Author: អេបិល

កាលពីពេលថ្មីៗនេះមានការភ្ញាក់ផ្អើលដ៏ខ្លាំងមួយ ដោយសារអ្នកលេងហ្វេសប៊ុកជនជាតិថៃម្នាក់ដែលមានគណនីឈ្មោះPormchai Suthanonបានបង្ហោះសារនៅលើហ្វេសប៊ុករបស់ខ្លួនដោយប្រើពាក្យតិះដៀលប្រមាថដល់សិល្បៈវប្បធម៌ខ្មែរនិងជនជាតិខ្មែរ។

នៅក្នុងសារនោះគេបានសរសេររៀបរាប់ថា៖ «ភាគច្រើនសិល្បៈផ្សេងៗរបស់ខ្មែរ គឺមួយផ្នែក Copy ពីប្រទេសថៃយើងច្រើនជាងដែលពួកគេគិតឡើងដោយខ្លួនឯង និងអះអាងថាជាសិល្បៈរួម ដោយសារតែស្ថានភាពសង្គ្រាមរយៈពេលយូរអង្វែង តែប្រជាជនខ្មែរសម័យនេះពួកគេអះអាងថាថៃបានលួចរបស់ពួកគេទៅវិញ (ប្រើពាក្យថាលួចតែម្ដង) ដែលតាមពិតទៅខ្លួនឯងសោះ ជាភាគីលួចពីប្រទេសថៃច្រើនជាង។ ប្រសិនបើមើលតាមក្បាច់រាំ ការតុបតែងមុខមាត់ ម៉ូដសក់ក្បាច់ជីបផ្សេងៗទៀត គឺខ្មែរបានCopy របស់យើងគ្រប់យ៉ាងៗសម្បូរបែប និងថែមទាំងទទូចសូមឱ្យពិភពលោកទទួលស្គាល់ថា ជារបស់ជាតិសាសន៍ខ្មែរ មិនមែនរបស់ជនជាតិថៃ ទាំងមិនស្គាល់អំពីក្រសួងវប្បធម៌ថៃឡើយ។ តើជាអ្វីទៅ..?»។

គ្រាន់តែបានឃើញសារនោះ និងការឆ្លើយតបរបស់កូនខ្មែរមួយចំនួននៅលើហ្វេសប៊ុកភ្លាម ប្រធានសមាគមសិល្បករខ្មែរអ្នកនាងចន ច័ន្ទលក្ខិណាបានពន្លះទៅវិញថា «ខ្ញុំក៏ចង់និយាយដែរថា ប្រទេសរបស់អ្នកឯងជាប្រទេសដែលចេះតែលួចវប្បធម៌អរិយធម៌គេ គ្មានអ្វីជាអត្តសញ្ញាណរបស់ខ្លួនពិតប្រាកដឡើយ មានតែមួយគត់ដែលសម្គាល់ថាជាអត្តសញ្ញាណរបស់ប្រទេសអ្នកឯងគឺ វប្បធម៌ទេសចរណ៍សិច ឬសិចអនាធិបតេយ្យ។ សុំទោស ខ្ញុំយករូបពីការផុសតគ្នាតាមរយៈព័ត៌មានចែកចាយលើបណ្ដាញសង្គម Facebook ឯរឿងហ្នឹងពិត ឬមិនពិតយ៉ាងណា ខ្ញុំមិនដឹងទេ ដឹងត្រឹមតែខ្ញុំមិនសប្បាយចិត្តនឹងអ្នកណានិយាយមើលងាយប្រទេសខ្មែរប៉ុណ្ណោះ»។

យ៉ាងណាមិញ នៅមិនទាន់អស់ចិត្តឡើយ អ្នកនាងនៅបានបង្ហោះសារជាបន្ដបន្ទាប់ទៀតដោយអះអាងថា នាងខ្ញុំជាមនុស្សល្ងង់ តែនាងខ្ញុំឈឺចាប់ណាស់នូវអ្វីដែលសាសន៍គេដៀលខ្មែរ តែអ្វីដែលគួរឱ្យឈឺចាប់ជាងនេះ គឺកូនខ្មែរដែលអង្គុយលើគំនរវិជ្ជា បែរជាអបអរសាទរ និងគាំទ្រនូវអ្វីដែលសាសន៍គេកំពុងមើលងាយសាសន៍ឯងទៅវិញ។ នេះជាការយល់ឃើញរបស់មនុស្សល្ងង់ដូចជារូបខ្ញុំ។ បើអ្នករៀនបានខ្ពង់ខ្ពស់ និងស្ថិតក្នុងត្រកូលថ្លៃថ្នូរ ក្នុងគ្រួសារសម្បូរចំណេះវិជ្ជាមិនយល់ស្រប ក៏សុំទោសផងចា៎ ព្រោះការយល់ឃើញផ្សេងគ្នា ឋានៈខុសគ្នា ចំណេះដឹងខុសគ្នា និងស្ថានភាពខុសគ្នា។ដូច្នេះបើមិនពេញចិត្ត សូមUnfriend ខ្ញុំចោលទៅ ចំពោះគំនិតរបស់អ្នកមកលើមតិយោបល់របស់ខ្ញុំកន្លងមក រួមទាំងការវាយប្រហារមកលើខ្ញុំផ្សេងៗផង គឺខ្ញុំដឹងទាំងអស់គ្រាន់តែខ្ញុំមិននិយាយ។ ទំនេរៗ យកពេលទៅគិតរឿងជួយអភិវឌ្ឍប្រទេសជាតិទៅ កុំយកពេលមកចាំតែរិះគន់ប្រទេសខ្លួនឯង អ្វីៗមិនស្ថិតលើបបូរមាត់ទេ គឺស្ថិតលើសកម្មភាព គេមិនហៅថាទំពាំងស្នងឫស្សីទេ គឺគេហៅទំពាំងជ្រក់៕

គួរឱ្យចម្លែកមែនទែន និងមិនដូចឆ្នាំកន្លងៗទៅឡើយ ព្រោះឆ្នាំនេះមហាជនជាច្រើនបានទន្ទឹងចាំមើលផ្លូវ ចំពោះការចេញបទចម្រៀងថ្មីៗចូលរួមរីករាយស្វាគមន៍ឆ្នាំថ្មីប្រពៃណីខ្មែររបស់តារាចម្រៀងបែបមនោសញ្ចេតនា គឺ​កញ្ញា ស៊ុន ស្រីពេជ្រ ដែលជាកូនស្រីរបស់តារាកំប្លែងនាយ សង់ ស៊ីស ហៅ​តា​ស៊ីស នៅក្នុងផលិតកម្មចម្រៀងថោន ហើយថែមទាំងស្ងប់ស្ងាត់ មិនឃើញមានចេញបទចម្រៀងថ្មីដូចតារាចម្រៀងរួមផលិតកម្ម។

ឆ្នាំកន្លងទៅ តារាចម្រៀងស្រីរូបនេះ បានរក្សាតំណែងជាតារាចម្រៀងប្រជាប្រិយបានយ៉ាងល្អ ដោយសារតែនាងបានផ្លាស់ប្ដូរទ្រនំពីរស្មីហង្សមាស មកនៅផលិតកម្មថោន ហើយបានចេញចម្រៀងជាច្រើនបទ ដែលសុទ្ធសឹងតែជាបទចម្រៀងល្បីៗ និងមានចង្វាក់បែបប្រជាប្រិយខ្មែរ ដូចជាបទមានចំណងជើងថា «ជូនអូនទៅម៉ែ» ដែលជាចង្វាក់សារ៉ាវ៉ាន់ជាដើម។

តាមរយៈការបកស្រាយបញ្ជាក់ពីខាងអ្នកគ្រប់គ្រងផលិតកម្មថោន បានប្រាប់អ្នកយកព័ត៌មាន ឡារ៉ែន ថា «ខាងផលិតកម្មថោន បានរៀបចំបទចម្រៀងឱ្យតារាស្រីរូបនេះរួចហើយ ក៏ប៉ុន្ដែដោយសារនាងមានបញ្ហាគ្រួសារ និងត្រូវមើលថែទាំលោកឪពុកដែលកំពុងសម្រាកព្យាបាល ទើបជាហេតុបណ្ដាលឱ្យនាងខកខានមិនមានពេលវេលាមកថតសំឡេង ។ តែយ៉ាងណាក៏ដោយ ខាងផលិតកម្មរំពឹងទុកថា មហាជននៅតែបន្ដគាំទ្ររូបនាងតាមរយៈបទចម្រៀងកាលពីឆ្នាំមុនដដែល»។

សូមជម្រាបបន្ថែមថា មជ្ឈដ្ឋានមហាជននៅតែបន្ដរង់ចាំការចេញបទចម្រៀងថ្មីៗរបស់តារាស្រី ស៊ុន ស្រីពេជ្រ ដដែល និងរំពឹងថា នាងនឹងមិនបាត់មុខពីពិភពសិល្បៈយូរឡើយ៕

មុននេះបន្ដិចមានការភ្ញាក់ផ្អើលមួយបានកើតឡើង ដោយសារតែនៅលើបណ្ដាញទំនាក់ទំនងសង្គមហ្វេសប៊ុករបស់គណនីមួយបានបង្ហោះរូបភាពជាច្រើនសន្លឹក ដែលបង្ហាញឱ្យឃើញថា យុវជនខ្មែរយើងបានព្យាយាមច្នៃប្រឌិតសម្បកកង់រថយន្ដចាស់ៗឱ្យកា្លយជាប្រាង្គប្រាសាទអង្គរវត្តយ៉ាងល្អប្រណីតដើម្បីត្រៀមស្វាគមន៍ភ្ញៀវទេសចរជាតិ និងអន្ដរជាតិ ដែលនឹងមកលេងកម្សាន្ដនៅទឹកដីខេត្តបាត់ដំបង ក្នុងឱកាសពិធីបុណ្យមហាសង្ក្រាន្ដឆ្នាំថ្មីនេះ។

បើតាមការបញ្ជាក់របស់លោក Fang Fang Chiness បានឱ្យដឹងថា ប្រាង្គប្រាសាទដែលបានសាងពីសម្បកកង់រថយន្ដចាស់ៗនេះ មានទីតាំងស្ថិតនៅមជ្ឈមណ្ឌលសុភមង្គល តាមផ្លូវវាងក្រុងបាត់ដំបង។ លោកបានប្រាប់បន្ថែមថា ប្រាង្គប្រាសាទអង្គរវត្តសិប្បនិម្មិតដ៏ល្អឯកមួយនេះ គឺជាស្នាដៃរបស់កូនខ្មែរដែលមានគំនិតច្នៃប្រឌិត ចេះប្រមូលផ្ដុំសម្បកកង់ និងពោះវៀនកង់ឡាន យកមកកាត់ហើយផ្គុំតម្រៀបគ្នាចេញជារូបប្រាសាទអង្គរវត្តដ៏ល្អស្អាត។ ប្រសិនបើប្រិយមិត្តទាំងអស់បានឃើញហើយ សូមកុំភ្លេចធ្វើដំណើរទៅខេត្តបាត់ដំបង ដើម្បីទៅចូលលេងកម្សាន្ដ និងទស្សនាទាំងអស់គ្នា។

គួរបញ្ជាក់ផងដែរថា ក្នុងឱកាសចូលឆ្នាំថ្មីប្រពៃណីខ្មែរយើងនេះ នៅលើទឹកដីខេត្តបាត់ដំបងមានរៀបចំកម្មវីធីអបអរសាទរពិធីបុណ្យចូលឆ្នាំខ្មែរ ឆ្នាំច សំរឹទ្ធិស័ក ព.ស 2562 គ.ស 2018 នៅតាមបណ្ដាទីរមណីយដ្ឋានធំៗ និងមានការតាំងបង្ហាញនូវរូបផ្លែម្នាស់យក្ស ដែលបង្ហាញពីសក្ដានុពលកសិកម្ម និងភោគផលដំណាំ រួមទាំងផ្លែពោតយក្ស និងផលិតផលភូមិមួយ ផលិតផលមួយទៀតផង និងកាន់តែពិសេសទៅទៀតនោះ នៅមានការរាំលេងកម្សាន្តតាមចង្វាក់តន្រ្តីប្រជាប្រិយប្រពៃណីខ្មែរគ្រប់ទម្រង់ទាំងអស់ ដើម្បីលើកស្ទួយកេរមរតកដូនតាខ្មែរយើងទៀតផង៕

ដើម្បីឱ្យកាន់តែជាក់ច្បាស់ សូមទស្សនារូបភាពទាំងអស់ខាងក្រោមនេះ ៖

បន្ទាប់ពីសារព័ត៌មានក្នុងស្រុកជាច្រើនបានចេញផ្សាយពីដំណឹងរបស់អតីតតួប្រុសនៅក្នុងខ្សែភាពយន្តរឿង «កូនពស់កេងកង» លោក ចៅ  ចាន់ណារី ​យ៉ាងកក្រើកពេញបណ្ដាញទំនាក់ទំនងសង្គមហ្វេសប៊ុករួចមក តារាសម្ដែងប្រុសជើងចាស់រូបនេះ ត្រូវបានសិល្បករ សិល្បការិនី និងសមាគមសិល្បៈ ព្រមទាំងអ្នកមានមុខនៅក្នុងជួរមន្ដ្រីធំៗ បានជួយជ្រោមជ្រែង ឧបត្ថម្ភជាថវិកាមួយចំនួនដើម្បីជួយសម្រាលជីវភាពដ៏កម្សត់របស់លោក និងជួយសម្រាលថ្លៃព្យាបាលជំងឺប្រចាំកាយរបស់លោកទៀតផង។

ប្រវត្តិដ៏ជូរជត់ និងការតស៊ូនៅលើវិថីសិល្បៈរបស់តារាប្រុសវ័យចំណាស់រូបនេះត្រូវបានទម្លាយឱ្យដឹងតាមរយៈការផ្ដល់បទសម្ភាសជាមួយអ្នកសារព័ត៌មាន ហើយនៅក្នុងនោះ ក៏មានការស្វះស្វែងរកដំណឹងរបស់តារាសម្ដែងរូបនេះ ព្រមទាំងបាននាំរូបលោកមកឱ្យមហាជនពុកម៉ែបងប្អូនបានស្គាល់ពីទេពកោសល្យដ៏ឆ្នើមរបស់លោកតាមរយៈកំពូលតារាកំប្លែង នាយ កុយផងដែរ ។

ជាការពិតណាស់ លោក ចៅ ចាន់ណារី បានទម្លាយពីមូលហេតុពិតដែលធ្វើឱ្យលោកឃ្លាតចាកពីពិភពសិល្បៈខ្មែរអស់រយៈកាលយូរអង្វែងនោះ គឺដោយសារតែលោកនឹកឃើញ និងប្រកាន់ខ្ជាប់នូវពាក្យមួយឃ្លាថា «ខ្មាសគេ» ព្រោះតែធ្លាក់ខ្លួនក្រ មិនមានមុខមាត់អីទៅជួបគេ គ្មានអ្នកណាគេហៅសម្ដែងដូចមុន។

លោកបានរៀបរាប់ប្រាប់ថា លោកមានការស្រណោះខ្លួនឯងជាទីបំផុត គឺកាលពីកន្លះឆ្នាំមុននៅពេលដែលលោកបានជួបនាយ ចាប ចៀន ហើយនាយចាបចៀនបានឱ្យលុយចំនួន 2 ម៉ឺនរៀលទៅកូនរបស់លោក ដែលមានន័យថា ឱ្យលុយទៅកូនលោក ក៏ដូចជាឱ្យមកលោកដូច្នោះដែរ បើទោះជាលោកបដិសេធមិនទទួលយកទឹកចិត្តនោះក៏ដោយ។ លោកបានបន្ដរៀបរាប់ទាំងអួលដើមកថា «គ្រាមួយខ្ញុំបានជួបនឹងនាយ ចាប ចៀន ពេលទៅប្រគំតន្ត្រីនៅខេត្តមួយ ហើយពួកយើងបានជជែកគ្នាលេង ក្រោយមកគាត់ដកលុយឱ្យកូនខ្ញុំ 2ម៉ឺនរៀល តែយ៉ាងណា ខ្ញុំបានលុយ 2ម៉ឺននោះឯង ជាសោហ៊ុយ​ចាក់សាំងធ្វើដំណើរត្រឡប់ទៅផ្ទះវិញ។ បើតាមចិត្តខ្ញុំ ខ្ញុំមិនឱ្យកូនយកទេ ប៉ុន្តែពេលបានមក ក៏ធូរមួយគ្រាដែរ»។ មូលហេតុនេះហើយ ដែលធ្វើឱ្យអតីតតារាសម្ដែងវ័យចំណាស់ម្នាក់នេះ សម្ងំលាក់មុខនៅក្នុងស្ថានភាពជីវិតក្រីក្រលំបាកត្រដររស់ទៅតាមព្រេងវាសនាដែលខ្លួនមាននោះ​។

គួរបញ្ជាក់ផងដែរថា អតីតតារាភាពយន្តជើងចាស់លោកចៅ ចាន់ណារី បច្ចុប្បន្នមានវ័យ 61ឆ្នាំហើយ ជាតារាសម្ដែងក្នុងអំឡុងទសវត្សរ៍ទី80-90 ជំនាន់ លោក សម វិទ្យា លោក សម តារា លោក កេត សូបូរិទ្ធ លោក យស បូវណ្ណៈ លោក ខៃ ប្រសិទ្ធ លោក ខៃ ប្រសើរ និងលោក ខ្លូត រតនា ជាដើម។ បច្ចុប្បន្នលោកមានជំងឺប្រចាំកាយ និងបង្ហាញខ្លួនជាថ្មីតាមការចូលរួមសម្ដែងក្នុងរឿង «កូនពស់កេងកង» កាលពីឆ្នាំ 2000 ដែលដឹកនាំសម្ដែងរឿងដោយលោក ហ្វៃ សំអាង៕

តើជារឿងចៃដន្យ ឬយ៉ាងណាដែរ ដែលតារាថ្មីៗខ្លាំងៗរបស់ផលិតកម្មរស្មីហង្សមាស នាពេលបច្ចុប្បន្ននេះសុទ្ធតែមានឈ្មោះ «ថៃ» ដល់ទៅ 3ដួង ហើយសុទ្ធតែប្រុសទាំងអស់ទៀត រួមមាន លោក ថែល ថៃ ម្ចាស់ពានកម្មវិធីប្រឡងចម្រៀងលំដាប់ពិភពលោក The Voice Cambodia រដូវកាលទី2។ កុមារា ពេជ្រ ថៃ ជាម្ចាស់ជយលាភីកម្មវិធីប្រឡងចម្រៀងកុមារលំដាប់ពិភពលោក The Voice Kids Cambodia ដំបូងគេបង្អស់ និងក្រោយគេគឺលោក គ្រី ថៃពៅ ដែលទើបតែក្លាយជាម្ចាស់ពានរង្វាន់កម្មវិធី Cambodia Idol រដូវកាលទី 3 ថ្មីៗនេះ។

1- លោក ថែល ថៃ

បេក្ខជន ថែល ថៃ បានលើកពាន The Voice Cambodia នៅរដូវកាលនោះ បន្ទាប់ពីលោកបានបកស្រាយបទចម្រៀងក្នុងវគ្គផ្ដាច់ព្រ័ត្រ ហើយត្រូវបានទស្សនិកជនបោះឆ្នោតឱ្យដោយសំឡេងច្រើននាំមុខគេ។ លោកទទួលបានទឹកប្រាក់ រង្វាន់ 100លានរៀល និង2ពាន់ដុល្លារផ្សេងទៀត ព្រមជាមួយកុងត្រាពេញសិទ្ធិនៅក្នុងផលិតកម្មហង្សមាសមួយទៀត។ លោកគឺជាអតីតអ្នកចម្រៀងប្រចាំក្លិបកម្សន្ដមួយ មុនពេលទទួលបានពាននេះ។

2-កុមារា ពេជ្រ ថៃ

ក្រៅពីការទទួលបានពានរង្វាន់ The Voice Cambodia រដូវកាលទី2ហើយ ​កុមារា ពេជ្រ ថៃ ​នៅបានទទួលទឹកប្រាក់100លានរៀលដែលជាកញ្ចប់​ប្រាក់​​​អាហារូបករណ៍លើការសិក្សា និងសម្រាប់ទស្សនកិច្ចនៅប្រទេស​​ជប៉ុន អមដោយ​​​​​​ថវិកាជាសាច់ប្រាក់សុទ្ធ​ចំនួន ​​10លានរៀលពីម្ចាស់ឧបត្ថម្ភកម្មវិធី ទឹកប្រាក់ 3ពាន់ដុល្លារ​ពីសម្ដេច​នាយករដ្ឋមន្ត្រី និង ទទួលបានរង្វាន់ជា​​ទឹក​​ប្រាក់​​ជាច្រើន​​ផ្សេងទៀត។

3-លោក គ្រី ថៃពៅ

លោក គ្រី ថៃពៅ ទទួលបានប្រាក់រង្វាន់ចំនួន 150លានរៀល ប្រហែលជាជាង 30,000ដុល្លារ ព្រមជាមួយកិត្តិយសក្នុងនាមជាម្ចាស់ពាន Cambodian Idol ក្នុងរដូវកាលទី3។ ក្រៅពីនោះ លោកក៏ត្រូវបានកំណត់ឱ្យក្លាយជាតារាចម្រៀងជាប់កុងត្រាប្រចាំផលិតកម្មរស្មីហង្សមាសពេញរយៈពេល1ឆ្នាំ ក្នុងនាមជាតារាចម្រៀងពេញសិទ្ធិទៀតផង៕

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី9 ខែមេសា ឆ្នាំ2018នេះបានឱ្យដឹងថា កញ្ញា គឹម ស្រីកែវ កំពុងតែស្ថិតនៅក្នុងប្រទេសហ្វីលីពីន ដើម្បីចូលរួមកម្មវិធីប្រកួតបវរកញ្ញាទេសចរណ៍សម្រស់នៃអាស៊ី ឬMiss Tourism Beauty of Asia ឆ្នាំ2018នេះ​ជាលើកដំបូងដែលប្រព្រឹត្តទៅនៅពីថ្ងៃទី9 នេះរហូតដល់ថ្ងៃផ្ដាច់ព្រ័ត្រទី29 ខែមេសា ខាងមុខនេះ នៅក្នុងទីក្រុងម៉ានីល ប្រទេសហ្វីលីពីន។ ហើយអ្វីដែលពិសេសនោះគឺ បេក្ខនារីតំណាងប្រទេសកម្ពុជាយើងរូបនេះមានគម្រោងបង្ហាញឈុតតំណាងជាតិដែលបានរចនាម៉ូដយ៉ាងសម្រិតសម្រាំង និងផ្ចិតផ្ចង់ជាទីបំផុត។

មិនត្រឹមតែមានរូបឆោមលោមពណ៌ស្រស់ស្អាតប៉ុណ្ណោះទេ តែនាងនៅមានសមត្ថភាពដ៏អស្ចារ្យដែលធ្លាប់បានបង្ហាញនៅលើឆាកប្រកួតបវរកញ្ញាជាច្រើនលើករួចមកហើយ។ បវរកញ្ញារូបនេះធ្លាប់មានការប្ដេជ្ញាចិត្តកន្លងមកថា «ដោយសារតែនាងខ្ញុំជាបវរកញ្ញាទេសចរណ៍ នាងខ្ញុំនឹងផ្សព្វផ្សាយពីតំបន់ទេសចរណ៍នៅក្នុងប្រទេសកម្ពុជាយើង ជាពិសេសគឺប្រាសាទអង្គរវត្តទៅកាន់ពិភពលោកឱ្យបានស្គាល់»។ នាងបន្ដថា រូបនាងផ្ទាល់មិនសូវមានក្ដីរំពឹងទុកខ្ពស់ក្នុងការប្រកួតនោះទេ ព្រោះនេះជាបទពិសោធលើកទីមួយដែលទៅប្រកួតលើឆាកអន្ដរជាតិ ក៏ប៉ុន្ដែអ្វីដែលនាងបានព្យាយាមប្ដេជ្ញាចិត្តនោះគឺ នាងសន្យាថា នឹងខិតខំប្រឹងប្រែងឱ្យអស់ពីកម្លាំងកាយចិត្តរបស់នាងដើម្បីដណ្ដើមយកជយលាភីឱ្យទាល់តែបាន»។

ចង់ដឹងថា តើរូបសម្រស់ និងការប្ដេជ្ញាចិត្តរបស់កញ្ញា គឹម ស្រីកែវ នៅលើឆាកបវរកញ្ញាទេសចរណ៍ Miss Tourism Beauty of Asia ឆ្នាំ 2018នេះយ៉ាងណាខ្លះនោះ សូមទស្សនាវីដេអូខាងក្រោមនេះ និងកុំភ្លេចរង់ចាំជួយបោះឆ្នោតគាំទ្ររូបនាងទាំងអស់គ្នាផងណា៎…។

កាលពីយប់មិញនេះ កម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី 3 ដែលបានរៀបចំឡើងដោយស្ថានីយទូរទស្សន៍ហង្សមាស បានរកឃើញម្ចាស់ជយលាភីលេខ1 និងជាម្ចាស់ពានរង្វាន់ហើយ គឺបានទៅលើបេក្ខជន គ្រី ថៃពៅ ដែលទទួលបានសំឡេងសារបោះឆ្នោតគាំទ្រច្រើនជាងគេ។ ដូចដែលយើងបានដឹងហើយថា បេក្ខភាពចំនួន 4 រូបចុងក្រោយដែលមានសមត្ថភាពអាចបន្ដមកដល់វគ្គចុងក្រោយនេះរួមមាន កញ្ញា ឈាង​ សុវណ្ណាវី កញ្ញា ចែម ស្រីល័ក្ខ លោក សៀក ញញឹម និងលោក គ្រី ថៃពៅ ។

ការបង្ហាញសមត្ថភាពរបស់លោក គ្រី ថៃពៅ នាយប់ម្សិលមិញនេះ បានសម្ដែងឱ្យឃើញពីកម្លាំង និងតិចនិកនៃការប្រើសំឡេងដែលអាចធ្វើបានទៅតាមវិញ្ញាសារបស់កម្មវិធី ព្រមទាំងទាក់ទាញចិត្តមហាជនអ្នកបោះឆ្នោតឱ្យងាកមកគាំទ្ររូបគេបានយ៉ាងច្រើនទៀតផង។ តែដោយឡែក ការមិនពេញចិត្តក៏នៅតែមានដែរ ព្រោះថា កាលពីសប្ដាហ៍ទី 7 បេក្ខភាពរូបនេះ បានបង្ហាញឱ្យឃើញពីភាពភ្លាត់ស្នៀត និងមានភាពថ្លោះធ្លោយចំពោះការច្រៀង។ ជាការពិតណាស់ តាមសភាពជាក់ស្ដែង បេក្ខជន គ្រី ថៃពៅ បានភ្លេចទំនុកច្រៀង (ប៉ារ៉ូល) សឹងតែទាំងស្រុង ព្រមទាំងធ្វើឱ្យមហាជនមានការស្រងាកចិត្ត និងបង្កឱ្យមានការរិះគន់កើតឡើងនៅលើបណ្ដាញសង្គមហ្វេសប៊ុកជាបន្ដបន្ទាប់ ដោយសារតែលោក នៅតែអាចបន្ដជាប់ទៅវគ្គបន្ដទៀតបាន។

ក្រោយពេលលើកពាននេះហើយ មហាជនមួយចំនួនបានចូលទៅបញ្ចេញមតិនៅពីក្រោមរូបភាពរបស់លោក គ្រី ថៃពៅ ថា «គាត់ច្រៀងខុសប៉ារ៉ូលកាលសប្ដាហ៍ទី7ពិតមែន តែកុំនិយាយច្រើនអី សំខាន់គឺគាត់បានពានហើយ ទើសក៏គ្មានន័យដែរ។»។ ខ្លះទៀតនិយាយថា «គ្មានអីគួរឱ្យទាក់ទាញបន្ដិចផង ប្រជាប្រិយភាពចាញ់ សោម៉ា ដាច់ បើតាមមើលទៅ ញញឹម ច្រៀងពិរោះជាង គ្រាន់តែថា ហង្សមាសឱ្យតែអ្នកខ្ពស់ស្អាតដឹងតែជាប់ហើយ។ សមតែធ្លាក់តាំងពីច្រៀងភ្លេចប៉ារ៉ូលមកម្លេះ ឱ្យតែស្អាត ច្រៀងមិនពីរោះក៏ហង្សមាសយកដែរ ព្រោះត្រូវប្លង់ថតរឿងផង»។ កាន់តែខ្លាំងជាងនេះទៀតនោះ អ្នករិះគន់បានលើកឡើងទៀតថា «លើកក្រោយមិនបាច់បោះឆ្នោតនាំតែខាតលុយទេ ព្រោះអីគេរៀបចំអស់ហើយ»។

គួរបញ្ជាក់ផងដែរថា ការមិនពេញចិត្តចំពោះការភ្លាត់ស្នៀតច្រៀងខុសប៉ារ៉ូលនេះ បានធ្វើឱ្យមហាជននៅតែបន្ដងឿងឆ្ងល់ថា តើកម្មវិធីមានការរៀបចំពិតមែនឬទេ? រហូតដល់ថ្នាក់ចង់ឱ្យកម្មវិធីបង្ហាញសារជាក់ស្ដែង។ តើប្រិយមិត្តទាំងអស់គិតបែបណាវិញចំពោះករណីរិះគន់បែបនេះ តែសម្រាប់អ្វីដែលជាការពិតនាពេលបច្ចុប្បន្ននេះគឺ គ្រី ថៃពៅ មានសមត្ថភាពលើកពាន និងក្លាយជាម្ចាស់ជយលាភីបាត់ទៅហើយ៕

នៅពេលថ្មីៗនេះ នៅលើបណ្ដាញទំនាក់ទំនងសង្គមហ្វេសប៊ុកស្រាប់តែមានភាពភ្ញាក់ផ្អើលជាខ្លាំង ដោយសារតែបុរសជាអ្នកលេងបណ្ដាញសង្គមហ្វេសប៊ុកម្នាក់ ដែលមានគណនីឈ្មោះ Ton Ton Sen Sen​ បានបង្ហោះសាររិះគន់ និងប្រើពាក្យសម្ដីប្រមាថដល់តារាចម្រៀងស្រីប្រចាំផលិតកម្មរស្មីហង្សមាស អ្នកនាង ពេជ្រ សោភា និងបង្ហោះរូបនាងនៅលើហ្វេសប៊ុកចំៗ។

បុរសខាងលើនេះបានសរសេរដូច្នោះថា « ឆ្នាំក្រោយនាងច្រៀងបទចុយឆ្កែចូលរាំ ហើយគាត់សម្ដែងរួមភេទជាមួយឆ្កែជាក់ស្ដែងតែម្ដង។ ចាំមើលទៅពិតជាល្បីខ្លាំង ពួកមួយចំនួនចាំរាំផង »។ ការបង្ហោះសារបែបនេះ បានធ្វើឱ្យអ្នកគាំទ្រសារស្រី ពេជ្រ និងមហាជនមានភាពភ្ញាក់ផ្អើលបំផុត ខណៈដែលខ្លួនជាបុរស តែហ៊ានប្រើពាក្យសម្ដីអសុរោះមាក់ងាយដូច្នោះទៅវិញ។ ជាការពិត ចាប់តាំងពីអ្នកនាង ពេជ្រ សោភា បានចេញបទ « បីឆ្កែចូលរាំ» កន្លងមក ក៏ទទួលបានការគាំទ្រយ៉ាងភ្លូកទឹកភ្លូកដី តែទន្ទឹងនឹងនោះ ក៏មានការរិះគន់ពីអ្នកលេងហ្វេសប៊ុកមួយចំនួនតូច រួមទាំងឃើញមានព្រះសង្ឃមួយអង្គផងដែរ។

តែយ៉ាងណាក្ដី បុរសដែលបានពោលខាងលើនេះ បានបង្ហោះសារថ្មីបញ្ជាក់មួយទៀត ដែលបានប្រាប់ពីគោលបំណងរបស់លោកទៅកាន់មហាជន និងតារាស្រី ពេជ្រ សាភា ថា «មុនអានអត្ថបទខ្ញុំសូមឱ្យបងប្អូនជួយស៊ែរផងបាទ! ខ្ញុំសុំទោសរាល់ការប្រើពាក្យអសីលធម៌មួយនេះ។ ប៉ុន្តែរាល់អត្ថបទផ្សេងដែលទាក់ទងទៅនិងប្រទេសជាតិដែលរូបខ្ញុំបាទបានផុស សួរថា តើមានបងប្អូនប៉ុន្មាននាក់ដែលជួយស៊ែរនិងខមិន ( Comment ) ឬឡាច ( Like ) ? បងប្អូនយកចិត្តទុកដាក់និងពួកតារាឬអ្នកនិពន្ធស្រុកខ្មែរណាស់មែនទេ? តើពួកអស់ទាំងនោះរាល់ថ្ងៃចូលរួមបំផ្លាញសង្គម ឬបំពុលសង្គម? ឯណាទៅបទរាំវង្សខ្មែរបទប្រពៃណីខ្មែរបាត់អស់រលីងមានតែបទបែកស្លុយនិងបទឆ្កួតៗ​ ចំនែកថៃវិញគេខំថែរក្សានិងលួចប្រពៃណីខ្មែរ តើយើងមានបេះដូងជាខ្មែរដែឬទេ? អស់លោកសប្បាយចិត្តណាស់មែនទេពេលឃើញកូនចៅឬបងប្អូនរបស់ខ្លួនក្លាយជាមនុស្សបែកស្លុយ (មនុស្សឆ្កួត) សប្បាយចិត្តណាស់មែនទេពេលឃើញប្រពៃណីខ្លួនត្រូវរលាយបាត់បង់? ខ្ញុំចង់សួរថា តើមានកូនខ្មែរប៉ុន្មាននាក់សម័យឥឡូវនេះចេះរាំបទបុរាណខ្មែរ? »៕

ថ្មីៗនេះនៅលើបណ្ដាញទំនាក់ទំនងសង្គមហ្វេសប៊ុករបស់តារាសម្ដែងស្រីកំពុងតែមានប្រជាប្រិយភាពខ្លាំងគឺកញ្ញា ឆុំ វត្តី បានបង្ហោះរូបភាព និងសារយ៉ាងវែងអន្លាយ ដែលគេមើលឃើញថា នាងកាន់តែបង្ហាញពីភាពស្និទស្នាលនិងផ្អែមល្ហែមជាងស្ករតាំម៉ែជាមួយគូស្នេហ៍ហើយលើនេះ បើចាប់តាំងពីថ្ងៃខួបកំណើតរបស់នាងមកម្លេះ។

តារាស្រីរូបនេះ បានបង្ហាញរូបបុរសជាគូសេ្នហ៍ បំពាក់ខ្សែជើងឱ្យរូបនាង ហើយថែមទាំងរៀបរាប់ថា «ស្រីៗគឺយ៉ាងនេះហើយ.. ពេលខ្លះធ្វើមុខខឹងគេព្រោះចង់ឲ្យគេលួង- ប្រកែកនឹងគេ ព្រោះចង់ឲ្យគេចេះធ្វើចាញ់ទើបសុខចិត្ត
-មិនចង់ឲ្យសួរច្រើន ចង់ឲ្យគេរៀនឈ្វេងយល់ដោយខ្លួនឯង – មិនចូលចិត្តនិយាយត្រង់ៗ តែចូលចិត្តប្រើទឹកមុខ – ឆាប់ខឹង ហើយក៏ឆាប់បាត់ (ស្រួលលួងណាស់) – ធ្វើអីក៏ចង់បានឲ្យគេសរសើរដែរ តែបើបង្អាប់ក៏មិនអី គ្រាន់តែអន់ចិត្ត – មិនចូលចិត្តឲ្យគេសួរ តែចូលចិត្តសួរគេ ហើយពេលគេធុញក៏តាំងអន់ចិត្ត – គិតច្រើនណាស់ ពេលខ្លះរឿងតូចមួយសោះ គិតបែកអូរហូរស្ទឹង ហើយមានពេលខ្លះ គេមិនរវល់ក៏លួចអន់ចិត្ត..យំ »។

មិនតែប៉ុនណោះ តួស្រីនៅក្នុងរឿង « ភូមគ្រិះ 100 ល្បិច » រូបនេះ បានបន្ថែមទៀតថា « ត្រូវទេស្រីៗ? ពេលស្រីៗធ្វើដូចកូនក្មេងគឺពិតជាគួរឲ្យស្រលាញ់ ងង៉ក់ច្រើន យំច្រើន សើចច្រើន ឆាប់ខឹង ឆាប់បាត់ ខ្លួនឯងខុសហើយចង់ឲ្យគេនិយាយសុំទោសទៀត តែយ៉ាងណាក៏នៅតែគួរឲ្យស្រលាញ់ដដែល។ បើគ្មានស្រីៗ ក៏ប្រហែលគ្មានប្រុសចេះប្រចណ្ឌដែរ »។ វ៉ាវ!! កាន់តែផ្អែមជាងទឹកឃ្មុំទៅហើយ តើអ្នកគាំទ្រណាមួយមិនរំភើប និងត្រេកអរជំនួសគូស្នេហ៍នាងនោះ៕