Author: អេបិល

ញាក់សាច់ !! G-Davith ជូនរថយន្តប្រណិតដល់ ទេព បូព្រឹក្ស
តាមរយៈបណ្ដាញសង្គម ហ្វេសប៊ុក នៅថ្ងៃទី 16 ខែធ្នូ ឆ្នាំ 2017 នេះ មានរឿងដ៏គួរឱ្យភ្ញាក់ផ្អើលមួយ ខណៈដែលតារាចម្រៀងស្រីប្រចាំផលិតកម្មរស្មីហង្សមាស កញ្ញា ទេព បូព្រឹក្ស បានទម្លាយរូបថតជាច្រើនសន្លឹកជាមួយប្រុសស្នេហ៍ដែលស្ដែងឱ្យមានជនបានដឹងថា តារាចម្រៀង G-Davith បានទិញកាដូថ្មីមួយទៀតសម្រាប់ខួបកំណើតគឺ រថយន្តប្រណិតប្រភេទ MUSTANG ។
ទេព បូព្រឹក្ស បានបញ្ជាក់នៅលើហ្វេសប៊ុកថា «អរគុណ My red boy Ngoun Chan Davith ដែលសម្រេចបំណងប្រាថ្នាខ្ញុំមុនថ្ងៃ Birthday នេះជាកាដូដ៏ធំបំផុតសម្រាប់ខ្ញុំក្នុងឆ្នាំនេះហើយក៏ជាចំណងដៃមុនពួកយើងបើកមុខរបររកស៊ី ហេងហេងណា សេះក្រហមរំភើបខ្លាំងណាស់និយាយហ្ស៊ីននឹកស្មានមិនដល់ #MUSTANG »។
គួរបញ្ជាក់ផងដែរថា តារានៅក្នុងទ្រនំហង្សមាសទាំងពីរដួងនេះ កាន់តែមិនលាក់លាមបានសម្ងែងភាពផ្អែមល្ហែមដូចទឺកឃ្មុំ ហើយកាន់តែលើសពីស្រមោចរោមស្ករទៅទៀត នៅលើហ្វេសប៊ុករៀងៗខ្លួន ដើម្បីឱ្យមហាជនបានឃើញថាទំនាក់ទំនងស្នេហារបស់ពួកគេមានភាពស្អិតរមួតដល់កម្រិតណា៕
December 16, 2017
ទឹកអប់ម៉ាកល្បីរបស់ Kim Kardashian ត្រូវជនជាតិអូស្រ្តាលីកម្ទេចចោល
តាមរយៈគេហទំព័រសាព័ត៌មាន Teenee បានចេញផ្សាយនៅថ្ងៃទី 16 ខែធ្នូ ឆ្នាំ 2017 នេះ បានឱ្យដឹងថា ក្រុមគ្រួសារអ្នកជំនួញធំដូចជាតារាស្រីត្រកៀកធំ Kim Kardashian បានឧស្សាហ៍ព្យាយាមបញ្ចេញផលិតផលរក្សាសម្រស់ថ្មីនៅទីផ្សារ ដើម្បីទាក់ទាញចិត្តស្រីៗ បើទោះបីជាផលិតផលទាំងអស់នោះមានតម្លៃថ្លៃក៏ដោយ។
ក៏ប៉ុន្ដែនៅទីបំផុតភាពល្បីឈ្មោះរបស់តារាស្រីរូបនេះមិនអាចជួយអ្វីបានឡើយ នៅពេលដែលឈុតទឹកអប់ថ្មីរបស់នាងត្រូវជនជាតិអូស្ត្រាលីកម្ទេច និងបំផ្លាញចោល ដោយសារតែទឹកអប់ប្រភេទមានក្លិនឆួលខ្លាំង និងមានគ្រោះថ្នាក់អន្តរាយដល់សុខភាពខ្លាំងពេក។ ក្លិនទឹកអប់នេះ មានឈ្មោះថា Crystal Gardenia ហើយក៏បានប្រើថ្មីគ្រីស្តាលមកផលិតជាដបទឹកអប់ថែមទៀតផង ទើបបានប៉ុន្មានថ្ងៃមុននេះ ដែលជាថ្ងៃបើកសម្ពោធដាក់លក់ជាផ្លូវការដំបូង មានអតិថិជនបានទិញផលិតផលមួយនេះ អស់រហូតដល់ 3សែនដប នៅក្នុងរយៈពេល 24ម៉ោង ហើយចំណេញបានជាង 10លានដុល្លារសហរដ្ឋអាមេរិក។
តែមិនបានយូរប៉ុន្មានផង ក៏ទទួលបានដំណឹងមកថា ជនជាតិអូស្ត្រាលីបានកម្ទេចទឹកអប់ប្រភេទនេះចោល ព្រោះរកឃើញថា សារធាតុផ្សំនៅក្នុងទឹកអប់នេះមានគ្រោះថ្នាក់ហើយមានកម្រិតនៃជាតិអាកុលខ្ពស់ពេក ដូច្នោះហើយទើបបានជាអតិថិនជននៅក្នុងប្រទេស អូស្ត្រាលី និង នូវែលហ្សេឡង់ ទាមទារលុយពីក្រុមហ៊ុនផលិតវិញ ដោយសំអាងបញ្ជាក់ផងដែរថា« Kim Kardashian មិនបានសរសេរបម្រាមនៃការប្រើប្រាស់ក្លិននៅលើដប ហើយក៏មិនបានបញ្ជាក់ឱ្យបានច្បាស់លាស់នៅលើគេហទំព័រអនឡាញន៍ ទាំងនេះក្រុមហ៊ុនរបស់នាង Kim Kardashian កំពុងតែបោកប្រាស់យកលុយពីអតិថិជន ដូច្នោះពួកយើងនឹងធ្វើការទាមទារលុយមកវិញ»៕
December 16, 2017
រៀនចប់ហើយ!! ចេមស៍ ជិ គ្រងឈុតទទួលបរិញ្ញាបត្រសង្ហាដូចព្រះអង្គម្ចាស់
នៅថ្ងៃទី15 ខែធ្នូ ឆ្នាំ2017 តាមរយៈគេហទំព័រសារព័ត៌មាន Teenee បានចេញផ្សាយឱ្យដឹងថា ចូលរួមត្រេកអរចំពោះតារាឯកប្រុសប្រចាំប្រទេសថៃលោក ចេមស៍ ជិរាយុ បានបញ្ចប់ថ្នាក់បរិញ្ញាបត្រវិស្វករ 4 ឆ្នាំ និងថែមទាំងទទួលបានភាពជោគជ័យលើការងារសម្ដែងទៀតផង។
ថ្មីៗនេះ នៅលើបណ្ដាញសង្គមអ៊ីនស្ដាក្រាមរបស់តារាប្រុសរូបនេះ បានបង្ហោះរូបភាពជាច្រើនសន្លឹក ខណៈដែលលោកកំពុងតែគ្រងឈុតទទួលបរិញ្ញាបត្រ ដែលមើលទៅឃើញកាន់តែស្រស់សង្ហា ព្រមទាំងមានទម្រង់មុខដូចកូនកាត់ទៀតផងនោះ រឹតតែធ្វើឱ្យតារាប្រុសរូបនេះស្រស់សង្ហាស្អាតដូចជាព្រះម្ចាស់នៅចក្រភពអង់គ្លេសអ៊ីចឹង។ លោកបានបញ្ជាក់ថា លោកនឹងត្រៀមទៅហាត់សមទទួលសញ្ញាបត្រ នៅថ្ងៃសៅរ៍ស្អែកនេះ ហើយឡើងទទួលជាផ្លូវការនៅថ្ងៃអាទិត្យទី17 ខែធ្នូនេះហើយ ដូច្នេះលោកនឹងរង់ចាំជួបអ្នកគាំទ្រទាំងអស់គ្នា។ ដើម្បីឱ្យកាន់តែជាក់ច្បាស់ សូមទស្សនារូបភាពខាងក្រោមនេះ៖
แวะมาบอกสถานที่อีกรอบนึงนะครับ อิอิ วันที่ 16 และ 17 ธันวาคม ขออนุญาตอีกรอบสำหรับมิตรรักแฟนเพลงขอเป็นวันที่ 16 อย่างเดียวนะครัช และ 17 ขอรบกวนเป็นวันผู้ใหญ่ครับ สถานที่เป็น มหาวิทยาลัยรังสิต ตึก 17 อาคารศาลาดนตรีสุริยเทพ นะครับ ถ่ายรูปกันเฉพาะช่วงเช้า ถึง 11.30 ครัช ❤️🙏🏻😊
A post shared by Jirayu Tangsrisuk (@jirayu_jj) on Dec 14, 2017 at 5:49am PST
ขออนุญาตแจ้งกำหนดการรับปริญญา !!! ณ จุดจุดนี้ก็ขอเรียนเชิญทุกท่านเลยครับ … วันเสาร์ที่ 16 ธันวาคม 2560 ( ซ้อมใหญ่ ) … … วันอาทิตย์ 17 ธันวาคม 2560 ( รับจริง ) … 2 วันนี้ ซ้อมใหญ่และรับจริงในช่วงบ่ายมี เจมส์จะมีเวลาในช่วง 8.30-11.30 ก่อนเข้าหอประชุมนะครับ ขอเรียนเชิญพี่น้องมิตรรักแฟนเพลงทุกท่านถ้ามีใครว่างมากันได้นะครับ และขอรบกวนแบ่งวันสำหรับมิตรรักแฟนเพลงเป็นวันซ้อมใหญ่ (วันที่ 16 ธ.ค. 60) และญาติผู้ใหญ่ทั้งหมดในวันรับจริง (17 ธ.ค. 60) เพื่อความสะดวกสบายสำหรับทุกท่านนะครับ กราบขอบพระคุณครับ 🙏🏻🙏🏻
A post shared by Jirayu Tangsrisuk (@jirayu_jj) on Dec 13, 2017 at 5:03pm PST
December 15, 2017
យឹម តាស្រង់ និយាយពីបទចម្រៀង «គ្រូបង្រៀនស្រវឹងស្រា»
នៅលើបណ្ដាញសង្គមយូធូបរបស់ផលិតកម្មថោន បានបង្ហោះចម្រៀងមួយបទដែលមានចំណងជើងថា «គ្រូបង្រៀនស្រវឹងស្រា» កាលថ្ងៃទី10 ខែធ្នូ ឆ្នាំ2017 ដែលបកស្រាយដោយអ្នកនាង ចេន សាយចៃ និងស្នាដៃនិពន្ធរបស់កវីល្បីឈ្មោះប្រចាំផលិតកម្មថោនគឺ លោក យឹម តាស្រង់ កំពុងតែទទួលបានការគាំទ្រ និងសរសើរមិនដាច់ពីមាត់ឡើយថា ពីរោះហើយមានអត្ថន័យល្អណាស់។
ដោយឡែកក៏មានមតិខ្លះទៀត បានរិះគន់យ៉ាងចំៗថា «សម្រាប់ខ្ញុំមិនគាំទ្រទេ ព្រោះបើចង់រិះគន់ ត្រូវរិះគន់បុគ្គល យកឈ្មោះបុគ្គលមករិះគន់មក បើច្រៀងបែបនេះ ទោះមិនមានន័យសំដៅលើគ្រូទាំងអស់ក៏ដោយ តែស្តាប់មើលទៅវាប៉ះពាល់អារម្មណ៍គ្រូគេល្អៗ ស្តាប់មើលទៅហាក់បីដូចជាគ្រូគ្មានតម្លៃសោះ បើចង់រិះគន់គ្រូណាម្នាក់ យកឈ្មោះគាត់មករិះគន់មក កុំបញ្ឆិតបញ្ឆៀង មិនល្អទាល់តែសោះ បើអ្នកនិពន្ធល្អ ហើយហ៊ានប្រឈមមុខ និងការពិត មិនមែនមកបញ្ឆិតបញ្ឆៀងអ៊ីចឹងទេ»។
ជាមួយគ្នានេះដែរ មុនពេលដែលបទចម្រៀងនេះត្រូវបានបញ្ចេញនៅលើទីផ្សារអនឡាញ កាលពីថ្ងៃទី7 ខែធ្នូ ឆ្នាំ 2017នេះ លោក យឹម តាស្រង់ បានរៀបរាប់បញ្ជាក់ពីការនិពន្ធបទចម្រៀងមួយបទនេះនៅលើបណ្ដាញសង្គមហ្វេសប៊ុករបស់ខ្លួនយ៉ាងដូច្នេះថា « ខ្ញុំនៅចាំពេញខួរក្បាល លោកគ្រូម្នាក់កាលខ្ញុំនៅរៀនបឋម ថ្ងៃមួយនោះម៉ោងរៀនពេលថ្ងៃមិនដឹងជាគាត់ស្រវឹងមកពីណា មុខហាក់មួម៉ៅខ្លាំង ហើយភ្នែកឡើងក្រហម ចូលមកដល់ហៅខ្ញុំឡើងកែលំហាត់ ពេលខ្ញុំធ្វើខុសគាត់ឱ្យខ្ញុំបែរមុខទៅក្តារខៀនហើយទាញរំពាត់ផ្តៅប៉ុនមេដៃប្រវែងជាងកន្លះម៉ែត្រ វ៉ៃយកៗ ខ្ញុំនៅក្មេងឈឺពេកទ្រាំមិនបានក៏យកដៃក្រពាត់ទៅក្រោយដើម្បីរង»។
លោកបញ្ជាក់បន្ថែមថា ពេលនោះគាត់វ៉ៃខ្លាំងត្រូវដៃ ខ្ញុំឈឺលោតរមួលដួល ហើយស្ទុះក្រោកវិញយំទឹកភ្នែករហាម រួចគាត់ក៏ឱ្យខ្ញុំទៅអង្គុយតុវិញ ពេលនោះខ្ញុំគិតតែយំ ព្រោះត្រង់ដៃដែលគាត់វ៉ៃត្រូវនោះឈឺខ្លាំង និងចាប់ផ្តើមហើមខ្លាំងបន្តិចម្តងៗ ពេលមកដល់ផ្ទះ ម៉ែខ្ញុំឃើញខ្ញុំយំ ហើយឃើញដៃហើមខ្លាំង គាត់ខឹងជេរគ្រូបណ្តើរ លាបប្រេងកូឡាឱ្យខ្ញុំបណ្តើរ។
មកដល់ពេលនេះ រាល់ពេលទៅភូមិកំណើតម្តងៗ ឃើញមុខគាត់ ខ្ញុំនឹកឃើញរឿងហ្នឹងភ្លាម នេះហើយគ្រូបង្រៀនស្រវឹងស្រាដែលខ្ញុំធ្លាប់ជួបក្នុងជីវិតនេះ វាជាការឈឺចាប់របស់ក្មេងស្រុកស្រែម្នាក់ដែលចងចាំរឿងនេះតាំងពីក្មេងមកដល់ពេលនេះមិនរលុបបាត់ឡើយ៕

December 15, 2017
ពេជ្រ ថៃ និងនាយចឺមនឹងចូលរួមសម្ពោធហាងថ្មីរបស់ តូតា នៅក្រុងតាខ្មៅល្ងាចនេះ
តាមរយៈបណ្ដាញទំនាក់ទំនងសង្គមហ្វេសប៊ុករបស់តារាស្រី កញ្ញា ម៉ាក់ សែនសូនីតា ហៅតូតា បានប្រកាសឱ្យដឹងថា នាងកំពុងត្រៀមខ្លួនធ្វើជាថៅកែហាងស្រី ដែលនៅថ្ងៃទី15 ខែធ្នូ ឆ្នាំ2017នេះ ដោយនាងគ្រោងរៀបចំកម្មវិធីបើកសម្ពោធហាងផែសមុទ្រ ក្នុងក្រុងតាខ្មៅ ដែលនឹងមានវត្តមានតារាល្បីៗជាច្រើ់នចូលរួម ហើយកាន់តែពិសេសទៅទៀតនោះគឺមានវត្តមាន ពេជ្រ ថៃ និង នាយចឺម ផងដែរ។
ចាប់តាំងពី ពេជ្រ ថៃ ជាប់ជាជយលាភីក្នុងកម្មវិធី The Voice Kids Cambodia មក តារាវ័យក្មេងនេះបានព្យាយាមចេញកើបប្រាក់ក្នុងកម្មវិធីប្រគំតន្ត្រីជាច្រើនដែលរៀបចំដោយហង្សមាស ជាក់ស្តែងនៅល្ងាចថ្ងៃនេះ ពេជ្រ ថៃ ក៏នឹងត្រូវកើបប្រាក់ក្រៅទ្រនំខ្លួនផងដែរ គឺកម្មវិធីសម្ពោធហាងម៉ាក់ សែនសូនីតា ហៅតូតា។ នេះជាលើកដំបូងហើយ ដែលតារាចម្រៀងវ័យក្មេង ពេជ្រ ថៃ ជ្រកក្នុងទ្រនំរបងខ្ពស់ផលិតកម្មហង្សមាសនឹងបង្ហាញខ្លួនច្រៀងជាមួយតារាចម្រៀងដ៏ល្បីលំដាប់យុវវ័យក្នុងផលិតកម្មសាន់ដេ គឺនាយចឺម។
គួរបញ្ជាក់ផងដែរថា វត្តមានតារាកំប្លែងដែលបានចាកចេញពីស៊ីធីអិន ហើយផ្តោតលើការច្រៀងជាធំ រួមនឹងពេជ្រ ថៃ នេះនឹងធ្វើឱ្យកម្មវិធីសម្ពោធហាងនោះកក្រើកជាមិនខាន៕

December 15, 2017
ហ្អា៎…កំពូលតារាស្រី Shu Qi ប្រកាសចាកចេញពីសិល្បៈមួយរយៈសិន?!
តាមរយៈគេហទំព័រ Teenee ដែលបានចេញផ្សាយនៅពេលថ្មីៗនេះបានឱ្យដឹងថា កំពូលតារាសម្ដែងដែលមានឈ្មោះល្បីល្បាញបំផុតរបស់ប្រទេសចិនគឺ អ្នកនាង Shu Qi មានវ័យ 41 ឆ្នាំ បានប្រកាសចាកចេញពីសិល្បៈមួយរយៈសិន ជាហេតុបណ្ដាលឱ្យអ្នកគាំទ្ររបស់នាងមានការភ្ញាក់ផ្អើលគ្រប់គ្នានៅលើបណ្ដាញទំនាក់ទំនងសង្គម។
តារាស្រីរូបនេះ បានបញ្ជាក់បន្ថែមនៅលើបណ្ដាញទំនាក់ទំនងសង្គមរបស់ប្រទេសចិនដ៏ពេញនិយមមួយថា «នាងខ្ញុំសុំចាកចេញពីការងារសិល្បៈមួយរយៈពេលសិន អរគុណសម្រាប់សេចក្ដីស្រឡាញ់របស់អ្នកគ្រប់គ្នា ហើយយើងអាចនឹងជួបគ្នាជាថ្មីវិញ»។ ក្រៅពីមូលហេតុនេះហើយ តារាស្រីរូបនេះក៏មានកើតអាការប្រតិកម្មចាញ់នៅលើស្បែក រហូតដល់មានឡើងកន្ទួលក្រហមៗនៅលើដងខ្លួន និងស្បែកមុខ ទើបគ្រូពេទ្យបានណែនាំឱ្យព្យាបាលខ្លួនមួយរយៈសិន។ គួរបញ្ជាក់ផងដែរថា គេសង្កេតឃើញមានរូបភាពរបស់តារាស្រីរូបនេះបិទបាំងមុខមាត់ដោយម៉ាសនៅតាមផ្លូវទៅកាន់គ្លីនិកស្បែកមួយកន្លែង៕

December 15, 2017
Old Taylor is Dead?! Taylor បែកសាច់ឡើងគ្រហើៗ ធ្វើឱ្យអ្នកគាំទ្រស្រឡាំងកាំង
តាមរយៈសារព័ត៌មាន Mthai ដែលបានចេញផ្សាយនៅថ្ងៃទី14 ខែធ្នូ ឆ្នាំ2017នេះ បានឱ្យដឹងថា មនុស្សជាច្រើនបានភ្ញាក់ផ្អើលចំពោះការវិលត្រឡប់មកវិញរបស់តារាស្រី Taylor Swift បន្ទាប់ពីនាងបានបញ្ចេញអាល់ប៊ុមចម្រៀងដែលមានចំណងជើងថា Reputation កាលពីដើមខែវិច្ឆិកាកន្លងទៅនេះ តារាស្រីរូបនេះបានវិលមកវិញជាមួយនឹងរូបរាងដែលប្លែកភ្នែកបំផុត ពីនារីសុភាពរម្យទម ក្លាយជានារីចម្រៀងរ៉ុកឃើរ៍។
ខណៈដែលនាងបានបាត់មុខពីសិល្បៈមួយរយៈនោះ មានដំណឹងលេចឮមកថា នាងកំពុងតែសម្ងំស៊ីស្មៅខ្ចី គឺលោក Joe Alwyn ជាតារាសម្ដែងវ័យក្មេងជនជាតិអង់គ្លេស ដែលជាសង្សារថ្មីរបស់នាង។ ដោយឡែកនៅថ្ងៃប្រគំតន្រ្តីរបស់ស្ថានីយវិទ្យុល្បី 102.7 KIIS FM’s Jingle Ball 2017 កន្លងទៅថ្មីៗនេះ ក្រុមការងារ Z100’s Jingle Ball 2017 និងអ្នកគាំទ្រជាច្រើននាក់ បានសង្កេតឃើញភាពផ្លាស់ប្ដូរដ៏សឹងតែមិនគួរឱ្យជឿរបស់តារាស្រី Taylor Swift ដែលបែកសាច់ភ្លៅ ត្រគាក និងគូទរីកធំយ៉ាងខ្លាំងដែលខុសពីមុនឆ្ងាយ។ អ្នកខ្លះបានរិះគន់ថា Taylor Swift ពីមុនស្លាប់បាត់ហើយ ព្រោះតែនាងសម្ងំស៊ីស្មៅខ្ចីនៅអង់គ្លេសច្រើនពេក៕
December 14, 2017
កម្រងរូបភាពតារាហូលីវូដ លេចតំបន់ពិសេសដោយមិនដឹងខ្លួន
តាមរយៈសារព័ត៌មាន Kenh14 ដែលបានចេញផ្សាយនៅថ្ងៃទី14 ខែធ្នូ ឆ្នាំ2017មុននេះបន្ដិច បានឱ្យដឹងថា បើសង្កេតឱ្យកាន់តែច្បាស់ទៅលើកំពូលតារាល្បីៗដូចជា Selena Gomez , Gigi Hadid, Elizabeth Olsen Highway…ជាដើមនោះ លោកអ្នកនឹងមើលឃើញពីភាពគួរឱ្យអាម៉ាស់របស់ពួកគេ ខណៈកំពុងបង្ហាញដងខ្លួនដ៏សិចស៊ី ហើយអ្នកប្រមាញ់រូបថតបានចាប់ប្លង់យករូបភាពសិចស៊ី ដែលមានលេចឃើញតំបន់ពិសេសៗរបស់ពួកគេនៅកណ្ដាលវាល ដោយចៃដន្យ និងមិនបានដឹងខ្លួន។
ជាការពិតណាស់ ព្រោះនេះជារឿងអាម៉ាស់ និងអាប់ឱនមុខមាត់បំផុត និងគ្មាននរណាម្នាក់ចង់បង្ហាញបែបហ្នឹងឡើយ តែយ៉ាងណាក៏ដោយ ការត្រៀមខ្លួន និងមានស្មារតីប្រុងប្រយ័ត្នជាប់រហូត គឺជាការដាស់តឿនមួយដ៏មានសុវត្ថិភាពបំផុត។ ចង់ដឹងថា តើមានតារាហូលីវូដណាខ្លះ ដែលបានបង្ហាញកេរ្តិ៍ខ្មាសខ្លួននៅកណ្ដាលវាលនោះ សូមទស្សនារូបភាពទាំងឡាយខាងក្រោមនេះ៖
December 14, 2017
បែកធ្លាយដំណឹង Angelina Jolie ត្រឡប់ជានានឹង Bradd Pitt វិញ
មួយរយៈក្រោយនេះ គេសង្កេតឃើញកំពូលតារាស្រីហូលីវូដ អ្នកនាង Angelina Jolie និងអតីតស្វាមី Brad Pitt កំពុងតែត្រឡប់មកស្និទ្ធស្នាលផ្អែមល្ហែមគ្នាវិញនៅក្នុងអំឡុងពេលពិធីបុណ្យ Christmas ដែលជាថ្ងៃឈប់សម្រាក ព្រមទាំងមានឱកាសបានផ្សះផ្សាជាមួយកូនៗជាទីស្រឡាញ់ទៀតផង។
តាមរយៈសារព័ត៌មាន Radar បានចេញផ្សាយនៅពេលថ្មីៗនេះ បានឱ្យដឹងថា មានប្រភពមួយប្រាប់ថា នៅក្នុងអំឡុងថ្ងៃឈប់សម្រាកនេះបានធ្វើឱ្យតារាឯកប្រុស Bradd Pitt កាន់តែបង្កើតមនោសញ្ចេតនាជាមួយក្រុមគ្រួសារ ជាពិសេស គឺកូនៗរបស់លោកតែម្ដង។ លោកតែងតែនឹកគិតពិចារណាអំពីកំហុសឆ្គងរបស់ខ្លួនដែលបានធ្វើជ្រុលជ្រួសទៅលើក្រុមគ្រួសារ ហើយលោកតែងតែលើកតម្កើងកូនៗរបស់លោកដូចជា ព្រះអង្គម្ចាស់ និងព្រះនាងតូចជានិច្ច ចំណែកឯ Angelina Jolie វិញក៏មិនដែលមានបញ្ហាអ្វីចំពោះអតីតស្វាមីលោក Brad Pitt ឬរារាំងលោក ខណៈដែលលោកចង់ជួបកូនៗនោះដែរ»។
ប្រភពដែលស្និទ្ធនឹងក្រុមគ្រួសាររបស់ Angelina Jolie បានបង្ហើបឱ្យដឹងទៀតថា «ខ្សែភាពយន្តខ្នាតធំមួយដែលទទួលបានពានរង្វាន់ អូស្ការ សម្រាប់ភាពយន្ដហូលីវូដដែលប្រើប្រាស់ភាសាបរទេសបានល្អ របស់អ្នកនាង Angelina Jolie គឺរឿង First They Killed My Father ក៏មានការជួយជ្រោមជ្រែងពីអតីតស្វាមី និងក្រុមហ៊ុន Plan B
គួរបញ្ជាក់ផងដែរថា កន្លងមក Brad Pitt និងកូនៗចាប់ផ្តើមមានភាពស្និទ្ធស្នាលឡើងវិញក្រោយពី Angelina ព្រមបើកភ្លើងខៀវឲ្យលោកមកជួបមុខកូនៗ ដែលធ្វើឲ្យមជ្ឈដ្ឋាននានាយល់ថា អតីតគូស្វាមីភរិយានេះ អាចនឹងត្រឡប់មកជានាគ្នាវិញ ហើយក៏មានការបកស្រាយជាច្រើនដែលយល់ឃើញផ្ទុយគ្នាដែរថា Pitt ចង់ត្រឡប់មកជួបជុំគ្រួសារវិញ តែអាស្រ័យលើការសម្រេចចិត្តរបស់ Angelina ឯខ្លះទៀតថា លោកមិនចង់ផ្សះផ្សាទេ បន្ទាប់ពីរងការឈឺចាប់ខ្លាំងកន្លងមក ទោះបីអតីតភរិយាបានសោកស្តាយកំហុសដែលប្តឹងសុំលែងលះនោះក៏ដោយ៕

December 14, 2017
ម្ចាស់បទចម្រៀង « shape of you » ទទួលគ្រឿងរាជឥស្សរិយាភរណ៍ជាន់ខ្ពស់ MBE
តាមរយៈគេហទំព័រសារព័ត៌មាន Teenee បានចេញផ្សាយនៅថ្ងៃទី14 ខែធ្នូ ឆ្នាំ2017 នេះបានឱ្យដឹងថា កំពូលសិល្បករចម្រៀងល្បីឈ្មោះលោក Ed Sheeran ដែលជាម្ចាស់បទចម្រៀង «shape of you» បានចូលទៅទទួលព្រះរាជទានគ្រឿងរាជឥស្សរិយាភរណ៍ជាន់ខ្ពស់ MBE (Member of the Most Excellent Order of the British Empire) ពី សម្ដេចព្រះមហាក្សត្រា Charles ជាព្រះរាជានៃរាជាណាចក្រ វេលស៍ នៅក្នុងបរិវេណព្រះបរមរាជវាំង Buckingham នៅពេលថ្មីៗនេះ។
កំពូលតារាចម្រៀងវ័យ 26 ឆ្នាំរូបនេះ បានទទួលព្រះរាជប្រទានរង្វាន់នេះក្នុងនាមជា អ្នកដែលសាងគុណប្រយោជន៍ និងកេរ្តិ៍ឈ្មោះល្បីល្បាញដល់សហរាជអាណាចក្រ ដោយរយៈពេលកន្លងមកមានតារាសម្ដែង តារាចម្រៀងល្បីៗឈ្មោះជាច្រើនធ្លាប់បានទទួលការប្រទានព្រះរាជរង្វាន់នេះរួចមកហើយ មានដូចជា លោក David Beckham និងលោក JK Rowling ជាដើម។
គួរបញ្ជាក់ផងដែរថា សម្រាប់គ្រឿងរាជឥស្សរិយាភរណ៍ថ្នាក់ MBE ឬ Member of the Most Excellent Order of the British Empire នេះ គឹជាគ្រឿងឥស្សរិយាភរណ៍សម្រាប់មន្ត្រីដែលមានអំណាចរបស់ប្រជាធិបតីភាពក្រោមរដ្ឋធម្មនុញ្ញចក្រភពអង់គ្លេស ហើយអ្នកដែលស័ក្ដិសមបានទទួលត្រូវមានចំណែកពាក់ព័ន្ធជាមួយផ្នែកសិល្បៈ និងវិទ្យសាស្ត្រ ដែលបានធ្វើការជាមួយសប្បុររសធម៌ និងសុខុមាលភាព ឬបានបម្រើការងារសាធារណៈក្រៅរាជកិច្ចទៀតផង៕
December 14, 2017