Author: អេបិល

នៅថ្ងៃទី14 ខែវិច្ឆិកា ឆ្នាំ 2017 នេះ តាមរយៈបណ្ដាញទំនាក់ទំនងសង្គម Pantip បានឱ្យដឹងថា កូនប្រុសភ្លោះរបស់តារាស្រី ឈុំ​ភូ អារីយ៉ា បានចម្រើនវ័យបាន 2 ខែហើយ ដោយទាំងស្អាត ទាំងស្រស់សង្ហា ព្រមទាំងមានទម្រង់មុខ មិនច្រឡំគ្នាទៀតផង។

បើតាមរយៈរូបភាពដែលបានបង្ហោះជាច្រើនសន្លឹកនៅក្នុងបណ្ដាញសង្គម អ៊ីនស្ដាក្រាម ដោយលោក ណត់ វិសៈរុត ជាស្វាមីរបស់អ្នកនាង ឈុំភូ អារីយ៉ា គេសង្កេតឃើញថា អូនតូច ផាយុ និងសាយហ្វា អាយុបាន 2 ខែហើយ និងអ្វីដែលកាន់តែមើលឃើញច្បាស់បន្ថែមទៀតនោះ គឺកូនភ្លោះទាំងពីរនាក់ មានទម្រង់មុខមិនច្រឡំគ្នានោះទេ គឺមានចំណុចដូចម្ដាយ និងចំណុចដូចឪពុក ហើយជាពិសេសទៀតនោះ បើតាមការបៀបធៀបរូបខាងក្រោមនេះ គេសង្កេតឃើញថា អូនតូចផាយុ គឺមានទម្រង់មុខ និងបបូរមាត់ ព្រមទាំងឥរិយាបថគេងដូចគ្នានឹងលោកឪពុករបស់គេគឺ ណត់ វិសៈរុត។ រីឯអូនតូចសាយហ្វា គឺមានទម្រង់មុខដូចតារាស្រី ឈុំភូ អារីយ៉ា កាលនៅពីក្មេងបេះបិទតែម្តង៕

បន្ទាប់ពីមានសារព័ត៌មានក្នុងស្រុកមួយបានចេញផ្សាយថា  ចិត្រាតូច និងចិត្រាធំមានទំនាក់ទំនងស្នេហាស៊ីជម្រៅជាមួយគ្នា ព្រមទាំងមានមុខមាត់ស្រដៀងគ្នាផងនោះ ក៏ស្រាប់តែមានអ្នកលេងបណ្ដាញសង្គម Facebook ម្នាក់ទៀតដែលមានឈ្មោះថា Roxy Bella បានចេញមកអះអាងរឿងរ៉ាវរបស់តារាសម្ដែង ទីន ទីន និង ឆន សុណ្ណរាជ ត្រឹមតែប្រយោគមួយឃ្លាថា  «សំខាន់ពីរនាក់គាត់ នៅក្រៅ គឺប្ដីប្រពន្ធនឹងគ្នា»។

ស្របពេលគ្នានេះដែរ តារាសម្ដែងវ័យក្មេង ដែលទើបទទួលបានប្រជាប្រិយភាពតាមរយៈរឿងភាគទូរទស្សន៍ ហង្សមាស រឿង “សិសិររដូវក្នុងបេះដូង” បានបង្ហោះសារឆ្លើយតបអំពីរឿងរ៉ាវស្នេហាជាមួយលោក ឆន សុវណ្ណរាជ ថា «ជូនចំពោះ បងស្រី Roxy Bella បើតាមជាក់ស្តែង ខ្ញុំហើយនិងបងរាជ មិនដែលស្គាល់បងស្រីទេ តែហេតុអីបានជាបងស្រីដឹងរឿងពួកខ្ញុំច្បាស់ម្ល៉េះ  ឬក៏បងស្រីចង់ល្បី? សុំកុំដើរប្រឌិតរឿង ហើយនិយាយបង្ខូចកេរ្តិ៍ឈ្មោះគេបែបនេះទៀត ។ ខ្ញុំស្រឡាញ់រាប់អាន បងរាជដូចបងប្រុសអ៊ីចឹង មិនដូចពាក្យដែលបងស្រីមកចោទប្រកាន់ខ្ញុំទេ»។

គួរបញ្ជាក់ផងដែរថា តាម​រយៈសារអេឡិចត្រូនិកដែល ទីន ទីន បានឆ្លងឆ្លើយជាមួយអ្នកសារព័ត៌មាន ឡារ៉ែន លោកបានបញ្ជាក់បន្ថែមថា «រវាងលោក និងតារាចម្រៀងប្រចាំផលិតកម្មរស្មីហង្សមាស លោក ឆន សុវណ្ណរាជ គឺត្រឹមតែជាបងប្អូនប្រុសល្អនឹងគ្នា ហើយគ្មានទំនាក់ទំនងស្នេហាប្រុស និងប្រុសដូចអ្វីដែលគេបានចោទប្រកាន់ឡើយ»៕

ថ្ងៃទី9 ខែវិច្ឆិកា ឆ្នាំ2017 ម្សិលមិញ គឺជាថ្ងៃបុណ្យឯករាជ្យជាតិកម្ពុជា ហើយក៏ជាថ្ងៃដែលបវរកញ្ញាឯក ប៊ី សុធារី  ចេញដំណើរទៅកាន់សហរដ្ឋអាមេរិក ដើម្បីចូលរួមក្នុងពីធីប្រកួត Miss Universe 2017  ដែលគ្រោងនឹងប្រព្រឹត្តទៅនៅថ្ងៃទី27 វិច្ឆិកា ឆ្នាំ2017 ខាងមុខនេះ នៅសហរដ្ឋអាមេរិក។

នៅព្រឹកថ្ងៃដដែលក្នុងបរិវេណសណ្ឋាគារ Naga World បវរកញ្ញាស្រស់សោភារូបនេះ បានថ្លែងទាំងក្ដីរំភើបលាយឡំជាមួយក្ដីសង្ឃឹមនៅក្នុងពិធីសន្និសីទសារព័ត៌មានថា «នាងខ្ញុំបានត្រៀមលក្ខណៈរួចជាស្រេចហើយ ដើម្បីទៅបង្ហាញសមត្ថភាពនៅលើឆាកអន្តរជាតិ គឺក្នុងកម្មវិធីប្រឡងបវរកញ្ញាចក្រវាល «Miss Universe» និងតាំងចិត្តបង្ហាញឲ្យអន្តរជាតិបានដឹងអំពីសម្បត្តិវប្បធម៌របស់ខ្មែរ ទំនៀមទម្លាប់របស់ប្រជាជនខ្មែរយើង ជាពិសេសទង់ជាតិកម្ពុជានឹងត្រូវបានបង្ហូតឡើងនៅលើឆាកអន្តរជាតិនៅក្នុងថ្ងៃប្រកួតនោះដែរ»។

ស្រីស្រស់ ប៊ី សុធារី បានបន្តទៀតថា រូបនាងពិតជាមានមោទនភាពខ្លាំងណាស់ ដែលបានធ្វើជាតំណាងឲ្យប្រជាពលរដ្ឋកម្ពុជាទាំងមូល ដើម្បីទៅចូលរួមប្រកួតប្រជែងជាលក្ខណៈអន្តរជាតិ ដែលជាព្រឹត្តិការណ៍ធំលំដាប់ពិភពលោក ខណៈដែលនេះជាលើកទី1សម្រាប់រូបនាងផ្ទាល់។ កញ្ញា ប៊ី សុធារី បានត្រៀមនូវសម្លៀកបំពាក់ចំនួន 3 ឈុតធំៗ នៅក្នុងថ្ងៃប្រកួតរួមមាន ឈុតហែលទឹក ឈុតប្រពៃណី និងឈុតរាត្រីសមោសរ។ សូមបញ្ជាក់ថា ក្នុងការដុសខាត់ និងពង្រឹងសមត្ថភាពបន្ថែម សុធារី បានធ្វើដំណើរទៅហ្វឹកហាត់នៅឯប្រទេស ហ្វីលីពីន ក្រោយពីទទួលបានជយលាភីនៅក្នុងប្រទេសនៅឆ្នាំ2016 ដើម្បីសិក្សាបន្ថែមពីការរៀបចំឥរិយាបថមុនពេលឆ្លើយសំនួរ ការដើរបង្ហាញម៉ូដលើឆាកអន្ដរជាតិ និងជាពិសេសនោះ គឺការហ្វឹកហាត់ផ្នែកភាសាអង់គ្លេស ពីសំណាក់គ្រូបង្វឹកល្បីៗ ដើម្បីដណ្ដើមយកជយលាភីឱ្យបាន។

ជាចុងក្រោយកញ្ញា ប៊ី សុធា បានលើកម្រាមដៃដប់សំពះស្នើសុំ និងសូមអំពាវនាវដល់បងប្អូនខ្មែរទាំងអស់ មេត្តាជួយគាំទ្ររូបនាង នៅក្នុងព្រឹត្តិការណ៍លំដាប់ពិភពលោកនេះ ព្រោះកម្មវិធីនេះមានការបោះឆ្នោតតាមរយៈបណ្ដាញប្រព័ន្ធអ៊ីនធើណិតដើម្បីបានជាប់បន្ដជា Miss Popular Vote ដែលនឹងជាប់ដោយស្វ័យប្រវត្តិទៅវគ្គចុងក្រោយ។ ដូច្នេះសូមចូលរួមបោះឆ្នោតលើកទឹកចិត្តដល់រូបនាងទាំងអស់គ្នាផង។

   សូមបងប្អួនខ្មែរទាំងអស់ កុំភ្លេចបោះឆ្នោតជូនបវរកញ្ញាឯកចក្រវាល ប៊ី សុធារី  តំណាងប្រទេសកម្ពុជា ទាំងអស់គ្នា!!!៕