Author: អេបិល

  • ស៊ុន ស្រីពេជ្រ ចេញពីរស្មីហង្សមាស ក៏មិនភ័យខ្លាចធ្លាក់ប្រជាប្រិយដែរ

    ស៊ុន ស្រីពេជ្រ ចេញពីរស្មីហង្សមាស ក៏មិនភ័យខ្លាចធ្លាក់ប្រជាប្រិយដែរ

    បន្ទាប់ពីមានដំណឹងលេចឮថា តារាចម្រៀងស្រីនិយមបែបមនោសញ្ចេតនាស្រុកស្រែ និង និយមបែបប្រពៃណីបុរាណខ្មែរ កញ្ញា ស៊ុន ស្រីពេជ្រ បានចូលទៅជ្រកនៅក្នុងផលិតកម្មថោនហើយនោះ តារាស្រីរូបនេះបានផ្ដល់បទសម្ភាសជាពិសេសជុំវិញបញ្ហានេះ ជាមួយអ្នកសារព័ត៌មាន ឡារ៉ែន ខណៈដែលនាងបានចូលរួមកម្មវិធីខួបអាពាហ៍ពិពាហ៍ 14ឆ្នាំ របស់លោក កុយ ស៊ីឌឿន កាលពីពេលកន្លងទៅ។

    ស៊ុន ស្រីពេជ្រ បាននិយាយថា “ចា៎ស បងបានចេញពីផលិតកម្មចម្រៀងរស្មីហង្សមាសហើយ ហើយក៏មានផលិតកម្មធំក្នុងស្រុកដ៏ល្បីមួយដែរ បានហៅបងទៅថតបទចម្រៀងសម្រាប់អបអរពិធីបុណ្យភ្ជុំបិណ្ឌ ដែលទាំងអស់មានចំនួន 5បទរួចហើយ”។

    មានសំណួរមួយទៀតបានចោទសួរថា តើបងស្រី ស៊ុន ស្រីពេជ្រ បានចូលទៅច្រៀងក្នុងផលិតកម្មថោន តើពិតដែរឬទេ? ព្រោះកន្លងមកមានដំណឹងលេចឮជាច្រើន ថាបងបានទៅជ្រកនៅទ្រនំនោះហើយ។ មិនបង្អង់យូរ តារាស្រីល្បីបទទេសចរណ៍រូបនេះបានបញ្ជាក់ប្រាប់ថា “រឿងនេះបងសុំមិនទាន់និយាយសិន ចាំដល់ពេលចេញបទចម្រៀងមក អ្នកគាំទ្រនឹងបានដឹងមិនខាន” ។

    កញ្ញា ស៊ុន ស្រីពេជ្រ បានបញ្ជាក់ប្រាប់ថា បើទោះបីជានាងបានចេញពីផលិតកម្ម រស្មីហង្សមាស ជាផលិតកម្មធំក្ដី ក៏ប៉ុន្ដែនាងមិនបានភ័យបារម្ភក្នុងការធ្លាក់ប្រជាប្រិយភាពឡើយ ស្រីពេជ្របាននិយាយទាំងក្ដីសង្ឃឹមថា “មិនភ័យខ្លាចទេ ព្រោះបងរំពឹងទៅលើអ្នកគាំទ្រដែលបានគាំទ្របទចម្រៀងបងពីមុនៗមក ហើយថ្មីៗខាងមុខនេះ បងនឹងមានចេញបទចម្រៀងទេសចរណ៍ជាច្រើនបទទៀត ដើម្បីត្រៀមនៅក្នុងពិធីបុណ្យសមុទ្រ នាខែធ្នូ ឆ្នាំ2017 ខាងមុខនេះទៀតផង”៕

  • ឪពុកម្ដាយ ណា ខុន ធ្លាក់ខ្លូនឈឺព្រមគ្នាក្នុងថ្ងៃតែមួយ

    ឪពុកម្ដាយ ណា ខុន ធ្លាក់ខ្លូនឈឺព្រមគ្នាក្នុងថ្ងៃតែមួយ

    លោក ណា ខុន ដែលត្រូវបានស្គាល់គេថា ជាតារាសម្ដែងដែលកំពុងមានប្រជាប្រិយភាពបំផុតនាពេលបច្ចុប្បន្នតាមរយៈរឿងភាគទូរទស្សន៍ PNN គឺរឿង កញ្ញាអម្ពិលផ្អែម និងកំពុងតែថតរឿង ម្ចាស់ចម្ការ ផងដែរនោះ ដោយឡែកនៅព្រឹកថ្ងៃទី10 ខែកក្កដា ឆ្នាំ 2017 នេះលោកកំពុងមានទុក្ខសោកយ៉ាងខ្លាំងចំពោះអាការជំងឺឪពុកម្ដាយរបស់លោកដែលបាននាំទៅពិនិត្យសុខភាពនៅមន្ទីរពេទ្យឯកជនមួយដែលមានឈ្មោះថា មន្ទីរសម្រាកព្យាបាល លឹមតាំង ហើយដែលគេបានឃើញតាមរយៈរូបភាពនៅលើបណ្ដាញសង្គម Facebook នោះ បានឱ្យដឹងថា ស្ថានភាពរបស់ឪពុកម្ដាយលោក ណាខុន ស្ថិតក្នុងសភាពគួរឱ្យបារម្ភ។

    តាមរយៈរូបភាពប៉ុន្មានសន្លឹកមុននេះបន្ដិចនៅលើ Facebook ផ្ទាល់ខ្លួនរបស់ណា ខុន លោកបានបង្ហោះសារថា “នាំប៉ាម៉ាក់មកឱ្យពេទ្យថត ឃើញហើយថា ម៉ាក់បាក់ដៃ ប៉ាគ្រុនពោះវៀន និងឈឺក្រពះ ជូនពរឱ្យប៉ាម៉ាក់ឆាប់ជា”។ មិនតែប៉ុណ្ណោះនៅមានអ្នកគាំទ្រជាច្រើនបានចូលទៅជូនពរលោក និងឪពុកម្ដាយឱ្យបានឆាប់ជាសះស្បើយផងដែរ។

    លោក ណា ខុន បានបញ្ជាក់ប្រាប់អ្នកយកព័ត៌មាន ឡា រ៉ែន តាមទូរស័ព្ទថា “បាទបង ព្រឹកនេះខ្ញុំបានជូនឪពុកម្ដាយខ្ញុំទៅពិនិត្យជំងឺ ដែលម្ដាយខ្ញុំបានឈឺដៃអស់រយៈពេលកន្លះខែមកហើយ រួចក៏បានថតទៅឃើញថា គាត់បាក់ដៃ ហើយឪពុករបស់ខ្ញុំវិញ គាត់មានជំងឺគ្រុនពោះវៀនរយៈពេល 1 ខែដែរហើយ ដែលព្រឹកនេះខ្ញុំបាទជាកូនប្រុសបានបំពេញកាតព្វកិច្ចជូនគាត់ទៅពេទ្យ បើទោះបីជាមានភាពមមាញឺកក្នុងការងារជាច្រើនយ៉ាងណាក៏ដោយ”។ លោកបានបញ្ជាក់ថា រាល់ការចំណាយថ្លៃពេទ្យគឺលោកជាអ្នករ៉ាប់រង តែសុំមិនបញ្ជាក់ពីតម្លៃនោះទេ។

    គួបញ្ជាក់ផងដែរថា ថ្មីៗនេះតារារូបនេះកំពុងមានការងារថ្មីពីរក្នុងការថតរឿង គឺរឿង នាវាជីវិត របស់ស្ថានីយទូរទស្សន៍ប៉ុស្ដិ៍លេខ 5 និងកំពុងគ្រោងរៀបចុះកុងត្រាថតរឿងជាមួយស្ថានីយទូរទស្សន៍ប៉ុស្តិ៍បាយ័នបន្ថែមទៀត៕

  • បវរកញ្ញា Miss Grand Thailand ពាក់មកុដមិនទាន់ស្រួលបួលផង ម្ចាស់ឈុតទារលុយថ្លៃឈុតភ្លាម

    បវរកញ្ញា Miss Grand Thailand ពាក់មកុដមិនទាន់ស្រួលបួលផង ម្ចាស់ឈុតទារលុយថ្លៃឈុតភ្លាម

    នៅរាត្រីថ្ងៃទី8 ខែកក្កដា ឆ្នាំ2017 ជារាត្រីដ៏អស្ចារ្យមួយក្នុងការប្រកាសលទ្ធផលនៃការប្រកួត Miss Grand Thailand 2017 ដែលសំណាងល្អបានធ្លាក់ទៅលើបវរកញ្ញាដែលមានឈ្មោះថា ផែម ប៉េមីកា ជាបវរកញ្ញាឈ្នះការប្រកួតបានគ្រងមកុដក្នុងឆ្នាំនេះ ហើយក៏ជាបវរកញ្ញាតំណាងឱ្យប្រទេសថៃ ទៅប្រកួតនៅឆាកអន្ដរជាតិ Miss Grand International 2017 ដែលនាងក៏ជាតំណាងឱ្យខេត្ត Chanthaburi ផងដែរ។

    ទន្ទឹមនឹងទទួលបានរង្វាន់មកុដដែលមានតម្លៃប្រហែលជា 12០,០០០​បាត​ និង​រង្វាន់បន្ថែម​ជា​ច្រើន​ទៀតដូចជា​ ផ្ទះ​ ដី​ រួម​ទាំង​ឡាន​ទំនើប​ ១​គ្រឿង​ និង​រង្វាន់​ជា​ច្រើន​ទៀត​សរុបជាង ៦​លានបាតនោះ មិនទាន់ទាំងបានបំពាក់ម្កុដស្រួលបួលប៉ុន្មានផង បវរកញ្ញារូបនេះក៏ត្រូវបានម្ចាស់ហាងលក់សម្លៀកបំពាក់មួយដែលមានឈ្មោះថា Bowii SadarinSirikul បង្ហោះសារនៅលើទំព័របណ្តាញសង្គម Facebook ទារលុយថ្លៃឈុតចំនួន 20 ឈុតដែលនាងបានជួលយកទៅស្លៀកប្រកួតនៅក្នុងកម្មវិធី និងធ្វើឱ្យមានការខូតខាតចំពោះឈុតទាំងអស់នោះទៀតផង។

    ចំពោះបញ្ហានេះ Miss Grand ផែម ប៉េមីកា បានរៀបរាប់ថា “មុនការប្រកួតនេះ នាងខ្ញុំបានទៅយកឈុតនៅក្នុងហាងមួយកន្លែងសម្រាប់ស្លៀកប្រកួតជាង 20 ឈុត និងសម្រាប់ពេលឡើងបង្ហាញខ្លួនផង ដោយមិនបានឱ្យថ្លៃឈ្នួលឈុតអស់ទេ ព្រោះមានការឯកភាពគ្នាថា នឹងយកទៅសងហាងវិញ ក៏ប៉ុន្ដែ នាងខ្ញុំមិនបានធ្វើតាមការព្រមព្រៀងគ្នានោះឡើយ ថែមទាំងនាំយកឈុតដែលស្ថិតក្នុងសភាពប្រឡាក់ប្រឡូសនោះទៅឱ្យគេវិញ និងថែមទាំងមិនបានបង់លុយថ្លៃបោកសម្អាតទៀត ទើបត្រូវម្ចាស់ហាងផូស្តទារលុយភ្លាមៗបែបនេះ”៕

  • តារាស្រីថៃ Punpun Sutatta ចិត្តបុណ្យបង្រៀនភាសាអង់គ្លេសដល់ព្រះសង្ឃ

    តារាស្រីថៃ Punpun Sutatta ចិត្តបុណ្យបង្រៀនភាសាអង់គ្លេសដល់ព្រះសង្ឃ

    ក្រៅពីមានរូបសម្រស់ស្រស់ស្អាតហើយ ថែមទាំងមានទឹកចិត្តល្អទៀត សម្រាប់តារាសម្ដែងស្រីដែលកំពុងទាក់ទាញចិត្តយុវវ័យ Punpun Sutatta នាពេលនេះ ដោយសាមីខ្លួនបានប្រើបា្រស់ពេលវេលាជាផលប្រយោជន៍ដល់មនុស្សជាតិ ដោយបានពាំនាំនូវចំណេះដឹងពាក់ព័ន្ធនឹងភាសាអង់គ្លេសទៅធ្វើជាគ្រូភាសាអង់គ្លេសបង្ហាត់បង្រៀនដល់ព្រះសង្ឃដោយផ្ទាល់នៅក្នុងបរិវេណវត្ត ថាំម៉ុងឃន់ ដែលមានអ្នកគាំទ្រជាច្រើនបានប្រាប់ថា តារាស្រីរូបនេះបានចុះទៅបង្រៀនភាសាអង់គ្លេសដល់ព្រះសង្ឃដោយផ្ទាល់ជាច្រើនវត្តមកហើយ រហូតដល់ព្រះសង្ឃទ្រង់មានសមត្ថភាពប្រើប្រាស់ភាសានេះបានខ្លះៗហើយ និងទង្វើនេះអាចនិយាយបានថា ក្រៅពីល្អប្រពៃហើយ នាងថែមទាំងមានសមត្ថភាពខាងផ្នែកបង្រៀនភាសាទៀតផង។

    គួរបញ្ជាក់ផងដែរថា តារាស្រីល្បីឈ្មោះនៅក្នុងរឿង Hormone រូបនេះ ក៏ធ្លាប់មានព័ត៌មានល្បីល្បាញម្ដងរួចមកហើយដែរ ក្នុងការចុះទៅបង្រៀនភាសាអង់គ្លេសដល់ព្រះសង្ឃកាលពីខែកញ្ញា ឆ្នាំ2016 កន្លងមក ដែលនាងបានគិតថា នេះគឺជាការងារមួយដែលមានផលប្រយោជន៍ដល់សង្គមជាតិ ដែលអាចរាប់បានថា គឺជាអំពើកុសលផលបុណ្យដែលល្អមួយ។

    បើទោះបីជានាងជាតារាជំនាន់ថ្មីក៏ដោយ ក៏ប៉ុន្ដែ Punpunត្រូវបានទទួលស្គាល់ថា មានអ្នកចាប់អារម្មណ៍ និងតាមដានព៏ត៌មានរបស់នាងច្រើនបំផុតនៅលើបណ្ដាបណ្ដាញទំនាក់ទំនងសង្គម Facebook និង Instargramទាំងឡាយ៕

  • សមាជិកក្រុមចម្រៀងស្រី Brown Eyed Girls បែកគ្នាជាមួយគូស្នេហ៍ ព្រោះប្រើគ្រឿងញៀន

    សមាជិកក្រុមចម្រៀងស្រី Brown Eyed Girls បែកគ្នាជាមួយគូស្នេហ៍ ព្រោះប្រើគ្រឿងញៀន

    ទៅមិនរួចមួយគូទៀតហើយ! បន្ទាប់មានរឿងរ៉ាវក្ដៅគគុកកំពុងតែផ្ទុះឡើងនៅតាមបណ្ដាញទំនាក់ទំនងសង្គម នោះគឺតារាចម្រៀងស្រីជាសមាជិកនៅក្នុងក្រុមចម្រៀង Brown Eyed Girls នាង Ga In ត្រូវបានមិត្តភ័ក្តិរបស់គូស្នេហ៍ខ្លួន Joo Ji Hoon តារាឯកប្រុសនៅក្នុងរឿងភាគល្បី Princess Hour បបួលទៅជក់កញ្ឆាជាមួយគ្នា រហូតដល់ត្រូវប៉ូលិសចាប់ខ្លួនបាន ហើយនៅទីបំផុតសម្ព័ន្ធភាពរវាងនាង និងគូស្នេហ៍នៅពេលនេះក៏ត្រូវដល់ទីបញ្ចប់។

    ក្រុមហ៊ុន Key East ជាអ្នកគ្រប់គ្រងតារាឯកប្រុសនេះបានចេញមុខមកអះអាងព័ត៌មានដែលគូស្នេហ៍នេះចែកផ្លូវគ្នា បន្ទាប់ពីមានសម្ព័ន្ធភាពស្នេហាជាមួយគ្នាអស់រយៈពេល 3 ឆ្នាំហើយនោះ ដោយបានថ្លែងថា “នេះជារឿងពិតប្រាកដណាស់ ពួកគេបានចែកផ្លូវគ្នាហើយ និងបានអះអាងតាមហេតុផលដែលមានពិតប្រាកដជាក់ស្ដែងនេះ ព្រោះភាពផ្ទាល់ខ្លួនរបស់ពួកគេរៀងខ្លួននោះ វាសំខាន់ជាងការដែលលើកលែងទោសដល់ការប្រព្រឹត្តខុសច្បាប់នៅគ្រានេះទៅទៀត”។

    ចំណែកឯខាងផលិតកម្ម Mystic Entertainment អ្នកគ្រប់គ្រងតារាស្រី Ga In វិញ បានចេញមកអះអាងដូចគ្នា និងសំណូមពរឱ្យអ្នកគាំទ្រទាំងឡាយយល់ថា រឿងលម្អិតនៃការចែកផ្លូវគ្នានោះ មិនអាចបើកបង្ហាញឱ្យដឹងបន្ដទៀតបានទេ។

    គួរបញ្ជាក់ផងដែរថា អតីតគូស្នេហ៍ចាប់ផ្ដើមបើកបង្ហាញពីទំនាក់ទំនងស្នេហ៍កាលពីខែឧសភា ឆ្នាំ2014 មុនពេលដែលមានព័ត៌មានតារាស្រីរូបនេះត្រូវប៉ូលិសចាប់ខ្លួន ពីបទប្រើប្រាស់គ្រឿងញៀនប្រភេទកញ្ឆាខុសច្បាប់ នាងក៏បានបដិសេធនូវរឿងទាំងអស់នេះផងដែរ ប្រហែលជាចំនួនកញ្ឆានៅក្នុងគ្រានេះច្រើនពេក ទើបធ្វើឱ្យរង្គោះរង្គើដល់សម្ព័ន្ធស្នេហារបស់នាងបែបនេះ៕

  • ប៊ី សុធារី គ្រងតំណែងបវរកញ្ញាចក្កវាឡកម្ពុជាចេញទៅប្រកួត Miss Universe 2017ជាលើកដំបូងបង្អស់

    ប៊ី សុធារី គ្រងតំណែងបវរកញ្ញាចក្កវាឡកម្ពុជាចេញទៅប្រកួត Miss Universe 2017ជាលើកដំបូងបង្អស់

    ជាលើកដំបូងបង្អស់ហើយដែលប្រទេសកម្ពុជាត្រូវបានរៀបចំដាក់បញ្ចូលក្នុងកម្មវិធីប្រកួតបវរកញ្ញាចក្កវាឡ Miss Universe 2017 ដែលកញ្ញា ប៊ី សុធារី ជាបេក្ខនារីបវរកញ្ញាតំណាងប្រទេស កម្ពុជា​ ក្នុងការចូលទៅប្រកួតជាមួយបវរកញ្ញាចក្កវាឡដែលមកពីបណ្ដាប្រទេសនានា មិនត្រឹមតែប៉ុណ្ណោះទេនាងត្រូវបានទៅប្រកួតក្នុងនាមជាតំណែងបវរកញ្ញា Miss Universe 2017 និង Miss Earth 2017 ប្រចាំប្រទេសកម្ពុជាផងដែរ។

    បវរកញ្ញាតំណាងកម្ពុជាវ័យ 19 ឆ្នាំរូបនេះក្លាយជានារីកម្ពុជាទី1 ដែលបានទៅចូលរួមក្នុងកម្មវិធីប្រកួត Miss Earth 2017 បន្ទាប់ពីរយៈពេល 11 ឆ្នាំចុងក្រោយដែលប្រទេសកម្ពុជាធ្លាប់បានចូលរួមប្រកួតកាលពីឆ្នាំ 2006 មក។ ដោយឡែកតារាម៉ូដែល និងជាសិស្សវិទ្យាល័យ និងជាបវរកញ្ញាចក្កវាឡកម្ពុជា បានរៀបរាប់នៅលើបណ្ដាញទំនាក់ទំនងសង្គម Facebook Page របស់ខ្លួនថា “ទីបំផុតព័ត៌មានជាផ្លូវការរបស់កញ្ញាឯកចក្កវាឡកម្ពុជាបានចេញជាផ្លូវការហើយ គឺនាងខ្ញុំនឹងតំណាងឱ្យព្រះរាជាណាចក្រកម្ពុជាជាលើកដំបូងទៅប្រកួតជាផ្លូវការក្នុងកម្មវិធី បវរកញ្ញាចក្កវាឡ 2017  នាងខ្ញុំនឹងខិតខំប្រឹងប្រែងអោយអស់ពីសមត្ថភាពដើម្បីការប្រកួតមួយនេះ ហើយសង្ឃឹមថា ទាំងអស់គ្នានឹងជួយគាំទ្រដល់នាងខ្ញុំទាំងអស់គ្នា.. អរគុណ!”៕

  • រូបប៉ុន្មានសន្លឹករបស់ Fan Bingbing បញ្ចេញសាច់សខ្ចីគួរឱ្យទាក់ទាញផុតកំពូល!!

    រូបប៉ុន្មានសន្លឹករបស់ Fan Bingbing បញ្ចេញសាច់សខ្ចីគួរឱ្យទាក់ទាញផុតកំពូល!!

    ពិតជាមិនធម្មតាមែនសម្រាប់រាជិនីកំពូលសម្រស់ប្រចាំប្រទេស​ចិន នាង Fan Bingbing ដែលត្រូវបានអញ្ចើញឱ្យចូលរួមក្នុងកម្មវិធីបង្ហាញម៉ូដ French Fashion Week ឆ្នាំ 2017 ក្នុងទីក្រុងប៉ារីស ប្រទេសបារាំង។ ដំណើររបស់នាងត្រូវបានទទួលស្វាគមន៍ដោយក្រុមគណៈកម្មការរៀបចំការបង្ហាញម៉ូដ ដែលតម្រូវឱ្យនាងបង្ហាញឈុតរ៉ូបពណ៌ក្រហម និងពណ៌ខៀវដែលស្តើងឆ្លុះឃើញសាច់ដ៏សខ្ចីរបស់នាង ព្រមទាំងក្រែមលាបបបូរមាត់ពណ៌ក្រហមទៀតនោះ រឹតតែធ្វើឱ្យនាងកាន់តែសិចស៊ី និងទាក់ទាញខ្លាំងបំផុត។

    គួរបញ្ជាក់ផងដែរថា Fan Bingbing ហាក់ដូចជាស្ងាត់រឿងដំណឹងរៀបអាពាហ៍ពិពាហ៍ជាមួយគូស្នេហ៍ Li Chen វិញហើយ ដែលកាលពីមុននាងធ្លាប់បានធ្វើឱ្យផ្អើលសារព័ត៌មានម្តងរួចមកហើយកាលពីខែឧសភាកន្លងទៅ  ក៏ប៉ុន្ដែមកទល់ពេលនេះនៅមិនទាន់មានដំណឹងរៀបការរបស់នាងជាក់លាក់ណាមួយត្រូវបានបញ្ជាក់បន្ថែមទៀតនៅឡើយទេ។ គួររំឭកដែរថា Fan Bingbing មានទំនាក់ទំនងជាមួយគូស្នេហ៍តាំងពីឆ្នាំ2015មកម្ល៉េះ៕

  • Brad Pitt កាន់តែស៊ីជម្រៅជាមួយ Sienna Miller

    Brad Pitt កាន់តែស៊ីជម្រៅជាមួយ Sienna Miller

    Brad Pitt បានបែកបាក់ជាមួយអតីតភរិយា Angelina Jolie នៅខែកញ្ញា ឆ្នាំ2016 បន្ទាប់ពីភរិយាបានដាក់ពាក្យលែងលះភ្លាមៗ។ ប៉ុន្ដែតារាប្រុសរូបនេះបានចំណាយពេលជាថ្មីម្ដងទៀតជាមួយនឹងតារាស្រីជនជាតិអង់គ្លេស Sienna Miller ។ នេះបើតាមការចេញផ្សាយរបស់សារព័ត៌មាន UsWeekly ។

    អ្នកទាំងពីរបានលួចភ្ជាប់ទំនាក់ទំនងគ្នាយ៉ាងស្ងាត់ៗអស់មួយរយៈពេលកន្លងទៅហើយ និងនៅពេលថ្មីៗនេះ កាលពីអំឡុងខែមិថុនា គេបានប្រទះឃើញអ្នកទាំងពីរបណ្ដើរគ្នាយ៉ាងត្រសងនៅក្នុងកម្មវិធី Glastonbury Festival ។

    យ៉ាងណាមិញ សេចក្ដីស្នេហារ៉ូមែនទិករបស់ពួកគេបានសង្ឃឹមថា នឹងអាចទាញយកប្រជាប្រិយភាពពីទស្សនិកជនឱ្យគាំទ្រឡើងវិញបានតាមរយៈខ្សែភាពយន្ដថ្មី ដែលគ្រោងដាក់បញ្ចាំងនៅប្រទេសប្រេស៊ីល ក្រោមស្នាដៃដឹកនាំផលិត និងសម្ដែងដោយ Ad Astra និង Tommy Lee Jones ដែលមានអ្នកទាំងពីរ(Pitt និងMiller)ជាគូស្នេហ៍តួឯកប្រុសស្រីនៅក្នុងរឿងថ្មីនេះ។

    បើតាមប្រភពស្និទ្ធបំផុតរវាងតារាប្រុសវ័យ 53 ឆ្នាំ​ និងតារាស្រីវ័យ 35​ ឆ្នាំ បានប្រាប់សារព័ត៌មាន Dailymail ថា ” ពួកគេបានចំណាយពេលខ្លះនៅជាមួយគ្នាយ៉ាងអាថ៌កំបាំង”។ ហើយមានប្រភពមួយទៀតបានបន្ដប្រាប់ទៀតផងដែរថា មាននៅពេលខ្លះពួកគេបាននៅធ្វើការតែពីរនាក់រហូតដល់អាធ្រាត្រ និងទល់ភ្លឺក៏មានដែរ។

    គួរបញ្ជាក់ផងដែរអំពីទំនាក់ទំនងស៊ីជម្រៅរវាងតារាទាំងពីរដួងនេះដែលបានលេចឮជាព័ត៌មានបណ្ដើរៗ ហើយអ្វី ដែលធ្វើឱ្យអ្នកគាំទ្រទាំងអស់មានមន្ទិលសង្ស័យខ្លាំងបំផុត បើទោះបីជាមានព័ត៌មានខ្លះបាននិយាយអំពីក្ដីព្រួយបារម្ភរបស់ Pitt ចំពោះ Jolie និងកូនៗទាំង 6 នាក់ក៏ដោយ ក៏នៅតែមិនអាចលាក់បាំងអំពីការទាក់ទងលួចលាក់ជាមួយតារាស្រីជនជាតិអង់គ្លេសនេះបានដែរ។ ហើយគួររំឭកផងដែរថា កាលដែល Brad Pitt បានជួបជាមួយ Sienna Miller លើកដំបូង គឺនៅឆ្នាំ 2015 នៅពេលដែលតារាស្រីរូបនេះបានចូលមកដាក់ពាក្យជ្រើសរើសតួសម្ដែងនៅក្នុងរឿង The Lost City Of Z ៕

  • Jennifer Lopez បញ្ចេញបទថ្មី តែមិនសូវមានអ្នកគាំទ្រ

    Jennifer Lopez បញ្ចេញបទថ្មី តែមិនសូវមានអ្នកគាំទ្រ

    នៅថ្ងៃទី4 ខែកក្កដា​​ ឆ្នាំ2017 តារាចម្រៀង Jennifer Lopez បានបញ្ចេញបទចម្រៀងថ្មីរបស់ខ្លួននៅលើ VeVo ដែលមានចំណងជើងថា “Ni Tú Ni Yo” ដែលច្រៀងរួមគ្នាជាមួយតារាចម្រៀងប្រុស Gente de Zona ជាវីដេអូ MV Lyrics ដែលរហូតមកដល់ថ្ងៃនេះ ម៉ោងនេះ ទើបតែមានអ្នកចូលទស្សនាតែជាង 5 ម៉ឺននាក់ប៉ុណ្ណោះ មិនសូវជាមានសម្ទុះខ្លាំងដូចបទចម្រៀងមុនៗរបស់នាងឡើយ។

    តារាចម្រៀងវ័យ 47 ឆ្នាំរូបនេះទើបតែបញ្ចប់ការសម្ដែងផ្ទាល់របស់ខ្លួនក្នុងការផ្សព្វផ្សាយបទថ្មីនេះនៅលើកញ្ចក់ទូរទស្សន៍ NBC កាលពីល្ងាចថ្ងៃម្សិលមិញ ហើយនាងរំពឹងទុកថា ការបញ្ចេញបទចម្រៀងថ្មីរបស់នាងនៅលើបណ្ដាញសង្គមអនឡាញនានា និងទទួលបានការគាំទ្រពីទស្សនិកជនដែលនិយមស្ដាប់សំឡេងរបស់នាង។ ក៏ប៉ុន្តែ ដើម្បីកាន់តែជាក់ច្បាស់ថា តើបទ “Ni Tú Ni Yo” នោះពីរោះដល់កម្រិតណា សូមទស្សនាវីដេអូខាងក្រោមនេះ៖

  • តារាហុងកុង Ray Lui គ្រងតំណែងពានរង្វាន់មាសសម្ព័ន្ធភាពល្អថៃ-ចិន នៅទីក្រុងបាងកក

    តារាហុងកុង Ray Lui គ្រងតំណែងពានរង្វាន់មាសសម្ព័ន្ធភាពល្អថៃ-ចិន នៅទីក្រុងបាងកក

    តារាឯកប្រុសហុងកុង Ray Lui បានបង្ហាញវត្តមាននៅលើកម្រាលព្រំក្រហមក្នុងឱកាសទទួលពានរង្វាន់មាស Thailand Headlines Person Of The Year Award 2017 ជាពានរង្វាន់សម្ព័ន្ធភាពល្អថៃ-ចិន នៅទីក្រុងបាងកក ប្រទេសថៃ។ ដោយឡែកតារារូបនេះបានធ្វើឱ្យនារីៗអ្នកគាំទ្រជនជាតិថៃស្រឡាញ់ និងស្វាគមន៍រូបលោកយ៉ាងកក់ក្ដៅបំផុត ដោយសារតែពួកគេធ្លាប់បានទស្សនាការសម្ដែងរបស់លោក ដែលភាគច្រើនជាតួអង្គអ្នកលេងបងធំនៅសៀងហៃ និងមានឈុតឆាកក្ដៅសាច់មួយចំនួនទៀតនៅក្នុងរឿងទៀតផង។

    ពីធីជាមហាកិតិ្តយសនេះបានរៀបចំឡើងនៅក្នុងបរិវេណសាលប្រជុំ Bangkok Convention Center ជាន់ទី 22 នៃសណ្ឋាគារ Centara Grand Bangkok ក្នុងទីក្រុងបាងកក ប្រទេសថៃ ដែលមានការដើរបង្ហាញម៉ូដលើកម្រាលព្រំក្រហមជាពិសេស និងមានវត្តមានតារាហុងកុងដូចជា Tain Boy Band NCT , Henry SJ , តារាស្រីថៃ Esther និងតារាជាច្រើនដួងទៀតផងដែរ។

    ជាចុងក្រោយ នៅពេលដែលតារាឯកប្រុស Ray Lui បានបង្ហាញវត្តមានលើកម្រាលព្រំក្រហមភ្លាម ស្រាប់តែមានសំឡេងហ៊ោកញ្ច្រៀវលាន់ឡើងពេញសាលប្រជុំនោះ ដោយគេសង្កេតឃើញថា មានសុទ្ធតែអ្នកគាំទ្រនារីៗបានចេញមកស្វាគមន៍លោកដោយការសែលហ្វ៊ី និងចាប់ដៃគ្នា។ គួរបញ្ជាក់ផងដែរថា តារាប្រុសវ័យ 60 ឆ្នាំរូបនេះបានបង្កបរិយាកាសនាថ្ងៃនោះយ៉ាងសប្បាយរីករាយ ដោយមានការថតរូបជុំគ្នាជាពិសេសជាមួយអ្នកគាំទ្រ និងតារាថៃ ព្រមទាំងមានការសម្ដែងឈុតឆាកបងធំ និងបង្ហាញក្បាច់គុនលាយឡំនឹងទឹកមុខដ៏សង្ហារបស់លោក ដែលធ្វើឱ្យទស្សនិកជនចូលរួមកម្មវិធីនោះនឹកស្ងើចសរសើចំពោះសមត្ថភាពសម្ដែងរបស់លោកមិនដាច់ពីមាត់ឡើយ៕