Author: អេបិល

Arsenal លត់ BATE Borisov ចាស់ដៃ ខណៈ Marseille ទៅវគ្គបន្ត
ខ្សែបម្រើ Jack Wilshere បានក្លាយជាតារាឆ្នើម ខណៈដែលក្រុម Arsenal បានលត់ក្រុម BATE Borisov យ៉ាងចាស់ដៃក្នុងលទ្ធផល 6-០ នាកីឡដ្ឋាន Emirates ក្នុងការប្រកួតជុំចុងក្រោយនៃពូលក្នុងក្របខ័ណ្ឌ Europa League របស់ពួកគេកាលពីថ្ងៃព្រហស្បតិ៍ ស្របពេលដែលក្រុម Marseille បានកក់កៅអីរបស់ពួកគេ ក្នុងវគ្គ32ក្រុមចុងក្រោយ។
លោក Arsene Wenger បានធ្វើការផ្លាស់ប្តូរកីឡាករទាំង11នាក់ចំពោះក្រុមដែលបានចាញ់ក្រុម Manchester United កាលពីចុងសប្តាហ៍មុន ប៉ុន្តែក្នុងជម្រើសទី2របស់គ្រូបង្វឹកសញ្ជាតិបារាំងរូបនេះ បានបង្ហាញពីទម្រង់លេងយ៉ាងល្អ ដើម្បីជួយឲ្យលោកកត់ត្រាជ័យជម្នះជាលើកទី700របស់លោកក្នុងនាមជាអ្នកចាត់ការទូទៅ Arsenal។ ក្រោយពីខ្សែការពារដែលរងការរំខានដោយបញ្ហារបួស Mathieu Debuchy បានរកគ្រាប់បាល់បើកឆាកនៅនាទីទី11 តាមរយៈការស៊ុតបាល់បញ្ចូលទីជាលើកទី1របស់គេក្នុងរយៈពេល1082ថ្ងៃ ហើយខ្សែប្រយុទ្ធ Theo Walcott បានបន្ថែម1គ្រាប់ទៀតនៅនាទីទី37។
បន្ទាប់មក នៅរយៈពេល 2នាទីចុងក្រោយនៃតង់ទី1 Wilshere បានបញ្ចប់ការមិនអាចរកគ្រាប់បាល់បញ្ចូលទីរបស់គេសម្រាប់ក្រុម Arsenal ចាប់តាំងពីថ្ងៃចុងក្រោយនៃក្របខ័ណ្ឌ Premier League រដូវកាលឆ្នាំ2014-2015 តែម្តង។ ការធ្វើឲ្យបាល់ចូលទីខ្លួនឯង1គ្រាប់ពីសំណាក់ខ្សែការពារ Denis Polyakov បានជួយឲ្យក្រុម Arsenal នាំមុខ4-០ នៅដើមតង់ទី2 មុនពេលខ្សែប្រយុទ្ធ Olivier Giroud បានរកគ្រាប់បាល់ទី6របស់គេនៅរដូវកាលនេះ ពីការស៊ុតបាល់ប៉េណាល់ទី ហើយ Mohamed Elneny បានបំពេញជ័យជម្នះដ៏ធំសម្រាប់ក្រុមខ្លួននៅរយៈពេល16នាទីចុងក្រោយតែម្តង។
Wilshere បានប្រាប់ទូរទស្សន៍ BT Sport ថា៖ «វាជារឿងដែលធូរស្រាលបន្តិចដែលខ្ញុំបានរកគ្រាប់បាល់បញ្ចូលទី។ វាជាគ្រាប់បាល់1គ្រាប់ក្នុងចំណោមការប្រកួតទាំងនោះ ប៉ុន្តែ វាមិនមានន័យអ្វីឡើយ ពីព្រោះយើងបានឈរលេខ1ក្នុងពូលស្រេចទៅហើយ»៕
ប្រភពពី៖ Sport24
December 8, 2017
Ronaldo ឈ្នះពាន Ballon d’Or ជាលើកទី5 ដើម្បីតាមស្មើកំណត់ត្រារបស់ Messi
ខ្សែប្រយុទ្ធ Cristiano Ronaldo បានតាមស្មើកំណត់ត្រារបស់ខ្សែប្រយុទ្ធ Lionel Messi តាមរយៈការឈ្នះពានរង្វាន់មាស Ballon d’Or ជាលើកទី5 ក្នុងកម្មវិធីមួយក្នុងទីក្រុងប៉ារីស។
Ronaldo បានជួយឲ្យក្រុម Real Madrid ឈ្នះពានក្របខ័ណ្ឌ Champions League ជាលើកទី12 ខែមិថុនា តាមរយៈការស៊ុតបាល់បញ្ចូលទី3គ្រាប់ នៅពេលប្រកួតជាមួយនឹងក្រុម Bayern Munich និង Atletico Madrid ក្នុងវគ្គ8ក្រុមចុងក្រោយ និងវគ្គពាក់កណ្តាលផ្តាច់ព្រ័ត្រ ក៏ដូចជាបានស៊ុតបាល់បញ្ចូលទី2គ្រាប់ ក្នុងពេលក្រុមខ្លួនយកឈ្នះ Juventus 4-1 ក្នុងវគ្គផ្តាច់ព្រ័ត្រ។ Messi ដែលទើបតែបានចុះហត្ថលេខាលើកុងត្រាថ្មីមួយនៅឯក្លិប Barcelona រហូតដល់ឆ្នាំ2021នោះ បានបញ្ចប់ក្នុងចំណាត់ថ្នាក់លេខ2 សម្រាប់រយៈពេល2ឆ្នាំជាប់ៗគ្នា បើទោះបីបច្ចុប្បន្នបានរកគ្រាប់បាល់បញ្ចូលទីច្រើនជាង Ronaldo ចំនួន3គ្រាប់ ក្រោយពីយុទ្ធនាការយៈពេល1ឆ្នាំក៏ដោយ។ ដោយឡែក កីឡាករមានតម្លៃខ្លួនខ្ពស់ជាងគេបំផុតក្នុងពិភពលោក Neymar បានស្ថិតក្នុងចំណាត់ថ្នាក់លេខ3 ជាលើកទី2ក្នុងរយៈពេល3ឆ្នាំ។ Ronaldo បានបន្ថែមពាន Ballon d’Or ឆ្នាំ2017 ពីលើពានបាល់មាសដែលរូបគេធ្លាប់បានឈ្នះកាលពីឆ្នាំ2008, 2013, 2014 និងឆ្នាំ2016 ហើយ Messi គឺជាកីឡាករតែម្នាក់ទៀតគត់ដែលឈ្នះពាននេះបើគិតចាប់តាំងពីឆ្នាំ2009។
Ronaldo បាននិយាយក្នុងកម្មវិធីមួយនៅឯប៉ម Eiffel Tower ក្នុងទីក្រុងប៉ារីស ថា៖ «ពិតណាស់ ខ្ញុំមានអារម្មណ៍រីករាយ ហើយនេះជាពេលវេលាដ៏អស្ចារ្យក្នុងអាជីពរបស់ខ្ញុំ។ នេះគឺជាអ្វីដែលខ្ញុំសម្លឹងចង់ឈ្នះជារៀងរាល់ឆ្នាំ»។ Ronaldo បានបន្ថែមទៀតថា៖ «ពានរង្វាន់ជាច្រើនដែលត្រូវបានឈ្នះកាលពីឆ្នាំមុន បានជួយឲ្យក្រុមឈ្នះពានរង្វាន់នេះ។ សូមថ្លែងអំណរគុណដល់មិត្តរួមក្រុម Real Madrid ហើយខ្ញុំចង់ថ្លែងអំណរគុណដល់អ្នកផ្សេងទៀតដែលបានជួយឱ្យខ្ញុំឈានដល់កម្រិតនេះ»៕
ប្រភពពី៖ Sky Sports
December 8, 2017
ទម្លាយរូបភាពកាលពីកុមារីរបស់តារាចម្រៀង IU ដ៏គួរឱ្យក្នាញ់
តាមរយៈសារព័ត៌មាន koreaboo នៅថ្ងៃទី7 ខែធ្នូ ឆ្នាំ2017 មុននេះបន្ដិចបានឱ្យដឹងថា មានអ្នកគាំទ្រជាច្រើននាក់បានទទូចទាមទារចង់ឃើញរូបថតកាលពីវ័យកុមាររបស់កំពូលតារាចម្រៀង Kpop នាង IU ទើបនៅពេលថ្មីៗនេះតារាចម្រៀងស្រីរូបនេះបានទម្លាយរូបថតរបស់ខ្លួនចេញមកជាច្រើនសន្លឹកនៅលើបណ្ដាញទំនាក់ទំនងសង្គម អ៊ីនស្តាក្រាម របស់ខ្លួន។ នាងបានបង្ហោះរូបនាងកាលពីទើបតែចេះតោងឈរ និងរៀនដើរតិចៗ ដែលមើលទៅគួរឱ្យឃ្នាន់ក្នាញ់ និងគួរឱ្យស្រឡាញ់ខ្លាំងបំផុត។
គួរបញ្ជាក់ផងដែរថា នៅពេលដែលអ្នកគាំទ្របានទស្សនារូបថតកាលពីក្មេងរបស់នាងហើយនោះ គ្រប់គ្នាមានភាពភ្ញាក់ផ្អើល ហើយលាន់មាត់សរសើរនាងមិនដាច់ពីមាត់ថា «នៅពេលបានមើលឃើញរូបកាលពីក្មេងរបស់នាងហើយ យើងគិតថា នាងមានរូបសម្ផស្សស្រស់ស្អាត ហើយមានលក្ខណៈធម្មជាតិ 100% មិនកែសម្ផស្សក៏ស្អាតដែរ» ។ ដូចដែលបានដឹងហើយថា ប្រទេសកូរ៉េ គឺជាប្រទេសមួយដែលល្បីខាងផ្នែកកែសម្ផស្សស្រស់ស្អាតជាងគេនៅលើពិភពលោកនេះ។
ដើម្បីឱ្យកាន់តែច្បាស់បន្ថែមទៀត សូមទស្សនារូបភាពកាលពីកុមារភាពរបស់តារាចម្រៀងស្រី IU ខាងក្រោមនេះ ៖
December 7, 2017
ស្រាបៀរ Heineken ប្រគល់រង្វាន់ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរ Heineken ឆ្នាំ 2016-2017
រាជធានីភ្នំពេញ៖ កាលពីថ្ងៃទី 05 ខែធ្នូ ឆ្នាំ2017 ស្រាបៀរ Heineken ដែលជាស្រាបៀរគុណភាពលំដាប់ថ្នាក់ អន្ដរជាតិដែលឈានមុខគេលើពិភពលោកបានរៀបចំកម្មវិធីប្រគល់រង្វាន់ជូនដល់គូស្វាមីភរិយាថ្មីទាំងអស់ដែលបានជាវស្រាបៀរ Heineken ក្នុងកម្មពិធីអាពាហ៍ពិពាហ៍របស់ស្រាបៀរ Heineken ឆ្នាំ 2016-2017។ កម្មវិធីពិសេសត្រូវបានធ្វើឡើងនៅទីតាំងរោងចក្រផលិតស្រាបៀរកម្ពុជា (CBL) ដោយមានការអញ្ជើញចូលរួមពីថ្នាក់ដឹកនាំក្រុមហ៊ុន ក្រុមការងារស្រាបៀរ Heineken គូស្វាមីភរិយាដែលឈ្នះរង្វាន់ និងអ្នកសារព័ត៌មានជាច្រើន។
រង្វាន់ដែលស្រាបៀរ Heineken ប្រគល់ជូនដល់ស្វាមីភរិយាថ្មីចំនួនពីរគូដែលបានឈ្នះពីកម្មវិធីចាប់រង្វាន់កាលពីថ្ងៃទី 16 ខែវិច្ឆិកា ឆ្នាំ2017 នៅស្ថានីយទូរទស្សន៍ PNN ក្នុងកម្មវិធីតន្រ្តី Heineken រួមមានរង្វាន់ដំណើរកម្សាន្តក្រេបចន្ទទឹកឃ្មុំនៅ ទីក្រុងញូវយ៉ក រួមជាមួយនឹងការស្នាក់នៅក្នុងសណ្ឋាគារលំដាប់ផ្កាយ 5 ចំនួនពីររង្វាន់។
កម្មវិធីប្រគល់រង្វាន់នេះបានរៀបចំឡើងក្នុងគោលបំណងថ្លែងអំណរគុណ និងបង្ហាញពីការយកចិត្តទុកដាក់ខ្ពស់ចំពោះគូស្វាមីភរិយាថ្មីទាំងអស់ដែលបានជាវស្រាបៀរ Heineken សម្រាប់ពិធីអាពាហ៍ពិពាហ៍របស់ខ្លួន។
លោក អ៊ុំ សុបញ្ញា និងអ្នកស្រី ទិត្យ ច័ន្ទមីនា ដែលបានឈ្នះរង្វាន់ពីកម្មពិធីអាពាហ៍ពិពាហ៍របស់ស្រាបៀរ Heineken បានមានប្រសាសន៍ទាំងក្តីរំភើបរីករាយថា ពួកគាត់ទាំងពីរបានសប្បាយចិត្តខ្លាំងណាស់ដែលបានឈ្នះរង្វាន់ពិសេសនេះ ហើយបញ្ជាក់អះអាងថា ស្រាបៀរ Heineken ពិតជាបានប្រគល់រង្វាន់ជូនពួកគាត់ទាំងពីរមែន។
សម្រាប់រដូវកាលអាពាហ៍ពិពាហ៍ ឆ្នាំ 2017-2018 ខាងមុខនេះ ស្រាបៀរ Heineken នឹងផ្តល់ជូនរង្វាន់កាន់អស្ចារ្យជាមុនគឺ ដំណើរកម្សាន្តក្រេបចន្ទទឹកឃ្មុំទៅកាន់ទីក្រុង Amsterdam និងរង្វាន់ជាច្រើនទៀត។
ប្រសិនបើអ្នកត្រូវការព័ត៌មានបន្ថែមសូមទូរស័ព្ទមកលេខ 011 222 400/011 333 500។
រីករាយជាមួយស្រាបៀរ Heineken ក្នុងថ្ងៃដ៏វិសេសវិសាលរបស់អ្នក នឹងឈ្នះរង្វាន់ដំណើរកម្សាន្តក្រេបចន្ទទឹកឃ្មុំនៅទីក្រុង Amsterdam ទទួលយកបទពិសោធន៍ដំណើរកម្សាន្តដ៏ល្អឯក។
Heineken – Open Your World
ពិសាដោយការទទួលខុសត្រូវ៕

December 7, 2017
Sweet អ្វីម៉្លេះមួយគូនេះ!! សូម្បីទៅក្រេបទឹកឃ្មុំក៏…
នៅថ្ងៃទី7 ខែធ្នូ ឆ្នាំ2017 មុននេះបន្ដិចនៅលើបណ្ដាញសង្គមហ្វេសប៊ុករបស់ភរិយាកវីនិពន្ធ សុខ ជំនោរ បានបង្ហោះរូបភាពជាច្រើនសន្លឹកដែលបង្ហាញឱ្យឃើញពីដំណើរទៅក្រេបច័ន្ទទឹកឃ្មុំយ៉ាងផ្អែមល្ហែម។ ដោយឡែករូបភាពជាច្រើនសន្លឹកនៅលើគណនីអ្នកនាង រង្សី ភរិយាលោក ជំនោរ បានធ្វើឱ្យបណ្ដាមជ្ឈដ្ឋានមហាជនមានការចាប់អារម្មណ៍ និងភ្ញាក់ផ្អើលជាខ្លាំង ហើយរំភើបជំនួសអ្នកទាំងពីរទៀតផង។
មួយសន្លឹករបស់ ជំនោររង្សី ( ឈ្មោះបន្សំរវាងលោក សុខ ជំនោរ និងអ្នកនាង ស្រី សុរង្សី ) បានបង្ហាញពីកាយវិការក្របួចមាត់ដាក់គ្នា ស្ទើរតែថើបជញ្ជក់មាត់គ្នាទៅហើយ ដូច្នេះសូមប្រិយមិត្តមើលទៅ ច្បាស់ជាឃើញថា គូស្នេហ៍មួយគូនេះ Sweet ខ្លាំងប៉ុនណាមិនខាន។ សូមកុំប៉ប្រិចភ្នែកណា៎! ដើម្បីឱ្យឃើញកាន់តែជាក់ច្បាស់ តាមរយៈរូបភាពទាំងឡាយខាងក្រោមនេះ៖

December 7, 2017
គយគន់សម្រស់បវរកញ្ញាទេសចរណ៍អន្ដរជាតិ តំណាងប្រទេសកម្ពុជា
នៅថ្ងៃទី7 ខែធ្នូ ឆ្នាំ2017នេះ តាមរយៈបណ្ដាញហ្វេសប៊ុករបស់ Miss Cambodia ដែលបានបង្ហោះនាពេលថ្មីនេះបានឱ្យដឹងថា កម្មវិធីប្រកួតបវរកញ្ញាទេសចរណ៍អន្ដរជាតិ ឬ Miss Tourism International 2017 លើកទី 20 នេះបានប្រព្រឹត្តទៅកាលពីថ្ងៃទី6 ខែធ្នូកន្លងមកនេះនៅទីក្រុងកូឡាឡាំពួ ប្រទេសម៉ាឡេស៊ី។ ហើយអ្វីដែលពិសេសនេះគឺ បេក្ខភាពតំណាងប្រទេសកម្ពុជាយើងបានទៅចូលរួមបង្ហាញនូវឈុតតំណាងជាតិដែលបានខិតខំច្នៃពីផ្ទាំងគំនូរយ៉ាងផ្ចិតផ្ចង់បំផុត។ ក្នុងការបង្ហាញជូននេះ កញ្ញា គឹម ស្រីកែវ គឺជាបវរកញ្ញាទេសចរណ៍តំណាងប្រទេសកម្ពុជា ដែលមានរូបឆោមស្រស់ស្អាតបែបនារីខ្មែរពិតៗ។
គួររំឭកផងដែរថា នៅក្នុងជំនួបជាមួយអ្នកសារព័ត៌មាននៅក្នុងបរិវេណសណ្ឋាគារណាហ្កាវើល បវរកញ្ញារូបនេះធ្លាប់បានលើកឡើងថា «ដោយសារតែនាងខ្ញុំជាបវរកញ្ញាទេសចរណ៍ នាងខ្ញុំនឹងផ្សព្វផ្សាយពីតំបន់ទេសចរណ៍នៅកម្ពុជាទៅកាន់ពិភពលោក ជាពិសេសគឺ ប្រាសាទអង្គរវត្តទៅកាន់ពិភពលោកឱ្យបានស្គាល់»។ នាងបន្ដថា រូបនាងផ្ទាល់មិនសូវមានក្ដីរំពឹងទុកខ្ពស់ក្នុងការប្រកួតនោះទេ ព្រោះនេះជាបទពិសោធលើកទីមួយដែលទៅប្រកួតលើឆាកអន្ដរជាតិ ក៏ប៉ុន្ដែអ្វីដែលនាងបានព្យាយាមប្ដេជ្ញាចិត្តនោះគឺ នាងសន្យាថា នឹងខិតខំប្រឹងប្រែងឱ្យអស់ពីកម្លាំងកាយចិត្តរបស់នាងដើម្បីដណ្ដើមយកជ័យលាភីឱ្យទាល់តែបាន។
ចង់ដឹងថា សម្រស់ និងឈុតទេសចរណ៍ប្រចាំជាតិកម្ពុជា ដែលបង្ហាញនៅលើឆាកបវរកញ្ញាទេសចរណ៍អន្ដរជាតិ ស្រស់ស្អាតដល់កម្រិតណានោះ សូមគយគន់រូបភាពនៅខាងក្រោម៖
December 7, 2017
Inverter ភ្លោះ របស់ LG (Dual Inverter Compressor) ដំបូងគេបង្អស់ដែលមានការធានារយៈពេល 10 ឆ្នាំ
Inverter ភ្លោះរបស់ LG (Dual Inverter Compressor) ជាដំណោះស្រាយដ៏ល្អក្នុងការកាត់បន្ថយសំឡេងរំខាន ឆាប់ត្រជាក់ ដំណើរការបានយូរអង្វែង និងស្ងៀមស្ងាត់។ អ្វីដែលកាន់តែពិសេសនោះគឺការធានារយះពេល១០ឆ្នាំដំបូងគេបង្អស់សម្រាប់កុំប្រេសសឺ (Compressor) របស់ម៉ាស៊ីនត្រជាក់។់
ក្រៅពីមុខងារពិសេសពីរគឺ សន្សំសំចៃភ្លើង និង ឆាប់ត្រជាក់ នៅក្នុងនោះម៉ាស៊ីនត្រជាក់ Dual inverter របស់ LG ក៏មានមុខងារពិសេសបន្ថែមផ្សេងទៀតដូចជា៖
Hi Cool
ម៉ាស៊ីនត្រជាក់ LG ជាមួយបច្ចេកវិទ្យា Hi Cool ផ្តល់ភាពត្រជាក់បានភ្លាមៗនៅពេលដែលលោកអ្នកបើកដំណើរការវា។ ដោយអ្នកគ្រាន់តែចុចនៅលើប៊ូតុងបើកភ្លាមអ្នកនិងមានអារម្មណ៏ត្រជាក់ដូចនៅក្នុង Himalayas (ភ្នំដែលត្រជាក់ជាងគេក្នុងពិភពលោក)។
បច្ចេកវិទ្យាMonsoon Comfort
បច្ចេកវិទ្យា Monsoon Comfort សម្របភាពត្រជាក់អោយស្របទៅនិងបរិយាកាស និងធាតុអាកាសខាងក្រៅ។ បើប្រៀបធៀបទៅនិងម៉ាស៊ីនត្រជាក់ធម្មតា បច្ចេកវិទ្យា Monsoon Comfort មានគុណសម្បត្តិយ៉ាងច្រើនដោយវាអាចជួយរក្សាភាពត្រជាក់មិនអោយហួសកំរិតនៅពេលដែលធាតុអាកាសត្រជាក់ខ្លាំង ដែលជាលទ្ធផលជួយសន្សំសំចៃភ្លើងបានរហូតដល់ទៅ 36.4%។
ការសម្អាតដោយស្វ័យប្រវត្ត (Auto Clean)
Auto Clean មានមុខងារសម្ងួតកញ្ច្រែងសើមដើម្បីការពារបាក់តេរីតាមរុន្ធដង្ហើមរបស់វា។
Sleep Mode
នៅពេលដែល sleep mode ដាក់ដំណើរការ microprocessor របស់ម៉ាស៊ីនត្រជាក់ LG និងធ្វើការផ្លាស់ប្តូរដោយស្វយ័ប្រវត្តិនូវសីតុណ្ហភាពនៅក្នុងបន្ទប់អោយស្របទៅនិងរាងកាយរបស់អ្នកអំឡុងពេលកំពុងគេង ដូច្នោះវាបង្កើតនូវបរិយាកាសដ៍មានផាសុខភាពសម្រាប់ពេលគេង និងជួយសន្សំសម្ចៃថាមពលភ្លើងផងដែរ។
អតិថិជនទាំងអស់អាចមកទស្សនាការដាក់តាំងផលិតផលសេរ៊ីថ្មីទាំងនេះដែលមានស្រាប់នៅគ្រប់សាខា LG Brand Shop ទាំងអស់។ ពត៏មានបន្ថែមសូមសូមទំនាក់ទំនងមកកាន់លេខ 023 222 699 ៕

December 7, 2017
ធនាគារជាតិហាមមិនឱ្យប្រើប្រាស់រូបិយវត្ថុ Crypto Currency នៅកម្ពុជា
ធនាគារជាតិនៃកម្ពុជា (NBC) បានចេញសេចក្តីប្រកាសថ្មីមួយ ហាមមិនឱ្យចរាចររូបិយវត្ថុ Crypto Currency នៅលើទីផ្សារក្នុងប្រទេសកម្ពុជា ដោយសារតែចៀសវាងកុំឱ្យមានហានិភ័យទៅដល់សាធារណជន។
ខ្លឹមសារនៃសេចក្តីជូនដំណឹង ដែលបានជម្រាបទៅដល់គ្រប់គ្រឹះស្ថានមីក្រូហិរញ្ញវត្ថុ និងធនាគារ បានលើកឡើងថាធនាគារជាតិនៃកម្ពុជាបានពិនិត្យឃើញថា បច្ចុប្បន្នមានការចរាចរ ទិញ លក់ ទូទាត់ ផ្សព្វផ្សាយ រូបិយវត្ថុ Crypto (Crypto Currency) ដូចជា BitCoin និងឧបករណ៍អេឡិចត្រូនិកប្រហាក់ប្រហែលគ្នា ដោយមិនមានច្បាប់អនុញ្ញាត និងមិនមានការទទួលស្គាល់ពីធនាគារជាតិនៃកម្ពុជា។
ការផ្សព្វផ្សាយ និងការធ្វើប្រតិបត្តិការទាំងនេះ អាចបង្កហានិភ័យដល់សាធារណជន និងជាមធ្យោបាយសម្រាប់ការលាងសម្អាតប្រាក់ ហិរញ្ញប្បទានភេរវកម្ម និងទីផ្សារងងឹត ដោយសារអ្នកប្រើប្រាស់ និងវិនិយោគិនមួយចំនួនមិនមានការយល់ដឹងពីរូបិយវត្ថុ Crypto Currencies ដែលងាយឆបោក។ លោកជំទាវ ជា សេរី អគ្គនាយិកាបច្ចេកទេសធនាគារជាតិនៃកម្ពុជា មានប្រសាសន៍នៅក្នុងសន្និសីទម៉ាក្រូសេដ្ឋកិច្ចលើកទី4 កាលពីសប្តាហ៍មុននេះថា ថ្មីៗនេះធនាគារជាតិនៃកម្ពុជាបានទទួលព័ត៌មានមួយចំនួន ដែលបានចរាចររូបិយវត្ថុ Crypto Currency ហើយបានផ្តល់ឈ្មោះប្លែកៗគ្នា ដូចជា Bit Coin បន្ទាប់មកទៀតក៏មានក្រុមហ៊ុនមួយចំនួន កំពុងតែបំផុសបំផុលឱ្យប្រជាជនទិញយក។
លោកជំទាវបញ្ជាក់ថា ធនាគារជាតិកម្ពុជាមិនគាំទ្ររូបិយវត្ថុ Crypto Currency ដែលមិនទទួលស្គាល់ដោយរដ្ឋាភិបាល ហើយបើសិនជាមានការបំផុសបំផុល ឱ្យប្រើប្រាស់ណាមួយ សូមកុំជឿតាមការបំផុសបំផុលរបស់គេ ព្រោះរូបិយវត្ថុប្រភេទនេះមិនអាចប្តូរយកប្រាក់សុទ្ធនៅធនាគារជាតិបានឡើយ៕
December 7, 2017
ឱក សុគន្ធកញ្ញា ៖ «បើស្រឡាញ់ ឱក សុគន្ធកញ្ញា ត្រូវពាក់មួកសុវត្ថិភាពរាល់ពេលធ្វើដំណើរ»
នៅព្រឹកថ្ងៃទី7 ខែធ្នូ ឆ្នាំ2017 កំពូលតារាចម្រៀងស្រី ដែលមានប្រជាប្រិភាពខ្លាំងបំផុត ព្រមទាំងមានអ្នកគាំទ្រជាច្រើននាក់ និងជារាជិនីតារាចម្រៀងនៅក្នុងទ្រនំរស្មីហង្សមាស គឺកញ្ញា ឱក សុគន្ធកញ្ញា បានបង្ហាញវត្តមានចូលរួមចែកមួកសុវត្ថិភាពដល់ប្អូនៗសិស្សានុសិស្សនៅវិទ្យាល័យ ព្រះស៊ីសុវត្ថិ ក្នុងនាមជាអ្នកតំណាងផលិតផលទូរស័ព្ទដៃឆ្លាតវៃSamsung។
នៅក្នុងជំនួបជាមួយប្អូនៗសិស្សានុសិស្ស និងផ្ដល់កិច្ចសំណេះសំណាល តារាស្រីរូបនេះ មិនមានអ្វីផ្ដាំផ្ញើច្រើនពេកនោះទេ តែមានសារខ្លីមួយដែលអត្ថន័យជ្រាលជ្រៅ និងផ្ដល់ការទូន្មានក្រើនរំឭកក្នុងការការពារអាយុជិវិតឱ្យរួចផុតពីគ្រោះថ្នាក់ចរាចរណ៍។ កញ្ញា បានពោលថា «ការពាក់មួកសុវត្ថិភាពខណៈពេលធ្វើដំណើរ គឺពិតជាមានសារៈសំខាន់បំផុត ក្នុងការការពារអាយុជីវិតប្អូនៗ ព្រោះថា វាអាចការពារក្បាល និងចង្កាបានល្អ និងរួចផុតពីការបាត់បង់អាយុជីវិតដោយសារគ្រោះថ្នាក់ចរាចរណ៍»។
ជាចុងក្រោយតារាស្រីដ៏មានប្រជាប្រិយភាពរូបនេះបានបញ្ជាក់ដែរថា «ប្អូនៗទាំងអស់មានឪពុកម្ដាយ និងសាច់ញាតិបងប្អូនដែលនៅចាំព្រួយបារម្ភ និងផ្ដល់ក្ដីស្រឡាញ់ជូនប្អូនៗគ្រប់ពេលវេលា ហើយកាន់តែពិសេសជាងនេះទៅទៀតនេះ គឺបងស្រី ឱក សុគន្ធកញ្ញា ម្នាក់នេះផ្ទាល់តែម្ដង ដែលស្រឡាញ់ប្អូនៗទាំងអស់គ្នាខ្លាំងអស់ពីបេះដូង ដូច្នោះហើយបើស្រឡាញ់បងស្រី ឱក សុគន្ធកញ្ញា ត្រូវពាក់មួកសុវត្ថិភាពគ្រប់ពេលវេលាទាំងអស់គ្នាណា៎»។ បន្ទាប់មកប្អូនៗសិស្សានុសិស្សបានផ្ដល់សំឡេងហ៊ោកញ្ជ្រៀវជាការគាំទ្រសម្ដីតារាស្រីរូបនេះយ៉ាងលាន់ឮពាសពេញបរិវេណវិទ្យាល័យ ព្រះស៊ីសុវត្ថិ តែម្ដង៕

December 7, 2017
Ronaldo ត្រូវបានរំពឹងថា នឹងឈ្នះពានបាល់មាស Ballon d’Or ជាលើកទី5នៅថ្ងៃនេះ
ខ្សែប្រយុទ្ធ Cristiano Ronaldo ត្រូវបានរំពឹងទុកថា នឹងតាមស្មើកំណត់ត្រារបស់តារាឆ្នើម Lionel Messi នៅថ្ងៃព្រហស្បតិ៍នេះ តាមរយៈការឈ្នះពានរង្វាន់បាល់មាស Ballon d’Or ជាលើកទី5 ក្រោយពីត្រូវបានទទួលស្គាល់ពីសមិទ្ធផលក្នុងការជួយឲ្យក្រុម Real Madrid ឈ្នះទាំងពានក្នុងក្របខ័ណ្ឌ La Liga និង Champions League កាលពីរដូវកាលមុន។
ខ្សែប្រយុទ្ធ Messi វ័យ3០ឆ្នាំរបស់ក្លិប Barcelona បានឈ្នះពានកិត្តិយសនេះ ចាប់ពីឆ្នាំ2009 ដល់ឆ្នាំ2012 និងក្នុងឆ្នាំ2015។ ដោយឡែក ខ្សែប្រយទ្ធអន្តរជាតិព័រទុយហ្គាល់ ដែលមានវ័យ32ឆ្នាំ បានឈ្នះពានកីឡាករឆ្នើមមួយនេះ ក្នុងឆ្នាំ2008, 2013, 2014 និងឆ្នាំ2016។ Ronaldo ដែលបានធ្វើការអភិវឌ្ឍទេពកោសល្យរបស់ខ្លួនក្រោមការបង្វឹកយ៉ាងយកចិត្តទុករបស់អតីតគ្រូបង្វឹករបស់ក្លិប Manchester United លោក Alex Ferguson នោះ បានឈ្នះពាន Ballon d’Or ជាលើកទី4របស់គេ ក្រោយពីបានជួបរដូវកាលដែលមិនអាចបំភ្លេចបានមួយតាមរយៈការជួយឲ្យក្រុម Real លើកពាន Champions League មុនពេលជួយឲ្យក្រុមជម្រើសជាតិរបស់គេឈ្នះពាន Euro ឆ្នាំ2016 ក្នុងទីក្រុងប៉ារីស។
ពានរង្វាន់របស់ទស្សនាវដ្តី France Football មួយនេះ ត្រូវបានកាត់សេចក្តីដោយសំឡេងឆ្នោតរបស់ក្រុមអ្នកយកព័ត៌មានកីឡា ដែលមានចំនួន173សំឡេងក្នុងឆ្នាំ2016 ដោយអ្នកយកព័ត៌មានម្នាក់ៗត្រូវជ្រើសរើសកីឡាករចំនួន5នាក់ ពីបញ្ជីមួយដែលមានកីឡាករ30នាក់៕
ប្រភពពី៖ Sky Sports

December 7, 2017