Author: អេបិល

តារាសម្តែងស្រីល្បីឈ្មោះកញ្ញា ដួង មានិច នឹងក្លាយជាតារាសម្តែងស្រីឆ្នើមម្នាក់ពីកម្ពុជាលេចមុខក្នុងកម្មវិធីទទួលពានរង្វាន់ផ្នែកសិល្បៈធំមួយនៅប្រទេសថៃនាចុងខែមករាឆ្នាំ២០២០នេះ។

ពិតជាភ្ញាក់ផ្អើលសម្រាប់ដំណឹង១ដែលទទួលបានថា តារាសម្តែងពីកម្ពុជា កញ្ញា ដួង ម៉ានិច នឹងលេចមុខក្នុងព្រឹត្តិការណ៍ប្រគល់ពានរង្វាន់តារាឆ្នើមដ៏ធំមួយមានឈ្មោះថា” Thailand  Digital Awards 2020” ដែលនឹងត្រូវធ្វើឡើងនៅថ្ងៃទី២៦ ខែមករា ឆ្នាំ ២០២០នេះនាទីក្រុងបាងកក។ ព្រឹត្តិការណ៍នេះក៏នឹងមានវត្តមានសិល្បករប្រុសស្រីល្បីឈ្មោះយ៉ាងច្រើនកុះករ នៅព្រះរាជាណាចក្រថៃចូលរួមផងដែរដូចជាអ្នកនាង ផេន ខេកជាដើម។ តារាសម្តែងស្រីកញ្ញា ដួង ម៉ានិច លើកឡើងថានាងពិតជាមានមោទភាព និងរំភើបរកអ្វីមកផ្ទឹមពុំបានក្រោយពីផលិតករនៅប្រទេសថៃបានជ្រើសរើសនាងឲ្យចូលរួម និងទទួលពានជាតារាសម្តែងឆ្នើមពីកម្ពុជា។ នាងថានៅមានសិល្បករពីររូបផ្សេងទៀតដែលនឹងត្រូវចូលរួមក្នុងព្រឹត្តិការណ៍នេះផងដែរ ប៉ុន្តែនាងមិនទាន់ដឹងនៅឡើយទេថាជាតារារូបណា។ តារាស្រីរូបនេះបញ្ជាក់ថា នាងបានត្រៀមខ្លួនរួចជាស្រេចពិសេសការច្នៃម៉ូតរ៉ូតយ៉ាងប្រណីតបង្កប់ដោយអត្តសញ្ញាណខ្មែរចូលរួមព្រឹត្តិការណ៍ដ៏ធំ និងជាប្រវត្តិសាស្ត្រក្នុងអាជីពសិល្បៈរបស់នាង។ តារាស្រីវ័យ២៩ឆ្នាំរូបនេះបញ្ជាក់ថានាងថាជាក្តីស្រមៃមួយដែលនាងចង់បានជាយូរហើយពេលនេះបានក្លាយជាការពិត បន្ទាប់ពីប្រឡូកសិល្បៈអស់រយៈពេលជាង១ទសវត្សរ៍មកហើយ។

គួរបញ្ជាក់ដែរថា ចាប់ផ្តើមប្រឡូកក្នុងអាជីពសិល្បៈកាលពីអំឡុងឆ្នាំ ២០០៧ ក្រោយពីជាប់ជាកញ្ញាឯកប្រជាប្រិយ តារាសម្តែង ដួង ម៉ានិច ឆ្លងកាត់បទពិសោធន៍ និងការតស៊ូខ្លាំងលើវិស័យសិល្បៈ។ តារាសម្តែងមានទឹកដីកំណើតពីខេត្តបន្ទាយជ័យរូបនេះទទួលបានឱកាសច្រើនពីផលិតករជាច្រើន ព្រោះតែភាពរួសរាយរាក់ទាក់ ការគោរពពេលវេលា បូកផ្សំទាំងរូបសម្រស់ និងទេពកោលសល្យបានធ្វើឲ្យតារាស្រីរូបនេះទទួលបានការគាំទ្រច្រើនពីទស្សនិកជនគ្រប់វ័យ ហើយស្នាដៃសម្តែងភាពយន្តជាច្រើនសន្ធឹកសន្ធាប់ត្រូវបានតារាស្រីរូបនេះសម្រេចបាន៕

នៅរាត្រីថ្ងៃទី22 ខែមករា ឆ្នាំ2020 កម្មវិធី​សម្ពោធ​រឿង​ «ថេកចុងក្រោយ»​ ដែល​​ប្រព្រឹត្តិ​ឡើង​នៅ ​Major Cineplex by Smart សាខាអ៊ីអន១ បានធ្វើឡើងយ៉ាងអាធិកអាធម ដោយមានការចូលរួមយ៉ាងច្រើនកុះករពីសំណាក់អ្នកសារព័ត៌មាន Movie Reviewer ល្បីៗនិងតួអង្គសម្តែងជាច្រើន ដូចជាកំលោះសង្ហា នូ ឧសភា កញ្ញា ប៉ូ ចន្ទដាណែត កញ្ញា ប៉ៃ មុន្នីវ៉ាន់ចាន់ពិសិដ្ឋ (Ella) រឿងនេះជាស្នាដៃថ្មីរបស់ផលិតកម្ម LD picture ដែលជាស្នាដៃនិពន្ធរបស់ អ្នកនិពន្ធវ័យក្មេង ម៉ូ លិន ដែល ជាអ្នកសរសេររឿងនាឡិកា ដាស់វិញ្ញាណ។

បន្ទាប់ពីខ្សែភាពយន្ដ នាឡិកាដាស់វិញ្ញាណ នេះជាវណ្ណថ្មីសន្លាងបែបលស់ព្រលឹងមួយទៀតហើយរបស់ផលិតកម្ម អិល ឌី Picture ដែលភាពយន្ដធំនេះហើយចំណាយពេលផលិតជិត១ឆ្នាំ និង ចំណាយទុនផលិតរហូតដល់ទៅខ្ទង់ម៉ឺនដុល្លារអាមេរិក។ រឿង ថេកចុងក្រោយ “The last tag” ជាប្រភេទរឿងភ័យរន្ធត់ ដែលបង្កប់អត្តន័យជាច្រើននៅក្នុងនោះ ដូចមនោសញ្ចេតនាគ្រួសារ បងប្អូន និងមិត្តភក្តិ រឿងនេះផងដែរជារឿងទី១សម្រាប់បើកទំព័រឆ្នាំ២០២០ ដែលបានសម្រិតសម្រាំងនូវរសជាតិថ្មី ដើម្បីបម្រើរអារម្មណ៍ទស្សនិកជន ធានាថាប្លែក។

ជាមួយនឹងការបង្ហាញវត្តមាននាថ្ងៃនោះ តារាក្នុងសិល្បៈជាច្រើនបានបង្ហាញស្ទីលនៃការតុបតែងខ្លួនប្លែកៗ និង ស្រស់ស្អាតផ្សេងៗគ្នា មើលគួរឱ្យចាប់អារម្មណ៍ជាពន់ពេក ។ គួរឱ្យដឹងដែរថា ​​បន្ទាប់ពីដាក់សម្ពោធ រឿង​ ​«ថេកចុងក្រោយ»​ ​នឹង​ចាក់​បញ្ចាំង​ជា​ផ្លូវការ​ចាប់ពី​ថ្ងៃទី​ 23​ ​ខែ​ មករា​ ​នេះ​តទៅ​ ​នៅ​គ្រប់​រោងភាពយន្ត ​។​ ​តោះចង់ដឹងមានតារាណាខ្លះបានចូលរួម និង មានការតុបតែងខ្លួនបែបឡូយឆាយយ៉ាងណានោះ? សូមទស្សនារូបភាពខាងក្រោម ៖​

ដួង ម៉ានិច មួយរយៈកន្លងមកនិយមបង្ហាញខ្លួនក្នុងទម្រង់ឈុតបុរាណខ្មែរ ដែលធ្វើឱ្យកក្រើកនៅលើបណ្ដាញសង្គមហ្វេសប៊ុកនិងអ៊ីនស្ដាក្រាម ។ ដោយឡែកថ្មីៗនេះ តារាស្រីរូបនេះ តុបតែងខ្លួនក្នុងឈុតស្លៀកពាក់បុរាណចិន ផាត់មុខ ធ្វើសក់ ពាក់គ្រឿងអលង្ការរយីងរយោង ដើម្បីអបអរសាទរពិធីបុណ្យចូលឆ្នាំថ្មីប្រពៃណីចិន ត្រូវមហាជនលាន់មាត់សរសើរថាស្អាតប្លែកគួរជាទីគយគន់ម្យ៉ាង ។

ខណៈ គង់ ចាន់ស្រីមុំ តែងខ្លួន ចិនបែបនេះមហាជនលាន់មាត់ថាមើលមិនសឹងស្គាល់…! ឈុត​សម្លៀកបំពាក់​បែប​ប្រពៃណី​ចិន​យ៉ាង​ស្រស់​សោភា​ ​លេង​ជាមួយនឹង​ទឹកមុខ​កាច​បន្តិច​មើលទៅ​ស្អាត​ខ្លាំង​ ​ចំណាំ​សឹងតែ​មិនបាន​ ​។​​ តាមរយៈ​រូបភាព​ជាច្រើននៅលើបណ្ដាញ​ធ្វើឱ្យឃើញថា ​តារា​ស្រី​រូប​នេះ​ពិតជា​ស្អាត​ប្លែក​ ក្នុង​ឈុត​សម្លៀកអ្នកម្នាងចិន​ ស្អាតស្ទើរតែ​គ្រប់​ប៉ិ​ស្ដិ៍​ទៅ​ហើយ​៕

រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បានអនុញ្ញាតឱ្យប្រតិភូកូរ៉េ ដែលមកពី The Korea Rural Community Coroperation (KRC) ចូលជួបសម្តែងការគួរសម និងពិភាក្សាអំពីគម្រោងស្តីពីការបង្កើតទីតាំងដាំដុះ និងវេចខ្ចប់បន្លែខ្នាតធំ នៅក្នុងប្រទេសកម្ពុជា «Esta​bli​shment of Demonstrative Vegetable Production Complex in Cambodia»។ គម្រោងនេះ ​គ្រោងនឹងបង្កើតនៅខេត្តមណ្ឌលគីរី នាឆ្នាំ2020។

ឯកឧត្តម វេង សាខុន ក្នុងកិច្ចជំនួបដែលរៀបចំធ្វើឡើងនៅទីស្ដីការក្រសួងកសិកម្ម កាលពី​រសៀលថ្ងៃទី20 ខែមករា ឆ្នាំ2020 ជាមួយគណៈប្រតិភូកូរ៉េដែលមកពីស្ថាប័ន KRC ដឹកនាំដោយ Mr. Park Kiwook នាយកគ្រប់គ្រងការិយាល័យអភិវឌ្ឍន៍កសិកម្មនៅបរទេសនៃក្រសួងកសិកម្មកូរ៉េ។ 

ឯកឧត្តម វេង សាខុន បានសម្តែងការស្វាគមន៍យ៉ាងកក់ក្តៅ ចំពោះគណៈប្រតិភូ​ដែលបាន​អញ្ជើញមកបំពេញទស្សនកិច្ចនៅកម្ពុជា នាពេលនេះ និងជាពិសេសបានអញ្ជើញទៅធ្វើទស្សនកិច្ច នៅខេត្តមណ្ឌលគីរី ហើយទស្សនកិច្ចនេះ ពិតជាមានសារៈសំខាន់ ក្នុងការលើកកម្ពស់​កិច្ចសហ​ប្រតិ​បត្តិការរវាងក្រសួងកសិកម្ម រុក្ខាប្រមាញ់ និងនេសាទកម្ពុជា និងក្រសួងកសិកម្មកូរ៉េ ឱ្យកាន់​តែ​រឹងមាំ។

មិនត្រឹមតែប៉ុណ្ណោះ វាជាការបើកផ្លូវឱ្យ KRC ចូលមកសិក្សាស្វែងយល់បន្ថែមអំពីសក្តានុ​ពល​ដំណាំ​ដំឡូងបារាំងនៅខេត្តមណ្ឌលគីរី និងបន្លែសំខាន់ផ្សេងៗទៀត ដើម្បីរៀបចំគម្រោងអភិវឌ្ឍន៍​ដំណាំនេះ និងបន្លែនៅខេត្តនេះក្នុងឆ្នាំ2020  ដោយបច្ចុប្បន្ន KRC បាននិងកំពុងសហការជាមួយអគ្គនាយកដ្ឋានកសិកម្ម ធ្វើការសិក្សាលម្អិតទៅលើស្ថានភាពទូទៅទាក់ទងគុណភាពដី ទឹក អាកាសធាតុ ផលិតកម្ម ពូជ ទីផ្សារ និងបច្ចេកទេស។

លោក PARK Kiwook បានថ្លែងអំណរគុណលោករដ្ឋមន្ត្រី ដែលបានអនុញ្ញាតឱ្យលោក និងសហការីចូលជួបដើម្បីសម្តែងការគួរសម និងពិភាក្សាការងារទាក់ទងនឹងកម្មវត្ថុខាងលើ។ លោក បានជម្រាបជូន លោករដ្ឋមន្ត្រីថា  KRC មានចំណាប់អារម្មណ៍លើផលិតកម្មដំឡូងបារាំង និងប្រភេទបន្លែសំខាន់ៗ ដែលកសិករកំពុងផលិតនាពេលបច្ចុប្បន្ន។

លោក PARK បានមានប្រសាសន៍ថា៖«ដោយយល់ឃើញថា ខេត្តមណ្ឌលគីរីមានសក្តា​នុ​ពល​ល្អសម្រាប់ផលិតកម្មដំឡូងបារាំង និងបន្លែ ដោយយោងលើស្ថានភាពភូមិសាស្រ្ត និង​អាកាស​ធាតុ​ល្អ សម្រាប់ផលិតកម្មដំឡូងបារាំង កម្ពុជាមានសក្តានុពល ប៉ុន្តែផលិតកម្មនេះ នៅមិន​ទាន់បានអនុវត្តឱ្យបានពេញលេញ និងត្រឹមត្រូវលើខ្សែចង្វាក់ផលិតកម្ម និងទីផ្សារដែលជា​ដើម​ហេតុ​ចម្ប​ង ធ្វើឱ្យផលិតកម្មនេះ មិនអាចធ្វើការផ្គត់ផ្គង់ឱ្យទីផ្សារក្នុងស្រុកបានគ្រប់គ្រាន់ ទើប​តម្រូវ​ឱ្យកម្ពុជា ធ្វើការនាំចូលបន្លែផ្សេងៗ។ 

ហេតុនេះ នាពេលអនាគតគម្រោងនេះ គ្រោងនឹងបង្កើនផលិតភាពផលិតកម្មដំឡូងបារាំង និងបន្លែផ្សេងៗទៀត ដើម្បីផ្គត់ផ្គង់ឱ្យទីផ្សារក្នុងស្រុក និងឈានទៅធ្វើការកាត់បន្ថយ​បរិមា​ណ​នាំ​ចូល និងជាពិសេសចូលរួមបង្កើតការងារ ជូនប្រជាពលរដ្ឋដែលភាគច្រើន ជាជនជាតិដើមភាគតិច និង​បង្កើនប្រាក់ចំណូល។ នេះជាការបញ្ជាក់បន្ថែម របស់លោក PARK Kiwook។

ឯកឧត្តម រដ្ឋមន្ត្រី វេង សាខុន បានសម្តែងនូវសុទិដ្ឋិនិយម និងគាំទ្រលើគម្រោងនេះ ដោយហេតុ​ថា កន្លងមកផលិតកម្មដំឡូងបារាំងនៅកម្ពុជា ជាទូទៅកសិករមិនសូវនិយមដាំដុះប៉ុន្មានទេ ទើបតែប៉ុន្មាន​ឆ្នាំ​ចុង​​ក្រោយ ដែលមានគម្រោងដែលឧបត្ថម្ភដោយអង្គការ KOPIA KOREA សហការជាមួយសាកល​វិទ្យាល័យភូមិន្ទកសិកម្ម ធ្វើការសិក្សាស្រាវជ្រាវដាំសាកល្បងនៅខេត្តមណ្ឌលគីរីហើយ​លទ្ធផលនៃ​ការ​សិក្សា និងសាកល្បងនេះ បាន​បង្ហាញ​ឱ្យឃើញ​ថា ដំណាំមានការលូតលាស់ល្អ និងផ្តល់ទិន្នផល​គួរជាទីពេញ​ចិត្ត។

ឯកឧត្តម វេង សាខុន បានសម្តែងនូវការគាំទ្រ និងលើកទឹកចិត្ត ហើយ​សន្យា​​​​ថា នឹងផ្តល់កិច្ច​សហ​ការឱ្យបានពេញលេញ និងជាពិសេសឯកឧត្តមបានណែ​នាំឱ្យ​អគ្គនា​យក​ដ្ឋានកសិកម្ម និង​មន្ទីរ​​កសិ​កម្ម​ រុក្ខាប្រមាញ់ និងនេសាទខេត្ត ត្រូវបន្តផ្តល់កិច្ចសហការឱ្យបានល្អជាមួយ KRC ដើម្បី​ឱ្យ​គម្រោងនេះ ដំណើរការទៅដោយរលូន និងទទួលបានជោគជ័យ តាមការរំពឹងទុក គឺខេត្តមណ្ឌលគីរី អាច​ផលិត​ដំឡូងបារាំងបាន នាពេលអនាគត៕

នៅរាត្រីថ្ងៃទី ១៨ ខែមករា ឆ្នាំ ២០២០ នេះ ស្ថានីយន៍ទូរទស្សន៍ប៉ុស្ត៍លេខ ៥ បានប្រកាសបញ្ចប់ការថតរឿងភាគចំនួន៣រឿងព្រមគ្នារួមមានរឿង « ភ្លើងគុំនំ » រឿង « និស្ស័យខ្លុយស្នេហ៍ » និងរឿង « សម្បថដងស្ទឹង » ប្រកបដោយភាពសប្បាយរីករាយទាំងសិល្បករ និងក្រុមការងារផលិតក្នុងភោជនីយដ្ឋាន សមុទ្រព្រិល។

តារាល្បីៗចូលរួមសម្ដែងជាច្រើនដួងដូចជា កញ្ញា ព្រះកាយច័ន្ទ, កញ្ញា ទឹម រដ្ឋា, លោក អៀង ចេនឡា, លោក លឹម រដ្ឋា និង តារាកិត្តិយសល្បីៗ ព្រមទាំងក្រុមផលិតករខ្មែរ-ថៃ ជាច្រើនរូបបានអញ្ជើញមានវត្តមាននៅក្នុងកម្មវិធី។

លោក ហួង តារាមុនី បានប្រាប់ថា ភាពយន្តទាំងនេះក៏ជាស្នាដៃរបស់ក្រុមផលិតករមកពីប្រទេសថៃ សហការជាមួយនឹងក្រុមផលិតករខ្មែរប៉ុស្ត៍លេខ ៥ រួមគ្នាដើម្បីផលិតជាខ្សែរភាពយន្តដ៏ល្អឯកដើម្បីបម្រើចំណីចក្ខុរបស់ទស្សនិកជនអ្នកគាំទ្រដល់ស្ថានីយ៍ទូរទស្សន៍ប៉ុស្ត៍លេខ៥ផងដែរ ពិសេសនោះគឺដើម្បីគាំទ្រវិស័យរឿងភាគខ្មែរ ឱ្យកាន់តែល្បីល្បាញថែមទៀតផង។ យ៉ាងណាមិញ រឿងទាំង៣ គឺជាសមិទ្ធផលទី២២រួចមកហើយ ក៏ត្រៀមនឹងមានចាក់បញ្ចាំងនាពេលឆាប់ៗខាងមុខនេះជាបន្តបន្ទាប់ផងដែរនៅក្នុងកញ្ចក់ទូរស្សន៍ប៉ុស្ត៍លេខ៥ផ្ទាល់តែម្ដងបន្ទាប់ពីរឿងផ្សេងៗត្រូវបានបញ្ចប់៕

​​តាមរយៈ​បទ​សម្ភាស​ជាមួយនឹង​កាសែត​បរទេស​មួយ​ ​កីឡាករ​ជើងខ្លាំង​លំដាប់​ពិភពលោក​ ​Lionel​ ​Messi​ ​បាន​ថ្លែង​ថា​ ​ទោះបីជា​ ​Ronaldo​ ​ទៅដល់​ទីណា​ក៏ដោយ​ ​ក៏​កីឡាករ​ព័រទុយហ្គាល់​រូប​នេះ​ ​នៅតែ​ជាគូ​ប្រជែង​របស់​ខ្លូន​ដដែល​។​
​
​អស់​រយៈពេល​ ​1ទសវត្សរ៍​មក​ហើយ​ ​ដែល​ការ​ប្រជែង​របស់​ ​Messi​ ​និង​ ​Ronaldo​ ​នៅក្នុង​ក្របខ័ណ្ឌ​លី​ក​កំពូល​របស់​ប្រទេស​អេស្ប៉ាញ​បាន​គ្រប់គ្រង​បេះដូង​អ្នកទស្សនា​បាល់ទាត់​នៅ​អឺរ៉ុប​ ​ដោយ​ពួកគេ​ទាំង2​ ​បាន​គ្រប់គ្រង​ផ្តាច់​មុខ​សម្រាប់​ពានរង្វាន់​ដ៏​ល្បីល្បាញ​បំផុត​ក្នុង​ពិភពលោក​។​
​
​Messi​ ​បាន​បន្ថែម​ថា​ ​ការប្រកួត​ប្រជែង​ជាមួយ​ ​Ronaldo​ ​នឹង​មាន​រហូត​ ​បើ​ទោះបីជា​ការប្រកួត​ប្រជែង​នេះ​មាន​រយៈពេល​យូរណាស់​មក​ហើយក៏​ដោយ​ ​ហើយ​ការប្រកួត​ប្រជែង​ដល់កម្រិត​នេះ​ ​មិនមែន​ជា​រឿង​ងាយស្រួល​ទេ​ ​ព្រោះ​នេះ​គឺ​ការ​ទាមទារ​ពី​ក្លិប​របស់​ពួក​យើង​ទាំង2​។​
​
​គួរ​បញ្ជាក់​ផង​ដែរ​ថា​ ​ខ្សែប្រយុទ្ធ​ ​Messi​ ​និង​ខ្សែប្រយុទ្ធ​ ​Ronaldo​ ​ជាគូ​ប្រកួតប្រជែង​គ្នា​ជា​យូរណាស់​មក​ហើយ​ ​គឺ​ចាប់តាំងពី​ ​Ronaldo​ ​នៅ​លេង​ឱ្យ​ក្លិប​ ​Real​ ​Madrid​ ​តាំងពី​ដំបូង​មក​ម្ល៉េះ​៕​

​

​តាម​ការសិក្សា​របស់​ ​CIES​ ​Football​ ​Observatory​ ​បាន​ពិនិត្យ​ទៅលើ​តម្លៃ​ទីផ្សារ​ដោះ​ដូ​រកីទ្បា​ករ​នៅ​លើ​ពិភពលោក​ ​និង​បាន​បង្ហាញ​ឈ្មោះ​កី​ទ្បា​ករ​ទាំង5​ ​ដែល​មានតម្លៃ​ខ្លួន​ថ្លៃជាង​គេ​ក្នុង​ពិភពលោក​ឆ្នាំ2020​។​
​
​ក្នុង​នោះ​កី​ទ្បា​ករ​របស់​ក្រុម​ ​Paris​ ​Saint​-​Germain​ ​គឺ​ ​-​ ​Kylian​ ​Mbappé​ ​មានតម្លៃ​ខ្លួន​រហូត​ ​294លាន​ដុល្លារ​សហរដ្ឋអាមេរិក​ ​ជា​កី​ទ្បា​ករ​ដែល​មានតម្លៃ​ខ្លួន​ថ្លៃជាង​គេ​ក្នុង​ប្រវត្តិសាស្ត្រ​បាល់ទាត់​ឆ្នាំ2020នេះ​។​

​ខាងក្រោម​នេះ​ ​គឺ​ឈ្មោះ​កី​ទ្បា​ករ​ទាំង​ ​5រូប​ដែល​មានតម្លៃ​ខ្លួន​ថ្លៃជាង​គេ​ក្នុង​ពិភពលោក​ ​ក្នុង​ឆ្នាំ2020នេះ​៖​
​1​-​ ​Kylian​ ​Mbappé​ ​កី​ទ្បា​ករ​របស់​ ​Paris​ ​Saint​-​Germain​ ​មានតម្លៃ​ខ្លួន​ ​265លាន​ផោន​(​294លាន​ដុល្លារ​សហរដ្ឋអាមេរិក​)​

​2​-​ ​Raheem​ ​Sterling​ ​កី​ទ្បា​ករ​របស់​ក្រុម​ ​Manchester​ ​City​ ​មានតម្លៃ​ខ្លួន​ ​223​ ​លាន​ផោន​(​250លាន​ដុល្លារ​សហរដ្ឋអាមេរិក​)​

​3​-​ ​Mohammed​ ​Salah​ ​កី​ទ្បា​ករ​របស់​ក្រុម​ ​Liverpool​ ​មានតម្លៃ​ខ្លួន​ ​175លាន​ផោន​ ​(​194លាន​ដុល្លារ​សហរដ្ឋអាមេរិក​)​

​4​-​ ​Jadon​ ​Sancho​ ​កី​ទ្បា​ករ​របស់​ក្រុម​ ​Borussia​ ​Dortmund​ ​មានតម្លៃ​ខ្លួន​ ​168លាន​ផោន​(​187លាន​ដុល្លារ​សហរដ្ឋអាមេរិក​)​

​5​-​ ​Sadio​ ​Mané​ ​កី​ទ្បា​ករ​របស់​ក្រុម​ ​Liverpool​ ​ដែល​មានតម្លៃ​ខ្លួន​ ​155លាន​ផោន​(​178លាន​ដុល្លារ​សហរដ្ឋអាមេរិក​)​។​

​ប៉ុន្តែ​ក្នុង​នោះ​ ​មិន​មានឈ្មោះ​របស់​កី​ទ្បា​ករ​ល្បីល្បាញ​លំដាប់​ពិភពលោក​ ​3រូប​ ​គឺ​ ​Cristiano​ ​ronaldo​,​ ​Messi​ ​និង​ ​Neymar​ ​Jr​ ​ទេ​៕​