Author: អេបិល

បើទោះបីជាស្ថិតនៅក្នុងចំណោមបេក្ខភាពប្រលងចម្រៀងលំដាប់ពិភពលោក The Voice Cambodia ដែលមានភាពលេចធ្លោជាងគេក្នុងចំណោម 4 នាក់ចុងក្រោយ ក៏ប៉ុន្ដែបទចម្រៀងរបស់តារាចម្រៀង សាន ស្រីឡៃ មិនសូវជាមានប្រជាប្រិយភាព និងទទួលបានការគាទ្រខ្លាំងដូចជាតារាចម្រៀងជំនាន់ជាមួយនាងឡើយ។ បន្ទាប់ពីនាងបានចូលច្រៀងក្នុងផលិតកម្មរស្មីហង្សមាស គេសង្កេតឃើញថា បទចម្រៀងរបស់អតីតតារាចម្រៀងស្រីរូបនេះ មានការផលិត និងបញ្ចេញបទចម្រៀងបានតិចជាងគេ រហូតដល់អ្នកនាងធ្លាប់បានបង្ហើបថា អ្នកនាងធ្លាប់មានការពិភាក្សា និងគ្រោងផលិតបទចម្រៀងខ្លួនឯង ព្រមទាំងជាបទនិពន្ធថ្មីជាមួយលោក សាន ផានិត ទៀតផង។

លុះដល់ក្រោយពីតារាចម្រៀងស្រីរូបស្រស់រូបនេះ បានទទួលមរណភាព ខាងផលិតកម្មចម្រៀងហង្សមាស បានបង្ហោះបទចម្រៀងរបស់តារាស្រីនេះជាច្រើនបទ ដែលមិនទាន់បានចេញលក់ ហើយភ្លាមៗក៏ស្រាប់តែសង្កេតឃើញថា បទចម្រៀងនាងមានការគាំទ្រខ្លាំងដែលធ្លាប់នឹកស្មានដល់ ដូចជាបទ «ឈឺចាប់ពីរដងបានហើយ» មានអ្នកចូលទៅទស្សនាយ៉ាងភ្លូកទឹកភ្លូកដីរហូតដល់ 2 លាននាក់ និង « នឹកគេស្ទើរស្លាប់ខ្លួន» ដែលទទួលបានទស្សនាជាង 1 លាន 1 សែននាក់ ថែមបទចម្រៀងផ្សេងៗទៀត រួមទាំងវីដេអូចម្រៀងនៅពេលប្រលង មិនក្រោមពីលាននាក់ទេ។ គួរឱ្យសោកស្ដាយបំផុត ដែលភាពល្បីល្បាញរបស់តារាស្រីរូបនេះបានសាងមក ស្របពេលដែលបានលាចាកលោកនេះទៅ ប្រសិនបើអ្នកនាង សាន ស្រីឡៃ នៅរស់ឃើញលទ្ធផលនៃការគាទ្រ និងមានប្រជាប្រកិយភាពបែបនេះ មិនដឹងជាអ្នកនាងសប្បាយចិត្តយ៉ាងណាទេ។

គួររំឭកផងដែរថា សោកនាដកម្មនៃការទទួលមរណភាពរបស់តារាចម្រៀស្រីល្បីឈ្មោះ សាន ស្រីឡៃ បានបង្កភាពភ្ញាក់ផ្អើលទៅដល់បណ្ដាលប្រទេសជិតខាងដូចជា ថៃ និង វៀតណាម រួមទាំងពិភពលោកបានដឹងឮផងដែរ។ អ្នកនាងបានទទួលមរណភាពនៅថ្ងៃទី 16 ខែតុលា ឆ្នាំ2017 ដោយសារការបាញ់សម្លាប់ពីសំណាក់អតីតស្វាមីអ្នកនាង៕

តាមរយៈសារព័ត៌មាន Daily Mail នៅថ្ងៃទី29 ខែធ្នូ ឆ្នាំ2017នេះ បានឱ្យដឹងថា ស្រ្តីចំណាស់ជនជាតិរុស្ស៊ីម្នាក់ ត្រូវបានគេរកឃើញថា មានគ្រឿងដែកប្រមាណជា152 ដើម ដែលមានទាំងដែកគោលផងដែរនោះនៅក្នុងពោះរបស់គាត់ ដោយហេតុថា លោកយាយរូបនេះបានបរិភោគគ្រឿងដែកទាំងអស់នោះចូលទៅ ព្រោះតែជឿថា នឹងអាចជួយបង្កើនកម្រិតសារធាតុដែកនៅក្នុងខ្លួនបាន។

លោកយាយខាងលើ ដែលមានវ័យ74ឆ្នាំទៅហើយ និងត្រូវបានគេស្គាល់អត្តសញ្ញាណថាឈ្មោះ Nina នេះ កំពុងសម្រាកព្យាបាលនៅឯ​មន្ទីរពេទ្យនៃទីក្រុង Ulan-Ude ស្ថិតនៅចម្ងាយប្រមាណ233គីឡូម៉ែត្រ ភាគខាងជើងពីព្រំប្រទល់ជាមួយប្រទេសម៉ុងហ្គោលី ភាគអាគ្នេយ៍ប្រទេសរុស្ស៊ី។ លោកយាយរូបនេះ បានចូលទៅមន្ទីរពេទ្យ ដោយត្អូញត្អែរអំពីអាការក្តៅខ្លួន ហើយក្រុមគ្រូពេទ្យមានការភ្ញាក់ផ្អើលយ៉ាងខ្លាំង ​ខណៈដែលពួកគេបានរកឃើញពីមូលហេតុពិត នៅពីក្រោយអាការរោគរបស់លោកយាយ តាមរយៈការថតអ៊ិច្សរេយ៍។ ក្រុមគ្រូពេទ្យ​វះ​កាត់បានរកឃើញគ្រឿងដែកប្រមាណជា 152ដើម នៅក្នុងខ្លួនរបស់លោកយាយ រួមមានដែកគោលវែងៗ និងខ្ចៅធំៗ​ជាដើម។ លោកយាយអាយុ74ឆ្នាំរូបនេះបានប្រាប់វេជ្ជបណ្ឌិតថា ខ្លួនគាត់មានភាពស្លេកស្លាំងខ្លាំង​ដោយសារខ្វះជាតិដែក និងជឿថាតាមរយៈការ​បរិ​ភោគ​គ្រឿងដែកទាំងនេះចូលទៅ នឹងជួយឱ្យរាងកាយគាត់កើនសារធាតុដែកឡើងវិញ។

គួរជម្រាបផងដែរថា បើតាមក្រុមគ្រូពេទ្យ ស្រ្តីចំណាស់ម្នាក់នេះបានចាប់ផ្តើមហូបគ្រឿងដែកទាំងនោះ តាំងតែពីប្រហែលជា14ឆ្នាំមុន​មកម្ល៉េះ ហើយក៏ពុំមាននរណាផ្សេង ក្រៅតែពីរូបលោកយាយផ្ទាល់ដែរ ដែលដឹងថាមានវត្ថុទាំងអស់នោះនៅក្នុងពោះ​។ ជាសំណាងល្អណាស់ ព្រោះក្រុមគ្រូពេទ្យបានអះអាងថា វាពុំបានបង្ករបួស ឬបញ្ហាធ្ងន់ធ្ងរអ្វីដល់ពោះ និងបំពង់អាហាររបស់លោកយាយឡើយ ហើយ​ក៏​មិន​​​មានគ្រោះថ្នាក់ដល់អាយុជីវិតដែរ៕

https://youtu.be/JmbDbVCRgYE

បន្ទាប់ពីអ្នកនាង ចន ច័ន្ទលក្ខិណា បានទម្លាយថា ព័ត៌មានដែល Websites ផ្សេងៗគេសរសេរពីគាត់( អ្នកនាង អ្នកនាង ម៉េង កែវពេជ្ជតា ) មុនសារព័ត៌មាន Dara new បានសរសេរ បែរជាអ្នកនាង ពេជ្ជតាមិនអើពើរករឿងគេទេ ហើយបែរមកសរសេរវាយប្រហារប្រធានសមាគមទៅវិញ និងបានទម្លាយថា រាជិនីសំឡេងមាសរូបនេះ ហេតុតែមានងារជាជំទាវចង់ធ្វើអ្វីដាក់អ្នកណា ជេរអ្នកណា គឺគ្មានក្រែងអ្វីនោះទេ។ ស្រាប់តែភ្លាមៗនេះ អ្នកនាង ម៉េង កែវពេជ្ជតា  ស្រែកហៅក្ដែងៗនៅលើបណ្ដាញសង្គមហ្វេសប៊ុករបស់ខ្លួនឱ្យអ្នកនាង ចន ច័ន្ទលក្ខិណា  ចេញមុខដោយផ្ទាល់។

អ្នកនាង ម៉េង កែវពេជ្ជតា  បានសរសេរសារនៅក្នុងហ្វេសប៊ុកថា «ចង់ឱ្យនាងចេញមុខមកនិយាយចំជាមួយ​ មិនចង់ឱ្យនាងថ្ងូរពីចម្ងាយអ៊ីចឹងទេ​ មិនក្លាហានសោះ​។ ហើយនាំមនុស្សដែលពាក់ព័ន្ធទាំងអស់នោះមកផង​ តើពួកគេហ៊ានទេ​? ខាងខ្ញុំ​ នៅទាំងអស់​ សូម្បីឯកឧត្តមអតីតរបស់ខ្ញុំក៍គាត់​នៅ​ដែ​រ គាត់អាចជាសាក្សីបាន​។ នាងចាន់​ បើអូនល្អ​ អូនត្រូវចេញមុខផ្ទាល់​ កុំបាច់ប្រើអ្នកដទៃដែលគេមិនដឹងរឿងមកជេរ​បង​។ ទោះអូនប្រើពួកគេឱ្យចូលមកជេរបញ្ចោរក្នុងកន្លែងបង​ ក៏បងមិនតបតដែរ​ ព្រោះបងអាណិតពួកគេដែលមិនដឹងខ្យល់អីទេ​ គេមកតាមការបញ្ជាពីអូនប៉ុណ្ណោះ​ ប៉ុន្តែនាងចាន់ត្រូវទទួលខុសត្រូវនូវរាល់ការចោទប្រកាន់ទាំងប៉ុន្មានពីខាងនាង​!!»៕

កាន់តែក្ដៅគគុក និងក្ដៅស្លឹកត្រចៀកហើយ ប៉ុន្មានម៉ោងមុននេះបន្តិច តារាសម្ដែងស្រី និងជាប្រធានសមាគមសិល្បករខ្មែរគឺ អ្នកនាង ចន ច័ន្ទលក្ខិណា បានចេញសារនៅលើហ្វេសប៊ុក ក្នុងគោលបំណងអំពាវនាវដល់ថ្នាក់ដឹកនាំរដ្ឋាភិបាល មានចំណាត់ការចំពោះតារាស្រី ម៉េង កែវពេជ្ជតា។

អ្នកនាង ចន ច័ន្ទលក្ខិណា បានលើកឡើងយ៉ាងដូច្នេះថា «អ្នកបង ម៉េង កែវពេជ្ជតា គាត់រិះគន់ខ្ញុំគាំទ្ររដ្ឋាភិបាល គឺបានន័យថា គាត់មិនពេញចិត្តព្រមទាំងប្រឆាំងនឹងការគាំទ្ររបស់ខ្ញុំដែលតែងតែចេញមុខគាំទ្ររដ្ឋាភិបាល និងសម្តេចទាំងពីរដោយចំហ និងមិនលាក់លៀម ខ្ញុំគោរពស្រឡាញ់គាំទ្របក្សប្រជាជនដោយគ្មានលាក់បាំង ខ្ញុំមិនដែលខ្លាចបក្សផ្សេងជេរខ្ញុំ ដៀលខ្ញុំ វាយប្រហារខ្ញុំនោះឡើយ ខ្ញុំសុខចិត្តទ្រាំឱ្យបងប្អូនបក្សផ្សេងគេជេរប្រទេចគ្រប់បែបយ៉ាង ដោយមិនតបត ខ្ញុំគ្មានល្បិច មាត់ថាស្រឡាញ់ តែជ្រើសរើសអ្នកផ្សេងនោះទេ មិនដូចគាត់សម្ងំយកប្រជាប្រិយពីបក្សផ្សេងហើយធ្វើការយកលុយពីប៉ុស្តិ៍របស់រដ្ឋាភិបាលនោះឡើយ ឬក៏អាចនិយាយបានថា គាត់មានឧត្តមគតិផ្សេង ដូច្នេះសូមថ្នាក់លើយល់តាមការគួរ»។ នេះបើតាមការបង្ហោះកាលពីពេលថ្មីៗនេះ។

រហូតដល់រយៈពេល 1 ម៉ោងមុននេះបន្តិច តារាស្រីរូបនេះក៏បានបង្ហោះសារបញ្ជាក់បន្ថែមទៀតថា «Fanៗគាត់ល្អៗណាស់ ក្មេងៗក៏មិនលើកលែងដែរ គេផុសខួបកំណើតកូនគេសោះចូលមកជូនពរឱ្យក្មេងយ៉ាងឈឺ ពិតជាកំពូលពូកែលើកទឹកចិត្តក្មេងមែន ថ្ងៃខួបក្មេងក៏មិនលើកលែង ដើមហេតុរឿងដំបូងគឺបុរសម្នាក់នេះហើយបងប្អូន ហើយខ្ញុំសូមបញ្ចប់ត្រឹមនេះ ព្រោះពួកគាត់ដើម្បីបានឈ្នះខ្ញុំគឺ ប្រើដៃជើងចូលមកវាយប្រហារដល់កូនស្រីខ្ញុំទៀត ទាំងខ្លួនជាប្រុស អ្នកបងឈ្នះហើយ ព្រោះយប់មិញអ្នកបងនិយាយប៉ះពាល់អារម្មណ៍កូនខ្ញុំក្នុងថ្ងៃខួបកំណើតគាត់ខ្លាំងណាស់ សូមសប្បាយចិត្តចុះ បើចង់បន្តសូមអញ្ជើញ លេងខ្ញុំបាន តែកុំលេងកូនខ្ញុំទៀត បើចង់ឈ្នះក៏ឈ្នះចុះ ខ្ញុំសូមចាញ់ហើយបើម្នាក់ៗលេងកូនខ្ញុំបែបនេះ»៕