Author: អេបិល

តាមរយៈសារព័ត៌មានថៃ Teenee ដែលចេញផ្សាយនៅថ្ងៃទី9 ខែមករា ឆ្នាំ2018 នេះ បានសម្ដែងក្ដីសោកសៅ និងចូលរួមរំលែកទុក្ខយ៉ាងក្រៀមក្រំចំពោះតារាសម្ដែងស្រីលំដាប់ជួរមុខ ប៊ី ណាំធីប  ចុងរ៉ាត់តៈវិប៊ូនយ៍​ និងក្រុមគ្រួសារដែលត្រូវបាត់បង់លោកឪពុកក្នុងវ័យ 70 ឆ្នាំ បានទទួលមរណភាពដោយសារការឆ្លងមេរោគក្នុងសរសៃឈាម និងបណ្ដាលឱ្យហើមស្លាប់ ក្រោយពីបានសម្រាកព្យាបាលនៅក្នុងមន្ទីរពេទ្យអស់មួយរយៈមក។

គួរបញ្ជាក់ផងដែរថា លោកឪពុករបស់តារាសម្ដែងស្រី ប៊ី ណាំធីប ក្រៅពីមានអាការរោគខាងលើហើយ លោកក៏មានអាការជំងឺបេះដូងពិការ និងកើតខ្យល់គ រហូតដល់ដួលបែកឆ្អឹងកងខ្នង។ នៅលើបណ្ដាញអ៊ីនស្តាក្រាមរបស់តារាស្រីរូបនេះ មានបង្ហោះវេលាកំណត់ និងកម្មវិធីធ្វើបុណ្យសព និងឧទ្ទិសកុសលជូនលោកឪពុកនៅក្នុងអំឡុងពីថ្ងៃទី 7 រហូតដល់ថ្ងៃទី10 ខែមករា ហើយសពនឹងត្រូវធ្វើពិធីបូជានៅថ្ងៃទី11 ខែមករា ឆ្នាំ2018 នេះ៕

នៅថ្ងៃម្សិលមិញនេះ ខាងផលិតកម្មរស្មីហង្សមាស បានរៀបចំធ្វើកម្មវិធីសន្និសីទសារព័ត៌មានស្វាគមន៍តារាចម្រៀងថ្មីវ័យក្មេង និងជាអនាគតកំពូលតារាចម្រៀងប្រចាំទ្រនំរស្មីហង្សមាស គឺកូនប្រុសទាំង 3 រូបរបស់កំពូលតារាចម្រៀង ព្រាប សុវត្ថិ រួមមាន សុវត្ថិ មុនីវណ្ណ , សុវត្ថិ មុនីនាត និងសុវត្ថិ សិរីវឌ្ឍ ដែលត្រូវបានចុះកុងត្រាក្លាយជាតារាចម្រៀងរបស់រស្មីហង្សមាសក្នុងពេលតែមួយ។

ទន្ទឹមនឹងមានការស្វាគមន៍យ៉ាងកក់ក្ដៅពីសំណាក់ផលិតកម្មខាងលើ ចំពោះកូនប្រុសរបស់លោក ព្រាប សុវត្ថិ នៅក្នុងនោះមហាជនសង្កេតឃើញថា ផលិតកម្មដែលនាំមុខគេខាងផ្នែកកម្សាន្ដទី1 នៅប្រទេសកម្ពុជាមួយនេះ ពុំធ្លាប់ធ្វើកម្មវិធីសន្និសីទសារព័ត៌មានស្វាគមន៍តារាចម្រៀងថ្មីណាមួយឡើយ សូម្បីតែវត្តមានរបស់កំពូលតារាចម្រៀងដែលទាក់ទាញចិត្តយុវវ័យបំផុតគឺ លោក ខេមរៈ​ សិរីមន្ដ ដែលបានឈានជើងចូលមករួមទ្រនំគ្រួសារហង្សមាសនោះ ក៏គ្មានការរៀបចំធ្វើសន្និសីទសារព័ត៌មានស្វាគមន៍វត្តមានរបស់រូបលោកដែរ។ ចុះហេតុអ្វីបានជា ហង្សមាស ដូចជារាក់ទាក់ និងលើកតម្កើងចំពោះក្រុមគ្រួសាររបស់ ព្រាប សុវត្ថិ យ៉ាងនេះ?

ស្របគ្នានោះដែរ អគ្គ​នាយក​រង​ផលិតកម្ម​ហង្សមាស​លោកស្រី អ៊ឹង គឹមលាង បានប្រាប់អ្នកសារព័ត៌មាន ឡារ៉ែនថា «កន្លងមកខាងផលិតកម្មរស្មីហង្សមាសមានការជ្រើសរើស និងស្វែងរកតារាចម្រៀងថ្មីមកចូលរួមជាសមាជិកគ្រួសារហង្សមាស តាមបែបផែនខុសគ្នា នៅក្នុងនោះយើងក៏មានរៀបចំកម្មវិធីប្រឡងចម្រៀងជាច្រើន ដូចជា The Voice Cambodia , The Voice Kid Cambodia , Cambodian Idol និង Cambodian’s got Talent​ ជាដើម តែយ៉ាងណាមិញ ខាងផលិតកម្មក៏មិនបានផ្អែកទៅលើការប្រឡងចម្រៀងតែមួយមុខក្នុងការស្វែងរកតារាចម្រៀងដែលមានទេពកោសល្យនោះដែរ ពោលគឺចំពោះតារាចម្រៀងដទៃទៀត ក៏មានការរៀបចំពីសំណាក់ក្រុមការងាររបស់ផលិតកម្ម រស្មីហង្សមាស មួយក្រុមផ្សេងទៀតដែរ»។

ជាចុងក្រោយ អគ្គ​នាយក​រង​ផលិតកម្ម​ហង្សមាសក៏បានបញ្ជាក់បន្ថែមទៀតដែរថា ដោយហេតុសង្កេតឃើញថា តារាចម្រៀង ព្រាប សុវត្ថិ ត្រូវបានប្រជាជនខ្មែរចាត់ទុកលោកជាកំពូលតារាចម្រៀងនៅក្នុងដួងចិត្ត ជាកំពូលតារាចម្រៀងប្រចាំព្រះរាជាណាចក្រកម្ពុជា និងពិសេសជាងនេះគឺលោកជាតារាចម្រៀងប្រចាំផលិតកម្មរស្មីហង្សមាសផ្ទាល់ ការដែលរៀបចំធ្វើកម្មវិធីសន្និសីទសារព័ត៌មាន គឺជាការស្វាគមន៍ឈាមជ័ររបស់លោក ព្រាប សុវត្ថិ ទាំងមូល ដែលជាតារាចម្រៀងប្រកបដោយទេពកោសល្យ ដែលនឹងផ្ដល់រសជាតិថ្មីសម្រាប់ប្រជាជនខ្មែរទាំងបច្ចុប្បន្ន និងនាពេលខាងមុខនេះ៕

ដោយសង្គេតឃើញឈាមជ័រ និងជាបុត្ររបស់កំពូលតារាចម្រៀង ព្រាប សុវត្ថិ ដែលជាតារាចម្រៀងប្រចាំផលិតកម្មរស្មីហង្សមាស និងជាកំពូលតារាចម្រៀងលំដាប់ទី 1 របស់ព្រះរាជាណាចក្រកម្ពុជា ទាំង 3 នាក់មានសមត្ថភាព និងទេពកោសល្យខាងសិល្បៈតាំងពីកំណើត ខណៈផលិតកម្មរស្មីហង្សមាស បានសម្រេចជ្រើសរើស និងបញ្ជេញសមត្ថភាពធនធានថ្មីនេះ ក៏ដូចជាអនាគតកំពូលតារាចម្រៀងទាំង 3 របស់ហង្សមាស រួមមាន សុវត្ថិ មុនីវណ្ណ , សុវត្ថិ មុនីនាត និង សុវត្ថិសិរីវឌ្ឍ ក្លាយជាតារាចម្រៀងរបស់ទ្រនំគ្រួសារហង្សមាស។

នៅក្នុងនោះដែរ តារាចម្រៀងពន្លកថ្មីទាំងបីដួង ត្រៀមនឹងបញ្ជេញបទចម្រៀងថ្មីរបស់ខ្លួននៅល្ងាចថ្ងៃទី 8 ខែមករា ឆ្នាំ 2018 នេះ តាមរយៈបណ្ដាញសង្គម ហ្វេសប៊ុក និងយូធូប ដែលជាបទនិពន្ធថ្មី និងច្រើងរួមគ្នាជាក្រុមតែមួយ មានចំណងជើងថា ” កែវភ្នែក” មានបង្ហោះជូនប្រិយមិត្តទស្សនិកជនជា ហ្វេន អ្នកគាំទ្រ នាវេលាម៉ោង 7 យប់នេះ។ កាន់តែជាក់ច្បាស់បន្ថែម សូមទស្សនារូបភាពខាងក្រោមនេះ៖