Author: អេបិល

ដោយមើលឃើញថា កូនខ្មែរជំនាន់ថ្មីនេះមានសមត្ថិភាពផលិត និងពន្ធបទចម្រៀងស្នាដៃនិពន្ធថ្មីបានល្អប្រណីតច្រើនឡើង នៅក្នុងនោះតារាសម្ដែងស្រី ទូច ស្រីល័ក្ខ បានចេញសារនៅលើហ្វេសប៊ុកដោយឱ្យកូនខ្មែរគ្រប់រូប ជាសំណូមពរឱ្យបញ្ឈប់និយាយពាក្យថា «បទ Original Song» និងងាកមកប្រើពាក្យថា «បទចម្រៀងស្នាដៃកូនខ្មែរដែរនិពន្ធភ្លេងថ្មី» ក្នុងគោលបំណងអភិរក្សពាក្យខ្មែរ ជាជាងនិយមពាក្យកំចីពីបរទេស។

អ្នកនាង ទូច ស្រីល័ក្ខ បានបង្ហោះសារដូច្នោះថា «អាចទេបើបងប្អូនយើងទាំងអស់គ្នា ចូលរួមឈប់និយាយពាក្យថាបទ original? ហើយយើងងាយនិយាយ ជាភាសារខ្មែររបស់ជាតិយើងវិញថា បទចម្រៀងស្នាដៃកូនខ្មែរដែរ និពន្ធភ្លេងថ្មីដោយខ្លួនឯង ព្រោះបើយើងមានបទចម្រៀងផ្ទាល់ខ្លួន ហើយបងប្អូនយើងទាំងអស់គ្នា ចូលរួមឈប់ប្រើពាក្យថា Original ជាភាសារជាតិគេទៀតបានទេ?»។

ម្ចាស់បទនិពន្ធថ្មី « សុភមង្គលមិនឋិតលើលុយតែមួយមុខ » បានបញ្ជាក់បន្ដថា «ផ្តើមចេញពីបងប្អូនយើងទាំងអស់គ្នា ដើម្បីជួយលើកស្ទួយវិស័យសិល្បៈ ដើម្បីឲ្យកាន់តែមានភាពរីកចម្រើន និងទាន់សម័យទំនើបបែបខ្មែររបស់យើង បើយើងទាំងអស់គ្នា ជួយថែរក្សាអត្តញ្ញាណខ្មែររបស់យើង និងវប្បធម៌សិល្បៈរបស់យើងទាំងអស់គ្នា ពិតជាល្អណាស់សម្រាប់ក្មេងៗជំនាន់ក្រោយ ឲ្យបានយល់ដឹងឲ្យកាន់តែច្បាស់ថា វប្បធម៌ខ្មែររបស់យើងពិតជាល្អផូរផង់ណាស់»៕

តាមរយៈបណ្ដាញទំនាក់ទំនងសង្គមហ្វេសប៊ុកនៅពេលថ្មីនេះគេមើលឃើញថា តារាចម្រៀងស្រីនៅក្នុងផលិតកម្មរស្មីហង្សមាស កញ្ញា សន ផល្លីកា បានបង្ហាញភាពសិចស៊ីនៅលើបណ្ដាញសង្គមខណៈដែលនាងបានធ្វើដំណើរកម្សាន្ដទៅកាន់ខេត្ត ព្រះសីហនុ ហើយជាពិសេសនោះ នាងបានបង្ហាញសាក់នៅលើស្បែកខ្នង ឱ្យមហាជនបានឃើញចំៗតែម្ដង កាន់តែរំជួលអារម្មណ៍ទៀតនោះគឺចំពោះបុរសៗតែម្ដង។ តារាស្រីរូបនេះ ទើបតែបង្ហាញមុខវិញនៅក្នុងពិភពសិល្បៈចម្រៀងទេ បន្ទាប់ពីបាត់មុខអស់រយៈយូរ រួមទាំងធ្វើឱ្យអ្នកគាំទ្រទទូចឱ្យផលិតកម្ម ចេញបទចម្រៀងឱ្យនាងវិញផងដែរ។

យ៉ាងណាមិញ កៀកជិតមកដល់ថ្ងៃចូលឆ្នាំប្រពៃណីខ្មែរ មហាសង្ត្រាន្ដឆ្នាំ ច សំរិទ្ធិស័ក ព.ស 2562 គ.ស 2018នេះ គេសង្កេតឃើញមានតារារួមទ្រនំជាមួយតារាស្រីរូបនេះ ចេញបទចម្រៀងចូលឆ្នាំជាច្រើនហូរហែ តែដោយឡែកតែរូបនាងទេ ដែលមិនទាន់ឃើញលេចចេញនៅបទចម្រៀងដូចតារាដទៃ ។ តែបើតាមការបង្ហើបរបស់បុគ្គលិកនៅក្នុងផលិតកម្មរស្មីហង្សមាស ក៏បានប្រាប់ឱ្យដឹងដែរថា ខាងផលិតកម្មនៅត្រៀមបទចម្រៀងជាចង្វាក់ប្រពៃណីខ្មែរជាច្រើនបទថែមទៀតផងដែរ ពោលគឺ ការបញ្ចេញបទចម្រៀងនៅមិនទាន់អស់នៅឡើយទេ ហើយក៏រំពឹងទុកថា ពុកម៉ែបងប្អូននិងនៅតែបន្ដគាំទ្រថែមទៀត។ យ៉ាងណាក្ដី អ្នកគាំទ្របានរំពឹងទុកថា កញ្ញា សន ផល្លីកា អាចនិងមានបទចម្រៀងចូលឆ្នាំនឹងគេផងដែរចុះ៕

បន្ទាប់ពីនៅលើបណ្ដាញទំនាក់ទំនងសង្គមហ្វេសប៊ុកមានភាពភ្ញាក់ផ្អើលចំពោះករណី នារីវ័យក្មេងម្នាក់ ព្រោះតែចង់បានបបូរមាត់រាងបេះដូង ក៏សម្រេចចិត្តទៅកែបបូរមាត់នៅហាងកែសម្ជស្សមួយកន្លែង ស្រាប់តែលទ្ធផលចេញមកមិនចេញរាងបេះដូង បែរជាខើចបបូរមាត់ មិនសមបំណង ក៏ដាច់ចិត្តគិតខ្លីព្យាយាមចងសម្លាប់ខ្លួននៅផ្ទះ តែត្រូវប្តីជួយទាន់ ទើបរត់ចេញមកទិញថ្នាំលេបសម្លាប់ខ្លួនវិញម្តង។

ទន្ទឹមនឹងនោះតារាសម្ដែង អ៊ឺម ជីវ៉ា ក៏ស្រាប់តែបង្កភាពភ្ញាក់ផ្អើលដូចគ្នាផងដែរថា « ព្រឹកនេះខ្ញុំសម្រេចចិត្តទៅកែសម្ផស្សយកមាត់រូបបេះដូងដែរហើយ ព្រោះមាត់ធម្មជាតិមិនសូវស្អាតសោះ ចង់កែមាត់ម្តង បើកែមាត់ហើយខ្លាចតែសាពត៌មានហៅសម្ភាស៍ទេខ្ញុំ »។ លោកថា នាពេលបច្ចប្បន្នការវះកាត់ការសម្ភស្សគឺ ជាការពេញនិយមរបស់យុវវ័យនិងមនុស្សវ័យកណ្តាល ហើយការកែសម្ភស្សគឺមានច្រើនសណ្ឋាន និងកន្លែងមិនថានៅក្នុង ឬក្រៅប្រទេសឡើយទៅតាមចង់ចំនូលចិត្តនិងលទ្ធភាពរបស់មនុស្សម្នាក់ៗ មុននិងសម្រេចចិត្តធ្វើអីមួយត្រូវជឿជាក់ខ្លួនឯងថាពេលធ្វើហើយហ៊ានទទួលស្គាល់ការពិតអត់ ? មិនថាតែនៅក្នុងឬក្រៅស្រុកនោះទេ ការកែសម្ភស្សមិនមែនបានន័យថាជោគជ័យទាំងអស់នោះទេ អ្នកខ្លះក៏ទទួលការបរាជ័យក្នុងការកែសម្ផស្សដែរ នេះបើតាមប្រសាសន៍របស់គ្រូពេទ្យផ្នែកកែសម្ភស្សនៅប្រទេសថៃ ។

លោកបានបន្ដបញ្ជាក់ថា « បើមនុស្សដែលគេស្រលាញ់យើងស្មោះគេមិនដែលគិតពីរូបសម្បត្តិឡើយ ហើយបើមានគ្រួសារហើយក៏គួកុំទៅកែសម្ផស្សដែរ ព្រោះសុភមង្គលមិនមែនកើតឡើងដោយសារការកែសម្ផស្សឡើយ ទទួលស្គាល់ថាមនុស្សខ្លះចង់កែសម្ភស្សចង់ស្អាត តែក៏មើលមកខ្លួនឯងដែរថាវាអាចទៅរួចបានកំរិតណា ។ សរុបសេចក្តីមកមុននឹងធ្វើអ្វីមួយត្រូវពិភាក្សាជាមួយគ្រួសារ និងសម្រេចចិត្តឱ្យជាក់លាក់មុននិងកែសម្ភស្សចៀសវាងមានវាវិប្បដិសារីនាថ្ងៃអនាគត»៕

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី 6 ខែមេសា ឆ្នាំ 2018 នេះ បានឱ្យឃើញ​ថា តារាចម្រៀងស្រី និងជាអ្នករបាំបុរាណកញ្ញា ចំរើន សុភា បានបញ្ចេញបទចម្រៀងថ្មីមួយ ដែលមានចំណងជើងថា « ប្រសាទពរ» គឺជាស្នាដៃថ្មី និពន្ធឡើងនៅក្នុងព្រឹត្តិការណ៍អង្គរសង្ក្រាន្ត ដែលរៀបរាប់ពីធម្មជាតិ និងការសុំពរជ័យក្នុងឆ្នាំថ្មីជូនដល់ប្រជាជន និងព្រះរាជាអាណាចក្រកម្ពុជា ។

មិនត្រឹមតែចំណងជើងមានភាពទាក់ទាញ និងបង្កប់ប្រស្នានោះទេ ខណៈដែលប្រិយមិត្តទាំងអស់គ្នាបានស្ដាប់ពីអត្ថន័យនៃបទចម្រៀងមួយនេះហើយ អាចនិយាយថា ហាក់បីដូចជាកំពុងតែដាស់អារម្មណ៍កូនខ្មែរឱ្យស្គាល់ ជ្រាបដឹងពីភាពមហោសច្ចារ្យនៃទឹកដីសុវណ្ណភូមិដែលយើងកំពុងតែរស់នៅ មានទេវតា អ្នកតាម្ចាស់ស្រុក តាមថែរក្សាគ្រប់ពេលវេលា។ ការច្នៃប្រឌិតភ្លេងថ្មីដែលបូកបញ្ចូលភ្លេងសម័យ និងភ្លេងបុរាណខ្មែរ បានធ្វើឱ្យតារាចម្រៀងស្រី ចំរើន សុភា ប្រើប្រាស់សំឡេងក្រអួនក្រអៅ បកស្រាយបានយ៉ាងពីរោះរណ្ដំបេះដូងតែម្ដង រហូតដល់ប្រិយមិត្តបានស្ដាប់ហើយព្រឺសម្បុរខ្ញាកៗ ខ្លះទៀតមានហូរទឹកភ្នែកក៏មានដែរ។

ចង់ដឹងថា បទ «ប្រសាទពរ» អន្ទងដួងចិត្តមិត្តអ្នកស្ដាប់យ៉ាងនោះ សូមទស្សនានិងស្ដាប់ខាងក្រោមនេះ៖

នៅល្ងាចថ្ងៃម្សិលមិញនេះ គណនីយូធូបផ្លូវការរបស់ផលិតកម្មរស្មីហង្សមាស បានបញ្ចេញវីដេអូចម្រៀងថ្មីមួយដែលបង្កភាពភ្ញាក់ផ្អើលដល់អស់មជ្ឈដ្ឋានមហាជន ដែលបទនោះមានចំណងជើងថា « រាំវង់អង្គរ » ជាការបកស្រាយដោយកំពូលតារាចម្រៀង ខេមរៈ សិរីមន្ដ និងកញ្ញា ឱក សុគន្ធកញ្ញា ដើម្បីជាការអបអរ និងរាំលេងកម្សាន្ដនាឱកាស ចូលឆ្នាំថ្មីប្រពៃណីខ្មែរ ឆ្នាំ ច សំរិទ្ធិស័ក ព.ស 2562 គ.ស 2018 ។

ទន្ទឹមនឹងការបញ្ចេញវិដេអូមិនទាន់បានក្ដៅៗហុយៗផង ស្រាប់តែមានអ្នកលេងបណ្ដាញសង្គមម្នាក់បានពោលឡើងថា « ខ្ញុំពិតជារំភើបណាស់ ព្រោះខ្ញុំបានចាំពួកគាត់ទាំងពីរមកជួបគ្នា និងបកស្រាយចម្រៀងជាមួយគ្នាវិញអស់រយៈពេលជាង 10 ឆ្នាំមកហើយ ចាប់តាំងពីពួកគាត់បានបែកគ្នានៅ U2 ។ គាត់​បានជួប​គ្នា​ហើយ​ដៃ​គូចាស់​ ច្រៀង​បានពីរោះ​ណាស់ ​ហើយសម្លៀកបំពាក់​វិញក៏​ស្រស់​ស្អាតទៀត ពេញចិត្ត​ណាស់​បាទ»។

ក្ដីរំភើបឥតឧប្បមារបស់អ្នកគាំទ្របានឡើងដូចពោលខាងលើ ចុះអ្នកទាំងអស់គ្នាវិញគិតយ៉ាងណាដែរ។ ដើម្បីកុំខាតពេល តោះមកស្ដាប់ និងទស្សនាវីដេអូខាងក្រោមនេះ៖

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាកំប្លែងស្រី វ៉ាន់ នីឡា នៅពេលថ្មីៗ បានឱ្យដឹងថា មាននារីលេងបណ្ដាញសង្គមម្នាក់បានធ្វើការរិះគន់ចំៗចំពោះតារាកំប្លែងស្រីរូបនេះ ដោយបានប្រើពាក្យសម្ដីរិះគន់ថា « នាងល្បីដោយសារឪពុកជាអ្នកលើស្ទួយឱ្យល្បី តែគ្មានសមត្ថភាពសម្ដែងអ្វីនោះទេ សម្ដែងនៅស្ទើរ » ទើបជាហេតុបណ្ដាលឱ្យតារាកំប្លែងសាច់សខ្ចីចេញមុខធ្វើការ Live វីដេអូផ្ទាល់ និយាយទាំងក្ដៅស្លឹកត្រចៀកតែម្ដង។

តាមរយៈវីដេអូនោះ កញ្ញា វ៉ាន់ នីឡា បានតបតទៅកាន់នារីអ្នកលេងបណ្ដាញសង្គមនោះដោយមិនបញ្ចេញឈ្មោះចំថា « នាងខ្ញុំនៅពេលបានឮសម្ដីបែបនោះហើយ នាងខ្ញុំគ្មានអារម្មណ៍នៅក្នុងការថតទាល់តែសោះ ទើបនាងខ្ញុំធ្វើការ Live វីដេអូនិយាយរឿងនេះតែម្ដង ។…នាងខ្ញុំសប្បាយចិត្តនូវអ្វីដែលខ្ញុំមាន នូវអ្វីដែលម៉ាក់ប៉ាខ្ញុំបានបង្រៀន និងផ្ដល់ឱ្យ។….យី! អាគេល្បីដោយសារម៉ែឪគេក៏មិនត្រូវចិត្ត អាគេល្បីដោយសារប្រុសក៏មិនត្រូវចិត្ត អាគេល្បីដោយសារអស់ខ្លួនជាមួយគេក៏មិនត្រូវ ( ហួសចិត្ត … ) »។​

គួរបញ្ជាក់ផងដែរថា ទន្ទឹមនឹងការ Live វីដេអូរបស់តារាស្រី នីឡា នៅក្នុងនោះ អ្នកនាង ខ្ញុង ក៏បានចេញមុខមកបញ្ចាក់ប្រាប់មហាជនអ្នកគាំទ្រឱ្យបានជ្រាបពីអារម្មណ៍ពិតរបស់អ្នកនាងនៅក្នុងវីដេអូនោះដែរថា « នាងខ្ញុំចង់ជម្រាបដល់បងប្អូនថា ពួកយើងខ្ញុំរាល់ថ្ងៃនេះ មានថ្ងៃខ្លះក៏សម្ដែងលេងកំប្លែងបែបអប់រំទៅ ខ្លះក៏កំប្លែងទៅ បើមានការភ្លាត់ស្នៀតតិចតួចទៅ គឺមិនអាចផ្គាប់ចិត្តបងប្អូនអស់ទេ ពោលគឺថា មនុស្សម្នាក់ចិត្តតែមួយ អីចឹង មិនអាចផ្គាប់ចិត្តបានទាំងអស់នោះទេ។ មានតួខ្លះ មិនមែនគាត់មិនមានសមត្ថភាពទេ តែដើម្បីបង្គ្រប់សាច់រឿង គឺត្រូវញ៉ុកតួទាំងអស់ មិនមែនបានន័យថាគ្មានសមត្ថភាពលេងនោះទេ គឺទៅតាមសាច់រឿង»។ ការបញ្ជាក់បែបនេះ គឺក្នុងគោលបំណងឱ្យអ្នកដែលបានរិះគន់ អាចពិចារណានូវសម្ដីពិតនេះឡើងវិញ។

ដើម្បីឱ្យកាន់តែចាក់ច្បាស់បន្ថែមទៀត សូមទស្សនាវីដេអូខាងក្រោមនេះ ៖

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាចម្រៀងកន្ត្រឹមប្រចាំផលិតកម្មរស្មីហង្សមាស​ អ្នកនាង ខាត់ សុឃីម នៅពេលថ្មីៗនេះ បានបង្ហោះរូបភាពអតីតតារាសម្ដែង លោកពូ ចៅ ចាន់ណារី ធ្លាប់បានសម្ដែងរឿង « កូនពស់កេងកង » ដើរតួជាប្ដីនាងនី ដែលសម្ដែងដោយអ្នកនាង អម្ពរ ទេវី ។

ដោយឡែករូ​បភាពជាច្រើនសន្លឹក ដែលស្ដែងឱ្យមើលឃើញថា បច្ចុប្បន្នលោកពូមានជីវភាពទល់លំបាក ក្រោយពីរស់នៅឆ្ងាយពីសិល្បៈ ដូច្នោះហើយបានជាអ្នកនាង ខាត់ សុឃីម បានរៀបរាប់ថា « ពូ ចៅចាន់ណារី ((តួកុន)) តើពេលណាទើបមាន គាំពាសិល្បៈខ្មែរ ? បងកុយជួបគាត់នៅ ស្នួលក្រចេះ »។

សូមជម្រាបន្ថែមថា អតីតតារាភាពយន្តជើងចាស់លោកចៅ ចាន់ណារី មានវ័យ 61 ឆ្នាំហើយ ជាតារាសម្ដែងនៅអំឡុងទស្សវត្សទី80-90 ជំនាន់ លោក សម វិទ្យា ,លោក សម តារា ,លោក កេត សូបូរិទ្ធ ,លោក យស បូវណ្ណៈ ,លោក ខៃ ប្រសិទ្ធ ,លោក ខៃ ប្រសើរ ,លោក ខ្លូត រតនា ជាដើម។ បច្ចុប្បន្នភាពមានជំងឺប្រចាំកាយ និងបង្ហាញខ្លួនជាថ្មីតាមការចូលរួមសម្ដែងរឿង « កូនពស់កេងកង » នៅឆ្នាំ 2000 ដែលនឹកនាំសម្ដែងរឿងដោយលោក ហ្វៃ សំអាង៕

តាមរយៈបណ្ដាញទំនាក់ទំនងសង្គមហ្វេសប៊ុក បានឱ្យមើលឃើញថា បុត្រភ្លោះរបស់តារាកំប្លែងស្រី លាភ ទើបតែប្រសូតបានប៉ុន្មានខែសោះ ស្រាប់តែធ្លាបដំណឹងថា មានទីផ្សារក្នុងសិល្បៈបាត់ទៅហើយ ខណៈដែលអ្នកម្ដាយផ្ទាល់កំពុងតែវិលចូលមកកាន់សិល្បៈវិញ និងមានការងារយ៉ាងមមាញឹកកំពុងធ្វើ។

ជាក់ស្ដែងថ្មីៗនេះ តារាកំប្លែងស្រីរូបនេះ ក៏បង្ហោះរូបភាព នាងជាមួយកូនភ្លោះស្រីសំណព្វចិត្តទាំង2លើបណ្ដាញសង្គមហ្វេសប៊ុក ធ្វើឲ្យទស្សនិកជនអ្នកគាំទ្រ មានការភ្ញាក់ផ្អើលជាខ្លាំងជាមួយស្ទីល យ៉ាងពិសេសប្លែកភ្នែក បែបលក្ខណៈគ្រួសារសម័យថ្មី មើលទៅមិនចាញ់តារាបរទេសឡើយ ។

សូមជម្រាបបន្ថែមថា ហេតុតែមានឈាមជ័រជាអ្នកសិល្បៈទាំងឪពុកនិងម្ដាយ ទើបបានជាបុត្រភ្លោះរបស់តារាស្រីរូបនេះ មានទីផ្សារថតស្ពតពាណិជ្ជកម្មឱ្យក្រុមហ៊ុនមួយបាត់ទៅហើយ។ បើតាមការបង្ហើបនៅលើបណ្ដាញសង្គម គេមើលឃើញ ស្រី លាភ និងបុត្រភ្លោះបានថតស្ពតឲ្យ studio ថតរូបមួយគឺ Photocity Kid and Family ជាមួយនឹងម្តាយ ធ្វើឲ្យមហាជនជាច្រើនកោតសរសើរចំពោះភាពគួរឲ្យស្រលាញ់ របស់បុត្រភ្លោះ ស្រី លាភ និងសង្ឃឹមថាក្មេងពេលធំឡើងនឹងមានដុងផ្នែកសិល្បៈ ដូចឪពុកម្តាយផងដែរ៕

ភាគច្រើនទស្សនិកជនមួយចំនួន ពិតជាបានស្គាល់តារាសម្ដែងដែលមានសម្រស់ស្រស់ស្អាតគឺ អ្នកនាង គង់ ចាន់ស្រីមុំ រួចមកហើយ ដែលបានសាងភាពល្បីល្បាញខ្លាំងតាមរយៈការសម្ដែងខារ៉ាអូខេ និងភាពយ​ន្ដកន្លងមក។ ជាករពិតណាស់ តារាស្រី គង់ ចាន់ស្រីមុំ នៅតែមានអ្នកគាំទ្រជាច្រើនបានស្រលាញ់នាង ក៏ដោយសារតែតារាស្រីរូបនេះ អាចរក្សាសម្រស់បានស្អាត និងមើលទៅក្មេងជាងវ័យ បើទោះបីជាពេលនេះអ្នកនាងមានសា្វមី និងកំពុងមានបុត្រជិតដល់ពេលប្រសូតហើយក្ដី

ដោយជាក់ស្ដែងក្នុងពេលនេះ ក៏សូមបង្វែរអារម្មណ៍ប្រិយមិត្តអ្នកគាំទ្រសារព័ត៌មាន ឡារ៉ែន ទាំងអស់ មកទស្សនារូបភាពរបស់អ្នកកាលពីរយៈកាល 10 ឆ្នាំមុន ដែលអ្នកនាងបានចូលរួមបង្ហាញម៉ូដសម្លៀកបំពាក់ឱ្យទស្សនាវដ្តីឡារ៉ែន តើរូបរាងនិងមុខមាត់របស់នាង មានការវិវត្តខុសគ្នាបែបណាខ្លះ កាលពីអំឡុងឆ្នាំ 2008 និងបច្ចុប្បន្ននេះ? ចង់ដឹងថា មានសភាពបែបណានោះ សូមទស្សនារូបភាពទាំងឡាយខាងក្រោមនេះ៖