តាមរយៈ Facebook របស់ សូ ដានីតា បានឱ្យដឹងថា នាងទើបតែបញ្ចេញវីឡាថ្មី ដែលធ្វើមិនទាន់រួចរាល់មួយរយភាគរយឱ្យមហាជនបានឃើញ។ តារារូបនេះបានសរសេរថា “ក្នុងរួច ទើសក្រៅ ក្រៅរួច ទើសដំបូល ទាល់ដំបូលរួច ចាំទើសអីទៀត ដានីតា អើយ មិនចេះចប់ មិនចេះហើយសោះ អីចឹងបានលុយចេះតែមិនសល់ ហ៊ឺកំសត់មែនហើយ ព្រោះនៅឌីហ្សាញក្នុងបន្ទប់ទឹក នឹងខាងក្រោយទៀតបន្ថែមទៀត ផ្ទះនៅយូរហើយ ធ្វើមិនចេះអស់ ជំពាក់កម្ម រឿងសង់ផ្ទះថ្មីហើយមើលទៅ មិនចេះចប់មិនចេះហើយសោះ “។
សូមទស្សនារូបភាពខាងក្រោម៖
ថ្ងៃទី 7 ខែកញ្ញា ឆ្នាំមុននេះបន្ដិចតារាសម្ដែង ហេង នរៈកក្កដា បានចេញសារតបតទៅតារាចម្រៀង ម៉ៃ សុគន្ធ វិញតាមរយៈ Facebook ផ្ទាល់របស់លោកយ៉ាងក្ដៅៗតែម្ដង។
ការប្រតិកម្មតបតនេះ បើតាមរយៈ Facebook របស់ ហេង នរៈកក្កដា បានសរសេរចំណងជើងតបតទៅវិញថា ក្ដៅៗ ហុយៗ ទៀតហើយ តែហុយម្តងនេះដូចជាចង់ឆេះមិចទេ សូមទស្សនា Video ទាំងអស់គ្នា ហើយ Videoនេះផ្ញើជូនដល់បងប្រុសកំពូលទើសលើលោក ម៉ៃ សុគន្ធ Big Big តែម្តងបាទ..! Pls share now ឈ្លោះជាមួយអ្នកល្បីមិនឈ្លោះ មកឈ្លោះជាមួយខ្ញុំបង ខ្ញុំអត់មានល្បីអីទេបងអ៊ើយ..! Oh ខ្ញុំភ្លេច បងប្អូនទាំងអស់គ្នា កុំជេគាត់ឈឺៗពេកណា ទុកមុខទុកមាត់អោយគាត់ខ្លះផង “។
គួរបញ្ជាក់ផងដែរថា នៅក្នុងវីដេអូឡាយផ្ទាល់របស់តារារូបនេះវិញ បានបោះពាក្យសម្ដីថា ឱ្យ ម៉ៃ សុគន្ធ យ៉ាងកប់តែម្ដង លោកថា “ចង់ល្បីខុសរឿងម្លេះ រាល់ថ្ងៃនេះបងឯងគិតអី បានជាដើរឈ្លោះគេ ដើរទើសគេគ្រប់គ្នានេះ ឥឡូវមកដើរទើសខ្ញុំទៀត” ។ ដើម្បីឱ្យកាន់តែច្បាស់សូមមើលខាងក្រោមនេះ៖
តាមរយៈ Facebook Page រំដួលលិចទឹក បានឱ្យដឹងថា កម្មវិធី មួយម៉ឺនអាល័យ លើកទី2 ជាកម្មវិធីធំមួយដើម្បីចូលរួមអភិរក្សខ្សែភាពយន្តខ្សែពីជំនាន់ដើមដែលជាមរតកមានតម្លៃរបស់ខ្មែរ និងជាកម្មវិធីស្នាដៃ និងសិល្បៈលើកទី 5 ក្រោមប្រធានបទ «គាំទ្រល្ខោនខោលខ្មែរ»។
ជាការចូលរួមចំណែកមួយដែរ កញ្ញា រំដួលលិចទឹក បានបញ្ចេញចំណាប់អារម្មណ៍ថា “នាងខ្ញុំពិតជាមានក្តីរំភើបពេកក្រៃ សម្រាប់ការផ្តល់កិត្តិយសឱ្យរូបនាងខ្ញុំបានចូលរួមសម្តែងក៏ដូចជាបង្ហាញស្នាដៃសិល្បៈដែលច្នៃប្រឌិតចេញពីស្លឹកទ្រាំង និងស្លឺកត្នោតខ្មែរ”។
តារាបង្ហាញម៉ូដរូបនេះបានបញ្ជាក់បន្ថែមថា “ឈុតនេះមានឈ្មោះថា រតន៍រំដួល ជាតំណាងឱ្យឈ្មោះ រំដួលលិចទឹកនេះតែម្តង ជាពិសេសឈុតនេះគឺមានការចូលរួមច្នៃដោយបងប្រុស អ៊ិត សុទ្ធា និងនាងខ្ញុំផ្ទាល់ដៃ។ ជាចុងក្រោយខ្ញុំម្ចាស់ នាងខ្ញុំសូមលើកម្រាមដៃដប់ សូមក្រាបថ្វាយអំណរព្រះគុណយ៉ាងជ្រាលជ្រៅបំផុតថ្វាយដល់ ព្រះអង្គម្ចាស់ក្សត្រីយ៍សម្តេចព្រះរាម នរោត្តម បុប្ផាទេវី ដែលទ្រង់សព្វព្រះហឬទ័យ ហើយយាងមកសួរសុខទុក្ខ និងទ្រង់បានព្រះប្រទានក្តីសរសើរដល់រូបខ្ញុំម្ចាស់ដោយផ្ទាល់ ខ្ញុំម្ចាស់ពិតជាមានក្តីរំភើបឥតឧបមា”៕
នៅថ្ងៃទី7 ខែកញ្ញា ឆ្នាំ 2017 សារព័ត៌មានកូរ៉េបានចេញផ្សាយឱ្យដឹងថា តារាសម្ដែង Song Joong Ki និង Song HyeKyo (ហៅ ហាន់ ជីអ៊ុន) បានធ្វើដំណើរទៅកាន់សហរដ្ឋអាមេរិកក្នុងការថតកម្រងរូបថតត្រៀមអាពាហ៍ពិពាហ៍នៅព្រលានយន្ដហោះ និងក្នុងទីក្រុង Los Angeles។
គួររំឭកផងដែរថា កាលពីថ្ងៃទី3 ខែកញ្ញា ឆ្នាំ2017 គូស្នេហ៍មួយគូនេះបានហោះហើរទៅកាន់ទីក្រុង San Francisco នៃរដ្ឋ California ម្ដងរួចមកហើយដើម្បីប្រកាសទីតាំង និងកាលបរិច្ឆេទថ្ងៃរៀបការនៅក្នុងអំឡុងខែតុលាខាងមុខនេះ។ បើតាមប្រភពស្និទ្ធជាមួយតារាពីរដួងនេះបានប្រាប់សារព័ត៌មានកូរ៉េថា ពួកគេទាំងពីរបានធ្វើដំណើរជាមួយក្រុមផាត់មុខ និងជាងថតរូបល្បីឈ្មោះ Hong Jang Hyun។
គួរបញ្ជាក់ផងដែរថា អ្នកជំនាញថតរូបល្បីឈ្មោះលំដាប់អន្តរជាតិ Hong Jang Hyun ធ្លាប់បានថតរូបឱ្យគូស្នេហ៍តារាពីរគូរួចមកហើយគឺ Bae Yong Joon ជាមួយ Park Soo Jin និងគូ Lee Hyori ជាមួយ Lee Sang Soon៕
កាលពីថ្ងៃទី5 ខែកញ្ញា តារាចម្រៀង CL ជាអតីតសមាជិកក្រុមចម្រៀងស្រី 2NE1 បានធ្វើឲ្យអ្នកដែលចូលរួមទស្សនានៅក្នុងកម្មវិធីនាទីក្រុង ហុងកុង ទាំងអស់ផ្តោតអារម្មណ៍យ៉ាងខ្លាំងទៅលើរូបនាង ខណៈដែលតារាស្រីរូបនេះបានបង្ហាញម៉ូដអាវដែលមិនមានអាវទ្រនាប់ធ្វើឱ្យលេចចេញក្បាលសុដន់។ នេះបើតាមប្រភពព័ត៌មាន kenh14 ដែលបានចេញផ្សាយកាលពីប៉ុន្មានម៉ោងមុននេះ។
ការបង្ហាញស្ទីលថ្មីរបស់នាង CL លើកនេះ មើលទៅហាក់ដូចជាស្ត្រីមានវ័យចំណាស់ 40 ឆ្នាំប្លាយ សូម្បីតែការផាត់មុខ និងម៉ូដសក់របស់នាងនៅក្នុងថ្ងៃកម្មវិធីធំនោះក៏មើលទៅប្លែកដែរ។ គួរបញ្ជាក់ផងដែរថា ក្រៅពីការបង្ហាញឈុតព័ណ៌ស្លាបកំភេមនេះហើយ តារាស្រីរូបនេះបានតាំងចិត្តយ៉ាងមុតមាំក្នុងការប្រកាសប្រាប់ពីព័ត៌មានលម្អិតថា នាងបានក្លាយជាតារាចម្រៀងអាមេរិកាំងហើយ៕
បន្ទាប់ពីជោគជ័យនៅលើវិថីសិល្បៈយ៉ាងខ្លាំងរួចមក តារាចម្រៀងរ៉េប Bross La បានបើកអាជីវកម្មផ្ទាល់ខ្លួនធំមួយទៀត គឺ ហាងមីហិរ 7កម្រិត ដែលមានសាខាដំបូងគេនៅខេត្តបាត់ដំបង។ ដោយទទួលបានការគាំទ្រយ៉ាងខ្លាំងពីសំណាក់អ្នកគាំទ្រ និងជាអតិថិជនរបស់លោក ថ្មីៗនេះលោកក៏បានសម្រេចចិត្តបើកសាខាថ្មីបន្ដទៀតនៅក្នុងខេត្តកំពង់ចាម និង ទីក្រុងប៉ោយប៉ែត។
បើតាមសម្ដីប្រុសឡា បានប្រាប់អ្នកយកព័ត៌មានគេហទំព័រ ឡារ៉ែន ឱ្យដឹងថា ហាង មីហិរ 7 កម្រិត នេះគឺលោកបានទិញ Franchise មកបើកបន្ដពីសាខារាជធានីភ្នំពេញទៅបើកនៅតាមបណ្ដាខេត្តនានា ដូចជា កំពង់ចាម បាត់ដំបង ជាដើម។ ហើយថ្មីៗនេះលោកថា លោកមានភាពមមាញឹកច្រើនក្នុងការរៀបចំហាងនៅជិតច្រកតំបន់សេដ្ឋកិច្ចអន្តរជាតិខ្មែរ -ថៃ ក្នុងទីក្រុងប៉ោយប៉ែតដែលជាសាខាថ្មីមួយទៀត ដែលគ្រោងនឹងសម្ពោធនាថ្ងៃបុណ្យភ្ជុំបិណ្ឌខាងមុខនេះ ដូច្នេះហើយទើបការចេញបទចម្រៀងថ្មីត្រូវបានផ្អាកមួយរយៈសិន។
ជាចុងក្រោយ តារាចម្រៀងរូបនេះក៏បានផ្ដាំផ្ញើទៅកាន់ប្រិយមិត្តអ្នកគាំទ្រគ្រប់រូបក្នុងឱកាសបុណ្យភ្ជុំបិណ្ឌនេះ ឱ្យធ្វើដំណើរទៅលេងស្រុកកំណើតប្រកបដោយសេចក្ដីសុខសុវត្ថិភាព និងមានសុខភាពល្អ ហើយជាពិសេស ប្រសិនបើបងប្អូនណាដែលបានទៅលេងនៅទីក្រុងប៉ោយប៉ែត សូមកុំភ្លេចចូលទៅភ្លក្សរសជាតិមីហិរ នឹងជួយគាំទ្រហាងរបស់លោកទាំងអស់គ្នាផង៕
សូមទស្សនាវីដេអូខាងក្រោមនេះ៖
ភ្នំពេញៈ មន្រ្តីជាន់ខ្ពស់ក្រសួងរ៉ែ និងថាមពលបានថ្លែងថា កម្ពុជានឹងទទួលបានចំណូលប្រមាណ500លានដុល្លារអាមេរិកពីផលិតកម្មប្រេងលើកដំបូងដែលរំពឹងទទួលបានធនធានប្រេង47លានបារ៉ែលពីតំបន់ប្លុកA។
រដ្ឋលេខាធិការក្រសួងរ៉ែ និងថាមពលោក ម៉េង ស័ក្តិធារ៉ា បានថ្លែងឲ្យដឹងថា បើតាមការសន្និដ្ឋានបរិមាណប្រេងនៅក្នុងប្លុកA ដែលអាចធ្វើការបូមបាននាពេលអនាគត កម្ពុជាអាចទទួលបានប្រមាណ6.5ភាគរយ ស្មើនឹង47លានបារ៉ែល ជាប្រភេទប្រេងឆៅដែលអាចបូមយកមកលើដីបាន។ លោកបន្តថា ពាក់ព័ន្ធនឹងប្រេងកាតនៅក្នុងប្លុកAនេះ កន្លងមកយើងបានចុះហត្ថលេខាលើកិច្ចព្រមព្រៀងសារពើរពន្ធ និងកិច្ចព្រមព្រៀងបច្ចេកទេសរវាងរាជរដ្ឋាភិបាល និងក្រុមហ៊ុន គ្រីស អេនើជី (Kris Energy) រួចមកហើយដើម្បីដំណើរឆ្ពោះទៅការផលិតប្រេងនៅក្នុងប្លុកនេះ ។
លោកបន្តថា “បើតាមការសន្និដ្ឋានដែលបានសិក្សាស្រាវជ្រាវកន្លងមក យើងអាចធ្វើការប៉ាន់ស្មានបានថា ប្រេងក្នុងប្លុកAនេះដែលយើងអាចធ្វើការបូមបានមានចំនួនប្រមាណ6.5ភាគរយ ស្មើនឹង47លានបារ៉ែល ជាប្រេងដែលយើងបូមពីក្នុងដីយកមកលើគោកពិតប្រាកដ”។
លោករដ្ឋលេខាធិការបានបន្តថា ប្រសិនមានការប្រែប្រួលលើលក្ខណៈសណ្ឋានដី និងភាពអំណោយផលនៅលើដីនោះ អត្រានៃការធ្វើអាជីវកម្មនឹងអាចកើនឡើងដល់15ភាគរយជាបន្តទៀត ដោយយើងអាចធ្វើការបូមទាញយកបានប្រមាណជា110លានបារ៉ែលថែមទៀត។
លោក ង៉ែត ជូ ទីប្រឹក្សាជាន់ខ្ពស់ផ្នែកសេដ្ឋកិច្ច និងអភិវឌ្ឍន៍នៃក្រុមហ៊ុនEmerging Market Consulting បានថ្លែងថា វាជារឿងដែលត្រូវអបអរសាទរចំពោះដំណឹងដ៏ល្អនេះ ប៉ុន្តែជាមួយគ្នានេះកម្ពុជានៅមានរយៈពេលវែងបន្ថែមទៀតដើម្បីរៀបចំបទដ្ឋានច្បាប់ និងបទប្បញ្ញត្តិនានាដើម្បីធ្វើយ៉ាងណាឲ្យធនធានប្រេងទទួលបាន និងទឹកប្រាក់ដែលបានពីប្រេងនេះនឹងត្រូវប្រើប្រាស់បែងចែកច្បាស់លាស់ដើម្បីយកមកអភិវឌ្ឍប្រទេសជាតិ។
លោកបន្តថា “វិស័យនេះជាវិស័យថ្មីសម្រាប់កម្ពុជា ហេតុនេះការរៀបចំច្បាប់បទដ្ឋានច្បាស់លាស់ជារឿងមួយសំខាន់ណាស់ ព្រោះបច្ចុប្បន្នច្បាប់របស់យើងហាក់នៅមានភាពចន្លោះប្រហោងទាក់ទងនឹងវិស័យនេះ”៕
ភ្នំពេញ- ក្រោយពីមានការសិក្សាអស់រយៈពេលជាច្រើនឆ្នាំមក នៅឆ្នាំ2019ខាងមុខនេះកម្ពុជានឹងមានសមត្ថភាពផលិតប្រេងនៅក្នុងប្លុកA សម្រាប់ការនាំចេញទីកាន់ទីផ្សារអន្ដរជាតិបានហើយ។
ក្នុងកម្មវិធីសិក្ខាសាលាស្ដីពី «ដំណើរឆ្ពោះទៅធ្វើជាប្រទេសផលិតប្រេង» ឯកឧត្ដម ម៉េង ស័ក្ដិធារ៉ា រដ្ឋលេខាធិការក្រសួងរ៉ែ និងថាមពល បានលើកឡើងថា៖ «នាពេលអនាគតខាងមុខ និងជាដំណើររយៈពេលវែងមួយ ការអភិវឌ្ឍនេះនឹងធ្វើឱ្យកម្ពុជាមានការផ្លាស់ប្ដូរមួយដ៏ធំ និងតាមរយៈការផ្លាស់ប្ដូរនេះយើងនឹងមានការប្រែប្រួលពីបរិមាណនៃការនាំចូលប្រេង ដោយយើងនឹងលែងក្លាយជាប្រទេសពឹងលើការនាំចូលប្រេង100%ហើយ។ ពិសេសប្រទេសយើងនឹងក្លាយជាប្រទេសមានអធិបតេយ្យភាពល្អជាងមុនក្នុងបញ្ហាសន្ដិសុខថាមពលពេលដែលយើងគ្រប់គ្រងលើបញ្ហានេះបាន»។
ជុំវិញការបូមយកប្រេងនៅក្នុងប្លុកA គឺជាដំណើរការរយៈពេលខ្លី និងមធ្យម ដែលត្រូវបានគេមើលឃើញថា ចង្វាក់ផលិតកម្មនេះមិនត្រឹមតែបង្កើននូវចំណូលថវិកាជាតិដើម្បីយកមកបម្រើជាប្រយោជន៍ក្នុងកិច្ចការសង្គមប៉ុណ្ណោះទេ ប៉ុន្ដែវានឹងផ្ដល់ប្រយោជន៍ដោយប្រយោលដែលធ្វើឱ្យកើតមានពិពិធកម្មនៃវិស័យសេដ្ឋកិច្ច និងការប្រកួតប្រជែងនៃវិស័យឧស្សាហកម្ម និងការបង្កើនសមត្ថភាពនៃផ្នែកបច្ចេកទេសរបស់ប្រជាជនកម្ពុជា ដែលគេមើលឃើញថាជាលំហៀរដោយប្រយោលពីការអភិវឌ្ឍលើវិស័យប្រេងកាតនេះ។
រដ្ឋលេខាធិការក្រសួងរ៉ែ និងថាមពល បញ្ជាក់ថា ដំណើរការផលិតប្រេងនៅប្លុកA ជាការផលិតប្រេងឆៅ។ ដំណាក់កាលដំបូងកម្ពុជាបានកំណត់ទិសដៅយកទីផ្សារប្រេងឆៅគឺ ទីផ្សារអន្ដរជាតិ រីឯប្រេងដែលប្រជាជនកម្ពុជាប្រើប្រាស់សព្វថ្ងៃគឺជាប្រេងដែលត្រូវបានគេកែច្នៃរួចហើយ ឬប្រេងដល់ដំណាក់កាលចុងក្រោយ។ ដូច្នេះការធ្វើផលិតកម្មប្រេងប្លុកA មិនមានផលទាក់ទងដល់តម្លៃប្រេងដែលប្រជាជនយើងប្រើសព្វថ្ងៃទេ។
ឯកឧត្ដម ម៉េង ស័ក្ដិធារ៉ា បានសង្កត់ធ្ងន់ថា៖ «ប៉ុន្ដែក្នុងរយៈពេលវែង ក្នុងករណីដែលយើងអភិវឌ្ឍខ្សែចង្វាក់ឧស្សាកម្មផលិតកម្ម ឬឈានទៅដល់ការអភិវឌ្ឍរោងចក្រចម្រាញ់ប្រេងបាន ពេលនោះហើយកម្ពុជានឹងអាចមានផលិតផលសម្រេចផលិតក្នុងស្រុកបាន។ ដែលយើងមើលឃើញថា វានឹងមានផលប៉ះពាល់ ឬទំនាក់ទំនងគ្នាជាមួយថ្លៃប្រេងដែលប្រជាពលរដ្ឋយើងប្រើប្រាស់សព្វថ្ងៃនេះ»។
ទោះបីជាដំណើរការផលិតកម្មនេះត្រូវរង់ចាំរហូតដល់ជិតពីរឆ្នាំក៏ដោយ ក៏ប៉ុន្ដែប្រជាជនកម្ពុជាសូមចូលរួមសាទរជាមួយនឹងគម្រោងអភិវឌ្ឍន៍ចង្វាក់ផលិតកម្មនៃការផលិតប្រេងនេះផងដែរ៕
ពិតណាស់ ខ្សែប្រយុទ្ធ Cristiano Ronaldo មានប្រាក់ដ៏ច្រើនសន្ធឹកសន្ធាប់ ហើយតារាឆ្នើមរបស់ក្លិប Real Madrid រូបនេះ បានសម្រេចចិត្តជះប្រាក់របស់ខ្លួនទៅលើរថយន្តថ្មីដ៏ប្រណីត និងទំនើបមួយគ្រឿងនៅសប្តាហ៍នេះ។
ខ្សែប្រយុទ្ធអន្តរជាតិព័រទុយហ្គាល់រូបនេះ បានទិញរថយន្តម៉ាក Ferrari F12 TDf កាលពីថ្ងៃពុធ ខណៈដែលរថយន្តថ្មីនេះមានតម្លៃប្រមាណជា45.6ម៉ឺនដុល្លារអាមេរិក ហើយតម្លៃនោះមិនទាន់បូកនឹងតម្លៃគ្រឿងតុបតែងផ្សេងៗទៀតផង។
រថយន្តដ៏ប្រណីតមួយគ្រឿងនេះត្រូវបានបង្ហាញដោយ Ronaldo នៅលើបណ្តាញសង្គម Instagram របស់គេ ខណៈដែលកីឡាករវ័យ32ឆ្នាំរូបនេះបានឈរផ្អែកនឹងរថយន្តថ្មីរបស់គេពេលដែលទ្វាររថយន្តកំពុងតែបើកចំហ។ Ronaldo នឹងអាចប្រើប្រាស់ល្បឿនដល់ទៅ60ម៉ាយ ក្នុងមួយម៉ោង (ស្មើនឹង96.6គីឡូម៉ែត្រ) ក្នុងពេលចាប់ផ្តើមចេញដំណើរបានត្រឹមតែ2.9វិនាទីខណៈដែលរថយន្តអាចរត់បានល្បឿនដល់ទៅ211ម៉ាយ ក្នុងមួយម៉ោង។
អតីតខ្សែប្រយុទ្ធរបស់ក្លិប Manchester United រូបនេះ គឺជាអ្នកចូលចិត្តរថយន្តទំនើបៗ ក្រោយពីរូបគេធ្លាប់បានថតបង្ហាញពីរថយន្ត Bugatti Veyron មួយគ្រៀង និងរថយន្ត Mercedes ជាច្រើនគ្រឿងរួចមកហើយ។ ក្រុមបាល់ទាត់ជម្រើសជាតិព័រទុយហ្គាល់ នៅតែស្ថិតក្នុងចំណាត់ថ្នាក់លេខ2 ក្នុងពូលនៃការប្រកួតជម្រុះ World Cup របស់ពួកគេ បន្ទាប់ពីក្រុមជម្រើសជាតិស្វ៊ីស ខណៈដែលមានតែក្រុមមួយប៉ុណ្ណោះដែលត្រូវឈានទៅប្រទេសរុស្ស៊ី ដោយស្វ័យប្រវត្តិ៕
ប្រភពពី៖ Daily Mail
ក្រោយមានសេចក្ដីជូនដំណឹងរបស់សាលារាជធានីភ្នំពេញពីស្ដីការហាមឃាត់ការថតរូបភាពពីលើអាកាសតាមរយៈការប្រើប្រាស់ឧបករណ៍ Drone នៅលើដែនដីរាជធានីភ្នំពេញកាលពីទី16 ខែកុម្ភៈ ឆ្នាំ 2015 កន្លងមក មានប្រជាពលរដ្ឋមួយចំនួនបង្ហើបពីការងឿងឆ្ងល់ និងសំដែងការមិនពេញចិត្តចំពោះរឿងនេះ តែមានមូលហេតុមួយចំនួន នៅពីក្រោយការហាមឃាត់នេះ។
មន្ដ្រីម្នាក់ដែលបម្រើការងារនៅនាយកដ្ឋានប្រឆាំងបទល្មើសបច្ចេកវិទ្យា ដែលសុំមិនបញ្ចេញឈ្មោះ បានប្រាប់អ្នកយកព័ត៌មានឡារ៉ែន តាមទូរស័ព្ទថា ការហាមឃាត់នេះមិនមែនធ្វើឡើងតែនៅប្រទេសកម្ពុជានោះទេ។ មានប្រទេសជាច្រើនទៀតក្នុងពិភពលោកក៏មានបម្រាមនេះដែរ ប៉ុន្ដែវាអាស្រ័យលើការកំណត់ផ្សេងៗគ្នា។
លោកថ្លែងថា៖«ជាការពិត បើការបង្ហោះនោះគ្មានកិច្ចការអ្វីផ្សេងនោះ វាមិនអីទេ ប៉ុន្ដែយើងបង្ការរឿងហេតុដែលអាចកើតឡើងផ្សេងៗដូចជាករណីភេរវកម្មជាដើម»។
ក្នុងសេចក្ដីជូនដំណឹងសាលារាជធានីភ្នំពេញបានចុះផ្សាយថា ការហាមឃាត់ការថតរូបពីលើអាកាសតាមរយៈឧបករណ៍ Drone ដោយខាងរដ្ឋបាលរាជធានីយល់ឃើញថា វាអាចធ្វើឱ្យប៉ះពាល់ដល់សិទ្ធិក្នុងការរស់នៅជាឯកជន សន្ដិសុខ សុវត្ថិភាពសាធារណៈ និងភាពអសកម្មមួយចំនួន។ ក្រោយពីមានករណីជនបរទេសម្នាក់បញ្ជាម៉ាស៊ីនឱ្យហោះចូលទៅថតរូបក្នុងព្រះបរមរាជវាំង ខណៈសម្ដេចយាយយាងហាត់ប្រាណបង្កឱ្យមានការភ្ញាក់ផ្អើលពីមន្ត្រី និងបុគ្គលិកក្នុងព្រះបរមរាជវាំង។
លោកបន្ដថា កន្លងមកកម្លាំងប៉ុស្តិ៍នគរបាលរដ្ឋបាលសង្កាត់ជ័យជំនះបានសហកាជាមួយកម្លាំងប្រជាការពារសាលាខណ្ឌដូនពេញ បានធ្វើការឃាត់ខ្លួនជនបរទេសម្នាក់នៅចំណុចមុខសណ្ឋាគាររណសិរ្ស ផ្លូវសុធារស ភូមិទី1 សង្កាត់ជ័យជំនះ ខណ្ឌដូនពេញ រាជធានីភ្នំពេញ ។ បុគ្គលម្នាក់នេះជាជនជាតិរុស្ស៊ី ត្រូវបានឃាត់ខ្លួនពីបទបង្ហោះយន្តហោះបំពាក់កាមេរ៉ាDroneនៅតំបន់ហាមឃាត់(ក្បែរព្រះបរមរាជវាំង) ។ ក្រោយពីបានឃាត់ខ្លួនហើយ បុគ្គលនេះត្រូវបាននាំខ្លួនមកនាយកដ្ឋានប្រឆាំងបទល្មើសបច្ចេកវិទ្យា ដើម្បីសាកសួរ និងណែនាំអប់រំ ។
មន្ដ្រីខាងលើបញ្ជាក់ទៀតថា ដូចករណីប្រើប្រាស់យន្តហោះDrone ហោះចូលទៅក្នុងព្រះបរមរាជវាំង ខណៈសម្តេចម៉ែកំពុងយាងហាត់ប្រាណនេះ វាមិនមែនជារឿងល្អទេ។ ចុះបើមានរឿងអ្វីផ្សេងកើតឡើង តើវានឹងទៅជាយ៉ាងណា? អ៊ីចឹងហើយបានជាខាងសាលារាជធានីភ្នំពេញ ចេញសេចក្ដីជូនដំណឹងនេះតែម្តង។ យ៉ាងណាមិញ ចំពោះពលរដ្ឋ ឬជនបរទេសដែលមានការចាំបាច់ចង់ថតរូបភាពពីលើអាកាសនោះ អាចធ្វើការថតបាន ប៉ុន្តែត្រូវសូមច្បាប់អនុញ្ញាតពីរដ្ឋអំណាចនៅតំបន់នោះជាមុនសិន បើមិនដូច្នេះទេ នឹងត្រូវទទួលខុសត្រូវចំពោះមុខច្បា៕
