Author: អេបិល

ពិតជារឿងមួយដ៏ហួសចិត្ត​ដែលអ្នកលេងបណ្ដាញសង្គមខ្មែរមួយចំនួន ចង់បានចំនួនអ្នក Like Page ​ឱ្យមានកំនើនឡើងខ្លាំង បានសរសេរព័ត៌មានប្រឌិតរឿង ដោយអះអាងថា ម៉ោង 4 ទាបភ្លឺនេះ ក្រុមអ្នកជំនាញរបស់អង់គ្លេស បានរកឃើញសាកសពក្មេងទាំង 12 នាក់ ក្នុងចំនោម 13 ហើយ។ ការសន្និដ្ឋានរបស់ក្រុមអ្នកសង្គ្រោះ បានប្រាប់មានសង្ឃឹមរស់តិចតួចណាស។ ដែលព័ត៌មានមិនពិតនេះ បានធ្វើឱ្យមហាជនខ្មែរជាច្រើននាក់ មានទឹកចិត្តអាណិតអាសូរ និងកំពុងតាមដានសកម្មភាពជួយសង្គ្រោះនេះ មានក្ដីខឹងយ៉ាងសម្បាទៅកាន់ Page ព័ត៌មានមួយនេះ។

នៅក្នុងនោះដែរ លោក រ៉ូណាន អ្នកដឹកនាំរឿង « សសរកន្លោង » ចេញមុខពន្លាស់ដែរថា « ពួកអ្នកឆក់ឳកាស ដោយមិនគិតពិចារណា ដើម្បីតែប្រយោជន៍ខ្លួន បង្កើត Page បោកប្រាស់ ឱ្យបងប្អូនមានការចុច Like កាលណាបានច្រើន K ហើយ វានិងប្រកាសលក់ Page ឬស្វែងរកលុយតាមរយៈ Page នេះពេលល្បី។ ដូចនេះ សូមបងប្អូនជួយ ចុច Report Page នេះ ម្នាក់មួយៗ ឱ្យបានគ្រប់ៗគ្នា ដើម្បី Page បាត់ស្រមោលលេងដំណើរការណ៍។ កែប្រែ មនុស្សអាក្រក់ក្នុងសង្គមខ្មែរ យើងត្រូវចាប់ផ្តើមពីខ្លួនយើងទៅ »។ មិននឹកស្មានថា ហ៊ានបំភ្លីព័ត៌មានដើម្បីផលប្រយោជន៍ផ្ទាល់ខ្លួនបែបនេះឡើយ។

គួរបញ្ជាក់ផងដែរថា ពាក់ព័ន្ធជាមួយករណីតាមជួយសង្គ្រោះក្មេងៗទាំង 12 នាក់ មកដល់ខ្ទង់ម៉ោង 10 យប់ថ្ងៃព្រហស្បតិ៍ម្សិលមិញនេះ ប្រតិបត្តិការជួយសង្គ្រោះត្រូវបានផ្អាកជាបណ្តោះអាសន្ន ខណៈភ្លៀងធ្លាក់យ៉ាងសន្ធប់បានកើតមានឡើងនាំឲ្យទឹកចាប់ផ្តើមជោរជន់មកវិញរឹងតែខ្លាំង នៅតំបន់រូងភ្នំ ថាំហ្លួង ក្នុងខេត្តឈៀងរ៉ៃ ដែលក្មេង១២នាក់ និងគ្រូបង្វឹកម្នាក់កំពុងជាប់ខ្លួននោះ ។ នេះបើតាមការចេញផ្សាយដោយ Bangkok Post ៕

ថ្មីៗនេះ នៅលើបណ្ដាញសង្គមហ្វេសប៊ុកត្រូវបានទម្លាយរឿងរ៉ាវជាច្រើនដែលស្ដែងឱ្យដឹងថា តារាសម្ដែងលោក ញ៉ែម សុគន្ធ មុនពេលភ្ជាប់ពាក្យ គេមើលឃើញថា លោកបានបែកធ្លាយរឿងរ៉ាវអាស្រូវផ្លូវភេទដែលត្រូវគេចោទថា ជាមនុស្សប្រុសម្នាក់ស៊ីមិនរើសមុខ ស្រីក៏បាន ប្រុសក៏បាន ប៉ុន្តែតារារូបនេះនៅតែបង្ហាញរូបភាព និងសារផ្អែមល្ហែមដើម្បីបន្សាបដំណឹងអាស្រូវទាំងនោះ។

លោក ញ៉ែម សុគន្ធ បានបង្ហោះរូបភាពផ្អែមល្ហែមជាមួយគូដណ្ដឹងយ៉ាងស្អិតល្មួតដូចស្ករតាំងម៉ែ ព្រមទាំងនិយាយថា «Million of happiness from you huni , I’m feel warm from the top of my heart, I love you »។ សារនេះហាក់បីដូចជាចង់បង្ហាញថា លោកមិនបានចាប់អារម្មណ៍ចំពោះរឿងអាស្រូវទាំងនោះឡើយ ហើយរហូតមកទល់ពេលនេះក៏គ្មានការបកស្រាយផ្ទាល់មាត់ដើម្បីបំភ្លឺបន្ថែមពាក់ព័ន្ធនឹងរឿងអាស្រូវស្រឡាញ់ភេទដូចគ្នាណាមួយពីលោក ញ៉ែម សុគន្ធ ឡើយ។

គួររំឭកផងដែរថា តារាសម្តែងចង្កាព្រែក ញ៉ែម សុគន្ធ បានភ្ជាប់ពាក្យមួយកញ្ញា ងួន កែវមល្លិកា កាលពីថ្ងៃទី18 ខែមិថុនា ឆ្នាំ2018កន្លងទៅ ដែលមិនមែនជាអ្នកសិល្បៈឡើយ តែនាងមានសម្រស់ស្រស់សោភា មិនចាញ់តារាសិល្បៈប៉ុន្មានឡើយ៕

ពិតជាគួរឱ្យអនិច្ចាណាស់ តារាសម្ដែង បង្ហាញម៉ូដ និងជាពិធីការិនីនិយាយភាសាអង់គ្លេសបានល្អ អ្នកនាង អាលីយ៉ា ខណៈនេះបានទទួលមរណភាពហើយ។

គួរកត់សម្គាល់ផងដែរថា អ្នកលេងបណ្ដាញសង្គមជាច្រើនបាននាំគ្នា Share រូបភាពអ្នកនាង និងសកម្មភាពសប្បុរសធម៌ដែលអ្នកនាងធ្លាប់បានចូលរួមដោយក្ដីអាឡោះអាល័យ សោកសង្រេង និងបានឧទ្ទិសឱ្យវិញ្ញាណក្ខន្ធអ្នកនាងបានទៅកាន់សុគតិភព បើទោះបីជាអ្នកនាងមិនទាន់ទទួលបានយុតិ្តធម៌អស់រយៈពេលជាង 2 ឆ្នាំមកហើយក្ដី។

ក្នុងនោះដែរ​សិល្បការិនីពហុជំនាញទាំងសម័យ និងបុរាណ អ្នកនាង ខាត់ សុឃីម ក៏បានបង្ហោះសារនៅលើហ្វេសប៊ុកផ្ទាល់ខ្លួន អំពាវនាវឱ្យបងប្អូនអ្នកគាំទ្រ ឌីជេ អាលីយ៉ា និងតារាសិល្បករ-សិល្បការិនីទាំងអស់ ចូលរួមពិធីបុណ្យសព និងគោរពវិញ្ញាណក្ខន្ធ ឌីជេ អាលីយ៉ា ជាលើកចុងក្រោយ។ អ្នកនាង ខាត់ សុឃីម បានបញ្ជាក់ដំណឹងថា «សូមជម្រាបជូនបងប្អូនទាំងអស់គ្នាថា​ អាលីយ៉ា​ New Aaliyah Liyah Aaliyah Khao នឹងត្រូវលើកចូលផ្ទះថ្មីរបស់នាងនៅម៉ោង​1រសៀលនេះ​ ហើយលើកចូលមេរុ​នៅម៉ោង​ 3រសៀល​ ហើយបូជានៅម៉ោង​ 3:20 នាទីរសៀល​ ថ្ងៃទី​28 ខែមិថុនា​ ឆ្នាំ​2018នេះ​តែម្ដង នៅវត្ត​ “ទួលសារាវន្ត​” ហៅវត្ត​ “ទួលអស់លោក”​ ចូលតាមច្រកទល់មុខ​ស្ថានីយទូរទស្សន៍​ CTN​ ឫស្សីកែវយើងនេះ។ សេចក្ដីដូចបានជម្រាបជូនខាងលើ​ សូមបងប្អូនជិតឆ្ងាយជ្រាបជាដំណឹង» ។

គួរជម្រាបជូនបន្ថែមដែរថា ប្រសិនបើបងប្អូនប្រិយមិត្តអ្នកគាំទ្រ ឌីជេ អាលីយ៉ា មានបំណងចូលរួមពិធីបុណ្យសព សូមអញ្ជើញទៅចូលរួមបានទាំងអស់គ្នាដើម្បីជូនដំណើរនាងទៅកាន់សុគតិភពជាលើកចុងក្រោយ៕

តាមរយៈបណ្ដាញទំនាក់ទំនងរបស់អ្នកនាង គង់ ចាន់ស្រីមុំ នៅថ្ងៃទី28 ខែមិថុនា ឆ្នាំ2018នេះ បានឱ្យដឹងថា អ្នកនាង និងស្វាមី បានទៅធ្វើបុណ្យជាមួយព្រះសង្ឃ ដើម្បីសូមសេចក្ដីសុខចម្រើន និងសេចក្ដីសុខសុវត្ថិភាពមុនថ្ងៃសម្រាល។

អ្នកនាង បានរៀបរាប់ថា «ថ្ងៃនេះ​ ថ្ងៃសីលពេញបូណ៌មី​ ខ្ញុំសូមបួងសួង​ដល់វត្ថុស័ក្តិសិទ្ធិទាំងអស់​ សូមជួយថែរក្សាកូនចៅ និងគ្រួសារឱ្យបានសុខសប្បាយ​ មានសុខភាពល្អ​ និងជួបតែមនុស្សល្អ​ ជូនបុណ្យគ្រប់គ្នាផងចា៎»។

គួររំឭកដែរថា ប៉ុន្មានថ្ងៃមុននេះគេឃើញ តារាសម្ដែង គង់ ចាន់ស្រីមុំ តែងតែចំណាយពេលវេលា ផ្ដិតយករូបភាពស្អាតៗក្នុងពេលដែលខ្លួនកំពុងពពោះជិតគ្រប់ខែ ដើម្បីបន្សល់ទុកជាអនុស្សាវរីយ៍ និងទោះជាកៀកថ្ងៃសម្រាលកូនក៏ដោយ ក៏អ្នកនាងនៅតែដើរបំពេញការងារមើលការខុសត្រូវហាងរបស់ខ្លួនដដែល។ ក្នុងពេលជាមួយគ្នានោះដែរ អ្នកនាងក៏ទទួលបានការយកចិត្តទុកដាក់ និងមើលថែទាំពីស្វាមីជាទីស្រឡាញ់ផងដែរ។ ដោយឡែក បើងាកមកមើលពីសម្រស់វិញ តារាស្រីរូបនេះនៅតែមានភាពស្រស់ស្អាត និងក្មេងវ័យដដែល បើទោះបីជាពេលនេះ អ្នកនាងកំពុងពពោះក្តី រហូតដល់មានការលាន់មាត់សរសើរយ៉ាងច្រើនពីសំណាក់អ្នកក្នុង និងក្រៅពិភពសិល្បៈ។

គួរបញ្ជាក់បន្ថែមផងដែរថា ថ្មីៗនេះ មហាជនកំពុងមានការចាប់អារម្មណ៍ខ្លាំងជាមួយនឹងស្ទីលថ្មីនៃការតុបតែងខ្លួន និងស្លៀកពាក់របស់អ្នកម្ដាយវ័យក្មេង គង់ ចាន់ ស្រីមុំ ដែលកំពុងតែមានគភ៌ជិតគ្រប់ខែ និងត្រូវត្រៀមខ្លួន សម្រាលនាថ្ងៃទី7 ខែកក្កដាខាងមុខនេះ។ ដើម្បីត្រៀមស្វាគមន៍ព្រះនាងតូចថ្មីរបស់អ្នកនាង លោក គឹម សីហា កំពូលស្វាមីបណ្ដូលចិត្តអ្នកនាងបានរៀបចំធ្វើកម្មវិធីប្លែកមួយឡើង ដែលមិនធ្លាប់មានពីមុនមក និងឃើញមានវត្តមានភ្ញៀវ មិត្តសិល្បៈ និងសាច់ញាតិបានអញ្ជើញចូលរួមក្នុងកម្មវិធីនោះ អ្នកនាង ស្រីមុំ មានការតុបតែងខ្លួនបែបជាស្រ្ដីមានផ្ទៃពោះ រួមជាមួយនឹងការគ្រងឈុតសម្លៀកបំពាក់គេងយប់ និងការផាត់មុខ ធ្វើសក់ ធ្វើឱ្យទទួលបានការចាប់អារម្មណ៍ខ្លាំងមែនទែនពីសំណាក់មហាជន៕

តាមរយៈបណ្ដាញទំនាក់ទំនងហ្វេសប៊ុកលោក អ៊ឹម ជីវ៉ា បានឱ្យដឹងថា កញ្ញាឌីជេ អាលីយ៉ា បានទទួលមរណភាពហើយ នៅវេលាម៉ោង6ទាបភ្លឺព្រឹក ថ្ងៃទី28 ខែមិថុនា ឆ្នាំ2018នេះ ដោយសពនាងយកទៅតម្កល់នៅវត្តទួលអង្គលោក។ នេះជាដំណឹងសោកស្តាយមួយ ដែលឌីជេស្រីរូបនេះ ធ្លាបមានប្រវត្តិជួយសង្គមតាមកម្មវិធីសប្បុរសធម៌ជាច្រើន រួមទាំងចូលរួមចំណែករកជំនួយសប្បុរដល់មន្ទីពេទ្យគន្ធបុប្ផាផងដែរ ។

គួររំឮកផងដែរថា មុនពេលធ្លាក់ខ្លួនឈឺរហូតចូលសម្រាកនៅបន្ទប់សង្គ្រោះបន្ទាន់គួរឱ្យអាសូរ អាលីយ៉ា ធ្លាប់បានសាងស្នាដៃជាច្រើនក្នុងសង្គមសិល្បៈ បូករួមទាំងការងារសប្បុរសធម៌ជាហូរហែរ។ អំឡុងខែមិថុនា ឆ្នាំ2012អាលីយ៉ា បានផ្តើមគំនិតក្នុងការប្រមូលថវិកាមួយចំនួនពីមិត្តរួមអាជីព និងក្រៅរង្វង់សិល្បៈ ដើម្បីជូនដល់វីរសិល្បករចាប៉ីដ៏ល្បីល្បាញលោកតាភិរម្យ ប្រាជ្ញ ឈួន។ នាងក៏បានដឹកនាំអ្នកសិល្បៈ និងក្រុមការងារមួយចំនួនចុះទៅសាកសួរសុខទុក្ខវីរសិល្បករខាងលើដោយផ្ទាល់ដល់ស្រុកកំណើតភូមិសម៉ ឃុំខ្វាវ ស្រុកទ្រាំង ខេត្តតាកែវ។

អ្វីដែលគេកាន់តែកោតសរសើអំពីទឹកចិត្តនាង គឺក្នុងអំឡុងខែកក្កដា ឆ្នាំ2012 នាងក៏បានផ្តួចផ្តើមបង្កើតព្រឹត្តិការណ៍ប្រគំតន្ត្រី និងសម្តែងទស្សនីយភាពសិល្បៈដ៏ធំមួយ ​ ​នៅ​សាល​មហោស្រព​ចតុមុខ​មាន​ ឈ្មោះ​ថា​«​តន្រ្តី​មនុស្ស​ធម៌​រៃអង្គាស​ប្រាក់​ជួយ​កុមារ​កំព្រា»​។ គេក៏ចាប់អារម្មណ៍ទៅលើសកម្មភាពនៃការចូលរួមដោយស្ម័គ្រចិត្តរបស់តារាស្រីរូបនេះជាមួយសិល្បករដទៃក្នុងព្រឹត្តិការណ៍អង្គរសង្ក្រាន្តជាច្រើនឆ្នាំបន្តបន្ទាប់គ្នាផងដែរ។ មុនពេលបាត់មុខពីការងារសិល្បៈកាលពីអំឡុងចុងខែកញ្ញា ឆ្នាំ2016 តារាស្រីរូបនេះ ធ្លាប់បានចូលរួមដោយស្ម័គ្រចិត្តក្នុងព្រឹត្តិការណ៍ប្រគំតន្ត្រីសប្បុរសធម៌នៅសាកលវិទ្យាល័យន័រតុន ដើម្បីរកថវិកាជួយដល់មន្ទីរពេទ្យគន្ធបុប្ផាផងដែរ។ នៅមានសកម្មភាពសង្គមជាច្រើនទៀតដែលតារាស្រីរូបនេះធ្លាប់បានចូលរួមចំណែកជាមួយសិល្បករដទៃជួយដល់សង្គម។

ជំនួសមុខឱ្យសារព័ត៌មានឡារ៉ែន ​និងសិល្បៈករ-សិល្បៈការិនី យើងសូមអំពាវនាវដល់សាច់ញាតិរបស់នាង បើទោះខុសឆ្គងបែបណាគួរតែមកជួយគាត់វិនាទីចុងក្រោយនេះផង កុំទុក្ខអ្នកនាងឱ្យចោលអីចឹង និងសូមឱ្យវិញ្ញាណក្ខន្ធ អ្នកនាង បានទៅកាន់សុគតិភព៕

ប៉ុន្មានម៉ោងមុននេះបន្ដិច តារាចម្រៀងសំឡេងផ្អែម លោក នី រតនា បានបង្ហោះរូបភាពទាំងនៅក្នុងបណ្ដាញសង្គមហ្វេសប៊ុក និងអ៊ីនស្ដាក្រាមរបស់លោកដែលស្ដែងឱ្យឃើញថា លោកបានចូលរួមសម្ដែងក្នុងរឿងភាគបុរាណដ៏ល្បីមួយ ដែលនឹងចាក់បញ្ចាំងនៅក្នុងពេលឆាប់ៗនេះ។

រូបភាពគូជាមួយតារាស្រី យ៉ែម ស្រីពេជ្រ ដែលជាតួស្រីម្នាក់នៅក្នុងរឿងភាគបុរាណ «កូនពស់កេងកង​» នោះ លោក នី រតនា បានរៀបរាប់ថា «អរុណសួស្ដីបងប្អូនទាំងអស់គ្នា សុខសប្បាយជាទេ?? ហើយមាននឹកខ្ញុំអត់ហ្នឹង?? ថ្ងៃនេះខ្ញុំទំនេរក៏ឆ្លៀតមកខេត្តកំពត ចាក់ផ្កាទុកលក់ ក្រែងលោបានលុយខ្លះធ្វើដំណើរទៅភ្នំពេញវិញ » ។ គ្រាន់តែបង្ហោះរូបភាពប៉ុន្មានសន្លឹកនេះភ្លាម អ្នកគាំទ្រលោកភ្ញាក់ផ្អើលគ្រប់ៗគ្នា ហើយនាំគ្នានឹកស្មានមិនដល់ថា លោកក៏បានសម្ដែងរឿងល្បីមួយនេះផងដែរ។

គួរបញ្ជាក់ផងដែរថា លោក នី រតនា បន្ទាប់ពីបានភ្ជាប់ពាក្យជាមួយគូដណ្ដឹងស្រស់សោភាបានប៉ុន្មានខែមក គេសង្កេតឃើញថា លោកនិយមបង្ហាញភាពផ្អែមល្ហែមដូចស្ករតាំងម៉ែ និងរៀបរាប់ Status ទ្រឹស្តីស្នេហាប្លែកៗដូចជា «ពាក្យថាស្រឡាញ់ មិនស្មើនឹងទង្វើដែលបង្ហាញថាស្រឡាញ់នោះទេ ដូច្នេះជីវិតគូ គឺត្រូវតែរៀនឱ្យចេះផ្សំគ្រឿងជីវិត ភ្លក្សឱ្យត្រូវរសជាតិជីវិតគូ ដាច់ខាតកុំឱ្យប្រៃពេក កុំឱ្យផ្អែមពេក កុំឱ្យសាបពេក និងកុំឱ្យហឹរពេក ទើបជីវិតគូស្ថិតស្ថេរយូរអង្វែង»។ តើមានអ្នកគាំទ្រប៉ុន្មាននាក់ ដែលមិនច្រណែនគូដណ្ដឹងរបស់លោក?៕

អរុណសួស្ដីបងប្អូនទាំងអស់គ្នា សុខសប្បាយជាទេ?? ហេីយមាននឹកខ្ញុំអត់នុង??😂 ថ្ងៃនេះខ្ញុំទំនេរក៏ឆ្លៀតមកខេត្តកំពត ចាក់ផ្កាទុកលក់ក្រែង ល បានលុយខ្លះធ្វេីដំណេីរទៅភ្នំពេញវិញ😁😁😁😁

A post shared by NY Ratana HM 🇰🇭 (@nyratanahm) on Jun 26, 2018 at 8:05pm PDT

រោងភាពយន្តនៅក្នុងទីរួមខេត្តបាត់ដំបងដែលធ្លាប់ល្បឺល្បាញ និងបានសាងឡើងនៅសម័យសង្គមរាស្រ្តនិយម  បច្ចុប្បន្នរោងភាពយន្តមួយចំនួនបានបាត់រូបរាងទៅហើយ និងមួយចំនួនទៀតកំពុងប្រឈមនឹងការចាស់ទ្រុឌទ្រោម ហើយរោង​ភាពយន្ដ​មួយចំនួនក្នុងចំណោមនោះ ក៏មានការចាប់អារម្មណ៍ពីផលិតករភាពយន្ដបរទេស និងក្នុងស្រុកចាប់អារម្មណ៍ពីទីតាំងក្នុងការផលិតខ្សែភាពយន្តដើម្បីលើកស្ទួយ អនុរក្ស និងគាំពាផងដែរ។ ជាក់ស្ដែងដូចជានៅក្នុងរឿង «ដុំហ្វីលចុងក្រោយ» ដែលបានផ្តិតយកទីតាំងនៅក្នុង​រោងភាពយន្តប្រាសាទមាស ជាដើម។ ខាងក្រោមនេះជាបណ្ដាឈ្មោះរោងភាពយន្តដ៏ល្បីល្បាញនៅខេត្តបាត់ដំបងកាលពីសម័យមុន៖

1- រោងភាពយន្ត បាត់ដំបង

2- រោងភាពយន្ត សង្កែ

3- រោងភាពយន្ត ហាប់ឈុនសួស្តី

4- រោងភាពយន្ត ប្រាសាទមាស

5- រោងភាពយន្ត ហាប់ប៊ីសម័យ

6- រោងភាពយន្ត អេដែន

ពិតជាវីដេអូពញ្ញាក់អារម្មណ៍មហាជនអ្នកគាំទ្រទៀតហើយ ដោយកាលពីពេលថ្មីៗនេះ តារាសម្ដែងប្រុសដែលកំពុងមានប្រជាប្រិយភាពខ្លាំង លោក ខាត់ វ៉ៃហាំង បានបញ្ចេញវីដេអូធ្វើបាបតារាស្រីកញ្ញា ស៊ីន យូប៊ីន ម្ដងទៀត  តែលើកនេះអ្នកគាំទ្រមានអារម្មណ៍ថា គួរឱ្យអាណិតតារាស្រីរូបនេះណាស់។

ស៊ីន យូប៊ីន ត្រូវបាន ខាត់ វ៉ៃហាំង ធ្វើបាបម្ដងទៀតហើយ បន្ទាប់ពីថ្ងៃកំណើតរបស់ខ្លួន។ តាមរយៈវីដេអូដែលបានបង្ហោះនោះ គេមើលឃើញថា លោក ខាត់ វ៉ៃហាំង បានយកម្សៅម្រេចម៉ដ្ឋ ដែលទើបតែហែកពីកញ្ចប់ថ្មីៗ ចាក់ចូលទៅក្នុងកាហ្វេទឹកដោះគោទឹកកក បន្ទាប់មកក៏ដើរសំដៅយកទៅឱ្យតារាស្រី ស៊ីន យូប៊ីន ដែលនាងបានត្រេកអរដោយសារបានទទួលកាហ្វេពីសំណព្វចិត្ត ហើយលើកផឹកភ្លាមដោយមិនបានដឹងខ្លួនជាមុនឡើយ។

គួររំឭកផងដែរថា កាលពីថ្ងៃខួបកំណើត កញ្ញា ស៊ិន យូប៊ីន គម្រប់អាយុ23ឆ្នាំនោះ ក៏លោក ខាត់ វ៉ៃហាំង បានSurprise នាងយ៉ាងចាស់ដៃដូចគ្នាដែរ។ នៅពេលនោះរូបលោកទៅ Surprise កញ្ញា ស៊ីន យូប៊ីន ដល់ផ្ទះ យ៉ាងសាហាវជាមួយនឹងស៊ុតមាន់ និងម្សៅ បានជះចំកណ្ដាលមុខនាង ឡើងមើលលែងចង់ស្គាល់ថា ជារូបនាងទៅហើយ ក្រោយពេលពួកគេលេងSurpriseនាងបែបនេះ។ ជាមួយនឹងវីដេអូនោះដែរ បានធ្វើឱ្យមហាជន និងជាពិសេសហ្វ៊ែនៗរបស់អ្នកទាំង2 ទប់សំណើចស្ទើរតែមិនជាប់ នៅពេលបានឃើញ តារាប្រុសរូបនេះ Surprise កញ្ញា ស៊ីន យូប៊ីន សាហាវដល់ថ្នាក់នេះ។

ចង់ដឹងថា តើលើកនេះ  ខាត់ វ៉ៃហាំង ធ្វើបាប ស៊ីន យូប៊ីន ប្លែកដល់កម្រិតណានោះ សូមទស្សនាវីដេអូខាងក្រោមនេះ៕