អេបិល - La Reine Media

ម្នាក់ទៀតហើយ!! Selena Gomez ត្រូវជនអនាមិក Hack Account អ៊ីនស្ដាក្រាម

ថ្មីៗនេះ នៅលើបណ្ដាញសង្គម អ៊ីនស្តាក្រាម របស់តារាចម្រៀងស្រី Selena Gomez កំពុងមានរឿងភ្ញាក់ផ្អើលយ៉ាងខ្លាំង ដោយទាំងរូបភាព និងវីដេអូរបស់នាង ជាពិសេសរូបភាពពីអតីតកាលជាមួយនឹង Justin Bieber ត្រូវបានជនអនាមិក Hack Account លួចយក និងលុបចោលអស់ទាំងស្រុង។

Selena Gomez ជាតារាស្រីម្នាក់ទៀតហើយ បន្ទាប់ពីតារាចម្រៀងស្រី Taylor Swift ដែលត្រូវបានជនអនាមិកព្យាយាម Hack Account យករូបអាក្រាតកាយរបស់ពួកគេ ដែលបានទុកដាក់នៅលើបណ្ដាញសង្គមនានាដើម្បីគំរាមយកប្រាក់។ បើតាមសារព័ត៌មានបរទេស kenh14 បានឱ្យដឹងថា នៅលើអ៊ីនស្តាក្រាមរបស់តារាស្រីរូបនេះ មានអ្នកគាំទ្រ និងតាមដាននាងដល់ទៅ 125 លាននាក់ មានការបង្ហោះរូបភាពចំនួន 1359 សន្លឹក ព្រមទាំងមានមិត្តភ័ក្ដិដែលនាងស្និទ្ធស្នាលតែ 275 នាក់ប៉ុណ្ណោះ ក៏ប៉ុន្ដែជាអកុសលទាំងអស់នោះត្រូវបានលុបចោល និងរលាយបាត់ទាំងអស់ក្នុងពេលតែមួយភ្លែត។

គួរបញ្ជាក់ផងដែរថា គណនីអ៊ីនស្តាក្រាមរបស់តារាចម្រៀងស្រីវ័យ 25ឆ្នាំរូបនេះ ជាគណនីដែលមានតំណភ្ជាប់ជាមួយ “Terrorist” ដែលនាងអាចរកចំណូលពីការបង្ហោះរូបម្ដងៗបាន 12.3 ពាន់លានដុល្លារក្នុងមួយសន្លឹក៕

August 29, 2017

ទេព បូព្រឹក្ស ទម្លាយរឿង G-Devith រស់នៅជាមួយនាងក្នុងផ្ទះតែមួយ

បន្ទាប់ពីមានលេចឮដំណឹងថា កញ្ញា ទេព បូព្រឹក្ស បានសម្ងំរួមរស់ជាតារាចម្រៀងរ៉េប លោក ងួន ចាន់ដេវីដ យ៉ាងលួចលាក់នៅក្រោមដំបូលផ្ទះតែមួយ ដោយមិនឱ្យមហាជនដឹងអស់មួយរយៈពេលមកហើយនោះ តារាចម្រៀងស្រីស្រស់ស្អាតរូបនេះ បានចេញមុខបកស្រាយផ្ទាល់ជាមួយអ្នកសារព័តមាន ឡារ៉ែន នៅក្នុងកម្មវិធីប្រគំតន្រ្តី ETv Gold តន្ត្រីមហាគ្រួសារ KAP កាលពីថ្ងៃអាទិត្យទី27 ខែសីហា ឆ្នាំ2017 កន្លងទៅថ្មីៗនេះ។

តារាស្រីដែលនិយមគាំទ្រស្ទីលចម្រៀងរ៉េបបែប CL រូបនេះ នៅពេលដែលបានឮសំណួរថា នាងបានរួមរស់នៅជាមួយ G-Devith ក្នុងផ្ទះតែមួយភ្លាម នាងក៏បានផ្ទុះសំណើចឡើងភ្លាមដែរ ហើយនិយាយថា «វាមិនអាចទៅរួចទេបង ហើយនាងខ្ញុំតែងតែប្រាប់ដល់គ្រប់បណ្ដាញសារព័ត៌មានទាំងអស់ដែលតែងតែសួរនាងខ្ញុំថា តើយើងខ្ញុំពីរនាក់ហ្នឹងជាសង្សារនឹងគ្នាមែនឬមិនមែន? នាងខ្ញុំតែងតែឆ្លើយប្រាប់វិញថា ពីរនាក់ខ្ញុំនេះមិនមែនជាសង្សារនឹងគ្នាទេ»។

ដើម្បីឱ្យកាន់តែជាក់ច្បាស់ និងស្រាយរាល់មន្ទិលសង្ស័យចំពោះរូបនាងកន្លងមក តារាចម្រៀងស្រីស្រស់ស្អាតសំឡេងផ្អែមរូបនេះបានបន្ដថា «ដោយសារតែពីរនាក់យើងធ្វើការងារជាមួយគ្នា ហើយមានអត្តចរិតត្រូវគ្នាច្រើន យើងតែងមានអារម្មណ៍ល្អជាមួយគ្នា និងស្វែងយល់ពីគ្នាតទៅទៀត»។

គួរបញ្ជាក់ផងដែរថា បើទោះបីជាមជ្ឍដ្ឋានមហាជនបានអះអាងប្រាប់ថា បានឃើញរូប G-Devith ឧស្សាហ៍ចេញចូល និងសម្ងំនៅក្នុងផ្ទះបូព្រឹក្សក្ដី ក៏តារាស្រីរូបនេះនៅតែអះអាងថា គ្មានអ្វីដែលត្រូវចម្លែកចិត្តទេ ព្រោះយើងមានការងារត្រូវធ្វើរួមគ្នា និងមានការពិភាក្សាគ្នាច្រើន ដើម្បីសាងស្នាដៃបំពេញ និងតម្រូវចិត្តមិត្តអ្នកគាំទ្ររូបនាង និង G-Devith ផងដែរ។

ដើម្បីឱ្យកាន់តែជាក់ច្បាស់សូមទស្សនាវីដេអូបកស្រាយ ខាងក្រោមនេះ ៖

August 29, 2017

ម្ចាស់បទ «បៀមព្រះមកស្បថក៏មិនជឿ» របស់ថៃ មកលក់ទឹកសុទ្ធនៅខេត្តសៀមរាប

នៅរសៀលម៉ោង2 ថ្ងៃទី28 ខែសីហា ឆ្នាំ2017 កំពូលតារាចម្រៀងរ៉ុកឃើរ លោក SEK LOSO បានធ្វើដំណើរមកកាន់ ទឹកដីខេត្តសៀមរាប ប្រទេសកម្ពុជា ដើម្បីជួបជុំជាមួយអ្នកគាំទ្ររូបលោក ព្រមទាំងធ្វើដំណើរទៅទស្សនាប្រាសាទបុរាណនានានៅក្នុងតំបន់អង្គរ ជាពិសេសប្រាសាទអង្គរវត្តដ៏ល្បីល្បាញរបស់ខ្មែរយើងតែម្ដង។

តាមរយៈរូបថត និងវីដេអូឡាយផ្ទាល់របស់ម្ចាស់បទ “បៀមព្រះមកស្បថក៏មិនជឿ” រូបនេះ បានមកកាន់ប្រទេសកម្ពុជាលើកដំបូងហើយ និងបាននិយាយពីអារម្មណ៍សប្បាយចិត្ត និងមានក្ដីរំភើបរីករាយនៅលើ Facebook Page របស់លោក។

គួរបញ្ជាក់ផងដែរថា ក្រៅពីធ្វើដំណើរមកជួបជាមួយអ្នកគាំទ្រហើយ លោកក៏បានបញ្ជាក់ប្រាប់ផងដែរថា លោកបាននាំយកទឹកពិសាបរិសុទ្ធដែលជា Band Name SEK LOSO បានចែកចាយលក់នៅក្នុងប្រទេសកម្ពុជាផងដែរ៕

August 28, 2017

ខៀវ សានសាណា ចេញមុខប្រតិកម្មរាល់ព័ត៌មានរបស់បងប្រុស

នៅថ្ងៃទី28 ខែសីហា ឆ្នាំ2017 អ្នកនាង ខៀវ សានសាណា បានចេញសារដែលបង្ហាញពីអារម្មណ៍ពិតរបស់ខ្លួន ខណៈដែលមានសារព័ត៌មានក្នុងស្រុកជាច្រើនបានចេញផ្សាយពី ហេតុការណ៍ឃាតកម្ម និងធ្វើអត្តឃាតរបស់បងប្រុសខ្លួន គឺ លោក ខៀវ កូណែល នៅលើបណ្ដាញសង្គម Facebook កាលពីប៉ុន្មានម៉ោងមុននេះបន្ដិច។

តាមរយៈពាក្យពេចន៍ជាភាសាអង់គ្លេសប៉ុន្មានឃ្លា ដែលមានន័យជាខេមរភាសាថា “ខ្ញុំមានសំណូមពរតែមួយគត់ អង្វរចំពោះអ្នកសារព័ត៌មាននានា សូមមេត្តាកុំសរសេរអ្វីមួយដែលអ្នកគ្មានភ័ស្តុតាងនោះ។ សូមទុករឿងនេះឲ្យប៉ូលិសបំពេញតាមកាតព្វកិច្ចរបស់ពួកគាត់ក្នុងការស៊ើបអង្កេតជាមុនចុះ។ សូមអរគុណសម្រាប់ការយោគយល់ និងសូមជួយនាងខ្ញុំផង ដើម្បីឲ្យបងប្រុសនាងខ្ញុំធ្វើដំណើរទៅកាន់សុគតិភព។ ខ្ញុំស្រឡាញ់គាត់ខ្លាំងណាស់ ហើយខ្ញុំមិនដឹងថា ត្រូវប្រឈមមុខនឹងបញ្ហានេះដោយរបៀបណាទេ។ សូមទៅកាន់សុគតិភពចុះ បងប្រុសជាទីស្រឡាញ់បំផុតរបស់ប្អូន…”

យ៉ាងណាមិញ ជំនួសមុខឱ្យបុគ្គលិកសារព័ត៌មាន ឡារ៉ែន ទាំងអស់គ្នាក៏សូមចូលរួមរំលែកទុក្ខដល់ក្រុមគ្រួសារលោក ខៀវ កូឡា និងអ្នកនាង ខៀវ សានសាណា ចំពោះវិញ្ញាណក្ខន្ធលោក ខៀវ កូណែល និងអ្នកនាង យេង លក្ខិណា ដែលបានទទួលមរណភាពនៅរាត្រីថ្ងៃទី27 ខែសីហា ឆ្នាំ2017៕

August 28, 2017

បវរកញ្ញាវៀតណាម Tuong Linh ឡើងកូដខ្លាំង ខ្ពស់ដោយសារតែសម្រស់ Brand Face

បវរកញ្ញាវៀតណាម Tuong Linh មានវ័យ 23 ឆ្នាំ នាងជាកូនពៅនៅក្នុងក្រុមគ្រួសារដែលរស់នៅក្នុងខេត្ត Phu Yen ប្រទេសវៀតណាម ហើយម្ដាយរបស់នាងមានឈ្មោះថា Luong Van Chanh ជាគ្រូបង្រៀនផ្នែកអក្សរសិល្ប៍មានឈ្មោះល្បីម្នាក់ ដែលធ្លាប់ទទួលបានពានរង្វាន់ក្នុងការបង្រៀនពីកម្មវិធី Vietnam Aviation Academy។ នេះបើតាមសារព័ត៌មាន kenh14.vn។

រហូតដល់ថ្ងៃទី27 ខែសីហាម្សិលមិញ បវរកញ្ញារូបនេះបានចូលរួមប្រកួតកម្មវិធី The Face Vietnam 2017 ហើយបានទទួលជ័យជម្នះពានរង្វាន់លេខ1 ដោយសារតែទម្រង់មុខរបស់នាងស្រស់ស្អាតដាច់គេ និងមាននាមជា “Brand Face” ព្រមទាំងជាតំណាងនារីវៀតណាមទៅប្រកួត Miss Intercontinental 2017 នៅប្រទេសឥណ្ឌាផងដែរ។

គួរបញ្ជាក់ផងដែរថា Tuong Linh បានឡើងកូដខ្លាំង និងមានភាពទាក់ទាញបំផុតដែលធ្វើឱ្យពិភពលោកបានចាប់អារម្មណ៍ពីសម្រស់ដ៏ល្អឯករបស់នាង។ នាងមានកម្ពស់ 170 សង់ទីម៉ែត្រ មានទំហំទាំងបីគឺ 83-58-89 និងអាចនិយាយភាសាអង់គ្លេសបានយ៉ាងស្ទាត់ជំនាញទៀតផង៕

August 28, 2017

រឿងរ៉ាវខ្លះៗពាក់ព័ន្ធនឹងការបាញ់សម្លាប់ភរិយា រួចធ្វើអត្តឃាតរបស់បងប្រុស ខៀវ សានសាណា និងមុនថ្ងៃកើតហេតុ

បន្ទាប់ពីកើតហេតុការណ៍បាញ់សម្លាប់ខ្លួនឯងរបស់លោក ខៀវ កូណែល ត្រូវជាបងប្រុសពិធីការិនី ខៀវ សានសាណា កាលពីយប់មិញ ដែលជាអំពើឃាតកម្ម និងអត្តឃាតដ៏រន្ធត់រួចមក មហាជនបាននៅតែបន្ដសង្ស័យថា បញ្ហាដែលបានកើតឡើងនេះ បណ្ដាលមកពីភ្លើងប្រចណ្ឌ ឬមានជម្លោះនៅក្នុងក្រុមគ្រួសារ?

យ៉ាងណាមិញ ភាពផ្អែមល្ហែមរបស់ភរិយាដែលមានចំពោះស្វាមី ត្រូវបានបញ្ចេញឱ្យសាធារណជនបានដឹងតាមបណ្ដាញសង្គម Facebook បើយោងតាម Facebook Page ដែលមានឈ្មោះថា «KonelLeakena» ជាឈ្មោះផ្សំរវាងលោក និងភរិយាបានសរសេរបង្ហោះថា “មនុស្សប្រុសកើតមកសម្រាប់តែលួង់ មិនមែនសម្រាប់ង៉ក់ងរនោះទេ ព្រោះព្រះជាម្ចាស់បានបង្កើតមនុស្សប្រុសមកឲ្យមានដុះសាច់លើសហើយ… មិនអាចមានអ្វីត្រូវលើសមនុស្សស្រីបានទៀតទេ…លួងរហូតទៅ! សំណព្វ 70 80 90…100 and My Only One!”។ ចំណែកឯ Facebook Page ស្ត្រីជាភរិយា ដែលមានFacebook ឈ្មោះថា «LeakhenaYeng» បានសរសេរយ៉ាងដូច្នេះថា “មានមនុស្សតិចបំផុតដែលអាចអត់ធ្មត់នឹងភាពឆេវឆាវគ្មានហេតុផលរបស់យើងបាន តែមានមនុស្សតែម្នាក់ប៉ុណ្ណោះ ដែលក្រៅពីអ្នកមានគុណយើងដែលព្រមអភ័យអនុគ្រោះ ចំពោះកំហុសគ្រប់យ៉ាងរបស់យើង ព្រោះម្នាក់នោះជាមនុស្ស ដែលស្រឡាញ់យើងខ្លាំងជាងជីវិតរបស់គេ”។

គួររំឭកផងដែរថា នៅថ្ងៃទី8 ខែសីហា កន្លងទៅនេះអ្នកនាង យេង លក្ខណា បានបង្ហោះរូបភាពប៉ុន្មានសន្លឹកនៅលើទឹកដី ខេត្តសៀមរាប ដែលបានរៀបរាប់ថា “ស្នេហាក៏ដូចជាផ្ទៃមេឃ ទោះបីថា ផ្កាយស្រស់ស្អាតប៉ុនណា តែបើគេចូលចិត្តព្រះចន្ទ័ គេក៏មិនទៅសម្លឹងមើលផ្កាយដែរ”។ ប្រភពមិនបញ្ចេញឈ្មោះបានអះអាងថា ឃាតកម្មខាងលើនេះ ច្បាស់ជាបណ្ដាលមកពីភ្លើងប្រចណ្ឌយ៉ាងជាក់ច្បាស់។

គួរបញ្ជាក់ផងដែរថា បើតាមព័ត៌មានក្នុងស្រុកបានឱ្យដឹងថា អ្នកនាង យេង លក្ខណា មានវ័យ 40 ឆ្នាំ និង ខៀវ កូណែល មានវ័យ 33 ឆ្នាំ បានរៀបអាពាហ័ពិពាហ៍ជាមួយគ្នាអស់រយៈពេលជាង3 ខែហើយ ចាប់តាំងពីថ្ងៃទី8 ខែឧសភា ឆ្នាំ 2017 រហូតមកដល់ថ្ងៃនេះ៕

August 28, 2017

បងប្រុស ពិធីការិនី ខៀវ សានសាណា បាញ់សម្លាប់ខ្លួនយប់មិញនេះ

នៅរាត្រីថ្ងៃទី២៧ ខែសីហា ឆ្នាំ២០១៧ កើតមានហេតុការណ៍បាញ់សម្លាប់ ស្ថិតនៅម្តុំសង្កាត់បឹងទំពន់ ខណ្ឌមានជ័យ រាជធានីភ្នំពេញ។ បើតាមអ្នកភូមិបានប្រាប់ឲ្យដឹងថា លោក ខៀវ កូណែល ត្រូវបងប្រុសពិធីការិនី ខៀវ សានសាណា បានបាញ់សម្លាប់ខ្លួនឯង និងភរិយា ដោយសារភ្លើងប្រចណ្ឌ ដែលបណ្តាលឲ្យមានការភ្ញាក់ផ្អើល ដោយសារស្នូរកាំភ្លើង លាន់លឺដល់អ្នករស់នៅជុំវិញកន្លែងកើតហេតុ និងមានការផ្សាយផ្ទាល់ ពីបណ្តាញសារព័ត៌មាននានានៅក្នុងស្រុក។

ចំពោះបញ្ហាភ្លើងប្រចណ្ឌ ឬមានជម្លោះនៅក្នុងក្រុមគ្រួសារ សារព័ត៌មាន ឡារ៉ែន នៅមិនទាន់អាចទាក់ទងសុំការបំភ្លឺពីកញ្ញា ខៀវ សានសាណា បានឡើយ។ គួរបញ្ជាក់ផងដែរថា លោក ខៀវ កូណែល ជាកូនប្រុសបង្កើតរបស់លោក ខៀវ កូឡា និងជាក្មួយប្រុសបង្កើតរបស់លោកនាយឧត្តមសេនីយ៍ ខៀវ សុភ័គ ជាអ្នកនាំពាក្យក្រសួងមហាផ្ទៃ ដែលមានតួនាទីជា អនុប្រធាន ការីគណនេយ្យ និងជំនួយការផ្ទាល់ នាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ៕

August 28, 2017

តោះ! ទៅមើលរូបភាព Cute…របស់ Jannine Weigel កាលពីកុមារភាព

មិនមែនពីក្មេងគ្រប់គ្នាមានសម្រស់ស្អាត និង Cute គួរឱ្យស្រឡាញ់នោះទេ លុះដល់ចម្រើនវ័យធំឡើងនៅតែមានសម្រស់ស្អាតដូចពីកុមារភាពនេះទេ ដោយឡែកតារាចម្រៀងស្រី Ploy Chompoo ដែលត្រូវបានគេស្គាល់ថា Jannine Weigel វិញ នាងស្អាតតាំងពីតូចរហូតដល់ធំ ខណៈដែលថ្ងៃកំណើតរបស់នាងគឺថ្ងៃទី 30 ខែកក្កដា ឆ្នាំ 2000។

តារាវ័យក្មេងវ័យ 17 ឆ្នាំរូបនេះ គឺជាតារាកូនកាត់ថៃ-អាឡឺម៉ង់ ហើយទទួលបានប្រជាប្រិយភាពតាមរយៈបណ្តាញសង្គមនានា ខណៈនាងបង្ហាញខ្លួននៅក្នុងវីដេអូតន្ត្រីរបស់ Getsunova និងចម្រៀង Cover ដ៏មានទឹកដមផ្អែមពីរោះ ព្រមទាំងបានចូលរួមក្រុមជាមួយ MBO ជាក្រុមដ៏ល្បីល្បាញក្នុងប្រទេសថៃផងដែរ។ ម្យ៉ាងទៀតតារាស្រីរូបនេះ បានជោគជ័យខ្លាំងបំផុតតាមរយៈភាពយន្ដខ្នាតធំរឿង «សិស្សច្បង» ។

Ploy Chompoo ធ្លាប់ជាតារាសម្តែង និងជាតារាម៉ូដែល មុនពេលដែលនាងបានក្លាយជាតារាចម្រៀងអាជីព។ ជាមួយនឹងមុខមាត់ស្រស់ស្អាត និងភាពស្ទាត់ជំនាញក្នុងការនិយាយភាសាបរទេសបានដល់បួនភាសាគឺ អង់គ្លេស អាល្លឺម៉ង់ អេស្ប៉ាញ ចិន នាងអាចទាញយកបាននូវអ្នកគាំទ្ររាប់លាននាក់នៅជុំវិញពិភពលោក៕

August 27, 2017

ពេជ្រ សោភា ទម្លាយរឿងក្នុងចិត្តជាមួយកូនសិស្ស សាន ស្រីឡៃ

ប៉ុន្មានម៉ោងមុននេះបន្ដិច Facebook Page របស់ផលិតកម្មរស្មីហង្សមាស បានបញ្ចេញនូវបទចម្រៀងមនោសញ្ចេតនាឆ្លងឆ្លើយរវាង គ្រូបង្វឹក ពេជ្រ សោភា ជាមួយកូនសិស្សស្រី សាន ស្រីឡៃ ដែលធ្លាប់ជាអតីតបេក្ខនារី The Voice Cambodia រដូវកាលទី 2 នៅក្នុងបទចម្រៀងដែលមានចំណងជើងថា” រឿងក្នុងចិត្ត ” ដែលបានបង្ហាញពីអារម្មណ៍របស់នារីពីរនាក់ឈឺចាប់ក្នុងរឿងតែមួយ។

ដោយឡែកកំពូលតារាចម្រៀងស្រី ពេជ្រ សោភា ឬ ចែ ភា បានបញ្ចេញអារម្មណ៍ពិតនៅលើហ្វេសប៊ុកផ្ទាល់ខ្លួន តាមរយៈបទនេះថា “រឿងក្នុងចិត្ត កើតមកពីមនុស្សតែងតែចេះពិបាកចិត្ត តែពេលខ្លះមិនអាចនិយាយចេញបានទេ វាពិបាកណាស់ ” ។

គួបញ្ជាក់ផងដែរថា ពាក់ព័ន្ធជាមួយទិចនិកក្នុងការច្រៀង គ្រូបង្វឹករូបនេះក៏បានសង្កត់ធ្ងន់ថា ” បទនេះប្រើសំឡេងខ្យល់ច្រើនណាស់ ” ។ ចង់ដឹងថាចម្រៀងមួយបទនេះ មានមនោសញ្ចេតនាចាក់ដោត និងបច្ចេកទេសសំឡេងទាក់ទាញចិត្តប្រិយមិត្តអ្នកស្ដាប់ដល់កម្រិតណា សូមទស្សនាវីដេអូចម្រៀងខាងក្រោមនេះ៖

August 26, 2017

Sulli សោកស្ដាយរឿងមួយក្រោយអាក្រាតកាយ

Sulli តារាសម្ដែងស្រីដែលទើបតែទទួលបានការប្រូម៉ូតភាពយន្ដខ្នាតធំរបស់នាងរឿង “Real” យ៉ាងពេញទំហឹងនោះ សុខៗស្រាប់តែនាងបានចេញមុខមកសម្ភាសជាមួយសារព័ត៌មាន Grazia បកស្រាយពីអារម្មណ៍សោកស្ដាយមួយ ក្រោយពេលនាងសម្ដែងរឿងដែលមានឈុតអាក្រាតកាយនេះ។

តារាស្រីវ័យ 24 ឆ្នាំរូបនេះបានធ្វើឱ្យអ្នកដឹកនាំរឿង និងអ្នកគាំទ្រមានការភ្ញាក់ផ្អើលចំពោះសម្ដីរបស់នាងដែលពោលថា « ព្រោះនាងខ្ញុំគិតថា ត្រូវនិយាយអ្វីដែលខ្លួនឯងកំពុងគិត ហើយខ្ញុំទទួលបាននូវការគិតដែលខុសពីមុនមក»។ បន្ទាប់មកទៀតនាងបានបន្ថែមថា «នាងខ្ញុំចូលចិត្តស្ដាប់នូវពាក្យដែលគ្រប់គ្នានិយាយថា ខ្ញុំពិតជាគួរឱ្យស្រឡាញ់មែន ប៉ុន្ដែខ្ញុំបានសង្ស័យរហូតមកថា តើអ្នកគ្រប់គ្នាដែលបាននិយាយចេញមកនោះពិតជាបានគិតដូចគ្នាទាំងអស់មែនឬ ព្រោះថាគ្មាននរណាម្នាក់ដែលគិតដូចគ្នាទាំងអស់ទេ»។

គួរបញ្ជាក់ផងដែរថា ពេលនិយាយដល់រឿង “Real” នាងហាក់បីដូចជាបញ្ចេញអាការអស់សង្ឃឹមហើយពោលថា «ខ្ញុំបានចូលទៅជិតពូកអ្នកគាំទ្រ និងស្ដាប់មតិពួកគាត់ ហើយខ្លាចពួកគាត់និយាយថា គាត់ស្អប់ខ្ញុំ និងខ្ញុំមានអារម្មណ៍សោកស្ដាយណាស់ ប្រសិនបើមិនបានអាក្រាតកាយ ខ្ញុំប្រហែលបានក្លាយជាមិត្តល្អជាមួយនឹងពួកគាត់ហើយ »។ គួរកត់សម្គាល់ថា តារាស្រីរូបនេះបានបង្ហាញពីអារម្មណ៍ថាដូចជាបាត់បង់អ្នកគាំទ្ររបស់ខ្លួន និងជាចុងក្រោយនាងបានបន្ថែមថា «ការសោកស្តាយនេះ វាស័ក្ដិសមនឹងខ្ញុំហើយ»៕

August 26, 2017

Author: អេបិល