Author: អេបិល

ពិតជាគួរឱ្យច្រណែនណាស់លោកអ៊ើយ!​ ទាំងស្រស់ស្អាត ទាំងពូកែរកស៊ី និងនិយមបង្ហាញពីភាពហ៊ឺហាថែមទៀត។ មិនបាច់រៀបរាប់វែងឆ្ងាយទេ មានអ្នកណាទៀត? គឺតារាសម្ដែងស្រី ដេននី ក្វាន់ ហ្នឹងឯង។ កាលពីពេលថ្មីៗនេះ នាងបានសម្ញែងពីភាពហ៊ឺហាក្នុងជីវិតប្រចាំថ្ងៃរបស់ខ្លួននៅលើបណ្ដាញសង្គមហ្វេសប៊ុកទៀតហើយ។ ការខិតខំប្រឹងប្រែងរកស៊ី ពិតជាមានយីអ៊ុនឡើងមែន ព្រោះនាងបានបង្ហាញរូបភាពជាច្រើនសន្លឹក ព្រមទាំងបញ្ជាក់ថា «ទំនេរៗមិនដឹងធ្វើអី មកទិញពេជ្រពាក់លេង» ។ អ្វីដែលចាប់អារម្មណ៍ជាងនេះទៅទៀតនោះ គឺម៉ូដអាវចំហដើមទ្រូងធំៗដូចភ្នំព្រះសុមេរុ និងសាច់ពោះសខ្ចីល្វក់ដូចអន្លក់ទឹកគ្រឿង ឃើញហើយចាក់ដោតអារម្មណ៍សត្វលោក(ប្រុសៗ)ម្ល៉េះទេព្រះអ៊ើយ។

តារាសម្ដែងសិចស៊ី សាច់សខ្ចី កញ្ញា ដេននី ក្វាន់ មួយរយៈចុងក្រោយនេះ ហាក់បីដូចជាស្ងប់ស្ងាត់ ក្នុងវិស័យសិល្បៈ ដោយបង្វែរគោលដៅមកចាប់អាជីពក្នុងវិស័យជំនួញវិញម្ដង។ កន្លងមកតារាសាច់សខ្ចី ដេននី ក្វាន់ បានបង្ហោះរូបភាពជាច្រើនសន្លឹកនៅក្នុងបណ្ដាញហ្វេសប៊ុក សម្ញែងបង្អួតគ្រឿងអលង្ការជាច្រើនដូចជា ខ្សែក ចិញ្ចៀន ក្រវិល ដែលវត្ថុធាតុដើមសុទ្ធសឹងតែធ្វើអំពីមាស ព្រមទាំងប្រាក់ដុល្លារទាំងខ្ទាស់ៗ ធ្វើឱ្យមហាជនកោតសរសើរយ៉ាងខ្លាំង ចំពោះសមត្ថភាពរបស់នាង ដោយសារមិនទាន់រៀបការផង តែអាចសន្សំលុយបានច្រើនបែបនេះទៅហើយ។

គួររំឭកផងដែរថា  ស្រីស្រស់ ដេននីក្វាន់ ធ្លាប់សម្ញែងក្រដាសប្រាក់ដុល្លារទាំងខ្ទាស់ៗ ហើយថា «ក្តីស្រមៃតូចៗរបស់ខ្ញុំ បានដូចបំណងហើយ នៅឡើយតែក្តីស្រមៃធំៗ សង្ឃឹមថានឹងបាននាពេលឆាប់ៗនេះ សំខាន់វាស្ថិតលើការតស៊ូរបស់ខ្ញុំ ខ្ញុំជឿជាក់លើសមត្ថភាពរបស់ខ្ញុំ»។ ជាមួយគ្នានឹងភាពជោគជ័យរបស់កញ្ញា មានទស្សនិកជនមិនតិចទេដែលនាំគ្នាសរសើរថា នាងគឺជាស្ដ្រីម្នាក់មានការតស៊ូក្នុងជីវិត ចេះទុកដាក់លុយកាក់ត្រឹមត្រូវបានល្អ មានសមត្ថភាពរកចំណូលបានទាំងនៅក្មេង ហើយអាចសន្សំប្រាក់រហូតសម្រេចក្ដីបំណងបាន ដោយមិនបានពឹងផ្អែកលើសមត្ថភាពបុរសឡើយ៕

បើមើលពីសភាពខាងក្រៅ នឹងធ្វើឱ្យមហាជនទាំងឡាយគិតថា តារាសម្ដែងប្រុស រ៉ា វីរៈ ប្រហែលជាកូនអ្នកមានទ្រព្យស្ដុកស្ដម្ភ ឬជាអ្នក Hight So ហើយមើលទៅ ព្រោះទាំងការតុបតែងខ្លួន ទាំងរបស់ប្រើប្រាស់ និងជាពិសេសការរៀបចំកម្មវិធីខួបកំណើតខ្លួនមានភាពអធិកអធមសម្បើមណាស់ ។

ក្នុងការលាតត្រដាងពីប្រវត្តិពិត ដោយមិនមានការលាក់លៀមពីភាពជូរចត់ដែលធ្លាប់បានហែលឆ្លងមុនក្លាយជាតារារះមួយដួងនៅក្នុងចង្កោមសិល្បៈនោះ លោកបានផ្ដល់បទសម្ភាសជាមួយអ្នកសារព័ត៌មាន ឡារ៉ែនថា លោកចេញពីស្រុកកំណើតក្នុងខេត្តកំពង់ឆ្នាំងមកទាំងលំបាក ខ្វះមុខខ្វះក្រោយនៅក្នុងសភាពតោកយ៉ាក ដើម្បីរកប្រាក់សម្រាប់រស់ប្រចាំថ្ងៃ។ ហើយលោកត្រូវដើរសុំការងារគេធ្វើជាអ្នករត់តុផង និងឆ្លៀតពេលធ្វើការងារតាមក្លិបកម្សាន្ដនាពេលយប់ផង ដែលការងារទាំងនោះមិនសូវមានមហាជនណាឱ្យតម្លៃប៉ុន្មានទេ តែលោកត្រូវតែព្យាយាមតស៊ូនៅក្នុងជីវិត។

តារាប្រុសវ័យក្មេងរូបនេះបានរៀបរាប់ទាំងអារម្មណ៍ក្ដុកក្ដួលថា «ដោយសារតែចង់រស់នៅភ្នំពេញ ខ្ញុំបានផ្សងព្រេងពីស្រុកកំណើតមកជួលផ្ទះគេរស់នៅយ៉ាងលំបាកបំផុតសឹងតែរកលុយចាយមិនគ្រប់ផង ព្រោះខ្ញុំទៅរត់តុទទួលបានប្រាក់កម្រៃតិចតួចប៉ុណ្ណោះ ហើយក្រោយមកដោយសារតែមានភាពក្លាហាន និងមានការណែនាំ ខ្ញុំក៏បានក្លាយជាអ្នកដើរម៉ូដពេលយប់នៅក្នុងក្លិបមួយ ទោះយ៉ាងណា នៅពេលនោះក៏មិនទាន់មានលុយកាក់ចាយគ្រប់គ្រាន់ដែរ»។

មុនពេលចាប់ផ្ដើមឈានជើងចូលមកក្នុងវិថីសិល្បៈ លោកថា លោកបានចូលប្រកួតនៅក្នុងកម្មវិធី «ពេជ្រកំពុងច្នៃ» កាលពីឆ្នាំ2013 ជាគ្រាប់ពេជ្រជាប់ចំណាត់ថ្នាក់លេខ2 ដែលអាចនិយាយបានថា ជាការបើកទំព័រសិល្បៈថ្មី និងចាប់ផ្ដើមមានឱកាសរកប្រាក់ចំណូលបានជាបន្ដបន្ទាប់នៅក្នុងជីវិត។ លោកថា ដោយសារតែសិល្បៈនេះហើយ ក្រោយពេលប្រឡូកបានមួយប្រាវ លោកបានចាប់ផ្ដើមទទួលការងារសិល្បៈជាហូរហែទើបមានប្រាក់ចាយវាយគ្រប់គ្រាន់ បើមិនដូច្នេះទេគឺលោកពិតជាគេចមិនរួចពីជីវិតអ្នករត់តុឡើយ។

អតីតបេក្ខជនជយលាភី «ពេជ្រកំពុងច្នៃ» រូបនេះបានរៀបរាប់ទៀតថា មកទល់ពេលនេះលោកកាន់តែមានការរីកចម្រើនខាងផ្នែកសម្ដែង និងដើរបង្ហាញម៉ូដ រួមទាំងទទួលបានឱកាសដើរម៉ូដប្រចាំទូរទស្សន៍ធំៗ ក៏ដូចជាសម្ដែងរឿងស្ទើរតែរកពេលសម្រាកមិនបាន ដែលស្ដែងឱ្យឃើញថា យីអ៊ុនរបស់តារាប្រុសរូបនេះកំពុងតែឡើងក្រឺតៗតែម្ដង។

អីយ៉ា!! ដោយសារតែរាសីកំពុងតែឡើងខ្ពស់ត្រដែតអ៊ីចឹងតើ បានជាពេលថ្មីនេះៗតារាប្រុសសង្ហាម្នាក់នេះធ្វើពិធីខួបគម្រប់វ័យ 29ឆ្នាំជាលើកដំបូងនៅក្នុងជីវិត ហើយឃើញមានតារាល្បីៗជាច្រើនបានចូលរួមសាទរចំពោះភាពចាប់ផ្ដើមនៃជោគជ័យនៅក្នុងទំព័រជីវិតថ្មី។ នៅក្នុងកម្មវិធីនោះ គេឃើញវត្តមានតារាល្បីៗយ៉ាងច្រើនកុះករ ជាពិសេសវត្តមានរបស់ លោក ជ័យ សុវ៉ាត តារាចម្រៀងសាន់ដេ លោកស៊ិន សុធារិទ្ធ តារាសម្ដែង លោកថែល ថៃ តារាហង្សមាស អ្នកនាងឆ័យលី ដាឡែន កញ្ញាយ៉េយ៉េ តារាចម្រៀងហង្សមាស លោក វ៉ាន់ ផល្លី កញ្ញា គង់ វង្សយ៉ាទី លោកឆានី សូ តារាសម្ដែង និងពិធីករ កញ្ញា ស៊ូ ស៊ីរីកា តារាចម្រៀងថោន លោក សិទ្ធា ពិសិដ្ឋ តារាសម្ដែង លោកត្រាយ៉ាកូ តារាសម្ដែង និងលោកម៉ាដូណា តារាកំប្លែង…ជាដើម៕

ទន្ទឹមនឹងការប្រកាសប្រាប់មហាជនឱ្យដឹងពីដំណឹងការចាក់បញ្ចាំងរឿងភាគ « កូនពស់កេងកង » របស់ស្ថានីយទូរទស្សន៍ហង្សមាស ដែលកំពុងមានការចាប់អារម្មណ៍ខ្លាំងពីសំណាក់មហាជនខ្មែរគ្រប់រូបនោះ នៅក្នុងពេលឆាប់ៗខាងមុខនោះ លោកអ្នកនិងបានទស្សនាជាក់ជាមិនខាន។ តែក្រឡែកមកដឹងពីដំណើរការផលិត តួអង្គសម្ដែងនៅក្នុងរឿងឯណោះវិញ តារាសម្ដែងគ្រប់រូបបានពោលពាក្យតែមួយបួនគត់គឺ « ពិបាកសម្ដែង » បើទោះបីជាខ្លួនមានបទពិសោធន៍សម្ដែងរាប់ឆ្នាំក៏ពិតមែន ក៏ប៉ុន្ដែមិនអាចឆ្លងផុតពីមួយឈុតទៅមួយឈុតបានដោយងាយឡើយ ព្រោះថា អ្នកដឹកនាំរឿងសម្រិតសម្រាំងស្នាដៃខ្លាំង និងមានបំណងឱ្យរឿងមួយនេះមានភាពប្រណីតបំផុត។

នៅក្នុងនោះដែរ តារាសម្ដែងប្រុស ហង្ស អច្ឆរិយា ក៏ត្រូវបានអ្នកដឹកនាំរឿងសម្លឹងមើលឃើញពីភាពទាក់ទាញនៃរូបរាងកាយ មានសាច់ដុំធំៗ និងជាពិសេសមានសមត្ថិភាពសម្ដែងពោពេញទៅដោយទេពកោសល្យ បានអញ្ចើញលោកឱ្យមកសម្ដែងជាមួយពស់វែកក្របីប្រវែង 2 ម៉ែត្រ ដែលជាសត្វកំណាចគួរឱ្យខ្លាចនិងព្រឺរសម្បុរខ្ញាកៗ។ លោកថា « នៅក្នុងរឿងពស់កេងកងនេះ គឺសម្រិតសម្រាំងណាស់ ហើយពិបាកសម្ដែងខ្លាំងបំផុត មិនដែលបានជួបប្រទះពីមុនមកទេ ចាប់តាំងពីខ្ញុំបានចូលប្រឡូកការសម្ដែងកន្លងមក។ ក៏ប៉ុន្ដែ ឆ្លងកាត់ការលំបាក និងការណែនាំរបស់អ្នកនាំរឿង ទើបខ្ញុំសម្ដែងបានសម្រេច និងទទួលបានភាពជោគជ័យបំផុត រហូតដល់បងៗកាមេរ៉ាម៉ាន់ និងអ្នកទស្សនាជុំវិញ ជាពិសេសអ្នកដឹកនាំរឿងផ្ទាល់ ទះដៃសរសើរខ្ញុំ ដែលអាចសម្ដែងជាមួយសត្វពស់វែកក្របី បើកពពារធំៗ មើលទៅគួរឱ្យលស់ព្រលឹងបែបញើសជោគអាវ »។

អូហូ! មិនត្រឹមតែមានរូបរាងសង្ហារទេ តែមានភាពក្លាហានថែមទៀត ទើបអាចសម្ដែងជាមួយពស់វែកក្របីបាន តែអារម្មណ៍ពិតរបស់តារាសិចស៊ីប្រុសរូបនេះវិញ បានប្រាប់អ្នកសារព័តមាន ឡារ៉ែន ថា « ខ្ញុំត្រូវសម្ដែងជាតួអង្គ អ្នកចាប់ពស់លក់ ដូច្នោះហើយត្រូវកាន់ ត្រូវចាប់ ពស់វែកក្របីផ្ទាល់ៗ អារម្មណ៍ពិតសឹងតែនិយាយបានថា ចង់ឈឺ រហូតដល់ថ្នាក់ដេកឈឺនៅផ្ទះ ហើយស្រម៉ៃឃើញតែពស់នៅមុខស្រស់ៗ »។ ឃើញទេ តើមាននរណាខ្លះដែលមិនខ្លាចសត្វពស់នោះ ចុះទម្រាំតែតួអង្គនីមួយៗដែលសម្ដែងក្នុងរឿងល្បីៗនេះ អាចរួចផុតពីសត្វពស់ស្រស់ៗពិតៗ បានដោយយ៉ាងណាទៅ។

ជាចុងក្រោយតារាសម្ដែងវ័យ 26 ឆ្នាំរូបនេះ បានបញ្ជាក់បន្ថែមថា លោកពិតជាមានក្ដីសោមនស្សខ្លាំងបំផុត ដែលបានសម្ដែងជាតួអង្គនៅក្នុងរឿងដែលមានគុណភាពទាំងការថត បច្ចេកទេស ​និងកាត់តលំដាប់អន្ដរជាតិមួយនេះ និងកាន់តែជោគជ័យបំផុត ដែលទទួលបានបទពិសោធន៍ថ្មីៗពីសំណាក់អ្នកដឹកនាំរឿងផ្ទាល់គឺ លោក ហ្វៃ សំអាង។ លោករំពឹងទុកថា ប្រិយមិត្តទាំងអស់នឹងគាំទ្រស្នាដៃសម្ដែងរបស់លោកនៅក្នុងរឿងភាគល្បីមួយនេះ ដែលគ្រោងបញ្ចាំងឆាប់ៗកៀកជិតមកដល់ហើយ៕

នៅពេលថ្មីៗនេះ តារាសម្ដែងស្រីវ័យក្មេង កញ្ញា ឈិន មុន្នីនាថ ដែលប្រិយមិត្តគ្រប់រូបបានស្គាល់ថាជា លីនីតូច នៅក្នុងរឿង សិសិរដូវក្នុងបេះដូង បានចេញមកបកស្រាយរឿងពិត ចំពោះរូបភាពសិចស៊ីរោលរាលមួយសន្លឹកដែលកំពុងតែល្បីល្បាញសុះសាយនៅលើបណ្ដាញសង្គមហ្វេសប៊ុក រហូតដល់ថ្នាក់ខាងសាលារៀនបានសួរដេញដោលចំពោះរូបនាងទៀតផង។

រូបភាពដែលបានចែកចាយនៅលើហ្វេសប៊ុកនោះ គេមើលឃើញថា នារីស្លៀកឈុតប៊ីគីនីពណ៌ខ្មៅដែលឆ្លុះឱ្យឃើញពីដើ់មទ្រូងដ៏មូលក្លំ សាច់ពោះដ៏សខ្ចីដូចបណ្ដូលចេក និងជាពិសេសគឺតំបន់ខាងក្រោម ដែលមើលឃើញហើយគួរឱ្យស្រៀវស្រើប រហូតដល់ប្រុសៗហូរឈាមច្រមុះ។ ដោយមហាជនមើលឃើញពីទម្រង់មុខ និងរូបរាងនារីម្នាក់នោះ ដូចនឹងតារាស្រីវ័យក្មេងរូបនេះខ្លាំងណាស់ ទើបបណ្ដាលឱ្យមានការសង្ស័យថា ជារូបរបស់នាងពិតប្រាកដមែន មិនមែនកាត់ត ឬប្រើប្រាស់កម្មវិធីកែរូបភាពឡើយ។ កញ្ញា ឈិន មុន្នីនាថ បានអះអាងប្រាប់ថា «ដោយសារតែរូបចែហ្នឹងហើយ ទើបមកដល់សាលាគេសួរពេញហ្នឹង ឆ្ងាញ់ត្រង់ម្សិលមិញប្រាប់ម៉ាក់មកថត ពេលមកដល់ផ្ទះគាត់ថា បោកគាត់ ថាថតហើយទៅថតអ៊ីចឹងៗ? អត់ដឹងថាម៉េច ព្រោះសម្បីតែម៉ាក់ក៏មើលច្រឡំដែរ។ ដំបូងសូម្បីខ្លួនឯងក៏មើលច្រឡំ តែសូមបញ្ចាក់ថា មិនមែនខ្ញុំទេ»។

ដើម្បីឱ្យកាន់តែជាក់ច្បាស់ថា តើរូបភាពមួយសន្លឹកនោះដូច ឬមិនដូច និងមែន ឬមិនមែនជាតារាស្រី លីនីតូចនោះ សូមមើលរូបភាពខាងក្រោមនេះទាំងអស់គ្នា៖

ក្រោយពីមានសម្ទុះខ្លាំងក្នុងវិថីសិល្បៈសម្ដែងភ្លាម នៅថ្ងៃទី4 ខែឧសភា ឆ្នាំ2018 យប់មិញនេះ តារាសម្ដែងបែបស្រគត់ស្រគំកញ្ញា កែវ ស្រីនិច បានសម្ញែងដើមទ្រូងដ៏មូលក្លំរបស់ខ្លួនបង្ហាញជូនភ្ញៀវកិត្តិយសដែលបានមកចូលរួមក្នុងកម្មវិធីខួបកំណើតរបស់ខ្លួនទស្សនាកម្សាន្ត ធ្វើឱ្យទទួលបានការចាប់អារម្មណ៍យ៉ាងខ្លាំង ជាពិសេសលើតំបន់ដើមទ្រូងតែម្ដង(ហិហិ…)។

អ្វីដែលធ្វើឱ្យតារាសម្ដែងដែលធ្លាប់តែតុបតែងខ្លួនស្រគត់ស្រគំ ហ៊ានស្លៀកពាក់បញ្ចេញដើមទ្រូងរបស់ខ្លួនបែបនេះត្រូវបានគេដឹងថា នាងពុំមានការកែកុនអ្វីឡើយ គឺធម្មជាតិសុទ្ធសាធ ទើបនាងហ៊ានបង្អួតសម្រស់ដើមទ្រូងធម្មជាតិរបស់ខ្លួនដែលធ្វើឱ្យមានការទាក់ទាញជាខ្លាំង ខុសកាលពីពេលគ្រាមុនដែលនាងជាតារាសម្ដែងម្នាក់និយមស្លៀកពាក់បិទបាំងជិតៗខ្លួន។

ថ្លែងក្នុងកម្មវិធីខួបកំណើត កញ្ញា កែវ ស្រីនិច បញ្ជាក់ថា ហេតុផលដែលនាងលែងដើមទ្រូងជាពិសេសនៅថ្ងៃពិសេសនេះ គឺជាផ្លាស់ប្ដូរស្តាយល៍ពីភាពស្រគត់ស្រគំមកស៊ិចស៊ីខ្លះ ដើម្បីជាភាពទាក់ទាញផង និងជាការបង្ហាញឱ្យឃើញការផ្លាស់ប្ដូរនៃការស្លៀកពាក់ទៅរកភាពស៊ីវីល័យម្ដង។ នាងបានប្រាប់អ្នកសារព័ត៌មាន ឡារ៉ែនទៀតថា បើឱ្យនាងចំហលើសពីនេះ ក៏នាងមិនហ៊ានដែរ ពោលនាងអាចធ្វើបានតែល្មមសមរម្យហើយក៏គ្មានបំណងចង់បានម្ចាស់បេះដូងអ្វីដែរ គឺគ្រាន់តែនាងចង់ឱ្យប្លែកភ្នែកខ្លះ និងកុំឱ្យមិត្តភ័ក្តិ និងមហាជនសាំភ្នែកឃើញតែសភាពដដែលៗរបស់នាងតែប៉ុណ្ណោះ។

កែវ ស្រីនិច បានវិលមករកការសម្ដែងជាលើកទីពីរបានប្រហែលជាងមួយឆ្នាំហើយ បន្ទាប់ពីទទួលបានភាពល្បីល្បាញក្នុងបទរបស់លោកប៊ុន ស័ក្ដ «ភ្នំពេញនឹកកំពង់ចាម»កាលពីប៉ុន្មានឆ្នាំមុន។ ពាក់ព័ន្ធនឹងការស្រឡាញ់វិស័យសិល្បៈនេះ តារាស្រីរូបនេះបានបន្ថែមថា នាងគ្រោងបន្ថយដៃពីការរកស៊ី ហើយងាកមកទទួលការងារសម្ដែងឱ្យបានពេញទំហឹងជាថ្មី បន្ទាប់ពីនាងទើបតែទទួលបានការសម្ដែងដ៏លេចធ្លោមួយនៅក្នុងបទ «ជូនអូនទៅជួបម៉ែ» របស់លោក ឆាយ វិរៈយុទ្ធ កាលពីអំឡុងពេលចូលឆ្នាំថ្មីកន្លងទៅនេះ។

នាងថា «មុខរបរកាហ្វេមិនសូវកាក់កប់ដូចការរំពឹងទុកនោះទេ ខ្ញុំសម្រេចចិត្តប្ដូរពីទីតាំងធំ មកទីតាំងតូចបង្កើតនូវអាហារដ្ឋានបន្ថែម រួចប្រគល់ឱ្យម្ដាយ និងប្អូនៗជាអ្នកមើលខុសត្រូវជំនួសវិញ ដើម្បីខ្ញុំនៅសល់ពេលខ្លះបានចូលប្រឡូកសិល្បៈពេញទំហឹងវិញម្ដង»។

គួរបញ្ជាក់ថា ទើបតែជាងមួយឆ្នាំប៉ុណ្ណោះ កែវ ស្រីនិច ក៏បានទទួលការងារក្នុងសិល្បៈជាច្រើន ដូចជាថតភាពយន្តភាគសម្រាប់ទូរទស្សន៍នៅប៉ុស្ដិ៍បាយ័ន CTN និងប៉ុស្ដិ៍លេខ5 និងមានសម្ដែងចម្រៀងកាយវិការជាច្រើនដែលគ្រោងនឹងបញ្ចាំងលើកញ្ចក់ទូរទស្សន៍នាពេលឆាប់ៗខាងមុខនេះទៀតផង៕

ជាបន្តបន្ទាប់ក្នុងករណីប្អូនប្រុសតារាសម្ដែងស្រី សាន សុម៉ាលី ជួបគ្រោះថ្នាក់ចរាចរណ៍ដែលអាចមានជាប់ទាក់ទងជាមួយលោក ជា ស្រួច ដោយសារតែអតីតអ្នកប្រដាល់រូបនេះបានទាក់ទងប្អូនប្រុសនាង និងបានទៅដើរលេងជាមួយគ្នា ហើយតារាស្រីរូបនេះបានសង្ស័យថា ជាអំពើឃាតកម្ម និងបានដាក់ពាក្យបណ្ដឹងទៅសមត្ថ​កិ​ច្ចខេ​ត្ត​ឧ​​ត្តរ​មា​ន​ជ័​យ។

ជាក់ស្ដែងនៅពេលថ្មីៗនេះ លោក ជា ស្រួច បានសរសេរនៅលើហ្វេសប៊ុកបន្តថា លោក​បា​ន​ចូ​លបំ​ភ្លឹ​រឿ​ង​រា​វ​ចប់​ស​ព្វ​គ្រ​ប់​ហើ​យ និង​ស​ប្បាយ​ចិ​ត្ត​យ៉ា​ង​ខ្លាំ​ង​ដោ​យ​សា​រ​តែ​ឃើញ​ប​ង​​ៗ​​សមត្ថ​កិ​ច្ចខេ​ត្ត​ឧ​​ត្តរ​មា​ន​ជ័​យបានប្រឹ​ង​ប្រែង​ធ្វើ​កា​រ​ដោ​យ​ភា​ពយុ​​ត្តិ​ធ​ម៌សម្រាប់រូ​ប​ខ្ញុំ​នា​ថ្ងៃនោះ ពិ​ត​ជា​ស័​ក្តិ​​សមជាសមត្ថកិ​ច្ច​គំ​រូ ​​និ​ងរ​​ក​ភាព​យុ​ត្តិ​ធ​​ម៌​ជូ​ន​ប្រជា​ជ​ន​ដ៏​ល្អមែន​​។ បើទោះបីជាការរៀបរាប់របស់លោក ជា ស្រួច​ នៅលើបណ្ដាញសង្គមបែបនេះក៏ដោយ តែការកាន់ប្រកាន់ជំហររបស់តារាស្រី សិចស៊ី សាន សុម៉ាលី ក្នុងការរកយុត្តិធម៌ជូនប្អូនប្រុស ក៏នៅតែមិនបានបញ្ចប់ដោយងាយៗដែរ។ នាងនិយាយថា « មិន​​អា​​ចដ​ក​​ពា​​​ក្យ​ប​​ណ្តឹ​ងបា​​នទេ​​បង ​ម​នុ​ស្ស​ណា៎ ​មិ​ន​មែ​ន​ស​ត្វ​ទេ​ប​ង​ ច្បា​​ប់​មា​នប​ង! ​​ហើយ​ខ្ងុំ​ក៏អ​ត់​បា​ន​ទា​ន់​​ចោ​ទ​ប​ង​ឯងដែ​រ​ ប​ង​កុំ​ម​ក​និ​យា​យ​បែ​ប​នេះ​ បង​គួ​រ​តែ​យ​ល់​ហើ​យ ​ប​ង​ស្គា​ល់​គ្រួ​សារ​ខ្ញុំជា​ង​3​0​ឆ្នាំ​ ហើ​យ​ប​ង​ថា​ពុ​ក​ ​ម្តាយ​ខ្ងុំ​យ៉ា​ង​ម៉េ​ច​ ​គាត់​ចា​ស់​ៗ​ហើ​យ​​ទេវ​តា​​មា​ន​ភ្នែ​ក​​​​​​​»។

គួររំឭកផងដែរថា កន្លងមកលោក ជា ស្រួច ក៏បានបកស្រាយពាក់ព័ន្ធជាមួយករណីប្អូនប្រុសកញ្ញា សាន សុម៉ាលី ដែរថា «ដំបូងប៉ា សាន សុម៉ាលី ហៅខ្ញុំទៅលេងអូរស្មាច់ ថ្ងៃចូលឆ្នាំចុងក្រោយ ហើយការរាប់អានរវាងខ្ញុំជាមួយ សាន សុម៉ាលី ជាង30ឆ្នាំ ហើយតាំងពីឪពុកម្តាយខ្ញុំនៅរស់ រហូតដល់គាត់ស្លាប់ មិនសមមកនិយាយរឿងមិនពិត សូម្បីតែទៅហ្នឹង ថាទៅជាមួយខ្ញុំ តាមពិតខ្ញុំទៅម្នាក់ឯងគត់ ។ ពេលប្អូនគ្រោះថ្នាក់ចរាចរណ៍ និយាយថា គេវាយបាក់ជើង បាក់ដៃ ហើយពេលកើតរឿងថា តេខ្ញុំមិនចូល តាមពិតនិយាយគ្នាសោះ ហើយចង់សួរថា និយាយមិនពិត ប្រាប់សារព័ត៌មានបែបនេៈ បានន័យថាចង់ចោទខ្ញុំមែនទេ? សូមផ្តាំថា! កុំយកភាសាស្រវឹងមកនិយាយបំផ្លាញកិត្តិយសខ្ញុំ ប្រយ័ត្នបកវិញកុំថាប្អូនចិត្តអាក្រក់ ព្រោះស្រុកយើងមានច្បាប់ណាបង»៕

អាចនិយាយបានថា ជាប្រវត្ដិសាស្រ្តដំបូងនៃការសម្ដែងរបស់កញ្ញា​​​ ភិន សុដាលីស តួឯកស្រីប្រចាំផលិតកម្មមហាហង្សហើយ ដែលនាងសុខចិត្ដទទួលយកការសម្ដែងជាតួរង។ ជាក់ស្ដែងនៅក្នុងរឿងថ្មីដែលមានចំណងជើងថា «កាំបិតមុខ2» ជារឿងភាគរបស់ស្ថានីយទូរទស្សន៍PNN និងជាវណ្ណកម្មថ្មីរបស់មហាហង្សត្រូវបានផលិតករជាឪពុកបង្កើតជ្រើសរើសនាងធ្វើជាតួរងបន្ទាប់ពីអ្នកនាង កែវ ស្រីនាង វិញម្ដង។ មិនតែប៉ុណ្ណោះ តារាស្រីរូបនេះថែមទាំងត្រូវមកទទួលតំណែងជាស្រីកំណាន់ចិត្ដរបស់តួប្រុស គឺលោក អូន ឧស្សាហ៍ ទៀតផង។

កញ្ញា ភិន សុដាលីស បញ្ជាក់ប្រាប់អ្នកសារព័ត៌មាន ឡារ៉ែន ថា នេះជាលើកទីមួយហើយដែលនាងបានមកសម្ដែងជាតួរង ប៉ុន្ដែមិនថ្វីទេ តំណែងមួយនេះមិនបានធ្វើឱ្យប៉ះទង្គិចផ្លូវចិត្ដនាងឡើយ ព្រោះតួស្រីក៏ជាតារាជើងចាស់ធ្លាប់សម្ដែងជាយូរគ្នាមកហើយដែរ។ នាងនិយាយថា «ខ្ញុំមិនមានអារម្មណ៍អន់ចិត្ដអីផង ព្រោះទោះបីជាខ្ញុំតួរងមែន ប៉ុន្ដែបងកែវ ស្រីនាង ជាតារាសម្ដែងជើងចាស់ អាចនិយាយបានថា គាត់ជាIdol របស់ខ្ញុំផង។ អ៊ីចឹងដូចជាមិនមានអ្វីខុសឆ្គងទេ គ្រាន់តែថាចាប់តាំងពីខ្ញុំចាប់យកអាជីពសម្ដែងជាច្រើនឆ្នាំមកនេះ ខ្ញុំគឺជាតួឯករហូត»។

អូហូ! មិនមែនថា មិនអីនោះទេ ទោះបីជានាងបាននិយាយថា នាងសប្បាយចិត្ដពេលបានធ្វើជាតួរងរបស់Idolខ្លួននៅក្នុងរឿង«កាំបិតមុខ2»នេះក៏ដោយ ក៏នាងបានប្រាប់ដែរថា ការទទួលយកការសម្ដែងនៅក្នុងរឿងមួយនេះ មិនប្រាកដថាអ្នកដឹកនាំរឿងដាក់ឱ្យសម្ដែងជាតួរងតារាសិល្បៈមានវ័យស្រករនាងឡើយ ពោលគឺមានលក្ខខណ្ឌ។ កូនស្រីផលិតកររូ​បនេះបានបញ្ជាក់យ៉ាងច្បាស់ថា «ប្រសិនឱ្យខ្ញុំធ្វើជាតួរងរបស់រៀមច្បង ឬIdolរបស់ខ្ញុំ ដូចជាបង កែវ ស្រីនាង មិនអីទេ ប៉ុន្ដែបើឱ្យខ្ញុំរងតារាសម្ដែងស្រករគ្នាគឺ គិតមើលសិន។ ដោយសារតែខ្ញុំត្រូវមើលថា តួរងនៅក្នុងសាច់រឿងដែលខ្ញុំត្រូវកាន់ មានរ៉ូលលេងឬទេ? ឈុតឆាកនោះអាចនឹងទាក់ទាញដល់មហាជនឬទេ?។​ ទាំងនេះហើយជាលក្ខខណ្ឌដែលខ្ញុំត្រូវគិត»។

សូមជម្រាបបន្ថែមថា ដ្បិតអីកញ្ញា ភិន សុដាលីស ទទួលតំណែងជាតួរងពិតមែន តែនៅក្នុងរឿង«កាំបិតមុខ2» នេះទំនងមើលទៅនាងដូចជាសម្រិតសម្រាំងសមត្ថភាពខ្លាំងណាស់ ទាំងអារម្មណ៍ និងរូបរាងកាយ ព្រោះថា មុននេះនាងបានរត់ទៅបូមខ្លាញ់ដើមដៃ និងក្បាលពោះធ្វើយ៉ាងណាដើម្បីឱ្យមានរូបសម្រស់ស្រស់ស្អាត ឱ្យស៊ីទៅនឹងសាច់រឿងដែលនាងបានក្លាយជាស្រីកំណាន់ចិត្ដរបស់គេហ្នឹងឯង៕

នៅពេលថ្មីៗនេះ សមាគមមិត្តសិល្បៈស្ម័គ្រចិត្តជួយសង្គមបានបង្ហោះឱ្យដឹងថា លោកទុំ ​សារុត​ (នាយឃ្លោក)​ តំណាងឱ្យមូលនិធិសិល្បករចាស់ជរា​បាននាំយកថវិកាទៅជូនលោកយាយ​ ណយ ​សំណាង ​ដោយសារពេលនេះជំងឺបេះដូងរបស់គាត់រើឡើងវិញ។ សមាគមនឹងរ៉ាប់រងលើការចំណាយថ្លៃព្យាបាលទាំងស្រុង(លើកលែងតែថ្នាំដែលគ្មានលក់នៅក្នុងមន្ទីរពេទ្យ)សម្រាប់តែមន្ទីរពេទ្យលោកសង្ឃប៉ុណ្ណោះ​ ប៉ុន្តែលោកយាយគាត់ចង់ទៅព្យាបាលនៅមន្ទីពេទ្យជោរៃវិញ​។

ចំណែកឯតារាចម្រៀងប្រុសប្រចាំផលិតកម្ម M លោក វណ្ណា ស័ក្ដ ក៏បានបង្ហោះរូបភាពបញ្ជាក់ពីស្ថានភាពជំងឺរបស់អ្នកម្ដាយឱ្យមហាជនបានឃើញផងដែរ ដោយលោកយាយ ណយ សំណាងនៅពេលនេះកំពុងសម្រាកព្យាបាលនៅមន្ទីរពេទ្យ និងមិនទាន់មានអាការធូរស្បើយខ្លាំងនៅឡើយទេ។ លោកស័ក្ដបានរៀបរាប់ថា «ខ្ញុំសូមអរគុណដល់បងប្អូនទាំងអស់ដែលបានជូនពរ និងមានការបារម្ភដល់ម៉ាក់របស់ខ្ញុំ ហើយឥឡូវម៉ាក់ខ្ញុំគាត់បានធូរស្បើយបន្តិចហើយ…ខ្ញុំគ្មានអ្វីក្រៅពីពាក្យថា អរគុណនេះទេដល់បងប្អូនទាំងអស់គ្នា គឺអរគុណខ្លាំងមែនទែន និយាយមែនណា..! កូនស្រឡាញ់ម៉ាក់ហើយក៏មិនចង់បាត់បង់ម៉ាក់ដែរ…»។

គួរជម្រាបឱ្យបានដឹងបន្ថែមដែរថា តារាកំប្លែងវ័យចំណាស់លោកយាយ ណយ សំណាង បានបម្រើអារម្មណ៍របស់ប្រិយមិត្តអ្នកគាំទ្រតាមរយៈវិស័យសិល្បៈ និងវប្បធម៌ខ្មែរបែបចម្រៀងអាយ៉ៃ និងកំប្លែងអស់រយៈពេល 62ឆ្នាំមកហើយ ពោលគឺលោកយាយបានចូលប្រឡូកវិស័យសិល្បៈតាំងពីលោកយាយមានអាយុ 11ឆ្នាំមកម៉្លេះ៕

បន្ទាប់ពីមានការរិះគន់យ៉ាងចាស់ដៃពីសំណាក់តារាចម្រៀងពីរដួង គឺលោក ម៉ៃ សុគន្ធ និងតារាចម្រៀងរ៉េប លោក អាចារ្យធំ ចំពោះរឿងមកុដអប្សរាដែលគ្រងនៅលើក្បាលមនុស្សប្រុស និងការអះអាងបកស្រាយថា មានអប្សរាប្រុស នៅលើសរសរពេជ្រប្រាសាទបាយ័ន ដែលលោក ឯម រៀម ចេញនិយាយតបតនៅលើហ្វេសប៊ុកនោះ ប្រធានបទដ៏ក្ដៅគគុកមួយនេះ នៅតែមានរឿងរ៉ាវធ្វើឱ្យមហាជនចាប់អារម្មណ៍មិនទាន់ចប់នៅឡើយ។

ថ្មីៗនេះ លោក ឯម រៀម បានស៊ែរព័ត៌មានដែលបានចេញផ្សាយពីតារាពីរដួងខាងលើនេះ ដោយបានបញ្ចេញមតិប្រតិកម្មចំពោះការច្នៃម៉ូដរបស់លោកថា «ខ្លាចហើយ រាងហើយ សង្គមសិល្បៈខ្មែរ មិនជួយលើកទឹកចិត្ត បែរជាខំ share រូបភាព និងផ្ញើសារជាសំឡេង សើច ចំអក ឡកឡាយ។ នៅពីមុខយើងធ្វើជាស្និទ្ធស្នាល ឱបរឹត។ មកុដអប្សរានៅតែជាមកុដអប្សរា ព្រោះតែគោរព និងស្រឡាញ់ទើបទិញយកមកប្រើ ហើយក៏គ្មានច្បាប់ណាចែងថា មិនឱ្យមនុស្សប្រុសពាក់ដែរ?!»។

គួររំឭកផងដែរថា ​លោក ម៉ៃ សុគន្ធ បាន​លើកឡើងថា ​បកស្រាយ​លើក​នេះ​បណ្ឌិត​ម្នាក់នេះ​ឆ្កួត​ហើយ​ អប្សរា​មាន​ 2 ភេទ​។​ លោក​បណ្ឌិត​ឆ្កួត ​បំពុល​កូន​ខ្មែ​រ បោក​គេ​ទៀតហើយ ​លោក​បណ្ឌិត​ស្រាវជ្រាវ​មកពីណា​ លោកបណ្ឌិត​ស្គាល់​ប្រភេទ​ចម្លាក់​អស់ទេ? ចម្លាក់​វា​មាន​ 3​ប្រភេទ ​លោក​យល់ច្រឡំ​លើ​ច​ម្លា​ក់លិបហើយ ​អប្សរា​គ្មាន​ប្រុស​ទេ អប្សរា​កើតចេញ​មកពីណា?​ ម៉េច​បានជា​ចេញ​ជា​ប្រុស​កើត​លោកបណ្ឌិត? ហើយ​លោក​បណ្ឌិត​ណាមួយ​ចម្លាក់​ខ្លះ​រង​សំណឹក​ និង​បរិយាកាស​ទើបមើល​ឃើញ​បែបនោះ​)​។ សូម​ក្រសួង​វប្បធម៌​ក្រឡេក​មើល​បណ្ឌិត​ម្នាក់​នោះបកស្រាយ​ផង ​គាត់​ថា​ មាន​អប្សរា​ឈ្មោល អ៊ី​ចឹ​ង​អប្សរា​ឈ្មោល​កើត​ពី​ពេលណា​?​ កើត​ពី​ការ​កូរសមុទ្រទឹក​លិង្គ​មែន​? ​បើ​អប្សរា​ស្រី​កើត​ពី​ការ​កូរ​សមុទ្រ​ទឹកដោះ។​ ស៊ែរ​អោយ​គាត់​ភ្លឺ​ខួរ​ផង ​(​អប្សរា​គឺស្រី​សួគ៌ រាំ​របាំ​ថ្វាយ​អស់​ទេវតា ​និង​ព្រះឥន្ទ្រ អ៊ីចឹ​ងអប្សរា​ឈ្មោល​រាំ​ថ្វាយ​ព្រះឥន្ទ្រ​ដែរ​មែន​?​ ចម្លាក់ខ្មែរ​ចែកជា​ 3​ប្រភេទ​ណា។​ Share​ ផង​ឱ្យ​បណ្ឌិត​មួយ​នេះ​ឈប់​ឆ្កួត​ និង​វង្វេង​វប្បធម៌ ហើយ​បំផ្លាញ​វប្បធម៌​ខ្លួនឯង​។

រីឯលោកអាចារ្យធំវិញក៏បានរិះគន់កន្លងទៅដែរថា « ​អប្សរ​ ​អប្សរា​ ​អច្ឆរា​ ​អត់​មាន​ប្រុស​ទេ​ទាន! វចនានុក្រម​ ជួន ​ណាត ​អប្សរ (​អ័​ប​-​ប្ស​) នាម​សព្ទ ( សំ​. អប្សរ​ស៑​, អប្សរា​; បា​. អច្ឆរា “​ស្ត្រី​មាន​សម្បុរ​ថ្លា​ស្រស់​ ផូរផង់ ​ឬ​ស្ត្រី​មានមុខ​ថ្លា​ស្រស់​បំព្រង​” ) ស្ត្រីសួគ៌​។​ ស្រី​អប្សរ​ ស្រី​ទេពអប្សរ​ ​នាង​អប្សរ។​ តាម​សេចក្ដី​តំណាល​ក្នុង​គម្ពីរ​ព្រាហ្មណ៍​ថា ស្ត្រី​សួគ៌​មួយ​ដែល​ផុស​ឡើង​អំពី​ទឹក​ក្នុង​កាលដែល​កូរទឹក​អម្រឹត​។​ អាចារ្យធំ បាន​បន្ត​ភ្ជាប់​ជាមួយ​ការ Live​ វីដេអូ​ទៀតថា ​ខ្មែរ​ប្រើ​ក្លាយជា​អក្សរ​ក៏មាន​ស្រី​អក្សរ​ ស្រី​ទេពអក្សរ​បវរកញ្ញា ​(គួរ​លើកលែង​ប្រើ ត្រូវ​ប្រើអប្សរ ឬអប្សរា​ អច្ឆរាវិញ)​។​អប្សរទេពី ឬទេវី ( ព​. ប្រ​. ) ទេពី ​ឬទេ​វី​មាន​លម្អ​ដូច​ស្រី​អប្សរ ឬក៏​ដូច​អប្សរា»។

យ៉ាងណាមិញ លោក ឯម រៀម ក៏បានអះអាងប្រាប់សារព័ត៌មានក្នុងស្រុកថា លោកនៅតែបន្ដរក្សាគោលជំហរបង្កើតស្នាដៃម៉ូដសហសម័យដដែល បើទោះបីជារងការរិះគន់យ៉ាងណាក្ដី។ លោកក៏បានបញ្ជាក់ដែរថា «មកទល់ពេលនេះ លោកសុខចិត្តចាញ់ និងទទួលស្គាល់ថា ខ្ញុំជាមនុស្សល្ងង់សិនចុះ គឺដើម្បីឈ្នះពេលក្រោយវិញ »៕