Author: អេបិល

ជិតដល់ថ្ងៃប្រកួតហើយសម្រាប់វេទិកា Miss Grand International  2017 ដែលរៀបចំឡើងដោយប្រទេសវៀតណាម នៅថ្ងទី25 ខែតុលា ឆ្នាំ2017 បវរកញ្ញាតំណាងប្រទេសឡាវគឺ កញ្ញា ជីនណាលី ណៈរៈស៊ីង ឬឈ្មោះហៅក្រៅថា ហ្វាសៃ ក៏ជាបេក្ខនារីបវរកញ្ញាម្នាក់ដែរដែលនឹងត្រូវដើរបង្ហាញម៉ូដឈុតប្រចាំជាតិចូលរួមក្នុងការប្រកួតនៅក្នុងឆ្នាំនេះ ។ នេះបើតាមសារព័ត៌មាន Teenee នៅថ្ងៃទី2 ខែតុលា ឆ្នាំ2017។

ដោយឡែកឈុតនេះទៀតសោត បានក្លាយជាកម្លាំងជំរុញចិត្តដល់ប្រជាជនឡាវគ្រប់រូប ព្រោះខាងអ្នកឧបត្ថម្ភបវរកញ្ញាឡាវបាននាំយកឈុតនេះមកពីវត្តព្រះធាតុហ្លួងវៀងច័ន្ទជាវត្តប្រាសាទដ៏ចំណាស់មួយ និងជាឈុតបុរាណដែលបង្ហាញពីភាពស្រស់ស្អាតពិបាកនឹងបរិយាយប្រចាំវប្បធម៌ជាតិនៃប្រទេសឡាវ និងកាន់តែធ្វើឱ្យប្រជាជនឡាវមានមោទនភាពខ្លាំងបំផុតទៀតផង។ គួរបញ្ជាក់ដែរថា ឈុតដែលប្រកបដោយគ្រឿងអលង្ការភ្លឺចិញ្ចាច មានរស្មីពណ៌មាស មានរចនាក្បាច់ផ្កាភ្ញី និងសត្វនាគមួយឈុតដ៏ប្រណីត ថែមទាំងមានលក្ខណៈឯកពិសេសដោយឡែក ដែលរចនាម៉ូដដោយ អ្នកនាង កែវ ស៊ីដួង ជាជនជាតិឡាវ ដែលជាអ្នកជំនាញផ្នែកសិល្បៈបុរាណ វប្បធម៌ ទំនៀមទម្លាប់ និងយល់ដឹងពីប្រពៃណីរបស់ស៊ុនសាតឡាវ(ជនជាតិឡាវ) យ៉ាងច្បាស់លាស់។

ដើម្បីឱ្យកាន់តែជាក់ច្បាស់ សូមទស្សនារូបភាពទាំងអស់ខាងក្រោមនេះ៖

តាមរយៈសារព័ត៌មាន koreaboo បានចេញផ្សាយនៅថ្ងៃទី30 ខែកញ្ញា ឆ្នាំ2017 ថា មនុស្សជាច្រើនមិនដែលធ្លាប់បានសង្កេត និងទស្សនាឡើយអំពីតារានៅក្នុងដួងចិត្តចំនួន 5 ដួង ដែលកាលពីកុមារភាពធ្លាប់បានសម្ដែងក្នុងរឿងភាគ និងក្នុងខ្សែភាពយន្ដខ្នាតធំ មុនពេលមានភាពល្បីល្បាញដូចពេលបច្ចុប្បន្ននេះ។ យ៉ាងណាមិញ សមត្ថភាពសម្ដែងរបស់តារាប៉ុន្មានដួងនេះ ពិតជាមិនធម្មតាមែន ហើយថែមទាំងមានអត្តចរិតគួរឱ្យស្រឡាញ់ទៀតផងដែរ។

1. Taeyang សមាជិកក្រុមចម្រៀង BIGBANG

តារាចម្រៀងប្រុស Taeyang បានចាប់ផ្ដើមសម្ដែងរឿងមួយនៅក្នុងអំឡុងឆ្នាំ2011 ដែលជាខ្សែភាពយន្តខ្នាតធំមានចំណងជើងថា “Kiss Me Much” ដែលនៅគ្រានោះ លោកទើបតែមានអាយុ 11 ឆ្នាំប៉ុណ្ណោះ និងសម្ដែងជាតួអង្គសិស្សកំហូច។

2. Hongki សមាជិកក្រុមចម្រៀង FT ISLAND

លោក Hongki មានបទពិសោធសម្ដែងជាច្រើនរឿង ហើយទាក់ទាញបានចំណាប់អារម្មណ៍អ្នកគាំទ្រជាច្រើននាក់តាមរយៈរឿង Magic Card Masuri, There’s a Light at the Tip of My Fingernails, Ggangsoon, និងរឿង Side Dot កាលពីរូបគេនៅក្មេង ក្នុងឆ្នាំ 2002។

3.Jin young សមាជិកក្រុមចម្រៀង B1A4

ការបានសម្ដែងក្នុងរឿងភាគទូរទស្សន៍ដែលមានចំណងជើងថា “Supermom” កាលពីរូបគេនៅក្មេងនោះ បានធ្វើឱ្យជីវិតតារាប្រុស Jin young ផ្លាស់ប្ដូរ និងមានកេរ្តិ៍ឈ្មោះល្បីល្បាញនៅក្នុងសង្គមសិល្បៈកូរ៉េមកដល់សព្វថ្ងៃ។

4. Chan hee សមាជិកក្រុមចម្រៀង SF9

តារាប្រុសរូបនេះកាលពីនៅក្មេង ធ្លាប់បានសម្ដែងនៅក្នុងខ្សែភាពយន្តជាច្រើនរឿងដូចជា Signal, Can You Hear My Heart? និង The Innocent Man ជាដើម ហើយម្យ៉ាងវិញទៀតក្រុមចម្រៀង SF9 ត្រូវបានអ្នកគាំទ្រឱ្យឈ្មោះថា ជាក្រុមចម្រៀង  “Mini TVXQ” ព្រោះសុទ្ធសឹងតែជាក្រុមបុរសមានសម្រស់ស្អាតសង្ហាជាងគេ។

5. Moon bin សមាជិកក្រុមចម្រៀង ASTRO

ក៏ដូចគ្នាដែរ តារាប្រុស Moonbin បានទទួលប្រជាប្រិយភាពពីសំណាក់មជ្ឈដ្ឋានមហាជនតាមរយៈរឿង Boys Over Flowers ដែលកាលនោះរូបគេសម្ដែងជាតួអង្គ Kim Bum ៕

បើតាមសារព័ត៌មាន kenh14 បានចេញផ្សាយនៅព្រឹកថ្ងៃទី30 ខែកញ្ញា ឆ្នាំ2017 នេះបានឱ្យដឹងថា លោកអ្នកធ្លាប់តែបានឃើញរូបភាពស្អាតៗជាច្រើនរបស់តារាកូរ៉េ ដែលមើលទៅមានកម្ពស់ខ្ពស់ មានភាពរស់រវើក មានការច្នៃប្រឌិតខ្ពស់នោះ  ប៉ុន្ដែប្រសិនបើលោកអ្នកបានឃើញពីសកម្មភាពក្រៅឆាកនៃការថតរូបភាពទាំងអស់នោះវិញ  លោកអ្នកប្រាកដជាមានការហួសចិត្តនឹកស្មានមិនដល់ជាមិនខានថា តាមការពិតទៅអ្វីដែលយើងធ្លាប់បានឃើញនឹងភ្នែករបស់យើងនេះ វាពិតជាមានអាថ៌កំបាំងដ៏ច្រើនដែលយើងមិនធ្លាប់បានដឹងពីមុនមកច្រើនមែន។

ភាគច្រើនតារាកូរ៉េ ពួកគេតែងចង់ព្យាយាមធ្វើឱ្យខ្លួនឯងមានភាពអស្ចារ្យខុសពីមនុស្សធម្មតាទូទៅ រហូតដល់ពេលខ្លះ ពួកគេហ៊ានលះបង់រឿងជាច្រើនយ៉ាង ទោះបីជានៅក្នុងស្ថានភាពប្រថុយប្រថានក្ដី។

ដើម្បីស្រាយចម្ងល់មួយនេះ សូមទស្សនារូបភាពទាំងឡាយខាងក្រោមនេះ៖

តាមរយៈសារព័ត៌មាន Tvpool នៅថ្ងៃទី29 ខែកញ្ញា ឆ្នាំ​2017 នេះបានចេញផ្សាយថា នៅពេលនេះរឿង “ណាឃី” វគ្គ2 បានដំណើរការថតជាយូរណាស់មកហើយដែរ និងថែមទាំងជិតបានបញ្ចប់ការថតដូចគ្នា ទើបនៅថ្ងៃឈប់សម្រាកនេះ តារាឯកទាំងពីរដួងនៅក្នុងរឿងនេះបានធ្វើបុណ្យដាក់បាត្រព្រះសង្ឃជាមួយគ្នាផងដែរ។

យ៉ាយ៉ា បានបង្ហោះរូបភាពមួយចំនួននៅលើបណ្ដាញអ៊ីនស្ដាក្រាមរបស់នាង ដោយស្ដែងឱ្យឃើញពីការធ្វើបុណ្យជាមួយតារាឯកកូនកាត់រូបសង្ហា ណៈដេត នៅក្នុងថ្ងៃនេះ ជាការធ្វើបុណ្យរួមជាតិជាមួយគ្នានៅក្នុងជាតិនេះ ព្រោះនាងថា យើងជាមនុស្សរួមរស់លើទឹកដីជាមួយគ្នា បានរស់នៅក្នុងប្រទេសនេះដូចគ្នា ដូច្នោះហើយ ឱកាសល្អដែលបានធ្វើបុណ្យរួមគ្នាគឺកម្រមានណាស់ ។ អ្នកទាំងពីរបានដាក់បាត្រព្រះសង្ឃរួមគ្នានៅក្នុងជាតិនេះ គោលបំណងធ្វើបុណ្យផ្សងឱ្យបានជួបគ្នាម្ដងទៀតនៅជាតិខាងមុខផងដែរ៕

នៅថ្ងៃទី29 ខែកញ្ញា ឆ្នាំ2017 សារព័ត៌មាន Teenee បានចេញផ្សាយឱ្យដឹងថា តារាស្រីថៃល្បីសម្បូរស្នេហ៍ឈ្មោះនាង ជេនី បានសម្រក់ទឹកភ្នែកក្នុងវីដេអូ  ហើយចេញសារដែលបង្ហាញពីអារម្មណ៍ក្តុកក្តួលនៅក្នុងចិត្តទៅកាន់ទស្សនិកជនឱ្យជួយយោគយល់ដល់អារម្មណ៍របស់នាង។

បើតាមរយៈបណ្ដាញសង្គមអ៊ីនស្ដាក្រាម របស់តារាស្រីរូបនេះបានបង្ហោះឱ្យដឹងថា បន្ទាប់ពីនាងទទួលបានទាំងការគាំទ្រ និងការស្អប់ខ្ពើមដ៏ច្រើនពីសំណាក់ទស្សនិកជនចំពោះរូបនាងដែលសម្ដែងជាតួចិត្តអាក្រក់ ដណ្ដើមប្ដីគេនៅក្នុងខ្សែភាពយន្តរឿងភាគ “ភ្លើងបុណ្យ” រួចមក នាងជេនីបានបង្ហោះសារខ្លីមួយ និងខ្សែវីដេអូលាយឡំជាមួយទឹកភ្នែក ដែលជាវីដេអូដកស្រង់ពីរឿងភាគមួយនេះថា “ខ្ញុំស្រឡាញ់នាងចៃរើង” ដែលជាស្ដែងឱ្យឃើញថា នាងមិនត្រឹមតែស្រឡាញ់ តួនាងចៃរើង ដែលនាងបានសម្ដែងនោះទេ តែប្រជាជនថៃទូទាំងប្រទេស ក៏មិនស្អប់តារាស្រីរូបនេះដែរ។

គួរបញ្ជាក់ផងដែរថា ទើបតែក្នុងរឿងភាគទូរទស្សន៍មួយនេះទេ ដែលនាងជេនីធ្វើឱ្យអ្នកគាំទ្រ និងទស្សនិកជនស្អប់ខ្លាំង រហូតដល់ទប់អារម្មណ៍មិនបាន ព្រោះតែសមត្ថភាពរបស់នាងសម្ដែងបានល្អខ្លាំងពេក៕

នាម​ជា​ភរិយា និង​ជា​ម្ដាយ​ល្អ​ម្នាក់​នៅក្នុង​គ្រួសារ ដែលមាន​ផ្ទះ​វីឡា​លុយ​ឡាន និង​កិត្តិយស រស់នៅ​គ្មាន​សេចក្ដីសុខ​នៅក្នុង​ជីវិត ហើយ​មក​ត្រូវ​រងគ្រោះ​ដោយសារតែ​សា្វ​មី​ស៊ីផឹក​សប្បាយ​ជាមួយ​ស្រី​ញី ភ្លេច​ប្រពន្ធ​និង​កូន ទើបបានជា​អ្នកនាង ទូច ស្រី​ល័​ក្ខ យក​រឿង​ពិត​នៅក្នុង​សង្គម​គ្រួសារ​មួយ​នេះ មក​និពន្ធ​ជា​បទ​ចម្រៀង​ថ្មី ហើយ​ដឹកនាំ​សម្ដែង​វីដេអូ​ចម្រៀង (MV) ដោយ លោក ហ៊ុយ យ៉ា​ឡេង។

លោក យ៉ា​ឡេង​បានបញ្ជាក់​ប្រាប់ថា “ដំបូង​ឡើយ​គ្រាន់តែ​ស្រី​ល័​ក្ខ​ផ្ញើ​បទ​នេះ​មកឱ្យ​ខ្ញុំ​ស្តាប់​ភ្លាម ខ្ញុំ​មាន​អារម្មណ៍​ថា អត្ថន័យ​បទ​នេះ​ពិតជា​ចាក់​ដោត​បេះដូង​ខ្ញុំ​ខ្លាំងណាស់ ទោះបីជា​ខ្ញុំ​មិនទាន់​ក្លាយជា​ស្វាមី​គេ​នៅឡើយ​ក៏ដោយ ក៏ប៉ុន្តែ​ទាំង​អត្ថន័យ ទាំង​បទ​ភ្លេង ទាំង​ការ​ច្រៀង​នៅក្នុង​បទ​ចម្រៀង​នេះ គឺ​ល្អ​ទាំងអស់ ហើយ​ខ្ញុំ​ពិតជា​រីករាយ​មែនទែន​ដែល​ស្រី​ល័​ក្ខ​ផ្តល់​កិត្តិយស​ឱ្យ​ខ្ញុំ​ដឹកនាំ​ការសម្ដែង​ក្នុង​បទ​ចម្រៀង​មួយ​នេះ ហើយក៏​មិន​បង្អង់​យូ​ដែរ ខ្ញុំ​ទទួល​យល់ព្រម​ភ្លាម​តែម្ដង និង ដោយសារតែ​ការស្រឡាញ់​បទ​ចម្រៀង​នេះ ខ្ញុំ​ក៏​សុំ​ស្រី​ល័​ក្ខ​សម្តែង​ជា​តួ​ស្វាមី​របស់​នាង​ក្នុង​បទ​នេះ​តែម្តងទៅ”។

គួរបញ្ជាក់​ផងដែរ​ថា ដោយសារតែ​ចម្រៀង​នេះ​មាន​ភាព​ទាក់ទាញ និង​មាន​មនោសញ្ចេតនា​ជ្រាលជ្រៅ​ចាក់​ដោត​អារម្មណ៍​អ្នក​ស្ដាប់​ផង​នោះ ទើប​អ្នកគាំទ្រ​ម្នាក់​មាន​ឈ្មោះថា វីរៈ ពន្លក​អ្នកនិពន្ធ​ខ្មែរ បាន​បញ្ចេញមតិ​ថា « មែនហើយ បទ​នេះ​ពិតជា​ចាក់​ដោត​អារម្មណ៍​អ្នក​ស្តាប់​ខ្លាំងណាស់ និង​ថែមទាំង​បាន​អាន​សំណេរ​របស់​បង​ហើយក៏​រឹតតែ​ចាក់​ចំ​អារម្មណ៍​ខ្ញុំ​ខ្លាំង​ទៅទៀត។ ការសម្រេចចិត្ត(ដឹកនាំ​បទ​ចម្រៀង)របស់​បង​គឺ​ត្រឹមត្រូវ​ហើយ​បង ខ្ញុំ​សូម​សរសើរ ។ Wow ចង់​ឲ្យ​ MV នេះ​ចេញឆាប់ៗមែនទែន!»៕