Author: អេបិល

ស្របពេលដែល​រឿង “វិលចរិត” នឹងដាក់បញ្ចាំងជាថ្មីក្នុង3ប្រទេស​ដំណាលគ្នា​មាន កម្ពុជា  ថៃ  និងឡាវនោះ លោក ហ៊ុយ យ៉ាឡេង បានដឹកនាំតួសំខាន់ៗពីរដួងផ្សេងទៀតគឺ កញ្ញា ឆុំ វត្តី និងលោក វណ្ណី ពិសិដ្ឋ និងបានផ្តល់បទសម្ភាសផ្តាច់មុខ​ជាមួយគេហទំព័រ ឡារ៉ែន កាលពីល្ងាចថ្ងៃទី​19 ខែកក្កដា ឆ្នាំ​2017 នៅផ្សារទំនើបអ៊ីអនម៉ល។​

ផលិតករ ហ៊ុយ យ៉ាឡេង បានប្រាប់ថា សម្រាប់រឿង «វិកលចរិត» ដែលនឹងដាក់បញ្ចាំងក្នុង3ប្រទេសដំណាលគ្នានោះនឹងធ្វើឡើងនៅថ្ងៃទី​3 ខែសីហា ឆ្នាំ​2017 ខាងមុខនេះ។​ លោកថា ការយករឿងទៅដាក់បញ្ចាំងនៅក្រៅប្រទេស ជាពិសេសប្រទេសថៃ តែម្តង ពិតជាមានផលលំបាកខ្លាំងណាស់ ដោយត្រូវទៅរក​អ្នកបកប្រែភាសាថៃធ្វើការទំនាក់ទំនង​សព្វបែបយ៉ាង ដូចជាបញ្ចូលសំឡេងជាភាសាថៃ ដោយប្រើប្រាស់ពេលវេលាដល់ទៅ៤ខែឯណោះ។​

តួសុភាព(ហ៊ុយ យ៉ាឡេង) ក្នុងរឿងវិកលចរិកខាងលើ បានបន្តថា ផលលំបាកធំបំផុត គឺការឆ្លងរឿងទៅកាន់ប្រទេសគេ ត្រូវប្រើប្រាស់ រយៈពេល ១ខែ ទើបអាច​ដាក់បញ្ចាំង ក្នុងរោងកុនបាន។ លោកថា ការឆ្លងពិបាក ដោយសារតែ​រឿងគេ មានរាប់រយរឿង ហើយរឿងយើងទៅក្រោយគេ នៅក្រោមគេ ទម្រាំដល់យើង ត្រូវប្រើប្រាស់ពេលយូរ ។​

បើទោះបីជាប្រើប្រាស់ពេលយូរយ៉ាងនេះក្តី លោកបំណងចង់បង្ហាញស្នាដៃនៃខ្សែភាពយន្តខ្មែរ ទៅកាន់ប្រទេសគេ យើងត្រូវ​អត់ធ្មត់ ក៏ព្រោះតែចង់ឲ្យថៃ​ទទួលស្គាល់ស្នាដៃខ្មែរ ដូច​ជំនាន់មុន​ ខណៈរឿងខ្មែរខ្ពស់ជាងគេ តែពេលនេះគេខ្ពស់ជាងយើង​។​

លោកថា ការចង់បង្ហាញរឿង វិកលចរិក ទៅកាន់ថៃ និង ឡាវ​ ព្រោះតែចង់ឲ្យប្រទេសគេ គិតថា កុនខ្មែរមិនអន់នោះទេ ផលិតឡើង មានគុណភាព និងកំពុងងើបឡើងវិញហើយ ។​

ដោយឡែកលោក វណ្ណី ពិសិដ្ឋ និង កញ្ញា ឆុំ វត្តី ក៏បានប្រាប់ថា ដល់ពេលឃើញរឿង«វិកលចរិក» ដែលខ្លួនសម្តែង ចេញបង្ហាញ ខ្លួនលើឆាកអន្តរជាតិ ជាពិសេស​ដាក់បញ្ចាំងនៅ ថៃ និងឡាវ អ៊ីចឹង ពួកយើងពិតជាសប្បាយចិត្ត រកអ្វីថ្លែងមិនត្រូវនោះទេ ។ ពួកយើង គិតថាវា​ជាមោទនភាពមួយ សម្រាប់ខ្លួនឯង និងសង្គមជាតិទាំងមូល ដែលរឿងខ្មែរ អាចដាក់បញ្ចាំង បាននៅក្រៅប្រទេស យ៉ាងដូច្នោះ ។ ម្យ៉ាងវិញពួកយើងគិតថា វាជាចំណែកមួយ ដែលជួយឲ្យ ភាពយន្តខ្មែរ ងើបឡើងវិញ ដើម្បីប្រកួតប្រជែង លើទីផ្សារ អន្តរជាតិ ។

ដើម្បីឱ្យកាន់តែជាក់ច្បាស់សូមទស្សនា វីដេអូសម្ភាស ហ៊ុយ យ៉ាឡេង ដឹកនាំតួ​ពីរដួងក្នុងរឿង«វិកលចរិក» ចូលឆាកអន្ដរជាតិផ្តល់សម្ភាសន៍ផ្តាច់មុខអោយឡារ៉ែន ខាងក្រោមនេះ៖​

លោក វណ្ណី ពិសិដ្ឋ តួអង្គសំខាន់នៅក្នុងរឿង “វិកលចរិត” បច្ចុប្បន្ននេះកំពុងមមាញឹកយ៉ាងខ្លាំងនៅក្នុងអាជីពសម្តែង និងការងារសិល្បៈផ្សេងៗទៀត មិនថាការងារជាពិធីករ ឬដឹកនាំកម្មវិធីផ្សេងៗនោះទេ។ ទន្ទឹមនឹងនេះរឿង “វិកលចរិត” ក៏កំពុងទទួលបានការចាប់អារម្មណ៍យ៉ាងខ្លាំងក្លាពីសំណាក់ប្រិយមិត្តតាមបណ្តាញសង្គមនានា ដោយសារតែនេះជាខ្សែភាពយន្តភ័យរន្ធត់ដំបូងគេរបស់ខ្មែរដែលមានលក្ខណៈខុសប្លែកពីខ្សែភាពយន្តនានាកន្លងមកទាំងបច្ចេកទេស និងគុណភាព។

តារាសម្បុរខ្មៅស្រអែមរូបនេះមានសមត្ថភាព និងទេពកោសល្យសម្តែងខ្ពស់ ទើបលោកតែងតែមានឱកាសទទួលបានការអញ្ជើញឲ្យដើរលើកម្រាលព្រំក្រហមក្នុងមហោស្រពភាពយន្តអន្តរជាតិនៅតាមបណ្តាប្រទេសផ្សេងៗ ដូចជា ប្រទេសចិន កូរ៉េ ជប៉ុន និងស្វ៊ីស ជាដើម។ ក្នុងនេះរឿងដែលលោកបានចូលរួមសម្ដែង និងបានឆ្លងទៅបញ្ចាំងនៅលើឆាកអន្ដរជាតិមានដូចជារឿង “គ្រាប់ពេជ្រចុងក្រោយ” រួមទាំងរឿង “វិកលចរិត” នេះផងដែរ។

យ៉ាងណាមិញ វណ្ណី ពិសិដ្ឋ បានប្រាប់អ្នកយកព័ត៌មានគេហទំព័រ ឡារ៉ែន ថា នៅថ្ងៃទី3 ខែសីហា ឆ្នាំ2017​ នេះនឹងមានការចាក់បញ្ចាំងរឿង “វិកលចរិត” នៅក្នុងប្រទេសកម្ពុជាដំណាលគ្នាជាមួយប្រទេសថៃ និងឡាវផងដែរ លោកថា “សម្រាប់ខ្ញុំ ការចូលរួមគាំទ្រទាំងអស់គ្នាពីសំណាក់ទស្សនិកជន ចំពោះសិល្បករ សិល្បការិនី ក៏ដូចជាផលិតករ គឺជាការលើកទឹកចិត្តដើម្បីផលិតរឿងឱ្យកាន់តែល្អឡើងថែមទៀតនៅថ្ងៃខាងមុខ”។

គួររំឭកផងដែរថា អ្វីដែលកាន់តែពិសេសជាងនេះទៅទៀតនោះគឺ រឿងនេះធ្លាប់ត្រូវបានគណៈកម្មការវាយតម្លៃភាពយន្តអន្តរជាតិចេញលិខិតទទួលស្គាល់គុណភាពចំពោះខ្សែភាពយន្តមួយនេះ ហើយក៏ត្រូវបាននាយកដ្ឋានសិល្បភាពយន្ត និងផ្សព្វផ្សាយវប្បធម៌នៃក្រសួងវប្បធម៌ និងវិចិត្រសិល្បៈជ្រើសរើសធ្វើជាតំណាងភាពយន្តកម្ពុជាយកទៅចាក់បញ្ចាំងនៅមហោស្រពភាពយន្តអន្តរជាតិនៅប្រទេសចិននាពេលកន្លងមកដែរ៕

ពិតជាគួរឱ្យព្រឺសម្បុរណាស់ដែលក្មេងប្រុសមានរូបសម្បត្តិអាក្រក់ជាងគេនៅក្នុងប្រទេស បានក្លាយជាតារាបង្ហាញម៉ូដភេទទីបីដ៏ល្បីឈ្មោះមួយរូបគឺ នាង មេយ៉ា សាន់សាន់ ដោយតារាម៉ូដភេទទីបីរូបនេះមានអាយុ19ឆ្នាំ ធ្លាប់បានឆ្លងកាត់ការសិក្សាជំនាញនៅមហាវិទ្យាល័យសិល្បៈតូរ្យតន្ត្រី ក៏ប៉ុន្តែនាងត្រូវបានលើកទឹកចិត្ត និងជំរុញឱ្យចូលប្រកួតក្នុងការសម្ដែងត្លុកដែលមានការអះអាងថា ទម្រង់មុខរបស់នាងស័ក្ដិសមជាតារាកំប្លែងបំផុត។

ផ្ដើមចេញពីមនុស្សភេទទីបីដែលមានមុខមាត់រូបសម្បត្តិអាក្រក់បំផុត តែសម្រេចក្ដីស្រមៃក្លាយជាតារាកំប្លែង និងជាតារាបង្ហាញម៉ូដដ៏ល្បី បានចូលខ្លួនមកផ្ដល់បទសម្ភាសក្នុងកម្មវីធី PAMAR SQUARE ថា នាងកើតមកមានជំងឺប្រចាំកាយ ដែលបណ្ដាលឱ្យនាងមានរូបរាងមិនប្រក្រតី ហើយមិនអាចទ្រាំទ្រនឹងអាកាសធាតុក្ដៅបាន ដោយនាងបានពន្យល់ថា នាងគ្មានរន្ធរោមនៅលើស្បែកដែលអាចទប់ទល់ជាមួយកម្ដៅបានឡើយ ហើយនៅពេលស្ថិតក្រោមកម្ដៅថ្ងៃនឹងបណ្ដាល​ឱ្យនាងមានអាការវិលមុខ រកខ្យល់គភ្លាមមួយរំពេច ក៏ប៉ូន្ដែអ្វីដែលសំខាន់នោះគឺ រោគទាំងអស់នេះមិនបានក្លាយជាអាវុធបំផ្លាញក្ដីស្រមៃរបស់នាងឡើយ។

គួរបញ្ជាក់ផងដែរថា តារាភេទទីបីរូបនេះបានអភិវឌ្ឍខ្លួនពី Net IDol ( តារានៅក្នុងបណ្ដាញសង្គម) ក្លាយខ្លួនជាតារាកំប្លែង និងបង្ហាញម៉ូដដ៏ល្បីឈ្មោះមួយរួបដែលបានបោះជំហាននៅលើឆាកអន្ដរជាតិលំដាប់ពិភពលោក តំណាងឱ្យប្រទេសថៃ និងទទួលបានការគាំទ្រ និងក្ដីស្រឡាញ់ពីបណ្ដាអ្នកគាំទ្រនាងជាច្រើន ហើយ Facebook Page របស់នាងនៅពេលនេះ មានអ្នកស្រឡាញ់ចូលចិត្ត និងតាមដានដល់ទៅ 441,989 នាក់ហើយ៕