Author: អេបិល

ផលិតកម្មឥន្ទ្រានិម្មិតធ្លាប់ទទួលបានការគាំទ្រពីមហាជនជា ពិសេសពួកគេកំពុងតែរងចាំទស្សនារឿង «សសរកន្លោង» យ៉ាងអន្ទះសារដែលនឹងចាក់បញ្ចាំងជាផ្លូវការនៅថ្ងៃនេះ។ កាលពីម្សិលម៉ិញលោក ចាន់ណា រ៉ូណាន់ អ្នកដឹកនាំរឿងនេះបានថ្លែងនៅក្នុងពិធីសម្ពោធរឿង «សសរកន្លោង» រហូតធ្វើឱ្យអ្នកគាំទ្រខ្លួនមានអារម្មណ៍ក្ដុកក្ដួលចិត្ដជាខ្លាំង។

តើចាន់ណា រ៉ូណាន់ បាននិយាយអ្វីទៅកាន់អ្នកគាំទ្ររបស់ខ្លួន? ខណៈមានសិល្បករសិល្បការិនី ជាច្រើនបានចូលរួមក្នុងកម្មវិធីសម្ពោធរឿង និងមានមហាជនបានចោមរោមមើលពេលនោះលោកចាន់ណា រ៉ូណាន់ បានឡើងថា រឿង«សសរកន្លោង»ជាស្នាដៃចុងក្រោយរបស់លោកហើយ។

លោកចាន់ណា រ៉ូណាន់ បញ្ជាក់ថា ទោះបីជាលោកដឹងថា រឿងនេះមានគុណភាពល្អទទួលបានការសរសើរពីក្រសួងវប្បធម៌និងវិចិត្រសិល្បៈព្រមទាំងមានសន្ទុះនៃការគាំទ្រខ្លាំងជាងរឿង «កំណត់ហេតុនាងនាថ» ដែលជារឿងបានបំបែកឯកតកម្មក្នុងការរកប្រាក់ចំណូលបានច្រើនក៏ពិតមែន ប៉ុន្ដែបន្ទាប់ពីប្រតិបត្ដិការដាក់បញ្ចាំងរឿង «សសរកន្លោង»បានចប់សព្វគ្រប់លោកនឹងដកខ្លួនចេញពីសិល្បៈលែងផលិតភាពយន្ដទៀតហើយ។ លោកបន្ដថា ការចាកចេញវាមិនមែនកើតឡើងដោយសារតែមានជំលោះ ឬការអន់ចិត្ដជាមួយនរណាម្នាក់ទេ ប៉ុន្ដែលោកបង្វែរទិសដៅមួយរយៈទៅរកស៊ីមួយរយៈធំ គ្រាដែលលោកដឹងថា ការរកស៊ីក៏បង្កើតប្រាក់ចំណូលសម្រាប់លោកច្រើនដែរ។ រីឯហេតុពាក់ព័ន្ធជុំវិញការប្រមូលពន្ធដារទៅលើវិស័យភាពយន្ដនោះ គឺជារឿងបន្ទាប់បន្សំតែប៉ុណ្ណោះ​ព្រោះបច្ចុប្បន្នក្រសួងវប្បធម៌កំពុងជួយផលិតករ ដោយបានធ្វើសំណើរសុំការលើកលែងពន្ធដាររហូតដល់10ឆ្នាំតែលទ្ធផលយ៉ាងណានៅមិនទាន់ដឹងនៅឡើយទេ។

រឿង«សរសរកន្លោង» បានលើកឡើងពីក្ដីស្រលាញ់របស់បងប្អូនដែលត្រូវមើលថែគ្នា ខណៈពួកគេគ្រួសារកំព្រាឪពុក  ម្ដាយ។រឿងនេះក៏បានដកស្រង់បានដកស្រង់ឈុតឆាកនាសម័យបារាំងលាយបញ្ចូលគ្នាជាមួយសម័យកាលបច្ចុប្បន្ន និងមានលាយឡំឈុតឆាកខ្មោចដែលមានតុបតែងប្លែកគួរឱ្យភ័យរន្ធត់គួបផ្សំប្លង់ថត រូបភាព បច្ចេកទេសបានធ្វើឱ្យមានការចាប់អារម្មណ៍ជាខ្លាំងពីមហាជន។

អ្នកដឹកនាំរឿងរូបនេះ បញ្ជាក់ថា ប្រសិនបើថ្ងៃណាមួយមានហេតុផលណាដែលជំរុញឱ្យលោកងាកមកផលិតភាពយន្ដវិញលោកនឹងត្រលប់មកវិញ។ លោកបន្ដថា៖ «តែបើត្រលប់មកកាន់វិថីសិល្បៈជាលើកទីពីរខ្ញុំនឹងបង្កើតផលិតកម្មថ្មីមួយដែលមិនធ្វើជាលក្ខណៈទ្រង់ទ្រាយតូចដូច្នេះទេ ខ្ញុំនឹងរកដៃគូសហការគ្នាធ្វើរឿងឱ្យមានទ្រង់ទ្រាយធំ​និងរឹងមាំជាងនេះ»៕

ស្ថាបត្យករជនជាតិរុស្ស៊ីម្នាក់បានរចនាអគារខ្ពស់ Skyscraper ដ៏ស្កឹមស្កៃមួយ ដែលមានរូបរាងដូចសត្វពស់វែក ហើយលោករំពឹងថា អគារដ៏ប្លែកខុសពីគេរបស់ខ្លួននេះនឹងអាចលេចចេញជារូបរាងយ៉ាងពិតប្រាកដឡើងនៅក្នុងទីក្រុងដ៏ល្បី​ល្បាញ​ណាមួយ នៅក្នុងតំបន់មជ្ឈិមបូព៌ា ឬតំបន់អាស៊ី។ នេះបើតាមការចេញផ្សាយដោយសារព័ត៌មាន Daily Mail (Mail Online) នៅ​ព្រឹក​ថ្ងៃ​ពុធ ទី8 ខែវិច្ឆិកា ឆ្នាំ2017។

រចនាបទនៃអគារខាងលើនេះ ដែលមានឈ្មោះថា «Asian Cobra Tower» ត្រូវបានបង្កើតឡើងដោយស្ថាបត្យករមកទីក្រុងម៉ូស្គូ​​ប្រកបដោយទេពកោសល្យមួយរូបឈ្មោះ VasilyKlyukin ដែលកំពុងរស់នៅក្នុងប្រទេសម៉ូណាកូ។ លោក Klyunkin ជឿជាក់ថា អគារ​ពស់របស់លោក នឹងទាក់ទាញអ្នកអភិវឌ្ឍន៍ភាគច្រើននៅតាមទីក្រុងធំៗ ក្នុងតំបន់មជ្ឈិមបូព៌ា និងអាស៊ីជាទីដែលសត្វពស់ត្រូវបាន​គេចាត់ទុកជានិមិត្តរូបនៃគតិបណ្ឌិត។

បើតាមស្ថាបត្យករខាងលើ ផ្នែកមាត់ពស់នៃអគារនេះនឹងសម្រាប់បម្រើជាភោជនីយដ្ឋាន ឬក៏ក្លឹបកម្សាន្តរាត្រី ខណៈគ្រប់​ជាន់នៅ​​​តា​ម​​តួ​ខ្លួន​របស់វា អាចជាកន្លែងសម្រាប់ការិយាល័យ ឬក៏បន្ទប់ស្នាក់នៅ។ ដើម្បីឱ្យ​កាន់តែឃើញច្បាស់ សូមទស្សនារូបភាពទាំងឡាយខាងក្រោមនេះ៖

បន្ទាប់ពីផ្ទុះឡើងនូវការរិះគន់លើម្ចាស់ពានរង្វាន់ The Voice Kids Cambodia រដូវកាលទី 1 កុមារា ពេជ្រ ថៃ នៅលើបណ្ដាញសង្គមហ្វេសប៊ុកយ៉ាងខ្លាំងក្លារួចមក ថ្មីៗនេះស្រាប់តែ ពេជ្រ ថៃ បានបញ្ចេញសំបុត្រកំណើតពិតរបស់ខ្លួន ក្នុងគោលបំណងចង់បញ្ឈប់នូវបញ្ហាដ៏ឈឺក្បាលមួយនេះ។

ការរិះគន់ចំពោះ ពេជ្រ ថៃ មានពាក្យឆ្លើយឆ្លងតិះដៀលគ្នាជាច្រើនហូរហែបន្ដបន្ទាប់ រហូតមកដល់ថ្ងៃម្សិលមិញនេះ មានតារាចម្រៀងជើងចាស់ជាងកុមារា ពេជ្រ ថៃ បានរិះគន់ខ្លាំងៗរហូតដល់ថ្នាក់ទទូចទាមទារ ឱ្យអ្នករៀបចំកម្មវិធី The Voice Kids Global សើរើឡើងវិញនូវប្រវត្តិរូបរបស់ ពេជ្រ ថៃ ព្រមទាំងទាមទារឱ្យពិនិត្យ DNA របស់ពេជ្រ ថៃ ថែមទៀតផង ដើម្បីបញ្ជាក់ថា កុមារារូបនេះ គឺជាមនុស្សក្រិន និងក្លែងបន្លំអាយុមកចូលរួមប្រកួត។ ហើយក្នុងបំណងនេះទៀតសោត ក៏បានដាក់ការបន្ទោសទៅដល់ក្រុមអ្នករៀបចំកម្មវិធី The Voice Kids Cambodia ផងដែរ។

ដោយឡែកនៅថ្ងៃទី7 ខែវិច្ឆិកា ឆ្នាំ2017 នេះ ប្រភពដែលសារព័ត៌មាន ឡារ៉ែន ទទួលបានគឺ ពេជ្រ ថៃ បានបញ្ចេញសំបុត្រកំណើតពិតរបស់ខ្លួនដែលបញ្ជាក់ថា បានកើតនៅថ្ងៃអង្គារ ទី24 ខែមីនា ឆ្នាំ2004 នៅក្នុងភូមិជ្រៃមួយ ឃុំជ្រៃ ស្រុកមោងឫស្សី ខេត្តបាត់ដំបង ប្រទេសកម្ពុជា។ ប្រសិនបើគិតមកទល់ពេលនេះ កុមារារូបនេះមានអាយុ 13 ឆ្នាំ សមស្របទៅនឹងពេលដាក់ពាក្យប្រឡងពិតប្រាកដមែន មិនបានក្លែងបន្លំអាយុដូចពាក្យរិះគន់ចោទប្រកាន់នោះឡើយ៕

នៅថ្ងៃទី7 ខែវិច្ឆិកា ឆ្នាំ2017 នេះ ផលិតករឆ្នើមក្នុងការផលិតភាពយន្ដខា្នតធំបានប្រកាសថា ខ្លួនមានគម្រោងនឹងនាំយកខ្សែភាពយន្តរបស់ខ្លួនទាំងពីររឿង គឺរឿង “វិកលចរិត” និងរឿង “ធ្មប់” ដែលកំពុងតែថតបញ្ចប់នៅពេលឆាប់ៗខាងមុខនេះ ទៅដាក់បញ្ចាំងនៅទឹកដីសហរដ្ឋអាមេរិក ដោយមានការសហការជួយជ្រោមជ្រែងពីសំណាក់តារាជើងចាស់ និងជាផលិតកររបស់ផលិតកម្ម “កេសារា” គឺលោកស្រី កេសារា ផ្ទាល់ ព្រោះលោកស្រីធ្លាប់មានបទពិសោធរស់នៅទីនោះ និងស្គាល់បណ្ដាផលិតករនៅសហរដ្ឋអាមេរិកជាច្រើនរូប។

នៅក្នុងជំនួបជាមួយអ្នកសារព័ត៌មានក៏ដូចជាការជូនដំណើរអ្នកស្រី កេសារា ដែរនោះ លោក ហ៊ុយ យ៉ាឡេង ដែលជាផលិតកររបស់ផលិតកម្ម មាតុចក្រ បានថ្លែងយ៉ាងដូច្នោះថា «ជាដំបូង ខ្ញុំបាទបានពិភាក្សា និងស្នើសុំទៅអ្នកមីង កេសារា ក្នុងការយករឿង “វិកលចរិត” និងរឿង “ធ្មប់” ទៅដាក់បញ្ចាំងនៅសហរដ្ឋអាមេរិក ក្នុងគោលបំណងដើម្បីឱ្យប្រជាជនខ្មែរដែលរស់នៅទីនោះបានទស្សនារឿងទាំងពីរនេះ ព្រមទាំងរឿងរបស់អ្នកមីងផ្ទាល់ផងដែរ»។ ចំពោះក្ដីរំពឹងថា ទទួលបានភាពជោគជ័យក្នុងដំណើរការបញ្ចាំងរឿងខ្មែរនៅលើទឹកសហរដ្ឋអាមេរិកឬយ៉ាងណានោះ លោក យ៉ាឡេង ក៏បានបន្ដទៀតថា រឿងនេះគឺជាបំណងប្រាថ្នារបស់លោកជាយូរណាស់មកហើយ ។ ថ្វីដ្បិតតែទីនោះជាទឹកដីសហរដ្ឋអាមេរិក មានទំហំធំក៏ពិតមែន ក៏ប៉ុន្ដែអ្វីដែលសំខាន់ជាងនេះទៅទៀត គឺចំនួនប្រជាជនខ្មែរដែលរស់នៅទីនោះក៏មានច្រើនដូចគ្នា ដែលជាកម្លាំងជំរុញចិត្តមួយឱ្យមានក្ដីសង្ឃឹមនៃភាពជោគជ័យគាំទ្របន្ដ។ ដោយឡែកអ្វីដែលជាបទពិសោធកន្លងមក លោកថា កុនដែលបានបញ្ចាំងនៅប្រទេស​ថៃ និងឡាវ មិនសូវមានប្រជាជនខ្មែររស់នៅទីនោះ ដូច្នោះបានជាការគាំទ្រមិនបានទទួលលទ្ធផលល្អមកវិញប៉ុន្មានឡើយ។

ស្របគ្នានេះដែរ អ្នកមីង កេសារា ដែលជាដៃគូសហការក្នុងការនាំភាពយន្ដខ្មែរទាំងពីររឿងនេះទៅបញ្ចាំងនៅអាមេរិក ក៏បានលើកឡើងដែរថា «ពីមុនមកឱ្យតែរឿងខ្មែរបានផលិតហើយ ផលិតករនៅអាមេរិកបានទិញយកទៅផលិតជា DVD ដើម្បីដាក់លក់នៅទីនេះ តែជាអកុសលរឿងខ្មែរមួយរយៈក្រោយមិនបានផលិត ហើយក៏គ្មាន DVD រឿងខ្មែរទៀតដែរនៅទីនោះ។ តែដោយសារតែមានការចម្លងខុសច្បាប់ច្រើនពេក ទាំងរូបខ្ញុំផ្ទាល់ក៏បានឈប់ផលិតរឿងខ្មែរដូចគ្នា»។ អ្នកស្រីក៏បានបន្ដទៀតថា ក​ន្លងមកក៏មានរឿងរបស់ផលិតករផ្សេងៗ ដូចជាលោក ឆាយ បូរ៉ា ក៏បានយកទៅបញ្ចាំងនៅសហរដ្ឋអាមរិកផងដែរ ក៏ប៉ុន្ដែការយកទៅ និងចាក់បញ្ចាំងរឿងលើកនេះរបស់លោកស្រី គឺមានបែបផែនផ្សេងខុសពីគេ។ អ្នកស្រី កេសារា ក៏បានបញ្ជាក់ដែរថា ក្រៅពីរឿង “វិកលចរិត” និងរឿង “ធ្មប់” អ្នកស្រីក៏គ្រោងនឹងស្នើសុំរឿងរបស់ផលិតកម្ម មហាហង្ស ដែលមានការសម្ដែងដោយ កញ្ញា ដួង ម៉ានិច ទៅដាក់បញ្ចាំងជាមួយគ្នាផងដែរ។

ជាចុងក្រោយផលិតកររឿង “វិកលចរិត” និងរឿង “ធ្មប់”  បានថ្លែងអំណរគុណជាខ្លាំងចំពោះការជួយជ្រោមជ្រែងពីអ្នកមីង កេសារា និងបានពោលថា «នេះគឺជាសណ្ដានចិត្តដ៏ល្អមួយរបស់អ្នកមីង ដោយហេតុតែការស្រឡាញ់សិល្បៈ ទើបអ្នកមីងទទួលការទទូចអង្វរក និងជួយគ្នាក្នុងការនាំរឿងខ្មែរទៅអាមេរិក ដើម្បីឱ្យប្រជាជនខ្មែរនៅទីនោះបានទស្សនា ជាឱកាសឱ្យបងប្អូននៅទីនោះបានស្គាល់ពីកុនខ្មែរយើងនាពេលបច្ចុប្បន្ននេះផងដែរ»៕

នៅព្រឹកថ្ងៃទី7 ខែវិច្ឆិកា ឆ្នាំ2017 នេះ តារាចម្រៀង ណាំ ប៊ុណ្ណារ័ត្ន បានលាចាកភាពជាគ្រហស្ថ មកបួសជាភិក្ខុ ក្នុងគោលបំណងសងគុណ និងរំឭកដឹងគុណមាតាបិតារបស់លោក នៅវត្តទួល ក្នុងសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ។

តាមរយៈការឆ្លើយឆ្លងលើសារអេឡិចត្រូនិក ជាមួយអ្នកដឹកនាំកម្មវិធីស្ថានីយទូរទស្សន៍ Town Full HD TV លោក ប៊ុន រតនា បានប្រាប់អ្នកយកព័ត៌មានគេហទំព័រ ឡារ៉ែន ឱ្យដឹងថា តារាចម្រៀង ណាំ ប៊ុណ្ណារ័ត្ន ទើបតែត្រូវបានបំបួសជាសង្ឃកាលពីព្រឹកមិញនេះ ដោយមូលហេតុដែលគេបាននិយាយថា ចង់រំឭកនឹក និងសងគុណដល់មាតាបិតាដ៏មានគុណរបស់គេ  និងមានរូបថតមួយសន្លឹកដែលបានបង្ហោះជាភ័ស្តុតាងនៅលើបណ្ដាញទំនាក់ទំនងសង្គម Facebook របស់អ្នកដឹកនាំកម្មវិធី “ដូច្នឹងផង!!” ដែលបានបញ្ជាក់យ៉ាងដូច្នេះថា «ពិធីបំបួសលោកបង ណាំ ប៊ុណ្ណារ័ត្ន»៕

ស្របពេលដែលព្រះរាជពិធីបុណ្យអុំទូករយៈពេល 3 ថ្ងៃបានបញ្ចប់ហើយ នៅក្នុងនោះគេសង្កេតឃើញថា ប្រជាជនខ្មែរទូទាំងនគរបានសប្បាយរីករាយ និងសាទរ ព្រមទាំងធ្វើដំណើរកម្សាន្ដយ៉ាងសប្បាយរីករាយ មិនថាតែមកពីបណ្ដាខេត្ត ក្រុងនានា និងនៅក្នុងរាជធានីភ្នំពេញឡើយ។ ដោយឡែក នៅមុខបរិវេណឆាកប្រគំតន្ត្រី ខារ៉ាបាវឯនេះវិញ ក៏ទទួលបានការគាំទ្រពីសំណាក់ប្រិយមិត្តទស្សនិកជនចូលរួមទស្សនាយ៉ាងច្រើនកុះករផងដែរ។

នៅក្នុងវគ្គមួយដែលមានវត្តមានតារាចម្រៀងវ័យក្មេង ដែលទើបតែជាប់ជយលាភីពីកម្មវិធីប្រកួតចម្រៀងលំដាប់ថ្នាក់ពិភពលោក The Voice Kids Cambodia គឺកុមារា ពេជ្រ ថៃ ជាម្ចាស់ពាន និង កុមារា ឡុង លីគ័ង្គ បានបកស្រាយបទចម្រៀងរួមគ្នា ដែលមានចំណងជើងថា “ក្បត់ហួសទៅហើយ” ពីសំនៀងដើមរបស់គ្រូបង្វឹក ព្រាប សុវត្ថិ។ នៅពេលការបកស្រាយបទចម្រៀងបានបញ្ជប់ ពិធីករ-ពិធីការិនីនៅក្នុងកម្មវិធីទាំងមូលដែលរួមមាន លោកជា វិបុល កញ្ញាចាន់ កែវ​និមល កញ្ញា ថន លក្ខិណា និងលោក ញ៉ែម សុគន្ធ បានចេញមករាក់ទាក់ និងនិយាយកំប្លែងលេងជាមួយអ្នកទាំងពីរ ក្នុងគោលបំណងដើម្បីបង្កបរិយាកាសសប្បាយរីករាយបន្ថែមទៀត។

លុះដល់ពិធីករ ជា វិបុល ប្រកាសឱ្យសួរសំនួរចុងក្រោយដែលពាក់ព័ន្ធជាមួយពាក្យសន្សាមុនពេលដែល ពេជ្រ ថៃបានកាន់ពាន។ និយាយសួរចុះ សួរឡើងៗ អ្នកនាង និមល ក៏បានបង្គាប់ឱ្យ ពេជ្រ ថៃ និយាយតាមអ្នកនាងរហូតដល់ ពេជ្រ ថៃធ្លោយមាត់របូតពាក្យថា “គីគីលូ”  ដាក់មុខទស្សនិកជន បណ្ដាលឱ្យអ្នកនាង និមល សើចតលែងសមតែម្ដង។

ដើម្បីឱ្យកាន់តែជាក់ច្បាស់សូមទស្សនាវីដេអូខាងក្រោមនេះ៖