Author: អេបិល

បន្ទាប់ពីលោកឪពុករបស់តារាចម្រៀង ករុណា ពេជ្រ បានចូលសម្រាកព្យាបាលនៅក្នុងមន្ទីរពេទ្យជប៉ុនសាន់រ៉ាយភ្នំពេញ អស់រយៈពេលជាច្រើនថ្ងៃ និងមានការយកចិត្តទុកដាក់ជាខ្លាំងពីសំណាក់លោកគ្រូពេទ្យ-អ្នកគ្រូពេទ្យនៅទីនោះមួយរយៈមក ខណៈនេះស្ថានភាពជំងឺរបស់លោកឪពុកមានសភាពធូរស្បើយ និងអាចចេញមកខាងក្រៅមន្ទីរពេទ្យបានហើយ។

តាមរយៈរូបភាពជាច្រើនសន្លឹកដែលបានបង្ហោះនៅលើគណនីហ្វេសប៊ុករបស់តារាប្រុសរូបនេះ នៅថ្ងៃទី7 ខែកុម្ភៈ ឆ្នាំ 2018 នេះ​ បានបង្ហាញឱ្យឃើញពីភាពកត្តញ្ញូដឹងគុណចំពោះលោកឪពុក ដោយការយកចិត្តទុកដាក់មើលថែជំងឺទាំងក្នុងមន្ទីរពេទ្យ និងខាងក្រៅផងដែរ។ លោក ករុណា ពេជ្រ បានរៀបរាប់ពីលើរូបភាពឪពុកដែលកំពុងអង្គុយនៅលើរទេះរុញថា «អរុណសួស្តី …ហាត់ប្រាណពេលព្រឹកព្រលឹមជាមួយប៉ាខ្ញុំអត់..??»។

តារាប្រុសរូបនេះក៏បានបញ្ជាក់ផងដែរថា លោកសូមអរគុណចំពោះលោកគ្រូពេទ្យ-អ្នកគ្រូពេទ្យ ដែលបានជួយសម្រួលគ្រប់បែបយ៉ាង និងយកចិត្តទុកដាក់ដល់ស្ថានភាពជំងឺឪពុករបស់លោក៕

បើតាមគណនីហ្វេសប៊ុករបស់ប្អូនស្រី  រ៉ន ចាន់ឌីន នៅពេលថ្មីនេះ បានឱ្យដឹងថា កាលពីថ្ងៃ5 ខែកុម្ភៈ ឆ្នាំ2018 នាងតូចក៏បានចូលរួមក្នុងពិធីមង្គលការមួយដែលមានថ្នាក់ដឹកនាំធំៗ និងមានកិត្តិយសចូលរួមផងដែរ ដែលនៅពេលនោះ សម្ដេច ហ៊ុន​ សែន ព្រមទាំងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ដល់ភាពកក់ក្ដៅ និងអនុញ្ញាតឱ្យពួកគេបានថតរូបសែលហ្វ៊ីជាមួយ។ នាងតូច ចាន់ឌីន បានរៀបរាប់ថា «នាងខ្ញុំសូមថ្លែងអំណរគុណចំពោះសម្ដេចតា និងលោកជំទាវយាយ ដែលបានផ្ដល់ភាពកក់ក្ដៅ និងអាណិតស្រឡាញ់ចៅ សូមជូនពរដល់សម្ដេចតា នឹងលោកយាយជំទាវ មានអាយុយឺនយូរអង្វែងជាម្លប់នៃកូនចៅតទៅទៀត»។

យ៉ាងណាមិញនៅក្នុងពិធីមង្គលការនោះដែរកុមារា ឡុង លីគ័ង្គ  ក៏បានចូលរួម និងបង្ហោះរូបថតជាច្រើនសន្លឹកនៅលើទំព័រហ្វេសប៊ុករបស់ខ្លួនដែលបង្ហាញឱ្យឃើញពីការថតរូបសែលហ្វ៊ីជាមួយសម្ដេច ហ៊ុន​ សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងថ្នាក់ដឹកនាំជាច្រើនរូបទៀតផងដែរ។

ដើម្បីឱ្យកាន់តែជាក់ច្បាស់នោះ សូមទស្សនារូបភាពទាំងឡាយខាងក្រោម៕

តាមរយៈបណ្ដាញទំនាក់ទំនងសង្គមហ្វេសប៊ុករបស់អតីតបេក្ខភាពកម្មវិធីប្រឡងចម្រៀងលំដាប់ពិភពលោក The Voice Kids Cambodia កុមារី សុខ សុជាតា នៅថ្ងៃទី7 ខែកុម្ភៈ ឆ្នាំ2018 នេះ បានឱ្យដឹងថា តារាចម្រៀងវ័យក្មេងរបស់ផលិតកម្មរស្មីហង្សមាសរូបនេះ បានចូលរួមច្រៀងនៅក្នុងកម្មវិធីមង្គលការមួយ​ ដែលមានការចូលរួមជាកិតិ្តយសពីសំណាក់ប្រមុខដឹកនាំ និងមន្ដ្រីធំៗជាច្រើន។

ដោយឡែកតាមរយៈរូបភាពជាច្រើនសន្លឹករបស់នាងតូចរូបនេះ បានបង្ហាញឱ្យឃើញថា រូបនាងទទួលបានឱកាសល្អពី សម្តេចហ៊ុន សែន ព្រមទាំងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអនុញ្ញាតឱ្យនាងតូច រួមទាំងកុមារា ពេជ្រ ថៃ និងឡុង លីគ័ង្គ បានចូលជួបសំណេះសំណាលដោយផ្ទាល់ ព្រមទាំងបានឧបត្ថម្ភជាទឹកប្រាក់ក្នុងម្នាក់ 1ពាន់ដុល្លារទៀតផង។

នាងតូចជាម្ចាស់បទ “ផ្កា” រូបនេះបានបង្ហោះសារនៅលើហ្វេសប៊ុកផ្ទាល់ថា «ចៅសូមអរគុណ លោកតាសម្ដេច និងលោកយាយជំទាវដែលបានឧបត្ថម្ភប្រាក់ចំនួន1,000ដុល្លារដល់ចៅ ក្នុងពីធីជប់លៀងមង្គលការកាលពីយប់មិញ ចៅសូមជូនពរលោកតាសម្ដេច និងលោកយាយជំទាវ មានសុខភាពល្អ កម្លាំងមាំមួន អាយុយឺនយូរ»៕

តាមរយៈបណ្ដាញសង្គមយូធូបនៅថ្ងៃទី7 ខែកុម្ភៈ ឆ្នាំ2018 នេះ បានឱ្យដឹងថា ថ្មីៗនេះមានការរិះគន់ចំពោកូនស្រី​តារា​កំប្លែង​នាង អ៊ីត ឈ្មោះ កាឆែត ដែលបានបង្ហាញវត្តមានច្រៀងនៅក្នុងកម្មវិធីប្រគំតន្រ្តីរបស់ស្ថានីយទូរទស្សន៍ MY TV  ដែលនាងបានបកស្រាយបទចម្រៀងជាភាសាខ្មែរលាយថៃ គឺបទ «អតីត»។

ការិះគន់លើការច្រៀងបទជាភាសាអង់គ្លេសកាលពីពេលកន្លងទៅ​ថ្មីៗ​នេះ​មិនទាន់ទាំងរលត់បាត់ផង រូបនាងក៏ត្រូវរង​​ការរិះគន់​ថែមទៀត ហើយ​រឹតតែ​ខ្លាំង​ជា​ង​មុន​ទ្វេដងទៅទៀត ដោយសារតែ​ច្រៀង​បទ​ខ្មែរ​លាយ​ភាសា​ថៃ មាន​ចំណងជើង​ថា «​អតីត​» ដែល​មហាជន​បាន​និយាយថា ​ច្រៀង​ដូច​បន្លំៗ​ឱ្យតែបាន។ អ្នកខ្លះបានរិះគន់ថា «ច្រៀងបទថៃដូចឆ្គួត។ ច្រៀងបន្លំហើយធ្វើតុងមិនសមអីបន្តិច។ ច្រៀងបន្លំច្រីនឃ្លាខ្លំាងណាស់ប្អូន»។ តែទន្ទឹមនឹងមានការរិះគន់ធ្ងន់ៗនេះ ក៏មានមហាជនមួយចំនួនបានប្រើពាក្យលើកទឹកចិត្តផងដែរថា ចូរប្អួនស្រីខិតខំហ្វឹកហាត់បន្ថែមទៀត ព្រោះថា ប្អូននៅក្មេង និងមានឱកាសដុសខាត់ទេពកោសល្យបន្ថែមទៀត ដើម្បីបំពេញសេចក្ដីត្រូវការរបស់មហាជនជាអ្នកគាំទ្រ។

តើ​ការរិះគន់ទាំងប៉ុន្មានរបស់មហាជនទៅលើកូនស្រី​តារា​កំប្លែង នាង​អ៊ីត គឺកញ្ញា កាឆែត នេះ ពិតជា​​ដូច​ការលើកឡើង​មែន ឬ​មិនមែននោះ សូមទស្សនា​វីដេអូ​ខាងក្រោមនេះ៖

https://www.youtube.com/watch?v=8Vs7Q9qPOxc&t=415s

ពិតជាមិនធម្មតាឡើយ សម្រាប់ការប្រសោបយកភាពល្បីល្បាញក្នុងយុគសម័យ​​ដែលមានការប្រកួតប្រជែងខ្លាំងនាពេលបច្ចុប្បន្ននេះ ព្រោះតារាចម្រៀងចាស់ថ្មីគរដូចភ្នំ ឯបទចម្រៀងវិញស្ទើរតែរាប់លែងអស់ទៅហើយសម្រាប់បទកំពុងល្បីៗ ហើយសម្រាប់មិនល្បីវិញ គឺកុំនឹកដល់តែម្តង។

ងាកមកកញ្ញា បាន មុន្នីល័ក្ខ វិញនោះ បទចម្រៀងនៅក្នុងទ្រនំហង្សមាសរបស់នាង ទោះបីជាពីរោះៗ និងចេញស្ទីលឡូយៗក្តី តែក៏ដូចជាមិនអាចហក់លោតជាមួយនឹងតារាផ្សេងទៀតដែលផលិតកម្ម​កំពុងលើកស្ទួយខ្លាំងបានឡើយ ហេតុដូច្នេះហើយទើបនាងហាក់ដូចជាមិនបង្អង់ដៃឡើយ ដោយងាក​ទៅច្រៀងបទ Cover បន្ថែម ដើម្បីបង្ហោះច្បាមយកប្រជាប្រិយភាពក្នុង Youtube និង Facebook ជាដើមវិញ។

អ្វីដែលជាភាពវិជ្ជមាននោះ គឺនាងមិនខាតកម្លាំងឡើយ ព្រោះបទ Cover មួយណាក៏ដោយ ក៏ពីរោះរណ្តំចិត្ត ហើយបើនិយាយពីបទ Cover ពីភាសាថៃវិញ…ក៏មានអ្នកទស្សនារាប់​លាន​ Views ក្នុង Youtube ដែរ ដែលវាពិតជារឿងដ៏គួរឱ្យរីករាយខ្លាំងណាស់សម្រាប់នាង និងអ្នកគាំទ្រ​សំឡេងដ៏ផ្អែមមុតខុសប្លែកពីគេរបស់កញ្ញា បាន មុន្នីល័ក្ខ ម្នាក់នេះ។

មិនទាន់អស់ទេ បទចាស់ៗក៏ត្រូវបាននាងយកមកច្រៀងជាថ្មី អមដោយសាច់ភ្លេងរណ្តំស្រាលៗ ដោយយកសំឡេងច្រៀងជាគោលដែលធ្វើឱ្យប្រជាប្រិយភាពរបស់នាងនឹងកាន់តែហក់លោតឡើង ជាពិសេសគឺការផ្តល់សិទ្ធិដល់ម្ចាស់ដើមយ៉ាងត្រឹមត្រូវ ធ្វើឲ្យនាងអាចបន្តការងារនេះដោយគ្មានបញ្ហាអ្វីនោះឡើយ។ បទថ្មីៗដែលបានយកមក Cover បន្ថែមមានដូចជាបទ “កុំស្ដាយចិត្តស្មោះ” របស់រាជិនីសំឡេងមាស ម៉េង កែវពេជ្ជតា៕

តាមរយៈបណ្ដាញសង្គមវីដេអូយូធូប នៅពេលថ្មីនេះៗពិតជាធ្វើឱ្យមានការភ្ញាក់ផ្អើលខ្លាំងមែនទែន នៅពេលដែលវិនាទីចុងក្រោយនៃការផ្ដល់បទសម្ភាសពីជីវិតពិតរបស់លោក ជួប ចាន់​កក្កដា ហៅ រ៉ូ​លីន ​ជាតារា​កិត្តិយស​ក្នុង​កម្មវិធី «​ស៊ី​អារម្មណ៍​» របស់​ស្ថានីយទូរទស្សន៍ PNN ត្រូវបានលោកពិធីករ ប៉ែន ចំរុង ពញ្ញាក់អារម្មណ៍ដោយការបន្លាចសត្វ​ជីងចក់​ ជាសត្វដែលតារាភេទទីបីរូបនេះខ្លាចជាងគេបំផុតនៅលើពិភពលោក។

តាមរយៈវីដេអូនោះដែរ អ្នកនាង រ៉ូ​លីន បានបង្ហាញពីទេពកោសល្យកំប្លែងលេង ដោយធ្វើតាមសំណូមពររបស់លោកពិធីករ ក្នុងការត្រាប់សំឡេងតារាចម្រៀងស្រី និងនិយាយភាសាបរទេសជាច្រើនភាសាដែលមិនអាចប្រើការបានសោះឡើយ។ ហើយកាន់តែគួរឱ្យចាប់អារម្មណ៍ខ្លាំងទៀតនោះគឺ កាយវិការសិចស៊ីដ៏រោលរាលដែលតារារូបនេះបានសម្ដែងត្រាប់តាមជនជាតិជប៉ុនជូនប្រិយមិត្តទស្សនិកជនបានទស្សនាសើចសប្បាយ រួមជាមួយលោក ប៉ែន ចំរុង ផងដែរ។

តែមិននឹកស្មានសោះថា វិនាទីចុងក្រោយនៃបទសម្ភាស តារាសំឡេងស្រី រូបប្រុសម្នាក់នេះ បានញញើត​ និងភ័យ​ខ្លាចសត្វជីងចក់រហូតដល់​ថ្នាក់​លោត​ជើង​ពីរ​ជើង​បី មិនប្រយ័ត្នក៏ធ្វើឱ្យលេចរបស់សំខាន់នៅចំកណ្ដាលអេក្រង់ទូរទស្សន៍តែម្ដង។ ចង់ដឹងថា ហេតុការណ៍ដ៏គួរឱ្យចាប់អារម្មណ៍នេះយ៉ាងណានោះ សូមទស្សនាវីដេអូខាងក្រោមនេះបន្ថែមទៀត៖

https://www.youtube.com/watch?v=wuRx39oJ96A&t=13s

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី5 ខែកុម្ភៈ ឆ្នាំ2018នេះ បានឱ្យដឹងថា អតីតអ្នកអានព័ត៌មានអន្តរជាតិដ៏ល្បីឈ្មោះរបស់ស្ថានីយទូរទស្សន៍កម្ពុជា(ទទក)គឺ លោកស្រី រស់ សោភនី បានទទួលមរណភាពហើយនៅថ្ងៃម្សិលមិញនេះ នាវេលាម៉ោង12ថ្ងៃត្រង់ នៅក្នុងប្រទេសបារាំង ដោយសាររោគាពាធ។

បើតាមគណនីរបស់ឯកឧត្តម ខៀវ កាញារីទ្ធ រដ្ឋមន្ត្រី​ក្រសួង​ព័ត៌មានបានបង្ហាញសំណេររំលែកទុក្ខយ៉ាងក្រៀមក្រំមួយនៅលើគណនីហ្វេសប៊ុកថា ៖ «យើង​ជា​មិត្ត​រួម​វិទ្យាល័យ​ ឥន្ទ្រទេវី​ ជាមួយ​គ្នា​នៅ​ទសវត្សរ៍​ 60​ យើង​ជា​សហសេវិក​លើ​សមរភូមិ​សតិអារម្មណ៍​ជា​មួយ​គ្នា​នៅ​ទសវត្សរ៍​ 80​ យើង​ជា​ក្រុម​តែមួយ​ក្រោយ​សម័យ​អ៊ុនតាក់​ ពេល​នេះ​លោកស្រី​ទៅរង់ចាំ​ពួកយើង​មុន​ យើង​​នឹង​ខិតខំ​បំពេញ​ទំហេង​ដ៏​ធំធេង​ដែល​លោក​ស្រី​បានទុកនៅទីនេះ​ ។ តែ​ពួកយើង​មិន​ឱ្យ​លោក​ស្រី​ខកចិត្ត​ឡើយ​ »។

នៅក្នុងឱកាសដ៏មហាសែនសោកសៅនេះ សារព័ត៌មាន និងគេហទំព័រ ឡារ៉ែន សូមចូលរួមរំលែកទុក្ខដ៏ក្រៀមក្រំនេះ ចំពោះក្រុមគ្រួសារលោកស្រី រស់ សោភនី  និងសូមឧទ្ទិសឱ្យវិញ្ញាណក្ខន្ធលោកស្រីបានអញ្ជើញទៅកាន់សុខគតិភពកុំបីអាក់ខានឡើយ៕

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាចម្រៀងប្រចាំផលិតកម្មថោនលោក ករុណា ពេជ្រ នៅថ្ងៃទី5 ខែកុម្ភៈ ឆ្នាំ2018នេះ បានបង្ហោះរូបភាពមួយសន្លឹក ដែលស្ដែងឱ្យឃើញពីក្រុមហ៊ុនទូរស័ព្ទក្នុងស្រុកមួយបានសរសេរអក្សរខុសបច្ចេកទេស ដែលគេមើលឃើញហើយគួរឱ្យចង់សើចយ៉ាងខ្លាំង។

ដោយឡែកតាមរយៈរូបភាពនោះ និងសារនៅលើហ្វេសប៊ុកតារាប្រុសរូបនេះបានសរសេរថា​ «លាហើយសៀមរាប …..ក្រុមហ៊ុន Metfone សរសេរអក្សរខុសបច្ចេកទេសហើយ ហាហាហា…ក្រឡាន ឈ្ងុយឆ្ងាញ់ មិនមែន ក្រឡាន ឆ្ងុយឆ្ងាញ់ ទេ ហាហាហា..»។

គួរកត់សម្គាល់ផងដែរថា ដោយសារតែមានភាពមមាញឹកច្រើនជាមួយការងារនៅក្នុងខេត្តសៀមរាប ក្នុងការគ្រប់គ្រងជំនួញផ្សាររាត្រីកុងតឺន័រ ទើបធ្វើឱ្យតារាប្រុសរូបនេះឡើងចុះខេត្តសៀមរាប និងវិលមកភ្នំពេញវិញញឹកញាប់ ដើម្បីមើលថែរក្សាលោកឪពុកដែលកំពុងសម្រាកព្យាបាលនៅក្នុងមន្ទីរពេទ្យ ដែលខណៈនេះ លោកបានដឹងខ្លួនវិញហើយ៕

តាមរយៈបណ្ដាញទំនាក់ទំនងសង្គមអ៊ីនស្ដាក្រាមរបស់តារាចម្រៀងថ្មីវ័យក្មេងប្រចាំផលិតកម្ម រស្មីហង្សមាស លោកសុវត្ថិ មុនីវណ្ណ នៅថ្ងៃទី5 ខែកុម្ភៈ ឆ្នាំ2018នេះ បានបង្ហោះរូបភាពមួយសន្លឹកដែលអ្នកគាំទ្ររបស់តារាចម្រៀងរូបនេះបានផ្ញើរូបភាពស្នាមសាក់ឈ្មោះរបស់សុវត្ថិ មុនីវណ្ណមកកាន់រូបលោកផ្ទាល់ ដែលស្ដែងឱ្យឃើញពីទំហំនៃទឹកចិត្តស្រឡាញ់ចំពោះរូបលោកខ្លាំងដល់កម្រិតណា។

លោក សុវត្ថិ មុនីវណ្ណ បានបញ្ជាក់នៅលើអ៊ីនស្ដាក្រាមរបស់លោកថា «sovathmonivann ខ្ញុំពិតជាអរគុណខ្លាំងណាស់ចំពោះការគាំទ្រ និងស្រឡាញ់មកលើរូបខ្ញុំ#imreallysuprisedandappreciate #tattoo#tattoofromfan»។ យ៉ាងណាមិញគួរបញ្ជាក់ផងដែរថា តាមរយៈ Comment នៅខាងក្រោមរូបភាពនេះគេបានសង្កេតឃើញថា ស្នាមសាក់ដែលបង្ហាញពីសេចក្ដីស្រឡាញ់មួយរបស់អ្នកគាំទ្រនោះ គឺជាស្នាកសាក់នៅលើដៃរបស់មនុស្សស្រីដែលមានគណនីអ៊ីនស្ដាក្រាមឈ្មោះថា “dhiidiinet” ឬមានឈ្មោះពិតថា ធីឌីនេត។

សូមជម្រាបបន្ថែមថា តាមរយៈរូបស្នាមសាក់មួយនេះមើលទៅពិតជាមិនធម្មតាមែន ដែលសុវត្ថិ មុនីវណ្ណទើបតែហក់ចូលសិល្បៈមិនទាន់បានប៉ុន្មានផង ក៏ស្រាប់តែមានហ្វ៊ែនហ៊ានលះបង់ដោយការសាក់ឈ្មោះអាយដលរបស់ខ្លួននៅលើដៃបែបនេះទៅហើយ។ ដើម្បីឱ្យកាន់តែជាក់ច្បាស់សូមទស្សនារូបភាពខាងក្រោមនេះ៖

ខ្ញុំពិតជាអរគុណខ្លាំងណាស់ ចំពោះការគាំទ្រ និង ស្រលាញ់មកលើរូបខ្ញុំ 🙏❤ #imreallysuprisedandappreciate #tattoo #tattoofromfan

A post shared by @ sovathmonivann on Feb 3, 2018 at 3:26am PST

See you guys on live concert really soon #thanks you for your support ❤️🙏🏻

A post shared by @ sovathmonivann on Jan 18, 2018 at 6:06am PST

Thanks you 🙏🏻 for your everything #fans❤️

A post shared by @ sovathmonivann on Jan 13, 2018 at 3:39am PST

A post shared by @sovathmonivann on Jan 7, 2018 at 9:04pm PST