Author: អេបិល

នៅពេលថ្មីៗនេះ តារាចម្រៀងដែលជាគ្រាប់ពេជ្ររបស់ផលិតកម្មសាន់ដេ កញ្ញា អ៊ីវ៉ា ត្រូវបានប្រភពមួយទម្លាយមកទៀតហើយថា នាងពិតជាបានស្ពាយបង្វេចចេញពីទ្រនំចាស់របស់ខ្លួន ហក់ទៅកាន់ទ្រនំថ្មីច្បាស់ប្រាកដហើយ ព្រមទាំងជិតបានបង្ហាញខ្លួនជាផ្លូវការនាពេលឆាប់ៗខាងមុខនេះទៀតផង។ ដោយតារាស្រីរូបនេះ បានរំពឹងទុកថា ប្រជាប្រិយភាពរបស់ខ្លួននឹងកើនឡើងជាមុន នៅពេលបង្ហាញមុខមាត់ថ្មីនេះ។

ប្រភពមួយបានបង្ហើបឱ្យដឹងថា អ៊ីវ៉ា បានក្លាយទៅជាតារាចម្រៀងរបស់ផលិតកម្ម ថោន ហើយ ក្រោយពេលដែលនាងចាកចេញពីផលិតកម្មសាន់ដេ ដោយចប់កុងត្រា កាលពីពេលថ្មីៗនេះ។ ការស្ពាយបង្វេចទៅទ្រនំថោននេះ តារាចម្រៀងស្រីវ័យក្មេងដែលធ្លាប់ទទួលបានការជ្រោមជ្រែងភាពល្បីល្បាញពីផលិតកម្មសាន់ដេរូបនេះ បានសម្រេចចិត្តបោះបង់ចោលផលិតកម្មធំមួយទៀតគឺ រស្មីហង្សមាស ដែលកន្លងមកធ្លាប់ធ្លាយដំណឹងថា បានព្យាយាមអូសទាញនាងជាច្រើនឆ្នាំមកហើយដែរ ក៏ប៉ុន្ដែ អ៊ីវ៉ា ប្រហែលជាយល់ថា នៅទ្រនំហង្សមាស អាចនឹងមានសមាជិករាងច្រើនបន្តិចហើយ ហេតុនេះបានជានាងជ្រើសយកផលិតកម្មថោនធ្វើជាទ្រនំទី2 បន្ទាប់ពីជ្រកកោនជាមួយផលិតកម្មសាន់ដេ អស់ជិត10ឆ្នាំរួចមក។

គួរឱ្យដឹងដែរថា មួយរយៈចុងក្រោយនេះ តារាចម្រៀងស្រីវ័យក្មេងរូបនេះបានស្ងប់ស្ងាត់ការចេញបទចម្រៀងនៅក្នុងផលិតកម្មសាន់ដេហើយ តែនាងធ្លាប់បានបង្ហើបពីសកម្មភាពថ្មីៗរបស់នាងប្រាប់ដល់ប្រិយមិត្តអ្នកគាំទ្រថា «សុំទោសដែលធ្វើឱ្យប្រិយមិត្តរង់ចាំបទថ្មីរបស់នាងខ្ញុំយូរ តែយើងនឹងជួបគ្នាឆាប់ៗនេះ»។ ដំណឹងខ្សឹបខ្សៀវដែលប្រាប់ថា នាងសម្ងំផលិតបទចម្រៀងនៅថោននោះ អាចជាការពិតមែនហើយ បើទោះបីជាកន្លងមកនាងព្យាយាមលាក់បាំង និងបដិសេធថា មិនបានចាកចេញពីសាន់ដេយ៉ាងណាក៏ដោយ។ សារព័ត៌មានឡារ៉ែន នឹងព្យាយាមទាក់ទងរកការបកស្រាយបញ្ជាក់បន្ថែមពីកញ្ញា អ៊ីវ៉ា ដើម្បីជម្រាបជូនប្រិយមិត្តជាបន្តទៀត៕

នៅពេលថ្មីនេះៗ តារាសម្ដែង និងជាអ្នកដឹកនាំសម្ដែងបទចម្រៀងនៅក្នុងផលិតកម្មរស្មីហង្សមាស លោក Ecovak Song បានបង្ហោះវីដេអូបែបពញ្ញាក់អារម្មណ៍អ្នកគាំទ្ររបស់តារាចម្រៀងស្រី ឱក សុគន្ធកញ្ញា តាមរយៈសកម្មភាពថតបទចម្រៀង “កាត់ចិត្តបែបណា” ។

គួរបញ្ជាក់ផងដែរថា បទចម្រៀង “កាត់ចិត្តបែបណា” ដែលទើបនឹងចេញកាលពីពេលថ្មីៗនេះ កំពុងទទួលបានការគាំទ្រយ៉ាងភ្លូកទឹកភ្លូកដី ស្រាប់តែមានការទម្លាយឃ្លីបវីដេអូខ្លីមួយដែលបង្ហាញពីការសម្តែងក្នុង MVចម្រៀងថ្មីនេះ ដោយបានធ្វើឱ្យអ្នកគាំទ្រទាំងអស់របស់ កញ្ញា ទប់មិនអស់សំណើចមិនបាន។ វីដេអូខ្លីមួយនេះ មិនត្រឹមតែបង្ហាញពីអារម្មណ៍មនាសញ្ចេតនាចាក់ដោតនោះទេ តែបើបានទស្សនាហើយ ធានាថានឹងហួសចិត្តដែលសាច់រឿងបែរជានឹកស្មានមិនដល់ទៅវិញ។

បើតាមមតិអ្នកគាំទ្រដែលបានទស្សនាវីដេអូសម្តែងបែបកំប្លែងមួយនេះហើយបានឱ្យដឹងថា សាច់រឿងកាច់ស្ទើរតែបាក់ចង្កេះគ្រប់ៗគ្នា។ ចង់ដឹងថា តើវីដេអូនេះអស់សំណើចខ្លាំងកម្រិតណានោះ សូមទស្សនាវីដេអូខាងក្រោមដូចតទៅ៖

អស់រយៈពេលជាង 2 ខែហើយដែលលោក យូ ឌីស្កូ បានទៅសម្រាកព្យាបាលជំងឺនៅប្រទេសឥណ្ឌា ដោយសារតែលោកកើតជំងឺក្រលៀន ទឹកនោមប្រៃ និងឈាមសឡើងខ្ពស់ ដែលតម្រូវឱ្យរូបលោកត្រូវវះកាត់ប្តូរក្រលៀនថ្មី ដែលត្រូវចំណាយទឹកប្រាក់ខ្ទង់ម៉ឺនដុល្លារ។

ស្របគ្នានោះដែរ ខណៈនេះលោក យូ ឌីស្កូ បានចេញពីបន្ទប់ ICU ហើយ និងមានសុខភាពល្អប្រសើរ ធូរស្រាលជាមុនហើយ ព្រមទាំងបានផ្ញើសារមកកាន់អ្នកនាង ចន ច័ន្ទលក្ខិណា ប្រាប់ពីស្ថានភាពជំងឺ និងអាការរបស់លោកនៅពេលនេះ ។​ ដោយផ្អែកលើគណនីអ្នកនាង ចន ច័ន្ទលក្ខិណា កាលពីប៉ុន្មានម៉ោងមុននេះ អ្នកនាងបានសរសេរថា « អរចង់ហោះលោកអើយ បានចេញពីបន្ទប់ ICU ភ្លាម កាន់ទូរស័ព្ទឆាតមកភ្លែត ឆាប់ជាណា ប៉ិ យូ ឌីស្កូ»។ ហើយថ្មីៗនេះ អ្នកនាងបានបន្ដទៀតថា​ «ឈឺប៉ុណ្ណឹងហើយនៅឆ្លៀតផ្ញើសារមកជូនពរគ្នាទៀត គ្នាជូនពរឱ្យប៉ិឯងឆាប់ជា និងឆាប់មានកម្លាំងកំហែងឡើងវិញនឹងអាលបានមកធ្វើការជុំគ្នាវិញ»។

សូមជម្រាបផងដែរថា ដំណឹងនេះត្រូវបានអ្នកគាំទ្រជាច្រើនមានក្តីរំភើបខ្លាំងណាស់ ហើយសង្ឃឹមថា​ ក្រោយទទួលការព្យាបាលហើយ លោក យូ ឌីស្កូ នឹងអាចត្រឡប់មកកាន់វិថីសិល្បៈបានដូចដើមវិញ។ យ៉ាងណាមិញ សម្រាប់ទស្សនិកជន និងមិត្តសិល្បៈនៅពេលនេះ គឺគ្មានអ្វីក្រៅពីពាក្យពេចន៍ជូនពរលោកដែលកំពុងសម្រាកព្យាបាលនៅទីនោះ ឱ្យប្រកបដោយជោគជ័យ ឆាប់ជាសះស្បើយ និងឆាប់បានត្រឡប់មកកម្ពុជាវិញប្រកបដោយសុខសុវត្ថិភាព៕

នៅពេលថ្មីកន្លងទៅនេះ តារាសម្តែងប្រុសល្បីឈ្មោះប្រចាំប្រទេសថៃ លោក Mark Prin បានមកដល់អាកាសយានដ្ឋានអន្តរជាតិភ្នំពេញ ហើយនៅវេលាម៉ោងប្រមាណជា 3និង30នាទីរសៀល ដោយមានអ្នកគាំទ្រកម្ពុជា ជាច្រើនបានឈររង់ចាំទទួលចោមរោមយ៉ាងច្រើនកុះករ។ នៅខណៈដែលលោក Mark Prin បានដើរចេញពីព្រលានយន្តហោះភ្លាម ក៏ឃើញសម្ទុះសម្រុកចូលប្រជ្រៀតខ្លាំងពីសំណាក់អ្នកគាំទ្រ ដោយមានសភាពរញ៉េរញ៉ៃពេក ទោះបីជាមានការយាមកាមពីអង្គរក្សការពារក្តី ក៏នៅតែធ្វើតារាប្រុសរូបនេះដួលនៅក្នុងកណ្ដាលចំណោមក្រុមមនុស្សយ៉ាងណែន ហើយត្រូវប្រញ៉ាប់ក្រោយឡើង ងើបមកវិញភ្លាមៗ។

ដោយបានឃើញវីដេអូបង្ហាញពីសកម្មភាពមហាជននៅកម្ពុជាគាំទ្រតារាថៃដ៏ខ្លាំងក្លាបែបនេះ លោក ម៉ៃ​ សុគន្ធ ដែលមានរហ័សនាមថាជា តារាពូកែទើស បានបញ្ចេញសារយ៉ាងខ្លីនៅលើគណនីហ្វេសប៊ុករបស់ខ្លួន ដោយរិះគន់ឡើងថា « ឆ្ងាញ់ណាស់ ឱ្យតែជារបស់គេ (បរទេសល្អទាំងអស់) មិនមែនច្រណែនទេ បុន្តែវាហួសហេតុពេក តារាខ្មែរ ខំណាស់ទាំងសម្ដែងទាំងច្រៀង ទាំងការងារមនុស្សធម៌ ដល់ពេលឃើញ ឬជួបមុខនៅក្រៅម្តងៗ មិនចង់មើលមុខផង ហើយដល់ពេលឈឺរឺស្លាប់វិញ ទុកអន់ជាងខ្មោចឆ្កែសាសន៏គេទៀត ល្មមៗបានហើយ កុំជោរពេក លោកម្ចាស់ផ្កាប់មុខទាំងឡាយអើយ »៕

បន្ទាប់ពីបានឃើញវីដេអូដែលអ្នកគាំទ្រខ្មែរ បានទៅស្វាគមន៍តារាសិល្បៈករថៃ យ៉ាងប្រជ្រៀតគ្នាណែនណាន់តាន់តាប់ហើយនោះ មានអ្នកលេងបណ្ដាញសង្គមហ្វេសប៊ុកខ្មែរមួយចំនួនបានលើកឡើងថា តារាសិល្បៈករថៃ ត្រូវបានអ្នកគាំទ្រឱ្យតម្លៃខ្លាំងជាង តារាសិល្បៈករក្នុងស្រុក។ មិនតែប៉ុណ្ណោះទេ នៅក្នុងនោះ លោកឧកញ៉ាវ័យក្មេង និងជាសិល្បៈករសម្ដែងច្រៀង គឺលោក ឡេង ណាវ៉ាត់ត្រា ក៏បានបញ្ចេញមតិចំពោះបញ្ហានោះផងដែរ។

លោក ណាវ៉ាត់ត្រា បានយល់ឃើញថា « ខ្ញុំ ឡេង ណាវ៉ាត់ត្រា សូមទោសផង បងប្អូនអើយ ហេតុអ្វីទៅតារាថៃ គេមានតំលៃម្លេះ​ Fanច្រើនណាស់ តារាខ្មែវិញស្លាប់ហើយ អត់មានបង Fan ទៅច្រើនអីចឹងសោះ ខ្ញុំអត់ហ៊ានថាម៉េចទេ សូមបងប្អូនចែកក្ដីស្រលាញ់ ឱ្យសិល្បះខ្មែរខ្លះផង បងប្អូនអើយគ្មាននរណាស្រលាញ់យើងជាងគ្រួសារជនជាតិយើងទេ ខ្ញុំសូមអង្វរបងប្អូនតើបានទេ ខ្ញុំឈឺចាប់ណាស់ ជនជាតិគេមិនដែល យកភ្នែកមើលយើងផង អាណិតអ្នកសិល្បៈខ្មែរផងបងប្អូន ពេលគាត់មានបានពួកគាត់តែងតែជួយបងប្អូនយើងខ្វះខាតជារឿយៗតើ »។ ការលើកឡើងបែបនេះ មិនមែនត្រឹមតែលោកម្នាក់នោះទេ នៅមានតារាសិល្បៈខ្មែរមួយចំនួនទៀត ក៏បានត្អូញត្អែ និងអំពាវនាវសុំសេចក្ដីស្រឡាញ់ពីអ្នកគាំទ្រដូចគ្នា។

គួរបញ្ជាក់ផងដែរថា កន្លងទៅថ្មីណេះៗ ដោយមានវីដេអូបង្ហាញពីសកម្មភាពមហាជននៅកម្ពុជាគាំទ្រតារាថៃដ៏ខ្លាំងក្លាបែបសឹងតែមិនជឿនោះ  អតីតបេក្ខភាព Cambodian Idol រដូវកាលទី១ លោក អ៊ាម វន្នី ជាតារាចម្រៀង និងអ្នកនិពន្ធឯករាជ្យ ក៏បានធ្វើការចែករំលែក និងបញ្ចេញយោបល់យ៉ាងខ្លីនៅលើគណនីហ្វេសប៊ុករបស់ខ្លួនថា« នៅពេលដែលយើងភ្លេចអោយតម្លៃគ្នាឯង នោះអ្នកដ៏ទៃគឺមានតម្លៃជាងហើយ។ គេមិនមានអ្វីខុសទេ នេះជាការដើរទៅមុខមួយជំហ៊ានមុនយើងវិញម្តងតែប៉ុណ្ណោះ។ ខ្ញុំជឿថាខ្មែរយើងមិនចិត្តអាក្រក់នោះទេ»។ នេះក៏ជាសារមួយ នៃការអង្វរកឱ្យអ្នកគាំទ្រខ្មែរ ផ្ដល់តម្លៃជូនសិល្បករខ្មែរខ្លួនឯង។ តើប្រិយមិត្តទាំងអស់គ្នាយល់យ៉ាងណាដែរ ចំពោះបញ្ហានេះ ?៕

តាមរយៈបណ្ដាញទំនាក់ទំនងសង្គមហ្វេប៊ុកនៅពេលថ្មីនេះៗ បានឱ្យដឹងថា ទំព័រគណនីហ្វេសប៊ុកផ្លូវការមួយមានឈ្មោះថា ASEAN Beauty Pageant បាន​បង្ហាញ​នូវ​សម្រស់ Miss Universe Vietnam ឆ្នាំ​2013គឺ កញ្ញាTruong Thi May ក្នុង​ឈុត​សម្លៀក​បំពាក់​របាំ​បុរាណ​ខ្មែរ​ជា​ច្រើន​ឈុត មាន​ដូច​ជា​ឈុត​របាំ អប្សរា ឈុត​នាយ​រោង​ជា​ដើម។

ជាមួយការបង្ហាញ​រូបភាព​ទាំង​អស់នោះ ធ្វើ​ឱ្យអ្នកគាំទ្រខ្មែរ​មាន​ការ​ភ្ញាក់​ផ្អើល​ជា​ខ្លាំង ចំពោះ​ការ​គ្រង​ឈុត​របាំ​ព្រះរាជ​ទ្រព្យ​ខ្មែរ​របស់​បវរ​កញ្ញា​វៀតណាម​រូប​នេះ ពិតជាមានសម្រស់ស្អាតខ្លាំងមែនទែន ហើយ​មួយភ្លែតសឹងតែមិនជឿថា នាងជាជនជាតិវៀតណាមឡើយ ពោលគឺនាងមានសម្រស់ដូចជានារីអីចឹងដែរ។

សូមជម្រាបផងដែរថា អ្វីដែលប្រិយមិត្តកោតសរសើរខ្លាំងជាងនោះទៅទៀត គឺ​ទឹក​ចិត្ត​របស់​បវរកញ្ញា​រូប​នេះ​ដែល​នៅ​គាំទ្រ​ និង​ស្រលាញ់​សិល្បៈវប្បធម៌​ខ្មែរ ដោយ​ហេតុ​ថា​នាងមានឈាមជ័រសែស្រឡាយឪពុក​ម្តាយ​ជា​ខ្មែរ។ ក្រៅពីមានអ្នកពោលសរសើរ ក៏មានមតិរិះគន់តិចតួចដែរ ទៅលើចំណុចកំហុសឆ្គងបន្ដិចនៃការគ្រង​សម្លៀក​បំពាក់​បុរាណ​ខ្មែរ​របស់បវរកញ្ញាវៀតណាម។ Truong Thi May វ័យ​30​ឆ្នាំ មាន​ដើម​កំណើត​និង​ឪពុក​ម្តាយ​ជា​ខ្មែរ​កម្ពុជា​ក្រោម ប៉ុន្តែ​នាង​បាន​កើត និងចម្រើនវ័យ​នៅ​ប្រទេស​វៀតណាម នាង​ក៏​ជាប់​ជា Miss Ethnic វៀតណាម​ផង​ដែរ៕

នៅចាំពួកគាត់ទេ! តួអង្គសំខាន់ៗ ក្នុងរឿង «រសជាតិជីវិត» ពេលនេះមកជួបជុំគ្នាម្តងទៀត បន្ទាប់ពីរឿងចេញផ្សាយកន្លងទៅបានរយៈពេល14ឆ្នាំមកហើយ។ ជឿជាក់ថាទស្សនិកជននៅចាំមិនភ្លេច ខ្សែភាពយន្តដ៏ល្បីកាលពីអំឡុងឆ្នាំ2004 គឺរឿង «រសជាតិជីវិត» ដែលចូលរួមសម្តែងដោយតារាប្រុសស្រីដូចជា កែវ ពេជ្រពិសី , ដុកទ័រ រិទ្ធិ, លោក កែវ ង៉ែត (បូរ៉ា) , អ្នកនាង ម៉ែន ម៉ាឡៃ , លោក ពិសិដ្ឋ និងអ្នកគ្រូពេទ្យ កញ្ញា ជាដើម ដែលរួមដៃគ្នាថតរឿងដ៏ល្អបែបអប់រំក្នុងការរស់នៅក្នុងសង្គម ផ្តល់ជាគំនិត ការសម្រេចចិត្ត ជាពិសេសក៏បានបញ្ចូលចំនេះដឹងខាងការថែទាំរក្សាសុខភាពទៀតផង។

លោក Matthew Robinson អ្នកដឹកនាំរឿង និងជាម្ចាស់ផលិតកម្ម ខ្មែរមេគង្គ បានបង្ហោះរូបភាពចាស់ៗដែលបង្ហាញពីសកម្មភាពថតរឿង «រសជាតិជីវិត» និងបង្ហើបថា រឿង «រសជាតិជីវិត»  មានទាំងអស់ 100 ភាគ ដែលជារឿងភាគអប់រំបានោផ្សាយចេញនៅលើកញ្ចក់ទូរទស្សន៍ មានប្រជាប្រិយភាពល្បីល្បាញជាងគេនៅក្នុងថ្ងៃទី 6 ខែ ឧសភា ឆ្នាំ 2004 ។ ឥឡូវនេះក្នុងឆ្នាំ 2018 ហើយ តារាសម្ដែងទាំងអស់នៅក្នុងរឿងនេះ បានវិលត្រឡប់មកជួបជុំគ្នាវិញនៅក្នុងកម្មវិធីសម្ភាសន៍របស់​ BBC តែជាអកុសល អ្នកគ្រូពេទ្យ ម៉ាឡៃ អវត្តមាន ដោយសារតែនាង បានទៅរស់នៅប្រទេសអូស្ដា្រលីហើយ។

ពិតជាប្លែកអារម្មណ៍ និងធ្វើឱ្យអ្នកគាំទ្រតារាក្នុងរឿង« រសជាតិជីវិត » រំភើបទប់អារម្មណ៍មិនបាន ខណៈបានបង្ហាញខ្លួនជាថ្មី និងបានមកជួបជុំគ្នា​ ថតរូបជាមួយគ្នាម្តងទៀតបែនេះ មហាជនអ្នកគាំទ្រពិតជាមានការនឹករលឹកដល់តារាសម្ដែងទាំងអស់នោះជាខ្លាំងណាស់ រហូតអ្នកខ្លះលើកឡើងថា ពួកគាត់មិនប្រែប្រួលច្រើនទេ គ្រាន់តែរៀងចំណាស់បន្តិច តែនៅស្អាត និងសង្ហា ដដែល។

សូមទស្សនាកម្ររូបភាពរបស់ពួកគាត់ខាងក្រោម៖

នៅក្នុងពិធីបុណ្យសពរបស់តារាសម្ដែងស្រី អ្នកនាង អាលីយ៉ា គេកត់សម្គាល់ឃើញមានតារាសិល្បៈជាច្រើន ព្រមទាំងអ្នកសារព័ត៌​មានជាច្រើនរូបទៀត បានចូលរួមគោរពវិញ្ញាណក្ខន្ធជាលើចុងក្រោយ តែយ៉ាងមិញ តារាសម្តែងប្រុសលោក អ៊ឹម ជីវ៉ា និងប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា បានចេញមុខ ប្រកាសទទួលជួយរៀបចំទាំងស្រុង នូវពិធីបុណ្យសពរបស់តារាស្រី ឌីជេ អា លីយ៉ា ខណៈដែលសពក៏ត្រូវធ្វើពិធីបូជា នៅរសៀលម៉ោង 3 ថ្ងៃទី 28 ខែមិថុនា ម្សិលមិញនេះ។

លោក អ៊ឹម ជីវ៉ា បានប្រកាសនៅលើគណនីហ្វេសប៊ុកថា «សូមជូនដំណឹងដល់ បងប្អូនមហាជន និងសារព័ត៌មានទាំងអស់មេត្តាជ្រាបថា ខ្ញុំបាទ អ៊ឹម ជីវ៉ា និងបងស្រី ចន ច័ន្ទលក្ខិណា និងទៅចូលរួម និងជួយចាត់ចែងបុណ្យសព អាលីយ៉ា នៅម៉ោង១១ព្រឹកនេះ។ សូមបញ្ជាក់ដែរថា ក្នុងពិធីបុណ្យសពនេះ សប្បុរសជនដែលជួយដល់បុណ្យសព អាលីយ៉ា គឺជួយចេញថ្លៃមេនបូជាសព និងថ្លៃផ្កា មាន កញ្ញា ឌួង ហ្សូរីដា និងលោកស្រី ងិន ម៉ារីយ៉ា។

លោកនិយាយទៀតថា «ចំណែករោងបុណ្យ បបរបុណ្យ និងកម្មវិធីទាំងមូល គឺអ្នកបង ចន ច័ន្ទលក្ខិណា ប្រធានសមាគមនសិល្បករ និង ខ្ញុំបាទ អ៊ឹម ជីវ៉ា ក្រុមប្រឹក្សាសមាគមសិល្បករខ្មែរ ជាអ្នករ៉ាប់រងទទួលបន្ទុកទាំងអស់ បានន័យថា បើខ្វះខាតលុយប៉ុន្មាន សមាគមជាអ្នកជួយចេញជំនួសទាំងអស់។ រីឯកាបូជាសព និងត្រូវបូជាសព អា លីយ៉ា នឹងធ្វើនៅរសៀលថ្ងៃនេះ នៅវត្តទួលអស់លោក ក្នុងសង្កាត់គីឡូម៉ែត្រលេខ6 ខណ្ឌឫស្សីកែវ រាជធានីភ្នំពេញ»។

គួរបបញ្ជាក់ផងដែរថា ក្រៅ​ពី​មាន​ការ​ជួយ​ពី​សមាគម​សិល្បករ​ខ្មែរ​ ក៏​មាន​សប្បុរស​ជន​មួយ​ចំនួន​ជួយ​ដល់​ពិធី​បុណ្យ​សព​ អាលីយ៉ា រួមមាន​ដូច​ជា សិល្បករ​សិល្ប​ការិនី​​បាន​រៃអង្គាស​គ្នា​ ប្រពន្ធ​តារា​សម្ដែង​ ស៊ុក សុភា ម្ដាយ​ ថៃ នរៈពិទូ ជាដើម។ មុន​ពេល​​បិទ​ភ្នែក​លា​ចាក​លោក​ទៅ សមាគម​សិល្បករ​ខ្មែរ​​ ក៏​បាន​ជួយ​ដល់​ អាលីយ៉ា ជាង​1​លាន​រៀល។ លោក អ៊ឹម ជីវ៉ា បន្ថែម៕