Author: អេបិល

  • ទស្សនាវដ្តីអាសអាភាសល្បីមួយ ទាក់ទងតារាស្រី Sulli ថតអាក្រាត

    ទស្សនាវដ្តីអាសអាភាសល្បីមួយ ទាក់ទងតារាស្រី Sulli ថតអាក្រាត

    បន្ទាប់ពីរឿង “Real” បញ្ចេញឈុតអាក្រាតកាយរបស់តារាឯកស្រី Sulli ហើយមក គេបានកត់សម្គាល់ឃើញថា នាងកាន់តែមានប្រជាប្រិយភាពឡើងមួយកម្រិតទៀត រហូតដល់មានទស្សនាវដ្តីអាសអាភាសដ៏ល្បីល្បាញលំដាប់ពិភពលោកមួយបានទាក់ទងនាងឱ្យថតបង្ហាញម៉ូដអាកា្រតកាយ តែនាងបានចេញមុខមកបដិសេធរឿងនេះ។

    ដំបូងឡើយនោះ ព័ត៌មានដែលបានចេញផ្សាយដោយទស្សនាវដ្តីអាសអាភាសមួយអំពីតារាស្រីរូបនេះ បានឱ្យដឹងថា Sulli អាចនឹងឡើងលើគម្របទស្សនាវដ្តី Playboy ច្បាប់ភាសាកូរ៉េ ដែលនឹងមានរូបភាពសិចស៊ីរោលរាលតិចជាងមុន ហើយនឹងមិនលើសកំណត់ច្បាប់ទស្សនាវដ្តីដូចនៅតាមបណ្ដាប្រទេសលោកខាងលិចទេ។

    គួរបញ្ជាក់ផងដែរថា ខាងក្រុមហ៊ុនផលិតកម្ម SM Entertainment ដែលជាអ្នកគ្រប់គ្រងតារារូបនេះ បានបដិសេធ និងច្រានចោលទាំងស្រុងអំពីព័ត៌មាននេះ ដោយលោក Dong A ជាអ្នកគ្រប់គ្រងបានពោលថា ” យើងកំពុងតែតាមដានរកប្រភពព័ត៌មាននេះ គឺជាកំហុសឆ្គងធ្ងន់ធ្ងរបំផុត”។

    យ៉ាងណាមិញខាងទស្សនាវដ្តី Playboy Korea នៅមិនអាចបំភ្លឺបញ្ជាក់បន្ថែមពីបញ្ហានេះបាននៅឡើយទេ និងដោយឡែកសារព័ត៌មានកូរ៉េ ក៏កំពុងទាក់ទងទៅសូមការបញ្ជាក់ពីតារាស្រី Sulli បន្ថែមទៀតផងដែរ៕

  • មូលហេតុ Song Joong Ki និង Song HyeKyo ប្រញាប់ចង់រៀបមង្គលការឆាប់ៗ

    មូលហេតុ Song Joong Ki និង Song HyeKyo ប្រញាប់ចង់រៀបមង្គលការឆាប់ៗ

    Song HyeKyo បានធ្វើឱ្យនារីជាច្រើនច្រណែននឹងនាងជាខ្លាំង កាលដែលត្រូវបានតារាប្រុសរូបសង្ហា Song Joong Ki ប្រញាប់ចង់រៀបអាពាហ៍ពិពាហ៍ជាមួយនាង ដូច្នោះហើយបានជាអ្នកទាំងពីរធ្វើការផ្ដល់បទសម្ភាសអំពីមូលហេតុនៃការសម្រេចចិត្តភ្លាមៗ ដោយមិនខ្លាចធ្លាក់ប្រជាប្រិយភាពរបស់ខ្លួនឡើយ។

    Song Joong Ki បានអះអាងទៅលើហេតុផលថា “មិនថាលឿន ឬយឺតនោះទេ យ៉ាងណាក៏ដោយក៏មុន និងក្រោយត្រូវតែរៀបការដូចតែគ្នាទេ ហើយរឿងខ្លះក៏វាមានសារៈសំខាន់ខ្លាំងជាងភាពល្បីល្បាញដែរ នេះគឺជាហេតុផលសំខាន់មួយសម្រាប់ខ្ញុំ គឺ Song HyeKyo តែម្នាក់ប៉ុណ្ណោះដែលខ្ញុំមានអារម្មណ៍ថា ប្រសើរលើសអ្វីទាំងអស់ ប្រសិនបើបានរស់នៅជាមួយនាងរហូតទៅ”។

    ការឆ្លើយតបបែបនេះ ពិតជាពេញចិត្តនារីទាំងឡាយៗខ្លាំងណាស់ ហើយលោកក៏បានបញ្ជាក់ទៀតថា  រឿងមួយនៅក្នុងចំណោមរបៀបរបបជីវិតរបស់លោកក៏គឺ តារារៀមច្បងមួយចំនួនបានធ្វើជាគំរូដល់តារាកូរ៉េជាច្រើននាក់ទៀតដែលមានក្រុមគ្រួសារដ៏គួរឱ្យស្ញប់ស្ញែងខ្លាំងណាស់។

    គួររំឭកផងដែរថា តារាប្រុស Song Joong Ki ធ្លាប់បានផ្ដល់បទសម្ភាសនៅក្នុងប្រទេសថៃថា “ខ្ញុំធ្លាប់គិតតាំងពីក្មេងមកថា ប្រហែលជាមិនរៀបការនៅពេលអាយុច្រើនទេ ព្រោះអ៊ីចឹងហើយទើបការរៀបការនៅពេលអាយុ30ស្តើង ត្រូវបានចាត់ទុកថាជាគំនិតមួយដែលខ្ញុំធ្លាប់បានគិតទុកផងដែរ”៕

     

     

  • Selena Gomez រួមដៃជាមួយ Taylor Swift ឌឺដងដាក់ Katy Perry ទៀតហើយ

    Selena Gomez រួមដៃជាមួយ Taylor Swift ឌឺដងដាក់ Katy Perry ទៀតហើយ

    ព្រឹត្តិការណ៍ដ៏កក្រើកលំដាប់ពិភពលោក  2017 MTV Video Music Awards បានធ្វើការផ្សាយផ្ទាល់នៅលើបណ្ដាញទំនាក់ទំនងសង្គម អ៊ីនស្ដាក្រាម ក៏ប៉ុន្ដែមានរឿងមួយដែលគួរឱ្យចាប់អារម្មណ៍ខ្លាំងនោះគឺ ការបកស្រាយបទចម្រៀងរបស់កល្យាណមិត្តរវាង  Selena Gomez និងTaylor Swift បានរួមដៃគ្នាលើកយកបទចម្រៀង ដែលមានចំណងជើងឌឺដងទៅកាន់តារាចម្រៀងស្រី Katy Perry ដែលកន្លងមកធ្លាប់មានជម្លោះជាមួយ Taylor Swift។

    ទោះបីជាមានការសុំទោសពីតារាចម្រៀង Katy Perry ចំពោះ Taylor Swift ហើយក៏ដោយ តែនាង Selena Gomez និងTaylor Swift នៅតែបន្ដដំណើររួមដៃគ្នាទៅមុខទៀតក្នុងការវាយប្រហារបញ្ឈឺបញ្ឆិតបញ្ឆៀងទៅកាន់ Katy Perry ដដែល។ នៅក្នុងថ្ងៃនោះដែរ Gomez បានលើកបទចម្រៀងចំនួនពីរបទ ដែលមានចំណងជើងថា “We Don’t Talk Anymore” និងបទ “Charlie Puth” មកច្រៀង។ រីឯតារាស្រី Taylor Swift  វិញបានជ្រើសរើសបទចម្រៀងដូចជា “I Don’t Wanna Live Forever” ច្រៀងរូមគ្នាជាមួយ  Zayn Malik ហើយមានបទ Bad Blood ផងដែរ។

    គួរបញ្ជាក់ផងដែរថា បទចម្រៀងរបស់តារាស្រីពីរដួងនេះត្រូវបានបំផុសគំនិតដល់អ្នកគាំទ្រឱ្យគិតថា ពួកនាងនៅតែបន្ដចាប់ដៃគ្នាឌឺដងដាក់តារាស្រី Katy Perry ដដែល។ គួររំឭកទៀតផងដែរថា កន្លងមក Taylor Swift ធ្លាប់បាននិយាយថា «អស់រយៈពេលជាច្រើនឆ្នាំមកហើយដែលខ្ញុំបានគិតថា តើនាង(Katy Perry)ជាមិត្តនឹងខ្ញុំដែរឬទេ? ដូចកាលពេលដែលទទួលពានរង្វាន់អ៊ីចឹង នាងបានឃើញខ្ញុំហើយ តែមិនបានដើរមករកខ្ញុំទេ បែរជាដើរហួសធ្វើមិនឃើញ តើនាងចង់ផ្ដល់នូវការប្រមាថដ៏ឃោរឃៅបំផុតសម្រាប់ជីវិតខ្ញុំមែនទេ?»៕

     

  • Mario Maurer ឆ្លើយតបតារាចម្រៀងសិចស៊ី ឡាំយ៉ៃ ហៃថងខាំ យ៉ាងស្ពឹកមុខ

    Mario Maurer ឆ្លើយតបតារាចម្រៀងសិចស៊ី ឡាំយ៉ៃ ហៃថងខាំ យ៉ាងស្ពឹកមុខ

    បន្ទាប់ពីផ្ទុះបទចម្រៀងរបស់ ឡាំយ៉ៃ ហៃថងខាំ ដែលមានចំណងជើងថា “ผู้สาวขาเลาะ”( ភូសាវខាឡក់) ស្រាប់តែ តារាសម្ដែងប្រុស Mario Maurer ទទួលបានការទាក់ទងឱ្យសម្ដែងក្នុងបទចម្រៀង និងរឿងរបស់តារាស្រី ឡាំយ៉ៃ ដោយសម្តែងជាតួឯកជាមួយគ្នាទៀតផង ក៏ប៉ុន្ដែជាអកុសលមិនទាន់ដឹងអីផងត្រូវបានតារាឯកប្រុសរូបនេះបដិសេធមុនបាត់ទៅហើយ។

    មុននេះបន្ដិច មានព័ត៌មានមួយបានចេញផ្សាយថា ក្រុមហ៊ុនផលិតភាពយន្តដ៏ធំមួយគឺ សហមង្គលហ្វ៊ីមល៍ ត្រៀមថតខ្សែភាពយន្ដរឿង “ผู้สาวขาเลาะ”( ភូសាវខាឡក់) ដោយមានតារាឯកស្រីគឺជាតារាចម្រៀងម្ចាស់បទនោះផ្ទាល់តែម្ដង ហើយគ្រោងឱ្យសម្ដែងជាមួយតារាឯកប្រុស Mario Maurer ទៀតផង។ តែយ៉ាងណាមិញនៅទីបំផុត កាលពីថ្ងៃទី25 ខែកក្កដា ឆ្នាំ2017 តារាឯកប្រុសរូបនេះបានឆ្លើយតបទៅវិញថា «ទទួលបានការទាក់ទងឱ្យសម្តែងភាពយន្ដរឿងនេះពិតប្រាកដមែន ក៏ប៉ុន្ដែតារាងការងារពេញអស់ហើយ ច្រើនពេក ទើបត្រូវឡើងទៅនិយាយជាមួយហ៊ា ចៀង ជាម្ចាស់ផលិតកម្មដោយផ្ទាល់ថា មិនអាចទទួលការងារនេះបានទេ ព្រោះបើទទួលទៀតពិតជាទៅមិនរួចទេ ទើបហ៊ា ចៀង បានប្រាប់មកវិញថា ចង់ឱ្យសាកល្បងអានសាច់រឿងនេះបន្ដិច ខ្ញុំក៏បានសាកល្បងអានអត្ថបទ និងព្យាយាមរកពេលទំនេរ តែពុំមានឱកាសសោះ ទើបមានតែរង់ចាំពេលក្រោយ»។

    គួរបញ្ជាក់ផងដែរថា ការឆ្លើយតបបែបនេះហាក់បីដូចជាបំបាក់អំនួតតារាស្រី ឡាំយ៉ៃ ហៃថងខាំ បន្តិចដែរ ព្រោះថា បច្ចុប្បន្ននេះនាងកំពុងតែឡើងកូដខ្លាំងមែនទែន ហើយអ្នកណាៗក៏ចង់សម្តែងក្នុងខ្សែភាពយន្តជាមួយនាងដែរ ព្រោះនាងល្បីល្បាញរហូតដល់ថ្នាក់គ្រាន់តែជាបទដំបូងរបស់នាងសោះ ស្រាប់តែមានការទិញយកទៅផលិតជាខ្សែភាពយន្ដខ្នាតធំទៅហើយ៕

  • Yoona សន្យានឹងទៅជួប Lim Si Wan នៅមូលដ្ឋានទ័ពរបស់លោក

    Yoona សន្យានឹងទៅជួប Lim Si Wan នៅមូលដ្ឋានទ័ពរបស់លោក

    តារាសម្ដែងនៅក្នុងរឿងភាគថ្មីរបស់ទូរទស្សន៍ MBC ដែលមានចំណងជើងថា «The King in Love » បានមករួបរួមគ្នាបង្ហាញវត្តមានក្នុងថ្ងៃសម្ពោធរឿងថ្មីនេះ រួមមានវត្តមានតារាឯកស្រី Yoona និង តារាឯកប្រុស Lim Si Wan ផងដែរ។

    ជាការលាគ្នា តារាឯកប្រុស Lim Si Wan បានតាំងចិត្តប្រមូលផ្ដុំតារាសម្ដែងក្នុងរឿងនេះទាំងអស់ ដើម្បីរៀបចំកម្មវិធីជួបជុំគ្នាមុនមួយថ្ងៃរួចហើយ ហើយថ្ងៃសម្ពោធរឿងនេះគឺជាថ្ងៃចុងក្រោយ មុនពេលដែលលោកត្រូវចូលទៅហ្វឹកហាត់យោធានាពេលខាងមុខឆាប់ៗនេះ។ តែអ្វីដែលកាន់តែពិសេសជាងនេះទៅទៀតនោះគឺ តារាស្រី Yoona បានផ្ដល់ក្ដីសង្ឃឹម និងកម្លាំងចិត្តជូនតារាឯកប្រុសរូបនេះ ដោយបានសន្យាថា នាងនឹងទៅជួបលោកនៅឯមូលដ្ឋានទ័ពរបស់លោកដោយផ្ទាល់ នៅពេលដែលនាងនឹកលោកខ្លាំង។

    នៅក្នុងនោះដែរ តារាស្រីវ័យក្មេងរូបនេះបាននិយាយថា «នាងខ្ញុំបាននិយាយទៅកាន់គាត់ (Lim Si Wan ) មួយថ្ងៃមុនពេលគាត់ចូលទៅហ្វឹកហាត់យោធា ដែលនោះគឺជាឱកាសល្អ សម្រាប់ពួកយើងបានជួបជុំគ្នាទាំងអស់គ្នា ក៏ប៉ុន្តែដោយសារតែតារាងការងាររវល់ពេក ទើបខ្ញុំមិនអាចទៅជួបគាត់បានមុនមួយថ្ងៃ មុនពេលគាត់នឹងចាកចេញទៅ។ យ៉ាងណាមិញ គាត់បានប្រាប់ថា គាត់នឹងត្រឡប់មកវិញឆាប់ៗនេះ ហើយខ្ញុំសូមឱ្យអ្នកទាំងអស់គ្នាទៅជួបគាត់នៅឯមូលដ្ឋានទ័ពជាមួយគ្នាផងដែរ»។

    គួរបញ្ជាក់ផងដែរថា បើទោះបីជាតារាស្រីរូបនេះមិនបានបង្ហាញថា នាងមានទំនាក់ទំនងស្នេហាក្រៅសិល្បៈជាមួយ Lim Si Wan ក៏ដោយ តែក្ដីបារម្ភ និងអារម្មណ៍នឹកនារបស់នាងនៅតែមិនអាចបិទបាំងពីភ្នែកមជ្ឈដ្ឋានមហាជនបានឡើយ៕

  • រឿងអាស្រូវ T.O.P  បានធ្វើឱ្យប៉ូលិសកូរ៉េកំណត់ការចូលហ្វឹកហ្វឺនយោធាជាថ្មី

    រឿងអាស្រូវ T.O.P  បានធ្វើឱ្យប៉ូលិសកូរ៉េកំណត់ការចូលហ្វឹកហ្វឺនយោធាជាថ្មី

    ដោយយោងតាមចេញផ្សាយរបស់ទីភ្នាក់ងារសារព័ត៌មានកូរ៉េខាងត្បូង Yonhap News នៅថ្ងៃទី24 កក្កដា ឆ្នាំ2017 បានឱ្យដឹងថា ប៉ូលិសបានចេញមកអះអាងពីការដកហូតតំណែង និងលុបចោលសិទ្ធិចូលហ្វឹកហាត់ទាហានរបស់តារាចម្រៀង T.O.P ទាំងស្រុងនៅឆ្នាំ 2023 ។ ប្រព័ន្ធដំណើរការស្វ័យប្រវត្តិនឹងលុបចោលរាល់ឯកសារសិទ្ធិចុះចូលហ្វឹកហាត់យោធាម្ដងមួយៗឱ្យអស់នៅក្នុងឆ្នាំនេះ ព្រោះតារាប្រុសរូបនេះ ត្រូវបានប៉ូលិសចាប់ខ្លួនក្នុងករណីប្រើប្រាស់គ្រឿងញៀន ប្រភេទកញ្ឆា ដែលជាទង្វើខុសច្បាប់។

    ថ្មីៗនេះ ប៉ូលិសបានចេញមកបញ្ជាក់ថា នៅក្នុងឆ្នាំ 2018 ខាងមុខនេះនឹងមិនត្រូវបានជ្រើសរើសតារាល្បីៗ និងអ្នកល្បីឈ្មោះមួយចំនួនឱ្យចូលហ្វឹកហ្វឺនយោធាឡើយ​ ព្រោះដោយសារតែករណីលោក T.O.P បានក្លាយជាមេរៀនមួយសម្រាប់ប៉ូលិស។ តាមការអះអាងពីមន្ត្រីប៉ូលិសបែបនេះ ក្នុងនោះតារាល្បីៗមួយចំនួន និង អ្នកមានកេរ្តិ៍ឈ្មោះល្បីៗក្នុងសង្គមជាច្រើនបានចេញមករិះគន់ ព្រមទាំងបញ្ចេញប្រតិកម្មត្អូញត្អែរចំពោះការកំណត់របស់ប៉ូលិសនៅក្នុងគ្រានេះ មិនមែនយោងតាមរឿងអាស្រូវរបស់ T.O.P ទើបតម្រូវឱ្យមានការលុបសិទ្ធិចំពោះមនុស្សគ្រប់គ្នានោះឡើយ។

    គួរបញ្ជាក់ផងដែរថា នៅឆ្នាំក្រោយនេះ នឹងមានសមាជិកក្រុមចម្រៀង JYJ លោក Junsu សមាជិកក្រុមចម្រៀង TVXQ លោក Changmin និងក្រុម Super Junior លោក Siwon និងមនុស្សផ្សេងៗជាច្រើនទៀតដែលកំពុងត្រៀមចូលហ្វឹកហាត់យោធាបានក្រោកឡើងប្រតិកម្មចំពោះការកំណត់នេះ ហើយរំពឹងទុកថា ប៉ូលិសនឹងធ្វើការពិចារណាឡើងវិញ៕

  • Nicki Minaj បើកបង្ហាញ Snapchat ជាសាធារណៈ

    Nicki Minaj បើកបង្ហាញ Snapchat ជាសាធារណៈ

    តើយ៉ាងដូចម្តេចទៅវិញ បានជាតារាចម្រៀងរ៉េប និងជាម្ចាស់បទល្បី Anaconda ដូចជា Nicki Minaj ចង់សាកល្បងលេងបណ្ដាញទំនាក់ទំនងសង្គម Snapchat យ៉ាងដូច្នេះ? តែយ៉ាងណាក៏ដោយ ជាអកុសលនាងមិនអាចចុះឈ្មោះចូលទៅក្នុងគណនីរបស់នាងបានទេ ដូច្នេះហើយទើបនាងដោះស្រាយបញ្ហានេះដោយការថតរូបដាក់លើអេក្រង់ ហើយបង្ហោះសួរអ្នកគាំទ្ររបស់នាងនៅលើអ៊ីនស្ដាក្រាមតែម្ដង។

    ដំណឹងបានភ្ញាក់ផ្អើលដល់អ្នកគាំទ្ររបស់នាងទាំងអស់ដែលបានដឹងថា Nicki Minaj បានចាប់ផ្ដើមលេងបណ្ដាញ Snapchat ហើយ។ នៅលើបណ្ដាញសង្គមអ៊ីនស្ដាក្រាម Nicki បានសរសេរថា “យ៉ូ! តើអ្នកទាំងអស់គ្នាអាចជួយបង្រៀនខ្ញុំលេងកម្មវិធីនេះផងបានទេ? យ៉ាប់មែនតែម្តង ខ្ញុំពិតជាចង់បង្ហាញអ្នកទាំងអស់គ្នាថា នេះពិតជាការលេងដ៏យ៉ាប់សម្រាប់ខ្ញុំនៅគ្រាដំបូងមែន”។

    ទន្ទឹមនឹងនោះ នាងបានបន្ដឆ្លងឆ្លើយអំពីការចុះឈ្មោះចូលប្រើប្រាស់គណនីជាមួយអ្នកគាំទ្របណ្ដើរៗថា “នៅពេលនេះខ្ញុំបើកលេងបានជាសាធារណៈហើយ តើខ្ញុំអាចមើលអ្នកតាមដានខ្ញុំបានយ៉ាងដូចម្ដេចទៅ? ហើយចុះបើខ្ញុំបើកឱ្យអ្នកទាំងអស់គ្នាតាមដានជាសាធារណៈវិញនោះ អ៊ីចឹងមិនដល់ 30 នាទីផងនឹងមានអ្នក Video Chart មករាប់ពាន់អ្នកហើយ អូ៎ព្រះជាម្ចាស់អ៊ើយ!”។ គួរបញ្ជាក់ផងដែរថា នៅពេលនេះ ម៉ោងនេះ Snapchat របស់តារាស្រីរ៉េបភើរ៍រូបនេះបានបើកលេងបានជាសាធារណៈហើយ៕

  • ដឹងអត់?? តារាថៃណាខ្លះដែលមានជម្លោះជាមួយអ្នកសារព័ត៌មាន

    ដឹងអត់?? តារាថៃណាខ្លះដែលមានជម្លោះជាមួយអ្នកសារព័ត៌មាន

    1.Ekky Ekkachai

    Ekky Ekkachai ជាតារាសម្ដែង និងពិធីករភេទទី3 ហើយតារារូបនេះមានជម្លោះជាមួយអ្នកសារព័ត៌មាន TV Pool បន្ទាប់ពីលោកមានការរិះគន់ និងត្រូវបានទិតៀនពីពិធីការិនីល្បីឈ្មោះម្នាក់នៃគេហទំព័រ Maya Channel។

    2.Katreeya English

    តារាស្រីរូបនេះ ធ្លាប់បានបង្ហោះ និងអះអាងពីការរិះគន់សារព័ត៌មានមួយដែលធ្លាប់បានប្រើពាក្យសម្ដីមិនល្អ និងចេញផ្សាយរូបអាក្រក់របស់នាងកាលពីពេលកន្លងទៅ ព្រមទាំងសរសេរចំណងជើងអាក្រក់ៗអំពីនាង ដើម្បីទាក់ទាញចំណាប់អារម្មណ៍អ្នកអានទៀតផង។

    3.May pitchanart

    នាង May pitchanart ធ្លាប់មានជម្លោះជាមួយបណ្ដាអ្នកសារព័ត៌មានដែលបានសរសេរអាក្រក់ៗពីនាង និងអំពីទំនាក់ទំនងជាមួយមិត្តប្រុសរបស់នាងទៀតផង និងថែមទាំងមិនបានសុំទោសនាងទៀត ទើបបង្កជាជម្លោះនឹងគ្នាឡើងតែម្ដង។

    4.Pok Patsonkorn

    តារាសម្ដែងប្រុសរូបនេះ ធ្លាប់បានបង្ហោះនៅលើបណ្ដាញទំនាក់ទំនងអ៊ីនស្តាក្រាមផ្ទាល់ខ្លួនអំពីការឈ្លោះជាមួយអ្នកសារព័ត៌មាន ដោយសារតែការសរសេរអាក្រក់ៗអំពីលោក ជាមួយនឹងតារាសម្ដែង​ Margie Rasri។ សារព័ត៌មាននោះបានចេញផ្សាយថា តារាសម្ដែង Pok Patsonkorn ​និង​ Margie Rasri ចូលចិត្តបើកបរលឿន​ និងមិនគោរពពេលវេលាការងារ។

    5.Boon Panadda

    តារាសម្ដែងស្រីរូបនេះ មិនសូវមានព័ត៌មានថ្មីៗចេញមកទៀតទេ ព្រោះថា នាងតែងតែបញ្ចេញប្រតិកម្មជាមួយសារព័ត៌មានណាដែលសរសេរជ្រុងមិនល្អអំពីនាង ព្រមទាំងបង្ហោះនៅលើអ៊ីនស្ដាក្រាមដៀលត្មះអ្នកសារព័ត៌មានទៀតផង។

    6.PLoy Chermarn

    ជាម្ដងម្កាល តារាស្រី PLoy Chermarn ធ្លាប់មានការមិនពេញចិត្ត និងរិះគន់អ្នកសារព័ត៌មាន តែមិនសូវចេញមុខខ្លាំង និងចំៗឡើយ នាងបានត្រឹមតែនិយាយបញ្ឆិតបញ្ឆៀង ហើយជាពិសេសនាងតែងតែនិយាយ និងមានសំណូមពរនានានៅចំពោះមុខសារព័ត៌មានផ្ទាល់ៗ ខណៈដែលនាងកំពុងតែសម្ភាសតែម្ដង ជាប្រការមួយក្នុងការការពារខ្លួន ខ្លាចអ្នកសារព័ត៌មានសរសេរចំណងជើង និងនិយាយអាក្រក់ៗពីនាង៕

     

     

  • រឿង  “វិកលចរិត” នឹងដកចំណូលពីការលក់សំបុត្រទាំង 3 ប្រទេសទៅជួយកុមារកំព្រា

    រឿង  “វិកលចរិត” នឹងដកចំណូលពីការលក់សំបុត្រទាំង 3 ប្រទេសទៅជួយកុមារកំព្រា

    ដើម្បីអបអរការដាក់បញ្ចាំងរឿង “វិកលចរិត” ក្នុង 3 ប្រទេសដំណាលគ្នា រួមមាន កម្ពុជា ថៃ ឡាវ នៅថ្ងៃទី3 ខែសីហា ឆ្នាំ 2017 ខាងមុខនេះ រាល់ការទិញសំបុត្រទស្សនារឿងនេះ និងត្រូវបរិច្ចាគជួយដល់កុមារកំព្រា និងក្មេងៗបាត់បង់សតិបញ្ញានៅកម្ពុជាចំនួន 1 ដុល្លារសហរដ្ឋអាមេរិកក្នុងមួយសន្លឹក ដែលទង្វើសប្បុរសធម៌នេះនឹងក្លាយជាកម្លាំងជំរុញចិត្តដល់កុមារនៅកម្ពុជាផងដែរ។

    ក្នុងនាមជាកូនខ្មែរដែលស្នេហាជាតិ និងគោរពដូនតាប្រទេសកំណើតរបស់ខ្លួន លោក ហ៊ុយ យ៉ាឡេង ឬឈ្មោះហៅក្រៅថា មាតុចក្រ ដែលជាអ្នកដឹកនាំរឿង និងជាតួសម្ដែងនៅក្នុងរឿងខាងលើនេះបានចេញសារមួយនៅលើទំព័រ Facebook Page ថា “ដើម្បីតបស្នងសងគុណដល់ប្រជាជាតិខ្ញុំ! ដើម្បីអបអរសាទររឿង “វិកលចរិត” ដែលបាន​ចាក់បញ្ចាំងក្នុង​៣ប្រទេសព្រមគ្នា ខ្មែរ ថៃ ឡាវនោះ រាល់តម្លៃសំបុត្រ១សន្លឹកទូទាំងបីប្រទេសនោះនឹងត្រូវដកចំនួន១ដុល្លារដើម្បីជួយដល់កុមារកំព្រា និងក្មេងៗបាត់បង់ស​តិបញ្ញានៅកម្ពុជា”។ ទន្ទឹមនឹងនោះលោកក៏បានប្រាប់អ្នកសារព័ត៌មាន ឡារ៉ែន ថា ” រឿង វិកលចរិត គ្រោងធ្វើការសម្ពោធជាថ្មីម្ដងទៀតនៅថ្ងៃទី26 ខែកក្កដា ឆ្នាំ2017 នេះ”។

    គួររំឭកផងដែរថា ដោយសារតែអ្នកដឹកនាំរឿងរូបនេះសង្កេតឃើញថា នៅមានកូនខ្មែរជាអ្នកស្រឡាញ់ និងគាំទ្រវិស័យភាពយន្ដខ្មែរជាច្រើននាក់ទៀតមិនទាន់បានទស្សនារឿង “វិកលចរិត” នេះ និងដើម្បីបានទស្សនាជាថ្មីម្ដងទៀតនោះ លោកសង្ឃឹមថា កូនខ្មែរគ្រប់រូបនឹងមិនខកខានក្នុងការទស្សនារឿងដ៏ល្អមើលមួយនេះឡើយ ដូចគ្នានោះដែរ ទស្សនិកក៏នឹងបានចូលរួមចំណែកក្នុងការចូលរួមបរិច្ចាគថវិកាជួយដល់កុមារកំព្រា និងក្មេងៗបាត់បង់សតិបញ្ញានៅកម្ពុជាផងដែរ។ ដូច្នោះហើយ ប្រសិនបើជាជនរួមជាតិណាមិនទាន់បានទស្សនារឿងនោះ សូមកុំឱ្យឱកាសដ៏ល្អនេះកន្លងផុតទៅឱ្យសោះ សូមអញ្ជើញទៅទស្សនាទាំងអស់គ្នានៅគ្រប់រោងភាពយន្តទូទាំងរាជធានីភ្នំពេញ និងខេត្តសៀមរាប៕

  • តារាចម្រៀង យីង លី បន្ទាប់ពីមានអាការហើមហើយ ឥឡូវនាងកាន់តែ…

    តារាចម្រៀង យីង លី បន្ទាប់ពីមានអាការហើមហើយ ឥឡូវនាងកាន់តែ…

    តារាចម្រៀងស្រីល្បីឈ្មោះក្នុងបទចម្រៀងចង្វាក់បែបជនបទ អ្នកនាង យីង លី និងជាតារាចម្រៀងប្រចាំផលិតកម្ម GMM Grammy បានកើតអាការហើមមុខហើមមាត់ និងតាមខ្លួនប្រាណ ដោយសារតែរាងកាយរបស់នាងបានប្រតិកម្មជាមួយការប្រើប្រាស់ថ្នាំងងុយគេងដែលនាងបានប្រើអស់ជាច្រើនគ្រាប់ ទើបបណ្ដាលឱ្យនាងកើតជំងឺហើម ហើយត្រូវសម្រាកព្យាបាលក្នុងមន្ទីរពេទ្យអស់រយៈពេលជាច្រើនខែ។

    មិនតែប៉ុណ្ណោះកាលពីពេលមុននេះ តារាស្រីរូបនេះធ្លាប់បានព្យាបាលដោយការវះកាត់យកខ្លាញ់នៅលើស្បែកមុខចេញ ដោយសារតែមុខរបស់នាងហើមខ្លាំងពេក តែរហូតមកដល់សព្វថ្ងៃនេះសម្រស់របស់នាងបានវិលមកដូចសភាពដើមវិញហើយ និងនៅទីបំផុតគឺនាងកាន់តែស្អាតលើសដើមទៅទៀត។ នៅថ្ងៃទី24 ខែកក្កដា ឆ្នាំ2017 នេះ តារាវ័យ ៣៤ ឆ្នាំរូបនេះបានបង្ហោះរូបមួយចំនួនដែលធ្វើឱ្យអ្នកគាំទ្រនាងបានឃើញពីស្ថានភាពបច្ចុប្បន្នរបស់នាង ដោយសរសេរចំណងជើងថា ” នៅពេលនេះ អាការហើមបានប្រសើរឡើងហើយ នាងខ្ញុំសប្បាយចិត្ត និងគិតថា រូបរាង និងមុខមាត់ខ្ញុំ បានត្រឡប់មករកសភាពដើមវិញហើយ តើអ្នកទាំងអស់គ្នាគិតយ៉ាងណាដែរ?”។

    គួរបញ្ជាក់ផងដែរថា នៅពេលនេះរូបរាង និងមុខមាត់របស់តារាស្រីរូបនេះមានភាពប្រសើឡើងច្រើនជាងមុនហើយ បើប្រៀបធៀបនិងអាការដែលហើមកាលពីខែមុនៗ និងអំឡុងពេលដែលកំពុងថែររក្សា និងដើម្បីឱ្យកាន់តែជាក់ច្បាស់ សូមទស្សនារូបភាពទាំងឡាយដូចខាងក្រោមនេះ ៖