Author: អេបិល

ភ្នំពេញ៖ ជើងឯក Tiger Street Football 2020 វគ្គផ្តាច់ព្រ័ត្រទូទាំងប្រទេសដែលមានប្រាក់រង្វាន់លើកទឹកចិត្តរហូតដល់ទៅ១៥០០០ដុល្លារអាមេរិកត្រូវបានរកឃើញ នាល្ងាចថ្ងៃអាទិត្យទី១ ខែមិនា ម្សិលមិញនេះ បន្ទាប់ពីក្រុមខ្លាំង សសយក កំចាយមារ បានប្រកួតយកឈ្នះក្រុមបាល់ទាត់ VANDASAK ដោយលទ្ធផល១ទល់០ក្នុងវគ្គផ្តាច់ព្រ័ត្រ។

មុនឈានទៅគ្រងដំណែងជើងឯកទូទាំងប្រទេសជាមួយរង្វាន់១៥០០០ដុល្លារអាមេរិកនេះ ក្រុម សសយក កំចាយមារ បានប្រកួតយកឈ្នះក្រុមបាល់ទាត់ Poipet United ដោយលទ្ធផល៤ទល់១ នៅវគ្គ៨ក្រុមចុងក្រោយឡើងមកកាន់វគ្គពាក់កណ្តាលផ្តាច់ព្រ័ត្រ ហើយ វគ្គកណ្តាលផ្តាច់ព្រ័ត្រប្រជែងយកឈ្នះក្រុម Rolling United ដោយលទ្ធផល៣ទល់២ ឈានឡើងទៅប្រជែងដណ្តើមតំណែងជើងឯកជាមួយក្រុមបាល់ទាត់ VANDASAK ដោយយកឈ្នះក្រុមបាល់ទាត់ VANDASAK ជាមួយការប្រកួតយ៉ាងតានតឹងបំផុតក្នុងលទ្ធផល១ទល់០ក្លាយជាម្ចាស់ជើងឯកទូទាំងប្រទេស Tiger Street Football 2020។

តំណាងក្រុមបាល់ទាត់ សសយក កំចាយមារ បានបញ្ជាក់ថា ការដណ្តើមបានតំណាងជើងឯកទូទាំងប្រទេសលើកទី១នេះ បានកើតឡើងដោយសារតែក្រុមលេងជាមួយគ្នាដោយការរួបរួមសាមគ្គីភាព មិត្តភាពនៅក្នុងក្រុមបានល្អ ដូច្នោះហើយ ពីមួយវគ្គទៅមួយវគ្គចេះតែទទួលបានជោគជ័យរហូតក្លាយជាម្ចាស់ជើងឯកទូទាំងប្រទេស។ លោក ប្តេជ្ញាថា Tiger Street Football រដូវកាលក្រោយ នឹងដណ្តើមបានជើងឯកម្តងទៀត។

ព្រឹត្តិការណ៍បាល់ទាត់ Tiger Street Football 2020 បានដំណើរការប្រកួតអស់រយៈពេល២ខែ ចែកចេញជា៨មណ្ឌល ក្នុងនោះមណ្ឌលតាមបណ្តាលខេត្តមានចំនួន៧ និងនៅរាជធានីភ្នំពេញចំនួន១មណ្ឌល ដែលសម្រាំងក្រុមខ្លាំងចេញពី៨មណ្ឌលនោះ មានចំនួន៦៤ក្រុមចូលរួមការប្រជែងវគ្គផ្តាច់ព្រ័ត្រទូទាំងប្រទេស ដោយលទ្ធផលក្រុមជើងឯកបានទៅលើក្រុមបាល់ទាត់ សសយក កំចាយមារ ទទួលបានរង្វាន់លើកទឹកចិត្តពីក្រុមហ៊ុនស្របៀរ Tiger (CBL) ចំនួន១៥០០០ដុល្លារអាមេរិក ក្រុមជើងឯករងក្រុមបាល់ទាត់ VANDASAK ទទួលបានរង្វាន់៥០០០ដុល្លារអាមេរិក​ ក្រុមចំណាត់ថ្នាក់លេខ៣បានទៅលើក្រុមបាល់ទាត់ Rolling United ទទួ​លបានរង្វាន់២៥០០ដុល្លារអាមេរិក និងក្រុមចំណាត់ក្រុមបាល់ទាត់ ស្នងការដ្ឋាននគរបាលខេត្តព្រះសីហនុ A ទទួលបានរង្វាន់១០០០ដុល្លារអាមេរិក។

សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH.

ស្តែងចេញនូវការតាំងចិត្តដ៏មោះមុតរបស់អ្នក ជាមួយស្រាបៀរថៃហ្គ័រ។

ពិសាដោយការទទួលខុសត្រូវ៕

ភ្នំពេញ ថ្ងៃទី២៩ ខែកុម្ភៈ​ ឆ្នាំ២០២០៖ មន្ទីរពេទ្យ រ៉ូយ៉ាល់ភ្នំពេញ បានរៀបចំ ពិធីសម្ពោធសាលកុមារជាផ្លូវការ សំរាប់សេវាកម្មព្យាបាល និងថែរក្សាសុខភាព ស្រ្តី និងកុមារ តាមស្តង់ដារអន្តរជាតិ។

មន្ទីរពេទ្យ រ៉ូយ៉ាល់ភ្នំពេញ ជាមន្ទីរពេទ្យដែលបានបើកដំណើរការតាំងពីចុងឆ្នាំ ២០១៤ ដោយក្រុមហ៊ុន Bangkok Dusit Medical Services Public CO LTD (BDMS)  ផ្តល់ជូននូវការព្យាបាល​ និងថែទាំកំរិតខ្ពស់តាមស្តង់ដារអន្តរជាតិ។

មន្ទីរពេទ្យ រ៉ូយ៉ាល់ភ្នំពេញ ត្រូវបានទទួលស្គាល់ជាអន្តរជាតិចំពោះការប្រើប្រាស់បច្ចេកវិទ្យាវេជ្ជសាស្រ្ត ហើយថែមទាំងប្រើប្រាស់បណ្តាញវិជ្ជាជីវៈ របស់មន្ទីរពេទ្យយ៉ាងមានប្រសិទ្ធិភាព ដោយប្រកាន់ខ្ជាប់នូវក្រមសីលធម៌វិជ្ជាជីវៈខ្ពស់បំផុតទៅតាមស្តង់ដារអន្តរជាតិ ជាមួយនឹងការប្តេជ្ញាបន្តពង្រឹងសេវាកម្មរបស់ខ្លួនសម្រាប់អ្នកជំងឺក៏ដូចជាសង្គមទាំងមូលផងដែរ។ រយៈពេលជិត​៥ឆ្នាំ ក្នុងការកបើកដំណើរការ មន្ទីរពេទ្យ រ៉ូយ៉ាល់ភ្នំពេញ បានក្លាយជាមន្ទីរពេទ្យដំបូងគេនៅប្រទេសកម្ពុជាដែលមានការទទួលស្គាល់ជាអន្តរជាតិពីគណៈកម្មការចម្រុះអន្តរជាតិ (JCI) ដែលធានានូវស្តង់ដារវេជ្ជសាស្រ្តអន្តរជាតិ និងសេវាកម្មថែទាំសុខភាពដល់ប្រជាជនទាំងក្នុងនិងក្រៅ​ស្រុក។ ការទទួលស្គាល់ជាផ្លូវការត្រូវបានប្រគល់ជូនមន្ទីរពេទ្យសម្រាប់ការផ្តល់នូវសេវាកម្មវេជ្ជសាស្រ្តដែលមានគុណភាពដល់អ្នកជំងឺ និងទទួលបានការជឿទុកចិត្តពីក្រុមហ៊ុនធានារ៉ាប់រងអន្តរជាតិ និងទីភ្នាក់ងាររដ្ឋាភិបាលនៅជុំវិញពិភពលោក។

ជាមួយនឹងការកើនឡើងនៃអ្នកដែលមានចំណូលសមរម្យនៅក្នុងប្រទេសកម្ពុជា ធ្វើអោយសេវាកម្មថែទាំ និងព្យាបាលសុខភាពអោយបានត្រឹមត្រូវ មានតម្រូវការកាន់តែខ្ពស់ជាងមុន។ ដូច្នេះ មន្ទីរពេទ្យ រ៉ូយ៉ាល់ភ្នំពេញ បានកំពុងដើរតួនាទីយ៉ាងសំខាន់ក្នុងការផ្តល់សេវាកម្ម និងការព្យាបាលលំដាប់ពិភពលោកដល់ប្រជាជនកម្ពុជា ភ្ញៀវទេសចរដែលមកលេងកម្សាន្តនៅក្នុងប្រទេសក៏ដូចជាជនបរទេសទាំងអស់ផងដែរ។ ដើម្បីឆ្លើយតបទៅនឹងការកើនឡើងនៃចំនួនអ្នកជំងឺស្ត្រី និងកុមារ ជាពិសេសផ្នែកសេវាមាតុភាព មន្ទីរពេទ្យ រ៉ូយ៉ាល់ភ្នំពេញ បានកំពុងវិនិយោគលើអ្នកជំនាញផ្នែកវេជ្ជសាស្រ្ត ក្រុមថែទាំ និងឧបករណ៍វេជ្ជសាស្ត្រដែលផ្តោតសំខាន់លើសេវាសង្គ្រោះបន្ទាន់ ២៤ ម៉ោង​ សំរាប់ស្ត្រី និងកុមារ។ ក្នុងនោះដែរយើងក៏បានបំពាក់បន្ថែមនូវបន្ទប់សំរាប់សង្រ្គោះទារកកើតមុនកាលកំណត់ (NICU) បន្ទប់សំរាប់សង្រ្គោះកុមារដែលមានជំងឺធ្ងន់ធ្ងរ​ (PICU) និងបន្ថែមក្រុមវេជ្ជបណ្ឌិតផ្នែកកុមារ ផ្នែកសម្ភព និងរោគស្ត្រី ក្នុងគោលបំណងធានាថាម្តាយ និងកូនទទួលបានសុវត្ថិភាព និងការយកចិត្តទុកដាក់ខ្ពស់បំផុត។

ដើម្បីអបអរសាទរពិធីសម្ពោធសាលកុមារ​ បន្ទប់សំរាប់សង្រ្គោះទារកកើតមុនកាលកំណត់ (NICU) បន្ទប់សំរាប់សង្រ្គោះកុមារដែលមានជំងឺធ្ងន់ធ្ងរ​ (PICU) និងសេវាព្យាបាលរោគស្ត្រីនិង​កុមារ។ ក្នុងនាមជាគណៈគ្រប់គ្រងមន្ទីរពេទ្យ បុគ្គលិកមន្ទីរពេទ្យ និងក្រុមហ៊ុន BDMS សូមឆ្លៀតក្នុងឱកាសនេះដើម្បីថ្លែងអំណរគុណ ចំពោះការគាំទ្រពីសំណាក់ប្រជាពរដ្ឋខ្មែរ ដៃគូអាជីវកម្ម អ្នកផ្គត់ផ្គង់ និងរាជរដ្ឋាភិបាលកម្ពុជា។

វេជ្ជបណ្ឌិត​ Thanarat Samupet បានលើកឡើងថា “ទាំងអស់នេះគឺជាកិត្តិយស និងសេចក្តីសោមនស្សរីករាយរបស់មន្ទីរពេទ្យ រ៉ូយ៉ាល់ ភ្នំពេញ ដែលមានវត្តមាននៅក្នុងប្រទេសកម្ពុជា”។ យើងប្តេជ្ញាថានឹងនាំយកឧបករណ៍វេជ្ជសាស្រ្តដែលមានបច្ចេកវិទ្យាខ្ពស់និងផ្តល់ជូននូវសេវាកម្មវេជ្ជសាស្រ្តនិងការថែទាំសុខភាពដ៏ល្អបំផុតជូនលោកអ្នក។

ដូច្នេះប្រសិនបើអ្នកកំពុងស្វែងរកសេវាថែទាំសុខភាពនៅឯក្រៅប្រទេស សូមអញ្ជើញមកកាន់មន្ទីរពេទ្យ រ៉ូយ៉ាល់ភ្នំពេញ ព្រោះយើងអាចផ្តល់សេវាកម្មល្អដូចគ្នា ហើយលោកអ្នកអាចសន្សំពេលវេលានិងថវិការបស់អ្នកក្នុងការធ្វើដំណើរទៅក្រៅប្រទេសផងដែរ។

យើងផ្តល់ជូននូវការយកចិត្តទុកដាក់ខ្ពស់លើសុខភាពមាតានិងទារកពីដំណាក់កាលមុននិងក្រោយពេលសម្រាលកូន។ បុគ្គលិកដែលមានជំនាញរបស់យើងរួមមានគ្រូពេទ្យកុមារ គ្រូពេទ្យជំនាញខាងសម្ភពនិងរោគស្ត្រីគឺមាននៅទីនេះដើម្បីជួយអ្នកនិងក្រុមគ្រួសាររបស់អ្នក។

សុខភាពរបស់កុមារ ដើរតួនាទីយ៉ាងសំខាន់ក្នុងដំណើរការលូតលាស់និងអភិវឌ្ឍន៍ផងដែរ។ សូមអញ្ជើញមកពិនិត្យអោយបានទៀតទាត់ ក្នុងការវាយតំលៃអំពីការលូតលាស់និងការអភិវឌ្ឍន៍ ការពិនិត្យរាងកាយនិងការចាក់ថ្នាំបង្ការរោគគឺចាំបាច់ចំពោះគុណភាពនៃការថែទាំ។ មន្ទីរពេទ្យររបស់យើង ផ្តល់ជូននូវសេវាថែទាំសុខភាពកុមារតាំងពីកំណើតរហូតដល់វ័យជំទង់។ យើងប្តេជ្ញាថានឹងផ្តល់ការថែទាំសុខភាពដែលមានគុណភាពខ្ពស់សម្រាប់កុមារដែលមានសុខភាពល្អក៏ដូចជាកុមារដែលមានជំងឺ និងគាំទ្រក្រុមគ្រួសាររបស់ពួកគេ មិនថាបញ្ហាធំឬតូចយ៉ាងណាយើងតែងតែនៅទីនេះដើម្បីជួយអ្នកទាំងអស់គ្នា។

ផ្នែកសម្ភពនិងរោគស្ត្រីនិងពេទ្យកុមារ៖

• សេវាកម្មសង្គ្រោះបន្ទាន់សម្រាប់ម្តាយនិងកូន ២៤/៧
• សេវាកម្មសម្រាប់ព្យាបាលរោគស្ត្រីនិងកុមារគ្រប់បរភេទ
• សេវាកម្មសំរាប់កម្មវិធីចាក់វ៉ាក់សាំងស្ត្រីនិងកុមារ
• បន្ទប់សម្រាក់សំរាប់អ្នកជំងឺមានផាសុខភាព
• បន្ទប់សំរាប់​សង្រ្គោះទារកទើបនឹងកើតមុនកាលកំណត NICU បន្ទប់សំរាប់សង្រ្គោះកុមាកំរិតធ្ងន់​PICU Service តាមស្តង់ដារអន្តរជាតិ
• រថយន្តសង្គ្រោះបន្ទាន់ ២៤/៧
• បន្ទប់សម្រាលបុត្រមានផាសុខភាព

អំពី​មន្ទីរពេទ្យ រ៉ូយ៉ាល់ ភ្នំពេញ ជាមន្ទីរពេទ្យថែទាំដែលមានការថែទាំកំរិតខ្ពស់គ្រប់គ្រងនិងដំណើរការដោយក្រុមហ៊ុន Bangkok Dusit Medical Services Public CO LTD (BDMS) បានបើកដំណើរការតាំងពីឆ្នាំ ២០១៤ ។

អាសយដ្ឋាន លេខ 888 មហាវិថីសហពន្ធរុស្សី​​ សង្កាត់ទឹកថ្លា ខណ្ឌសែនសុខ រាជធានី

Hospital Hotline Call: +855 (0) 23 991 000/ +855(0)12991000

Email: [email protected]

រាជធានីភ្នំពេញ – ថ្ងៃទី ២៨ ខែកុម្ភៈឆ្នាំ ២០២០  ក្នុងរយៈពេល ៨ ឆ្នាំជាប់ៗគ្នាចាប់នៃព្រឹត្តិការណ៍ប្រកួតបាល់ទាត់ Tiger Street Football  ព្រឹត្តិការណ៍នេះបាននាំមកជាថ្មីម្តងទៀតនូវសកម្មភាពប្រកួតដ៏ស្វិតស្វាញខ្លាំងក្លានៅលើទីលានកីឡាហ្វុតសាលដ៏ល្បីល្បាញនៅក្នុងខេត្តក្រុងចំនួន ៨ ទូទាំងព្រះរាជាណាចក្រកម្ពុជា ដែលមានជាង ៦៧៧ ក្រុមនិងកីឡាករជាង ៤៧៣៩ នាក់ចូលរួមប្រកួតគាំទ្រយ៉ាងច្រើនក្នុងឆ្នាំ ២០២០ ដ៏អស្ចារ្យនេះ។

ព្រឹត្តិការណ៍ Tiger Street Football កាន់តែធំនិងអស្ចារ្យដែលទទួលបានការពេញនិយមនៅតំបន់អាស៊ីអាគ្នេយ៍រួមមានប្រទេសកម្ពុជា វៀតណាម ម៉ាឡេស៊ី និងមីយ៉ាន់ម៉ា។ នេះជាទីលានមួយដែលផ្តល់ឱកាសសំរាប់យុវជនដែលមានទេពកោសល្យក្នុងស្រុក ដើម្បីបញ្ចេញសមត្ថភាព ជំនាញ និងសេចក្តីក្លាហានរបស់ខ្លួន   ដើម្បីសម្រេចនូវមហិច្ឆិតា និងក្តីសុបិន្តរបស់ខ្លួន។ មានក្រុមកីឡាកឆ្នើមចំនួន ៦៤ ក្រុមចូលរួមប្រកួតប្រជែងមកដណ្តើមពានរង្វាន់ក្នុងវគ្គផ្តាច់ព្រ័ត្រ។

កាន់តែអស្ចារ្យនោះ គឺការប្រកួតផ្ទាល់រវាងក្រុមជើងឯកTiger Street Football ឆ្នាំ ២០២០ និងកីឡាករបាល់ទាត់ថ្នាក់ជាតិជាមួយតារាសំដែងដ៏ល្បីរួមគ្នាក្រុម មានការលេងហ្គេមបាល់ទាត់សប្បាយសប្បាយជាច្រើនដើម្បីទទួលបានសំភារៈកីឡាស្អាតៗ មានការបោះពុម្ពឈ្មោះលើអាវកីឡាយកភ្លាមៗ និងការផ្តល់ជូនបទពិសោធន៍ដ៏អស្ចារ្យក្នុងក្លឹបទឹកកក​Tiger Crystal Igloo មានគំនូរសិល្បៈគូរភ្លាមៗនៅបាល់ ជាពិសេសមានកាន់តែក៏ក្រើកមានការ​ប្រគំតន្ត្រីរយៈពេល ៣ ថ្ងៃ ចូលរួមដោយកំពូលតារាល្បីៗជាច្រើនរូបចាប់ពីថ្ងៃទី ២៨ ខែកុម្ភៈដល់ថ្ងៃទី ១ ខែមីនា ឆ្នាំ ២០២០។

ព្រឹត្តិការណ៍ Tiger Street Football ឆ្នាំ ២០២០ មានការគាំទ្រពីវីរៈបុរសបាល់ទាត់របស់ប្រទេសអង់គ្លេសគឺ លោក Rio Ferdinand ដែលបំពេញតួនាទីជាអ្នកតំណាងផ្សព្វផ្សាយព្រឹត្តិការណ៍នេះ ហើយលោកត្រូវបានចាត់ទុកជាកីឡាករបាល់ទាត់ ដែលបានឈ្នះពានរង្វាន់ជាច្រើន និងជាខ្សែការពារដ៏ឆ្នើមផងដែរ។ លោក Rio Ferdinand នឹងចូលទស្សនាវគ្គផ្តាច់ព្រ័ត្រនេះតាមអនឡាញ លោកមានប្រសាសន៍ថា៖

“ខ្ញុំពិតជាមានការសោកស្តាយយ៉ាងខ្លាំង ដែលខ្ញុំមិនអាចចូលរួមផ្ទាល់ជាមួយអ្នកទាំងអស់គ្នានាចុងសប្តាហ៍នេះក្នុងវគ្គផ្តាច់ព្រ័ត្រនៃព្រឹត្តិការណ៍ Tiger Street Football។ ដោយសារមានការរីករាលដាលនូវមេរោគកូរ៉ូណាថ្មីទូទាំងពិភពលោក ខ្ញុំបានសម្រេចចិត្តជៀសវាងការធ្វើដំណើរទៅកាន់ប្រទេសក្រៅ។ ខ្ញុំទន្ទឹងរង់ចាំមកទស្សនាប្រទេសកម្ពុជាជាលើកដំបូងសម្រាប់រូបខ្ញុំក្នុងថ្ងៃណាមួយ និងចូលរួមក្នុងព្រឹត្តិការណ៍នេះ ហើយខ្ញុំសូមសម្តែងនូវការសោកស្តាយយ៉ាងខ្លាំង និងសុំការអធ្យាស្រ័យ និងការយោគយល់ពីបងប្អួនទាំងអស់ដែលចូលរួមក្នុងកម្មវិធីនេះ។ ខ្ញុំសូមឆ្លៀតយកឱកាសនេះថ្លែងអំណរគុណយ៉ាងជ្រាលជ្រៅដល់បងប្អូនមិត្តអ្នកគាំទ្រទាំងអស់នៅកម្ពុជា ដែលបន្តគាំទ្ររូបខ្ញុំ​​និង​ការ​យោគយល់​របស់​អ្នក ខ្ញុំសូមកោតសរសើរ និងសូមជូនពរកីឡាករទាំងអស់មានសំណាងល្អក្នុងការប្រកួតខាងមុខនេះ។ ខ្ញុំទន្ទឹងរង់ចាំទស្សនាកម្មវិធីប្រកួតវគ្គផ្តាច់ព្រ័ត្រនេះនៅលើទំព័រហ្វេសប៊ុករបស់ស្រាបៀរថៃហ្គ័រ ហើយសង្ឃឹមថានឹងមានឱកាសម្តងទៀតមកទស្សនាប្រទេសកម្ពុជាក្នុងពេលឆាប់ៗនេះដោយមានការគាំទ្រពីស្រាបៀរថៃហ្គ័រ។”

លោក Rio Ferdinand នឹងមានវត្តមានគាំទ្រការប្រកួតនេះពីចម្ងាយតាមអនឡាញដើម្បីបង្ហាញសេចក្តីសាទរគាំទ្រកីឡាករបាល់ទាត់ និងបង្ហាញពីការប្តេជ្ញាចិត្តមោះមុតរបស់ខ្លួនចំពោះព្រឹត្តិការណ៍ Tiger Street Football ជាទីលានមួយសម្រាប់ពួកគេបញ្ចេញសមត្ថភាព និងការតាំងចិត្តដ៏មោះមុតក្នុងការសម្រេចនូវមហិច្ឆិតា និងក្តីស្រមៃរបស់ខ្លួន។  លោកនឹងចូលរួមវគ្គសម្ភាសន៍ផ្ទាល់ជាមួយអ្នកសារព័ត៌មាន ក្នុងស្រុក ធ្វើឡើងនៅថ្ងៃសុក្រទី ២៨ ខែកុម្ភៈ ឆ្នាំ ២០២០ វេលាម៉ោង ៦:៣០ ល្ងាច ( ១១ ព្រឹកតាមម៉ោងតំបន់ GMT ) ។ លោកក៏នឹងចូលរួមក្នុងការធ្វើវីដេអូដែលបង្ហាញសារគាំទ្រដល់ក្រុមកីឡាករចំនួន ៦៤ ក្រុមចុងក្រោយដែលបានឈានទៅវគ្គផ្តាច់ព្រ័ត្រដើម្បីដណ្តើមយកកៅអីជាក្រុមកំពូលឈ្នះពានជើងឯក និងអបអរសាទររដូវកាលឆ្នាំដ៏អស្ចារ្យមួយទៀតសម្រាប់ព្រឹត្តិការណ៍ Tiger Street Football ប្រចាំឆ្នាំ។

ចំពោះព័ត៌មានលម្អិតអំពីព្រឹត្តិការណ៍ Tiger Street Football ឆ្នាំ ២០២០ សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH.

រីករាយពិសាស្រាបៀរ ថៃហ្គ័រ ដោយទំនួលខុសត្រូវ