Author: អេបិល

តាមរយៈការទម្លាយរូបភាពជាច្រើនរបស់តារាស្រី ឌីជេ អាលីយ៉ា បានឱ្យដឹងថា ខណៈនេះនាងកំពុងធ្លាក់ខ្លួនឈឺខ្លាំងសម្រាកព្យាបាលនៅលើគ្រែមន្ទីរពេទ្យ និងពុំមានសូម្បីប្រាក់ព្យាបាល ដែលបង្កឱ្យអ្នកគាំទ្រមានភាពភ្ញាក់ផ្អើលយ៉ាងខ្លាំង។ 

បើតាមប្រភពមួយបានបញ្ជាក់ឱ្យដឹងថា តារាស្រីរូបនេះកំពុងសម្រាកព្យាបាលនៅមន្ទីរពេទ្យកាល់ម៉ែត ដោយសារជម្ងឺរលាកទងសួតរ៉ាំរ៉ៃ និងធ្វើទុក្ខរហូតធ្វើឱ្យរូបនាងធ្លាក់ខ្លួនស្គមស្លេកស្លាំងបែបនេះ ស្របពេលដែលរូបនាងនៅតែទន្ទឹងរង់ចាំយុត្តិធម៌ពីច្បាប់។ ខណៈបានធ្លាក់ខ្លួនឈឺធ្ងន់បែបនេះ ប្រភពដដែលបានប្រាប់ថា នាងនៅសម្រាកព្យាបាលតែម្នាក់ឯង ដោយគ្មានញាតិណានៅចាំមើលថែរក្សា និងគ្មានប្រាក់បង់ថ្លៃព្យាបាលឡើយ។

គួរបញ្ជាក់ផងដែរថា អតីតផលិតករភាពយន្ត និងជាអ្នកលក់សម្លៀកបំពាក់ធំមួយរូបនេះ ត្រូវធ្លាក់ខ្លួនឈឺយ៉ាងដុនដាបអស់ប្រាក់ពីខ្លួនសូម្បីតែរកលុយទិញបាយហូបស្ទើរតែគ្មានផង ហើយគ្រឿងសម្អាង និងសម្លៀកបំពាក់ត្រូវម្ចាស់់ផ្ទះជួលរឹបអូសអស់ទៀតផង។ នេះអស់រយៈពេលជាង 2 ឆ្នាំមកហើយដែលឌីជេ អា​លី​យ៉ា ធ្លាប់ជួបប្រទះរឿងដ៏អាក្រក់ ដោយនាង​ធ្លាប់ត្រូវបានអតីត​សង្សារវាយដំ និង​រង​នូវ​ភាព​អយុត្តិធម៌​ ថែមទាំងត្រូវគេ​រឹប​អូប​ទ្រព្យ​សម្បត្តិ​ដែល​នាង​ខំ​ប្រឹង​រក​​យ៉ាង​លំបាកទៀតផង។ រឿង​រ៉ាវទាំងអស់​នេះបាន​ធ្វើ​ឱ្យ​ អា​លី​យ៉ា ​រង​នូវ​ជំងឺ​ធ្លាក់​ទឹក​ចិត្ត​ធ្ងន់​ធ្ងរ​​តែម្ដង៕

ចាប់ពីម៉ោង 4រសៀល រហូតដល់ម៉ោង 9យប់ ថ្ងៃទី 22-23 និង24 ខែមិថុនា ឆ្នាំ2018​នេះ នៅបរិវេណសួនច្បារនៃវាលព្រះមេរុមានរៀបចំកម្មវិធីពិសេស ដោយមានការសហការជាមួយទូរទស្សន៍ PNN ក្រុមការងារកម្មវិធីត្បាញក្រមា 1,000 ម៉ែត្រមានកិត្តិយសនាំជូនដល់ពុកម៉ែបងប្អូនទាំងអស់នូវការបញ្ចាំងកុនប្រវត្តិសាស្ត្ររឿង «ហ្លួងព្រះស្ដេចកន» និងកម្មវិធីជំនួបជាមួយតារា និងល្បែងកម្សាន្តជាច្រើនទៀតផង។

រយៈពេល 3ថ្ងៃនៃការបើកឱ្យទស្សនាដោយសេរីនូវរឿងប្រវត្តិសាស្ត្រ «ហ្លួងព្រះស្តេចកន» នេះ ក្រុមកាងារនៃស្ថានីយទូរទស្សន៍ PNN ក៏បានរៀបចំនូវការលេងហ្គេមកម្សាន្តសប្បាយៗដើម្បីទទួលបានវត្ថុអនុស្សាវរីយ៍ជាច្រើនផងដែរ ជាពិសេសនៅថ្ងៃទី22 ខែមិថុនា លោកអ្នកនឹងបានជួបផ្ទាល់ជាមួយតួឯកប្រុស និងតួឯកស្រីក្នុងរឿង «ហ្លូងព្រះស្តេចកន» គឺលោក រស់ សោភ័ណ្ឌ និងកញ្ញា ឈុំ វត្តី។

គួរបញ្ជាក់ផងដែរថា ការចាក់ផ្សាយឡើងវិញនូវភាពយន្ដខ្នាតធំដ៏អស្ចារ្យដែលដកស្រង់ពីប្រវត្តិសាស្ត្រខ្មែរមួយនេះ គឺជាការចូលរួមចំណែកក្នុងការលើកស្ទូយ និងគាំទ្រដល់ព្រឹត្តិការណ៍ដ៏ធំមួយក្នុងប្រទេសកម្ពុជា គឺព្រឹត្តិការណ៍បំបែកឯតទគ្គកម្មក្រមាវែងជាងគេលើពិភពលោក។ ដូច្នោះហើយ ប្រសិនបើពុកម៉ែបងប្អូនជនជាតិខ្មែរ មិនទាន់បានទស្សនារឿងដ៏ល្អ​ឯកមួយនេះ អាចអញ្ជើញទៅទស្សនាបានដោយឥតគិតថ្លៃ៕

មុននេះបន្ដិចមានការចាប់អារម្មណ៍យ៉ាងខ្លាំងចំពោះការលើកឡើងរបស់លោក អាចារ្យធំ ដែលប្រិយមិត្តអ្នកគាំទ្រជាច្រើនស្គាល់ថា លោកជាមនុស្សម្នាក់ដែលខិតខំលើកស្ទួយវិស័យវប្បធម៌បុរាណខ្មែរ។ លោកបានលើកជាសំណួរឡើងថា៖ « ពេលចេញMV បទហ្នឹងមានឆ្លងក្រសួងទេ?» ដែលសំណួរនេះត្រូវបានគេយល់ឃើញថា ជាការចោទសួរទៅកាន់អ្នកដឹកនាំខាងចម្រៀង និងផលិតកម្មសាស្ដា ដែលបានបញ្ចេញ MVបទចម្រៀង «ស្រីមុខលុយ» ដែលបានបង្ហាញពីសកម្មភាពសិចស៊ីរោលរាលក្ដៅសាច់នៅក្នុង MVបទចម្រៀងនោះ។

កន្លងមកមានតែការចេញផ្សាយជាព័ត៌មានវាយប្រហាតាមរយៈរូបភាពនៃពាក្យសម្ដីរិះគន់ ទៅលើតួសម្ដែងនៅក្នុងបទចម្រៀងនេះ និងអ្នកដឹកនាំសម្ដែងតែប៉ុណ្ណោះ។ ដោយឡែក នៅមិនទាន់ឃើញមានការរិះគន់ណាមួយទៅខាងផលិតកម្មនៅឡើយទេ។ ដោយផ្អែកទៅលើគណនីរបស់អាចារ្យធំ លោកលើកឡើងថា ឈុតក្រៅឆាករបស់បទចម្រៀង “ស្រីមុខលុយ” ដែលបង្ហាញពីរូបភាពស្រើបស្រាលខ្លាំងទទួលបានការរិះគន់មិនសំចៃមាត់ពីសំណាក់មហាជនជាច្រើនកន្លងមក។ ដំណឹងចុងក្រោយបានលើកឡើងថា ក្រសួងត្រៀមអញ្ជើញទាំងសិល្បករ និងផលិតករនៃបទចម្រៀងមួយនេះមកធ្វើការអប់រំណែនាំឱ្យបញ្ចប់ការសម្តែងបទចម្រៀងបែបស្រើបស្រាលនោះ។

​រូបភាព​នៃ​ឈុត​ឆាក​ស្រើបស្រាល​ពី​បទ​ចម្រៀង ”ស្រី​មុខលុយ” សម្តែងដោយកញ្ញា វ៉ាន់ វលក្ខណ៍ និងដឹកនាំសម្តែងដោយក្រុមផលិតករនៃផលិតកម្ម សាស្តាបានធ្វើឱ្យលេចចេញនូវការរិះគន់ខ្លាំង រហូតមហាជនខ្លះប្រដូចទៅនឹងការថតកុនសិច ព្រោះតែឈុតឆាកជាច្រើនបង្ហាញពីការឱបថើប លូកស្ទាប ស្ទើរគ្មានសល់កន្លែងណាមួយលើរាងកាយ។ កន្លងមកផលិតករប្រចាំផលិតកម្មថោន លោក រិទ្ធ អូមេហ្គា ក៏ធ្លាប់បានរិះគន់ខ្លាំងលើបទចម្រៀងមួយនេះថា ជាបទចម្រៀងដែលមានតែឱបថើបគ្នាលើគ្រែ ក្នុងបន្ទប់ទឹកបែបនេះ? ។ លោកថា ”គិតថាធ្វើអ៊ីចឹងទៅល្បីមែន? ការក្បត់វាអាចមានច្រើនរូបភាពមិនចាំបាច់តែ…គ្នាបានគេហៅក្បត់ទេ? ចង់ឃើញមុខអ្នកដឹកនាំសម្តែងហ្នឹង មុខម៉េចបានខួរក្បាលគិតចេញតែរឿងអ៊ីចឹង? ខ្ញុំនិយាយព្រោះខ្ញុំទើស ហើយក្នុងនាមខ្ញុំជាអ្នកផលិតមួយរូបដែរខ្ញុំខ្មាសគេជំនួស។ គ្មានអ្វីថ្មី បែរជានាំរឿងថោកដល់វិស័យសិល្បៈ មិនបានលើកស្ទួយ មកជាន់ពន្លិច យកសិល្បៈជាឈ្នាន់ធ្វើរឿងថោកទាប ។ សុំទោស បើខ្ញុំនិយាយខុស តែខ្ញុំវាទើសភ្នែកពេក ក្រសួងវប្បធម៌គួរចាត់វិធានការលើអ្នកដឹកនាំសម្តែង ឬផលិតកម្មនេះ»។

ប្រភពពីមន្ត្រីក្រុមប្រឹក្សាភិបាលវិន័យនៃក្រសួងវប្បធម៌ និងវិចិត្រសិល្បៈបានលើកឡើងថា សំណើរបស់ក្រុមការងារបានធ្វើរួចរាល់ហើយ គឺនៅតែការសម្រេចចុងក្រោយរបស់រដ្ឋមន្ត្រីប៉ុណ្ណោះ។ ប្រភពបញ្ជាក់ថា ប្រសិនបើសំណើនេះទទួលបានការឯកភាពនោះ ទាំងសិល្បករ ទាំងផលិតករនឹងត្រូវអញ្ជើញឱ្យមកទទួលយកការណែនាំពីមន្ត្រីក្រសួងដើម្បីបញ្ចប់ការផលិតវីដេអូបែបស្រើបស្រាលដែលនាំឱ្យប៉ះពាល់ធ្ងន់ធ្ងរដល់សេចក្តីថ្លៃថ្នូរ និងវប្បធម៌ប្រពៃណី និងប្រាសចាកពីសីលធម៌នៃការផលិតបែបសិល្បៈ។ ប្រភពដដែលបានលើកឡើងទៀតថា ការព្រមាននេះក៏ជាគំរូដើម្បីអប់រំដល់សិល្បករ និងផលិតករដទៃទៀតផងដែរ ប៉ុន្តែមិនមានការដាក់បម្រាមផ្អាកដល់សកម្មភាពផលិត ឬការសម្តែងរបស់តារាសម្តែងដូចករណីកញ្ញា ដេននី ក្វាន់កន្លងមកនោះទេ»។

យ៉ាងណាមិញ លោកអាចារ្យធំ បានបញ្ជាក់ចម្លើយដែរថា «ក្រសួងនឹងកោះហៅតារាសម្តែង និងអ្នកដឹកនាំសម្ដែងបទ ”ស្រីមុខលុយ” ទៅដុសក្អែលពីរឿងថតបទចម្រៀងស្រើបស្រាល»។ ចំពោះបញ្ហានេះ តើប្រិយមិត្តទាំងអស់យល់ឃើញបែបណាដែរ?៕

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាកំប្លែង និងជាពិធីករ លោក ខេង រតនៈ ហៅនាយព្រែក គេមើលឃើញថា នៅពេលថ្មីៗនេះលោកបានបង្ហាញរូបភាពផ្អែមល្ហែមស្អិតជាប់គ្នាតតាត់ដូចស្ករតាំងម៉ែជាមួយគូដណ្ដឹង ខណៈដែលលោកបានរៀបចំពិធីខួបកំណើតឱ្យគូស្នេហ៍ ដែលគេមើលឃើញថាចំណងស្នេហ៍រវាងនាយព្រែក និងគូដណ្ដឹងនៅតែរឹងមាំប្រមាណជាជិត 2ឆ្នាំមកហើយ តែនៅមិនទាន់កំណត់ពេលាថ្ងៃអាពាហ៏ពិពាហ៍នៅឡើយ។

បើទោះជាមិនទាន់មានពេលាច្បាស់ប្រាកដនៅឡើយមែន តែនាយព្រែកធ្លាប់បានបញ្ជាក់ថា លោក និងគូដណ្ដឹង ថ្វីដ្បិតតែមិនទាន់កំណត់បានថ្ងៃការមែន ប៉ុន្តែចំណងស្នេហ៍ គឺមិនខុសពីនៅជិតគ្នានោះទេ ដោយសារតែពេលលោកទៅណា ឬធ្វើអ្វី គឺសុទ្ធតែបានទាក់ទងប្រាប់គ្នា ក្នុងពេលដែលបណ្ដាញសង្គមហ្វេសប៊ុកបានធ្វើឱ្យលោក និងគូដណ្ដឹងដូចបាននៅជិតគ្នា មិនដែលឃ្លាតឆ្ងាយគ្នាមួយជំហានណាអ៊ីចឹង។ លោកថា ខ្លួនលោក និងគូស្នេហ៍មានបំណងខំប្រឹងប្រែងរកលុយ និងចង់ឱ្យស្រឡះការងារបន្តិចទៀតសិន ទើបកំណត់ថ្ងៃការ ខណៈដែលពេលនេះលោកក៏មានជាប់កុងត្រាថតរឿងបុរាណ ដែលស្ទើរតែមិនមានពេលជួបគូស្នេហ៍ផង។ លោកបានប្រាប់ថា រង់ចាំបន្តិចទៀតក៏មិនអីដែរ។

សូមរំឭកដែរថា នាយព្រែក និងគូដណ្ដឹងបានភ្ជាប់ពាក្យគ្នាតាំងពីថ្ងៃទី6 ខែកញ្ញា ឆ្នាំ2016 មកម្ល៉េះ គឺបានរយៈពេលជិត 2 ឆ្នាំមកហើយ។  ដំបូង​លោក​ធ្លាប់​បាននិយាយថា នឹង​រៀបការ​ក្នុងពេល​ឆាប់ៗ តែ​មកដល់​ពេលនេះហើយ​ នាយ ព្រែក នៅតែ​មិនទាន់​រក​ថ្ងៃ​ល្អ​ឃើញ​ទៀត ម្យ៉ាងលោកចង់ទុក​ពេលវេលា​សន្សំ​ប្រា​ក់ឱ្យបានច្រើនមួយរយៈ​ទៀត​សិន៕

តាមបទពិសោធគេដឹងថា ទម្រាំតែនិពន្ធបទចម្រៀងថ្មីបានមួយបទ ដែលមានមេឡូឌីខុសប្លែកពីគេ និងមានភាពទាក់ទាញខ្លាំងបំផុតនោះ លុះត្រាតែមានការប្រមូលផ្ដុំអារម្មណ៍និពន្ធឱ្យស្ថិតនៅក្នុងពិភពថ្មីមួយដែលដាច់ដោយឡែកពីគេ និងគួបផ្សំជាមួយទេពកោសល្យនៃភាពច្នៃប្រឌិតខ្ពស់ ទើបអាចសម្រិតសម្រាំងបានស្នាដៃដែលប្លែកថ្មីសន្លាងបាន។ ដូចគ្នានោះដែរ លោក ហេង ពិទូ គឺជាតារាចម្រៀងដែលនិយមនិពន្ធបទចម្រៀងថ្មី និងមានមេឡូឌីដែលទាក់ទាញអារម្មណ៍មិត្តយុវវ័យ។ ទម្រាំនឹងទទួលបានការគាំទ្រលើបទចម្រៀងមួយបទៗ លោកនិយាយថា វាពិតជាពិបាក និងត្រូវចំណាយពេលច្រើនគួរសម។

កន្លងមកលោក ពិទូ ធ្លាប់បានទម្លាយអារម្មណ៍ពិតថា​ ក្ដី​រំពឹង​ថា​នឹង​បាន​ទស្សនិកជន​ទទួល​ស្គាល់​បទ​ចម្រៀង​ខ្លួន​មានមិនច្រើន តែប៉ះ​ចំ​ពេល​ដែល​យុវវ័យ​ផ្ទុះ​ខ្លាំង​​ពាក់​ព័ន្ធ​នឹង​ស្នាដៃ​បទ​និពន្ធ​ថ្មីៗ គួប​ផ្សំ​នឹង​គោល​ដៅ​ដែល​ខ្លួន​ធ្លាប់​បាន​ស្រមៃ​ថា​ ​​មុន​នឹង​ស្លាប់​ទៅ ត្រូវ​មាន​បទរបស់​ខ្លួន​ឯង និង​សម្រាប់​ប្រទេស​ជាតិ​ទាំង​មូល​ផង​ដែរ។ ជុំ​វិញ​ការ​ខំប្រឹង​ប្រែង​ទាំង​អស់​នេះ ក៏​ដោយសារ​តែមានការ​លើក​ទឹក​ចិត្ត​ពី​បង​ប្អូនយើង​ខ្លាំង​បំផុតហ្នឹងឯង​ កាល​ណា​ទស្សនិកជន​សរសើរ​ថា​ បទ​របស់លោក​ពីរោះ និង​មាន​ខ្លឹមសារ​ទាក់​ទាញ នោះនឹងធ្វើឱ្យលោក​កាន់​តែ​មាន​ទឹក​ចិត្តចង់​ធ្វើ​អ្វី​ដែល​ថ្មីៗ សម្រាប់​ជា​ការតប​ស្នង​ដល់​អ្នកទាំងនោះវិញ។

នៅពេលថ្មីៗនេះ លោក ហេង ពិទូ កំពុងតែត្រៀមនិពន្ធបទចម្រៀងថ្មីៗរបស់លោកជាបន្ដបន្ទាប់ទៀត តែអ្វីដែលលោកអាចប្រាប់មហាជនបាននៅពេលនេះគឺ «ដល់ពេលត្រូវចេញបទថ្មី ខួរក្បាលត្រៀមក្រញាញ់ទៀតហើយ» នេះបញ្ជាក់ថា មិនមែនជារឿងធម្មតា និងមិនងាយស្រួលនេះឡើយ!៕

មួយរយៈចុងក្រោយនេះ ប្រិយមិត្តអ្នកគាំទ្របានចាប់អារម្មណ៍ចំពោះរូបភាពរបស់តារាសម្ដែង ម៉ាក់ សែនសូនីតា  ខណៈដែលសម្រស់របស់នាងហាក់កាន់តែស្រស់ស្អាតខ្លាំងឡើងៗ រហូតមានទីផ្សារដល់ទៅក្រៅប្រទេសទៀតផង ដោយសារតែរូបសម្រស់នេះ។ តារាសម្ដែង ម៉ាក់ សែនសូនីតា ជាតារាមួយរូបដែលមានទីផ្សារខ្ពស់ និងឈរលំដាប់ជួរមុខ។ ដូចនេះតម្លៃខ្លួនសម្រាប់ការថតរឿងនីមួយៗ និងថតស្បតពាណិជ្ជកម្មផ្សេងៗ មិនមែនថោកនោះទេ ព្រោះនាងស្អាត និងមានសមត្ថភាពសម្ដែងបានល្អ ហើយស៊ីថ្លៃរាប់ពាន់ដុល្លារឯណោះក្នុងមួយរឿងៗ។

ចំណែកតម្លៃខ្លួន ក្នុងការថតស្បតពាណិជ្ជកម្មវិញ ក៏ថ្លៃមិនធម្មតាដែរ ពោលគឺ ម៉ាក់ សែនសូនីតា ជាតារានាំមុខក្នុងវិស័យស្បតផ្សាយពាណិជ្ជកម្មមួយរូប ខណៈការថតស្បតមានកុងត្រាត្រឹមត្រូវ។ ក្នុងនោះ ការថតផ្សាយហាងសម្អាងការនឹង មិនដល់ខ្ទង់ពាន់ដុល្លារនោះទេ។ ប៉ុន្តែចង់ដឹងទេថា តើនាងស៊ីថ្លៃប៉ុន្មាន?…ប្រភពពីអ្នករៀបចំកម្មវិធីមួយ បានទម្លាយឱ្យដឹងពីតម្លៃខ្លួន ម៉ាក់ សែនសូនីតា ថាស៊ីថ្លៃ 800ដុល្លារក្នុងមួយថ្ងៃ រយៈពេលចាប់ពីម៉ោង 8ព្រឹក ដល់5ល្ងាច សម្លៀកបំពាក់ត្រឹម10ឈុតចុះក្រោម ដែលតម្លៃនេះថ្លៃជាងតារាស្រីស្អាតៗល្បីៗផ្សេងទៀតជាច្រើន។

គួរជម្រាបបន្ថែមពីជីវិតស្នេហារបស់ តូតា និង លោក ប៉ុល វិបូ ហៅ​នីត ដែរថា អ្នកទាំងពីរមាន​ទំនាក់​ទំនង​ស្នេហា​ជា​មួយ​គ្នា​ដោយ​បើក​ចំហ​ជា​សាធារណៈ​ច្រើន​ឆ្នាំ​មក​ហើយ ពោល​គឺ​តាំង​ពី​តារា​​ស្រី​រូប​នេះបានចូល​រួម​​ថត​រឿង “ចន្ទ្រា” កាល​ពី​ជាង​ 3ឆ្នាំ​មុន​នៅក្នុងផលិតកម្ម​ «អង្គរ​ Picture»មក​ម្ល៉េះ។ ទោះបី​ជា​​បែប​នេះ​ក្ដី តែ​ស្នេហា​រវាង​តារាក្រមុំ​ក្មេង​ខ្ចី​ល្បី​ឈ្មោះ ជា​មួយ​នឹង​​បុរស​ពោះម៉ាយ​មាន​ឥទ្ធិពល​មួយគូនេះ ហាក់​បីដូច​ជា​មិន​ទាន់​បង្ហាញពី​តម្រុយនៃ​ថ្ងៃ​ចូល​រោង​ជ័យ​នៅ​ឡើយ​ទេ ដោយ​ពួក​គេ​ធ្លាប់​បាន​លើក​ឡើង​ថា រង់ចាំ​មើល​ជំនួញ​ជោគជ័យ​សិន។ តែតាមការបង្ហើបប្រាប់អ្នកសារព័ត៌មានកាលពីពេលមុន តូតា គ្រោងនឹងរៀបចំចំណាយប្រាក់លើអាពាហ៍ពិពាហ៍របស់ខ្លួនខ្ទង់ម៉ឺនដុល្លារជាមួយអ្វីដែលប្លែកៗនៅក្នុងពិធីមង្គលការ​របស់នាងនាពេលដ៏ខ្លីខាងមុខ​នេះ៕​​​