Author: អេបិល

ប៉ុន្មានម៉ោងមុននេះបន្ដិច អតីតតារាចម្រៀងស្រីល្បីឈ្មោះ ពៅ បញ្ញាពេជ្រ បានបង្ហោះរូបភាពជាច្រើនសន្លឹកនៅលើបណ្ដាញទំនាក់ទំនងសង្គមហ្វេសប៊ុក និងបានសរសេររៀបរាប់ពីការលំបាក ការបាក់ទឹកចិត្ត ការតស៊ូនៅក្នុងជីវិតរបស់នាងឱ្យមហាជនអ្នកគាំទ្របានជ្រាប។ តែយ៉ាងណាមិញ អត្ថន័យនៃសារនោះ មិនមែនត្រឹមតែលើកទឹកចិត្តសម្រាប់តែរូបនាងផ្ទាល់ប៉ុណ្ណោះទេ តែសារនោះថែមទាំងបានលើកទឹកចិត្តអ្នកគាំទ្ររូបនាងទៀតផង។

នាងបានរៀបរាប់ថា «មុនដំបូងខ្ញុំធ្លាប់តែដើរបាន ចង់រត់ក៏បាន ចង់ទៅណាទៅបានភ្លាម តែដល់ពេលអង្គុយលើរទេះបែបនេះ មានអារម្មណ៍ថាខ្មាសគេ ដូចខ្លួនឯងជាមនុស្សចម្លែកខុសគេ តែបើគិតឱ្យដល់ទៅ អ្នកណាមួយដែលជួបរឿងល្អរហូតនោះ មិនអាចទេ មានមនុស្សជាច្រើនដែលលំបាកជាងយើងទៅទៀត អ៊ីចឹងមានតែរៀនទទួលស្គាល់ការពិត ហើយតាមដំណើរជីវិតចុះ!!»។

អានហើយ ពិតជាមានអារម្មណ៍ក្ដុកក្តួលយ៉ាងខ្លាំង រហូតដល់អ្នកគាំទ្រម្នាក់បានបញ្ចេញមតិថា «តាមមើលរូបរាងបងស្រី ខ្ញុំគិតថាប្រាកដជាដើរបាននៅថ្ងៃខាងមុខ ព្រោះសាច់ឈាមនៅស្រស់ថ្លាទាំងអស់ បងស្រីព្យាយាមព្យាបាល និងម៉ាស្សាច្បាស់នឹងជា!!! ខ្ញុំជឿជាក់ និងជូនពរឆាប់ជា!!! »។

ដើម្បីឱ្យកាន់តែជ្រាបច្បាស់ សូមទស្សនារូបភាពទាំងឡាយខាងក្រោមនេះ៖

អតីតបេក្ខភាពក្នុងកម្មវិធីប្រឡងចម្រៀងលំដាប់ថ្នាក់ពិភពលោក The Voice Cambodia រដូវកាលទី2 គឺកញ្ញា តន់ ច័ន្ទសីមា និងជាតារាចម្រៀងវ័យក្មេងបានបើករថយន្តម៉ាក Lexus ត្រូវបានបុកដោយរថយន្តផ្សេងមួយគ្រឿងទៀតនៅត្រង់ផ្លូវបំបែកជា 5​ ខាងក្រោយវត្តមហាមន្ត្រី ហើយជ្រុលទៅបុករបងវត្តថែមទៀត បណ្តាលឱ្យរថយន្តទាំង 2គ្រឿងខូចខាតយ៉ាងដំណំ។

បើតាមប្រភពព័ត៌មានពីកន្លែងកើតហេតុបានប្រាប់ឱ្យដឹងថា​ ហេតុការណ៍គ្រោះថ្នាក់ចរាចរណ៍មួយនេះបានកើតឡើងនៅអំឡុងម៉ោងជាង 12អធ្រាត្រ ឈានចូលថ្ងៃសុក្រ ទី18 ខែឧសភា ឆ្នាំ2018 នៅតាមបណ្ដោយផ្លូវលេខ284 កែងនឹងផ្លូវលេខ173 ជាប់របងខាងក្រោយវត្តមហាមន្ត្រី ស្ថិតក្នុងសង្កាត់អូឡាំពិក ខណ្ឌចំការមន រាជធានីភ្នំពេញ។ ប្រភពដដែលបានរៀបរាប់បន្ដថា ក្រោយពេលការកើតហេតុ បន្ទាប់ពីបានសម្របសម្រួលគ្នាយ៉ាងយូរ និងមានសមត្ថកិច្ចមូលដ្ឋានជួយសម្រួលផងនោះ ទើបចុងក្រោយភាគីទាំងពីរដែលមិនចង់មានរឿងវែងឆ្ងាយដូចគ្នានោះ បានសុំបញ្ចប់រឿងដោយសម្រួលគ្នាជាមួយថវិកា 15ម៉ឺនរៀល ជូនសមត្ថកិច្ចមូលដ្ឋាន និងវត្តមហាមន្ត្រី សម្រាប់ជាថ្លៃជួសជុលលើការខូចខាតរបងវត្តតិចតួចខាងលើនោះ។

គួរបញ្ជាក់ផងដែរថា បើតាមសំដីម្ចាស់បទចម្រៀង «Bigo Live ជួបស្នេហ៍» រូបនេះបានរៀបរាប់ប្រាប់សមត្ថកិច្ចថា ខ្លួន និងមិត្តភ័ក្តិជាច្រើននាក់ទៀត ទើបតែចេញពីពិធីខួបកំណើតបានបើករថយន្ត Lexus ខាងលើ ធ្វើដំណើរតាមបណ្ដោយផ្លូវលេខ284 ទិសដៅពីលិចទៅកើតក្នុងល្បឿនលឿនល្មម និងបានបើកឆ្លងកាត់ផ្លូវលេខ173 តែបំពានស្លាកសញ្ញាចរាចរណ៍ ក៏ត្រូវរថយន្ត Camryពណ៌ក្រហម ធ្វើដំណើរតាមបណ្ដោយផ្លូវលេខ173 ទិសដៅពីត្បូងមកជើងក្នុងល្បឿនយ៉ាងលឿនមកបុក ទើបមិនទាមទារសំណង ហើយភាគីខាងរថយន្ត Camry វិញ ក៏មិនចង់មានរឿងវែងឆ្ងាយដែរ ទើបយល់ព្រមបញ្ចប់រឿងនៅមុខសមត្ថកិច្ចតែម្ដងទៅ(ឯវំ សាធុ!)៕

ថ្មីៗនេះនៅលើបណ្ដាញទំនាក់ទំនងសង្គមហ្វេសប៊ុករបស់តារាសម្ដែងស្រីកំពុងតែមានប្រជាប្រិយភាពខ្លាំង គឺកញ្ញា ឆុំ វត្តី បានបង្ហោះរូបភាព និងសារយ៉ាងវែងអន្លាយ ដែលគេមើលឃើញថា នាងកាន់តែបង្ហាញឱ្យឃើញពីភាពស្និទ្ធស្នាលនិងផ្អែមល្ហែមជាងស្ករតាំងម៉ែជាមួយគូស្នេហ៍ហើយលើកនេះ បើគិតចាប់តាំងពីថ្ងៃខួបកំណើតរបស់នាងមក។

កាន់តែលែងលាក់លៀមពីចំណងស្នេហារយៈពេល 1ឆ្នាំនោះហើយ។ តារាស្រីរូបនេះបានបង្ហាញរូបបុរសជាគូសេ្នហ៍ និងសកម្មភាពផ្អែមល្ហែមតាមលំដាប់លំដោយ ព្រមទាំងរៀបរាប់ថា «រីករាយថ្ងៃគម្រប់ខួប 1ឆ្នាំ ដែលពួកយើងបានស្រឡាញ់គ្នា។ សម្រាប់ពួកយើង ការស្គាល់គ្នាត្រឹមតែមួយឆ្នាំមែន តែដូចមនុស្សស្គាល់គ្នារាប់សិបឆ្នាំអ៊ីចឹង តែបើនិយាយពីឈ្លោះគ្នាវិញ រាប់មិនអស់ តែមិនដែលចោលគ្នាឡើយ និងតែងប្រាប់គ្នាទៅវិញទៅមកគ្រប់កន្លែងខ្វះខាត។ និយាយទៅជូរចត់ណាស់ ដូចរឿងភាគអ៊ីចឹង។ អរគុណសម្រាប់ការមើលថែ ការផ្ដល់កម្លាំងចិត្ត ការលើកទឹកចិត្ត និងជាទីប្រឹក្សាអស់ពេញមួយឆ្នាំ  សុំពីការស្រឡាញ់មួយនេះមិនច្រើនទេ សុំត្រឹមតែមួយជិវិតសម្រាប់យើងទាំងពីរនាក់»។

គួរបញ្ជាក់ផងដែរថា បុរសជាគូស្នេហ៍របស់តារាស្រី ឆុំ វត្តី ត្រូវបានគេស្គាល់ឈ្មោះតាមរយៈហ្វេសប៊ុកថា រិទ្ធហួរ រក្សា មានរូបរាងខ្ពស់សង្ហា និងមានសម្បុរស្រអែម និងគួររំឭកផងដែរថា កាលពីថ្ងៃខួបកំណើតរបស់តារាស្រីរូបនេះ បុរសជាគូស្នេហ៍បានពញ្ញាក់អារម្មណ៍នាង និងបង្កភាពផ្អែមល្ហែមជាងទឹកឃ្មុំខែចេត្រដល់ទៅ 2ដង ដោយរូបគេបានជូនកាដូជាគ្រឿងអលង្ការមាស ដែលធ្វើឱ្យនាងរំភើបចិត្ត និយាយមិនចេញ ញាប់ញ័រពេញបេះដូង និងដើម្បីបង្ហាញពីភក្ដីភាព និងក្ដីស្រឡាញ់ស្មោះស្ម័គ្រ លោកថែមទាំងបានបំពាក់គ្រឿងអលង្ការនោះឱ្យនាងទៀតផង ដែលមើលឃើញហើយគួរឱ្យរំភើបចិត្តជំនួសសាមីខ្លួនខ្លាំងណាស់៕

ថ្មីៗ​នេះ​ស្រី​ស្អាត អៀ ម៉ីលិ បានបង្ហាញ​ពីមុខ​មាត់​គូស្នេហ៍​របស់​នាង​ជា​និស្សិត​មកពី​បរទេស ដែលមិន​ត្រឹមតែ​មានចំណេះដឹង​ខ្ពស់ទេ តែបុរសម្នាក់នោះថែមទាំង​មាន​រូបរាង​សង្ហា​ទៀតផង និងអ្វីដែលគួរ​ឱ្យចាប់អារម្មណ៍​នោះគឺ គូស្នេហ៍​របស់តារាសម្ដែងស្រីវ័យក្មេងរូបនេះ គឺជា​ម្ចាស់​បទ​ចម្រៀងនិពន្ធថ្មីដែលមានចំណងជើងថា «​ឈប់​គិត»​ ដែលកំពុងតែទទួលបានការពេញនិយមគាំទ្រពីសំណាក់ស្រទាប់យុវវ័យ។ ពួកគេ​ទាំងពីរនាក់ថែមទាំង​បាន​សម្តែង​ជាមួយគ្នា​នៅក្នុងវីដេអូចម្រៀងនោះយ៉ាង​ផ្អែមល្ហែម​ទៀតផង។

ក្រៅពី​បង្ហាញ​មុខមាត់​របស់​គូ​ស្នហ៍​ដល់​អ្នកគាំទ្រហើយ កញ្ញា អៀ ម៉ីលិ ថែមទាំង​បង្ហាញ​រូបថត​ស្វ៊ី​ត​ៗ​រវាង​រូបនាងនឹង​គូស្នេហ៍​យ៉ាង​ផ្អែមល្ហែម ដែលមាន​ទាំងរូប​បឺត​មាត់​គ្នា​ទៀតផង ហើយរូបភាពខ្លះទៀតក៏បង្ហាញឱ្យឃើញដែរថា នាងបាន​ដឹក​ដៃគូ​ស្នេហ៍​ទៅ​ដើរ​លម្ហែ​កាយនៅក្រៅប្រទេស​ផងដែរ។ នាងបានប្រាប់សារព័ត៌មានឡារ៉ែនថា ជុំវិញបញ្ហាស្នេហានេះនាងមិនបានលាក់លៀមទេ នាងនឹងបុរសម្នាក់នោះគឺជាសង្សារនឹងគ្នាពិតមែន ពួកគេបានស្គាល់គ្នាតាមរយៈបណ្ដាញសង្គម។  ទោះបីជាមានការស្គាល់គ្នាតាមបណ្ដាញសង្គមក្ដី តែអ្វីដែលធ្វើឱ្យតារាស្រីវ័យក្មេងរូបនេះហ៊ានបង្ហាញមុខសង្សារជាសាធារណៈ ដោយមិនខ្លាចប៉ះពាល់ដល់ប្រជាប្រិយភាពក្នុងសង្គមសិល្បៈនោះត្រូវបានគេដឹងថា ដោយសារបុរសម្នាក់នោះមិនមែនធម្មតាឡើយ ព្រោះក្រៅពីរូបគេជាសិស្សពូកែប្រឡងជាប់អាហារូបករណ៍រៀននៅបរទេសផ្នែកវិទ្យាសាស្រ្ដនយោបាយ និងសេដ្ឋកិច្ចហើយ គេក៏ជាកូនប្រុសរបស់អ្នកមានទ្រព្យស្ដុកស្ដម្ភម្នាក់នៅឯខេត្ដកោះកុងផងដែរ។

អូនម៉ី បានប្រាប់ថា ពួកគេបានស្គាល់គ្នាជាងមួយឆ្នាំមកហើយ ប៉ុន្ដែទើបតែយល់ចិត្ដ និងស្រឡាញ់គ្នាប្រមាណជាពីរបីខែចុងក្រោយនេះទេ។ កញ្ញា ម៉ីលិ  បន្ដថា «ខ្ញុំមិនខ្លាចនឹងបង្ហាញមុខគាត់(សង្សារ)ទេ និងបើចាស់ទុំទាំងសងខាងបានដឹង ហើយ ក៏ពួកគាត់មិនរារាំងខ្ញុំដែរ។ សម្រាប់ម៉ាក់ខ្ញុំវិញ គាត់មានទំនុកចិត្ដលើខ្ញុំ ដូច្នេះគាត់ផ្ដល់សិទ្ធិឱ្យខ្ញុំសម្រេចរឿងអនាគតដោយខ្លួនឯង»។

លើកនេះទំនងជាស្នេហ៍គ្រាដំបូងរបស់នាងហើយ ទើបបានជានាងហ៊ានបង្ហាញទៅកាន់មហាជនដោយមិនលាក់លៀមបែបនេះ។ ជាមួយគ្នានេះកញ្ញា អៀ ម៉ិលិ បានបន្ដប្រាប់ថា «ខ្ញុំស្រឡាញ់គាត់ គាត់ស្រឡាញ់ខ្ញុំ ដូច្នេះមិនមានអ្វីខុសទេ។ ក្រោយពីបានស្គាល់គ្នាមកពួកយើងយល់ថា អាចរស់នៅចុះសម្រុងគ្នាច្រើន។ អ្វីដែលធ្វើឱ្យខ្ញុំព្រមទទួលយកគាត់ជាសង្សារ ព្រោះគាត់យល់ និងស្គាល់ពីខ្ញុំច្បាស់ ម្យ៉ាងគាត់ជាអ្នករៀនសូត្រចេះដឹង ដូច្នេះមុននឹងគាត់ធ្វើអ្វីមួយ គឺបានគិតយ៉ាងល្អិតល្អន់ណាស់»។ គួរបញ្ជាក់ថា ក្រៅពីសាងចំណងស្នេហ៍ជាមួយគ្នាហើយ អ្នកទាំងពីក៏មានបំណងចង់បង្កើតអាជីវកម្មរួមគ្នានាពេលខាងមុខឆាប់ៗនេះដែរ៕

តារាសម្តែង ពេជ្រ អាវីហ្សា កាលពីយប់មិញបានរៀបចំកម្មវិធីខួបកំណើតវ័យ 29ឆ្នាំរបស់ខ្លួននៅក្នុងភោជនីយដ្ឋាន វីហ្វ្រ៊េន បឹងត្របែក ក្រោមការចូលរួមពីសិល្បករជាច្រើនដួង និងអ្វីដែលជាការកត់សម្គាល់នោះ គឺតារាស្រីសាច់សខ្ចីនិយមចាយរាងសិចស៊ីរូបនេះបានប្រកាសឈប់រៀបចំពិធីខួបកំណើតទៀតហើយ នេះគឺជាឆ្នាំឆុង ដោយបានចាត់ទុកថា ជាកិច្ចលាងជម្រះឧបទ្រពចង្រៃនៅក្នុងឆ្នាំនេះឱ្យអស់។

ថ្លែងក្នុងពិធីខួបកំណើតក្នុងសម្លៀកបំពាក់ឈុតសិចស៊ីទាន់សម័យ ពេជ្រ អាវីហ្សា បានឱ្យដឹងថា ពិតប្រាកដណាស់ នេះជាឱកាសចុងក្រោយហើយ ដែលនាងរៀបចំពិធីខួបកំណើត ដោយសារកន្លងមកធ្លាប់រៀបចំជាលក្ខណៈធំដុំដល់ទៅ2ដងរួចមកហើយ ដូចនេះមានអារម្មណ៍ថា ពិតជាខ្លាចចិត្តមិត្តភ័ក្តិសិល្បករដែលរាប់អានរូបនាងដែលនៅតែលះបង់ពេលវេលាមកចូលរួមមិនដែលខាន។ ម្យ៉ាងទៀតនាងថា អ្វីដែលសំខាន់ គឺចង់ថតរូបទុកជាកម្រងអនុស្សាវរីយ៍ គ្រាន់មើលកម្សាន្តជាមួយរៀមច្បងសិល្បៈ ក៏ដូចជាមិត្តភ័ក្តិផងដែរ ទើបនាងប្រារព្ធឡើងម្ដងទៀតជាលើកចុងក្រោយនេះ។

ជាមួយនឹងការប្រកាសឱ្យដឹងពីបំណងប្រាថ្នារបស់នាងដូចខាងលើហើយ កញ្ញា ពេជ្រ អាវីហ្សាមិនបានបញ្ជាក់ថា តើមកទល់ពេលនេះ នាងមានគូស្នេហ៍ជំនួសបុរសដែលធ្លាប់បានប្រើអំពើហិង្សាលើរូបនាង ដែលគេស្គាល់ថាជាសាច់ថ្លៃរបស់លោកឧកញ៉ា ទ្រី ភាព ដែលបានវាយតប់នាង រហូតបង្កជារបួសស្នាមនោះនៅឡើយទេ ដោយនាងគ្រាន់តែបានប្រកាសថា មានអ្នកស្រឡាញ់ហើយ តែនាងកំពុងពិចារណា និងរង់ចាំឱ្យនាងសន្សំលុយទិញបានផ្ទះមួយជំនួសផ្ទះជាន់លើដែលនាងកំពុងរស់នៅសព្វថ្ងៃនេះសិន ទើបនាងសម្រេចចិត្តជ្រើសរើសយកម្នាក់ដើម្បីរៀបការ។

នៅក្នុងពិធីខួបកំណើតរបស់នាងនាយប់នោះ តារាសិល្បៈមិនច្រើនប៉ុន្មានទេដែលបានមកចូលរួម ដោយសារតែនាងប្រាប់ថាអញ្ជើញតែតារាៗដែលជិតស្និទ្ធគ្នាឱ្យធ្វើជាភ្ញៀវកិត្តិយសតែប៉ុណ្ណោះ។ តារាៗដែលបង្ហាញខ្លួននៅក្នុងថ្ងៃនោះ រួមមាន កញ្ញា ដេននី ក្វាន់ កញ្ញា យ៉េយ៉េ កញ្ញា ផេនខេក កញ្ញា ស៊ីងស៊ីង អ្នកនាង លី ចាន់សីហា កញ្ញា រំដួលលិចទឹក លោក សេម ម៉ាកូ តារាចម្រៀង កញ្ញា ផន ស្រីខួច លោក សន សុវណ្ណារ៉ា ពិធីករ លោក ង៉ែត សុភ័ក្រ្ត តារាសម្ដែង កញ្ញាភី សម័យ តារាសម្ដែង និងតារាសម្ដែងថ្មីៗមួយចំនួនផ្សេងទៀត៕

មួយរយៈចុងក្រោយនេះ ពិតជាមានភាពភ្ញាក់ផ្អើលយ៉ាងខ្លាំងនៅលើបណ្ដាញហ្វេសប៊ុក ដែលស្ដែងឱ្យឃើញពីសង្រ្គាមពាក្យសម្ដីតបគ្នារវាង អតីត​បវរកញ្ញា​ឯក «Bridgestone» ហាស់ ឌីជូរលីន និងមិត្តភក្ដនៅកនុងចង្កោមសិល្បៈដែលជាតារាទើបតែរះថ្មីគឺ ម៉ាន នីសា បានចេញ​មុខចោទថា តារាម៉ូដែលដែលធ្លាប់លោតលើអគារ 12ជាន់មិនស្លាប់រូបនេះ បានប្រើប្រាស់ហិង្សាលើខ្លួននោះ ។

គួររំឭកផងដែរថា ហាស់ ឌីជូរលីន បានសរសេរនៅលើគណនីហ្វេសប៊ុករបស់នាង ដោយអះអាងរឿងខាងលើថា ​​« ប​រិហា​រ​កេរ្តិ៍ខ្ញុំដោ​យ​ទាំ​ង​មិ​ន​បា​ន​មា​ន​ភ​ស្ដុតា​ង​នឹ​ង​មិ​ន​មា​ន​សា​ក្សី​ត្រឹម​ត្រូ​វ​នេះ​ហើ​យ​គឺ​ជា​ពា​ក្យប​រិ​​ហា​រ​កេ​រ្ដិ៍គេ​ជា​ពា​ក្យ​សម្ដី​​មិន​​យ​ក​ជាកា​រ​ហើ​យ​គា​ត់​ជា​ម​នុ​​ស្ស​បែ​ប​ម៉េចគួ​រ​តែ​ដឹ​ង​ហើ​​យ ទាំង​គា​ត់​បា​ន​ដា​ក់​ចំ​ដៃ​ខ្ញុំ​ដែ​ល​កុំ​ពុ​ង​តែ​ឈឺ​ទៀ​ត ។ អត់ទៅ​ពេ​ទ្យ​ពិនិ​ត្យ​ ម៉េចបា​ន​អ្ន​ក​ឯ​ង​មុ​ន​នឹ​ង​មា​ន​រឿ​ង​នឹ​ង​ តើ​អ្ន​ក​ឯ​ង​មា​ន​ដឹ​ង​ថា​ហេ​​តុ​អីបា​​ន​អ្ន​ក​ឯ​ង​នោ​ម​អត់​ចេ​ញ​អ​ត់? ​ហើ​យ​មុ​ន​នឹ​ង​អ្ន​ក​ឯ​ង​មា​ន​រឿ​ង​នឹ​ង​ហើ​យ​តើ​អ្ន​ន​ឯ​ង​ទៅ​ណា​? ហើ​យ​អ្ន​ក​ឯ​ង​ចូ​ល​ទៅ​ក​ន្លែ​ង​ណា​គឺ​មាន​សា​ក្សី​ត្រឹ​ម​ត្រូ​​វ​។​ ហើ​យ​មិ​ន​បា​ច់​និ​យា​យ​ឱ្យ​​គេ​ដឹ​ង​ថា​ខ្ញុំ​ជា​ម​នុ​ស្ស​បែ​​ប​ម៉េច​ទេ​គេ​ស្គា​ល់​ខ្ញុំច្បា​ស់​ណា​ស់​ហើ​យ​ ដឹ​ង​ខ្លួ​ន​ឯ​ង​ច្បា​ស់​ហើ​យ​ថា​ខ្លួ​ន​ឯ​ជា​ម​នុ​ស្ស​មា​ន​មា​ត់​បែ​ប​ម៉េច​និ​យា​យ​ពី​​គេយ៉ា​ង​ម៉េច​ហើ​យ​។ តើ​ហេ​តុ​អី​បា​ន​ជា​ឱ្យ​គេ​មា​ន​រឿ​ង​ធំ​ដ​ល់​ថ្នា​ក់​ហ្នឹង? បើ​សិ​នជា​ឱ្យ​​ព័​ត៌​មា​ន​ចុះ​អ្ន​​ក ​តែ​ខ្ញុំមិ​ន​​ច​ង់​ឱ្យ​មា​នរឿ​ង​បែ​បហ្នឹង ​ព្រោះ​ដោ​យ​សា​រ​អី ​ខ្ញុំអា​ណិត​​ដ​ល់​អ្ន​ក​ព្រោះ​អ្ន​កមា​ន​ឈ្មោះ​ល្បី​ស្រា​ប់​ហើ​យ​ចឹ​ង​មិ​ន​ច​ង់​ឱ្យល្បី​ថែ​ម​​ទៀ​ត»។

នៅពេលថ្មីនេះស្រាប់តែ អតីត​បវរកញ្ញា​ឯក«Bridgestone»រូបនេះ បានចេញវីដេអូ សុំបញ្ចប់រឿងជាមួយតារាស្រីរះថ្មី ម៉ាន នីសា ត្រឹមពេលនេះ ដោយសារតែមានការចរចារជាពាក្យសម្ដីជាមួយនឹងបងស្រីរបស់ ម៉ាន នីសា ដែលទទួលស្គាល់ថា ប្អូនស្រីរបស់ខ្លួនពិតជាមានកំហុសពិតមែន ហើយសុំឱ្យបញ្ចប់រឿងនេះចាប់ពីពេលនេះតទៅ ។ ដើម្បីឱ្យកាន់តែជាក់ច្បាស់ សូមទស្សនាវីដេអូខាងក្រោម៖