Author: អេបិល

បើតាមការបង្ហើបរបស់ក្រុមព្រះសូរិយាបានឱ្យដឹងថា នៅថ្ងៃទី២៤​ ខែមីនា​ ឆ្នាំ២០២០​ ខាងមុខនេះ​ក្រុមព្រះសុរិយានិងរៀបចំកម្មវិធីពិសេសមួយ​ឈ្មោះថា​ « អប្សរា​ » ដោយមានការបញ្ចាំងខ្សែភាពយន្តខ្មែរបីរឿង​ ផលិតក្នុងទសវត្សឆ្នាំ៦០និង៧០​ ក្រសាលដោយសម្តេចរាជបុត្រី​ ព្រះរៀម​ នរោត្តមបុប្ផាទេវី​ ទេពនាថវដ្តីឯកកម្ពុជា រួមទាំងការដាក់តាំងពិព័រណ៍គំនូរឌីជីថលព្រះឆាយាលក្ខណ៍សម្តេចព្រះរៀម​ ដែលគូរថ្មីស្នាដៃកូនខ្មែរ​នៃក្រុមព្រះសុរិយា។ ដែលកម្មវិធីនេះបើកឱ្យចូលរួមដោយ​ឥតគិតថ្លៃ​ ពេញមួយថ្ងៃតែម្ដង។

គួររំឭកបន្តិចដែរថា កាលពីព្រឹកថ្ងៃទី១៩​ ខែកុម្ភៈ​ ឆ្នាំ២០២០​ កន្លងមកក៏មានកម្មវិធីឆ្លងព្រះពិធីបុណ្យគម្រប់១០០ថ្ងៃ​នៃយាងសោយព្រះពិរាល័យនៃព្រះសពសម្តេចរាជបុត្រី​ ព្រះរៀម​ នរោត្តម​ បុប្ផាទេវី​ ។ ក៏មានការថ្វាយព្រះកុសលដ៏ខ្ពង់ខ្ពស់តាមលំអានព្រះពុទ្ធសាសនាថ្វាយចំពោះដួងព្រះវិញ្ញាណក្ខន្ធសម្តេចព្រះរៀម​ ស្តេចយាងគង់ក្នុងព្រះបរមសុខគតិភពកុំបីឃ្លៀងឃ្លាត។ ក៏មានការបួងសួងសូមសម្តេចរាជបុត្រី ព្រះរៀមព្រះមេត្តាប្រោសព្រំពរជ័យ ដល់របាំព្រះរាជទ្រព្យឱ្យទទួលបានភាពរុងរឿង ល្បីល្បាញពេញសាកលលោកផងដែរ៕

សូមកុំភ្លេចចូលរួមទាំងអស់គ្នានៅសាលមជ្ឍមណ្ឌលសហប្រតិបត្តកា កម្ពុជា- កូរ៉េ CKCC ឱ្យបានច្រេីនកុះករ!

យោងតាមសារព័ត៌មានបរទេសឱ្យដឹងថា ប៉ារ៉ាសិត ( Parasite ) បានបង្កើតប្រវត្តិសាស្ត្រថ្មីមួយកាលពីដើមខែនេះ ដោយក្លាយជាខ្សែភាពយន្តភាសាបរទេសដំបូងគេដែលទទួលបានពានរង្វាន់ «រូបភាពល្អបំផុត (Best Picture) » ក្នុងកម្មវិធី Academy Awards 2020។ ខ្សែភាពយន្តនេះទទួលបានពានរង្វាន់អូស្ការចំនួន ៤ រួមមាន Best International feature film, Best original screenplay, Best directing, និងពានចុងក្រោយគេបង្អស់គឺ Best Picture នេះឯង។ ជាមួយគ្នានោះដែរ អ្នកគាំទ្រទូទាំងពិភពលោកភាគច្រើនបានកោតសរសើរពីខ្សែភាពយន្តនិងអ្នកដឹកនាំរឿងគឺលោក Bong Joon Ho ដែលមានស្នាដៃឆ្នើមដណ្ដើមបានពានរង្វាន់ច្រើនបំផុត។

ស្របពេលដែលភាពយន្ដល្បីរន្ទឺនេះទទួលបានការកោតសរសេរច្រើន ស្រាប់តែប្រធានាធិបតីសហរដ្ឋអាមេរិក លោក ដូណាល់ត្រាំ ចេញសម្ដីរិះគន់ចំពោះ អូស្ការ ដែលបានប្រគល់ពានដល់ភាពយន្ដរបស់កូរ៉េខាងត្បូង ។ លោកបាននិយាយថា « និយាយអ៊ីចឹង..តើពានរង្វាន់ Academy Awardsឆ្នាំនេះអាក្រក់ប៉ុណ្ណាទៅ ? អ្នកទទួលពានគឺភាពយន្ដរបស់កូរ៉េខាងត្បូង ? តើជាស្អីទៅ? យើងមានបញ្ហាគ្រប់គ្រាន់ជាមួយប្រទេសកូរ៉េខាងត្បូងពាក់ព័ន្ធពាណិជ្ជកម្ម តើភាពយន្តដែលល្អបំផុតប្រចាំឆ្នាំទៅកាន់ពួកគេ? តើវាល្អទេ? ខ្ញុំមិនយល់? អ្នកដឹងទេ? ខ្ញុំកំពុងស្វែងរកចំនួនអ្នកចូលចិត្ត (Like) ដូចជាការបោះឆ្នោតរឿង Gone With the Wind ដែលអាចឱ្យចំនួន Like។ តើអាចធ្វើបានទេ? រឿង Sunset Boulevard និងមានរឿងជាច្រើនទៀត ។ តែចុងក្រោយប្រកាស the winner is កូរ៉េខាងត្បូង។ ខ្ញុំបានគិតថា វាជាភាពយន្ដបរទេសល្អបំផុត Best foreign movie។ តែទេ..តើមិនធ្លាប់មានពីមុនមកឬយ៉ាងណា? »។

សូមជម្រាបថា ភាពយន្ដ ប៉ារ៉ាសិត ឬ Parasite ក៏កំពុងរងការរិះគន់ថាចម្លងស្នាដៃពីភាពយន្ដឥណ្ឌរឿង «Minsara Kanna» ដោយចោទប្រកាន់ថា កូរ៉េខាងត្បូងថារំលោភកម្មសិទ្ធិបញ្ញា។ ផលិតករឥណ្ឌាលោក P.L Thenappan ជាអ្នកផលិតរឿង «Minsara Kanna» ក៏បានអះអាងថា «ខ្ញុំបានទស្សនារឿង Parasite របស់កូរ៉េខាងត្បូង ហើយខ្ញុំមានអារម្មណ៍ថា ពួកគេបានលួចចម្លងខ្សែភាពយន្ត Minasara Kanna។ ខ្ញុំក៏បាននិយាយជាមួយមេធាវីអន្តរជាតិ ហើយពិចារណាពីការដាក់ពាក្យបណ្តឹង ប្រឆាំងនឹងអ្នកផលិតរឿង Parasite ឆាប់ៗនេះ»។ តែយ៉ាងណាមិញផលិតករឥណ្ឌារូបនេះ មិនបានបញ្ជាក់ទេ ថារឿង Parasite បានរំលោភកម្មសិទ្ធិបញ្ញាត្រង់ចំណុចណាខ្លះនោះទេ។

រហូតមកទល់ពេល​ គេនៅមិនទាន់ឃើញមានការបកស្រាយរបស់អ្នកដឹកនាំរឿងលោក Bong Joon Ho នៅឡើយទេ។ ឆ្លើយតបនឹងបញ្ហានេះ កាលពីថ្ងៃទី១៨ ខែកុម្ភៈ ឆ្នាំ២០២០ ក្រុមហ៊ុនផលិតរឿង «Parasite» CJ Entertainment បានផ្តល់បទសម្ភាសន៍ជាមួយកាសែត Maeil Business Newspaper’s Star Today ដោយលើកឡើងថា «ពួកយើងមិនមានការយល់ដឹងច្រើន ពីកម្មសិទ្ធិបញ្ញារបស់ភាពយន្តក្នុងប្រទេសឥណ្ឌាទេ។ មកទល់នឹងពេលនេះពួកយើងមិនទាន់ទទួលបានព័ត៌មានណាមួយជុំវិញបញ្ហានេះនៅឡើយទេ»៕

https://youtu.be/Jt-zWaYKPRA

លោកគ្រូ អន សុភៈ សិល្បករសម្ដែងជើងចាស់ជាតួអង្គ តាចន ក្នុងរឿង “អន្ទាក់ស្នេហ៍” ជាព្រឹទ្ធាចារ្យ បង្ហាតបង្រៀនផ្នែកល្ខោននិយាយ មានតួនាទីក្នុងវិស័យអប់រំ និងធ្លាប់សម្ដែងជាតួអង្គ “ថៅកែចិត្តចោរ” ថែមទៀតផង។ ការសម្ដែង និង ការរៀបចំអត្តចារិកក្នុងភាពយន្ត “អន្ទាក់ស្នេហ៍” គឺជាតួអង្គចាស់ព្រើ ខ្វះសីលធម៌ និងមានល្បិចគួរឱ្យខ្លាចមិនចាញ់ តួ “ថៅកែចិត្តចោរ” ទេ។

ក្រោយពីបានទស្សនារឿង “អន្ទាក់ស្នេហ៍” ហើយមានប្រិយមិត្តជាច្រើនពេញចិត្តនឹងការសម្ដែងរបស់លោកគ្រូ អន សុភៈ ដែលសម្ដែងជាតួតាចន ដែលជាក់ស្តែងលោកគ្រូ ក៏ជាអ្នកដឹកនាំរឿងល្ខោន អ្នកនិពន្ធ និងមានប្រវត្តិតស៊ូក្នុងវិស័យសិល្បៈជាច្រើនឆ្នាំ តាំងតែពីលោករួចរស់ពីសម័យខ្មែរក្រហមមក។

លោកគ្រូ អន សុភៈ រំឭកឡើងថា រូបលោកប្រឈមនឹងការបាត់បង់ជីវិតជាច្រើនលើកច្រើនសារក្នុងសម័យខ្មែរក្រហម ដោយសារបញ្ហាសុខភាព និងការស្រែកឈ្លាន គ្មានអ្នកថែរក្សា។ ក្រោយរួចពីសម័យនោះ រូបលោកបានបាត់បង់សមាជិតគ្រួសារអស់ ហើយគ្មានទីពឹង តែដោយលោកមានប្រវត្តិរៀនសូត្រផ្នែកសិល្បៈល្ខោននិយាយ និងមានទេពកោសល្យ រូបលោក ត្រូវបាន លោកព្រឹទ្ធាចារ្យ ឆេង ផុន ដែលធ្លាប់ជារដ្ឋមន្រ្តីក្រសួងវប្បធម៌ និងវិចិត្រសិល្បៈ ទទួលចិញ្ចឹមទុកដូចកូនបង្កើត។

សិល្បករជើងចាស់រូបនេះ បន្តស្នាដៃសម្ដែងសិល្បៈ និងរៀនសូត្រតាមគន្លងការអប់រំរបស់ ព្រឹទ្ធាចារ្យ ឆេង ផុន ហើយបានទទួលឱកាសជាបន្តបន្ទាប់ទៅរៀននៅបរទេសផ្នែកសិល្បៈដឹកនាំរឿង និងល្ខោននៅប្រទេសអភិវឌ្ឍនខៅលោកខាងលិច ហើយក៏ត្រឡប់មកស្រុកខ្មែរវិញ សិល្បកររូបនេះចាប់ផ្ដើមមានជំងឺជាប់ខ្លួន ដែលពិបាកក្នុងព្យាបាល តែរូបលោកនៅតែព្យាយាមក្នុងការងារជាអ្នកនិពន្ធ អត្ថបទ និងបង្រៀនដល់ សិស្សនិសិ្សតផ្នែកសិល្បល្ខោននិយាយនេះ។

ជំងឺរបស់លោកគ្រូ អន សុភៈ ស្ទើរតែឆក់យកអាយុជីវិតរបស់លោកគ្រូ តែដោយការជួយជ្រោមជ្រែងពី លោកព្រឹទ្ធាចារ្យ ឆេង ផុន និងគ្រួសារ បានធានាព្យាបាលរូបលោករហូតដល់ជាសះស្បើយ។ រូបលោកក៏មានជីវិតបន្តការងារក្នុងក្រសួងវប្បធម៌ និងវិចិត្រសិល្បៈ និងបម្រើក្នុងវិស័យសិល្បជាសិល្បករសម្ដែងល្ខោននិយាយ និងជាគ្រូបង្ហាត់បង្រៀនល្ខោននិយាយ រហូតមកដល់បច្ចុប្បន្ន។ ហើយថ្មីៗនេះ លោកគ្រូ អន សុភៈ ជាតារាសម្ដែងជើងចាស់ ដ៏ជំនាញម្នាក់ក្នុងវិស័យសិល្បៈទី៧នេះ លោកគ្រូ ក៏មានកិតិ្តនាមយ៉ាងល្បីសម្ដែងជាតួ ថៅកែចិត្តចោរ ក្នុងរឿង ល្ខោននិយាយ “ថៅកែចិត្តចោរ” ហើយរូបលោកក៏ជាតួអង្គក្នុងរឿង “អន្ទាក់ស្នេហ៍” ដែលកំពុងបញ្ចាំងគ្រប់រោងភាពយន្ត៕

តារាចម្រៀងស្រស់សង្ហារ លោក ម៉ា ច័ន្ទបញ្ញា ស្រាប់តែបង្ហាញវត្តមានក្នុងព្រឹត្តិការណ៍ប្រគំតន្ត្រីមួយដោយច្រៀងរួមគ្នាជាមួយតារាចម្រៀងមកពីព្រះរាជាណាចក្រថៃ។ អ្វីដែលធ្វើឱ្យតារាចម្រៀងរូបនេះរំភើបខ្លាំងនោះគឺឱកាសនៃការច្រៀងថ្វាយព្រះមហាក្សត្រកម្ពុជាព្រះករុណា ព្រះបាទសម្តេច ព្រះបរមនាថនរោត្តម សីហមុនី។

តារាប្រុសរូបនេះបានរៀបរាប់ឱ្យដឹងថា លោកមានកិត្តិយសជាទីបំផុត ដែលត្រូវបានស្ថានទូតថៃផ្ដល់កិត្តិយសជាអ្នកចម្រៀងខ្មែរតែម្នាក់គត់ក្នុងកម្មវិធីដ៏មានអត្ថន័យនេះ។ «ស្នេហ៍ឆ្លងវេហាស៍» ច្រៀងជាពីរភាសារួមគ្នា ជាមួយអ្នកចម្រៀងថៃនិងក្រុមតន្ត្រី Big Band ថៃដ៏ល្បីពីបាំងកក រៀបចំដោយស្ថានទូតថៃនៅកម្ពុជា ក្នុងកម្មវិធី Meldoies of Friendship លើកទី៧០ រវាងទំនាកទំនងកម្ពុជាថៃ ក្រោមអធិបតីដ៏ខ្ពង់ខ្ពស់របស់ ព្រះបាទសម្ដេចព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជានៃយើង។ ក្រៅពីការបកស្រាយចម្រៀង បញ្ញា បានបង្ហាញនូវសារសម្លៀកបំពាក់ កែច្នៃ ពីជំនាន់បារាំងដល់ សារព័ត៌មានក្នុងស្រុក និងសារព័ត៌មានថៃបានស្គាល់ ពីក្បិនជាតិ ហើយមានថ្នាក់ដឹកនាំខ្មែរ ថៃជាច្រើន បានចូលមកថ្លែងពីសេចក្ដីពេញចិត្តជាច្រើនពីការសម្ដែងនេះ។

កញ្ញា Phatchalarwaree Damrongthamrprasert បានបង្ហាញអារម្មណ៍រំភើបក្នុងឱកាសធ្វើដំណើរមកច្រៀងលើវេទិការប្រគំតន្ត្រីលើកដំបូងនៅកម្ពុជា ហើយនាងពិតជាមានអារម្មណ៍កក់ក្តៅដែលទទួលបានការស្វាគមន៍ពីអ្នករៀបចំកម្មវិធី ហើយក៏រំភើបដែលបានចាប់ដៃគូច្រៀងរួមជាមួយលោក ម៉ា ច័ន្ទបញ្ញា​ ដើម្បីច្រៀងបទចម្រៀងថ្វាយព្រះមហាក្សត្រកម្ពុជាព្រះករុណា ព្រះបាទសម្តេច ព្រះបរមនាថនរោត្តម សីហមុនី។ កញ្ញា បានសរសើរពីសមត្ថភាពច្រៀង និងភាពរួសរាយរាក់ទាក់របស់តារាចម្រៀងកម្ពុជា គឺលោក ម៉ា ច័ន្ទបញ្ញា ហើយនេះគឺជាលើកដំបូងផងដែរដែលកញ្ញា បានចាប់ដៃគូច្រៀងជាមួយតារាចម្រៀងកម្ពុជា និងជាបទចម្រៀងដ៏មានប្រជាប្រិយរបស់ប្រទេសទាំងពីរ។ កញ្ញា រំពឹងថានឹងទទួលបានឱកាសជាថ្មីម្តងទៀតនាឱកាសក្រោយ។

រីករាយទស្សនាវីដេអូខាងក្រោមនេះដូចតទៅ៖

អ្នកគាំទ្រសុទ្ធតែភ្ញាក់ផ្អើល ដែលលោក គន់ រៀមរតនៈ ហៅចែរ៉ូហ្សា ត្រូវបានមើលថាហាក់មានភាពលេចធ្លោយ៉ាងខ្លាំងនៅដើមឆ្នាំ2020នេះ ដោយសារតែតារារូបនេះទទួលថតរឿងភាគទូរទស្សន៍ដល់ទៅ ២រឿងព្រមៗគ្នាគឺមានរឿង «ព្រហ្មលិខិតដុះស្លាប»របស់ទូរទស្សន៍Town Full HDTV និពន្វដេាយកវីវ័យក្មេង សេាម ដូរ៉េ ដឹកនាំសម្ដែងដេាយ វ៉ាត លីម៉េង និងរឿង «មនុស្សទី៣ »របស់ផលិត LD Production ត្រៀមបញ្ចាំងនៅលើទូរទស្សន៍ PNN។

ពិតជាគួរឱ្យគត់សម្គាល់ និងសរសើរចំពោះតារាសម្តែងភេទទី៣ គន់ រៀមរតនៈ ហៅចែរ៉ូហ្សា ដោយរូបនាងតែងតែមានការព្យាយាមតស៊ូខ្លាំងក្នុងដំណើរជីវិត តាំងពីនៅដីស្រែរហូតមករស់នៅលំបាកវេទនាជាមួយអ្នកក្រុង ទាំងខំធ្វើការផងរៀនផង និងប្រឡូកក្នុងវីថីសិល្បៈផង។ ទោះបីជាប្រវត្តិជីវិតកម្សត់កម្រយ៉ាងណាក៏ដោយ តារាមួយដួងនេះនៅតែប្រឹងប្រែងមករហូត។ ជាក់ស្ដែងថ្មីៗ ចែរ៉ូហ្សា បានផលិតផលហូលផាមួងបុរាណខ្មែរ ដែលមានម៉ូដគោមស្អាតៗ យកមកលក់នៅលើទីផ្សារ ដើម្បីឱ្យទាន់ទេសកាលចូលឆ្នាំថ្មីប្រពៃណីខ្មែរ ដែលកៀកនឹងមកដល់នាពេលខាងមុខនេះតែម្ដង។

ចែរ៉ូហ្សា បានអះអាងថា ទាំងក្បូរក្បាច់ រចនាផ្កាគេាមនិងព័ណហូលគឺមានភាពប្រណីតតាមលំនាំខ្មែរបុរាណ វាពិតជាស្រស់ស្អាតគ្មានគូប្រៀប និងបញ្ចាក់ពីភាពថ្លៃថ្នូរ សុីវិល័យ ឧត្ដុង្គឧត្ដមភាពរបស់អ្នកប្រេីប្រាស់ ដែរចូរចិត្តស្រលាញ់ប្រពៃណីសិល្បៈវប្បធម៌ខ្មែរដ៍រ៉ុងរឿងផូផង់មួយនេះ។ នាងក៏បានប្រាប់បន្ដទៀតថា ហូល ផាមួង សារ៉ុងសូត្រ ក្រមាសូត្រខ្មែរគ្រប់ប្រភេទ គឺលក់បោះដុំនិងរាយនៅតំលៃសមរម្យ អាចទំនាក់ទំនងលេខនាងដោយផ្ទាល់ 011 686879 / 010 686879 ៕

ក្រោយពីបានពាក់មកុដបវរកញ្ញាភពផែនដីប្រចាំឆ្នាំ ២០២០រួចមក បវរកញ្ញា ប៉ុន សុរ៉ាវត្តី ត្រូវបានម្ចាស់សម្អាងការជាច្រើនទាក់ទងឱ្យបង្ហាញម៉ូដ ក៏ប៉ុន្ដែអ្វីដែលមហាជនកំពុងតែចាប់អារម្មណ៍ខ្លាំងជាងគេនោះគឺ រូបភាពជាច្រើនសន្លឹករបស់បវរកញ្ញាវ័យក្មេងរូបនេះ ត្រូវបានអ្នកគាំទ្រលាន់មាត់ថា មានមុខមាត់ដូចតារាសម្ដែងស្រីល្បីឈ្មោះ អ្នកនាង ដាញ់ ម៉ូលីកា ។

កញ្ញា ប៉ុន សុរ៉ាវត្តី ដែលទទួលបានជយលាភីលេខ១និងគ្រងមកុដបវរកញ្ញាឯកភពផែនដីឆ្នាំ២០២០ គឺមានភាពវាងវៃជាងគេ ទាំងដំណើរ និងបុគ្គលិកលក្ខណៈផ្សេងៗទៀត បូករួមជាមួយភាពក្លាហានមានចេញពី ក្នុងខ្លួនមិនត្រឹមតែស្អាតនោះតែម្យ៉ាងទេ។ នាងមានកម្ពស់១៧០សង់ទីម៉ែត្រ និងមានរូបសម្រស់ស្រស់ស្អាតទាក់ទាញក្រសែភ្នែកមហាជនច្រើនថែមទៀតផង។ ថ្មីនេះ នាងបានគ្រងឈុតសម្អាងមួយ យ៉ាងលេចធ្លោសម្រស់មិនសរសើរមិនបានតែម្ដង ជាពិសេសនៅពេលដែលឈុតរបស់សម្អាងការនោះ សុទ្ធតែជាម៉ូតប្រពៃណីកែច្នៃ ដែលជួយអោយរូបសម្រស់របស់នាងកាន់តែអណ្ដែតឡើង។

ម្នាក់ៗសរសើរថា បវរកញ្ញាវ័យ២៥ឆ្នាំរូបនេះ ពិតជាស្អាតមែនទែន ជាពិសេសអ្នកលេងហ្វេសប៊ុកភាគច្រើនសុទ្ធតែលាន់មាត់ថា នាងស័ក្ដសមជាមួយការបង្អួតឈុតប្រពៃណី ព្រោះសម្រស់របស់នាងជាមួយនឹងឈុតសម្អាងប្រៀបបានដូចសម្រស់ស្រីខ្មែរអង្គរពិតៗតែម្ដង។ កុំឱ្យខាតពេលយូរ សូមទស្សនារូបភាពបវរកញ្ញា ប៉ុន សុរ៉ាវត្តី ខាងក្រោមនេះ៖

ដោយសម្លឹងឃើញការថែទាំសុខភាពតាមរយៈការទទួលទានបន្លែផ្លែឈើធម្មជាតិគ្មានជាតិគីមី ថៅកែផលិតកម្មកាឡាក់ស៊ីណាវ៉ាត្រា គឺលោកឧកញ៉ា ឡេង ណាវ៉ាត្រា ត្រៀមបើក​ដំណើរ​ការ​សាក​ល្បងផ្សារ​ទំនើប​​លក់​តែ​កសិផល​ធម្មជាតិ ដើម្បីជួយដល់កសិករខ្មែរ និងបង្កើន​ការ​ដាំដុះ​បន្លែ​ផ្លែ​ឈើ​ធម្មជាតិឱ្យបានច្រើន។ នៅ​ថ្ងៃ​ទី​១៥ ខែ មិនា ឆ្នាំ ២០២០ ផ្សារ​មួយ​​នេះនឹង​បើក​ដំណើរ​ការ​សាក​ល្បង ដែល​តាំង​​ផ្សារ​គឺ​នៅ​កណ្ដាល​ Olympia តែ​ម្ដង។

​លោកឧកញ៉ា ឡេង ណាវ៉ាត្រា ប្រាប់អ្នកសារព័ត៌មានឡារ៉ែនថា ផ្សារ​យើង​​ធ្វើ​ខុស​គេ យើង​​លក់​តែ​កសិផល​ធម្មជាតិ​ខ្មែរ​ទេ ផលិតផល​​នាំ​ចូល​ពី​ក្រៅ​ប្រទេស​អត់​ទទួល​លក់​ទេ មុន​ដាក់​លក់​យើង​សុទ្ធតែ ធ្វើតេស្ត​ជា​មុន​សិន បញ្ជាក់​ថា គ្មាន​ជាតិ​គីមី ទើប​អាច​យក​មក​ដាក់​លក់​ក្នុង​ផ្សារ​បាន ហើយ​បើ​ក្រុម​កសិករ​ជា​មួយ​ណា ដាំ​យក​មក​លក់​ឱ្យយើង ពិនិត្យ​ឃើញ​មាន​ជាតិ​គីមី យើង​ឈប់​ទទួល​ទិញ​​ពី​ពួក​គាត់​យក​មក​លក់​ហើយ យើង​គិត​លើ​សុខភាព​ជា​ធំ។ លោកក៏បានអះអាងដែរថា ផ្សារបន្លែងធម្មជាតិនេះមិន​មែន​ធ្វើ​តែ​១​ទីតាំង ឬ ២​ទីតាំង​ឡើយ​ផ្សារ​មួយ​នេះ គ្រោង​ពង្រីក​រហូត​ដល់​ទៅ​២៥០​ សាខា​ទូទាំង​ប្រទេស​ឯណោះ ដែល​ជំហ៊ាន​ដំបូង គឺ​សម្រុក​ធ្វើ​នៅ​ភ្នំពេញ នឹង ខេត្ត សៀមរាប ក្នុង​នោះ​ស្ទើរ​គ្រប់ បុរី ក៏​ដូច​ជា ទីប្រជុំជន​ធំៗ នឹង​មាន​វត្តមាន “ផ្សារ​កសិផល​ធម្មជាតិ ឡេង ណាវ៉ាត្រា” គ្រប់​ទីកន្លែង ។

យ៉ាងណាមិញ គេក៏មើលឃើញថា តារាចម្រៀងស្រីនៅក្នុងផលិតកម្មកកាឡាក់ស៊ីណាវ៉ាត្រា កញ្ញា តន់ ចន្ទសីម៉ា ម្ចាស់បទ « ឡានសារ៉ែន » បានបញ្ចេញរូបភាពគាំទ្រកសិផល​ធម្មជាតិគ្មានជាតិគីមីដាំដុះដោយដៃកសិករខ្មែរយើង និងត្រៀមបញ្ចេញស្ពតគាំទ្របន្លែធម្មជាតិផងដែរ។ សូមទស្សនារូបភាពខាងក្រោម ៖