Author: អេបិល

កាលពីថ្ងៃម្សិលមិញនេះ មានការភ្ញាក់ផ្អើលយ៉ាងខ្លាំងនៅលើបណ្ដាញសង្គម នៅពេលអ្នកគាំទ្រកញ្ញា ឱក សុគន្ធកញ្ញា បានផ្ញើសារជូនពរតារាចម្រៀងរូបនេះយ៉ាងភ្លូកទឹកភ្លូកដី  តែអ្វីដែលកាន់តែអស្ចារ្យទៅទៀតនោះ  គឺលោក ឆន សុវណ្ណរាជដែលអ្នកគាំទ្រជាច្រើននាក់រំពឹងថានឹងបានចាប់ដៃគ្នាធ្វើជាគូស្នេហ៍ជាមួយតារាស្រី សុគ្ធកញ្ញា នោះបានជូនពរនាងយ៉ាងកំប្លែងគួរចង់តែផ្ទុះសំណើច តែមានន័យផ្អែមល្ហែម និងបង្ហាញពីភាពស្និទ្ធស្នាលដ៏គួរឱ្យស្រឡាញ់យ៉ាងខ្លាំង។

លោក សុវណ្ណរាជ បានសរសេរនៅលើគណនី Facebook ផ្ទាល់របស់លោកថា “អត់ទាន់យឺតពេលទេ happy birthday មីង@sokunkanha ហៅកូនកង្កែប ជូនពរឱ្យជោគជ័យគ្រប់ភារកិច្ច សុខភាពល្អ និង កាន់តែស្រស់ស្អាត”។

យ៉ាងម៉េចដែរប្រិយមិត្តទាំងអស់គ្នា អ្នកទាំងពីរពិតជាគួរឱ្យស្រឡាញ់កម្រិតណាដែរ?

សូមទស្សនារូបតារាចម្រៀងមួយគូនេះដូចខាងក្រោម៖

បន្ទាប់ពីលោក នី រតនា បានបង្ហើបប្រាស់អ្នកសារព័ត៌មាន ឡារ៉ែន កាលពីប៉ុន្មានសប្ដាហ៍មុន អំពីការថតរឿងភាគទូរទស្សន៍របស់លោក ស្រាប់តែប៉ុន្មានម៉ោងមុននេះបន្ដិច តារារូបនេះបានទម្លាយរឿងភាពក្រុងពាលីរបស់ខ្លួននៅក្នុងរឿង “រាជបុត្រកង្កែប ឬ ជួបស្នេហ៍អ្នកមាន “។

បើតាមគណនីរបស់លោក នី រតនា បានឱ្យដឹងថា ” ឥលូវនេះ! យេីងខ្ញុំទាំងអស់គ្នា បានមកចូលរួមពិធីក្រុងពាលី ថតខ្សែភាពយន្តថ្មីរបស់ក្រុមហ៊ុនហង្សមាស វីឌីអូ ក្នុងរឿង រាជបុត្រកង្កែប ឬ ជួបស្នេហ៍អ្នកមាន ! សូមបងប្អូនកុំភ្លេចរងចាំតាមដានទស្សនាទាំងអស់គ្នា អរគុណសម្រាប់ការគាំទ្រ ” ។ ចង់ដឹងថារឿងនេះល្អមើលយ៉ាងដូចម្ដេចក្ដី មានតែរង់ចាំទស្សនានៅលើកញ្ចក់ ទូរទស្សន៍ហង្សមាស និងរស្មីហង្សមាស នាពេលខាងមុខឆាប់ៗនេះ៕

នៅថ្ងៃទី 14 ខែកញ្ញា ឆ្នាំ 2017 នៅបណ្ដាញសង្គម Facebook ស្រាប់តែមានការភ្ញាក់ផ្អើលជាខ្លាំង ដោយសារតែបណ្ដារអ្នកគាំទ្រតារាចម្រៀងស្រី ប្រចាំផលិតកម្មរស្មីហង្សមាស គឺ ឱក សុគន្ធកញ្ញា បាននាំគ្នាផ្ញើរសារជូនពរថ្ងៃខួបកំណើតតារារូបនេះយ៉ាងភ្លក់ទឹកភ្លក់ដី។

អ្នកគាំទ្រជាច្រើននាក់សុទ្ធតែបង្ហោះសារខ្លីៗថា ” រីករាយថ្ងៃកំណើតបងធំ ASK ជូនពរជោគជ័យគ្រប់ភារកិច្ច សុខភាពល្អ HBD Aok Sokunkanh
wish you all the best September ,always love U”។ ដោយឡែកនៅលើបណ្ដាញគណនីតារាដ៏ទៃដែលជាតារារួមទ្រនំជាមួយគ្នានៅមិនទាន់បានបង្ហោសារជូនពរតារាស្រីរូបនេះនៅឡើយទេ៕

ពិតជាមិនអាចមិនសរសើរមិនបានមែន ចំពោះគំនិតច្នៃប្រឌិតក្នុងការបំបៅទឹកដោះដល់កូនប្រុសភ្លោះក្នុងពេលតែមួយបានយ៉ាងងាយៗ របស់អ្នកម្ដាយទំនើបទាន់សម័យដូចជា ឈុំភូ អារីយ៉ា។ តាមរយៈសារព័ត៌មាន Sarareoដែលបានចេញផ្សាយនៅថ្ងៃទី14 ខែកញ្ញា ឆ្នាំ2017 បានឱ្យដឹងថា តារាស្រីរូបនេះបានទិញឧបករណ៍សម្រាប់កៀបទូរស័ព្ទ ដែលមានលក់នៅតាមទីផ្សារ យកមកធ្វើជាឃ្នាបគាបដបទឹកដោះគោ​សម្រាប់បំបៅកូនភ្លោះរបស់អ្នកនាងក្នុងពេលតែមួយ។

រូបភាពទាំងអស់នេះ ត្រូវបានបង្ហោះនៅលើបណ្ដាញសង្គមអ៊ីនស្តាក្រាមរបស់តារាស្រីវ័យ 36 ឆ្នាំរូបនេះ ដែលបានធ្វើឱ្យអ្នកគាំទ្រទប់សំណើចមិនបាន និងកោតសរសើរចំពោះគំនិតច្នៃប្រឌិតដ៏ល្អមួយនេះ បើទោះបីជាងាយៗក៏ពិតមែន ប៉ុន្ដែមានពេលខ្លះក៏យើងមិនអាចនឹកស្មានដល់នូវគំនិតមួយនេះបានដែរ។

ដើម្បីកាន់តែជាក់ច្បាស់សូមទស្សនារូបភាពខាងក្រោម៖

ប៉ុន្មានម៉ោងមុននេះបន្ដិច តារាបង្ហាញម៉ូដ និងសម្ដែងរូបស្អាត កញ្ញា មាន សូនីតា បានបង្ហើបប្រាប់ពីឆ្នាំកំណើតរបស់នាងដល់មជ្ឈដ្ឋានមហាជនឱ្យបានដឹងថា ឈុតថ្មីដែលច្នៃពីក្រណាត់ពណ៌ខ្មៅ លាយជាមួយក្រណាត់ក្រមា ដែលមានរចនាម៉ូដសត្វពស់ពណ៌ខៀវនៅចំបញ្ឆិតឆៀងខាងឆ្វេងនោះ  មូលហេតុគឺមកពីនាងកើតឆ្នាំម្សាញ់ហ្នឹងឯង។

រាជិនីក្រមារូបនេះបានសរសេរបញ្ជាក់ថា “មានមិត្តភក្តិជាច្រើនបានឆ្ងល់ថា ហេតុអីបានជ្រើសរើសដាក់រូបពស់នៅលើរ៉ូបដែរ?   រឿងនេះនាងខ្ញុំមិនលាក់បាំងទេ គឺនាងខ្ញុំកើតឆ្នាំពស់(ម្សាញ់) ហើយពស់នាងខ្ញុំគួរឱ្យស្រឡាញ់ គ្មានពិស ហើយក៏គ្មានល្បិចដែរ និយាយទៅគឺ ឃ្យូតតែម្តង”។

គួរបញ្ជាក់ផងដែរថា បើតាមការរៀបរាប់របស់ សូនីតា ខាងលើនេះ បើគិតមកទល់ឆ្នាំ 2017 នេះ តារាស្រីរូបនេះមានវ័យ 28 ឆ្នាំហើយ៕

បន្ទាប់ពីកើតហេតុការណ៍គ្រោះថ្នាក់ចរាចរណ៍កាលពីរាត្រីថ្ងៃទី 9 ខែកញ្ញា ឆ្នាំ2017 លោកពូ ណូយ វ៉ាន់ណេត ត្រូវបានវេបសាយក្លែងក្លាយមួយបានចេញព័ត៌មានបំផ្លើសថា លោក ណូយ វ៉ាន់ណេត បានស្លាប់ហើយ ដោយយករូបភាពរបស់លោកនាពេលគ្រោះថ្នាក់ចរាចរណ៍ មកកាត់តភ្ជាប់ជាមួយរូបសិស្សស្រីថ្នាក់ទី12 ដែលបានធ្វើអត្តឃាតបន្ទាប់ពីថ្ងៃប្រកាសលទ្ធផលប្រឡងបាក់ឌុបកាលពីថ្ងៃទី10 កន្លងមក។

នៅថ្ងៃនេះ លោកពូ បានចេញសារជម្រាបសាធារណជនឱ្យបានដឹងតាមរយៈ Facebook របស់លោកផ្ទាល់ថា “សូមជម្រាបជូនពុកម៉ែបងប្អូនទាំងក្នុង និងក្រៅប្រទេសថា ខ្ញុំមិនបានស្លាប់ដូចពាក្យគេថានោះទេ សូមអគុណ ថ្ងៃទី12 – 9 – 2017” ។

ដូច្នោះសូមបងប្អូនរួមជាតិកម្ពុជាទាំងអស់មេត្តាកុំយល់ច្រឡំ និងជួយ Report បិទវេបសាយព័ត៌មានក្លែងក្លាយគ្មានអត្តសញ្ញាណច្បាស់មួយនេះផង៕