Author: អេបិល

តួឯកស្រីក្នុងរឿង «ឋានសួគ៌វណ្ណៈ» កញ្ញា លី ឌីណា ដែលទស្សនិកជនស្គាល់ថា ជាតារាស្រគត់ស្រគំនោះ បានធ្វើឱ្យអ្នកគាំទ្ររបស់នាងចាប់អារម្មណ៍ជាខ្លាំង ខណៈដែលនាងបានបង្ហោះវីដេអូឃ្លីបខ្លីៗ និងរូបភាពប៉ុន្មានសន្លឹកនៅក្នុងបណ្ដាញទំនាក់ទំនងសង្គម Facebook ដោយដៃមានកាន់កាំភ្លើងបង្ហាញពីចរិតម៉ឺងម៉ាត់។

តាមរយៈវីដេអូនេះ កញ្ញា លី ឌីណា បានស្លៀកសម្លៀកបំពាក់ឈុតពណ៌ខ្មៅ ដៃកាន់កាំភ្លើងវែង និងខ្លី ហើយអង្គុយបាញ់សំដៅទៅផ្ទាំងស៊ីបដែលហាក់បីដូចជាមានជំនាញខ្លាំងណាស់។ គេមិនបានដឹងថា ក្នុងឃ្លីបនេះនាងចង់បង្ហាញពីអត្តសញ្ញាណជាមន្ត្រីប៉ូលីស ឬយោធា​ ឬយ៉ាងណានោះទេ?  តែយ៉ាងណា  អ្នកគាំទ្ររបស់នាងទាំងអស់មានការស្ងើចសរសើរយ៉ាងខ្លាំងចំពោះសកម្មភាពហ្វឹកហាត់បាញ់កាំភ្លើងនេះ ព្រោះមើលទៅដូចជាអ្នកជំនាញដែលធ្លាប់ប្រើកាំភ្លើងជាយូរមកហើយអ៊ីចឹង។

ទន្ទឹមជាមួយគ្នានេះដែរ កញ្ញា ឌីណា បានប្រាប់អ្នកសារព័ត៌មាន ឡារ៉ែនថា “ក្នុងការបាញ់កាំភ្លើងនេះ គឺមានភាពតក់ស្លុតបន្ដិចបន្តួចដែរ តែនេះគ្រាន់តែជាការថតស្ប៉តរូបភាពសម្រាប់ធ្វើប៉ាណូផ្សាយពាណិជ្ជកម្មប៉ុណ្ណោះ មិនមែនជាការសម្ដែងក្នុងរឿង ឬបន្ថែមអាជីពអ្វីនោះទេ”។ ជាមួយគ្នានោះដែរ កញ្ញា បានបញ្ជាក់ប្រាប់ទៀតថា ទាំងរូបភាពកាំភ្លើងវែង និងកាំភ្លើងខ្លី គឺសុទ្ធសឹងតែជាកាំភ្លើងពិតប្រាកដទាំងអស់ ហើយគេបានកំណត់ឱ្យនាងបាញ់ចំនួន 5 គ្រាប់ ក៏ប៉ុន្ដែនាងបានបាញ់ត្រូវគោលដៅដល់ទៅ 3 គ្រាប់។

ជាចុងក្រោយកញ្ញា លី ឌីណា បានបញ្ជាក់ប្រាប់ផងដែរថា ថ្មីៗនេះ នាងកំពុងទទួលបានការងារសម្តែងថ្មីៗជាច្រើនទៀត គឺកំពុងថតរឿងភាគថ្មីសម្រាប់ស្ថានីយ៍ទូរទស្សន៍ PNN និងកំពុងថតខ្សែភាពយន្ដខ្នាតធំដែលមានចំណងជើងថា «ថាអត់ចូលចិត្តមួយម៉ាត់ទៅ»៕

ខាត់ វ៉ៃហាំង ជាតារាសម្ដែងដែលទទួលបានការគាំទ្រពីទស្សនិកជនតាមរយៈការសម្ដែងរឿងជាច្រើន  ក្នុងនោះលោកក៏ធ្លាប់បានសម្ដែងជាមួយតារាបរទេសផងដែរ។ ទោះបីជាយ៉ាងនេះក្ដី វ៉ៃ ហាំង បានសម្ដែងនូវការបារម្ភ ខណៈផលិតកម្មមហាហង្សបានតម្រូវឱ្យលោកចាប់ដៃគូសម្ដែងជាមួយតារាថៃក្នុងរឿង «អនុស្សាវរីយ៍ថ្ងៃចូលឆ្នាំ»។

លោក ខាត់ វ៉ៃហាំង បានប្រាប់ថា លោកពិតជាមានអារម្មណ៍រីករាយជាខ្លាំង ខណៈបានសម្ដែងរួមគ្នាជាមួយតារាស្រីថៃ ប៉ុន្ដែលោកក៏មានការបារម្ភតិចៗដែរក្រោយពីទទួលការងារនេះ  ព្រោះមិនដឹងថា នឹងអាចធ្វើបានល្អប៉ុនណាឡើយ?។ តារាសម្ដែងរូបនេះបញ្ជាក់ថា៖ «កន្លងមកខ្ញុំធ្លាប់សម្ដែងរឿងជាមួយតារាបរទេសខ្លះដែរ ដូចជារឿងសង្គ្រាមបងប្អូនជាដើម ខ្ញុំធ្វើបានល្អ ប៉ុន្ដែមិនដឹងជាយ៉ាងម៉េច?ក្រោយពីដឹងថា ខ្ញុំ​ត្រូវសម្ដែងជាមួយតារាស្រីថៃកញ្ញា ណាតតាទីដា ដាំរ៉ុងវិសិដ្ឋផេត ខ្ញុំពិតជាបារម្ភមែនទែន  មិនដឹងថា មកពីអ្វីទេ?  និយាយទៅអារម្មណ៍របស់ខ្ញុំសប្បាយ ក៏សប្បាយ! ភ័យ ក៏ភ័យ»។

ជាមួយក្ដីបារម្ភនេះត្រូវបានគេលើកឡើងថា ប្រហែលជាលោក ខាត់ វ៉ៃហាំង បារម្ភពីការសម្ដែងឈុតឆាកស្នេហាជាមួយតួស្រីម្នាក់នេះទេដឹង ទើបលោកភ័យអរៗបែបនេះ ព្រោះនៅក្នុងរឿងនេះតម្រូវឱ្យលោកធ្វើជាមគ្គុទេសក៍ទេសចរណ៍(អ្នកនាំផ្លូវ)នាំតួស្រីដើរកម្សាន្ដនៅប្រទេសកម្ពុជា ខណៈតួស្រីត្រូវចាកចេញពីប្រទេសកម្ពុជាជាមួយក្រុមទេសចរណ៍ ប៉ុន្ដែនាងងើបមិនទាន់។

ទោះយ៉ាងណាតារាប្រុសម្នាក់នេះបញ្ជាក់ថា លោកមិនទាន់ដឹងច្បាស់ថា ត្រូវមានឈុតឆាកអ្វីខ្លះទេ? គ្រាន់តែដឹងថា លោកត្រូវសម្ដែងជាអ្នកធ្វើការនៅក្នុងក្រុមហ៊ុនទេសចរណ៍ និងត្រូវនាំតួស្រីដើរកម្សាន្ដ និងមានឈុតឆាកស្និទ្ធស្នាល និងបានសាងអនុស្សាវរីយ៍ជាមួយតួស្រីជាច្រើននៅក្នុងថ្ងៃចូលឆ្នាំនៅក្នុងប្រទេសកម្ពុជា។ លោកបន្ដថា មូលហេតុលោកជាប់ក្នុងជម្រើសនៃការសម្ដែងរឿងនេះ គឺដោយសាតែររូបសម្បត្ដិរបស់លោកផង និងលោកអាចប្រើប្រាស់ភាសាថៃ​ និងអង់គ្លេសបាន ព្រមទាំងលោកជាតារាសម្ដែងដែលធ្លាប់មានបទពិសោធសម្ដែងជាមួយតារាបរទេសផងដែរ។  

គួរបញ្ជាក់ថារឿង «អនុស្សាវរីយ៍ថ្ងៃចូលឆ្នាំ» ជាខ្សែភាពយន្ដខ្នាតធំដែលបានសហការគ្នាជាមួយផលិតកម្មមហាហង្ស និងផលិតករមកពីប្រទេសថៃ និងត្រូវថតនៅក្នុងប្រទេសចំនួន3 គឺកម្ពុជា ថៃ ឡាវ និងត្រូវចំណាយទុនផលិតរង្វង់ 30 ម៉ឺនដុល្លារ៕

គ្រឿងផ្សំ៖
ជើងមាន់ 500 ក្រាម
រំដេង ខ្ទឹមក្រហម ម្ទេសស្រស់ គល់ស្លឹកគ្រៃ ស្លឹកក្រូចសើច ជីរវ៉ាន់ស៊ុយ ជីររណា
ទឹកស៊ីអ៊ីវខាប់ 1 ស្លាបព្រាកាហ្វេ
ទឹកត្រី 2 ស្លាបព្រាបាយ
គ្រឿងបន្ថែមរសជាតិ 1 ស្លាបព្រាបាយ
ទឹក 500-700 មីល្លីលីត្រ

វិធីធ្វើ៖
1.ដាំទឹកបរិសុទ្ធ
2.ហាន់រំដេងជាដុំតូចៗ គល់ស្លឹកគ្រៃ ខ្ទឹមក្រហម ស្លឹកក្រូចសើច

3.ដាក់ជើងមាន់ក្នុងទឹកកំពុងពុះ

4.ដួសពពុះខ្លាញ់ចេញ
5.ដួសគ្រឿងផ្សំទឹកស៊ុបចេញ

6.ដាក់គ្រឿងបន្ថែមរសជាតិ ទឹកត្រី ស៊ីអ៊ីវខាប់
7.រម្ងាស់រយៈពេល 30 នាទី
8.ហាន់ជីរវ៉ាន់ស៊ុយ ជីររណា

9.ច្របាច់ក្រូចឆ្មារ

10.ចាក់ម្ទេសចូល ដួសដាក់ចានជាការស្រេច ៕

កាលពីរាត្រីថ្ងៃទី26 ខែកក្កដា ឆ្នាំ2017 នៅបរិវេណរោងភាពយន្ដទំនើប Major Cineplex ក្នុងផ្សារទំនើប AEON មានរៀបចំកម្មវិធីអបអរ និងបើកសម្ពោធការចាក់បញ្ជាំងរឿង “វិកលចរិត” ព្រមៗគ្នា3ប្រទេស រួមមាន កម្ពុជា ថៃ ឡាវ ហើយអ្វីដែលកាន់តែពិសេសទៅទៀតនេះគឺ ចំណូលដែលបានពីការចាក់បញ្ជាំងរឿងនេះក្នុងទាំង3ប្រទេសនោះនឹងត្រូវដក 1 ដុល្លារពីតម្លៃសំបុត្រកុន1សន្លឹកដើម្បីយកទៅបរិចា្ចគដល់កុមារកំព្រា និងកុមារបាត់បង់សតិបញ្ញានៅកម្ពុជាផងដែរ។

ព្រឹត្តិការណ៍ដែលនឹកស្មានមិនដល់នៅរាត្រីថ្ងៃនោះបានធ្វើឱ្យអ្នកទស្សនា និងអ្នកគាំទ្រដែលស្រឡាញ់​វិស័យភាពយន្ដ ព្រមទាំងទស្សនិកជនដែលបានមកចូលរួមក្នុងកម្មវិធីសម្ពោធរឿង “វិកលចរិត” ទាំងក្នុង និងក្រៅកម្រាលព្រំក្រហមបានព្រឺសម្បុររំភើប និងចេញទឹកភ្នែករលីងរលោង ខណៈដែលប្អូនៗកុមារកំព្រាដែលមកពីមណ្ឌុលកុមារកំព្រាលោកតា ហ្វ៊ុយ សូ ចេញមកសម្ដែងនូវចម្រៀងមួយបទដែលមានចំណងជើងថា “ជីវិតក្មេងកំព្រា”​ អមទៅដោយពន្លឺភ្លើងទៀនដែលបង្ហាញពីភាពកក់ក្ដៅឡើងវិញ ព្រោះកន្លងមកធ្លាប់តែរស់នៅក្នុងភាពឯកា កណ្ដោចកណ្ដែង ជាហេតុធ្វើឱ្យមានកម្លាំងជំរុញទឹកចិត្ត និងជំពប់អារម្មណ៍ទស្សនិកជនដែលបានចូលរួមទាំងអស់ឱ្យទប់ទឹកភ្នែកស្ទើរតែមិនបាន។

ក្នុងនោះដែរលោក មាតុចក្រ ឬ ហ៊ុយ យ៉ាឡេង បានប្រាប់អ្នកយកព័ត៌មានគេហទំព័រ ឡារ៉ែនថា គោលគំនិតដែលលោកបាននឹកឃើញយកទស្សនីយភាពពន្លឺភ្លើងទៀនដែលសម្ដែងដោយកុមារកំព្រាទាំងអស់នេះមកជូន ក៏ព្រោះតែលោកចង់បង្ហាញអំពីស្មារតីរួបរួមគ្នា សាមគ្គីភាពគ្នាដែលផ្ដល់នូវភាពកក់ក្ដៅទៅកាន់កុមារកំព្រាកម្ពុជាទាំងអស់ឱ្យទស្សនិកជនបានដឺង ព្រមទាំងមកទស្សនារឿងនេះទាំងអស់គ្នាទោះជាអ្នកខ្លះធ្លាប់បានទស្សនាហើយ និងមិនទាន់ហើយក្ដី ព្រោះថា ការទស្សនាម្ដង ស្មើនឹងបានរួមចំណែកបរិច្ចាគ 1 ដុល្លារទៅកាន់កុមារកំព្រា និងកុមារបាត់បង់សតិបញ្ញាទាំងអស់ដែលជាជនជាតិខ្មែរយើង។

គួរបញ្ជាក់ផងដែរថា អ្នកដឹកនាំរឿងរូបនេះបានបញ្ជាក់ហើយបញ្ជាក់ទៀតថា នេះអាចចាត់ទុកថា ជាប្រវត្តិសាស្ត្រដំបូងបង្អស់របស់កម្ពុជាហើយដែលកុនរបស់កូនចៅខ្មែរយើងបានដាក់បញ្ជាំងដល់ទៅ 3 ប្រទេសរួមគ្នា និងបានចូលរួមបរិច្ចាគថវិកាពី 3 ប្រទេស កម្ពុជា ថៃ ឡាវ ទៅដល់មន្ទីរពេទ្យកុមាជាតិ និងកុមារកំព្រានៅក្នុងប្រទេសកម្ពុជា ព្រោះថា ទម្រាំតែទទួលបានការយល់ព្រមឱ្យចាក់បញ្ជាំងនៅស្រុកគេ គឺមានការឆ្លងកាត់ការសម្រិតសម្រាំងជាច្រើនដំណាក់កាល។

ដូច្នេះជាចុងក្រោយនេះ កូនខ្មែរ និងជាអ្នកដឹកនាំរឿងរូបនេះមានក្ដីរំពឹង និងសង្ឃឹមថា កូនខ្មែរដែលស្រឡាញ់កុនខ្មែរ និងសិល្បៈវប្បធម៌ខ្មែរទាំងអស់នឹងទៅជួយគាំទ្រលើកស្ទួយខ្សែភាពយន្ដខ្មែរមួយនេះដែលការចូលទស្សនារបស់អ្នកគឺ ស្មើនឹងការជួយសង្គមជាតិដោយបានបរិច្ចាគទៅដល់ប្អូនៗកុមារដែលកំពុងរង់ចាំជំនួយពីអ្នកទាំងអស់គ្នាជាទស្សនិកជន៕