Author: អេបិល

តាមរយៈបណ្ដាញទំនាក់ទំនងសង្គមហ្វេសនៅថ្ងៃទី 14 ខែកុម្ភៈ​ ឆ្នាំ 2018 នេះ បានឱ្យដឹងថា បន្ទាប់ពីតារាសម្ដែងប្រុស ឈួន ពន្លឺ បានបង្ហោះរូបភាពជាច្រើនសន្លឹកនៅលើគណនីផ្ទាល់របស់លោក ដែលកំពុងតែក្រាបសំពះផ្ទឹមសែនចងដៃជាមួយលោកពិធីករស្ថានីយទូរទស្សន៍ហង្សមាស នាង វ៉ាងសាន់ បានធ្វើឱ្យអ្នកគាំទ្រ និងសិល្បករជាច្រើននាក់ទៀត មានភាពភ្ញាក់ផ្អើល និងស្រឡាំងកាំងយ៉ាងខ្លាំង ដោយមិនបានដឹងប្រាកដថា អ្នកទាំងពីរមានទំនាក់ទំនងស្នេហាជាមួយគ្នាពិតមែន ឬគ្រាន់តែជាការសម្ដែងបំភ័នភ្នែកមហាជនក៏ថាបាន។

តែយ៉ាងណាមិញ នៅមិនសុខស្រាប់តែតារាកំប្លែង និងពូកែថ្វីមាត់ ម៉ាដូណា បានចេញមុខពន្លះអតីតប្រុសស្នេហ៍ទាំងពីរនេះនៅលើហ្វេសប៊ុក ក្រោយពេលបានឃើញរូបសំពះផ្ទឹមហើយថា « នឹកទ្បើងហួសចិត្ត ពន្លឺគឺជាសង្សារចាស់ខ្ងុំ 5ឆ្នាំមុន វាន់សាន់ទើបតែទាក់ទងជាមួយខ្ញុំបាន2ឆ្នាំនេះទេ តែខ្ញុំនឹកស្មានមិនដល់ថាពីរនាក់នឹងទាក់ទងជាមួយគ្នារហូតដល់សែនព្រេងមានចាស់ទុំទទួលស្គាល់ សំខាន់ Facebook block ខ្ងុំចោលទាំងពីរនាក់ទៀត ហែងក្បត់អញបាន តែអញឱ្យហែងទាំងពីរនាក់ល្បីទោះពុំមានការបង្ហោះក្នុង Facebook យើងក៏ដោយ ក៏មានមិត្តខ្ញុំយករូបឱ្យខ្ញុំដែល សូមជួយ shares ឱ្យបុរសលាក់មុខទាំងពីរនាក់នេះល្បីផង អញមិនគួរទ្បើយជឿសំដីយើងទាំងពីរសោះ »៕

បើតាមរយៈទំព័រហ្វេសប៊ុក សមាគមមិត្តសិល្បៈស្ម័គ្រចិត្តជួយសង្គម  នៅថ្ងៃទី13 ខែកុម្ភៈ ឆ្នាំ2018នេះ បានឱ្យដឹងថា លោក​ អ៊ឹម​ ជីវ៉ា​ តំណាងឱ្យ​សមាគមសិល្បករខ្មែរបានយកថវិកាមូលនិធិសិល្បករចាស់ជរា​ទៅប្រគល់ជូនដល់លោកយាយ​ សាន​ គឹមហួយ​ ដែលលោកយាយគឺជាសិល្បការិនីផ្នែកចម្រៀងបុរាណ និងកាត់សក់ជំនាន់មុន​។

នៅក្នុងនោះ មានថវិកាចំនួន 40ម៉ឺនរៀលដែលបានឧបត្ថម្ភដោយ​លោក​ ពេជ្រ​ កែវមុនី​ អភិបាលខណ្ឌមានជ័យផងដែរ។ ក្នុងឱកាសនេះផងដែរ យើងខ្ញុំទាំងអស់គ្នាសូមថ្លែងអំណរអរគុណដល់សប្បុរសជនទាំងអស់ដែលបានជួយឧបត្ថម្ភដល់សិល្បករចាស់ជរា ជាពិសេសសូមថ្លែងអំណរគុណដល់ សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ដែលបានឧបត្ថម្ភថវិកា 1ឆ្នាំ 5ម៉ឺនដុល្លារ ដើម្បីទ្រទ្រង់ដល់សិល្បករចាស់ជរា។  

ដើម្បីឱ្យកាន់តែជាក់ច្បាស់បន្ថែមទៀត សូមទស្សនារូបភាពទាំងឡាយខាងក្រោមនេះ៖

នាពេលបច្ចុប្បន្ននេះគេសង្កេតឃើញថា តារាសម្ដែងស្រី ដួង ម៉ានិច កាន់តែមានប្រជាប្រិយភាពខ្លាំងជាងមុនទៅទៀត ដោយសារតែកញ្ញាបានបង្ហាញវត្តមានជាញឹកញាប់នៅលើវិស័យសិល្ប: មិនថាតែការសម្តែងខ្សែភាពយន្ត ការថតស្ប៉ត សម្អាងការផ្សេងៗ ឡើងកូដរហូតទទួលបានការគាំទ្រពីទស្សនិកជនទាំងក្នុងស្រុក និងក្រៅស្រុកយ៉ាងច្រើន ជាពិសេសគឺបងប្អូនខ្មែរដែលរស់នៅលើទឹកដីសហរដ្ឋអាមេរិកតែម្ដង។ ទន្ទឹមនឹង​រាសីឡើ​ង​ខ្ព​ស់ត្រ​ដែ​ត​មានហុងស៊ុយនេះ ស្រាប់តែមានដំណឹងខ្សឹបខ្សៀវមួយដែលសារព័ត៌មាន ឡារ៉ែន ទទួលបានដែលលេចឮមកថា នាងកំពុងត្រៀមឡើងផ្ទះវីឡាថ្មីប្រណីតមួយទៀតចុ​ង​ខែ​​​កុ​ម្ភៈនេះ​ ក្នុងបុ​រី​ប៉េ​ង​ហួ​ត​បឹ​ង​ស្នោ​​ ខណ្ឌច្បារអំពៅ រាជធានីភ្នំពេញ។​​​

​​ប្រ​ភ​ពច្បា​​ស់កា​រដែល​នឹ​ង​ត្រូ​វ​ទៅ​ចូ​ល​រួ​ម​​​ក្នុ​ង​ពិធី​ឡើ​ង​គេ​ហ​ដ្ឋា​នថ្មី​​រប​ស់​ ​ដួ​ង​ ​ម៉ា​​និច​ ដែរនោះ​បា​ន​ប​ញ្ជា​ក់​ប្រា​ប់​ថា​ ​តា​រា​ស្រី​រូ​ប​នេះ​មា​ន​ក​ម្ម​វិ​ធី​ឡើ​ង​​ផ្ទះ​ថ្មីរ​ប​ស់​នា​ង​នៅ​ថ្ងៃ​ទី​23 ខែ​​កុម្ភៈ​ ​ឆ្នាំ​​​2018​ ​ដែ​ល​ធ្វើ​ឡើ​ង​នៅ​ក្នុងបុ​រី​ប៉េ​ង​ហួ​ត​ ​បឹ​ង​ស្នោ​រតែម្ដង​ ​ដោយត្រៀមចំណាយជាច្រើ​នម៉ឺ​​នដុ​ល្លា​រ​​​សហរដ្ឋអា​មេ​រិ​ក​ ​។​​​ សូមជម្រាបបន្ថែមថា ខណៈនេះ ម៉ោងនេះដែរ សារព័ត៌មានឡារ៉ែន ពុំទាន់អាចទាក់ទងសុំការបញ្ជាក់បន្ថែមចំពោះរឿងនេះពីកញ្ញា ដួង ម៉ានិច បាននៅឡើយទេ៕

តាមរយៈហ្វេសប៊ុករបស់តារាសម្ដែងស្រី តូតា នៅពេលថ្មីៗនេះ បានឱ្យដឹងថា មិត្តភក្ដិសំណព្វចិត្តរបស់នាង បាននាំគ្នារៀបចំកម្មវិធីពញ្ញាក់អារម្មណ៍តារាស្រីរូបនេះនៅក្នុងថ្ងៃខួបកំណើតរបស់នាង ដោយបង្កបរិយាកាសភ្ញាក់ផ្អើល និង Surprise មុនមួយខែ។ ដោយឡែកតាមរយៈវីដេអូនិងរូបភាពជាច្រើនសន្លឹកដែលរូបនាងបានបង្ហោះ គេសង្កេតឃើញថា នាងទទួលបានបាច់ផ្កាកុលាបក្រហមធំៗជាច្រើនបាច់ ដែលធ្វើឱ្យអ្នកគាំទ្រច្រឡំថា ជាកាដូនៃថ្ងៃបុណ្យ Valentine’s Day ផងដែរ។

តារាស្រីរូបនេះបានរៀបរាប់បញ្ចាក់នៅលើហ្វេសប៊ុកខ្លួនថា« អត់ដឹងយាយថាម៉េច…..កុំច្រឡំថា ថ្ងៃ valentines ណា៎… គឺ surprise Birthday មុនខែ… ពួកគាត់និយាយថាពូកែដឹង មុនពេក,ចឹង Surprise មុនខែទៅ…កុំអោយអូនឯងដឹងទាន់… ហាហា»។ ដើម្បីឱ្យកាន់តែជាក់ច្បាស់បន្ថែមទៀត សូមទស្សនារូបភាព និងវីដេអូខាងក្រោមនេះ៖

នៅថ្ងៃម្សិលមិញនេះ នៅលើបណ្តាញសង្គម ហ្វេសប៊ុកមានការភ្ញាក់ផ្អើលខ្លាំង បន្ទាប់ពីបែកធ្លាយដំណឹងថា តារាស្រីចាស់វស្សា អ្នកនាង សូ ដានីតា បានសម្រេចធ្វើអត្តឃាតសម្លាប់ខ្លួន តាមរយៈការលេបថ្នាំ ដោយពុំទាន់ដឹងពីមូលហេតុច្បាស់ថា ជាការពិត ឬគ្រាន់តែការសម្តែងរឿង នៅឡើយទេ។ សារព័ត៌មានជាច្រើនបានលើកឡើងថា តារាស្រី សូ ដានីតា នៅល្ងាចថ្ងៃម្សិលមិញនេះ បានលេបថ្នាំប៉ងសម្លាប់ខ្លួនឯង ដោយផ្ទាល់ តែសំណាងល្អ បានក្រុមគ្រួសារដឹងទាន់ពេលវេលា និងបានដឹកទៅសង្គ្រោះបន្ទាន់ នៅមន្ទីពេទ្យលោកសង្ឃ។

ចំពោះព័ត៌មានដ៏ភ្ញាក់ផ្អើលនិងរសើបនេះដែរ ភ្លាមៗនោះក៏មានការបង្ហោះ ចែករំលែកយ៉ាងកក្រើកពេញបណ្តាញសង្គមហ្វេសប៊ុកផងដែរ តែយ៉ាងមិញគ្មានការបញ្ជាក់ ឬបកស្រាយយ៉ាងច្បាស់ការណាមួយពីសាមីខ្លួនផ្ទាល់នៅឡើយ នាងបានត្រឹមតែប្រាប់អ្នកសារព័ត៌មានថា នាងមិនបានកើតអ្វីនោះឡើយ។ ដោយឡែក បើក្រឡែកទៅមើលមុនពេលផ្ទុះនូវព័ត៌មានដ៏រន្ធត់មួយនេះ តារាស្រីរូបនេះ បានបញ្ចេញសារប្លែកៗ ដែលស្ដែងឱ្យឃើញថា នាងកំពុងតែមានវិប្បត្តិនិងទុក្ខធំ ទំនងជាបាក់ទឹកចិត្តខ្លាំង។

នាងបានរៀបរាប់នៅលើហ្វេសប៊ុកថា «មនុស្សរស់នៅរាល់ថ្ងៃ ប្រាថ្នាក្តីសុខ ក្តីស្រលាញ់ ក្តីនឹក ពីមនុស្សដែលស្គាល់ មនុស្សខ្ញុំ ខ្ញុំតែងតែអោយពេលវេលា ក្តីស្រលាញ់របស់ខ្ញុំទៅអ្នកដ៏ទៃគ្រប់ៗគ្នាដែលខ្ញុំស្គា់ល់ , តែគេវិញ គេមិនដែលខ្វល់ខ្វាយពីយើងឡើយ ទោះយើងធ្វើល្អក៏គេមើលរំលង មនុស្សគ្រប់គ្នាគឺគង់នឹងស្លាប់ ចុះពេលនៅរស់ម៉េចក៏មិនធ្វើល្អនឹងគ្នា? មិនអោយសេចក្តីសុខអោយគ្នាទៅ ចាំបាច់អី មានអ្នកស្លាប់ ហើយម្នាក់និយាយថាស្តាយក្រោយ ហើយមកនិយាយថាសុំទោស ធ្វើអី ? តើសុំទោសមនុស្សស្លាប់ វាបានផលប្រយោជន៍អីទៅ ? តើអ្នកស្លាប់ អាចងើបមក លើកលែងទោសអោយយើងបានទេ ? មនុស្សយើងរស់នៅកើតទុក្ខច្រើនជាងសុខ ពេលស្លាប់ទៅគឺមានតែបុណ្យនឹងបាប ដែលទៅតាមជាមួយកម្មពារ សូមអោយបងប្អូនដែលបានអានហើយ រស់នៅគួរចេះលើកលែងអោយគ្នាផង ! ស្រលាញ់បងប្អូនទាំងអស់គ្នា !!! »។

មិនតែប៉ុណ្ណោះនាងបានទម្លាយសារនៅក្នុងចិត្តជាភាសាថៃ ដែលមានន័យថា « គ្រប់គ្នាកើតមកជាមួយសេចក្ដីប្រាថ្នា ដើម្បីសេចក្ដីសុខ តែគ្មាននរណាគិតពិតប្រាកដថា ប្រសិនបើយើងចង់មានសេចក្ដីសុខ ពួកគេត្រូវការភាពស្ងប់សុខ តែហេតុអ្វីអ្នកមិនយល់ពីខ្លួនឯងសោះអ៊ីចឹង? »៕

ពិតជាភ្ញាក់ផ្អើលបំផុត ដែលតារាសម្ដែងប្រុសធ្លាប់មានរឿងអាស្រូវ ប្រើហឹង្សាលើប្រពន្ធលោក យ៉ែម សំអូន បានបង្ហោះរូបភាពឱបគ្នាយ៉ាងណែបណិតជាមួយនឹងអ្នកនាង សារ៉ាយ សក្ខិណា នៅលើបណ្ដាញទំនាក់ទំនងហ្វេសប៊ុកនៅពេលថ្មីៗនេះ ថែមទាំងបានបង្ហោះសារយ៉ាងវែងអន្លាយ ដែលបានរៀបរាប់ពីរឿងផ្ទៃក្នុងរវាងលោក និងនាងឱ្យមហាជនបានដឹងថែមទៀតផង។

តារាសម្ដែងប្រុសរូបនេះបានទម្លាយរឿងថា «ពិតមែនហើយពេលវេលា ពិតជាដើរលឿនហួសពីការស្មាន កាលវេលារំលងមក១០ឆ្នាំជាងហើយខ្ញុំតែតែងឮពាក្យ មួយមាត់របស់ក្មេងស្រីម្នាក់ថា (ឪ) ដែលមិនប្រែប្រួល ជាមួយដំណើរជីវិតសិល្បៈដ៏ចាក់ស្រេះ បន្ទាប់ពីកូនស្រីបង្កើតតែមួយរបស់ខ្ញុំ ដែលប្រើពាក្យថា (ប៉ាប៉ា)។ ឃើញគាត់ឮសម្តីរបស់គាត់ និយាយជាមួយពេលខ្លះ ខ្ញុំព្យាយាមទប់ដោយអារម្មណ៍ខ្សឹបខ្សួល ប៉ុន្តែនៅពីក្រោយខ្នងមនុស្សផងទាំងពួង ទឹកភ្នែកខ្ញុំក៏ហូរចុះមក ដោយការនឹករឭក កូនបង្កើតខ្លួនឯង!»។

លោក យ៉ែម សំអូន បានបន្តថា «ជារឿយៗខ្លួនខ្ញុំ តែងតែដំណាលរហូតតាំងជួបដំបូងថា គាត់ (សារ៉ាយ សក្ខិណា) និងកូនស្រីខ្ញុំមានចរិត និងនិស្ស័យចេះ គោរពនិងស្រឡាញ់ឪពុកម្ដាយចេះជួយ មនុស្សជុំវិញខ្លួនដូចគ្នាណាស់។ មែនហើយវាសនាជីវិត យើងមើលមិនឃើញថា មិនត្រូវបានហើយគ្រប់គ្រាន់ ហើយសម្រាប់ (ឪ) មិនចាំបាច់លើសហ្នឹងក៏បានព្រោះតាំងពីដំបូង គឺមិនដែលសុំឲ្យមានស្រឡាញ់ហ្នឹងទេ ឯងពិតជាធ្វើឲ្យ(ឪ) និងមនុស្សគ្រប់គ្នារំភើប ដែលយើងមានថ្ងៃនេះ តាំងពីបាតដៃទទេ កម្សត់កម្រ វេទនាមហាសែនកម្សត់ ប៉ុន្តែទាំងនេះហើយ គឺជាភាពជោគជ័យ លាក់ប្រឈមនឹងរឿងរ៉ាវជីវិត»។

យ៉ាងណាមិញបុរសពោះម៉ាយរូបនេះបានជម្រាបបន្ថែមថា «ចំណង់មិត្តភាពការរាប់អាន វាគុណធម៌មួយ ដែលមិនមានសម្រាប់តែពេលផឹកស៊ីជុំគ្នា ឬមានតម្លៃត្រឹមតែស្រាមួយដប៥០ដុល្លារនោះដែរ (នេះជាតម្លៃមនុស្ស) (ឪ) អរគុណគ្រប់យ៉ាងដែលឯង នៅតែរក្សាលំនឹងការស្រឡាញ់មិនប្រួលប្រែតែប៉ុណ្ណឹង គឺគ្រប់គ្រាន់ហើយសម្រាប់ (ឪ) សូមឲ្យមានជោគជ័យ និងមានសុភមង្គល នៅក្នុងជីវិតណាកូនណា (ស្រឡាញ់កូន) <3 sakanasaray!»៕

បន្ទាប់ពីវិលត្រឡប់ចូលសិល្បៈវិញ តារាស្រី សួន​ ភក្ដី ហៅ វីជេ អាណូ ហាក់បីដូចជាមានភាពមមារញឹកនឹងការងារច្រើ​ន ទាំងអាជីពជាពិធីការិនី សម្ដែង និងការគ្រប់គ្រងមុខជំនួញក្នុងដៃពីរបីថែមទៀតផង។ នៅក្នុងនោះ ដែលតារាស្រីធ្លាប់មានកេរ្តិ៍ឈ្មោះល្បីល្បាញរូបនេះ បានទម្លាយរូបភាពជាច្រើនសន្លឹកនៅបណ្ដាញទំនាក់ទំនងហ្វេសប៊ុកផ្ទាល់ខ្លួនរបស់នាង ដែលគេសង្កេតឃើញនាង បានបណ្ដើរកូនស្រីទាំង 2 នាក់ ដើរកម្សាន្ដក្នុងផ្សារទំនើបយ៉ាងមានសេចក្ដីសុខ នឹងគ្នា តែដោយឡែក មិនបានបញ្ចេញរូបភាពស្វាមីរបស់នាងនៅឡើយទេ។

ជាមួយនឹងការទម្លាយមុខកូនស្រី នៅក្នុងបណ្ដាញហ្វេសប៊ុក បានធើ្វឲ្យមហាជន មានការចាប់អារម្មណ៍យ៉ាងខ្លាំង ព្រោះសព្វមួយដង គេមិនដែលឃើញ វីជេ អាណូ ទម្លាយរូបថតនៅតាមប្រព័ន្ធអ៊ីនធឺណែតម្ដងណាឡើយ។ នាងក៏មិនធ្លាប់ បានបញ្ជាក់ដែរថា នាងគឺជាតារាសម្ដែង ដែលមានកូនពីរ ព្រមទាំងមិនប្រាប់ទៀតថា នាងបានចូលរោងការ ពីពេលណា នោះទេ។ យ៉ាងណាមិញ កូនស្រីទាំងពីរ របស់ វីជេ អាណូ កាន់តែមានវ័យធំធាត់ពីមួយថ្ងៃទៅមួយថ្ងៃ ចំណែកឯមុខមាត់វិញ ត្រូវបានមហាជនលើកឡើងថា ស្រស់ស្អាត មិនចាញ់ម្ដាយរបស់គេឡើយ៕

នៅពេលថ្មីៗនេះ តារាសម្ដែង និងច្រៀងប្រុសគឺលោក អេន ឌី កំពុងតែស្ថិតក្នុងជាទីចាប់អារម្មណ៍ខ្លាំងបំផុតរបស់មហាជនអ្នកគាំទ្រ ដោយសារតែលោក បានទម្លាយសកម្មភាពសម្ដែងវីដេអូចម្រៀងយ៉ាងសិចស៊ីរោលរាលនៅលើគ្រែ ជាមួយតារាសម្ដែងស្រី ពេជ្រ អាវីហ្សា។

តែដោយឡែក អ្វីដែលធ្វើអោយមានការភ្ញាក់ផ្អើលខ្លាំងនោះគឺ កាលពីថ្មីៗនេះ លោកបានធ្វើដំណើរកម្សាន្ដទៅប្រទេសថៃ ហើយបានជួប និងថតរូបជាមួយតារាល្បីៗលំដាប់ជួរមុខរបស់ប្រទេសថៃជាច្រើនអ្នក ក្នុងនោះមានដូចជា Mario , James Jirayu , Bella , Boy , ken , popz , Mai Davika , និងតារាល្បីៗជាច្រើនទៀត ។ តែបើនិយាយពីរូបសម្រស់ និង កំពស់របស់លោក អេន ឌី វិញគឺថាមិនចាញ់ទៅនឹងតារាថៃឡើយ ជាហេតុធ្វើអោយទស្សនិកជនមានការលាន់មាត់សរសើរមិនដាច់ពីមាត់តែម្ដង ៕

ដើម្បីឱ្យកាន់តែជាក់ច្បាស់បន្ថែមទៀតសូមទស្សនារូបភាពទាំងឡាយខាងក្រោមនេះ៖

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាស្រី ដេននី ក្វាន់ នៅពេលមុននេះបន្ដិច បានឱ្យដឹងថា តារាស្រីរូបនេះ បានបង្ហោះវីដេអូសម្ដែងដំបូងសារជាថ្មីឡើងវិញ និងបានបង្ហាញពីអារម្មណ៍នឹកនាដល់អនុស្សាវរីយ៍ដែលខ្លួនមានវត្តមានលើវិថីសិល្បៈកន្លងទៅ បន្ទាប់ពីបានក្លាយខ្លួនជាសិល្បៈការិនីដែលជាប់បម្រាមរបស់ក្រសួងវប្បធម៌និងវិចិត្រសិល្បៈ។

តារាស្រីរូបនេះបានរៀបរាប់នៅលើហ្វេសប៊ុកផ្ទាល់ខ្លួនថា « នឹកអនុស្សាវរិយ៍ចាស់ៗដែលធ្លាប់សម្តែងណាស់ នៅសល់តែជាងពីរខែទៀតទេចូលសិល្បះវិញហើយ »។ សូមរំឭកផងដែរថា ក្រសួង​វប្ប​ធម៌ និង​វិចិត្រ​សិល្បៈ​ចេញ​បម្រាម​មួយ​ឆ្នាំ​ក្នុង​​ការ​ហាម​ឃាត់​ក្រុម​ហ៊ុន ឬ​​ផលិត​កម្ម​នានា​ មិន​ឲ្យ​ទទួល​តារា​សម្តែង​ស្រី​សិច​ស៊ី​​​ទើប​តែ​​រះ​ក្នុង​សិល្បៈ​នាង ដេននី ក្វាន់ នៅថ្ងៃទី 2 ខែឧសភា ឆ្នាំ 2017 ដែលរហូតមកទល់ពីនេះ គឺជិតដល់ថ្ងៃដែលនាងបានរួចពីបម្រាមរបស់ក្រសួងវិញហើយ៕