Author: អេបិល

បន្ទាប់ពីក្រសួងវប្បធម៌ និងវិចិត្រសិល្បៈ បានលើកលែងការពិន័យពាក់ព័ន្ធនឹងការស្លៀកពាក់សិចស៊ីកន្លងមកនោះ កញ្ញា ដេននី ក្វាន់ នៅតែបន្តចែករំលែកនូវក្តីស្រឡាញ់​តាមរយៈសកម្មភាពសប្បុរសធម៌ទៅកាន់ជនក្រីក្រក្នុងព្រះរាជាណាចក្រកម្ពុជាជាប់ជានិច្ច។​ ជាក់ស្ដែងនៅពេលថ្មីៗនេះ នាងបានបង្ហោះរូបភាពជាច្រើនសន្លឹក ដែលគេមើលឃើញពីសកម្មភាពសប្បុរសធម៌របស់នាង ដោយការពាំនាំយកអំណោយ និងថវិកាបន្ដិចបន្តួចទៅជូនបងប្អូនប្រជាពលរដ្ឋខ្មែរដែលកំពុងជួបប្រទះការលំបាក។​ ​

បើទោះបីជាតារាស្រីសិចស៊ីរូបនេះត្រូវបានអនុញ្ញាតឱ្យវិលត្រឡប់ចូលប្រឡូកក្នុងវិស័យសិល្បៈវិញហើយក្ដី ក៏គេនៅតែកត់សម្គាល់ឃើញនាងតែងយកពេលទំនេរក្រៅពីការងាររបស់ខ្លួនដោយ​មិ​ន​ប​ង្អ​ង់​យូរមកស​ម្រុ​ក​​​​លើ​ស​ក​ម្ម​ភា​ព​ម​នុ​ស្ស​ធ​ម៌​វិ​ញ​ ​ ឯការស្លៀកពាក់វិញ កាន់តែឆើតឆាយ ​និងសមរម្យយ៉ាងស្រស់សោភា តែមិនបង្ហាញភាពសិចស៊ីដូចមុនទេ។​ កញ្ញា ដេននី ក្វាន់ បានសរសេរសារនៅលើហ្វេសប៊ុកផ្ទាល់ខ្លួនថា «ថ្ងៃនេះនាងខ្ញុំបាននាំយកអំណោយមកជូន លោកយាយចំនួន10គ្រួសារ នៅភូមិត្រពាំងពោធិ៍ សង្កាត់ឪឡោក ខណ្ឌពោធិ៍សែនជ័យ រាជធានីភ្នំពេញ…អំពើល្អសូមកុំស្ទាក់ស្ទើរនឹងធ្វើ សូមកុំទាមទារនូវការតបស្នង ហើយក៏មិនចាំបាច់ឱ្យនរណាម្នាក់ដឹងឡើយ ត្រឹមតែធ្វើចេញពីចិត្តដ៏ពិតប្រាកដរបស់យើង គឺវាគ្រប់គ្រាន់ហើយមួយជីវិតនេះ អ្វីដែលរីករាយបំផុតសម្រាប់នាងខ្ញុំ គឺការបានធ្វើអំពើល្អ ជួយគ្នាក្នុងគ្រាក្រ វាជាសេចក្តីសុខរបស់ខ្ញុំ»។

គួរបញ្ជាក់ផងដែរថា ចំពោះសកម្មភាពសប្បុរសធម៌មួយនេះពិតជាធ្វើឱ្យទស្សនិកជន ក៏ដូចជាមិត្តៗនៅលើបណ្ដាញសង្គមជាច្រើនបានកោតសរសើរ ចំពោះទឹកចិត្តដ៏ល្អប្រពៃរបស់នាងយ៉ាងខ្លាំង។ នាងបានប្រាប់អ្នកសារព័ត៌មានថា «ព្រឹកមិញនេះ​នាងខ្ញុំ និងបងប្អូនបានយកអំណោយទៅចែកជូនជនក្រីក្រ ប្រមាណ​ដប់គ្រួសារ ដោយបានចំណាយថវិកាចំនួន 1,000$ អាមេរិក ។ សកម្មភាពសប្បុរសធម៌នេះ នាងខ្ញុំនឹងបន្តជួយជនក្រីក្រនៅតំបន់ផ្សេងៗទៀតនៅលើកក្រោយទៀត»៕​

គេកត់សម្គាល់ឃើញថា តារាចម្រៀងស្រីនៅក្នុងផលិតកម្ម សាស្ត្រា កញ្ញា ឈួរ ស្រីរ័ត្ន មួយរយៈចុងក្រោយនេះមានប្រជាប្រិយភាពខ្លាំង ខណៈដែលនាងបានចេញបទចម្រៀងថ្មីៗជាច្រើនបទ ជាបទអមក្នុងភាពយន្ដភាគប្រចាំស្ថានីយទូរទស្សន៍បាយ័ន។ ទន្ទឹមនឹងការឡើងកូដរបស់តារាស្រីរូបនេះ គេក៏បានមើលឃើញផងដែរថា នាងបានបន្ថែមអាជីពនៅក្រៅពិភពសិល្បៈមួយផ្សេងទៀត គឺការលក់កាបូបដៃមនុស្សស្រីនៅលើបណ្ដាញទំនាក់ទំនងសង្គមហ្វេសប៊ុក ដោយមានការគាំទ្រទំនាក់ទំនងទិញពីសំណាក់មហាជនជាច្រើន។

បើទោះបីជារាសីកំពុងតែឡើងស្រឺតៗយ៉ាងណាក៏ដោយ ក៏នាងនៅតែជួបបញ្ហាមួយចំនួនដែលធ្វើឱ្យកើតរឿងឈឺក្បាល រហូតបណ្ដាលឱ្យនាងសម្រេចចិត្តបង្ហោះសារប្រាប់មហាជនអំពីជនដែលឆបោក កុម្ម៉ង់អីវ៉ាន់ហើយមិនព្រមទទួលខុសត្រូវ។ នៅក្នុងនោះ កញ្ញា ឈួរ ស្រីរ័ត្ន បានប្រាប់ថា «អ្នកលក់កាបូបអនឡាញទាំងអស់ សូមប្រយ័ត្នស្រីម្នាក់នេះផង គ្មានលុយ តែដើរកុម្ម៉ង់អីវ៉ាន់គេចោលអ៊ីចឹងហ្មង ដើរកូរគេកូរឯង ឆ្ងល់ថា បើគ្មានលុយកុំកុម្ម៉ង់គេទៅថី? ចរិតអន់ លុយត្រឹម10ដុល្លារសោះចង់ឱ្យគេផូស្តដែរ មុខមាត់ស្អាតបាតដែរតែចរិតចប់ មិនចង់ផូស្តទេ លុយប៉ុណ្ណឹង តែស្រីម្នាក់ហ្នឹងឌឺពេក ឆាតទៅហើយឌឺយើងទៀត កុំខ្លាំងដៃពេកណា៎ប្រាប់ឱ្យហើយ»។

គួរបញ្ជាក់ផងដែរថា នារីដែលតារាស្រីរូបនេះបានបង្ហោះជាសាធារណៈនោះ ត្រូវបានទម្លាយឈ្មោះនៅក្នុងគណនីហ្វេសប៊ុកថា​ មានឈ្មោះ «Ah Lin» បានប្រើពាក្យសម្ដីដោះសាមិនព្រមយកអីវ៉ាន់ឡើយ។ ស្រីរ័ត្ន បានបញ្ជាក់ប្រាប់អំពីការកក់អីវ៉ាន់របស់នារីរូបនោះទៀតថា «អត់ទេ គាត់កុម្ម៉ង់ហើយអត់យក ឱ្យយើងទុកឱ្យគាត់ថ្ងៃនេះថ្ងៃនោះ ទុកឡើងវិលខួរហើយ បើមិនយកប្រាប់១ម៉ាត់មករួច ចាំបាច់ឱ្យទុក»៕

នៅពេលថ្មីៗនេះតារាសម្ដែងស្រីសិចស៊ី ជីដូន កាកី ហៅ ស្រី ម៉ុច បានបង្ហោះវីដេអូខ្លីមួយបង្ហាញពីក្បាច់រាំស៊ិចស៊ី ស៊ីអារម្មណ៍យ៉ាងស្រៀវស្រើបនៅក្នុងក្លិបកម្សាន្តមួយកន្លែង និងជាពិសេស ស្រីម៉ុច បានស្លៀកឈុតគួរឱ្យព្រឺព្រួច ដោយបានបញ្ចេញដើមទ្រូងដើម្បីឱ្យកាន់តែដុតកាមាអារម្មណ៍អ្នកគាំទ្រខ្លាំងឡើងថែមទៀត។

នៅក្នុងវីដេអូនោះគេមើលឃើញថា តារាស្រីរូបនេះបើទោះបីជាបានចាកឆ្ងាយពីពិភពសិល្បៈរយៈពេលយូរហើយយ៉ាងណាក៏ដោយ ក៏រូបនាងនៅតែទទួលបានការចាប់អារម្មណ៍ពីសំណាក់មហាជន(ប្រុសៗ)ដដែល  ហើយបានបង្ហាញពីសកម្មភាពជីវិតឯកជនរបស់នាងនៅលើបណ្ដាញសង្គមហ្វេសប៊ុកទៀតផង។ តែអ្វីដែលគួរឱ្យកត់សម្គាល់ខ្លាំងជាងនោះទៅទៀត គឺនាងមិនដែលបោះបង់ចោលភាពសិចស៊ីដោយការបញ្ចេញដើមទ្រូងរបស់នាងឡើយ ថ្វីបើបច្ចុប្បន្ននេះនាងមានបុត្រទៅហើយក្ដី។ នាងបានសរសេរនៅពីលើវីដេអូដ៏ស៊ីអារម្មណ៍នោះថា «កាកី មកវិញហើយ ហាហា!»។

ដើម្បីឱ្យកាន់តែជាក់ច្បាស់ថា តើតារាស្រីរូបនេះមានភាពសិចស៊ីរញ្ជួយអារម្មណ៍ជាមួយក្បាច់រាំដល់កម្រិតណានោះ សូមប្រិយមិត្តទាំងអស់គ្នាអញ្ជើញទស្សនាវីដេអូខាងក្រោមនេះ៖

បន្ទាប់ពីអ្នកដឹកនាំសម្ដែងនៅក្នុងផលិតកម្មថោន លោក រិទ្ធ អូមេហ្កា បានធ្វើការរិះគន់ចំពោះបទចម្រៀង និងការដឹកនាំសម្ដែងរបស់ផលិតកម្ម សាស្តា ដែលបានបង្ហាញពីរូបភាពរោលរាលក្ដៅសាច់នៅលើគ្រែក្នុងបទចម្រៀងដែលលោកមើលឃើញថា មិនសមរម្យ និងបង្កភាពអសីលធម៌នៅក្នុងសង្គមនោះ ភ្លាមៗស្រាប់តែមានគណនីហ្វេសប៊ុកក្លែងក្លាយមួយចូលមកទម្លាយរឿង អ្នកដឹកនាំសម្ដែង​ប្រុសរូបនេះទាមទារគេងជាមួយតារាស្រី ប្រសិនបើតារាស្រីនោះចង់ល្បីក្នុងបទចម្រៀងរបស់លោក។ គណនីនោះមានឈ្មោះថា «ចាំណាស់មនុស្សដែលធ្វើឱ្យខ្ញុំឈឺចាប់» បានបង្ហោះថា ទាមទារគេងជាមួយតារាស្រីៗ បើតារាម្នាក់នោះចង់ល្បីក្នុងស្នាដៃរបស់លោកនោះ គឺដោយសារតែលោកចេញមុខរិះគន់MVបទចម្រៀងក្នុងផលិតកម្មមួយ ដែលបានផលិតសាច់រឿងស្រៀវស្រើបក្ដៅសាច់ ដែលលោកគិតថា មានសាច់រឿងប្រាសចាសនឹងវប្បធម៌ប្រពៃណីខ្មែរ។

ក្ដៅស្លឹកត្រចៀកភ្លែតតែម្ដង! លោក រិទ្ធ អូមេហ្កា ក៏បានបង្ហោះសារតបតវិញថា «ម្ចាស់ Account នេះ ខ្ញុំនឹងឱ្យគេធ្វើការស្រាវជ្រាវរកប្រភព​ អ្នកណាជាម្ចាស់​Account នេះ អ្នកឯងកំពុងនិយាយបង្ខូចកេរ្តិ៍ឈ្មោះខ្ញុំហើយ​ ហ៊ានមកនិយាយចំពោះមុខច្បាប់ទេ? ខ្ញុំនិយាយ ព្រោះខ្ញុំទើសដោយសារអ្នកនាំសម្តែងអត់ខួរ​ បែរជានិយាយថាខ្ញុំដាក់កំហិតឱ្យតួស្រីដេកជាមួយខ្ញុំ?  តាំងពីខ្ញុំធ្វើការនេះ3ឆ្នាំហើយ​ ខ្ញុំមិនដែលធ្វើរឿងថោកទាបបែបនេះទេ​ តួដែលខ្ញុំដឹក​ ហើយហៅថតអាចហៅមកសួរបាន ហើយមួយទៀត តួស្រីក្នុងផលិតកម្មសាស្តាដែលខ្ញុំបានរិះគន់​ អាចហៅមកសួរបាន ស្គាល់ខ្ញុំទេ? អ្នកឯងហ៊ានចេញមកនិយាយតទល់គ្នានៅប៉ុស្តិ៍ប៉ូលីស ចំពោះមុខច្បាប់អត់? បទខ្ញុំផលិតមួយៗមិនដែល​មានឈុតឱបថើបគ្នា​ កខ្វក់បែបនេះទេ​ អាចឆែកមើលបាន!!!! ។ បញ្ចាក់ : គ្មានអ្នកផ្សេងណាថតអត់ខួរបែបនេះទេ? អ្នកឯងស្គាល់ខ្ញុំឱ្យច្បាស់​  លេងខុសមនុស្សហើយ»។

លោក រិទ្ធ បានបង្ហោះសារឆ្លើយតបនឹងការបង្ខូចឈ្មោះនោះ ដោយបញ្ជាក់យ៉ាងក្ដែងៗជាសាធារណៈថា ខ្ញុំប្រឡូកក្នុងការងារនេះ(ដឹកនាំសម្ដែង)ជាង3ឆ្នាំហើយ ខ្ញុំមិនដែលបានយកឈ្មោះជា Director ទៅដាក់កំហិតដោះដូរក្នុងការហៅគេថតទេ។ ដោយសារបុគ្គលម្នាក់ប្រើ Account Facebook fake មកនិយាយលាបពណ៍បង្ខូចឈ្មោះខ្ញុំ បន្ទាប់ពីខ្ញុំរិះគន់ទៅលើផលិតកម្មមួយ ដែលផលិតចម្រៀងSex។ អាចហៅតួដែលខ្ញុំធ្លាប់ហៅថតបានល្បីក្នុងបទខ្ញុំ តើមានអ្នកណាដែលខ្ញុំបានប៉ះពាល់ខ្លួនប្រាណខ្លះ? ខ្ញុំហៅតួថតសំដៅលើសមត្ថភាព នឹងត្រេមុខស៊ីនឹងសាច់រឿងខ្ញុំសសេរឡើង និយាយបែបនេះគឺប៉ះពាល់កិត្តិយសខ្ញុំ ការងារខ្ញុំ នឹងគ្រួសារខ្ញុំខ្លាំងណាស់។ ខ្ញុំធ្វើការមួយនេះដោយបេះដូង នឹងការស្រឡាញ់ អ្នកដែលបានស្គាល់ខ្ញុំ នឹងការងារខ្ញុំ បានដឹងហើយថាខ្ញុំយ៉ាងណា? សូមកុំព្យាយាមលាបពណ៍ខ្ញុំអី!!! សូមជួយShare រកយុត្តិធម៌ឱ្យខ្ញុំផង។ រាល់តួដែលខ្ញុំជ្រើសរើសយកមកសម្តែងក្នុងបទខ្ញុំ ខ្ញុំពឹងលើសមត្ថភាពតួសម្តែង នឹងត្រេមុខតួ ខ្ញុំមិនដែលប្រើតួខ្សែ ឬចង់បានប្រយោជន៍ពីតួសម្តែងមកវិញដោះដូរនឹងការហៅថតទេ ព្រោះខ្ញុំស្រឡាញ់ស្នាដៃខ្ញុំ ខ្ញុំមិនប្រើតួដែលមិនត្រូវនឹងសាច់រឿងខ្ញុំទេ ទោះគ្នាឯងសុំថតក៏ដោយ សូមជួយរកយុត្តិធម៍ចំពោះអ្វីដែលខ្ញុំកសាងកន្លងមកផង។ អ្នកដែលនិយាយបង្ខូចឈ្មោះខ្ញុំបែបនេះ កុំប្រើAcc Fake! និយាយតទល់គ្នា និងអាចហៅតួស្រីណាដែលខ្ញុំបានប៉ះពាល់មក? តែបើវាមិនមែនជាការពិត អ្នកឯងត្រៀមខ្លួនប្រឈមមុខនឹងផ្លូវច្បាប់ចុះ!!! ហ៊ានទេ?។

មកទល់ពេលនេះ មិនទាន់ដឹងថាអ្នកដែលប្រើគណនីហ្វេសប៊ុកក្លែងក្លាយវាយប្រហារចំពោះរូបលោក ជាអ្នកណានៅឡើយទេ ប៉ុន្តែលោកថាខ្លួនមានវិធីស៊ើបដឹងថាជាអ្នកណា ជាពិសេសដោយសារតែម្ចាស់គណនីនោះបានបញ្ចេញប្រតិកម្មបន្ទាប់ពីលោករិះគន់ការផលិតបទចម្រៀងរបស់ផលិតកម្មមួយ៕

អតីតតារាចម្រៀងនៅក្នុងផលិតកម្មរស្មីហង្សមាស និងម្ចាស់ជយលាភីកម្មវិធីប្រឡងចម្រៀង The Voice Cambodia រដូវកាលទី1 លោក ប៊ុត សីហា ត្រូវបានប្រភពច្បាស់ការណ៍មួយបានទម្លាយឱ្យដឹងថា ខណៈនេះតារាចម្រៀងប្រុសសំឡេងខ្ពស់រូបនេះ ត្រូវបានផលិតកម្មក្នុងស្រុកធំមួយកំពុងតែចាប់អារម្មណ៍ និងផ្ដល់ឱកាសដល់រូបលោកឱ្យចូលច្រៀងហើយ។

ដោយសារតែមានរឿងអាស្រូវពាក់ព័ន្ធជាមួយគ្រឿងញៀនកាលពីប៉ុន្មានខែមុននោះ ធ្វើឱ្យលោក ប៊ុត សីហា ត្រូវបាត់បង់ការងារនៅក្នុងសិល្បៈអស់មួយចំនួនធំ និងថែមទាំងរបូតឱកាសទៅកើបប្រាក់នៅលើទឹកដីប្រទេសមហាអំណាច គឺសហរដ្ឋអាមេរិកទៀតផង។ មិនតែប៉ុណ្ណោះ លោក សីហា នៅត្រូវបានខាងផលិតកម្មហង្សមាសប្រកាសប្រាប់មហាជនជាអ្នកគាំទ្រផលិតកម្មថា បើទោះបីជា សីហា កែខ្លួនល្អឡើងវិញយ៉ាងណាក៏ដោយ ក៏ខាងផលិតកម្មមិនអាចទទួលយករូបលោកឱ្យចូលច្រៀងវិញបានដែរ។ រឿងអាស្រូវទាំងអស់នេះបានធ្វើឱ្យតារាចម្រៀងរូបនេះភ្ញាក់រឭកខ្លួន និងកែប្រែកំហុសឆ្គង ហើយងាកមកចូលរួមជាមួយការងារសង្គមវិញម្ដង ដោយមួយរយៈចុងក្រោយនេះគេសង្កេតឃើញ លោក ប៊ុត សីហា បានធ្វើការ​ចែករំលែក​សេចក្តី​ស្រឡាញ់​ទៅដល់​កុមារៗ​នៅតាម​សហគមន៍ ​ឬ​មណ្ឌលកុមារ​កំព្រា​នានាជាច្រើន​។

ប្រភពដដែលបានបង្ហើបប្រាប់ទៀតថា ទោះបីជា​ពេលនេះ​ត្រូវ​បាន​ផលិតកម្ម​ហង្ស​មាស​បោះបង់ចោល ​និង​ត្រូវ​បាត់បង់​ឱកាស​ការងារ​ច្រៀង​នៅ​តាម​កម្មវិធី​ប្រគំ​តន្ត្រី​នានា​ក៏ពិតមែន​ ប៉ុន្តែ​តារា​ប្រុស​រូបនេះ​ក៏ត្រូវ​បាន​ផលិតកម្ម​ថោ​ន​សម្លឹង​ឃើញ​ និង​ត្រៀម​ចុះកិច្ចសន្យា​ជាមួយ​ផង​ដែរ គ្រាន់តែ​មិនទាន់​ដល់ពេលប៉ុណ្ណោះ។ ប្រភព​ដដែល​បាន​បន្ថែមថា ​មូលហេតុ​ដែល​ភាគី​ថោ​ន​មិនទាន់​បញ្ចេញព័ត៌មាន ​ឬ​ទទួលយក​តារាចម្រៀង​ប្រុស​រូបនេះ​ជា​ផ្លូវការ​នោះ ​គឺ​ទុកពេល​ឱ្យ​លោក ប៊ុត សីហា ចេញមុខ​លើ​ការងារ​សង្គមឱ្យបានច្រើន​តាមរយៈ​សកម្មភាព​មនុស្សធម៌​មួយចំនួន ​ក្នុងន័យ​លុបលាង​កំហុស​របស់ខ្លួន​ឱ្យអស់សិន ​ទើប​ប្រកាស​ទទួលយក​ពេញ​សិទ្ធិតែម្តង​។​

ដើម្បីបញ្ជាក់ឱ្យបានច្បាស់លើបញ្ហាពាក់ព័ន្ធនឹងការសម្រេចចុះកិច្ចសន្យារវាងលោក សីហា ជាមួយផលិតកម្មថោននេះ សារព័ត៌មាន ឡារ៉ែននឹងព្យាយាមទាក់ទងទៅអ្នកគ្រប់គ្រងផលិតកម្មថោន ដើម្បីសុំការអះអាងបន្ថែមទៀតឱ្យកាន់តែជាក់ច្បាស់ ដើម្បីជម្រាបជូនប្រិយមិត្តទស្សនិកជនបន្ថែមទៀតនៅពេលក្រោយ៕