Author: អេបិល

ប៉ុន្មានម៉ោងមុននេះបន្ដិច តារាសម្ដែង និងច្រៀង ទូច ស្រីល័ក្ខ បានបង្ហោះរូបភាព និងវីដេអូនៅក្នុងគណនីរបស់ខ្លួន ដែលស្ដែងឱ្យឃើញពីទម្លាប់ល្អនៃការបែកចែកសំរាម និងអនាម័យផ្ទាល់ខ្លួនចំពោះការចាត់ចែងសំរាមយ៉ាងត្រឹមត្រូវ។ នៅក្នុងវីដេអូនោះផងដែរ តារាស្រីរូបនេះក៏បានលើកឡើងផងដែរពីទុក្ខលំបាកមួយចំនួនដែលបងៗជាអ្នកប្រមូលសំរាមជួបប្រទះ មានការលំបាក និងនឿយហត់ជាខ្លាំងនៅក្នុងការប្រមូលសំរាម ដែលមិនមានការបែងចែកតាមប្រភេទ និងជាសំរាមដែលមិនបានចងដាក់ក្នុងថង់ត្រឹមត្រូវ ធ្វើឱ្យមានរាយប៉ាយខ្ចាត់ខ្ចាយពេញដងផ្លូវជាដើម។

អ្នកនាង ទូច ស្រីល័ក្ខ បានធ្វើវីដេអូរក្សាអនាម័យសំរាម និងបរិស្ថាននេះឡើងក្នុងគោលបំណងល្អមួយសម្រាប់ឱ្យបងប្អូនអ្នកគាំទ្រទាំងអស់បានចូលរួមយ៉ាងសកម្មក្នុងការថែរក្សាអនាម័យសំរាម។ អ្នកនាងនិយាយថា «ពេលខ្លះយើងថា យើងពិបាក ចុះយើងទាំងអស់គ្នាមានគិតថា បងៗខាងផ្នែកអនាម័យគាត់ហត់ជាងយើងប៉ុន្មានដង? ពេលខ្លះរើសសំរាមនិងហូបបាយក៏នៅហ្នឹង( កន្លែងប្រមូលសំរាមតែមួយ)។ សង្ឃឹមថាបងប្អូនមើលហើយ និងអនុវត្តជួយថែរក្សាទាំងអស់គ្នា ដើម្បីងាយស្រួលដល់បងៗខាងផ្នែកអនាម័យ។ បើគាំទ្រសូម like&shearដើម្បីឱ្យបងប្អូនយើងបានទទួលដំណឹងនេះ»។

ជាការពិតណាស់ ដើម្បីថែរក្សាសោភណភាពទីក្រុងស្អាត ដែលគ្មានសំរាមប៉ើងហោះហុយ​ រាយប៉ាយតាមផ្លូវ និងគ្មានគំនរសំរាមច្រើនកន្លែងនោះ គឺត្រូវចាប់ផ្ដើមការថែរក្សាអនាម័យសំរាមចេញពីខ្លួនយើងផ្ទាល់ ដោយការបែកចែងសំរាមចេញជាបីផ្នែកផ្សេងដូចជា សំរាមដប សំរាមដុតឆេះ និងសំរាមកាកសំណល់ ដាក់នៅក្នុងថង់ដាច់ដោយឡែកពីគ្នា។

ចង់ដឹងថា តារាស្រីរូបនេះ មានការបែងចែកសំរាមបែបណាខ្លះនោះ សូមទស្សនាវីដេអូខាងក្រោមនេះ៖

ដូចដែលប្រិយមិត្តអ្នកគាំទ្រទាំងអស់គ្នាបានដឹងហើយថា កាលពីឆ្នាំកន្លងទៅ តារាចម្រៀងស្រីនៅក្នុងផលិតកម្មរស្មីហង្សមាស អ្នកនាង សាន ស្រីឡៃ បានទទួលមរណភាពដោយសារអំពើបាញ់ប្រហារនៅក្នុងបរិវេណគ្លីនិកកែសម្ផស្សមួយកន្លែងក្នុងរាជធានីភ្នំពេញ ដែលក្នុងអំឡុងពេលនោះ អ្នកនាង សាន ស្រីឡៃ ក៏កំពុងសម្ដែងក្នុងខ្សែភាពយន្តរឿង «រាជិនីភូមិគ្រឹះ» ក្នុងតំណែងជាក្មួយស្រី របស់នាង សូដា នីតា ដែលធ្វើឱ្យអ្នកទាំងពីរមានការប្រស្រ័យទាក់ទងគ្នាយ៉ាងស្អិតល្មួត ប្រៀបដូចមីង និងក្មួយបង្កើតពិតប្រាកដនៅក្រៅសាច់រឿងដូច្នោះដែរ។

គួរំឭកផងដែរថា ក្រោយពីការបាញ់សម្លាប់អ្នកនាង សាន ស្រីឡៃ ដែលជាតារាចម្រៀងប្រចាំផលិតកម្មរស្មីហង្សមាសមក មានមិត្តៗសិល្បករជាច្រើននាក់បានបញ្ចេញសាររំលែកទុក្ខទៅកាន់អ្នកនាង និងក្រុមគ្រួសារ។ ក្នុងនោះដែរតារាស្រី សូដា នីតា ដែលជាតារាចម្រៀង និងសម្តែងជើងចាស់បានបង្ហោះសារដ៏ក្រៀមក្រំទៅកាន់អ្នកនាង សាន ស្រីឡៃ ដែលបានទទួលមរណភាពទៅហើយនោះថា «ទៅឱ្យបានស្ងប់សុខណាស្រីឡៃ ក្មេងល្អ ក្មេងឡប់របស់បង បើមានជាតិក្រោយ កុំអភ័ព្វដូចជាតិនេះណាអូន ស្រណោះទើបនិយាយពីថ្ងៃនោះសោះ»។ នេះជាការបង្ហាញអារម្មណ៍ដែលតារាស្រីរូបនេះ ដែលមានក្ដីសោកសង្រេង និងស្ដាយស្រណោះយ៉ាងខ្លាំងចំពោះរូបអ្នកនាង សាន ស្រីឡៃ។

ដោយឡែកស្រាប់តែនៅពេលថ្មីៗនេះ នាង សូដា​ នីតា បានបង្ហោះសាររំឭកដល់ សាន ស្រីឡៃ ម្ដងទៀត និងបានអះអាងថា នាងនៅតែមានអារម្មណ៍ថា ស្រឡៃ នៅតែហៅឈ្មោះនាងជាប់នឹងត្រចៀក។ «នៅសុខៗមានអារម្មណ៍នឹកក្មេងឡប់របស់មីងម្មាក់នេះខ្លាំងណាស់ សាន ស្រីឡៃ។ ខ្ញុំមានអារម្មណ៍ថា ដូចនាងនៅតែហៅខ្ញុំថា ( អ្នកមីងៗ) នៅក្បែរត្រចៀក ឮដូចពិតតិច ដូចយល់សប្ដិតិច។ តែទោះយ៉ាងណា ក្មេងឡប់ម្នាក់នេះបានរកឃើញទីកន្លែងសុខហើយ…មីងនឹកមែនណា៎ស្រីឡៃ» នេះជាសារនៃអារម្មណ៍ដែលនាងបានបង្ហោះនៅលើហ្វេសប៊ុករបស់ខ្លួន ដែលធ្វើឱ្យអ្នកគាំទ្រភ្ញាក់ផ្អើល និងស្លុតអារម្មណ៍តាមយ៉ាងខ្លាំង៕

កំពុងតែមានការភ្ញាក់ផ្អើលខ្លាំងនៅលើបណ្ដាញទំនាក់ទំនងសង្គមហ្វេសប៊ុក ក្រោយពេលដែលតារាសម្ដែងនៅក្នុង MVបទចម្រៀង  «ស្រីមុខលុយ» បានបញ្ចេញឃ្លីបវីដេអូខ្លីដែលបង្ហាញពីសកម្មភាពក្រៅឆាកយ៉ាងសិចស៊ីក្ដៅគគុកនៅលើគ្រែរួចមក ស្រាប់តែថ្មីៗនេះ ខាងផលិតកម្មបានបញ្ចេញវីដេអូបទចម្រៀងរបស់ខ្លួនឱ្យមហាជនបានទស្សនាពេញៗតែម្ដង។

គ្រាន់តែ MVចម្រៀងបទមួយនេះចេញមិនទាន់បានប៉ុន្មានម៉ោងផង ភ្លាមៗនោះអ្នកដឹកនាំសម្ដែងនៅក្នុងផលិតកម្មថោន លោក រិទ្ធ អូមេហ្កា បានចេញសាររិះគន់ការផលិត MV ចម្រៀងមួយនេះយ៉ាងចាស់ដៃតែម្ដង និងផ្ដោតសំខាន់ទទូចឱ្យក្រសួងវប្បធម៌ និងវិចិត្រសិល្បៈ គួរចាត់វិធានការលើអ្នកដឹកនាំសម្តែង​ រឺផលិតកម្មនេះ។

នៅក្នុងសាររបស់អ្នកដឹកនាំសម្ដែងរូបនេះ បានរៀបរាប់ថា « ខ្ញុំឆ្ងល់មួយ ផលិតកម្មសាស្តាហ្នឹង គេផលិតចម្រៀង​ ឬផលិតរឿងPorn? តម្រូវពីផលិតកម្ម​ ឬមកពីអ្នកដឹកនាំសម្តែងគ្មានខួរ? បទចម្រៀង ប៉ារ៉ូលដូចអត់មានស៊ីគ្នានឹងរឿងលើគ្រែសោះ​ ចុះម្តេច MV គ្រប់បទមានតែឱបថើបគ្នាលើគ្រែ​ ក្នុងបន្ទប់ទឹកបែបនេះ? គិតថាធ្វើអ៊ីចឹងទៅល្បីមែន? ការក្បត់វាអាចមានច្រើនរូបភាពមិនចាំបាច់តែ​ …គ្នាបានគេហៅក្បត់ទេ? ចង់ឃើញមុខអ្នកដឹកនាំសម្តែងហ្នឹងមុខម៉េចបានខួរក្បាលគិតចេញតែរឿងអ៊ីចឹង?»។  

អូហូ! ពិតជាមិនធម្មតាមែន ការរិះគន់នេះពិតជាចាក់ដោតដល់ទាំងម្ចាស់ផលិតកម្ម និងអ្នកដឹកនាំសម្ដែងក្នុងបទចម្រៀងនេះដែលបានបង្ហាញឈ្មោះថា «Mr. City»មែន!។ លោក រិទ្ធ បានបន្ដទៀតថា «ខ្ញុំនិយាយព្រោះខ្ញុំទើស​ ហើយក្នុងនាមខ្ញុំជាអ្នកផលិតមួយរូបដែរ ខ្ញុំខ្មាស់គេជំនួស​ គ្មានអ្វីថ្មីបែរជានាំរឿងថោកដល់វិស័យសិល្បៈ មិនបានលើកស្ទួយមកជាន់ពន្លិច​ យកសិល្បៈជាឈ្នាន់ធ្វើរឿងថោកទាប​។ សុំទោសបើខ្ញុំនិយាយខុស​ តែខ្ញុំវាទើសភ្នែកពេក​ ក្រសួងវប្បធម៌គួរចាត់វិធានការលើអ្នកដឹកនាំសម្តែង​ ឬផលិតកម្មនេះ»។

សូមជម្រាបផងដែរថា បទចម្រៀង «ស្រីមុខលុយ» មានការចូលរួមសម្ដែងឈុតឆាកសិចស៊ីរោលរាលស្រៀវស្រើបរវាងតារាសម្ដែងស្រី កញ្ញា វ៉ាន់ វល័ក្ខ និងលោក សុវណ្ណ ចាន់រតនា នៅក្នុងបទចម្រៀងរបស់ផលិតកម្ម សាស្តា ដែលអ្នកទាំងពីរតម្រូវឱ្យសម្តែងនៅលើគ្រែជាមួយគ្នាស្រស់ៗ ឆៅៗ នូវឈុតឆាកស្រៀវស្រើបកាមារម្មណ៍ពិតៗ ហើយផ្លាស់ប្ដូរអារម្មណ៍សម្ដែងភ្លាមៗ ហួសពីការស្មាននៅក្នុងបន្ទប់ទឹក ដោយមិនមានការកាត់តសូម្បីតែបន្តិច៕

https://www.youtube.com/watch?v=rL8xIkCPhkY&t=7s

តាមរយៈបណ្ដាញទំនាក់ទំនងសង្គមហ្វេសប៊ុកនៅពេលថ្មីៗនេះ បានមើលឃើញថា តារាសម្ដែង និងបង្ហាញម៉ូដកញ្ញា គីម ច័ន្ទបូរមី បានធ្វើឱ្យមហាជនអ្នកគាំទ្រនៅក្នុងបណ្ដាញសង្គម ចាប់អារម្មណ័ចំពោះរូបសម្រស់របស់នាង ខណៈដែលនាង បានគ្រងឈុតកិន្នរ2018ច្នៃថ្មី បែបសម័យ-បុរាណ និងបង្ហាញនៅឱ្យឃើញនៅក្នុងបរិវេណវាលមេរុ ក្នុងកម្មវិធីត្បាញក្រម៉ា 1000 ម៉ែត្រ។

ជាក់ស្ដែង តារាសម្ដែងស្រីដ៏ស្រស់ស្អាតមុខមានមន្តស្នេហ៍បែបនារីខ្មែររូបនេះ គេកត់សម្គាល់ឃើញថា នាងហាក់ដូចជាមានប្រជាប្រិយភាពខ្លាំង ជាមួយនឹងសម្រស់ដ៏ស្រស់ផូរផង់ នឹងមានទឹកមុខសុភាពរាបសារ ស័ក្តិសមខ្លាំង នៅពេលដែលនាងស្លៀកសម្លៀកបំពាក់ ជាប្រពៃណីខ្មែរ។ ជាការពិតណាស់ ក្នុងឈុតមួយដែលរំលេចមកុដអប្សរា បានធ្វើឲ្យតារាសម្ដែងដ៏មានមន្តស្នេហ៍ គីម ច័ន្ទបូរមី ហាក់ដូចជារំលេចឡើង នូវសម្រស់ដ៏ស្រស់ផូរផង់ រឹតតែមានភាពទាក់ទាញ ស្រស់ស្អាត ជាមួយសាច់សរខ្ចី រូបរាងដ៏គួរឲ្យក្នាញ់ បានធ្វើឲ្យបុរសៗ មិនតិចនាក់ឡើយ ដែលកំពុងឈ្លក់វង្វេងនឹងរូបសម្រស់ របស់នារីអប្សរារូបនេះ ដែលបានរំលេចខ្លួនឡើង ដូចជាអប្សរាបែបនេះ។

សូមជម្រាបថា ក្រោយប្រឡូកក្នុងអាជីពសិល្ប:ជាង 2ឆ្នាំនេះ តារាស្រីមួយដួងនេះត្រូវបានទស្សនិកប្រដូចថា មុខមាត់មិនចាញ់តារាថៃប៉ុន្មាននោះទេ ហើយនាងបានច្បាមយកតំណែងតួឯក មិនក្រោម 7រឿងហើយនិងបានថតស្ពតពាណិជ្ជកកម្មឱ្យផលិតផល ជាច្រើនទៀត ។ ជាមួយនឹងភាពលេចធ្លោ ក្នុងវិស័យសិល្ប: តារាស្រីដែលកំពុងធ្វើឲ្យបេះដូងប្រុសៗឈ្លក់វង្វេង នឹងសម្រស់នាង ហើយធ្លាប់មានការចាប់អារម្មណ៍យ៉ាងខ្លាំងពីសំណាក់ផលិតករថៃផងដែរ ៕

បន្ទាប់ពីតារាសម្ដែងស្រីសិចស៊ីសាច់សខ្ចីកញ្ញា អៀ ម៉ីលិ ហៅអូនម៉ី បានបង្ហាញ​ពីមុខ​មាត់​គូស្នេហ៍​របស់​នាង​ជា​និស្សិត​មកពី​បរទេស ដែលមិន​ត្រឹមតែ​មានចំណេះដឹង​ខ្ពស់និងមានរូបរាង​សង្ហា​ទៀតផងនោះ អ្វីដែលគួរ​ឱ្យចាប់អារម្មណ៍​នោះគឺ ពួកគេ​ទាំងពីរនាក់​បាន​សម្តែង​ជាមួយគ្នា​នៅក្នុងវីដេអូចម្រៀងយ៉ាង​ផ្អែមល្ហែម​មានចំណងជើងថា«កម្មសិទ្ធិផ្ដាច់មុខ» ដែលទុកជាអនុស្សាវរីយពេលនឹកគ្នា ដែលធ្វើមហាជនច្រណែនចំពោះភាពស្អិតរមួតរបស់អ្នកទាំងពីរ លើសពីស្ករទាំងម៉ែទៅទៀត។

បើតាមការបញ្ជាក់ពីរបស់គូស្នេហ៍អូនម៉ី ដែលគេមើលឃើញមានឈ្មោះហ្វេសប៊ុកថា Sakkal បានប្រាប់ថា បទនេះចំណាយពេលមិនដល់មួយខែក្នុងការតែងនិពន្ធសាច់ភ្លេងនិងទំនុកថ្មីទាំងអស់ តែលិទ្ធផលមានអ្នកគាំទ្រច្រើនរហូតនឹកស្មានមិនដល់។ លោកបានប្រាប់ឱ្យដឹងថា«ក្រោយពីបានរស់នៅជិតគ្នារយៈពេលខ្លីមក ពួកយើងមានអនុស្សាវរីយច្រើនណាស់។ ពេលនេះខ្ញុំត្រូវបែកចេញពី អូនម៉ី មកបន្ដការសិក្សានៅប្រទេសឥណ្ឌា រយៈពេលយូរទៀត ដូច្នេះខ្ញុំតែងបទនេះទុកជាអនុស្សាវរីយ សម្រាប់ស្នេហារបស់ពួកយើង និងចែកជូនដល់ប្រិយមិត្ដដែលមានរឿងរ៉ាវស្នេហាដូចជាខ្ញុំទស្សនាផង។ យ៉ាងណាខ្ញុំក៏មានគម្រោងផលិតបទថ្មីមួយបទទៀតបង្ហាញពីអារម្មណ៍ និងចិត្ដនឹករបស់ពួកយើងទាំងពីរចំពោះគ្នាទៅវិញទៅមក គ្រាដែលរស់នៅឆ្ងាយពីគ្នារយៈពេលយូរ។ ពិសេសចង់បង្ហាញថាពួកយើងរស់នៅឆ្ងាយមែនតែមិនមានចិត្ដក្បត់គ្នាឡើយ»។

គួរបញ្ជាក់ផងដែរថាវីដេអូខចម្រៀងមួយបទនេះ គូស្នេហ៍អូនម៉ី បានចំណាយថវិកាប្រមាណជាង 6000 ដុល្លារដើម្បីថតជាMV ដែលផ្ដិតយករូបភាព និងទេសភាពស្អាតនាទឹកដីខេត្ត កោះកុង ។ អត្ថន័យបទចម្រៀងទាំងមូល​បានបង្ហាញពីអារម្មណ៍របស់បុរសម្នាក់ដែលស្រលាញ់សង្សារសំណព្វចិត្ដរបស់ខ្លួនស្មគ្រ័ចិត្ដតាមមើលថែមិនថាមានរឿងអ្វីកើតឡើងនោះទេ។ ពោលគឺ ខ្លឹមសារចង់បញ្ជាក់ថា ក្ដីស្រលាញ់គឺជាកម្មសិទ្ធផ្ដាច់មុខរបស់រូបលោកតែម្នាក់ និងមិនព្រមឱ្យបុរសដទៃមកលូកលាន់អូនម៉ីបានឡើយ៕

https://www.youtube.com/watch?v=Si19jyTTQD8

នៅពេលថ្មីៗនេះ តារាចម្រៀងស្រីប្រចាំផលិតកម្មហង្សមាសកញ្ញា ឱក សុគន្ធកញ្ញា មិនត្រឹមតែជាកំពូលតារាចម្រៀងស្រីជួរមុខ​ដែលមានប្រជាប្រិយភាពខ្លាំងនៅក្នុងប្រទេសនេះទេ នាងក៏ជាតារាស្រីដែលមានជំនួញផ្ទាល់ខ្លួននៅក្នុងដៃផងដែរ។ អ្វីដែលគេកត់សម្គាល់ឃើញនាពេលបច្ចុប្បន្ននេះគឺ តារាចម្រៀងស្រីរូបនេះ បានបង្កើតយីហោកាបូបថ្មីដែលខ្លួនឯង ដែលមានប្រ៊េនឈ្មោះ «ASK Brand» ដែលជាកាបូបយួដៃ  បានធ្វើឲ្យទស្សនិកជនអ្នកគាំទ្រនាងចាប់អារម្មណ៍យ៉ាងខ្លាំង។

ដោយមើលឃើញថា តារាសិល្បៈជាច្រើននាក់ បានឆ្លៀតពេលទំនេររបស់ខ្លួន ងាកមកលក់ឥវ៉ាន់តាម Online ស្ទើរតែគ្រប់គ្នាទៅហើយនោះ ទើបធ្វើឱ្យតារាស្រីរូបនេះ មានគំនិតបង្កើតប្រ៊េនកាបូបផ្ទាល់ខ្លួន និងដាក់បង្ហោះលក់នៅលើបណ្ដាញសង្គមហ្វេសប៊ុកផងដែរ ។ បើតាមគណនីរបស់នាង ក៏បានឱ្យដឹងថា នាងបានបង្កើតយីហោផ្ទាល់ខ្លួន និងចាប់ផ្តើមដំណើរការ លក់ចាប់ពីពេលនេះទៅ ដោយមានឈ្មោះថា «ASK Brand» និងត្រូវបានគេឃើញថា មានតម្លៃសមរម្យមួយ ដែលអ្នកគាំទ្រអាចទទួលយកបាន។ ជាការពិត ក្រោយពីយីហោថ្មីបានបង្ហាញខ្លួនយ៉ាងពេញលេញ អមដោយតារាស្រីមានឈ្មោះល្បីរូបនេះ ជាអ្នកបង្ហាញម៉ូដផ្ទាល់ទៀតនោះ គឺពិតជាធ្វើឱ្យ «ASK Brand» កាន់តែមានការចាប់អារម្មណ៍យ៉ាងភ្លូកទឹកភ្លូកដី ពិសេសអ្នកគាំទ្រនាងក៏បានជូនពរឱ្យតារាស្រីរូបនេះកាន់តែជោគជ័យ ថែមទៀតលើមុខជំនួញថ្មី។

ដើម្បីឱ្យដឹងកាន់តែច្បាស់ពីកាបូបឈ្មោះថា «ASK Brand» មានភាពទាន់សម័យដល់សុភាពនារី យ៉ាងណានោះ សូមទស្សនារូបភាព ខាងក្រោមទាំងអស់គ្នា៖

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី 8 ខែ មិថុនា ឆ្នាំ 2018 នេះ គេមើលឃើញថា កញ្ញា ជីជី ក្រៅពីអាជីពជាពិធីការិនី និងតារាសម្ដែងដ៏មានប្រជាប្រិយភាពហើយនោះ ថ្មីៗនេះ នាងបានបន្ថែមមុខរបរក្នុងដៃមិនខុសពីតារាមួយចំនួនដែរគឺហាងអាហារ «I’m Spicy Soup» បន្ទាប់ពីតារាស្រីរូបនេះ បានបើកសាកល្បងអស់រយៈពេលច្រើនថ្ងៃ ដើម្បីភក្សរសជាតិអាហារមុនពេលបើកសម្ពោធជាផ្លូវការផងដែរ។

តារាស្រីសាច់សខ្ចីរូបនេះ បានបញ្ជាក់ថា​ « មិនធ្លាប់រំពឹងទុក ថាមានហាងស៊ុបហិរនេះ ដោយសារជាអាហារដែលចេះធ្វើ ហើយចូលចិត្តញាំជាប្រចាំ។ គម្រោងត្រឹមតែលក់តាម online លេងៗ ជាមួយបងស្រី ហើយផ្តើមពី3តុ ខាងមុខ ហាងខោអាវ ក្រោយមក ភ្ញៀវច្រើន ក៏សំរេចចិត្ត យកហាងខោអាវមកធ្វើជាហាងស៊ុប វិញ ដោយគ្មានការព្រៀងទុក។ ឥលូវនេះ ក្លាយជាហាងស៊ុបពេញរូបរាងកន្លែងធំជាងមុន។ អរគុណ អតិថិជនដែលតែងតែគាំទ្រ និង អរគុណ បងៗ មិត្តភក្តិ ដែលចូលរួមកាលពីម្សិលមិញនេះ»។

សូមជម្រាបផងដែរថា​ ការបើកសម្ពោធហាងថ្មីមួយនេះរបស់តារាស្រីរូបនេះ និងបងស្រីនាង គេឃើញមានការអញ្ជើញតារាសិល្បៈល្បីៗមកចូលរួម ដែលធ្វើ​ឱ្យកម្មវិធីរបស់កញ្ញា កាន់តែមានភាពសប្បាយរីករាយទ្វេដង និងបានសម្ដែងក្ដីអបអរដល់ ជីជី មានទាំងបាច់ផ្កាចំរុះព័ណ៌ផងដែរ៕

ថ្មីៗនេះ មានការចាប់អារម្មណ៍យ៉ាងខ្លាំងចំពោះតារាសម្តែងសាច់សខ្ចីអ្នកម៉េម៉ាយ សាត រស្មី បានធ្វើឱ្យមហាជនមានការភ្ញាក់ផ្អើល បន្ទាប់ពីមានការបែកធ្លាយរូបភាពថតរួមគ្នាជាមួយក្រុមគ្រួសារលោក ព្រាប សុវត្ថិ ព័ត៌មាននេះបានធ្វើឱ្យទស្សនិកជន មានការងឿងឆ្ងល់យ៉ាងខ្លាំង ពីទំនាក់ទំនងមួយនេះ។

យ៉ាងមិញ នៅលើបណ្ដាញទំនាក់ទំនងសង្គមហ្វេសប៊ុក គេមើលឃើញថា ម្តាយក្មេងរបស់កំពូលតារាចម្រៀង ព្រាប សុវត្ថិ បានបង្ហោះរូបភាព និងធ្វើការប្រកាសក្តែងៗលើបណ្តាញសង្គម ដើម្បីស្រាយចម្ងល់ដ៏រសើបមួយនេះ ដោយបាននិយាយថា«សាត រស្មី គឺជាអនាគតចៅប្រសារបស់ខ្ញុំ » ដែលធ្វើអោយទស្សនិកជនមានការស្រឡាំងកាំងតែម្តង។ គួរបញ្ជាក់ដែរថា កញ្ញា សាត រស្មី មានទំនាក់ទំនងស្នេហានឹងក្មួយប្រុសសង្ហាលោកព្រាប សុវត្ថិ គឺមានរយៈពេលយូរហើយដែរ គ្រាន់តែអ្នកទាំង2មិនបានបង្ហាញជាសាធារណៈតែប៉ុណ្ណោះ។

គួររំឭកផងដែរថា កន្លងមកនៅក្នុងបទសម្ភាសន៍ជាមួយអ្នកសារព័ត៌មាន នាកាលសម្ពោធរឿងរបស់ផលិតកម្ម LD តារាស្រីរូបនេះធ្លាប់បានបង្ហើបថា «សម្រាប់រឿងអាស្រូវនោះ និយាយរួមខ្ញុំអត់ខ្វល់ផង ព្រោះរឿងនោះ មិនមែនជារឿងឥឡូវ តាំងពី10ឆ្នាំមុន ហើយក៏ខ្ជិលខ្វល់ព្រោះ រឿងអត់ប្រយោជន៍ ។ មកទល់នឹងពេលនេះ ខ្ញុំបានរកអ្នកស្អំបេះដូង បានជាង1ឆ្នាំ ហើយគេដឹងរឿងនេះដែរ គេអត់ប្រកាន់នោះទេ» ។​ នេះបានសបញ្ជាក់ឱ្យដឹងថា ការបង្កាត់ភ្លើងស្នេហ៍ជាមួយបុរសក្មួយប្រុសសង្ហាលោកព្រាប សុវត្ថិ គឺកើតឡើងពីចិត្តនឹងចិត្ត ហើយអ្នកគាំទ្ររំពឹងថា នាងនឹងមានដំណឹងល្អចូលរោងការឆាប់ៗនេះ៕