បើតាមសារព័ត៌មាន AllKpop បានចេញផ្សាយថ្មីនេះៗ បានឱ្យដឹងយ៉ាងជាក់ច្បាស់ថា ព័ត៌មានចុងក្រោយនៃការតាំងគភ៌របស់តារាស្រី Kim Tae Hee ភរិយារបស់តារាសម្ដែង និងចម្រៀងដ៏ល្បី លោក Rain គឺនាងបានតាំងគភ៌អស់រយៈពេល 8 ខែហើយ ហើយខណៈពេលដែលនាងបង្ហាញខ្លួននៅឯហាង Anderson Cafe នោះ បានធ្វើឱ្យអ្នកគាំទ្រមើលឃើញយ៉ាងច្បាស់ថា ផ្ទៃពោះរបស់នាងកាន់តែធំឡើងៗហើយ។ នេះបើតាមរូបភាពដែលអ្នកគាំទ្រប្រមាញ់មកបាន។
ដើម្បីកាន់តែជាក់ច្បាស់ សូមទស្សនារូបភាពខាងក្រោម៖
ថ្មីនេះៗ នៅលើបណ្ដាញសង្គម Facebook ដោយសារតែមានការគាំទ្រ និងស្រលាញ់គ្រូបង្វឹក ឱក សុគន្ធកញ្ញា អ្នកលេង Facebook មួយក្រុម បានយកតម្រាប់តាមកញ្ញា បង្កើតជាវីដេអូកំប្លែង ដែលបានប្រើពាក្យសម្ដីត្រាប់តាម Coach កញ្ញា ក្នុងផ្ដល់មតិ និង Comment ល្អៗទៅកាន់បេក្ខជន តែផ្ទុយទៅវិញ អ្នកដែលបានទស្សនាវីដេអូនេះហើយ បានជាយល់ឃើញថា មួយក្រុមខាងលើនេះ បានបង្អាប់បង្ខូចឈ្មោះរបស់ ឱក សុគន្ធកញ្ញា ដោយបានប្រើឈ្មោះចំៗ។ ក៏ប៉ុន្ដែ ក្រុមខាងលើនេះ ក៏បានធ្វើការខន្ដីអភ័យទោស ពីសំណាក់មហាជនទាំងអស់រាល់កំហុសឆ្គងដែលកើតដោយអចេតនា នៅខាងចុងវីដេអូផងដែរ។ កាន់តែជាក់ច្បាស់បន្ថែមទៀត សូមទស្សនាវីដេអូខាងក្រោមនេះ៖
តាមរយៈសារព័ត៌មាន Kenh14 ដែលបានចេញផ្សាយនៅថ្ងៃទី4 ខែតុលា ឆ្នាំ2017 នេះ បានឱ្យដឹងថា ក្នុងនាមជាតារា ឬសិល្បករ ពួកគេគឺជាមនុស្សដែលមានភាពពិសេស ធ្វើឱ្យមហាជនចង់ឃើញ ចង់ជួបផ្ទាល់ ក៏ប៉ុន្ដែការបង្ហាញខ្លួនរបស់តារាៗទាំងនោះនៅតាមទីសាធារណៈពេលខ្លះអាចមានការធ្វេសប្រហែសថ្លោះធ្លោយ ធ្វើឱ្យលេចចេញរបស់សម្ងាត់ដោយចៃដន្យ ឬសាមីខ្លួនមិនបានដឹងឡើយ។ ជាការពិតណាស់ ព្រោះនេះជារឿងអាម៉ាស់ និងអាប់ឱនមុខមាត់ និងគ្មាននរណាម្នាក់ចង់បង្ហាញដូច្នេះឡើយ តែយ៉ាងណាមិញ ការត្រៀមខ្លួន និងមានស្មារតីប្រុងប្រយ័ត្ន គឺជាការដាស់តឿនដ៏មានសុវត្ថិភាពបំផុតមួយ។ ចង់ដឹងថា តើមានតារាអាស៊ីណាខ្លះ ដែលបានបង្ហាញកេរ្តិ៍ខ្មាសខ្លួននៅកណ្ដាលវាលនោះ សូមទស្សនារូបភាពទាំងឡាយខាងក្រោមនេះ៖
នៅរាត្រីថ្ងៃទី3 ខែតុលា ឆ្នាំ2017 ម្សិលមិញនេះ តារាចម្រៀងកូរ៉េ លោក Tae Yang បានរៀបចំកម្មវិធីប្រគំតន្ត្រី TAEYANG 2017 WORLD TOUR <WHITE NIGHT> IN BANGKOK នៅកណ្ដាលទីក្រុងបាងកក ប្រទេសថៃ ដែលមានបរិយាកាសស្វាគមន៍ដោយអ្នកគាំទ្រថៃ និងបង្កភាពស្និទ្ធស្នាលនៅក្នុងជំនួបអ្នកគាំទ្រថៃជាច្រើនពាន់នាក់ បន្ទាប់ពីលោកបានបញ្ចប់ការប្រគំតន្ត្រីទេសចរណ៍នៅតាមបណ្ដាប្រទេសក្នុងតំបន់អាស៊ី ដែលមានដូចជា កូរ៉េ ជប៉ុន ហ្វីលីពីន ហុងកុង និងជាពិសេសនៅសហរដ្ឋអាមេរិកផងដែររួចមក។
នៅក្នុងការប្រគំតន្ត្រី “White Night” រាត្រីពណ៌សយប់មិញនេះ លោក Tae Yang បានលើកយកបទចម្រៀងដែលមានប្រជាប្រិយភាពជាង 10 ឆ្នាំ មកហើយមកបកស្រាយ ដូចជាបទ ” RINGA LINGA” , “ONLY LOOK AT ME”,“WEDDING DRESS”, “I NEED A GIRL”,“WAKE ME UP”, “RIDE”, “AMAZIN’”, “EMPTY ROAD”, “NAKED”, “TONIGHT”,“DARLING” និងបទចម្រៀង2បទទៀតដែលទទួលបានការគាំទ្រច្រើនបំផុតនោះគឺ “BANG BANGBANG” និង “FANTASTIC BABY” ។ ក៏ប៉ុន្ដែ អ្វីដែលកាន់តែធ្វើឱ្យអ្នកគាំទ្រស្លុងអារម្មណ៍ជាមួយនឹង Show ពិសេស ទៅតាមមនោសញ្ចេតនានៃបទចម្រៀងដែលបានដកស្រង់ចេញពីខ្សែភាពយន្ដដែលលោកបានសម្ដែងនោះគឺ “LAST DANCE” ហ្នឹងឯង៕
ក្រោយពីទទួលបានជោគជ័យចំពោះស្នាដៃជាច្រើនកន្លងទៅថ្មីនេះៗ សម្រាប់ខ្សែភាពយន្ដដ៏វិសេសវិសាល និងមានគុណភាពជាខ្សែភាពយន្ដល្អដាច់គេដូចជារឿង “Human Flow” នេះរួចមក អ្នកដឹកនាំរឿង និងជាសិល្បករអាជីពលំដាប់អន្ដរជាតិលោក អាយ វ៉ឺយ វ៉ឺយ ក៏បានអញ្ចើញអ្នកនាង Angelina Jolie មកចូលរួមសហការធ្វើការងារក្នុងរឿងថ្មីរបស់លោក ដែលជារឿងដ៏អស្ចារ្យបំផុតមួយសម្រាប់វិស័យភាពយន្ដក្នុងឆ្នាំ 2017 នេះ។
ស្ត្រីដែលជាសកម្មជនរបស់អង្គការ UNHCR និងជាវិរនារីសម្រាប់ជនភៀស អ្នកនាង Angelina Jolie គ្រោងនឹងទៅនាំយកខ្សែភាពយន្ដខ្នាតយក្សមួយនេះនៅបណ្ដាប្រទេសចំនួន 23 ហើយអ្នកនាងក៏បានបញ្ជាក់ផងដែរថា អ្នកនាងនឹងជួយដល់អ្នកដឹកនាំរឿងជនជាតិចិនដ៏ឆ្នើមរូបនេះឱ្យចូលទៅកាន់ទីផ្សារភាពយន្ដហូលីវូដ ព្រមទាំងនាំយករឿង “Human Flow” នេះទៅដាក់បញ្ជាំងនៅទីនោះជាមួយគ្នាផងដែរនៅថ្ងៃទី21 ខែធ្នូ ឆ្នាំ2017 ខាងមុខនេះ។
ចង់ដឹងថា តើរឿងដែលបរិយាយអំពីសិទ្ធិមនុស្ស និងក្ដីសោកសង្រេងចំពោះមនុស្សជាតិមួយនេះ មានព័ណ៌សម្បុរ និងសាច់រឿងបែបណានោះ សូមទស្សនាវីដេអូខាងក្រោមនេះ៖
នៅមុននេះបន្ដិច តារាសម្ដែង អ៊ឹម ជីវ៉ា បានបង្ហោះសារពាក់ព័ន្ធនឹងរឿងរបស់លោក ម៉ាដូណា ដោយបានសំដៅទៅលើអ្នកលេងFacebook ដែលបានរិះគន់តារាសម្ដែងមុខសេះខាងលើយ៉ាងចាស់ដៃ នៅលើបណ្ដាញទំនាក់ទំនងសង្គមមួយនេះ។
លោកបានរៀបរាប់ថា «ខ្ញុំសូមអំពាវនាវដលបងប្អូនអ្នកលេង Facebook មួយចំនួន មេត្តាឈប់ជេរប្រមាថដល់តារាកំប្លែង ម៉ាដូណា តទៅទៀត ព្រោះវាធ្វើឱ្យបាត់បង់តម្លៃសីលធម៌ក្នុងសង្គម! សូមបងប្អូនមេត្តាពិចារណាឱ្យបានល្អិតល្អន់មុននឹងជេរប្រមាថទៅលើបុគ្គលណាម្នាក់ ឬមុននឹងធ្វើអ្វីមួយ ដោយត្រូវស្វែងយល់នូវការពិតឱ្យបានច្បាស់ជាមុនសិន កុំចេះតែហៃអើតាមគ្នាពេក!»។
យ៉ាងណាក៏ដោយ លោកក៏បានសង្កត់ធ្ងន់ទៅលើអ្នកលេង Facebook បន្ដទៀតថា «ដោយសារតែពេលបច្ចុប្បន្ននេះអ្នកលេងFacebook 60% ជាមនុស្សដែលមើលតែចំណងជើង តែមិនអានអត្ថបទ…ឧទាហរណ៍ បើគេដាក់ចំណងជើងថាអ្នកណាអាក្រក់ ក៏នាំគ្នាហៃអើតាមគេតាមឯងថា អាក្រក់ដែរទៅ ហើយបើគេសរសេថា ល្អ ក៏ហៃអើថា ល្អតាមគេ ដោយភ្លេចគិតពិចារណារកខុសត្រូវ ឬភាពយុត្តិធម៌ឱ្យសមហេតុផលណាមួយឡើយ ។ ខ្ញុំពិតជាបានឃើញវីដេអូមួយនោះ ហើយ មិត្តភ័ក្តិជាច្រើនគេផ្ញើឱ្យខ្ញុំមើល ខ្ញុំបានមើលចុះមើលឡើងជាច្រើនដង ច្រើនសា ហើយខ្ញុំក៏បានសន្និដ្ឋានថា នេះជាការសម្តែង ព្រោះត្រូវក្រឡេកមើលតួអង្គដែលត្រូវគេគប់ និងតួអង្គស្រីម្នាក់នោះ គាត់ពិតជាមានអាកប្បកិរិយាជាលក្ខណៈសម្តែងនៅឡើយ ហើយម៉ាដូណាទៀតសោត រៀងរាល់លើក ឱ្យតែទៅណាមកណាមានតែចង់ឱ្យគេថត ឬរត់ចូលទៅថតជាមួយគេ ហើយឱ្យតែបានថត គឺគាត់សប្បាយចិត្តណាស់ គាត់មិនដែលសួរនាំអ្វីឡើយ ។
រីឯប្អូនដែលត្រូវគេធ្វើឱ្យបែកទូរស័ព្ទនោះ បែរជាមិនហ៊ានឱ្យគេសងទៅវិញ…ខ្ញុំមានគំនិតយល់ឃើញតែប៉ុណ្ណឹងឱ្យត្រិះរិះពិចារណាទេ។
តែអ្វីដែលជាការសំខាន់ គឺខ្ញុំសូមកោតសរសើរដល់បងប្អូនមិត្ត Facebook ដែលមានចិត្តពិតស្រឡាញ់បរិស្ថាន និងក្រុមសម្តែងម៉ាដូណាដែលបានសម្តែងសមដូចមែនទែនពិតៗតែម្ដង»៕
រឿងរបស់សិល្បការិនីជើងចាស់ អ្នកស្រី ហ៊ឹម ស៊ីវន កាន់តែក្លាយជាប្រធានបទក្ដៅពេញទំហឹងឡើងហើយ ព្រោះជាសិល្បករគំរូ និងជាគណៈកម្មការមួយរូប តែបែរជាប្រែកាយវិការ និងពាក្យសម្ដីធ្ងន់ៗ ចំអកដាក់បេក្ខនារីម្នាក់ដោយមើលងាយថា ចម្រៀងដូចកូនក្មេង គ្មានការយកចិត្តទុកដាក់ដូចជាអ្នកចម្រៀង ថ្វីបើនាងបានជាប់វគ្គជម្រុះដំបូងក្ដី ដែលរឿងនេះបានធ្វើឱ្យមហាជនរិះគន់ថា មិនគួរសោះ ហេតុអ្វីបានសិល្បករគំរូប្រើពាក្យសម្ដី និងកាយវិការបែបដូច្នោះទៅវីញ?!។
យ៉ាងណាមិញ អតីតប្រធានសមាគមសិល្បករខ្មែរ លោក សុះ ម៉ាច បានចេញមតិណែនាំទៅកាន់អ្នកស្រី ហ៊ឹម ស៊ីវន នៅក្រោមវីដេអូ ដែលបង្ហោះដោយ Facbook Page VibeRadioCambodia ថា៖ «គួរឱ្យសោកស្តាយណាស់! ពាក្យណែនាំតម្រែតម្រង់មានច្រើនណាស់ ព្រោះគាត់មិនមែនជាអ្នកចម្រៀងអាជីពទេ គួរតែប្រើភាសាថា ប្អូនស្រីធ្វើបែបនេះទើបល្អ ធ្វើបែបហ្នឹងវាមិនសូវល្អនោះទេ ប្អូនព្យាយាមកែតម្រូវឡើង ទើបវាប្រសើរ ហ្នឹងទើបជាការលើកទឹកចិត្តឱ្យពួកគាត់ខំប្រឹងបន្តទៀត មិនអស់សង្ឃឹម និងមិនខកបំណងដែលគាត់ចង់ក្លាយជាអ្នកចម្រៀង។ ណ្ហើយ! ឈប់វាយប្រហារគាត់ទៅ តើមនុស្សណាម្នាក់ដែលគ្មានកំហុសនោះ? នេះជាការភ្លេចភ្លាំងមួយពេលប៉ុណ្ណោះ»៕
កាលពីរាត្រីថ្ងៃសៅរ៍ ទី30 កញ្ញា ឆ្នាំ 2017 កន្លងទៅនេះ បេក្ខនារីម្នាក់ ដែលបានចូលរួមប្រឡងនៅក្នុងវិធីចម្រៀង «សំនៀងឯក» របស់ទូរទស្សន៍បាយ័ន ដែលមកពីខេត្តសៀមរាបឈ្មោះ សុខ វិសាល បានទទួលនូវការបញ្ចេញមតិបន្ថែមពីគណៈកម្មការតារាចម្រៀងជើងចាស់គឺអ្នកស្រី ហ៊ឹម ស៊ីវន ថា ច្រៀងដូចកូនក្មេងច្រៀងលេង។ បេក្ខនារីមួយរូបនេះ បានបកស្រាយនូវបទចម្រៀងមួយបទក្រោមចំណងជើងថា «រាត្រីសេកុង» ជាបទមរតកដើម តែដោយហេតុថា នាងចម្រៀងមិនដល់តុងសំឡេង និងមានសមត្ថភាពមិនទាន់គ្រប់គ្រាន់ ទើបបណ្ដាលឱ្យគណៈកម្មការឱ្យដំបូន្មានយ៉ាងចាស់ដៃ។ ក្រោយមកទៀតក៏បានផ្ទុះការរិះគន់ពីសំណាក់មហាជនទៅកាន់អ្នកស្រី ហ៊ឹម ស៊ីវន ថា ជាការមើលងាយបេក្ខនារីម្នាក់នោះទៅវិញ។
ដោយឡែកគណៈកម្មការមួយរូបទៀត គឺអ្នកនាង ម៉េង កែវពេជ្ជតា បានបញ្ចេញមតិវែងអន្លាយមួយ នៅលើបណ្តាញសង្គមFacebook ចេញមុខបកស្រាយជំនួស អ្នកស្រី ហ៊ឹម ស៊ីវន ដោយបានអះអាងដូចខាងក្រោមនេះ៖
ជំរាបសួរបងប្អូនទស្សនិកជន និងមិត្តសម្លាញ់ទាំងអស់ !
ជាដំបូង ខ្ញុំសូមអភ័យទោសទុកជាមុន បើការនិយាយរបស់ខ្ញុំមានខុសឆ្គងត្រង់ចំណុចណាមួយ។ ប៉ុន្មានថ្ងៃនេះ ក្នុងបណ្តាញព័ត៌មានមួយចំនួនហាក់គ្របសង្កត់ទៅលើអ្នកបង ហ៊ឹម ស៊ីវនខ្លាំងណាស់ ។ ក្នុងនាមនាងខ្ញុំជាអ្នករួមការងារ នាងខ្ញុំសូមចិត្តបងប្អូន កុំរិះគន់ និងកុំមើលគាត់ក្នុងផ្លូវអាក្រក់អី គាត់មិនមានបំណងមាក់ងាយដល់បេក្ខនារីណាម្នាក់ដូចការមើលឃើញនោះទេ ។ សូមចាត់ទុកថា បងស្រីគាត់និយាយត្រង់ពេកទៅចុះ តែក៍ជាបទពិសោធមួយសម្រាប់អ្នកប្រឡងដែរ ។
ពាក្យចាស់ពោលថា ពុតគ្រូកុំត្រាប់ ច្បាប់គ្រូឱ្យយក ។ កោកៗ សឹកតែមាត់ត្រដោក ឆ្អែតពោះក្របី ។ អ្នកដែលត្រង់ រមែងរងរបួសច្រើនជាងអ្នកក្រឡិចក្រឡុច។ ការដែលអាចទទួលយកបាននូវគ្រប់រសជាតិ ក៍ជាភាពរឹងមាំមួយសម្រាប់ខ្លួនឯងដែរ ។ គ្មានការបង្រៀនណាដែលត្រជាក់ស្រេងរហូតនោះទ តែឥឡូវសូមផ្អាករឿងនេះមួយភ្លែតសិន យើងនាំគ្នាងាកមកមើលអត្ថបទដែលសរសេរដោយសារព័ត៌មានមួយនេះម្តង ។ តើបងប្អូនយល់ទេថា គាត់ចង់សរសេរពីអ្វី ? តើគាត់សរសេរខុស ឬខ្ញុំមើលច្រឡំ ? ម៉េចក៍ច្របូកច្របល់អីម្ល៉េះ ? លេងសើចពេកហើយ ព័ត៌មានអ៊ីចឹងៗ ក៍ចេះតែលើកយកមកផ្សាយអោយខូចកិត្តិយសគេដែរ ។ តើនរណាបង្រៀនគាត់ឱ្យសរសេរបែបហ្នឹង ? ណ្ហើយកុំឱ្យហត់ភ្នែក ខ្ញុំសូមចាប់យកចំណុចមិនស្ថិតក្នុងរង្វង់ក្រហមមួយនេះមកពិចារណាវិញ ។ បងប្អូនទស្សនិកជនជាទីគោរព ! បើយើងនិយាយពីរឿងរិះគន់ក្នុងន័យស្ថាបនាពីមហាជនវិញ យើងខ្ញុំទទួលយកបានដោយរីករាយ ។ ប៉ុន្តែការរិះគន់របស់ម្នាក់នេះចូលលក្ខណៈលើសហើយ.. លើសខ្លាំងទៀតផង ។ ដែលលើសខ្លាំងនោះគឺ ទី១តើហេតុអីក៍ត្រូវរាលដាលដល់កម្មវិធីសំនៀងចែងចាំងដែរ ? ចង់ផ្លែផ្កាឱ្យនរណា? ឱ្យខ្ញុំ ? ? ទី២ តើហេតុអីក៍អ្នករិះគន់ម្នាក់ហ្នឹងព្យាយាមប្រៀបធៀបកម្មវិធីនេះ ជាមួយកម្មវិធីនោះម្ល៉េះទាំងដឹងថា សំនៀងឯក ជាកម្មវិធីជាតិបង្កើតឡើងដោយកូនខ្មែរ ? មានបំណងអី ? ស្អប់ខ្មែរ ? មិនចង់ឃើញខ្មែររីកចម្រើន ? សូមនិយាយដោយចិត្តបរិសុទ្ធ ទាំងខ្ញុំ ទាំងគេ សូមអបអរ ដែលទូរទស្សន៍ក្នុងស្រុកមានកម្មវិធីពីបរទេសមកផ្សព្វផ្សាយ ប៉ុន្តែក្នុងនាមជាម្ចាស់ប្រទេសទាំងមូលមិនបាច់ធ្វើអីទេ ចាំតែយកពីគេ ត្រាប់តាមគេរហូតទៅឬយ៉ាងម៉េច? ហើយក្រែងយើងហ្នឹងឬ ដែលចង់ឱ្យខ្មែរមានអ្វីដែលជារបស់ខ្មែរ មិនលួចចម្លងនោះអី រួចគិតឃើញយ៉ាងម៉េចមកដើរស្រែកជេរ ស្រែករិះគន់ទើសទាល់មិនសម្រាកដូច្នេះ ? ឬក៍យល់ថា ខ្លួនគាត់អស្ចារ្យណាស់ទៅឬដែលអង្គុយត្រេកត្រអាលជាមួយតែកម្មវិធីគេហើយភ្លេចកំណើតខ្លួននោះ?!។
តើហេតុអីក៍អ្នករិះគន់ម្នាក់ហ្នឹងចូលចិត្តយកមនុស្សមកប្រៀបធៀបគ្នាម្ល៉េះ ? ឬគាត់កំពុងព្យាយាមធ្វើឱ្យអ្នកសិល្បៈខាំគ្នាដោយសារផលប្រយោជន៍បន្តិចបន្តួចហ្នឹង ? ឬចង់ឱ្យតារា និងប៉ុស្តិ៍ទូរទស្សន៍មើលមុខគ្នាមិនចំ? ហើយហេតុអីក៍ដឹងថា ប៉ុស្តិ៍ទូរទស្សន៍ទាំងនោះមិនត្រូវការពេជ្ជតា ? មាត់អត់គម្រប បើមិនដឹងរឿង សូមកុំចេះតែមានប្រសាសន៍ទាន!! សូមជម្រាបថា ការប្រឡងចម្រៀងសំនៀងចែងចាំងមិនធ្វើការបន្ត គឺគ្មានពាក់ព័ន្ធអ្វីនឹងការដើរទិញអីវ៉ាន់នៅផ្សារថ្មីរបស់ពេជ្ជតាទេ ហើយកម្មវិធីទាន់សម័យកម្រិតពិភពលោកនៅក្នុងទូរទស្សន៍ដែលអ្នកកំពុងតែអួតនោះ ក៍ធ្លាប់បានអញ្ជើញពេជ្ជតាមិនដឹងជាប៉ុន្មានសិបដងហើយដែរ ប៉ុន្តែលក្ខខណ្ឌចំពេលពេជ្ជតាជាប់កិច្ចការមិនអាចទទួលបាន។
ហេតុអីក៍ត្រូវបន្ទោសពេជ្ជតាដែរ ? ខ្លួនគាត់កំពុងរិះគន់គេថា មិនចេះធ្វើការរិះគន់ឱ្យសមតួនាទីជាមេប្រយោគ ប៉ុន្តែខ្លួនគាត់បែរជាធ្វើការរិះគន់មកលើអ្នកដទៃទាំងលម្អៀង មើលងាយ ដោយគំនិតរាក់កំភែលទៅវិញ!! ការរិះគន់បែបនេះ គឺក្នុងបំណងចំអក សើចយំ និងបញ្ឈឺដើម្បីឱ្យសប្បាយចិត្តតែខ្លួនឯងប៉ុណ្ណោះ គ្មានចេតនាស្ថាបនាអ្វីទេ។
បើតែយ៉ាងនេះ ថ្ងៃណាទើបអ្នកចេះដឹងមានឱកាសបញ្ចេញស្នាដៃទៅ?! ហើយតើគុណភាពពិតនៅឯណា បើពួកគេចូលចិត្តផ្អែម បញ្ចើចបញ្ចើ បោកបន្លំ ហើយមិនហ៊ានទទួលយកការពិតផងនោះ?! ស្រែករករបស់ Original តែខ្លួនកំពុងតែឱបរបស់ Copy ឡើងបែកញើសដៃ មិនចេះខ្មាស់គេ សូមរំឭកផងថា គ្មានបរទេសណាគេមកធ្វើបាបខ្មែរទេ បើខ្មែរគ្នាឯងមិនធ្វើបាបគ្នា ហើយបើបរទេសឈ្នះ យើងនោះក៍មិនមែនដែរ ព្រោះតែបរទេសគេខ្លាំង គីមកពីខ្មែរខ្លួនឯងហ្នឹងខ្សោយ ។ ពាក្យពិតរែងស្លែង ។ ទោះជាយ៉ាងណា ពេជ្ជតានៅតែមិនខ្លាច ។ សូមអរគុណនូវការគាំទ្រ ការស្រឡាញ់ និងការជឿជាក់ពីសំណាក់បងប្អូនទស្សនិកជន ។ សូមអរគុណ ម៉ោង4ព្រឹក ថ្ងៃទី3 ខែតុលា 2017 ។ សរសេរទាល់តែចប់មិនចាំស្អែកទេ អរគុណសម្រាប់ការអាន៕
មិនមែនធម្មតាទេ តារាប្រុសម្នាក់នេះពិតជាសង្ហារបស់គេមែន!! រឿង “Descendants Of The Sun” ជារឿងភាគរបស់កូរ៉េ ដែលទទួលបានភាពល្បីល្បាញនៅក្នុងបណ្ដាប្រទេសក្នុងតំបន់អាស៊ី និងអឺរ៉ុបផងដែរ ក៏ប៉ុន្ដែបើនៅតាមប្រទេសក្នុងតំបន់អាស៊ានវិញ គឺបានបោះឆ្នោតឱ្យរឿងភាគទូរទស្សន៍មួយនេះ ជាប់លំដាប់ថ្នាក់លេខមួយតែម្ដង។
ដោយសម្លឹងឃើញសាច់រឿងមានភាពទាក់ទាញ និងបង្ហាញពីវិរភាពនៃសេចក្ដីស្នេហាជាតិដ៏អស្ចារ្យនោះ ប្រទេសប៉ាគីស្ថានបានទិញសិទ្ធិរឿងនេះទៅផលិតជាថ្មីជាវើហ្សឹនប៉ាគីស្ថានវិញម្ដង ដោយបានបង្ហាញពីស្ថានភាពជីវិតរបស់ក្រុមទាហាននៃប្រទេសមួយនេះ ហើយកាន់តែពិសេសជាងនេះទៅទៀត គឺមានវត្តមានតារាសម្ដែងឯក និងបង្ហាញម៉ូដប្រុស លោក Imran Abbas វ័យ 34 ឆ្នាំ ដែលមានរូបរាងស្រស់សង្ហា ដែលស្រីៗឃើញហើយទប់អារម្មណ៍មិនលង់ស្នេហ៍មិនបានឡើយ។ ដោយឡែក នៅថ្ងៃនេះលោកអ្នកនឹងបានឃើញឃ្លីបវីដេអូខ្លីមួយ ដែលតារាប្រុសរូបនេះសម្ដែង ហើយដកស្រង់យកមកបង្ហាញជូនទស្សនិកជនអ្នកគាំទ្ររូបលោកនៅលើបណ្ដាញសង្គម អ៊ីនស្ដាក្រាម ផ្ទាល់តែម្ដង ដូច្នេះដើម្បីកុំឱ្យខាតពេលយូរ សូមទស្សនាវីដេអូខាងក្រោមនេះតែម្ដង៖
នៅថ្ងៃទី2 ខែតុលា ឆ្នាំ2017 នេះ សារព័ត៌មាន kenh14 ដែលបានចេញផ្សាយមុននេះបន្ដិច បានឱ្យដឹងថា បន្ទាប់ពីបានរង់ចាំការចូលរួមកម្មវិធីបង្ហាញម៉ូដ Fashion Week តារាស្រីចិនកំពូលសម្រស់ Fan Bingbing ដែលអ្នកគាំទ្រឱ្យរហស្សនាមថា ជារាជិនីសម្រស់ នោះបានបង្ហាញវត្តមានក្នុងឈុតសម្លៀកបំពាក់ពណ៌ស ហើយមុខមាត់មិនសូវមានការ Make-up ប៉ុន្មានទេ។
រូបថតប៉ុន្មានស្លឹកដែលបានថតដោយ អ្នកជំនាញថតរូបអាជីពដ៏ល្បីល្បាញជនជាតិបរទេសម្នាក់ បានប្រាប់អ្នកសារព័ត៌មានឱ្យដឹងថា រូបថតរបស់តារាស្រីរូបនេះគ្រប់សន្លឹកទាំងអស់ មិនចាំបាច់កែកុននៅក្នុងកម្មវិធី Photoshop ទេ ព្រោះនាងមានសម្រស់ស្រស់ស្អាតបែបធម្មជាតិស្រាប់ទៅហើយ ហើយលោកអ្នកថែមទាំងមិនអាចរកឱ្យឃើញនូវចំណុចដែលថាមិនស្អាត ឬទើសទាស់ចិត្តត្រង់ណាមួយបាននោះឡើយ ព្រោះនាងគឺជា រាជិនីសម្រស់ ពិតៗតែម្ដង៕
