឋាគារ​លំដាប់ថ្នាក់​ពិភពលោក​និង​ភាព​ឆើតឆាយ​របស់​បារាំង​​សណ្ឋាគារ​សូ​ហ្វី​តែល​ភ្នំពេញ​ភូ​គី​ត្រា​ ​គឺជា​សណ្ឋាគារ​ដ៏​ប្រណីត​បែប​បារាំង​តែមួយគត់​នៅ​ទីក្រុង​ភ្នំពេញ​។​ ​សណ្ឋាគារ​ដែល​ទទួល​បាន​ពានរង្វាន់​ជាច្រើន​នេះ​មាន​បន្ទប់​ចំនួន​ ​201​ ​បន្ទប់​ស្ប៉ា​ ​ក្លឹប​កីឡា​ ​សាល​ ​Grand​ ​Ballroom​ ​សម្ភារៈ​ប្រជុំ​ទំនើប​ៗ​ ​និង​ភោជនីយដ្ឋាន​ចំនួន​ ​4​ ​។​ ​ការ​តុបតែង​តាម​រចនាបថ​បារាំង​ផ្តល់​ជូន​សោភ័ណភាព​ប្រណិត​ដែល​ជ​ម្រុ​ញ​ឱ្យ​មានការ​គាំទ្រ​ឥត​ឈប់ឈរ​នៅក្នុង​សណ្ឋាគារ​ដែល​ល្បីល្បាញ​ទូទាំង​ព្រះរាជាណាចក្រ​កម្ពុជា​។​

  • ក្រោយរិះគន់បទ « សុដន់ម៉ែ » អ្នកនិពន្ធ សោម ដូរ៉េ ឆ្លើយតបសុំខ្លាច

    ក្រោយរិះគន់បទ « សុដន់ម៉ែ » អ្នកនិពន្ធ សោម ដូរ៉េ ឆ្លើយតបសុំខ្លាច

    ​ថ្មី​ៗ​នេះ ​គេ​បានឃើញ​បទចម្រៀង​ថ្មី​របស់​តារាចម្រៀង ​និង​ កំប្លែង​ ​កា​តុ​ ​នៅក្នុង​ផលិត​កម្ម​ថោន​ ​។​ ​អ្វី​ដែល​ចាប់អារម្មណ៍​នៅក្នុង​បទចម្រៀង​មួយ​នេះ​ ​កា​តុ​ ​បាន​សម្តែង​រួមគ្នា​ជាមួយ​កូនស្រី​របស់​នាង​ដែល​មានការ​តុបតែង​ខ្លួន​ប្លែក ពេលមើលមួយភ្លែត​ ​ស្មានថា​តារា​រូប​នេះ​មិន​សម្លៀកបំពាក់​។

    ពាក្យរិះគន់ជាច្រើនបានអណ្ដែតនៅលើបណ្ដាញសង្គមហ្វេសប៊ុកដោយលើកឡើងថា «​សុ​ដន់ម៉ែ​» ​ដែលបទចម្រៀង​ថ្មី​របស់​ ​កា​តុ​ ​មិន​ត្រឹមតែ​មាន​អត្ថន័យ​ប្លែក​ប៉ុណ្ណោះទេ​ ​សូម្បីតែ​ស្ទីល​នៃ​ការ​តែង​ខ្លួន​នៅក្នុង​បទចម្រៀង​មួយ​បទ​នេះ​ ក៏​មាន​ភាព​ទាក់ទាញ​មិនធម្មតា​ដែរ​ រហូតដល់ធ្វើឱ្យពួកគេច​ចង់ធ្លាក់ថ្លើម ​ភ្ញាក់​ព្រឺតពេល​ឃើញ​រូបភាពនៃការសម្ដែង។

    យ៉ាងណាមិញ អ្នកនិពន្ធ សោម ដូរ៉េ ក៏បានបង្ហោះសារតបថា «ខ្ញុំសុំខ្លាចហើយ អ្នកComment ប្រមាថបទ #សុដន់ម៉ែ ប្រើពាក្យអាក្រក់ៗក្រៃលែង! ទាំងបទនេះខ្ញុំប្រិតប្រៀងមេឡូឌីភ្លេងថ្មី និងបញ្ជ្រាបចូលតម្លៃអប់រំខ្លាំងណាស់! ទាំងអត្ថន័យ សូម្បីតែ១ប្លង់ៗ រួមទាំង ការតុបតែងរចនាសម្លៀកបំពាក់តាំងពីក្បាលដល់ចុងជើង គឺសុទ្ធតែមានកន្លែងបង្កប់អត្ថន័យទាំងអស់! មិនមែនជា ការបង្ហាញគ្រាន់តែល្អមើល ឡូយ ចាកប្រធានបទ ឬឆ្លងវប្បធម៍បរទេស ដូចពួកគាត់និយាយឡើយ! ហើយក៏គ្មានប្លង់ណាស្រើបស្រាលដែរ! មិននឹកស្មានថា មួយរយៈចុងក្រោយនេះ ជំនោររិះគន់បែបជេរបញ្ចោរហាក់ដូចព្យុះបោកបក់ពន្លិចខ្ញុំស្ទើរតែដួលកម្លាំងចិត្តដើរ បន្តលើវិថីសិល្បៈម្តងៗ ព្រោះធ្វើអ្វីក៏ខុស! ប៉ុន្តែមិនថ្វី..ទោះជាយ៉ាងណាក៏ដោយខ្ញុំនៅតែប្តេជ្ញាក្រាញននាលតស៑ូអត់ធ្មត់ ឱនលំទោនទទួលយកការរិះគន់! ព្រោះអ្នករិះគន់មួយចំនួនធំគាត់បានរិះគន់ប្រកបដោយវិចារណញ្ញាណ ដោយប្រើញាណទាំង៥ច្បាស់មុននិងធ្វើការរិះគន់ ជាចេតនាអារម្មណ៍ ដើម្បីស្ថាបនានិង កែខៃឲ្យស្នាដៃកាន់តែប្រសើរឡើងតែប៉ុណ្ណោះ! ដូច្នេះហើយខ្ញុំអត់កញ្ជ្រោលខឹងតបតទេ ! គឺទទួលយកការរិះគន់ទាំងអស់មក ដាក់ក្នុងចិត្តដើម្បីត្រិះរិះពិចារណា ! ទុកឲ្យ Video footage នៃការផលិតបទ #សុដន់ម៉ែ ដែលនិងធ្វើការរៀបរាប់ពន្យល់ ពីអ្នកនិពន្ធ និងឆ្នៃម៉ូដគឺលោក LA ដែលនិងផុសនៅថ្ងៃពុធនេះនៅលើ Official Page #Town_Production សូមអរគុណអស់ពីដួងចិត្តសម្រាប់ការគាំទ្រ ហើយសូមបន្តការរិះគន់បន្ថែមទៀត ប្រៀបដូចជួយពញ្ញាក់ស្មារតី ឲ្យស្នាដៃខ្ញុំកាន់តែល្អ ដើម្បីបម្រើជូនទស្សនិកជនរាប់លានអ្នក រាប់លានអារម្មណ៍ គ្រប់វ័យគ្រប់ស្រទាប់វណ្ណៈ សូមអរគុណ! #សោម_ដូរ៉េ »។