Author: អេបិល

The Prey គឺជាចំណងជើងខ្សែភាពយន្តខ្នាតធំលំដាប់អន្តរជាតិ ដែលត្រូវបានផលិតឡើងដោយផលិតកម្មកងចក្រភាពយន្ត ដែលធ្លាប់ទទួលបានជោគជ័យលើការផលិតរឿង JAILBREAK ទទួលបានពានរង្វាន់ចំនួន5 ។ ដោយឡែកសម្រាប់ខ្សែភាពយន្តខ្នាតធំលំដាប់អន្តរជាតិ The Prey នាពេលនេះ ផលិតករបានជ្រើសរើសយក កញ្ញា ឌី សូនីតា ដែលជាតារាស្រីកម្ពុជាតែម្នាក់គត់ឱ្យចូលរួមសម្ដែងរួមគ្នាជាមួយកំពូលតារាល្បីៗចំនួន 3ប្រទេស រួមមានកម្ពុជា ថៃ និងចិន ជាមួយតំណែងជាតួឯកស្រីនៅក្នុងសាច់រឿង ។

កញ្ញា ឌី សូនីតា ត្រូវបានក្លាយជាតារាស្រីដ៏សំខាន់នៅក្នុងខ្សែភាពយន្តខ្នាតធំលំដាប់អន្តរជាតិ ដែលមានចំណងជើងថា «The Prey» ដែលជាខ្សែភាពយន្តបែបស៊ើបអង្កេត វាយប្រហារគ្នាយ៉ាងគក្រើកតាំងពីដើមរហូតដល់ចប់រវាងក្រុមឧក្រិដ្ឋជន អ្នកទោស និងប៉ូលីស ។ នៅក្នុងខ្សែភាពយន្តដ៏អស្ចារ្យនេះផងដែរ កញ្ញា ឌី សូនីតា ត្រូវបានទទួលតំណែងជាតួអង្គស្រីតាមជួយរំដោះប៉ូលីសជនជាតិចិន ដែលសម្ដែងដោយលោក Gu Shang Wei ដែលជាអ្នកប្រដាល់ថ្នាក់ជាតិនៅប្រទេសចិនជាច្រើនឆ្នាំ និងជាតួឯកដ៏ល្បីឈ្មោះនៅក្នុងខ្សឬភាពយន្ត BLOOD DESTINY ដែលក្លាយជាអ្នកទោសជាប់គុកនៅប្រទេសថៃ។

នៅក្នុងពិធីសន្និសីទប្រកាសចាប់ដំណើរការថតសាច់រឿងកាលពីពេលកន្លងទៅ ស្រីស្រស់សម្បុរស្រអែម កញ្ញា ឌី សូនីតា បានបង្ហាញពីអារម្មណ៍រំភើបយ៉ាងដូច្នេះថា ៖ «ខ្ញុំពិតជារំភើបមែនទែន ដែលបានបង្ហាញវត្តមាននៅក្នុងខ្សែភាពយន្តលំដាប់អន្តរជាតិ ដែលនេះវាជាបទពិសោធន៍ថ្មីរបស់ខ្ញុំ ។ ខ្ញុំនឹងព្យាយាមសម្ដែងឱ្យអស់ពីលទ្ធភាពដើម្បីទទួលបានការគាំទ្រពីទស្សនិកជន »។ កញ្ញាបានបន្តទៀតថា ៖ «ខ្ញុំជឿជាក់ថា រឿងនេះនឹងទទួលបានការគាំទ្រច្រើនពីបងប្អូនទស្សនិកជន ព្រោះបើតាមសាច់រឿងដែលខ្ញុំបានមើលគឺពិតជាល្អបំផុត ហើយម៉្យាងទៀតទាំងអ្នកដឹកនាំសម្ដែង អ្នកកាន់ម៉ាស៊ីនថត សុទ្ធតែជាអ្នកជំនាញធ្លាប់ទទួលបានពានរង្វាន់ទាំងអស់» ។

លោក Jimmy Henderson ដែលជាអ្នកដឹកនាំរឿង បានឱ្យដឹងថា ឈុតដំបូងដែលត្រូវចេញថតគឺត្រូវធ្វើឡើងនៅត្រឹមថ្ងៃទី07 ខែមីនា ក្នុងខេត្តកោះកុង ដែលជាតំបន់ព្រែភ្នំ និងមានទឹកជ្រោះ។ ជាមួយគ្នានេះ លោកក៏បានបង្ហាញពីជំនឿជឿជាក់យ៉ាងមុតមាំថា រឿង The Prey នឹងទទួលបានជោគជ័យ ព្រោះផ្អែកតាមបទពិសោធន៍កាលពីពេលកន្លងទៅ ជាពិសេសការទទួលបានជោគជ័យលើការបញ្ចាំងរឿង  រឿង JAILBREAK ដែលបានបង្ហាញខ្លួននៅក្នុងសាលលមហោស្រពអន្តរជាតិជាង20 រួមជាមួយនឹងការទទួលបានពានរង្វាន់ឆ្នើមចំនួន5។ ដូច្នេះសម្រាប់ រឿង The Prey គឺមិនពិបាកក្នុងការគៀងគរប្រជាប្រិយភាពនោះទេ ៕

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី 7 ខែមីនា ឆ្នាំ 2018 នេះ​បានឱ្យដឹងថា នាថ្ងៃម្សិលមិញនេះ សិល្បករ សិល្បការនីជាច្រើន បានបង្ហាញវត្តមានដើម្បីអបអរទិវាវប្បធម៌ជាតិលើកទី 20 នៅបរិវេណទឹកដីកោះពេជ្រ ដោយសង្កេតឃើញថា សិល្បករខ្មែរទាំងអស់តុបតែងខ្លួនដោយគ្រងសម្លៀកបំពាក់ប្រពៃណីយ៉ាងស្រស់ស្អាតសមសួនជាបុរសខ្មែរ នារីខ្មែរ ។ ដោយឡែកក្នុងនោះ ឈុតសម្លៀកបំពាក់របស់កំពូលតារាចម្រៀងលោក ណុប បាយ៉ារិទ្ធ និងអ្នកនាង សុគន្ធ នីសា មានសម្រស់លេចធ្លោជាងគេ ព្រោះថា មួយឈុតនោះជាការរចនាម៉ូដដោយលោក ណុប បាយ៉ារិទ្ធ ផ្ទាល់តែម្ដង។

លោក ណុប បាយ៉ារិទ្ធ បានបង្ហើបថា « យប់ម៉ិញទំរាំធ្វើអាវមួយនេះរួច ដល់ម៉ោង3ភ្លឺ តែខ្ញំនៅតែស្រលាញ់នឹងមិនបោះបង់ចោលនូវការព្យាយាមរបស់ខ្ញំជាដាច់ខាត ហនុមាន អ្នកបានធ្វើដំណើរទៅជាមួយខ្ញុំនូវក្នុងការសម្តែងនៃពិធីអបអរសាទរ ទិវាវប្បធម៌ជាតិទូទាំងប្រទេសលើកទី20 និងការទទួលទានអាហារមិត្តភាពរួមគ្នា នៅទីក្រុងកោះពេជ្រ ដែលរៀបចំដោយក្រសួងវប្បធម៌និងវិចិត្រសិល្បៈ ក្រោមការអញ្ជើញជាអធិបតីដ៍ខ្ពង់ខ្ពស់ពីថ្នាក់ដឹកនាំជាន់ខ្ពស់នៃរាជរដ្ឋាភិបាល គឺសម្តេចតេជោហ៊ុនសែន និងសម្តេចកិតិព្រឹត្តបណ្ឌឹតប៊ុនរ៉ានីហ៊ុនសែន រួមជាមួយនិងសិល្បៈករសិល្បៈការិនីជាច្រើនជំនាន់ »។

នៅក្នុងនោះផងដែរ ក៏មានការស្ញើចសរសើរពីសំណាក់ប្រធានសមាគមន៍សិល្បករខ្មែរ គឺអ្នកនាង ចន ច័ន្ទលក្ខិណា បានពោលពាក្យសរសើរថា « ប្អូនបងពូកែគូរ និងច្នៃម៉ូត តាំងពីជាង 10 ឆ្នាំមុន គំនិតបែបនេះពិតជាអស្ចារ្យ មែន មិនសរសើរមិនបាន Bayyareth Nop »។

ចង់ដឹងថា ឈុតរបស់កំពូលតារាចម្រៀងទាំងពីរស្រស់ស្អាតដល់ម្រិតណានោះ សូមទស្សនារូបភាពទាំងឡាយខាងក្រោមនេះ៖

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាសម្ដែងស្រីនិយមតែបញ្ចេញដើមទ្រូង សាន សុម៉ាលី នៅពេលថ្មីៗនេះ បានឱ្យឃើញ នាងបង្ហោះរូបភាពប៉ុន្មានសន្លឹក ដែលបានបង្ហាញឱ្យឃើញពីដើមទ្រូងដ៏សខ្ចី ហើយមូលក្លំ ខណៈដែលនាងកំពុងលេងទឹកនៅក្នុងអាងហែលទឺក ។ ដោយឡែករូបភាពទាក់ទាញនោះ គេក៏បានសង្កេតឃើញដែរថា ថ្វីត្បិតតែនាងបង្ហាញភាពសិចស៊ីក៏ពិតមែន តែតាមធាតុពិតមួយរយៈនាងហាក់មិនសូវសប្បាយ​ចិត្តសោះ ភាគច្រើន​តែបង្ហោះសារក្រៀមក្រមជារឿយៗ ក្រោយពីនាងបានបាត់បង់ស្នេហាចែកផ្លូវគ្នាជាមួយ ប្រុស ខួច ដែលធ្លាប់មានទំនាក់ទំនងស៊ីជម្រៅនឹងគ្នា តែមិនសូវចុះសម្រុងគ្នាប៉ុន្មាន។

ជាក់ស្ដែងថ្មីៗនេះនាងបានបង្ហោះសារមួយយ៉ាងក្រៀមក្រមហាក់ដូចជាអស់សង្ឃឹមគ្រប់រឿងទាំងស្នេហា និង​គ្រួសារ​​ដោយភ្ជាប់ជាមួយរូបថតបញ្ចេញដើមទ្រូងសខ្ចីរៀបរាប់ថា « ខួរគិតអីដេកទៅ ឬជីវិតមួយ​ហ្នឹងគ្មាន​ក្ដីសុខទេ គ្រួសារ ស្នេហា ត្រូវបរាជ័យកម្មណាស់ជាតិនេះអ្វីមិនសមបំណង តាមចិត្តគេគ្រប់»។ ក្រោយពីចែកផ្លូវគ្នាជាមួយ ប្រុស ខួច មកហើយនោះ នាង សាន សុម៉ាលីកាន់តែស៊ិចស៊ី ស្រស់ស្អាតលេងខ្លួនកប់ៗ បង្អួតដើមទ្រូងម៉ាអស់ដៃតែម្ដង។

ដើម្បីឱ្យកាន់តែជាក់ច្បាស់ សូមទស្សនារូបភាពខាងក្រោមនេះ៖

តាមរយៈបណ្ដាញទំនាក់ទំនងសង្គមអ៊ីនស្ដាក្រាមរបស់តារាស្រី ឱក សុគន្ធកញ្ញា នៅថ្ងៃទី6 ខែមីនា ឆ្នាំ2018 នេះ គេមើលឃើញថា ឆ្លៀតពេលទំនេរពីការងារ កញ្ញាបានធ្វើដំណើរកម្សាន្ដទៅកាន់តំបន់ប្រាសាទព្រះវិហារ និងបានបង្ហោះរូបភាពជាច្រើនសន្លឹកជូនដល់បណ្ដាអ្នកគាំទ្របានទស្សនាកម្សាន្ដផងដែរ។

ជាក់ស្ដែងតាមរយៈរូបភាពទាំងឡាយនោះ គេមើលឃើញថា ឱក សុគន្ធកញ្ញា មិនត្រឹមតែជាកំពូលតារាចម្រៀងដែលមានទឹកដមសំឡេងពីរោះប៉ុណ្ណោះទេ តែថែមទាំងមានរូបសម្រស់ស្រស់ស្អាតទៀតផង។ នៅលើកំពូលភ្នំដ៏សែនខ្ពស់ នោះ កញ្ញាបានបង្ហោះរូបភាពរបស់ខ្លួនជាមួយនឹងសម្រស់ដែលពុំមានការតុបតែង ដែលធ្វើឱ្យបណ្ដាអ្នកគាំទ្រអត់មិនសរសើរសម្រស់ពីធម្មជាតិរបស់តារារូបនេះមិនបាន។ ចង់ដឹងថា ស្អាតយ៉ាងណានោះ សូមមើលរូបខាងក្រោមនេះ៖

នៅពេលថ្មីៗនេះ តារាសម្ដែងស្រីនាង អ៊ុន អាលីហ្សា បានបង្ហើបប្រាប់ឱ្យដឹងថា នាងពិតជាមានក្ដីសោមនស្សបំផុត ខណៈដែលទទួលបានការអញ្ចើញឱ្យសម្ដែងក្នុងរឿងភាគថ្មី ជាមួយកំពូលតារាសម្ដែងជើងចាស់គឺ អ្នកនាង អម្ពរ ទេវី ដែលជាស្នាដៃវណ្ណកម្មផលិតរបស់ក្រុមហ៊ុន Red Picture។

តារាសម្ដែង និងជាថៅកែស្រីម្ចាស់ហាងសម្អាងការរូបនេះបានបង្ហើបប្រាប់ថា «នៅក្នុងរឿង “ឆាំពាន” នេះ នាងខ្ញុំត្រូវសម្ដែងជាក្មួយរបស់អ្នកបងអម្ពរ ទេវី ដែលសម្ដែងជា​ប្រ​ធានក្រុមហ៊ុន ហើយខ្ញុំជាអនុប្រធានក្រុមហ៊ុន។ ខ្ញុំស្រឡាញ់សមត្ថភាពអ្នកបងអម្ពរ ទេវី ជាយូរមកហើយ ​ឥឡូវ​ទើបបានសម្រេចបំណងដ៏ធំនេះ ខ្ញុំសប្បាយចិត្តណាស់ព្រោះខ្ញុំក៏ទទួលបានបទពិសោធច្រើនដែរពីអ្នកបងទេវី ។ ខ្ញុំសង្ឃឹមថា ពេលថតរឿងនេះចប់ ថ្ងៃណាមួយខ្ញុំនឹងបានរួមការងារ​ថ្មីជាមួយគាត់​ម្ដងទៀតនៅរឿង​ផ្សេងទៀត​ជាមិនខាន»។

សូមជម្រាបបន្ថែមថា រឿងភាគថ្មីដ៏ល្អឯកមួយនេះ ត្រូវបានសម្រិតសម្រាំងឡើងដោយជ្រើសរើសតួសម្ដែងដែលមានបទពិសោធសម្ដែងច្រើនឆ្នាំ និងមានឈ្មោះល្បីផងដែរ ហើយរឿងនេះទៀតសោត បានគ្រោងចំណាយទុនអស់ដល់ខ្ទង់ម៉ឺនដុល្លារ​ឯណោះ ដោយរំពឹងទុកថា និងទទួលបានការគាំទ្រយ៉ាងច្រើនពីសំណាក់មហាជនខ្មែរទាំងអស់៕

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាស្រី មាន សូនីតា នៅថ្ងៃទី6 ខែមីនា ឆ្នាំ2018នេះ គេមើលឃើញថា តារាស្រីរូបនេះបានបង្ហោះរូបភាពជាច្រើនសន្លឹកក្នុងឈុតកូនក្រមុំ បែបប្រពៃណីបុរាណខ្មែរ។ ដោយឡែក កាន់តែពិសេសជាងនេះទៅទៀតនោះគឺ នាងបានសរសេរសារបញ្ជាក់នៅលើហ្វេសប៊ុករបស់នាង ដោយបានបង្ហើបប្រាប់ពីមូលហេតុដែលនាងមិនទាន់ចង់រៀបការ បើទោះបីជាវ័យខិតជិតដល់លេខ 30 ហើយក៏ដោយ។

យ៉ាងណាមិញថៅកែស្រី​ហាង «​មី​ក្រហម​» រូបនេះបាន​បញ្ចេញ​សារដ៏​គួរឱ្យ​ចាប់អារម្មណ៍​មួយ​ឃ្លា​នៅ​ក្នុងគណនី​ហ្វេ​ស​ប៊ុ​ក ​ដោយបង្ហើបឱ្យដឹង​ពី​ហេតុផល​ដែល​នាង​មិនទាន់​ចង់​ដឹក​ដៃ​បុរស​ណា​ម្នាក់​ចូល​រោង​ការ កសាង​គ្រួសារ​ដូច​តារា​មួយចំនួនទៀតនោះ។ ក្នុងសារ​នោះ សូ​នី​តា បាន​រៀបរាប់ថា «​រៀប​ការមិន​សំខាន់ សំខាន់រកលុយ​ដើរលេង​សិន​» ។​ គួរបញ្ជាក់ផងដែរថា ទោះបីផ្អែក​លើ​សារ​មួយ​ឃ្លា​របស់ រាជិនីក្រមា ខាងលើនេះក៏ដោយ ក៏នៅតែមិនទាន់អាចបញ្ជាក់បានច្បាស់ដែរ​ថា នាងនិយាយក្នុងន័យ​លេងសើច ឬ​យ៉ាងណា​នោះដែរ ប៉ុន្ដែ​អ្នកគាំទ្រ​សង្កេតឃើញតារា​សម្ដែង​ស្រីមួយ​ដួង​នេះ​ និយមធ្វើដំណើរកម្សាន្ដនៅបរទេស​ និងក្នុងស្រុកជាច្រើនកន្លែងពិតមែន។ ដូច្នេះ ការបង្ហើបប្រាប់ពីមូលហេតុនេះ អាចជាការពិតក៏ថាបានដែរ៕

​ខណៈពេល​នេះ​លោក យូ ឌី​ស្កូ កំពុង​ធ្លាក់ខ្លួន​ឈឺ​ធ្ងន់រហូត​ស្រក់សាច់​ស្គម​ស្កាំ​ង​មើល​មិន​ចង់​ស្គាល់ បានជាអតីតដៃគូចម្រៀងដ៏ល្អគឺ អ្នកនាង ទូច ស្រីល័ក្ខណ៍ បានចេញមុខស្វែងរកជំនួយពីសំណាក់សប្បុរជន ដែលមានទឹកចិត្តសន្ដោស ស្រឡាញ់ អាណិត ក្នុងការជួយឧបត្ថម្ភរូបលោក ។ ទើបនៅពេលថ្មីៗនេះ ទូច ស្រីល័ក្ខណ៍ បានបញ្ចេញអារម្មណ៍ពិតនៅលើហ្វេសប៊ុករបស់ខ្លួន និងប្រឹងរកជំនួយសប្បុរសធម៌ផងដែរ។

អ្នកនាង ទូច ស្រីលក្ខណ៍ បានរៀបរាប់ទាំងអារម្មណ៍ក្ដុកក្ដួលនៅលើហ្វេសប៊ុកថា « ខ្ញុំដឹងថាពេលនេះបងពិតជាពិបាកក្នុងចិត្ត តែអ្វីដែរខ្ញុំចង់និយាយទៅកាន់បងថា បងជាមនុស្សដែលល្អសម្រាប់ខ្ញុំ ខ្ញុំមិនដែរទុកបងចោលទេហើយខ្ញុំនិងប្រឹងរកសប្បុរសធម៌ដែរគាត់មានចិត្តធម៌ថានិងជួយបងបាន សូមបងកុំអស់សង្ឃឹម ខ្ញុំសប្បាយចិត្តពេលឃើញបងញញឹមថ្ងៃនេះ បងត្រូវរក្សារទុកក្នុងចិត្តថារាល់បព្ហាររបស់បងខ្ញុំតែងតែនៅក្បែរបងជានិច្ច មនុស្សដែលស្រលាញ់គ្នាពិតប្រាកដគឺមិនចោលគ្នាពេលដែលមិត្តជួបទុក្ខលំបាក »។

​ក្រៅពី​ខ្នះខ្នែង​ជួយ​ដល់ យូ ឌី​ស្កូ ទាំង​កម្លាំងកាយ និង កម្លាំងចិត្ត អ្នកនាង ទូច ស្រី​ល័ក្ខណ៍ ក៏បាន​បង្ហោះ​សារ​រៀបរាប់​លើ​គណនី​ហ្វេ​ស​ប៊ុ​ក បង្ហាញ​ពី​ការ​ទឹកចិត្ត​ស្រឡាញ់ និង មិន​ព្រម​បោះបង់ចោល​លោក យូ ឌី​ស្កូ ខណៈ​កំពុង​ជួបប្រទះ​នឹង​បញ្ហា ក្នុងនាម​ជា​មិត្ត​ដ៏​ល្អ​ម្នាក់ ។ មហាជន​បាន​ស្ញើ​ច​សរសើរ​ចំពោះ​ទឹកចិត្ត ទូច ស្រី​ល័ក្ខណ៍ យ៉ាងខ្លាំង ទោះបីជា​លោក យូ ឌី​ស្កូ ធ្លាក់ខ្លួន​ឈឺ​យ៉ាងណា​ក៏​មិន​ចោល​គ្នា ៕

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី 5 ខែមីនា ឆ្នាំ 2018 នេះ បានឱ្យឃើញ តារាស្រីសិចស៊ីដែលនិយមបង្ហាញរូបរាងកាយនៅលើហ្វេសប៊ុកអ្នកនាង ដេននី ក្វាន់ បានសម្ងែងក្រដាសប្រាក់ 100 ដុល្លារសហរដ្ឋអាមេរិកជាច្រើនសន្លឹក​ទាំងខ្ទាស់ៗ ដែលធ្វើឱ្យមហាជនលាន់មាត់គ្រប់គ្នា..វ៉ាវ..។

តារាស្រីទើបតែរួចផុតពីបម្រាមផ្អាកចូលសិល្បៈរូបនេះ បានសរសេរនៅលើហ្វេសប៊ុកអមដោយរូបភាពថា «ពេលវេលារបស់ខ្ញុំជាមាសប្រាក់ ខ្ញុំមិនទៅចំណាយពេលដ៏មានតម្លៃរបស់ខ្ញុំទៅធ្វើរឿងអត់ប្រយោជន៍ឬក៏ឈ្នានីសអ្នកណានោះទេ ចង់ប្រាប់ថា វាសនាមនុស្សមិនដូចគ្នាទេ ប្រណាំងទូកប្រណាំងឡានគឺប្រណាំងបាន តែប្រណាំងនិងព្រេងវាសនាគឺមិនបាននោះទេ… ហើយពេលដែលអ្នកអង្គុយសើចសប្បាយនឹងចំអកឱ្យខ្ញុំ អ្នកមិនដឹងនោះទេថា ខ្ញុំខំប្រឹងរកប្រាក់គ្មានពេលសម្រាកគ្មានថ្ងៃសោរ៍ឬអាទិត្យសម្រាប់ខ្ញុំនោះទេ! »។

យ៉ាងណាមិញ បន្ទាប់ពីបានប្រាប់ទៅកាន់ ទស្សនិកជនហើយនោះ នាងក៏បានធ្លាយពាក្យសំដីថា នឹងមានគម្រោងទៅកម្សាន្តនៅបរទេសជាក់ស្ដែង នាឆ្នាំនេះនាងមានគម្រោង ទៅលេងនៅចិន ជប៉ុន និង ឌូបៃ ទៀតផង។ ដេននី ក្វាន់ បានសរសេរ នៅលើគណនីហ្វេសប៊ុកថា «រាល់ថ្ងៃហត់នឹង Business (មុខរបររកស៊ី) ណាស់ រកពេលសម្រាកមិនចង់បាន តែសម្រាប់ខ្ញុំយ៉ាងណា ក៏ត្រូវតែទៅកំសាន្ត នៅក្រៅប្រទេស ដើម្បីសម្រាកខួរក្បាលខ្លះដែរ។ ក្នុងមួយឆ្នាំយ៉ាងតិចក៏បីប្រទេស ដែលត្រូវទៅកំសាន្ត ហើយក្នុងឆ្នាំនេះឆ្លៀតកំសាន្ត នៅ ចិន ជប៉ុន និង ឌូបៃ។ ឆ្នាំក្រោយចាំគិតទៀតថា គួរទៅប្រទេសណាវិញម្តង!»៕

ពិតចារឿងភ្ញាក់ផ្អើលបំផុតនៅលើបណ្ដាញសង្គមហ្វេសប៊ុកនាពេលថ្មីៗនេះ តារាចម្រៀងប្រុស​ប្រចាំផលិតកម្ម Pleng Records លោក ម៉ានិត បានប្រកាសនៅលើគណនីហ្វេសប៊ុកផ្លូវការរបស់ខ្លួនថា លោកលែងជាបុគ្គលិក ឬជាតារាចម្រៀងរបស់ផលិតកម្មនៅក្នុងក្រុមហ៊ុនរស្មីហង្សមាសទៀតហើយ ដោយលោកអះអាងថា លោកបានបញ្ចប់កិច្ចកុងត្រាសន្យាការងារជាមួយផលិតកម្មរយៈពេល 5 ឆ្នាំ។

ក្នុងនោះដែរ លោក ម៉ុង ម៉ានិត បានរៀបរាប់ថា « ថ្ងៃនេះជាថ្ងៃចុងក្រោយរបស់ខ្ញុំ នៃការបម្រើការងារនៅក្រុមហ៊ុនហង្សមាស។ ខ្ញុំបាទសូមប្រកាសជាផ្លូវការណ៍ថា ខ្ញុំបាទ ម៉ានិត នឹងមិនបន្តបម្រើការងារក្នុងក្រុមហ៊ុនហង្សមាសទៀតឡើយ បន្ទាប់ពីកិច្ចសន្យាបម្រើការងាររយៈពេលប្រាំឆ្នាំ បានចប់ជាស្ថាពរ។ ខ្ញុំពិតជាគិតដល់កន្លែងការងារ ដែលខ្ញុំធ្វើ មិត្តរួមការងារ និងពេលវេលាល្អៗកន្លងមក។ រយៈពេលប្រាំឆ្នាំកន្លងមកនេះ មានមនុស្សជាច្រើនបាននិយាយពីចំណុចអវិជ្ជមាននៃការដែលខ្ញុំចូលធ្វើជាតារាចម្រៀងនៅផលិតកម្មមួយនេះ គេនិយាយថា ធ្វើបែបនេះទើបត្រូវ ធ្វើបែបនោះខុសហើយ ខ្ញុំមិនគួរបែបនេះ ខ្ញុំមិនគួរបែបនោះ តែជាក់ស្ដែងខ្ញុំមិនដែលស្ដាយក្រោយក្នុងបម្រើការងារនៅទីនោះឡើយ»។

តារាប្រុសសំឡេងផ្អែមស្រទន់រូបនេះ ក៏បានបន្ថែមថា« កាលដែលខ្ញុំចុះកិច្ចសន្យាធ្វើជាតារាចម្រៀងដំបូង ខ្ញុំមានអាយុត្រឹមតែ ១៨ឆ្នាំប៉ុណ្ណោះ ខ្ញុំពិតជាត្រូវរត់ឲ្យទាន់អ្នកដទៃដែលឈានជើងដើរធម្មតា មានរឿងជាច្រើន ដែលខ្ញុំបានរៀនពីកន្លែងមួយនេះ វាធ្វើឲ្យខ្ញុំចេះគិត ចេះប្រឈមមុខ ចេះទំនាក់ទំនង រៀនស្គាល់ពីខ្លួនឯង និងចេះវិនិច្ឆ័យចំណុចតូចលម្អិតកាន់តែច្បាស់។ ខ្ញុំគ្រាន់តែចង់ឲ្យគ្រប់គ្នាបញ្ឈប់ការកាត់សេចក្ដីថា ការដែលខ្ញុំចូលហង្សមាសគឺជាកំហុស។ វាមិនមែនជាកំហុសឡើយ ព្រោះវាជាការសម្រេចចិត្តរបស់ខ្ញុំ ហើយខ្ញុំក៏មិនស្ដាយក្រោយនឹងការសម្រេចចិត្តរបស់ខ្ញុំដែរ»។

ម៉ានិត បានបញ្ជាក់ឱ្យអ្នកគាំទ្របានដឹងច្បាស់ថា « ការចាកចេញនេះមិនមែនជាការចុះចាញ់ ឬបរាជ័យ តែវាជាការចាកចេញដើម្បីបន្តដំណើរទៅមុខ ស្វែងរកគោលដៅ និងក្ដីស្រមៃថ្មីមួយ។ ខ្ញុំសូមអរគុណដល់លោកនាយក អ្នកគ្រប់គ្រង ក្រុមការងារនៃក្រុមហ៊ុនហង្សមាសទាំងអស់ ដែលបានសហការយ៉ាងល្អ។ ខ្ញុំសង្ឃឹមថា នឹងបានធ្វើការជាមួយអ្នកទាំងអស់គ្នាម្ដងទៀត»៕

បន្ទាប់ពីបានបាត់មុខចេញពីពិភពសិល្បៈអស់មួយរយៈធំមក ខណៈនេះតារាសម្ដែងស្រីដែលធ្លាប់មានប្រជាប្រិយភាពខ្លាំង គឺអ្នកនាង ឌុ​ច សុភា បានត្រឡប់មកសម្ដែងរឿងវិញហើយ។ បើតាមការបង្ហោះរូបភាពរបស់អ្នកនាងនៅលើបណ្ដាញទំនាក់ទំនងសង្គមហ្វេសប៊ុក គេមើលឃើញថា អ្នកនាងកំពុងតែសម្ដែងរឿងភាគទូរទស្សន៍មួយ តែអ្នកនាងមិនបានបញ្ជាក់ប្រាប់ពីចំណងជើងរឿង និងជារឿងរបស់ស្ថានីយទូរទស្សន៍ណាមួយឡើយ។

សូមរំឭកបន្ដិចថា ការបាត់មុខពីវីដេអូចម្រៀងរបស់រស្មីហង្សមាស អស់រយៈពេល 3 ឆ្នាំមកនេះ អ្នកនាង ឌុច សុភា ក៏ហាក់បីដូចជាបាត់មុខពីពិភពសិល្បៈខ្មែរដូចគ្នាដែរ ដោយគេសង្កេតឃើញថា អ្នកនាងមិនមានសម្ដែងរឿង ឬវីដេអូចម្រៀង MV ណាមួយឡើយ។ គេសម្គាល់ឃើញថា បទចម្រៀងដែលតារាស្រីរូបនេះបានសម្ដែងចុងក្រោយគេមុនពេលបាត់មុខនោះ គឺបទ “Call មកបង ម្ដេចសុំលេខគេ” របស់ផលិតកម្មរស្មីហង្សមាស កាលពីឆ្នាំ 2014 ដែលជាបទមួយច្រៀងដោយលោក ព្រាប សុវត្ថិ និងជាបទដែលនិពន្ធទំនុកច្រៀងដោយលោក សុខ ចាន់ផល ។

គួរបញ្ជាក់ផងដែរថា ​ក្រោយពី​សម្ងំ​ហាត់ប្រាណ​សម្រក​រាង និងពត់​ធ្មេញ​អស់មួយរយៈ​មក ​តារា​សម្តែង​ដែល​ធ្លាប់​មានឈ្មោះ​បោះ​សំឡេង ឌុ​ច សុភា បាន​ហក់​ចូលក្នុងការសម្តែង​ជាថ្មីម្ដងទៀត ​ដោយ​នាង​មានឱកាស​បាន​សម្តែង​ជា​តួ​សំខាន់​នៅក្នុង​រឿង​មួយ​ ដែល​ពេលនេះ​កំពុងដំណើរការ​ថត​បា​ន​មួយរយៈ​ហើយ។ ផងដែរនោះ អ្នកនាង ឌុ​ច សុភា មិនទាន់​ប្រាប់ថា ​នាង​សម្ដែងជា​តួ​ប្រភេទ​ណា​ឡើយ។ តែយ៉ាងណាមិញ ​បើតាម​ប្រភព​ដែលធ្លាប់​ស្និទ្ធស្នាល​ជាមួយ​តារា​រូបនេះ​បាន​និយាយថា​ កន្លងមក​ក្រៅតែពី​តួឯក ឌុ​ច សុភា មិន​ទទួល​សម្តែង​ឡើយ ​ព្រោះ​មិន​ចង់ឱ្យ​ធ្លាក់​តម្លៃ​ខ្លួន តែក៏មិនអាចទស្សន៍ទាយបានថា ឥឡូវនេះប្រជាប្រិយភាពរបស់នាងអាចទទួលបានការគាំទ្រដូចមុន ឬយ៉ាងណានោះទេ៕