Author: អេបិល

មានមហាជនមួយចំនួនបានលើកឡើងថា រឿងភាគល្បីៗរបស់ស្ថានីយទូរទស្សន៍ក្នុងស្រុក បើទោះបីជារឿងមួយនេះ មានភាពល្អមើលខ្លាំងកម្រិតណាក៏ដោយ ក៏ទស្សនិកជនគ្មានអារម្មណ៍នៅក្នុងការទស្សនាដែរ ព្រោះថា សាច់រឿងមានរយៈពេលខ្លី និងមានលោតចេញនៅបណ្ដាផ្ទាំងផ្សព្វផ្សាយពាណិជ្ជកម្មរបស់ អ្នកឧបត្ថម្ភមមកច្រើនពេក រហូតដល់បាត់ និងបាំងប្លង់ថតស្អាតៗ ព្រមទាំង ទស្សនាទៅមិនជក់ចិត្តដិតអារម្មណ៍នេះទេ។ គេបានលើកឡើងទៀតថា ប្រសិនបើនៅតែបន្ដសកម្មភាពបែបដូចនេះទៀតនោះ ច្បាស់ណាស់ ជាទស្សនិកខ្មែរងាកទៅជួលឌីសរឿងភាគបរទេស ឬមើលទូរទស្សន៍បរទេស ជាជាងមើលពាណិជ្ជកម្មនៅក្នុងទូរទស្សន៍ក្នុងស្រុក។

បន្ទប់ពីមានការលើកពីមតិមហាជនហើយមក តារាសម្ដែងមានឈ្មោះល្បីលោក ឈឹម សក្ដា គេមើលឃើញលោកបានមានមតិផងដែរថា « រឿងល្អមើលយ៉ាងណាក៏ដោយ បើផ្សាយពាណិជ្ជកម្មហួសហេតុពេក កុំថាឡើយទូរទស្សនិកជន សូម្បីតែខ្ញុំសម្ដែងខ្លួនឯងក៏អត់មានអារម្មណ៍មើលដែរ!!! មែនអត់??? » ។ តើប្រិយមិត្តទាំងអស់គ្នាគិតយ៉ាងដែរ ចំពោះបញ្ហាមួយនេះ។

គួរបញ្ជាក់ផងដែរថា បើទោះបីមានការលើកនិយាយពីបញ្ហាមួយនេះក្ដី ក៏មានមតិតិចតួចមួយចំនួនបាននិយាយថា « បើអត់មានពាណិជ្ជកម្ម តើអ្នកថត ឬផលិតករបានអីរស់? » ។ តែយ៉ាងណាមិញ មហាជននៅតែមានការសំណូមពរទៅកាន់ម្ចាស់ស្ថានីយទូរទស្សន៍ ឱ្យមានវិធានការក្នុងរៀបចំការផ្សព្វផ្សាយពាណិជ្ជកម្មរបស់ខ្លួនឡើងវិញ ដើម្បីឱ្យសន្ទុះនៃការគាំទ្ររឿងភាគខ្មែរ កើនឡើងដោយពុំមានការរំខានអារម្មណ៍ខណៈកំពុងតែទស្សនា៕

តាមរយៈ​បណ្ដាញ​ទំនាក់ទំនង​សង្គម​អ៊ី​ន​ស្ដា​ក្រាម​របស់​អ្នកនាង ទឹម រដ្ឋា នៅ​ថ្ងៃទី 23ខែមិថុនា ឆ្នាំ2018 នេះ​បាន​បង្ហោះ​រូបភាព​សិច​ស៊ី​បញ្ចេញ​សាច់​ពោះ​យ៉ា​ងា​ស្លី​ម សខ្ចី ដូចជា​បណ្ដូលចេក​ជាច្រើន​សន្លឹក និង​តាមរយៈ​រូបភាព​ទាំងនេះ​បានធ្វើឱ្យប្រុសៗមួយចំនួន​ដែល​បានឃើញ​ហើយ​ខំ​សម្លឹង​ស្ទើរតែ​ជ្រុះ​គ្រាប់ភ្នែក។ ទោះ​យ៉ាងនេះ​ក្ដី នៅលើ IG ផ្ទាល់ខ្លួន​របស់​នាង គេ​ទើប​ឃើញ​នាង បញ្ចេញ​រូបភាព​ស្លៀក​ប៊ី​គី​នី​សិច​ស៊ី​គួរ​ឲ្យ​ចង់​គយគន់​របស់​នាង។ ជាក់ស្ដែង​អ្នកគាំទ្រ​នាង​ជាច្រើន​បាន​ពោល​សរសើរ​ពី​រាងកាយ​សិច​ស៊ី​របស់​នាង​ទៀតផង។

តារា​សម្ដែង និង ជាតា​រា​ម៉ូ​ដែល​និយម​លេងខ្លួនប្លែកៗតាមបែប​បរទេស​រូប​នេះ កំពុង​ទាញ​បានការ​ចាប់អារម្មណ៍​ពី​សំណាក់​មហាជន​ជាថ្មី បន្ទាប់ពី​នាង​បាន​ស្លៀក​ឈុត​ប៊ី​គី​នី​ដ៏​សិច​ស៊ី បង្អួតរាង​ដ៏​ស្រ​លូន​ក្នុង​អាង​ហែល​ទឹក​យ៉ាង​ស៊ី​អារម្មណ៍​បង្ហោះ​ចែកចាយ​លើ​បណ្ដាញ​សង្គម IG ។ គេ​មើលឃើញថា នាង​ក៏បាន​បង្ហាញ​នូវ​ភាព ស៊ិ​ច​ស៊ី​របស់ខ្លួន ក្នុង​ឈុត​ប៊ី​គី​នី​ហែល​ទឹក យ៉ាង​ស៊ី​អារម្មណ៍ ដោយ​មិន​ញញើត​ឡើយ។

ចង់ដឹងថា រូបរាង​អ្នកនាង ទឹម រដ្ឋា បង្ហាញ​ភាព​សិច​ស៊ីសាច់​ក្បាលពោះ​ដ៏​ស្លី​ម​ដល់​កម្រិតណា​នេះ សូម​ទស្សនា​រូបភាព​ទាំងឡាយ​ខាងក្រោម​នេះ៖

Saturday 😍 home exercise 🙄 #freshmorning #feelingood #stylistexercise #lovefitness #shapeofme🔥 !

A post shared by Tim Rotha (@tim_rotha) on Jun 22, 2018 at 7:43pm PDT

Which one more cute 😘😘😘😘😘 ? #timrotha🤘 #mv #sundayprodution #part2✌ #comingsoon !

A post shared by Tim Rotha (@tim_rotha) on Jun 21, 2018 at 9:50pm PDT

Don’t let me change my mind #modelstyle #bikinigirl #nicepool #swimsuit #swimmingtime !

A post shared by Tim Rotha (@tim_rotha) on May 21, 2018 at 4:41am PDT

នៅពេលប៉ុន្មានម៉ោងមុននេះបន្ដិច តារាសម្ដែងប្រុស អ៊ឺម ជីវ៉ា បានបង្ហោះរូបភាពជាច្រើនសន្លឹក ដែលមើលឃើញថា លោកបានយកចិត្តទុកដាក់ចំពោះស្ថានភាពជំងឺរ៉ាំរ៉ៃរបស់ តារាស្រី អាលីយ៉ា និងបានទៅសួរសុខទុក ព្រមទាំងបង្ហាញអារម្មណ៍ស្រណោះស្រណោក ខណៈដែលតារាស្រីបានចូលទៅសង្គ្រោះបន្ទាន់ទាំងសភាពស្បែកដណ្ដប់ឆ្អឹង។

លោក អ៊ឹម ជីវ៉ា បានបញ្ជាក់ថា « យប់នេះមកមើលសិល្បៈការិនី Dj អាលីយ៉ាសង្រ្គោះន្ទាន់ ដោយសារជំងឺសួតធ្ងន់ធ្ងរ នៅមន្ទីពេទ្យកាល់ម៉ែត្រ។ ពុទ្ធោអើយពេលជួបនាងភ្លាមខ្ញុំស្ទើតែមិនជឿថា អាលីយ៉ា ព្រោះនាងពិតជាស្គមស្លែកស្លាំងខ្លាំងណាស់ សូម្បីតែសាច់ញាតិក៏គ្មានអ្នកណាមកមើលនាងដែរ ។ ទោះបីខ្ញុំកំពុងតែមានទុក្ខធំ ក៏ខ្ញុំឆ្លៀតមកមើលដែរព្រោះក្នងនាមសិល្បករដូចគ្នាត្រូវចេះជួយគ្នាក្នងគ្រាមានអាសន្ន ជាពិសេសប្រហែលជាដំណាក់កាលចុងក្រោយរបស់នាងហើយ តែក៏សូមអរគុណលោកគ្រូអ្នកគ្រូ វិជ្ជបណ្ឌិតនៅមន្ទីពេទ្យកាល់ម៉ែត្រដែលជួយព្យាបាល Dj អាលីយ៉ា មិនយកថវិការ »។ លោកបន្ដថា លោកមានតែទឹកចិត្តនិងថវិការផ្ទាល់ខ្លួនបន្តិចបន្តួចជូនដល់នាង ដើម្បីព្យាបាលបន្តតែប៉ុណ្ណោះ ធ្វើម្ដេចទេ អ្នកធម្យមជួយអ្នកអត់ អ្នកអត់ជួយអ្នកឈឺចឹងទៅសិល្បៈនៃការចែករំលែកនោះ ។

សូមជម្រាបបន្ថែមថា តារាស្រីរូបនេះកំពុងសម្រាកព្យាបាលនៅមន្ទីរពេទ្យកាល់ម៉ែត ដោយសារជម្ងឺរលាកទងសួតរ៉ាំរ៉ៃ និងធ្វើទុក្ខរហូតធ្វើឱ្យរូបនាងធ្លាក់ខ្លួនស្គមស្លេកស្លាំងបែបនេះ ស្របពេលដែលរូបនាងនៅតែទន្ទឹងរង់ចាំយុត្តិធម៌ពីច្បាប់ បណ្ដាលឱ្យនាងកើតមានជំងឺផ្លូវចិត្តមួយកម្រិតបន្ថែមទៀត។ ខណៈនេះ គេមើលឃើញថា នាងនៅសម្រាកព្យាបាលតែម្នាក់ឯង ដោយគ្មានញាតិណានៅចាំមើលថែរក្សា និងគ្មានប្រាក់បង់ថ្លៃព្យាបាលឡើយ និងរំពឹងថា មានការជួយជ្រោមជ្រែងឧបត្ថម្ភពីសំណាក់មិត្តសិល្បៈរួមអាជីព៕

ខ្សែភាពយន្តប្រវត្តិសាស្រ្តខ្មែរ«ហ្លួងព្រះស្តេចកន»នឹងត្រូវចាក់បញ្ចាំងសារជាថ្មីម្ដងទៀតកាលពីរសៀលថ្ងៃទី 22 ខែមិថុនាឆ្នាំ ២2018 នេះ ក្នុងនោះកញ្ញា ឆុំ វត្តី គឺជាតួអង្គមហេសីស្តេចកន ដែលជាតួឯកក្នុងរឿង ក៏បានមកចូលរួមបង្ហាញវត្តមានជូនពុកម៉ែបងប្អូននៅក្នុងការត្បាញក្រមា 1000 ម៉ែត្រ ព្រមទាំងបានចូលរួមសម្ដែងឈុតខ្លីជាមួយតួអង្គ ហ្លួងព្រះស្ដេចកន គឺលោក រស់ សោភណ្ឌ ចែកជូនអ្នកគាំទ្របានទស្សនាកម្សាន្ដសប្បាយផងដែរ។

ខ្សែភាពយន្តបែបប្រវត្តិសាស្រ្តខ្នាតធំរឿង  «ហ្លួងព្រះស្តេចកន»នេះ ត្រូវបានគេមើលឃើញថា មានបងប្អូនខ្មែរដែលមិនទាន់បានទស្សនា អញ្ចើញមកទស្សនាជាច្រើនអ្នកយ៉ាងភ្លូកទឹកភ្លូកដី បើទោះបីជាថ្ងៃម្សិលមិញ អាកាសធាតុមិនអំណោយផលក៏ដោយ ក៏នៅតែមានអ្នកគាំទ្រខ្លាំងស្កាត់មកយ៉ាងច្រើននាក់។ ដោយឡែក តារា​សម្ដែង​ថ្មី ឆុំ វត្តី ដែលមាន​ប្រជាប្រិយភាពខ្លាំង​ដោយរឿងខ្នាតធំមួយនេះ បើទោះបីជាមមាញឹកយ៉ាងណាក៏ដោយ ក៏នាងមិនអាចខកខានមិនមកចូលរួមបានដែរ នាងនៅតែមកស្វាគមន៍ ថតរូបជាមួយអ្នកគាំទ្រ ព្រមទាំងលេងហ្កេមជាមួយគ្នា ដើម្បីបានរង្វាន់យ៉ាងច្រើនសន្លឹកសន្ធាប់ផងដែរ។

គួរកត់សម្គាល់ដែរថា ប្រិជាប្រិយភាពរបស់តារាស្រីនេះ កាន់តែមានភាពល្បីល្បាញខ្លាំងជាមុន ដោយសារតែនាង បានចូលសម្ដែងរឿងភាគបុរាណខ្មែរបានជាច្រើនរឿង រហូតដល់នាង ត្រូវបានទស្សនិកជនពោលសរសើរថា នាងជាតារាខ្មែរ ដែលមានមុខមាត់ និងការស្លៀកពាក់បែបបុរាណខ្មែរសមសួនបំផុត។

សូមជម្រាបបន្ថែមថា ថ្ងៃ​ទី24 នេះ ជាថ្ងៃបញ្ចប់នៃការបញ្ជាំងរឿងល្អឯកមួយនេះ ក៏នឹង​មាន​វត្តមាន​តារា​ដ៏​ល្បី​ប្រចាំ​​កម្ពុជា​គឺ ស៊ិន យូ​ប៊ីន និង​ ខាត់ វៃ​ហាំង។ ដូច្នេះ​​អ្នក​គាំទ្រ​ អាច​ទៅ​​ជួប​ផ្ទាល់ ឬ​ថតរូប​ជាមួយ​ពួក​គេ​បាន​​ដោយ​សេរី​​។

នៅ​ថ្ងៃ​ចុងក្រោយ​ដដែល​នេះ​ ក៏​​មាន​ការ​លេង​ហ្គេម​ថ្មី​មួយទៀត ដែល​នឹង​ផ្ដល់​ជូនពាន​រ​ង្វាន់​ដល់​អ្នក​​​ជាប់​ជ័យលាភី​​ចំនួន​3រូប។ ឯ​​អ្នក​ដែល​មិន​ទទួល​បាន​ជោគជ័យ​ ក៏​ទទួល​បាន​រ​ង្វាន់​លួង​ចិត្ត​ជាច្រើន​ដែរ​។ កុំភ្លេចទៅចូលរួមទាំងអស់គ្នាណា ៕

ប៉ុន្មានម៉ោងមុននេះបន្ដិចលោក ករុណា ពេជ្រ បានបង្ហោះរូបភាពជាច្រើនសន្លឹកនៅក្នុងបណ្ដាញសង្គមហ្វេសប៊ុក ដែលគេមើលឃើញថា លោកកំពុងតែស្ថិតនៅលើគ្រែអ្នកជំងឺត្រៀមស្គែនខួរក្បាល ដែលធ្វើឱ្យមហាជនអ្នកគាំទ្រមានការភ្ញាក់ផ្អើល និងបារម្ភពីលោកខ្លាំងមែនទែន។

នៅពីលើរូបភាពជាច្រើនសន្លឹកនោះ លោកបានបញ្ជាក់ថា «មួយរយះនេះ គិតហួស គិតច្រើនពេកហើយ មានតែចូលពិនិត្យសុខភាព និងថតខួរក្បាលឱ្យច្បាស់ម្តងថា គួរទៅមុខ ឬទៅក្រោយ..!!! មិនគួរគ្រប់រឿងមកបុកចូលពេលតែមួយ ដូចខ្វះពេលបុក….!!! »។ ខណៈដែលបានឃើញពីស្ថានភាពរបស់តារាប្រុសរូបនេះអ៊ីចឹងហើយនោះ មានអ្នកគាំទ្រជាច្រើនបានសម្ដែងក្ដីបារម្ភចំពោះលោកយ៉ាងខ្លាំង ខ្លះបានប្រាប់ថា «ពេជ្រ អើយ កុំគិតច្រើនពេក អ្វីគួរកើត វានឹងកើតហើយ! ស៊ូៗណា» ហើយខ្លះទៀតបានជូនពរថា «សូមឱ្យឆាប់ប្រសើរឡើងវិញណា»។

សូមជម្រាបបន្ថែមថា មួយរយៈចុងក្រោយនេះ គេមើលឃើញ ករុណា ពេជ្រ ពិតជាមានបញ្ហាដែលត្រូវដោះស្រាយជាច្រើនណាស់ ជាក់ស្ដែងលោកត្រូវកង្វល់ចិត្តក្នុងការថែរក្សា និងព្យាបាលឪពុកដែលមានជំងឺរ៉ាំរ៉ៃ សម្រាកព្យាបាលនៅក្នុងមន្ទីរពេទ្យ។ ខណៈនេះ នៅមិនទាន់មានការបញ្ជាក់ពីស្ថានភាពជំងឺរបស់ឪពុកលោកច្បាស់នៅឡើយទេ ដឹងត្រឹមថា ឪពុកលោកមានអាការប្រសើឡើងជាងមុនហើយប៉ុណ្ណោះ៕

បន្ទាប់ពីបានបង្ហាញមុខមាត់គូស្នេហ៍ឱ្យមហាជនស្គាល់រួចហើយ តារាសម្ដែង កញ្ញា ដេននី ក្វាន់ ត្រូវបានមហាជនសរសើរមិនដាច់ពីមាត់ថា មានគូស្នេហ៍ចេះយល់ចិត្តគ្នា ខណៈរាល់ពេលទៅណាមកណា តែងតែឃើញបណ្តើរគ្នាជានិច្ច មិនថាទៅចូលរួមកម្មវិធីនានា ឬដើរកម្សាន្ដនោះទេ។ ជាមួយគ្នានេះដែរ ថ្មីៗនេះ កញ្ញា ដេននី ក្វាន់ បានបង្ហោះរូបភាពដ៏ស្និទ្ធស្នាល និងស័ក្តិសមគ្នាយ៉ាងខ្លាំងជាមួយនឹងគូស្នេហ៍របស់នាង ដែលគេដឹងថា ឈ្មោះ ចាន់ មករា ព្រមទាំងសរសេរសារប៉ុន្មានម៉ាត់ដែលមានន័យចាក់ដោតអារម្មណ៍របស់មហាជនយ៉ាងខ្លាំង។

បន្ទាប់ពីបានធ្វើដំណើរត្រឡប់មកពីកែសម្ផស្សនៅប្រទេសថៃវិញ ស្រាប់តែតារាសម្ដែងស្ត្រីរូបនេះ បានទម្លាយដំណឹងដ៏គួរឱ្យរំភើបអារម្មណ៍មួយថា «គិតម៉េចដែរបើសិនខ្ញុំរៀបការនៅឆ្នាំនេះ???»។ នាងបាននិយាយទៀតថា «លឿនអីលឿនយ៉ាងនេះ ត្រៀមខ្លួនសឹងមិនទាន់…តែចង់ប្រាប់ថារំភើបណាស់ ព្រោះវាជាអ្វីដែលខ្ញុំប្រាថ្នា អីលូវបានមកដល់ហើយ »។ សារប៉ុន្មានឃ្លានេះបានធ្វើឱ្យមហាជនភ្ញាក់ផ្អើលមែនទែន។

គួរបញ្ជាក់ផងដែរថា កាលពីពេលកន្លងទៅ គូស្នេហ៍របស់តារាស្រីរូបនេះធ្លាប់បានបង្ហើបប្រាប់មហាជនជាសាធារណៈថា លោកមានហេតុផល 3យ៉ាង ដែលជំរុញចិត្តលោកឱ្យស្រឡាញ់ ដេននី ក្វាន់ កាន់តែខ្លាំងឡើងនោះគឺ នាងស្អាត នាងឆ្លាត និងនាងពូកែទុកដាក់(ទ្រព្យសម្បត្តិ)  ហើយលោកក៏បានអះអាងដែរថា មនុស្សអាក្រក់រូបសម្បត្តិ អាចអាក្រក់បាន តែចិត្តគំនិតកុំឱ្យអាក្រក់ឱ្យសោះ បើទោះបីជារូបលោកមិនសង្ហាដូចបុរសដទៃមែន តែមនុស្សស្រីដែលលោកស្រឡាញ់ បានសម្លឹងឃើញពីចិត្តរបស់លោក និងស្រឡាញ់ភាពជារូបលោកផ្ទាល់តែម្ដង៕

ដូចដែល​ប្រិយមិត្ត​គ្រប់គ្នា​បាន​ជ្រាប​ហើយ​ថា តារាចម្រៀង​លោក មួន ម៉ា​រ៉ា អតីត​កំពូល​តារាចម្រៀង បែប​មនោសញ្ចេតនា ដែល​ទទួលបាន​ភាពល្បីល្បាញ​យ៉ាងខ្លាំង កាលពី​អំឡុង​ជាង10 ឆ្នាំមុន បន្ទាប់មក​លោក​ក៏បាន​បាត់​មុខ​ពី​វិស័យ​ចម្រៀង​ស្ទើរតែ​ទាំងស្រុង ក្រោយពី​លោក​បាន​រៀប​អាពាហ៍ពិពាហ៍​ជាមួយ​កូនស្រី​អ្នកជំនួញ​ម្នាក់​នៅឯ​ខេត្ត​ព្រះសីហនុ តែបើ​ទោះជា​លោក​បាន​បាត់​មុខ​ពី​វិស័យ​ចម្រៀង​ក៏ពិតមែន ប៉ុន្តែ​លោក​មិនបាន​ទៅណា​ឆ្ងាយ​ពី​ការងារ​សិល្បៈ​ឡើយ ដោយ​បច្ចុប្បន្ននេះ​លោក​ក៏​ជា​អ្នកដឹកនាំ​សម្ដែង​ម្នាក់​ក្នុង​ផលិតកម្ម​ហង្ស​មាស​ផងដែរ។

ហើយ​ពិតជា​គួរឱ្យភ្ញាក់ផ្អើល​បំផុត​នោះ​គឺ នៅពេលថ្មីៗនេះ អតីត​កំពូល​តារាចម្រៀង​រូបនេះ​បាន​បញ្ចេញ​បទ​ចម្រៀង​ថ្មី​របស់ខ្លួន​សាជាថ្មី​ម្ដងទៀត តាមរយៈ​ការនិពន្ធ​បទ​ភ្លេង​ថ្មី មាន​ចំណងជើង​ថា «លើក​ទូរស័ព្ទ​ទៅ​អូន» ជា​បទ​ថ្មី​សន្លាង​មួយ បែប​មនោសញ្ចេតនា​ជ្រាលជ្រៅ ស្ដាប់​ហើយ​ធានាថា​ប្លែក​អារម្មណ៍​មួយបែប​ទៀត។ ស្របពេល​បង្ហាញ​មុខមាត់​ជាថ្មី​នេះ លោក ម៉ា​រ៉ា បាន​បញ្ជាក់ដែរថា «បទ​ដែលមាន​ចំណងជើង​ថា (លើក​ទូរស័ព្ទ​ទៅ​អូន) របស់ខ្ញុំ​នឹង​ចេញ​ជូន​បងប្អូន​ស្តាប់​នៅ​ចុង​សប្តាហ៍​នេះហើយ! សូមជួយ​គាំទ្រ និង​ចែកចាយ​បន្ត​ដល់​អ្នកគាំទ្រ​សំឡេង​របស់ខ្ញុំ​ក្នុងពេលឆាប់ៗនេះ​ផង។ ខ្ញុំ​សូម​ថ្លែងអំណរគុណ​ដល់​ក្រុមហ៊ុន និង​អ្នក​ដែល​បាន​ចូលរួម​ឧបត្ថម្ភ សម្រាប់​ចម្រៀង​យុវវ័យ​មួយ​បទ​នេះ ហើយ​ខ្ញុំ​នឹង​ផលិត​ជា​ចម្រៀង​វីដេអូ​កាយវិការ​ក្នុងពេលឆាប់ៗខាងមុខនេះ​ផងដែរ »។

ស្របពេល​ងាក​មក​ការងារ​សិល្បៈ​វិញ តារាចម្រៀង មួន ម៉ា​រ៉ា ក៏​ធ្លាប់បាន​ប្រាប់​អ្នកសារព័ត៌មាន​ឡា​រ៉ែ​ន​បន្ថែម​ដែរ​ថា លោក​ក៏មាន​បទ​ចម្រៀង​ថ្មី ចំនួន3-4បទ ដើម្បី​ប្រកួតប្រជែង​ក្នុង​ទីផ្សារ​ចម្រៀង​ដែរ ដោយ​ត្រៀម​បង្ហាញ​ឱ្យ​ទស្សនិកជន​បានឃើញ និង​ទស្សនា តាមរយៈ​កញ្ចក់​ទូរទស្សន៍​នៅពេលឆាប់ៗខាងមុខនេះ ហើយក៏​ជាស​ញ្ញា​មួយ​បញ្ជាក់ថា លោក​បាន​ដើរចូល​មកកាន់​សង្វៀន​សិល្បៈ​វិញ​ដោយ​ពាំ​នាំនូវ​អ្វីដែល​ថ្មី និង​ប្លែក​អារម្មណ៍​បំផុត​វិញ​ហើយ៕

អតីតតារាចម្រៀងល្បីឈ្មោះកាលពីអំឡុងទសវត្សរ៍ឆ្នាំ90 ដែលមហាជនភាគច្រើនស្គាល់លោកតាមរយៈបទ «ទូរស័ព្ទប្រាប់ផង» និងបទ «ជាប់រវល់» គឺ លោក សាន ផានិត បានបង្ហោះរូបភាពជាច្រើនសន្លឹកដែលធ្វើឱ្យគេមើលឃើញថា លោកមានចេតនាចូលរួមជួយរំលែកទុក្ខលំបាករបស់បងប្អូនអ្នកប្រមូលសំរាមនៅតាមទីសាធារណៈ ដោយទឹកចិត្តសប្បុរសធម៌។  

នៅព្រឹកថ្ងៃទី21 ខែមិថុនា ឆ្នាំ2018 នេះ លោកបានរៀបរាប់ និងរំឭកដល់អនុស្សាវរីយ៍កាលមកភ្នំពេញដំបូង ខណៈពេលដែលលោកបានឃើញពីសកម្មភាពរបស់បុរស2នាក់កំពុងដើរប្រមូលសំរាមក្នុងរាជធានីភ្នំពេញ។ លោកបានសរសេរសាររៀបរាប់យ៉ាងក្ដុកក្ដួលនៅហ្វេសប៊ុករបស់ខ្លួនថា «ខ្ញុំដើរទៅសុំពួកគាត់ថត ខ្ញុំឱ្យគាត់ម្នាក់10,000 ៛ ប្អូនអាវក្រហមសួរខ្ញុំថាម៉េចបានបងថតជាមួយខ្ញុំ ខ្ញុំឆ្លើយតបវិញមកពីបងធ្លាប់ជាក្មេងម្នាក់ក្នុងចំណោមពួកប្អូនកាលពីបងមកភ្នំពេញដំបូងឆ្នាំ1989»។

ពិតជារំភើប និងចាក់ដោតអារម្មណ៍ខ្លាំង ពេលឃើញពីសកម្មភាពដ៏គួឱ្យគោរពដែលមិនភ្លេចពីភាពជូរចត់របស់តារាចម្រៀងរូបនេះ និងបានធ្វើមហាជន ជាពិសេសអ្នកគាំទ្រដែលតែងតែស្រឡាញ់គាំទ្ររូបលោក លាន់មាត់សរសើរលោកមិនដាច់ពីមាត់ឡើយ ដ្បិតការធ្វើរឿងដ៏មានអត្ថន័យនេះ មិនមានលក្ខណៈធំដំក៏ពិតមែន តែវាចេញពីទឹកចិត្តពិតៗ។ គួររំឭកដែរថា ម្ចាស់បទ«ទូរស័ព្ទប្រាប់ផង»រូបនេះ មានស្រុកកំណើតកើតនៅស្រុកស្ទឹងត្រង់ ខេត្តកំពង់ចាម ក្នុងនាមជាកូនកសិករ ប៉ុន្តែបានជម្នះឡើងមកភ្នំពេញ ដើម្បីសម្រេចបំណងក្លាយជាតារាចម្រៀងកាលពីឆ្នាំ1989៕