Author: អេបិល

មុននឹងឈានដល់ការប្រកួតពានរង្វាន់ AFC CUP 2020 ជើងទី1 របស់ខ្លួនទល់ជាមួយនឹងក្លិបព្រះខ័នរាជស្វាយរៀង នាពេលល្ងាចនេះ ក្រុមជើងឯកលីកកំពូលរបស់ហ្វីលីពីន បានបង្ហាញសមាសភាពកីឡាករសញ្ជាតិហ្វីលីពីនចំនួន 5រូបដែលខ្លួនទើបតែទិញមកពីក្លិបនានាក្នុងលីកកំពូលរបស់ថៃ។

កីឡាករទាំង 5រូបនោះមានដូចជា ខ្សែប្រយុទ្ធ Manny Ott ( ផ្ទេរពី Ratchaburi Mitr Phol FC ), ខ្សែការពារ Joshua Dutosme ( ផ្ទេរពី Sukhothai FC ), ខ្សែប្រយុទ្ធ Mark Hartmann ( ផ្ទេរពី Ratchaburi Mitr Phol FC ), ខ្សែប្រយុទ្ធ Hikaru Minegishi ( Pattaya United FC ) រួមទាំងកីឡាករម្នាក់ទៀតផ្ទេរពីក្លិបក្នុងលីក Kaya FC-Iloilo។

គួរបញ្ជាក់ដែរថា Ceres Negros ស្ថិតនៅក្នុងពូល G ជាមួយម្ចាស់ជើងឯកលីកកំពូលកម្ពុជា គឺព្រះខ័នរាជស្វាយរៀង, ម្ចាស់ជើងឯកលីកកំពូលឥណ្ឌូនេស៊ី ( Bali United ) និងក្រុមលេខ3 លីកកំពូលវៀតណាម Than Quang Ninh៕

អតីតកីឡាករខ្សែប្រយុទ្ធជម្រើសជាតិជប៉ុន Keisuke Honda បានបង្ហាញខ្លួនក្នុងពិធីប្រកាសបង្ហាញមុខជាផ្លូវការចំពោះអ្នកគាំទ្ររបស់ក្លិប Botafogo F.R នៅកីឡដ្ឋាន Estadio Olimpico Nilton Santos ដោយទទួលបានការស្វាគមន៍យ៉ាងកក់ក្ដៅបំផុតពីសំណាក់អ្នកចូលរួមច្រើនដល់ទៅ 13,000នាក់។

កីឡាករ​វ័យ​ 33​ឆ្នាំ​​ បាន​និយាយ​ក្នុង​សន្និសីទកាសែត​​ក្នុង​ការ​បង្ហាញ​ខ្លួន​ដំបូង​នៅ​កីឡដ្ឋាន Nilton Santos Stadium របស់​ក្លិប Botafogo ថា លោក​បាន​បដិសេធ​ក្លិប​នៅ​អឺរ៉ុប ​និង​អាស៊ី​ជា​ច្រើន បន្ទាប់មកបាន​​សម្រេច​ចិត្ត​មកនៅជាមួយ​ក្រុម​ដែល​ស្ថិត​ក្នុង​ទីក្រុង Rio de Janeiro នេះ គឺដោយ​សារ​អ្នក​គាំទ្រ។

1. គួរបញ្ជាក់ដែរថា ការដែលទទួលបានការស្វាគមន៍យ៉ាងកក់ក្ដៅជាទីបំផុតបែបនេះ លោកបានសង្កត់ធ្ងន់ថា មិនដែលជួបរឿងបែបនេះឡើយ សូម្បីតែពេលនៅជាមួយ AC Milan ជាទីដែលរូបលោកបានចំណាយពេលលេងពីឆ្នាំ2014-2017 ដែលមានអ្នកគាំទ្រច្រើនដូចគ្នា តែក៏មិនដល់ថ្នាក់នេះដែរ៕

   
   

នេះជាការចាប់ផ្តើមដ៏ធំមួយរបស់ក្លិបព្រះខ័នរាជស្វាយរៀង សម្រាប់យុទ្ធនាការ AFC Cup ឆ្នាំ2020 នៅក្នុងពូល G ស្របពេលដែលក្លិបមួយនេះនឹងត្រូវធ្វើការប្រកួតជាមួយក្រុមម្ចាស់ជើងឯកលីកកំពូលរបស់ប្រទេសហ្វីលីពីន Ceres–Negros FC នាល្ងាចនេះ វេលាម៉ោង6 និង 30នាទីល្ងាចម៉ោងនៅកម្ពុជានៅកីឡដ្ឋាន Rizal Memorial Stadium ខណៈដែលពួកគេ គឺជាជើងឯកនៃលីកកំពូលរបស់ហ្វីលីពីនសម្រាប់ឆ្នាំ2019 នេះ (ក្រុមល្អផ្ដាច់គេប្រចាំបាល់ទាត់ហ្វីលីពីន) និងជាក្រុមអាស៊ីអាគ្នេយ៍មួយដែលមានចំណាត់ថ្នាក់ខ្ពស់ជាងគេនៅក្នុងសហព័ន្ធបាល់ទាត់ AFC, រួមទាំងពានរង្វាន់ AFC Champions League ផងដែរ។

Ceres Negros FC ជាក្រុមជើងឯកលីកកំពូលហ្វីលីពីនដល់ទៅ 3សម័យកាលជាប់គ្នា (ឆ្នាំ2017, 2018 និង2019) និងជើងឯក Copa Paulino Alcantara (2019)។ មិនតែប៉ុណ្ណោះពួកគេក៏ជាជើងឯកនៃពានរង្វាន់ PFF National Men’s Club Championship (ឆ្នាំ 2012-13 និង2013-14) និងជាជើងឯកពានរង្វាន់ United Football League (ឆ្នាំ2015)ទៀតផង។

គួរបញ្ជាក់ផងដែរថា ចំពោះក្រុមមួយនេះ ធ្លាប់បានចូលរួមនៅក្នុងការប្រកួតពានរង្វាន់ AFC Champions League ជាច្រើនលើកផងដែរ (តែបានត្រឹមវគ្គជម្រុះ), ហើយក៏ធ្លាប់ឡើងដល់វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រនៃពានរង្វាន់ AFC Cup ក្នុងរយៈពេលប៉ុន្មានឆ្នាំចុងក្រោយនេះផងដែរ៕

អ្នកនាំពាក្យក្រសួងអប់រំ យុវជន និងកីឡា ឯកឧត្តម ឌី ខាំបូលី បានបញ្ជាក់នៅក្នុងសន្និសីទសារព័ត៌មាន​នៅអង្គភាពអ្នកនាំពាក្យរាជរដ្ឋាភិបាលថា ប្រសិនបើមាន​ឃើញករណីគ្រូបង្រៀនយកលុយពីសិស្ស អាណាព្យាបាល និង​អ្នកសារព័ត៌មានអាចទំនាក់ទំនងទៅអ្នកនាំពាក្យ និងក្រសួងដើម្បីឱ្យក្រសួងប្រមូលព័ត៌មានដើម្បីចាត់វិធានការបន្ទាន់ភ្លាមៗតែម្ដង។ 

ឯកឧត្តមបានបន្ថែមផងដែរថា ជាគោលការណ៍ក្រសួងអប់រំ យុវជន និងកីឡា មិនអនុញ្ញាតឱ្យ​មានការយកថ្លៃសិក្សាពីសិស្សនៅតាមសាលារៀននោះទេ។ ហេតុនេះការយកប្រាក់ពីសិស្ស ជារឿងមួយដែលមិនត្រឹមត្រូវ ដែលក្រសួងនឹងចាត់វិធានការបន្ទាន់ ប្រសិនបើមានករណីបែបនេះកើតឡើង។ ឯកឧត្តមបញ្ជាក់ថា បុគ្គលិកអប់រំមានរហូតដល់ទៅជាង 12ម៉ឺននាក់ ហេតុនេះ​អាចមានបុគ្គលមួយចំនួនតូច​ ពីសាលាខ្លះមានករណីមិនប្រក្រតីបែបនេះ តែដើម្បីជាវិធីសាស្រ្តដោះស្រាយយើងគួរចូលរួមសហការ និងរាយការណ៍មកក្រសួងដើម្បីរួមគ្នាលុបបំបាត់បញ្ហាទាំងអស់នេះ៕

ពិតជាមានក្ដីរំភើបឥតឧបមា ខណៈបានឃើញទឹកចិត្តរបស់សិល្បករពីក្រុមគ្រួសារតារាកម្ពុជា និងក្រុមសប្បុរសជនតែបៃតងថេនសៃ រួមគ្នានាំក្ដីស្រឡាញ់និងអំណោយដែលមានដូចជា មានភេសជ្ជៈតែបៃតងជិត៣០កេស ទឹកសុទ្ធជាច្រើនកេស មីសរុបជាង១០កេស ត្រីចសរុបជាង២កេសធំ អង្ករ៦បេ ទឹកត្រីទឹកស៊ីអ៊ីវ សំលៀកបំពាក់ នំណី និងថវិកាសរុបជិត៣លានរៀល ជូនដល់សមាគមក្មេងកំព្រាស្នាមញញឹមនៃក្ដីសង្ឃឹមរបស់កុមារ។

លោក ទួន ប៉ូលី អ្នកគ្រប់គ្រងទូទៅរបស់ក្រុមហ៊ុនតែបៃតងថេនសៃ បានថ្លែងបញ្ជាក់ថា នេះជាលើកទី១ ដែលក្រុុមហ៊ុនសហការជាមួយក្រុមសិល្បករគ្រួសារតារាកម្ពុជា ហើយឃើញតារាសិល្បៈទាំងនេះ រួមគ្នាទិញជាសម្ភារៈ និង គ្រឿងឧបភោគបរិភោគបរិភោគជាច្រើនទៀត ធ្វើឱ្យជំនួយនៅក្នុងថ្ងៃនោះមានកម្រិតធំ។ លោកប្រកាសជំហរថា នឹងបន្តសហការជាមួយគ្រួសារតារាកម្ពុជា ឱ្យបានច្រើន ដើម្បីការងារសង្គម។ ក្នុងនោះលោក ក៏បានប្រកាសផ្ដល់ម៉ាស៊ីនចម្រោះទឹកស្អាត អំពូលសុឡាបំភ្លឺផ្លូវចូលសម្រាប់ក្មេងៗ និងប្រកាសផ្ដល់ក្នុងមួយខែ១៥០០ដុល្លារ ដើម្បីបំពេញកង្វះខាតផ្នែកម្ហូបអាហាររបស់សមាគមផងដែរ។

លោក ផាត់ តារារដ្ឋ ស្ថាបនិកគ្រួសារតារាកម្ពុជា ថ្លែងថា អំណោយដែលបានប្រគល់ជូននេះមានចំនួន៣ផ្នែក មួយផ្នែកជាការចូលរួមរបស់ក្រុមហ៊ុនតែបៃតងថេនសៃ មួយផ្នែកជាការគៀរគរ និងការបរិច្ចាគផ្ទាល់ពីតារាសិល្បៈរបស់់គ្រួសារតារាកម្ពុជា និង មួយផ្នែកទៀត គឺជាការផ្ដល់ដោយលោកឧកញ៉ាបណ្ឌិត គាង សេង ប្រធានក្រុមហ៊ុនគាងសេង ដែលជួយជាផ្ទាំងសុឡាបំភ្លឺផ្លូវ ថវិកា១លានរៀល និងសន្យារកជំនួយជូនក្នុងមួយខែ១៥០០ដុល្លារ ផ្គត់ផ្គង់ថ្លៃម្ហូប និងតម្រូវការ ទើបធ្វើអោយជំនួយដែលយកទៅប្រគល់ជូននោះមានចំនួនច្រើន។ លោកក៏ថ្លែងអំណរគុណយ៉ាងពិសេសចំពោះម្ចាស់ជំនួយ និងតារាសិល្បៈផងដែរ ដែលមិនត្រឹមតែលះបង់ពេលវេលា និងលុយកាក់ប៉ុណ្ណោះទេ ប៉ុន្តែក៏បានបង្កភាពរីករាយដល់ក្មេងៗយ៉ាងជិតស្និទ្ធិ មុនទិវារនៃក្ដីស្រលាញ់មកដល់នោះផង៕

ភាពយន្តខ្មែររឿង “អន្ទាក់ស្នេហ៍” ត្រូវបានអ្នកទស្សនាភាពយន្តមួយចំនួនរិះគន់ ថាបានចម្លងសាច់រឿង ស្នាមរបួសចាស់ ឬ The Scar របស់ប្រទេសថៃ និងបានអះអាងថា វីដេអូខ្លីនៃរឿងទាំងពីរ មានលក្ខណៈដូចគ្នាស្ទើតែទាំងស្រុង។

លោកសាស្រ្តចារ្យ ចាន់ សារិន ផ្នែកល្ខោនយីកេ នៃសាលាមធ្យមសិក្សាសិល្បៈ ដែលជាកវីនិព្ធ រឿង “អន្ទាក់ស្នេហ៍” សូមលើកបញ្ជាក់សាធារណៈជនជ្រាបថា រឿង “អន្ទាក់ស្នេហ៍” ជាសិល្ប៍សាស្រ្ត អត្ថបទនិពន្ធ នាថកថា របស់លោកដែលប្រើពេលគិតប្រមូលពីសាច់រឿងពិត របស់ ចាស់ទុំ ក្នុងស្រុកភូមិរបស់លោក ធ្លាប់រស់នៅកាលពីយុវជនជំទង មកសរសេរឡើង អស់រយៈពេល ១ ឆ្នាំ និងរៀបជាអត្ថបទភាពយន្តជិត ១ឆ្នាំទៀត។

ភាពយន្តអន្ទាក់ស្នេហ៍ ទៀបសោត ឆ្លុះបញ្ចាំងពីស្នេហាស្មោះស្ម័គ្រ នៃគូសង្សារស្រុកស្រែ ដែលមានម្តាយជាអ្នកបំបែក ដើម្បីមាសប្រាក់របស់ចាស់ព្រើមួយរូប ដែលខ្វះសិលធម៌ និងមានចិត្តគំនិតកំណាញ់ស្វិត ល្បិចកល អាវ៉ាសែ ដើម្បីបោកយកនារីក្មេងមកជាគូអនាគតរបស់ខ្លួន។ លោកសាស្រ្តចារ្យ ចាន់ សារិន ដែលមានវ័យជាង ៥០ ឆ្នាំ បន្តថា សាច់រឿងនេះមានពិតក្នុងសម័យកាលលោកសាស្រ្តចារ្យនៅវ័យជាង ២០ ឆ្នាំ ដែលកាលនោះកម្ពុជាទើបតែមានសន្តិភាព ឆ្លងផុតពីរបបខ្មែរក្រហម។

តម្លៃនៃសាច់រឿងនេះ ឆ្លុះបញ្ជាំងពី កិច្ចកាតញូតាធម៌របស់កូនស្រីជូនដល់ម្តាយ សេចក្តីស្នេហាស្មោះស្ម័គ្រ ដោយហ៊ានលះបង់សេចក្តីសុខផ្ទាល់ខ្លួនដើម្បីដូរនឹងសេចក្តីសុខរបស់មនុស្សជាទីស្រលាញ់ និងចុងក្រោយជាការកែប្រែភាពអវិជ្ជមានរបស់មនុស្សចាស់ដែលខូចខិត។ នេះបើតាមការបញ្ជាក់របស់ សាស្រ្តចារ្យ ចាន់ សារិន កវីនិពន្ធខ្មែរម្ចាស់ពាន់រង្វាន់អក្សរសិល្ប៍ខ្មែរឆ្នាំ ២០០១ និង ២០០២។

ដោយហេតុថា មានប្រិយមិត្តរបស់រោងភាពយន្តជាច្រើន មានចម្ងល់ នឹងលើកឡើងបញ្ជាក់ពីការប្រើប្រាស់ប្លង់ថត ដូចគ្នា ទេសភាពដូចគ្នាមកបញ្ជាក់ ជាអំណះអំណាងថាភាពយន្តខ្មែរមួយនេះបានលួចចម្លងសាច់រឿងដើម “របួសចាស់” របស់ប្រទេសថៃ វាជាការជៀសមិនផុតឡើយ នេះបើតាមការលើកឡើងរបស់លោកសាស្ត្រចារ្យ។

រូបលោកបន្តទៀតថា ជាក់ស្ដែង ស្នេហារបស់ក្រមុំកម្លោះស្រុកស្រែកាលនោះ គឺមិនលើសពីក្នុងទឹកបឹង មានឈូក មានព្រលឹត មានវាលស្រែ និងមាន ខ្ទោមអ្នកតាជាសាក្សីឡើយ។ ដូចនេះការប្រៀបធៀបដោយយកប្លង់ថត ប្រហាក់ប្រហែល មកបញ្ជាក់ វាឥតមានអ្វីខុសទេ តែបើយើងបើកចិត្តឱ្យទូលាយ ហើយគិតបន្តិចថា តើកម្លោះក្រមុំស្រុកស្រែ បើស្រលាញ់គ្នា កន្លែងណាទៀតដែលសាកសមជាងនេះ ហើយថាតើ ស្រុកស្រែខ្មែរ និងស្រុកស្រែនៃប្រទេសថៃខុសគ្នាប៉ុនណា?

ទេសភាពដ៏ត្រកាលនៃស្រុកស្រែរបស់ខ្មែរ គិតមិនទាន់បាត់បង់សម្រស់នៅឡើយទេ ការថតជាន់ប្លង់នៃរឿងចាស់ វាតែងកើតឡើង ពិសេសអំបូររឿងស្នេហាស្រុកស្រែបែបនេះ តែថា គុណភាពនៃសាច់រឿង ពិតជាទាក់ភ្នែកទស្សនិកជនហើយទើបធ្វើឱ្យអ្នករឮកដល់រឿងចាស់ថែមទៀត។

យ៉ាងណាមិញ ទាំងផលិតករ អ្នកដឹកនាំរឿង និងក្រុមការងារជាខ្មែរទាំងអស់ ពិសេសអ្នកនិពន្ធរឿង “អន្ទាក់ស្នេហ៍” សង្ឃឹមថា អ្នកគាំទ្រកុនខ្មែរទាំងអស់ នឹងសាកល្បងទស្សនារឿងមួយនេះដើម្បីឈ្វេងយល់ពីភាពខុសគ្នានៃសាច់រឿងទាំងពីរ។

ក្រុមការងារក៏សូមមេត្តាសុំចិត្តប្រិយមិត្ត កុំទាន់អាល់រិះគន់ជាន់ពន្លិចភាពយន្តខ្មែរ មុនមិនទាន់បានទស្សនាពេញលេញ និងសូមកុំទាន់វាយតម្លៃរូបភាពវប្បធម៌របស់ខ្លួនថាជារបស់អ្នកដទៃ ហើយអ្វីដែលល្អថាជាគេ ហើយអ្វីដែលមិនល្អថាជាយើង ព្រោះថាយើងជាខ្មែរដូចគ្នា។ សូមផ្តល់តម្លៃ និងគោរពគ្នាទៅវិញទៅមកឱ្យស័ក្តសមជាខ្មែរអ្នកស្នេហាជាតិពិត៕

តារាចម្រៀងពន្លកថ្មីលោក សម្បត្តិ ដេវីត បានធ្វើឱ្យមហាជនទាំងក្នុង និងក្រៅសិល្បៈមានការភ្ញាក់ផ្អើលយ៉ាងខ្លាំងក្រោយពីនារីម្នាក់មានហ្វេសប៊ុកឈ្មោះ Ah Rath Love ចេញមុខទម្លាយរឿងអាស្រូវថាលោក បោកប្រាស់យកលុយស្វាមីរបស់នាង អស់ជិត២ម៉ឺនដុល្លារយកមកបើកហាងលក់សម្លៀកបំពាក់បុរសនារីមួយកន្លែងនៅម្ដុំស្ទឹងមានជ័យ។

ទាក់ទងការលើកឡើងរបស់នារីឈ្មោះ Ah Rath Love នេះដែរ ម្ចាស់បទ« ច្រលំ » រូបនេះក៏បាន​ឱ្យដឹងថា មិនមែនជាការពិតឡើយ គ្រប់យ៉ាងលោក នឹងបកស្រាយឱ្យពុកម៉ែបងប្អូនបានដឹងក្នុងពេលឆាប់ៗនេះថាការពិតវាយ៉ាងណានោះ។ លោកថា« ខ្ញុំមិនសុខចិត្តទេព្រោះគាត់បង្ហោះនេះធ្វើឲ្យប៉ះពាល់កេរ្តិ៍ឈ្មោះខ្ញុំខ្លាំងណាស់ តែពេលនេះខ្ញុំសុំមិននិយាយអ្វីច្រើនទេ តែតិចទៀតខ្ញុំនឹងបកស្រាយឱ្យពុកម៉ែបងប្អូនបានដឹង ដើម្បីយកភាពស្អាតស្អំរបស់ខ្ញុំមកវិញ»។

សូមរំឭកបញ្ជាក់ថា នារីដែលមានហ្វេសប៊ុកឈ្មោះ Ah Rath Love នោះបានបង្ហោះសារនៅលើហ្វេសប៊ុកថា៖”ខ្ញុំទ្រាំលែងបានហើយ មើលមុខឱ្យហើយបងប្អូន ហាងដែលបានមកពីការជញ្ជក់ញើសឈាមប្ដីប្រពន្ធខ្ញុំ។ បោកប្ដីខ្ញុំឡើងអស់ពីខ្លួន ហ្នឹងហើយមិត្តល្អដែលប្ដីខ្ញុំគាត់ជឿទុកចិត្តស្មើនឹងបងបង្កើត។ ទឹកប្រាក់ដែលប្ដីខ្ញុំវេពីកូរ៉េទៅ ៦២២០ ដុល្លារ និង ១០២០០ ដុល្លារទៀត។ សរុបទាំងអស់១៦៤២០ ដុល្លារ ហើយមកនិយាយថា កម្លាំងញើសឈាមរបស់អ្នកឯងមុខអ្នកឯងវាក្រាស់អស់និយាយហ្មង”៕

ដូចប្រិយមិត្តជាច្រើនបានជ្រាបមកហើយថា ខ្សែភាពយន្ត​រឿង «កុមារី២៥ឆ្នាំ» បានបញ្ចេញជាលើកដំបូងនៅឆ្នាំ២០១២ ហើយបន្ទាប់ពីជោគជ័យនៅក្នុងការបញ្ជាំងដោយមានការគាំទ្រយ៉ាងខ្លាំងក្លានោះ រឿង «កុមារី២៥ឆ្នាំ វគ្គ២» ក៏បានបញ្ចេញជាថ្មីនៅឆ្នាំ២០១៣។ ក្រោយពីសម្រុកថតអស់រយៈពេលប៉ុន្មានខែមកនេះ «កុមារី ២៥ ឆ្នាំ វគ្គ៣» ស្រាប់តែប្រកាសចាក់បញ្ចាំងក្នុងពេលឆាប់ៗខាងមុខនេះហើយ។

តាមរយៈទំព័រផេកភាពយន្តរឿង «កុមារី ២៥ឆ្នាំ»បានឱ្យដឹងថា ភាពយន្តខ្នាតធំបែបកំប្លែង សើចចុកពោះប្រចាំឆ្នាំ ២០២០ នេះគឺរឿង «កុមារី ២៥ ឆ្នាំ វគ្គ៣»ដែលជាស្នាដៃនិពន្ធ និង ដឹកនាំរឿងដោយអ្នកស្រី ពាន់ ភួងបុប្ផា រួមសម្តែងដោយ ញ៉ែម សុគន្ធ និង នី មុល្លិកា រួមទាំងតារាកំប្លែងល្បីៗមួយចំនួនទៀតផង។ ជាពិសេសភាពយន្តនេះត្រូវបានសហការផលិតរួមគ្នារវាងផលិតកម្ម កងចក្រភីកឈ័រ និង ផលិតកម្ម អិមស៊ីអិនវីភីកឈ័រ។ ត្រៀមចាក់បញ្ចាំងឆាប់ៗនេះ នៅគ្រប់រោងភាពយន្តក្នុងព្រះរាជាណាចក្រកម្ពុជា។

សូមជម្រាបថាភាយន្តនេះមិនទាន់មានវីដេអូ Trailer ចាក់បង្ហាញដល់​ទស្សនិកជននៅឡើយទេ តែប្រិយមិត្តជាច្រើន​ទាយទុកមុន​ថារឿង «កុមារី ២៥ឆ្នាំ» វគ្គចុងក្រោយនេះ នឹងធ្វើ​ឱ្យ​ពួកគេផ្ទុះសំណើច​ក្អាកក្អាយ ហ៊ោរកញ្ជៀវពេញ​រោងភាពយន្ត​មិនខាន។ យោង​​តាម​ផេកហ្វេសប៊ុក​រឿង «កុមារី ២៥ឆ្នាំ» បង្ហោះ​កាលពីចុងឆ្នាំ ២០១៩ បានបង្ហើបតិចៗ​ថា​ភាពយន្តនេះ​ត្រៀមនឹង​ចាក់​បញ្ចាំង នាពេលឆាប់ៗ​ខាងមុខនេះគ្រប់​រោងភាពយន្តនៅក្នុងស្រុកខ្មែរ។ ចង់ដឹងថា​ក្នុងវគ្គចុងក្រោយនេះ នឹងមានអ្វីប្លែកខ្លះ? រង់ចាំទស្សនា​ទាំងគ្នា៕