Author: អេបិល

បើតាមរយៈបណ្ដាញសង្គម អ៊ីនស្តាក្រាម របស់កំពូលតារាចម្រៀងស្រី មាស សុខសោភា ដែលបានបង្ហោះរូបភាពជាច្រើនសន្លឹកបង្អួតរាងកាយក្នុងឈុតប៊ីគីនីពណ៌ខ្មៅ បញ្ចេញស្តាយល៍ថតបែបសិចស៊ីរោលរាល ដល់ថ្នាក់ធ្វើឱ្យមហាជន(ពិសេសប្រុសៗ) បានឃើញហើយទប់ទឹកមាត់(អូហូ!)សឹងតែមិនបាន និងថែមទាំងចង់ហូរឈាមច្រមុះទៀតផង។

តាមរយៈរូបភាពជាច្រើនសន្លឹកនោះ គេឃើញតារាស្រីរូបនេះបានស្លៀកឈុតប៊ីគីនីពណ៌ខ្មៅ បង្ហាញដើមទ្រូងមូលក្លំ សាច់សខ្ចី កាច់ស្ទីលថតនៅក្នុងអាងហែលទឹក និងក្រោមដំណក់ទឹកធ្លាក់ ដែលមើលទៅសិចស៊ីបែបគួរឱ្យចង់នែបនិត្យបំផុត  ហើយក៏បានធ្វើឱ្យមហាជនងឿងឆ្ងល់ថា តើនាងកំពុងតែចង់ធ្វើអ្វីគេហ្នឹង?។

បើតាមការទស្សន៍ទាយ ធ្វើឱ្យយើងស្មានដឹងថា តារាស្រីរូបនេះច្បាស់ជាកំពុងតែសម្ដែងនៅក្នុងបទចម្រៀងថ្មីរបស់នាងនៅក្នុងផលិតកម្ម Camtrax ដែលមានចំណងជើងថា «Don’t Go» មិនខាន។  ពិតណាស់ ជាទូទៅមហាជនគ្រប់គ្នាតែងសម្គាល់ឃើញថា វីដេអូចម្រៀងរបស់នាងនីមួយៗ គឺពិតជាប្លែកទៅតាមអត្ថន័យបទចម្រៀង ដែលមានបទខ្លះនាងត្រូវតុបតែងខ្លួនបែបសាមញ្ញ ចំណែកឯបទខ្លះទៀតវិញ នាងក៏តែងខ្លួនបែបទាន់សម័យក៏មាន។

ដើម្បីឱ្យកាន់តែជាក់ច្បាស់(ដើម្បីបានហូរឈាមច្រមុះ)ថា តើតារាស្រីដែលអាចច្រៀងបទជាភាសាអង់គ្លេសបានពីរោះរូបនេះសិចស៊ីដល់កម្រិតណានោះ សូមទស្សនាវីដេអូខាងក្រោមនេះ(និងសូមត្រៀមកន្សែងដៃទុកជូតទឹកមាត់ផង)៖

បន្ទាប់ពីមានរឿងហេតុអាក្រក់កើតឡើងនៅក្នុងជីវិត រហូតដល់ថ្នាក់លោតសម្លាប់ខ្លួនពីលើខុនដូកម្ពស់ 12ជាន់កាលពីអំឡុងឆ្នាំ2017 ​នោះមកធ្វើឱ្យតារាបង្ហាញម៉ូដ និងសម្ដែងស្រី ហាស់ ឌីជូរលីន បានបាត់មុខមួយរយៈធំចេញពីពិភពសិល្បៈ។

គួររំឭកបន្ដិចសិនថា អតីតកញ្ញា​ឯក «Bridgestone» រូបនេះបានលោតពីជាន់ទី12 នៃអគារខុនដូ «កាហ្សា» នៅរសៀលថ្ងៃទី18 ខែឧសភា ឆ្នាំ2017 ដែលស្ថិតនៅតាមផ្លូវបេតុងក្រុម78 ភូមិ14 សង្កាត់ទន្លេបាសាក់ ខណ្ឌចំការមន រាជធានីភ្នំពេញ ប៉ុន្តែពេលធ្លាក់ចុះមកបែរជាចំអាងទឹក បណ្តាលឱ្យរងរបួសធ្ងន់ ហើយត្រូវបានគេបញ្ជួនទៅកាន់មន្ទីរពេទ្យកាល់ម៉ែត។ បន្ទាប់មកក៏លេចចេញដំណឹងមកថា ដោយសារនាងខូចចិត្តរឿងស្នេហាត្រីកោណ ជាហេតុបណ្ដាលឱ្យនាងសម្រេចចិត្តលោតសម្លាប់ខ្លួនបែបនេះ។

តែយ៉ាងណាមិញ ក្រោយពេលដឹងខ្លួនភ្លាមនៅក្នុងមន្ទីរពេទ្យ តារាស្រីរូបនេះបានធ្វើការបកស្រាយតាមរយៈវីដេអូនៅក្នុងហ្វេសប៊ុកផ្ទាល់ខ្លួនថា កាលនោះដោយសារតែមានការឆុងឆ្នាំ ក្រោយពីនាងបាន​ទៅចូលរួមបុណ្យសពមួយ។ នាងថា វាមិនប្រាកដថា មកពីឆុងឆ្នាំ ឬនៅទីនោះមានជើងកប ឬអ្វីនោះទេ តែវាមិនពាក់ព័ន្ធនឹងរឿងស្នេហាឡើយ ហើយនាងក៏មានកេរ្តិ៍ឈ្មោះកិត្តិយសដែរ មិនដល់ថ្នាក់ធ្វើរឿងបែបនោះឡើយ។ រឿងអាស្រូវមួយនេះបានធ្វើតារាស្រីវ័យក្មេងម្នាក់នេះផ្អាកពីការងារសិល្បៈអស់មួយរយៈ ដើម្បីរង់ចាំវេលាឱ្យមានរាសីឡើងវិញ។

នៅថ្ងៃម្សិលមិញនេះ កញ្ញា ហាស់ ឌីជូរលីន បានថ្លែងប្រាប់អ្នកសារព័ត៌មាន ឡារ៉ែន​ ថា នាងបានវិលត្រឡប់មកសិល្បៈវិញហើយ ហើយរូបនាងផ្ទាល់ក៏បើកទទួលការងារសិល្បៈវិញដែរ ដូច្នោះហើយ នាងបានអំពាវនាវដល់បងប្អូនទាំងអស់ ដែលបានគាំទ្ររូបនាងពីមុនមក សូមជួយបន្ដគាំទ្ររូបនាងជាថ្មីម្ដងទៀត និងអរគុណរាល់ទឹកចិត្តស្រឡាញ់ ជាពិសេសចំពោះក្ដីបារម្ភចំពោះរូបនាងនាពេលកន្លងមកផងដែរ៕

រូបថត៖ ស៊ីឡែន

បន្ទាប់ពីបានជោគជ័យយ៉ាងខ្លាំងនៅលើវិថីសិល្បៈ តារាសម្ដែងឯកប្រុស លន់ ធីលុច នៅពេលថ្មីៗនេះ បានទទួលការងារបន្ថែមថ្មីមួយទៀត គឺជាអ្នកតំណាងផលិតផលថែសម្ផស្សធំមួយដែលមានឈ្មោះល្បីនៅក្នុងប្រទេសថៃ និងកំពុងចរាចរក្នុងទីផ្សារប្រទេសកម្ពុជាដែលមានឈ្មោះថា «LOOKPAT Collagen»។

តារាសម្ដែងឯកប្រុសនៅក្នុងភាពយន្ដខ្នាតធំរឿង «ឆមាសចុងក្រោយ» រូបនេះ បានប្រាប់អ្នកសារព័ត៌មាន ឡារ៉ែន ថា លោកពិតជាមានក្ដីរំភើបណាស់ ស្របពេលដែលទទួលបានការគាំទ្រ និងមានកេរ្ដិ៍ឈ្មោះនៅក្នុងវិថីសិល្បៈបន្ទាប់ពីបានសាងស្នាដៃសម្ដែង និងបញ្ចេញទេពកោសល្យឱ្យមហាជនលោកបានស្គាល់កន្លងមកនោះ ទើបបានជាធ្វើឱ្យលោកមានភាពជោគជ័យទាំងសិល្បៈ និងការលក់ផលិតផលរក្សាសម្ផស្សផងដែរ។ លោកបន្ដថា «LOOKPAT Collagen» គឺជាវីតាមីនរក្សាសម្ផស្សសម្រាប់ស្បែក ដើម្បីឱ្យស្បែកសភ្លឺរលោង និងជាប្រេ៊នដ៍ធំល្បីឈ្មោះមួយនៅក្នុងប្រទេសថៃ ដែលមានតារាល្បីៗនៅក្នុងប្រទេសថៃបានប្រើប្រាស់ជាប្រចាំ ហើយលោកក៏មានកិត្តិយសបំផុត ដែលបានក្លាយជាអ្នកតំណាងផលិតផល ឬទូតសុឆន្ទៈនៃផលិតផលធំមួយនៅក្នុងប្រទេសកម្ពុជា។

លោក ធីលុច ដែលជាតារាសម្ដែងប្រចាំផលិតកម្ម ភ្លេងរីខដ និងរស្មីហង្សមាសរូបនេះ បានបញ្ជាក់ប្រាប់បន្ថែមថា ដោយសារតែលោកជាសិល្បករមួយរូបនេះនៃព្រះរាជាណាចក្រកម្ពុជា ដូច្នោះហើយការថែរក្សាសម្ផស្សគឺជារឿងចាំបាច់មួយដែលមិនអាចរំលងបាន មិនថាតារាប្រុស ឬស្រីឡើយ ។ លោកបន្ដថា បច្ចុប្បន្ននេះ ផលិតផលរក្សាសម្ផស្សស្បែកមួយនេះ មានទីផ្សារខ្លាំងបំផុតនៅក្នុងប្រទេសកម្ពុជា រហូតដល់លក់ដាច់អស់ពីស្តុកគ្រប់ពេលយកមកដល់ ព្រោះថា មិនត្រឹមតែតារាល្បីៗនៅក្នុងស្រុកដែលបានប្រើប្រាស់នេះទេ សូម្បីតែមហាជនអ្នកគាំទ្រ ក៏បានបន្ដទំនាក់ទំនងយកទៅលក់បន្ដ និងប្រើប្រាស់ដូចគ្នាផងដែរ។

ជាចុងក្រោយ តារាសម្ដែងវ័យក្មេងរូបនេះ បានបង្ហើបប្រាប់អ្នកសារព័ត៌មានឡារ៉ែនថា នៅពេលឆាប់ៗខាងមុខនេះទៀត លោកគ្រោងនឹងចាប់ផ្ដើមរបរថ្មីមួយទៀតទន្ទឹមគ្នា គឺហាងលក់សម្លៀកបំពាក់ ដែលនាំចូលនូវសម្លៀកបំពាក់ម៉ាកល្បីៗពីបរទេស និងស្អាតៗមកបំពេញសេចក្ដីត្រូវការរបស់អតិថិជនលោកបន្ថែមទៀតផង៕

នៅពេលថ្មីៗនេះ តារាសម្ដែងស្រី សាន សុម៉ាលី កំពុងតែជួបទុក្ខធំនៅក្នុងគ្រួសារ ដោយសារតែប្អូនប្រុសរបស់នាង បានជួបគ្រោះថ្នាក់ចរាចរណ៍កាលពីថ្ងៃចូលឆ្នាំខ្មែរកន្លងទៅ ដែលដំបូងឡើយនាងបានទទួលដំណឹងថា ប្អូនប្រុសរបស់នាងបានជួបគ្រោះថ្នាក់ចរាចរណ៍ស្លាប់បាត់បង់ជីវិតទៅហើយ តែដោយឡែកនាងមិនជឿ និងបានទៅដល់កន្លែងកើតហេតុភ្លាមៗ ក៏ស្រាប់តែឃើញប្អូននៅមានជីវិតនៅឡើយ ហើយក៏នាំប្អូនប្រុសទៅសង្គ្រោះបន្ទាន់នៅឯមន្ទីរពេទ្យភ្លាមៗតែម្ដង។

តារាសម្ដែងស្រីរូបនេះ បានបញ្ជាក់ប្រាប់អ្នកសារព័ត៌មានថា ចំពោះករណីប្អូនប្រុសរបស់នាងនេះ នាងសង្ស័យថា ជាអំពើឃាតកម្ម ច្រើនជាងគ្រោះថ្នាក់ចរាចរណ៍។ នាងបានបន្ដអះអាងថា ក្រោយពីបានបញ្ជូនប្អូនប្រុសទៅមន្ទីរពេទ្យ ក៏សង្កេតឃើញមានស្នាមគ្រាប់កំភ្លើងបាញ់ចំភ្លៅ និងបាក់ដៃ-ជើង ហើយព្រមទាំងរបួសខ្ទេចមុខ។ កញ្ញា សាន សុម៉ាលី  បានបង្ហើបប្រាប់អ្នកសារព័ត៌មានទៀតថា នៅថ្ងៃចូលឆ្នាំនោះ មានមិត្តភ័ក្ដិ និងតារារួមអាជីពមួយរូប បានទាក់ទងនាងសុំលេខទូរស័ព្ទប្អូនប្រុសនាង ដើម្បីទៅដើរលេង តែរូបនាងបានឱ្យលេខប៉ារបស់នាងជំនួសវិញ ដើម្បីទាក់ទងទៅកាន់ប្អូនប្រុសរបស់នាង។

គួរបញ្ជាក់ផងដែរថា ដោយសារអាការរបស់ប្អូនប្រុសតារាស្រី សាន សុម៉ាលី មានអាការធ្ងន់ធ្ងរខ្លាំង ទើបតារាស្រីរូបនេះ បានយកប្អូនប្រុសទៅព្យាបាលនៅឯមន្ទីរពេទ្យខេត្ត សុរិន្ទ ប្រទេសថៃ បន្ដវិញ​ មកទល់ពេលនេះគេនៅមិនទាន់ដឹងថា ស្ថានភាពជំងឺបានធូរស្រាលហើយ ឬយ៉ាងណានៅឡើយទេ៕

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាស្រី អ៊ុង និមល កាលពីពេលថ្មីៗនេះបានបង្ហោះរូបភាពជាច្រើនសន្លឹក និងវីដេអូដែលបង្ហាញឱ្យឃើញថា មានតារាៗជាមិត្តរួមអាជីពជាច្រើននាក់បានពញ្ញាក់អារម្មណ៍តារាស្រីរូបនេះនាថ្ងៃខួបកំណើត តែអ្វីដែលប្លែកអារម្មណ៍ខ្លាំងបំផុតនោះគឺ ម្នាក់ៗសុទ្ធតែតុបតែងខ្លួន និងគ្រងឈុតសម្លៀកបំពាក់បុរាណខ្មែរនាសម័យលង្វែកមក surprise រូបនាងតែម្ដង។

ក្នុងនោះដែរ លោក ចន ច័ន្ទតារា ដែលជាប្អូនប្រុសបង្កើតរបស់តារាសម្ដែងស្រី ចន ច័ន្ទលក្ខិណា បានរៀបរាប់ប្រាប់យ៉ាងដូច្នោះថា «Surprise BD Nat Nimol ក្នុងសម្លៀកបំពាក់បុរាណខ្មែរយើងសម័យដើម។ ទោះជាស្ថិតក្នុងយុគសម័យណាក៏ដោយ ក៏យើងខ្ញុំមិនដែលភ្លេច ព្រមទាំងចូលរួមអភិរក្ស និងលើកតម្កើងអ្វីដែលជាកេរដំណែលនៃវប្បធម៌ខ្មែរ សិល្បៈបុរាណក៏ដូចជាសម្លៀកបំពាក់បុរាណខ្មែរយើងដែរ។ ជូនពរឱ្យស្រីណាត់ ( អ៊ុង និមល) បានសម្រេចរាល់បំណងគ្រប់ប្រការ។ 🇰🇭 #យើងស្រឡាញ់សម្លៀកបំពាក់ខ្មែរ»។

រីឯម្ចាស់ខួបកំណើតវិញ មិនត្រឹមតែរំភើប និងនឹកស្មានមិនដល់នោះទេ ថែមទាំងចំហមាត់ធ្លុង រកនិយាយមិនចេញទៀតផង នេះបើតាមរូបភាពជាក់ស្ដែងនៅក្នុងវីដេអូ។ កញ្ញា និមល បាននិយាយថា « Suprised ឯងបានសម្រេចមែន ជឿឡើងស្លុង សាហាវមែន group នេះសរសើរដល់ប៉ាវា Sunny Sokពូកែសម្ដែងណាស់។ ចង់ប្រាប់ថា អរគុណអ្នកទាំងអស់គ្នាសម្រាប់ការស្រឡាញ់មួយនេះ ហើយដែលតែងតែចងចាំថ្ងៃកំណើតរបស់ខ្ញុំ រំភើបណាស់ស្រឡាញ់អ្នកទាំងអស់គ្នា»៕ (អ៊ូយ គួរឱ្យរំភើបជំនួសណាស់ ស្រីណាត់ អ៊ើយ!​)