Author: អេបិល

នៅថ្ងៃម្សិលមិញនេះ លោក ចាន់ សំណាង ហៅឌីជេ ក្ដឹប ដែលជាតារាចម្រៀង និងជាអ្នកនិពន្ធបទភ្លេងថ្មីនៅផលិតកម្មរស្មីហង្សមាសបានចេញឃ្លីបវីដេអូរយៈពេលខ្លីប្រកាសថា ខ្លួននឹងលាឈប់ពីអាជីពនិពន្ធបទចម្រៀងមួយនេះហើយ។ បន្ទាប់ពីបានឃើញ និងដឹងព័ត៌មាននេះភ្លាម តារាចម្រៀង Original Song កញ្ញា អេដ ដា ក៏បានរៀបរាប់នៅលើហ្វេសប៊ុកផ្ទាល់ខ្លួនដែលបង្ហាញពីអារម្មណ៍សោកស្ដាយចំពោះទេពកោសល្យដែលលោក ចាន់ សំណាង មាន ហើយបានព្យាយាមលះបង់អស់រយៈពេលជាច្រើនឆ្នាំក្នុងការបម្រើអារម្មណ៍មហាជនគ្រប់ស្រទាប់។

ម្ចាស់បទ «ពីរនាក់បានហើយ​» រូបនេះបានពោលថា «សម្រាប់ខ្ញុំ គឺមានតែសោកស្តាយដែលការមិនឱ្យតម្លៃលើទេពកោសល្យ និងបំភ្លេចស្នាដៃដ៏លេចធ្លោរបស់គាត់ចោល ធ្វើឱ្យពិភពសិល្បៈត្រូវបាត់បង់មនុស្សមានសមត្ថភាពផ្នែកនិពន្ធម្នាក់ ព្រោះតែការបាក់ទឹកចិត្ត។ 10 ឆ្នាំហើយដែលគាត់តស៊ូហែលឆ្លងលើវិស័យនេះ តាំងពីធ្វើការនៅវិទ្យុ រហូតដល់ក្លាយជារ៉េបភើរអនាថាដែលគ្មានផលិតកម្មណាអើពើ ហើយកាលនោះសឹងតែគ្មានតម្លៃទាល់តែសោះ រហូតដល់ប៉ុន្មានឆ្នាំចុងក្រោយនេះគាត់ជោគជ័យហើយ តែបែរជាត្រូវបោះបង់ចោលទៅវិញ!!  តែទោះយ៉ាងណា ខ្ញុំគាំទ្រនូវអ្វីដែលគាត់គិតថាធ្វើឱ្យគាត់សប្បាយចិត្ត ហើយមានតែជូនពរឱ្យក្តឹប ជោគជ័យក្នុងជីវិត និងគ្រប់ការងារដែលក្តឹបចង់ធ្វើ»។

គួរបញ្ជាក់ផងដែរថា លោក ចាន់ សំណាង បានប្រកាសថា ខ្លួននឹងបញ្ចប់ការងារនិពន្ធបទចម្រៀងនេះហើយ ក្រោយពីលោកមានបញ្ហានៅក្នុងក្រុមគ្រួសារ តែលោកបានសន្យាជាមួយមហាជនថា លោកនឹងវិលត្រឡប់មកវិញនៅក្នុងឱកាសណាមួយដែលលោកមានបំណងចិត្តចង់ធ្វើការនិពន្ធឡើងវិញ។ ហើយលោកក៏បានបញ្ជាក់ទៀតថា លោកគ្រោងនឹងប្រកបរបរមួយជាមួយក្រុមគ្រួសារ និងម្ដាយរបស់លោកដែលរំពឹងទុកថា មហាជនលោកនៅតែស្រឡាញ់ និងគាំទ្រលោកជានិច្ច(បេល ជូនពរឱ្យជោគជ័យណា៎ក្ដឹបណា៎)៕

នៅលើបណ្ដាញទំនាក់ទំនងហ្វេសប៊ុកបានធ្វើឱ្យមហាជនទូទៅដឹងថា ពិតជាគួរឱ្យអាណិតអាសូរណាស់ដែលបុគ្គលិកក្នុងក្រុមហ៊ុនរស្មីហង្សមាសម្នាក់ដែលមានឈ្មោះ រក្សា សុខៗស្រាប់តែធ្លាក់ខ្លួនឈឺដោយជំងឺដាច់សរសៃឈាមខួរក្បាល និងបច្ចុប្បន្នកំពុងត្រូវបានសង្គ្រោះព្យាបាលនៅក្នុងបន្ទប់វះកាត់ខួរក្បាលនៅមន្ទីរពេទ្យរុស្ស៊ី។ អ្វីដែលគួរឱ្យអកុសលនោះគឺបុរសម្នាក់នេះមានតែ2នាក់ម្តាយ និងកូន ហើយម្តាយក៏ចាស់ជរាទៀត និងពេលនេះកំពុងខ្វះខាតលទ្ធភាពក្នុងការវះកាត់ព្យាបាល។

ភ្លាមៗនេះ នៅថ្ងៃម្សិលមិញតារាចម្រៀងស្រី អ្នកនាង សុគន្ធ នីសា បានចេញមុខដោយផ្ទាល់ក្នុងការអំពាវនាវរកជំនួយសប្បុរសធម៌ពីសំណាក់មហាជនទាំងឡាយ ដោយអ្នកនាងបានរៀបរាប់ថា  «ប្អូនប្រុស​ រក្សា​ ហេតុអីបានជាភ្លាមៗបែបនេះ​ ទើបតែឃើញប្អូនថ្ងៃមុនសោះ​ ពិតជាអាណិតប្អូនខ្លោចចិត្ត​ មិនដឹងថាប្អូនមានជំងឺបែបនេះ​ នៅពេលធ្វើការប្អូនមិនចេះមាត់​ក​ ស្លូតបូត​ តែងតែញញឹម​ និងតែងតែជួយថតរូបឱ្យបង​ ពេលនេះប្អូនធ្លាក់ខ្លួនឈឺជាទម្ងន់ភ្លាមៗបែបនេះ​ បង និងក្រុមការងារគ្មានអ្វីធ្វើបានក្រៅពីធ្វើការរៃអង្គាសថវិកាខ្លះដើម្បីជួយប្អូនបណ្តោះអាសន្ន​ ព្រោះជំងឺប្អូនត្រូវការរយ:ពេលព្យាបាល​ 6ខែទៀត​»។

តារាចម្រៀងស្រីល្បីឈ្មោះរូបនេះបានបន្ដទៀតថា «ប្អូនមានតែពីរនាក់​ម្តាយ និងកូន​ ដែលកន្លងមកបងមិនដែលដឹងពីស្ថានភាពគ្រួសារប្អូនទេ​ ហើយនៅពេលនេះប្អូនធ្លាក់ខ្លួនឈឺ​ ហើយត្រូវការចំណាយថវិកាច្រើន​ ដូច្នេះហើយបងគ្មានអ្វីជួយក្រៅពី​សុំជំនួយពីបងប្អូនប្រជាពលរដ្ឋទាំងអស់ដែលមានសទ្ធា​ ក្រែងលោ​​បានជួយសម្រាលប្អូនបានខ្លះ​ ហើយសង្ឃឹមថា ពុកម៉ែបងប្អូនទាំងអស់នឹងជួយប្អូនតាមសទ្ធា​ ទោះតិចក្តី​ ច្រើនក្តី​ ស្ថានភាពប្អូនពេលនេះទោះជា​ 100 ​៛​ ក៏មានតម្លៃសម្រាប់ប្អូនដែរ​ បងសូមជូនពរ​ឱ្យប្អូនបានសុខសប្បាយ​ ហើយសូមអភ័យទោស​ដល់បងប្អូនទាំងអស់គ្នា​ដែលនាងខ្ញុំរំខាន​»។

គួរបញ្ជាក់ផងដែរថា ប្រសិនបើបងប្អូនប្រិយមិត្តអ្នកគាំទ្រទាំងអស់មានបំណង និងមានសទ្ធាទានឧបត្ថម្ភដល់ប្អូនប្រុស រក្សា សូមទាក់ទងលេខក្រុមគ្រួសារគាត់ផ្ទាល់ 092 368 123. 092 479 779 ។ សូមអរគុណ!៕

ថ្លែងក្នុងព្រឹត្តិការណ៍ «សប្ដាហ៍ស្ដីពីពាណិជ្ជកម្មតាមអេឡិចត្រូនិក (E-Commerce Week)» ដែលរៀបចំដោយសន្និសីទសហប្រជាជាតិស្ដីពីពាណិជ្ជកម្ម និងអភិវឌ្ឍន៍ (UNCTAD) ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មមានប្រសាសន៍ថា ការប្រើប្រាស់ប្រព័ន្ធឌីជីថលដើម្បីកាត់បន្ថយរបាំងសម្រាប់ការនាំចេញ ជាចលករជំរុញឱ្យសហគ្រាសធុនតូច និងមធ្យមអាចមានឱកាសចូលរួមធ្វើពាណិជ្ជកម្មនៅក្នុងទីផ្សារសកលលោក ជាពិសេសប្រព័ន្ធបច្ចេកវិទ្យាឌីជីថលអាចបង្ខិតឱ្យកាន់តែជិត និងបង្កើតភាពងាយស្រួលដល់សហគ្រាសធុនតូច និងមធ្យមទាំងនោះក្នុងការជួបជាមួយនឹងអតិថិជន និងធ្វើការផ្សព្វផ្សាយលក់ទំនិញរបស់ខ្លួនបានយ៉ាងឆាប់រហ័ស។

លើសពីនេះទៀត ការប្រើប្រាស់ប្រព័ន្ធឌីជីថលដែលមានភាពទូលំទូលាយនឹងជំរុញឱ្យមានគំនិតច្នៃប្រឌិត និងនវានុវត្តន៍ថ្មីៗសម្រាប់ធ្វើពាណិជ្ជកម្ម បង្កើនសហគ្រិនភាព និងបង្កើតការងារសម្រាប់ស្ត្រី យុវជន និងអ្នកជំនួញដទៃទៀត ក៏ដូចជាប្រជាពលរដ្ឋនៅតាមជនបទជាដើម។ បើទោះបីជាប្រព័ន្ធឌីជីថលមានផលប្រយោជន៍ច្រើនក៏ពិតមែន ប៉ុន្តែក៏នៅមានបញ្ហាប្រឈមមួយចំនួនដែរដូចជា កង្វះខាតចំណេះដឹងលើប្រព័ន្ធព័ត៌មានវិទ្យា ហេដ្ឋារចនាសម្ព័ន្ធទាំងផ្នែករឹង និងទន់ លិខិតបទដ្ឋានគតិយុត្ត ដែលទាំងអស់នេះត្រូវតែដោះស្រាយឱ្យបានរួចរាល់មុននឹងអាចទាញយកផលប្រយោជន៍ពីប្រព័ន្ធបច្ចេកវិទ្យានេះបាន។

ជាមួយគ្នានេះ ឯកឧត្តមរដ្ឋមន្ត្រីក៏បានអញ្ជើញចូលរួមនៅក្នុងកិច្ចពិភាក្សាលើ «បែបផែនអភិវឌ្ឍន៍នៃផ្លាតហ្វ៉មឌីជីថល (Development Dimensions of Digital Platforms)» ដែលមានការចូលរួមពីថ្នាក់ដឹកនាំកំពូលៗមកពីប្រព័ន្ធអង្គការសហប្រជាជាតិ និងឯកឧត្តម Roberto Azevedo អគ្គនាយកនៃអង្គការពាណិជ្ជកម្មពិភពលោកផងដែរ។ នៅក្នុងកិច្ចពិភាក្សានេះ ឯកឧត្តមរដ្ឋមន្ត្រីក៏បានចូលរួមមតិផងដែរ ដោយបានលើកឡើងថា ប្រព័ន្ធបច្ចេកវិទ្យាមានការផ្លាស់ប្ដូរជាលំដាប់ ហើយផ្លាតហ្វ៉មឌីជីថល គឺបានរួមចំណែកធំមួយដល់ការប្រែក្លាយគំរូធុរកិច្ច (Business Model) ដើម្បីស្វែងរកផលចំណេញអតិបរមា។

សម្រាប់ផ្លាតហ្វ៉មឌីជីថលដែលមានទ្រង់ទ្រាយជាទីផ្សារពាណិជ្ជកម្មតាមអេឡិចត្រូនិក ជាកម្លាំងចលករមួយដើម្បីជំរុញឱ្យមានការគិតគូរឡើងវិញអំពីរបៀបធ្វើពាណិជ្ជកម្មដើម្បីផ្ដល់ផលប្រយោជន៍ជាបរិយាប័ន្នដល់អ្នកពាក់ព័ន្ធ ដូចនេះកម្ពុជាត្រូវតែបន្តដំណើរទៅមុខទៀត និងប្រឹងប្រែងយល់ឱ្យបានច្បាស់លាស់អំពីផ្លាតហ្វ៉មឌីជីថលនេះ ដើម្បីទាញយកផលប្រយោជន៍ពីផ្លាតហ្វ៉មឌីជីថលដែលមានស្រាប់ ឬបង្កើតផ្លាតហ្វ៉មឌីជីថលក្នុងស្រុកស្របតាមបរិបទកម្ពុជា ដើម្បីជាច្រកមួយក្នុងការធ្វើពាណិជ្ជកម្មទៅកាន់ទីផ្សារពិភពលោក៕

ប៉ុន្មានម៉ោងមុននេះបន្ដិច តារាចម្រៀងប្រុសប្រចាំផលិតកម្មថោន លោក ករុណា ពេជ្រ  បានបង្ហោះរូបភាពជាច្រើនសន្លឹកដែលបង្ហាញឱ្យឃើញថា ស្ថានភាពជំងឺរបស់ឪពុកលោកហាក់ដូចជាកាន់តែធ្ងន់ធ្ងរខ្លាំងហើយ រហូតដល់រូបលោកត្រូវប្រកាសដាក់លក់ផ្ទះវីឡាប្រណីតមួយ ដើម្បីយកប្រាក់ទៅព្យាបាលជំងឺឪពុករបស់លោក​នៅប្រទេសក្រៅជាប​ន្ដទៀត។

លោក ករុណា ពេជ្រ បានរៀបរាប់ថា «កូនមកដល់ផ្ទះវិញហើយប៉ា…ផ្ទះធំពេក ហើយប៉ាឈឺទៀត…កូននឹងនាំប៉ាទៅព្យាបាលបន្តនៅក្រៅប្រទេសឆាប់ៗនេះ…។ កុំឱ្យសៅហ្មង ខ្ញុំសូមប្រកាសលក់ផ្ទះវីឡាទោល ហើយកែងផ្លូវខាងមុខតែម្តង…ដែលមានទីតាំងនៅបុរីពិភពថ្មី សំរោងអណ្តែត3 ផ្ទះលេខ 2 ( E0,E1,E2 )  ផ្លូវA…ទល់មុខសួនច្បារធំ2 មានទីធ្លាធំទូលាយនៅមុខផ្ទះ….ចំណាយពេលតែ 5នាទីដល់ផ្សារ Makro និងផ្សារទំនើបAEON II។ ទំហំដី : ទទឹងមុខ 18,40 m រីកទទឹងក្រោយ 19,40m និងបណ្តោយ 33,40 m»។ លោកបានបញ្ជាក់ដែរថា ប្រសិនបើប្រិយមិត្តមានចំណាប់អារម្មណ៍ អាចទំនាក់ទំនងមកកាន់ Inbox ហ្វេសប៊ុករបស់លោកផ្ទាល់តែម្ដង។

គួរំឭកផងដែរថា កន្លងមកស្ថានភាពជំងឺរបស់ឪពុកលោកបានធូរស្បើយ និងបានដឹងខ្លួនមកវិញម្ដងហើយ អាចនិយាយបាន កម្រើកខ្លួនបានខ្លះហើយ ទើបបានជាតារាប្រុសរូបនេះនាំលោកឪពុកមកធ្វើលំហាត់ប្រាណនៅមុខផ្ទះជារៀងរាល់ព្រឹក តែមកដល់ពេលនេះវិញ ស្ថានភាពជំងឺហាក់ដូចជាមិនទាន់ធូរស្បើយនៅឡើយទេ ទើបធ្វើឱ្យតារាប្រុសរូបនេះ សម្រេចចិត្តនាំឪពុកទៅបន្ដព្យាបាលនៅឯបរទេសតែម្ដង៕