Author: អេបិល

  • ចេមស៍ ជិ ទិញរថយន្ដប្រណីតជូនឪពុកតម្លៃជិត 8 លានបាត

    ចេមស៍ ជិ ទិញរថយន្ដប្រណីតជូនឪពុកតម្លៃជិត 8 លានបាត

    តាមរយៈសារព័ត៌មាន khaosod នៅថ្ងៃទី15 ខែមករា ឆ្នាំ2018 នេះបានឱ្យដឹងថា តារាសម្ដែង​ឯកប្រុសលោក ចេមស៍ ជិរ៉ាយុ បានទិញរថយន្ដប្រណីត Porsche 718 Cayman ដែលមានតម្លៃប្រមាណជិត 8 លានបាតជូនលោកឪពុក ក្នុងគោលបំណងចង់ឱ្យឪពុកបានដើរលេងយ៉ាងសប្បាយ ព្រោះលោកឪពុកមានអាយុកាន់តែច្រើនហើយ។

    ទន្ទឹមនឹងនោះដែរ តារាសម្ដែងឯកប្រុសប្រចាំស្ថានីយទូរទស្សន៍ប៉ុស្តិ៍លេខ 3 បានប្រាប់ឱ្យដឹងដែរថា «នេះចាត់ទុកថា ជាការប្រគល់ឱ្យក្រុមគ្រួសារ ព្រោះធ្លាប់នាំលោកឪពុកទៅជ្រើសរើសរថយន្ដជាច្រើនគ្រឿងហើយ តែលោកមិនពេញចិត្ត ទើបបានជាខ្ញុំសម្រេចចិត្តទិញជូនលោកតែម្ដងទៅ។ ការដែលលោកសម្រេចចិត្តយូរពេក ក៏ព្រោះតែលោកមិនធ្លាប់ទិញរថយន្ដបែបហ្នឹងពីមុនមក ហើយរថយន្ដដែលប្រើនៅក្នុងផ្ទះកន្លងមកនោះ គឺរថយន្ដ 15 កៅអី ទើបមិនអាចជិះទៅណាមកណាតែម្នាក់ឯងបាន»។

    យ៉ាងណាមិញ តារាប្រុសរូបនេះក៏បានបញ្ជាក់ទៀតដែរថា លោកចង់ឱ្យឪពុកម្ដាយលោកបានសប្បាយចិត្ត ព្រោះពួកគាត់ក៏ចូលចិត្តរថយន្ដបែបនេះដែរ។ ស្របគ្នានោះដែរ តារាឯកប្រុសរូបស្រស់សង្ហារូបនេះ បានបកស្រាយរឿងពាក្យចចាមអារ៉ាមស្នេហារបស់ខ្លួន ដែលមានដំណឹងលេចឮ​មកថា មានទំនាក់ទំនងស្នេហ៍ជាមួយមនុស្សក្រៅរង្វង់សិល្បៈ ទើបលោកអះអាងថា «សូមជម្រាបថា ត្រឹមតែជាអ្នករាប់អានគ្នាទើបត្រូវជាង ព្រោះពួកយើងបាននិយាយគ្នាជារឿយៗ គឺនិយាយគ្នាតាមភាសាបែបបងប្អូនច្រើនជាង និងមិនមានអ្វីក្រៅពីនោះឡើយ»៕

     

    วันเด็กแห่งชาติ 😊

    A post shared by Jirayu Tangsrisuk (@jirayu_jj) on

  • ការពិត!!  សុវត្ថិ មុនីវណ្ណ ថតចម្រៀង “លោកឪពុក” តាំងពីកុមារមកម្លេះ

    ការពិត!!  សុវត្ថិ មុនីវណ្ណ ថតចម្រៀង “លោកឪពុក” តាំងពីកុមារមកម្លេះ

    ក្រឡែកមកមើលបទចម្រៀងរបស់កំពូលតារាចម្រៀង  ព្រាប សុវត្ថិ ដែលមានចំណងជើងថា  “លោកឪពុក” ដែលបានរៀបរាប់ពីប្រវត្តិនៃការតស៊ូរបស់ឪពុកជាកម្មករសំណង់ម្នាក់ ប្រឹងប្រែរកប្រាក់ដើម្បីផ្គត់ផ្គង់ជីវភាពគ្រួសារ និងការសិក្សារបស់កូន។បទចម្រៀងនេះដែរ ត្រូវបានដឹកនាំសម្ដែងដោយលោក សុខ ជំនោរ ដោយសង្កេតឃើញថា សាច់រឿងទាំងមូលហាក់បីដូចជានិយាយរៀបរាប់ពីរឿងរ៉ាវរបស់លោកឪពុករបស់ព្រាប សុវត្ថិ ផងដែរ។

    ហើយក្នុងនោះដែរ តួអង្គដែលសម្ដែងជា ព្រាប សុវត្ថិ ពីកុមារភាព ត្រូវបានគេសង្កេតឃើញថា មុខស្រដៀងគ្នាទៅនឹងតារាចម្រៀងរូបនេះខ្លាំងណាស់ ​មហាជនបានចាប់អារម្មណ៍និងទម្លាយឱ្យដឹងដែរថា គឺជាកូនប្រុសច្បងរបស់លោក ព្រាប សុវត្ថិ គឺ សុវត្ថិ មុនីវណ្ណ ជាអ្នកសម្ដែងក្នុងបទចម្រៀងនេះ។ យ៉ាងណាមិញ បើទោះបីជា សុវត្ថិ មុនីវណ្ណ ទើបតែមានការចុះកុងត្រាថ្មីៗ ក្លាយជាតារាចម្រៀងប្រចាំផលិតកម្មរស្មីហង្សមាសហើយនោះ តែតាមធាតុពិត លោកធ្លាប់បានបង្ហាញមុខ និងសម្ដែងរួមជាមួយឪពុករបស់លោក តាមរយៈបទចម្រៀងខាងលើនេះទៅហើយ ដោយគ្រាន់តែគ្រានេះ មិនសូវជាការចាប់អារម្មណ៍តែប៉ុណ្ណោះ។ ដើម្បីឱ្យកាន់តែជាក់ច្បាស់បន្ថែម សូមទស្សនាវីដអូចម្រៀងខាងក្រោមនេះ៖

  • បែកធ្លាយ!! សន ផល្លីកា បង្ហោះរូបថតមានផ្ទៃពោះ ទាំងមិនទាន់មានដំណឹងរៀបការ

    បែកធ្លាយ!! សន ផល្លីកា បង្ហោះរូបថតមានផ្ទៃពោះ ទាំងមិនទាន់មានដំណឹងរៀបការ

    ពិតជាធ្វើឱ្យមានភាពភ្ញាក់ផ្អើលជាខ្លាំង ខណៈដែលតារាចម្រៀងស្រី​ប្រចាំផលិតកម្មរស្មីហង្សមាស កញ្ញា សន ផល្លីកា បានបាត់ដំណឹងមួយរយៈ និងមិនខកខានចេញបទចម្រៀងនៅក្នុងផលិតកម្មនោះ ស្រាប់តែថ្មីៗនេះ នាងបានទម្លាយរូបថតជាច្រើនសន្លឹកនៅបណ្ដាញទំនាក់ទំនងសង្គមអ៊ីនស្តាក្រាម ដែលស្ដែងឱ្យមហាជនឃើញថា សភាពពោះរបស់នាងធំ ហាក់បីដូចជាកំពុងតែតាំងគភ៌យ៉ាងដូច្នោះ។

    គួរកត់សម្គាល់ផងដែរឃើញថា ថ្មីៗនេះ មានរូបភាពរបស់តារាចម្រៀងស្រីប្រចាំផលិតកម្មរស្មីហង្សមាស កញ្ញា សន ផល្លីកា ជាច្រើនបានបង្ហោះឡើង ធ្វើឲ្យមហាជនចាប់អារម្មណ៍គ្រប់គ្នា ខណៈរូបទាំងនោះគេឃើញថា នាងកំពុងតែមានផ្ទៃពោះកូនក្នុងផ្ទៃប្រមាណជាពី7ទៅ8ខែ ទៀតផង ដោយសភាពពោះរបស់នាងបានខ្ទាតយ៉ាងធំ ជិតគ្រប់ខែទៅហើយ។ អ្វីដែលទស្សនិកជនចាប់អារម្មណ៍កាន់តែខ្លាំងនោះគឺ ពួកគេកំពុងរងនូវមន្ទិលជាច្រើនថាតើ នាងផល្លីកា មានទម្ងន់ជាមួយនរណា? ព្រោះតាំងពីលឺដំណឹងមានស្នេហ៍ជាមួយមន្ត្រីធំមក គឺបាត់ដំណឹងនាងពីសិល្បៈឈឹងតែម្ដង ខណៈវិលមកវិញក្នុងស្ថានភាពបែបនេះ។

    សូមជម្រាបបន្ថែមផងដែរថា ការបង្ហាញខ្លួនក្នុងសភាពមានផ្ទៃពោះ ដោយមិនស្គាល់មុខស្វាមីរបស់ សន ផល្លីកា នេះ គឺពិតជាធ្វើឲ្យមហាជនគ្រប់ទិសទី សម្ដែងនូវការងឿងឆ្ងល់គ្រប់គ្នា ខណៈតារាស្រីរូបនេះមិនបានបង្ហាញមុខគូស្នេហ៍នោះទេ ស្រាប់តែលេចខ្លួនក្នុងស្ថានភាព មានផ្ទៃពោះជិតគ្រប់ខែទៅវិញ។ បន្ថែមពីលើនេះទៀត នាងផល្លីកា គឺជាតារស្រីមួយដួង ដែលធ្លាប់មានប្រជាប្រិយភាពយ៉ាងខ្លាំង ដោយមានទស្សនិកជនមិនតិចទេគាំទ្រនាង។ យ៉ាងណាមិញ វត្តមានរបស់នាងពេលនេះ ធ្វើឲ្យទស្សនិកជនដែលធ្លាប់គាំទ្រនាងជាច្រើន បង្កើតនូវមន្ទិលគ្រប់គ្នាៗ៕

    A post shared by Phalika Real (@phalika_sorn) on

  • ស្ថានភាពរបស់ឪពុក ករុណា ពេជ្រ នៅតែមិនទាន់ធូរស្បើយនៅឡើយ

    ស្ថានភាពរបស់ឪពុក ករុណា ពេជ្រ នៅតែមិនទាន់ធូរស្បើយនៅឡើយ

    អស់រយៈពេលជាច្រើនថ្ងៃហើយ ដែលលោកឪពុករបស់តារាចម្រៀង ករុណា ពេជ្រ បានសម្រាកព្យាបាលនៅក្នុងមន្ទីរពេទ្យជប៉ុនសាន់ជប៉ុនសាន់រ៉ាយ ភ្នំពេញ ដោយមានការយកចិត្តទុកដាក់ជាខ្លាំងពីសំណាក់លោកគ្រូ អ្នកគ្រូពេទ្យនៅទីនោះ ក៏ប៉ុន្ដែស្ថានភាពជំងឺរបស់ឪពុក ក៏នៅមិនទាន់មានសភាពធូរស្បើយនៅឡើយដែរ។

    សង្កេតឃើញថាដោយមានក្ដីបារម្ភចំពោះ តារាចម្រៀងរូបនេះ បានបួងសួងដល់វត្ថុសក្ក័សិទ្ធគ្រប់ទិសទី កុងម៉ា ជីដូនជីតា ហើយជាពិសេសទទួលបានកម្លាំងចិត្ត សេចក្តីអាណិត ស្រលាញ់ របស់ ពុកម៉ែបងប្អូនអ្នកគាំទ្រ និងមិត្តនៅក្នុងបណ្ដាញសង្កមហ្វេសប៊ុកក្នុងការជួយបន់ស្រន់ជូនដល់លោកឪពុកបន្ថែមទៀតនេះ ខណៈនេះឪពុកតារាចម្រៀងរូបនេះមានសភាពធូរស្រាលគ្រាន់ជាមុនបន្តិចហើយ ដោយអាចបើកភ្នែក កំរើកដៃជើង បានខ្លះៗ តែនៅមិនទាន់ដឹងខ្លួននៅឡើយទេ។

    ដោយយោងទៅតាមគណនីហ្វេសប៊ុករបស់ លោក ករុណា ពេជ្រ បានប្រាប់ឲ្យដឹងថា «ធ្លាប់តែទៅធ្វើការឆ្ងាយៗពីផ្ទះ ប៉ា តែងតែឈរចាំបើកទ្វារឲ្យ រួចតែងតែជូនពរកូនឲ្យសុខសប្បាយតាមផ្លូវ និងជោគជ័យ… តែសម្រាប់ពេលនេះ ប៉ាគេងនៅពេទ្យ ពេលកូនលា ប៉ា ប៉ាបានត្រឹមតែប្រិចភ្នែក ហើយកូនក៏លាប៉ា ទោះបីប៉ាមិននិយាយមកកាន់កូន ក៏កូនដឹងពីជម្រៅចិត្តប៉ាហើយ។ លោកគ្រូពេទ្យ បាននិយាយថា ស្ថានភាពជំងឺប៉ា បានប្រសើរខ្លះហើយ សង្ឃឹមថា ពេលកូនត្រឡប់មកពីសៀមរាបវិញ ប៉ា កាន់តែប្រសើរ កាន់តែដឹងខ្លួន ណា…កូននឹងឆ្លៀតទៅអុជធូប បួងសួង ព្រះអង្គចេក ព្រះអង្គចម បន្តទៀត ដើម្បីឲ្យប៉ាឆាប់ដឹងខ្លួនណា…ពេលនេះយល់ហើយ យល់ថា ទំងន់ ៧០kg តែពេលដើរស្រាលដូចសំឡី…ដរាបណា កូននៅមានសង្ឃឹម ប៉ាក៏ត្រូវតែមានសង្ឃឹម ជាមួយកូនជានិច្ចណា…!»៕

  • Angelina Jolie ស្អាតដាច់គេ ខណៈបង្ហាញម៉ូដក្នុងកម្មវិធី  Critics’ Choice Awards 2018

    Angelina Jolie ស្អាតដាច់គេ ខណៈបង្ហាញម៉ូដក្នុងកម្មវិធី  Critics’ Choice Awards 2018

    តាមរយៈសារព័ត៌មាន kenh 14 បានចេញផ្សាយនៅថ្ងៃទី 13 ខែមករា ឆ្នាំ 2018 បានឱ្យដឹងថា នៅក្នុងកម្មវិធី Critics’ Choice Awards 2018 ដែលបានរៀបចំឡើងនៅក្នុងបរិវេណអគារ Santa Monica ក្នុងរដ្ឋ California សហរដ្ឋអាមរិក គេសង្កេតឃើញមានតារាហូលីវូដជាច្រើនដួងបានបង្ហាញខ្លួន រួមជាមួយឈុតរ៉ូបប្លែកៗក្នុងការបង្អួតសម្រស់គ្នា។ ភាពលេចធ្លោ និងមានការចាប់អារម្មណ៍ខ្លាំងជាគេងនៅក្នុងឆ្នាំ 2018 នេះ គឺបានទៅលើអ្នកនាង Angelina Jolie  ,  Gal Gadot  និង Kate Bosworth ជាដើម។

    បើទោះបីជាអ្នកនាង Angelina Jolie  មិនសូវជាមានសាច់ឈាមដូចជាតារាៗដទៃទៀត ក៏ប៉ុន្ដែ ការរៀបចំខ្លួន និងការរចនាម៉ូដស្រាប់ខ្លួនអ្នកនាងផ្ទាល់ បានធ្វើឱ្យទាក់ភ្នែកមហាជនជាច្រើនអ្នក មកចាប់អារម្មណ៍ចំពោះរ៉ូបរាត្រីស្រមោលសមួយនេះ។ ដើម្បីឱ្យកាន់តែជាក់ច្បាស់បន្ថែមទៀតផងនោះ សូមប្រិយមិត្តទាំងអស់គ្នាទស្សនារូបភាពទាំងឡាយខាងក្រោមនេះ៖

  • ហេតុអ្វីបានអររំភើបចិត្តខ្លាំងពេក យើងស្រក់ទឹកភ្នែក?

    ហេតុអ្វីបានអររំភើបចិត្តខ្លាំងពេក យើងស្រក់ទឹកភ្នែក?

    ត្រេកអររហូតដល់ស្រក់ទឹកភ្នែក…តើអ្នកធ្លាប់នឹកឆ្ងល់ទេថា ហេតុអ្វីបាននៅក្នុងវិនាទីដំបូងដែលយើងរំភើបចិត្តក្នុងអំឡុងពេលសំខាន់ៗ ដូចជា ពេលត្រូវសង្សាសុំរៀបការ ពេលប្រឡងជាប់ ឬពេលប្តល់កំណើតកូនសម្លាញ់ ធ្វើឱ្យយើងស្រក់ទឹកភ្នែកទាំងមិនមែនជាពេលវេលានៃការសោកសៅផងនោះ? ហើយដែលចម្លែកជាងនេះទៅទៀតនោះគឺ គ្រប់ពេលដែលនឹកត្រឡប់ទៅដល់អំឡុងពេលល្អៗទាំងនោះ អាការរំភើបរំជួលចិត្តក៏កើតឡើងជានិច្ច មូលហេតុបណ្តាលមកពីអ្វីនោះ ឡារ៉ែន មានចម្លើយមកជម្រាបជូន។

    លទ្ធផលនៃការវិភាគស្រាវជ្រាវថ្មីបំផុតដែលត្រូវបានបោះពុម្ពផ្សាយនៅក្នុងព្រឹត្តបត្រ Psychological Science របស់
    ប្រទេសអាមេរិកបានឱ្យយើងដឹងថា បើខួរក្បាលកើតការទទួលអារម្មណ៍ផ្នែកណាមួយខ្លាំងជ្រុលពេក រាងកាយនឹងមានប្រតិកម្មតបស្នងនឹងអារម្មណ៍នោះដោយការបង្ហូរទឹកភ្នែកចេញមក ធ្វើឱ្យយើងមានអារម្មណ៍ធូរស្រាល ផ្ទុយទៅវិញបើយើងគ្មានអារម្មណ៍អ្វីច្រើនជាមួយនឹងហេតុការណ៍ដែលកើតឡើងនោះ ប្រតិកម្មនោះក៏មិនកើតឡើងដែរ។ រឿងទាំងអស់នេះកើតចេញពីកម្មវិធីការសម្រួលសម-តុល្យការខាងអារម្មណ៍របស់ខួរក្បាលដែលហៅថា ” Emotional Equilibrium”។

    Oriana Aragon អ្នកចិត្តវិទ្យាពីមហាវិទ្យាល័យ យេល បានធ្វើការសាកល្បងដើម្បីពិសោធន៍ថា ទ្រឹស្តីមួយចំណុចនេ គឺជារឿងពិត ដោយឱ្យក្រុមអ្នកស្ម័គ្រចិត្តទាំងអស់ចំនួន 679 នាក់ មើលរូបថតក្នុងអំឡុងពេលនៃសេចក្តីសុខ ដូចជា រូបទារកទើបនឹងកើត រូបថតជួបជុំមិត្តចាស់ និងរូបថតអាពាហ៍ពិពាហ៍ ហើយរៀបរាប់ពីអារម្មណ៍ដែលមានចំពោះរូបថតនោះ។ លទ្ធផលនៃការសាកល្បង បានបង្ហាញថា អ្នកស្ម័គ្រចិត្តភាគច្រើនមានប្រតិកម្មតបស្នងចំពោះរូបភាពដែលគេបានឃើញខុសប្លែកពីគ្នាបន្តិចបន្តួច គឺ អ្នកខ្លះមើលរូបថតហើយគ្រាន់តែញញឹម នោះក៏ព្រោះតែគេមិនធ្លាប់មានបទពិសោធន៍នាអំឡុងពេលបែបនោះ តែដឹងថា នេះជារូបភាពដែលគួរឱ្យរីករាយស្វាគមន៍។ ខណៈដែលអ្នកខ្លះទៀតសម្តែងអាការរំជួលចិត្តចេញមកយ៉ាងមើលឃើញច្បាស់តែម្តង នេះក៏ដោយសារតែពួកគេនឹកទៅដល់អំឡុងពេលដែលនៅក្នុងរូបថតដែលធ្លាប់បានកើតឡើងចំពោះខ្លួនគេកាលពីពេលមុនហ្នឹងឯង។

    ឃើញច្បាស់ហើយថា ខួរក្បាលរបស់យើងចងចាំនូវរឿងរ៉ាវផ្សេងៗដែលយើងបានជួបប្រទះមកយ៉ាងច្បាស់លាស់ ទើបធ្វើឱ្យយើងមានប្រតិកម្មខាងអារម្មណ៍ចំពោះហេតុការដែលកើតឡើងនោះ តែយ៉ាងណាក៏ដោយ មិនថាហេតុការណ៍ដែលធ្លាប់ឆ្លងចូលមកក្នុងជីវិតយើងជារឿងល្អ ឬអាក្រក់ប៉ុនណាក៏ដោយ ក៏កុំទៅលង់នៅតែជាមួយអតីតកាលជ្រុលពេកអី បើកដួងចិត្តទទួលយករឿងថ្មីៗវិញប្រសើរជាង នោះជីវិតរបស់អ្នកនឹងមានពន្លឺ និងសេចក្តីសុខមិនខាន៕

  • ដេននី ក្វាន់ ពន្លះប៉ូលិសពាក់ស័ក្ដិ 4 យ៉ាងមិនប្រណី….

    ដេននី ក្វាន់ ពន្លះប៉ូលិសពាក់ស័ក្ដិ 4 យ៉ាងមិនប្រណី….

    តាមរយៈបណ្ដាញសង្គមហ្វេសប៊ុកនៅថ្ងៃទី12 ខែមករា ឆ្នាំ2018 នេះ គេសង្កេតថា បន្ទាប់ពីមានការចែករំលែកព័ត៌មានតៗគ្នានៅលើបណ្ដាញទំនាក់ទំនងសង្គមមួយនេះនូវឃ្លិបវីដេអូរបស់លោកប៉ូលិសស័ក្តិ4 ជិះឡានម៉ាកហ្វ៉ដ ស្លាកលេខភ្នំពេញ 2AC-9099 ដែលប្រើអំពើហិង្សាលើមន្ត្រីជាប់កិច្ចសន្យាផ្នែកប៉ូលិសចរាចរណ៍ដែលកើតឡើងនៅម្ដុំស្តុបត្រឡោក​បែករួចមក ស្រាប់តែថ្មីៗកន្លងទៅនេះ តារាស្រីសិចស៊ី ដេននី ក្វាន់ បានចេញមុខរិះគន់លោកបូលិសស័ក្ដិ 4 នោះយ៉ាងចំៗដោយមិនប្រណីថ្វីមាត់ឡើយ។

    តារាស្រីរូបនេះបានពន្លះនៅលើហ្វេសប៊ុកថា «ធ្វើដល់ប៉ូលិសហើយ អីក៏ចរិតថោកម្ល៉េះ? អាងតែមានស័ក្តិលើស្មា ជិះជាន់អ្នកទន់ខ្សោយតាមតែអំពើចិត្ត ធ្វើដូចខ្លួនឯងអស្ចារ្យណាស់..ព្រះអើយ បើស្រុកខ្មែរមានប៉ូលិសធុនហ្នឹងច្រើនមិនដឹងទៅជាយ៉ាងណាទេ។ ធ្វើនេះហួសហេតុពេកហើយខ្ញុំមិនគាំទ្រការប្រើអំពើហិង្សានោះទេ»៕

  • ស្រីស ស្រីខ្មៅ បែកគ្នាយូរ សម្បុរនៅតែមិនប្ដូរ

    ស្រីស ស្រីខ្មៅ បែកគ្នាយូរ សម្បុរនៅតែមិនប្ដូរ

    ស្របពេលដែលពិធីការិនី សុភ័ក្រ កុសុម៉ា ដែលកំពុងទទួលបានប្រជាប្រិយភាពខ្លាំងឡើងៗក្នុងពិភពសិល្បៈដោយសារតែទេពកោសល្យខាងវោហាស័ព្ទកំប្លុកកំប្លែង និងបូករួមទាំងរូបសម្រស់ស្រស់សោភារបស់កញ្ញាទៀតផងនោះ បច្ចុប្បន្ននេះ តារាស្រីរូបនេះ​បានសាងកេរ្តិ៍ឈ្មោះឡើងវិញ ព្រមទាំងមានអ្នកគាំទ្រជាច្រើននាក់និយមចូលចិត្តភាពគួរឱ្យអស់សំណើចរបស់នាងតាមរយៈកញ្ចក់ទូរទស្សន៍ទៀតផង។

     

    គួររំឭកផងដែរថា កាលពីវ័យកុមារភាព សុភ័ក្រ កុសុម៉ាគឺជាតារាចម្រៀងដែលមានដៃគូចម្រៀងរួមផលិតកម្ម នាគមាស ជាមួយអ្នកនាង ងួន ស្រីស ហើយអ្វីកាន់តែគួរឱ្យចាប់អារម្មណ៍ទៀតនោះគឺ នៅពេលថ្មីៗនេះអ្នកទាំងពីរបានបង្ហាញវត្តមាននៅក្នុងកម្មវិធីអាពាហ៍ពិពាហ៍មួយ។ បើទោះបីជាច្រើនឆ្នាំកន្លងផុតទៅហើយក៏ដោយ តែអ្វីដែលគួរឱ្យកត់សម្គាល់នោះគឺអ្នកទាំងពីរនៅតែថែរក្សាចំណងមិត្តភាពរវាងគ្នាបានយ៉ាងល្អដដែល។

    ដោយឡែករូបភាពដែលបានបង្ហោះនៅលើគណនីហ្វេសប៊ុករបស់តារាស្រីរូបនេះ គេសង្កេតឃើញថាអ្នកទាំងពីរនៅតែមានពណ៍សម្បុរខុសគ្នាដដែល រហូតដល់សុភ័ក្រ កុសុម៉ាបានលាន់មាត់បែបអស់សំណើចថា «មានបងប្អូនសួររកគាត់ច្រើន ឥឡូវផុសរូបជូនហើយ អ្នកណានឹកគាត់ខ្លះ? មួយសមួយខ្មៅ ឱ្យតែជួបគាត់ពេលណា មានអារម្មណ៏ថានឹកដល់កាលនៅពីក្មេង កាលពីក្មេងច្រៀងរាំសប្បាយណាស់គាត់នៅតែស ខ្ញុំនៅតែខ្មៅ ហាហា SreySor ជាពិធីការិនីកាត់នំនៅថ្ងៃអាពាហ៍ពិពាហ៍របស់បងប្អូនបងស»៕

     

  • Gianluca Vacchi បុរសចំណាស់ល្បីបំផុតនៅលើបណ្ដាញសង្គមអ៊ីនស្តាក្រាម

    Gianluca Vacchi បុរសចំណាស់ល្បីបំផុតនៅលើបណ្ដាញសង្គមអ៊ីនស្តាក្រាម

    ដោយដកស្រង់ចេញពីគេហទំព័រកម្សាន្ដ sanook នៅថ្ងៃទី12 ខែមករា ឆ្នាំ2018 ដែលបានចេញផ្សាយថា បុរសចំណាស់ដែលកំពុងល្បីឈ្មោះជាអ្នកជំនួញដែលមានរូបរាងសង្ហា សាច់ដុំធំៗ និយមក្នុងការធ្វើដំណើរកម្សាន្តគ្រប់ទិសទី ហើយលោកចូលចិត្តការហាត់ប្រាណ និងថែមទាំងចូលចិត្តធ្វើការ Live Stream នៅលើអ៊ីនស្តាក្រាមផងនោះ មានឈ្មោះថា Gianluca Vacchi មានអាយុ 50 ឆ្នាំហើយ ប៉ុន្ដែមានអ្នកតាមដានពីជីវិតប្រចាំថ្ងៃរបស់លោកនៅលើអ៊ីនស្តាក្រាមដល់ទៅ 12 លាននាក់ឯណោះ។

    លោក Gianluca Vacchi មិនមែនជាតារា មិនមែនជាជនល្បីឈ្មោះ មិនមែនជាសេដ្ឋី មិនមែនស្ថិតក្នុងក្រុមមនុស្សមានមុខមាត់ និងល្បីល្បាញតាមរយៈការចេញផ្សាយលើទូរទស្សន៍ ឬសារព័ត៌មានអ្វីនោះទេ ពោលគឺលោកគ្រាន់តែជាអ្នកជំនួញជនជាតិអូស្ត្រាលីធម្មតាៗ និងជាម្ចាស់ក្រុមហ៊ុន SEA Societa Europea Autocaravan ដែលបម្រើសេវាកម្មរថយន្ដផ្ទះចល័ត និងកំពុងតែជោគជ័យលើមុខជំនួញនេះនៅសហភាពអឺរ៉ុបតែប៉ុណ្ណោះ។ ក្រៅពីរឿងទ្រព្យសម្បត្តិដែលលោកមានស្ដុកស្ដម្ភហើយនោះ បុរសចំណាស់រូបនេះតែងយកចិត្តទុកដាក់បំផុតលើការរៀបចំខ្លួន ដែលបានថតបង្ហាញឱ្យឃើញនៅលើបណ្ដាញសង្គមខាងលើនេះ។

    ដើម្បីចង់ជ្រាបបន្ថែមទៀត និងកាន់តែច្បាស់នោះ​ សូមទស្សនារូបភាពទាំងឡាយខាងក្រោមនេះ៖

     

  • នារីបង្ហាញកំប៉េះគូទលក់ឡេ ចេញមុខបកស្រាយរឿងពិត

    នារីបង្ហាញកំប៉េះគូទលក់ឡេ ចេញមុខបកស្រាយរឿងពិត

    តាមរយៈសារព័ត៌មាន Teenee ដែលបានចេញផ្សាយនៅថ្ងៃទី12 ខែមករា ឆ្នាំ2018 នេះ បានឱ្យដឹងថា នារីអាកា្រតគូទលក់ឡេ នៅលើបណ្ដាញសង្គមហ្វេសប៊ុកមិនបញ្ចេញឈ្មោះពិតដែលកំពុងតែល្បីល្បាញក្នុងរយៈពេលប៉ុ​ន្មានថ្ងៃកន្លងមកនេះ កំពុងរងការរិះគន់យ៉ាងមិនប្រណីថ្វីមាត់ពីសំណាក់មហាជនថា “នាងជាមនុស្សស្រែកឃ្លានលុយខ្លាំង ទើបហ៊ានធ្វើបែបនេះ” ហើយខាងគណៈមេធាវីនៅក្នុងប្រទេសថៃក៏បានចេញមុខរិះគន់នាង និងផ្ដល់ដំបូន្មានយ៉ាងម៉ឺងម៉ាត់ផងដែរ។

    ក្រុមអ្នកច្បាប់បានអះអាងថា នារីអាក្រាតគូទលក់ឡេនៅលើបណ្ដាញសង្គមហ្វេសប៊ុកនោះ កំពុងធ្វើខុសច្បាប់យ៉ាងធ្ងន់ធ្ងរ ព្រោះថា បណ្ដាញទំនាក់ទំនងសង្គមសព្វថ្ងៃនេះអាចបញ្ជ្រាបការមើលឃើញទៅដល់កុមារបានដោយងាយ វាជាកត្តាមួយដែលខុសនឹងសីលធម៌សង្គម និងខុសច្បាប់មាត្រាទី 14 នៃប្រទេសថៃ ដែលត្រូវមានទោសជាប់ពន្ធនាគារមិនលើសពី 5 ឆ្នាំ ឬ ត្រូវពិន័យជាទឹកប្រាក់ 100,000 បាតទៀតផង។

    ទន្ទឹមនឹងការរិះគន់នេះ នារីអាក្រាតគូទលក់ឡេរូបនោះបានបញ្ជាក់ប្រាប់អ្នកសារព័ត៌មានថា នាងគ្មានចេតនា ឬមានបំណងបង្កភាពអសីលធម៌នៅក្នុងសង្គមទេ ហើយនាងក៏មិនចង់ទាក់ទាញដើម្បីភាពល្បីល្បាញអ្វីដែរ ពោលគឺនាងគ្រាន់តែចង់បង្ហាញប្រាប់ថា “ខ្មៅត្រង់ចំណុចណា លាបត្រង់នោះទៅ នឹងសឡើងហើយ”។ នាងបន្ដថា «ការពិតទៅ ក្នុងការធ្វើការងារ គឺមនុស្សម្នាក់ៗមានបែបបទដោយឡែករៀងៗខ្លួន តែបើមើលទៅមិនទំនង និងមិនល្អនោះ នាងខ្ញុំក៏សូមអភ័យទោសផងចុះ ប៉ុន្ដែសូម្បីតែ Net Idol ឬតារាដែលថតអាក្រាតកាយទាំងស្រុងនោះ ក៏វាជាការធ្វើការងាររបស់ពួកគេដែរ និងមានអ្នកខ្លះថតស្រាតសាហាវៗជាងខ្ញុំទៀតផង ចុះម្ដេចពួកត្រូវបានរិះគន់តិចជាងនាងខ្ញុំម្ល៉េះ? មានអ្នកខ្លះទៀត ជេរនាងខ្ញុំខ្លាំងៗ តែចុងក្រោយបែរជាមកទិញផលិតផលដែលនាងខ្ញុំលក់នេះដដែល»។

    ជាចុងក្រោយនារីរូបនេះបានបញ្ជាក់បន្ថែមថា «ប្រសិនបើមិនចូលចិត្ត គឺមិនបាច់តាមដានមើលនាងខ្ញុំទេ។ នាងខ្ញុំធ្វើការងារដើម្បីចិញ្ចឹមគ្រួសារ មិនបានសូមឱ្យអ្នកណាមកស្រឡាញ់ចូលចិត្តឡើយ ព្រោះនាងខ្ញុំគិតថា នាងខ្ញុំធ្វើបានល្អបំផុតហើយ តែប្រសិនវាជាទង្វើខុសច្បាប់ និងខុសសីលធម៌នោះ នាងខ្ញុំសូមអភ័យទោស តែបើឱ្យឈប់​ Live លក់ឡេនេះនោះ គឺមិនអាចទៅរួចទេ តែនឹងមិនធ្វើឱ្យខុសក្រមសីលធម៌ទេ»៕