Author: អេបិល

តារាចម្រៀងមានប្រជាប្រិយភាពខ្លាំងជាពិសេស គេសង្កេតឃើញការគាំទ្រច្រើនពីនារីៗនោះ លោក ថេណា បានបញ្ចេញចម្រៀងថ្មីចុងក្រោយបំផុតជាមួយ Caption ដែលធ្វើឱ្យហ្វេនរបស់ខ្លួន ហាក់ឈរលែងនឹង ទាំងអត្ថន័យ និងពាក្យទាំងនោះ។

Caption ជិតបីបន្ទាប់ ដែលមានអត្ថន័យថា លោកនឹងចាកចេញពីវិស័យចម្រៀងបានញាំញីទឹកចិត្តអ្នកគាំទ្រយ៉ាងខ្លាំង ក្នុងអត្ថន័យលើកឡើងថា ៖ « ញុំចាប់ផ្ដើមវិថីសិល្បៈយូរហើយ ក្ដីបំណងដំបូងគឺចង់លើកស្ទួយសិល្បៈចម្រៀងសម័យអោយមានលក្ខណជារបស់ខ្លួន និងដើម្បីរស់ផងដែរ។ ខ្ញុំគិតថាខ្ញុំឆ្លងកាត់រឿងច្រើនណាស់ ជោគជ័យក៏បានច្រើនដែរ ហត់នឿយក៏ច្រើនដែរ។ គ្មានការចាប់ផ្ដើមណាដែលគ្មានទីបញ្ចប់នោះទេ។ ពេលខ្លះភាពស្ងប់ស្ងាត់ ប្រហែលជាល្អសម្រាប់ខ្ញុំ។»

សូមបញ្ជាក់ថា លោក ថេណា ទើបតែបញ្ចេញស្នាដៃបទចម្រៀងថ្មីជាផ្លូវការរបស់ខ្លួនជូនពិសេសដល់អ្នកគាំទ្រ កាលពីថ្ងៃទី៥ ខែកុម្ភៈនេះមានចំណងជើងថា “ខ្យល់ត្រជាក់” ។ ទន្ទឹមនឹងភាពសប្បាយរីករាយជាមួយបទចម្រៀងថ្មីនេះ ថេណា ក៏ធ្វើឱ្យអ្នកគាំទ្រខកចិត្តក្រៀមក្រំយ៉ាងខ្លាំងផងដែរ។ ថេណា បានចេញវីដេអូខ្លីមួយ ដោយបានរៀបរាប់ ទាំងអួលដើមកពីការចាកចេញពីវិស័យសិល្បៈ នៅក្នុងវីដេអូនោះ ថេណា បាននិយាយថា” បទខ្យល់ត្រ ជាក់នេះជាបទចុងក្រោយរបស់ខ្ញុំ បន្ទាប់ពីខ្ញុំចេញបទនេះហើយខ្ញុំប្រហែលជាផ្អាកពីចម្រៀងសិន មិនដឹងត្រឡប់មកវិញឬក៏អត់ ប្រសិនបើមានឱកាសនឹងជួបគ្នាម្ដង”។

តែទោះជាយ៉ាងណា គេនៅមិនទាន់បានដឹងច្បាស់ថា បំណងរបស់លោក នឹងគ្រោងបន្តលើវិស័យនេះឬយ៉ាងទេ ព្រោះមានអ្នកគាំទ្រជាច្រើនហាក់មិនចង់ឲ្យតារារូបនេះ ងាកចេញពីវិថីសិល្បៈឡើយ៕

នៅថ្ងៃទី៩ ខែកុម្ភៈនេះ គេបានឃើញផលិតកម្ម រាម បានបញ្ចេញ​Teaser MVបទថ្មីរបស់ មាស សុខសោភា ដែលរំលេខផ្ទាំងទស្សនីយភាពដ៏ស្រស់ត្រកាល គួរជាទីចាប់អារម្មណ៍។ បទថ្មីរបស់កំពូលតារាចម្រៀងស្រីរូបនេះ ត្រូវបានគេដឹងថា ជាប្រភេទបុរាណ និងជាប្រភេទបទសាច់រឿងតគ្នា។ ចំណងជើងដំបូលដែលផលិតកម្ម រាម បានបញ្ចេញ មានចំណងជើងថា «Return» ដែល​មាន​ន័យ​ថា​ជា​ការ​វិល​ត្រឡប់ ហើយ​ក៏​ដូច​នឹង​ការ​វិល​ត្រឡប់​របស់ អតីត​តារា​ចម្រៀង​ថោន ក្រោយ​ពី​នាង​បាន​ស្ងប់ស្ងាត់​ចេញ​បទ​ចម្រៀង​យូរ​ក្រែល​ដែរ​ហើយ។

គេនៅមិនទាន់ដឹងថា បទចម្រៀងថ្មីរបស់កំពូលតារាចម្រៀងស្រីសំឡេងផ្អែមរូបនេះ មានភាពពីរោះខ្លាំងកម្រិតណាទេ តែយ៉ាងណាមិញអ្នកគាំទ្រអ្នកនាងនៅតែជឿជាក់លើទឹកដមសំឡេងរបស់អ្នកនាង ពោលទោះច្រៀងបទអ្វីក៏នៅតែពីរោះ។ បទចម្រៀងថ្មីមួយនេះ នៅមិនទាន់បញ្ចេញកាលវិភាគរបស់ខ្លួននៅឡើយទេ ក៏ប៉ុន្ដែគេបានដឹងថា បទថ្មីនេះ ជាការដឹកនាំសម្ដែងរបស់ ស្រីអូនសម្រស់ធម្មជាតិ ឬអ្នកនាង នួន ស៊ុនណារី ដែលជានាយិកាក្រុមហ៊ុនសម្រស់ធម្មជាតិ។

សូមជម្រាបផងដែរថា នៅពេលនេះគឺកាន់តែច្បាស់ការមែនទែនហើយថា កំពូលតារាចម្រៀងស្រី មាស សុខសោភា បានចូលជ្រកក្នុងផលិតកម្ម រាម បន្ទាប់ពីអ្នកនាងមានឈ្មោះជាតារាចម្រៀងឯករាជ្យអស់រយៈពេលមួយឆ្នាំ ក្រោយចាកចេញពីផលិតកម្មថោន ដែលខ្លួនធ្លាប់ជ្រកមកជិត ១០ឆ្នាំ៕

ទស្សនាវីដេអូខាងក្រោមនេះ  ៖

ដូច​ប្រិយមិត្ត​ធ្លាប់​បាន​ដឹង​ហើយ​​ថា ផលិតកម្ម​Galaxy Navatraកំពុង​តែ​សម្រុក​ផលិត​បទ​ចម្រៀង​ចូល​ឆ្នាំ​ជា​ច្រើន ខណៈ​ដែល​ផលិតកម្ម​ផ្សេង​ទៀត​ហាក់​មិន​ទាន់​បាន​បញ្ចេញ​ច្រើន​នៅ​ឡើយ។ គិត​មក​ដល់​ថ្ងៃ​នេះ​មាន​បទ​ចម្រៀង​មិន​ក្រោម​ជាង​១០បទ​​ឡើយ​ដែល ផលិតកផលិតកម្មរGalalaxy Navatraបាន​បញ្ចេញ ហើយ​​​ការ​បញ្ចេញ​​នោះ គឺ​ធ្វើ​ឡើង​ជា​រៀង​រាល់​ថ្ងៃ​តែ​ម្ដង។

ស្ទើរ​គ្រប់​បទ​ចម្រៀង​ទាំង​អស់​សុទ្ធតែ​ទទួល​បាន​ការ​គាំទ្រ​ខ្លាំង មិន​​នឹក​​ស្មាន​ដល់ ដោយ​គ្រាន់​តែ​ចេញ​ភ្លាម​មាន​អ្នកviews​រាប់​លាន​គ្រប់​បទ​។ កំពូល​តារា​ចម្រៀង​ព្រាប សុវត្ថិ និងកំតារាវ័យក្មេង តន់ ចន្ទសីម៉ា ត្រូវ​បាន​គេ​មើល​ឃើញ​ថា មាន​បទ​ចម្រៀង​ច្រើន​ជាង​គេ ទាំង​បទ​ឆ្លើយ​ឆ្លង ទាំង​បទ​ច្រៀង​ទោល​ម្នាក់​ឯង។ ចំពោះ​បទ​ឆ្លើយ​ឆ្លង​អ្នក​ទាំង​ពីរ​មាន​រហូត​ដល់​ទៅ​៦បទ​មក​ហើយ ក្នុង​នោះ​ដូច​ជា ទី១បទ”កាត់ឆុង” ,ទី២បទ”​​ប្រហុក”,ទី៣បទ”រកស៊ី​ជា​មួយ​យក្ស​”ទី៤បទ” អរគុណ​កាមេរ៉ា”ទី៥ បទ”មាន់​កម្សត់” ទី៦​បទ​”ឡាន​ទំនើប”។ បទ​ចម្រៀង​ទាំង​៦បទ​ដែល​កំពូល​តារា​ចម្រៀង​ទាំង​ពីរ​ច្រៀង​រួម​គ្នា​នេះ ត្រូវ​បាន​គេ​សង្កេត​ឃើញ​ថា ភាគ​ច្រើន​ជា​បទ​រាំ​លេង​កម្សាន្ត​បែប​សប្បាយៗ មាន​គ្រប់​ចង្វាក់​ដែល​ងាយ​ស្រួល​សម្រាប់​បង​ប្អូន​រាំលេង ពេល​ជួបជុំគ្នា យ៉ាង​សប្បាយ​រីករាយ ហើយ​​​គ្រប់​បទ​ចម្រៀង​នីមួយៗ មាន​អ្នកviews​រាប់​លាន​ដង។

ចំណុច​ទាំង​នេះ បាន​ធ្វើ​ឲ្យ​មហាជន​វាយ​​តម្លៃ​ថា សម្រាប់​ឆ្នាំ​នេះ ប្រហែល​ពិបាក​ទប់ទល់ នឹង​ផលិតកម្ម​Galaxy Navatra​ហើយ​ឆ្នាំ​នេះ ត្បិត​អី​បទ​​ស្ទើរ​តែ​ទាំង​អស់​បែប​នេះ​នោះ។ ផ្អែក​លើ​ផេក Galaxy Navatra ក៍​បានក៍បានក៏បានបង្ហាញពិត ចំនួន អ្នក​ចូល​views បទ​ចម្រៀង​របស់​ខ្លួន​ផង​ដែរ គឺ​ពិត​ជា​មាន​រាប់​លាន​ដង​​គ្រប់​បទ​ច្រៀង​ដែល​បាន​ចេញ​ក្នុង​អាលប៊ុម​ចូល​ឆ្នាំ​នេះ ដែល​ចំនួន​នេះ មាន​ការ​ទទួល​លើស​ការ​រំពឹង​ទុក។ ជា​មួយ​គ្នា​​នោះ​ដែរ​អ្នក​គាំទ្រ​ជា​ច្រើន​អ្នក បាន​ចូល​Comment លើ​Channel youtube Galaxy Navatra ដោយ​កោតសរសើរ ព្រម​ទាំង​​បង្ហាញ​ការ​ពេញចិត្ត​ជា​ខ្លាំង។ លោក យឹម តាស្រង់ ក៏​បាន​សរសើរ​មិន​ដាច់​ពី​មាត់​ថាកំពូល​តារា​ចម្រៀង​លោក​ព្រាប សុវត្ថិ និ​ង តន់ ចន្ទសីម៉ា គឺ​ពិត​ជា​ដៃគូ​ស័ក្ដិសម​បំផុត​សម្រាប់​បទ​ចម្រៀង​ចូល​ឆ្នាំ​នេះ ​ផលិតកម្មGalaxy Navatra ​នឹង​បន្ត​ផលិត​​បទ​ចម្រៀង​ឲ្យ​អ្នក​ទាំង​ពីរ​ជា​​ច្រើន​បទ​បន្ថែម​ទៀត៕

ទស្សនាវីដេអូខាងក្រោមនេះ៖

ស្នាមញញឹម របស់តាៗធាក់ស៊ីក្លូ ជាច្រើនរយនាក់ បានអង្រួនដួងចិត្តរបស់តារាចម្រៀងករុណា ពេជ្រ អោយស្រក់ទឹកភ្នែក អួលដើមកទៅវិញ ខណៈដែលតារាចម្រៀងរូបនេះ បានរៀបចំពិធីជួបជុំ និងពិសារអាហារនៅភោជនីយដ្ឋានវីហ្វ្រេនស្ពានបាឡេ កាលពីយប់ថ្ងៃព្រហស្បតិ៍ ទី៤ កុម្ភៈ ២០២១។

តារាចម្រៀងរូបនេះ បានអោយដឹងថា គ្រាដែលបានជួបផ្ទាល់ជាមួយនឹងលោកតា ពូ អុំ ធាក់ស៊ីក្លូ និងបានអញ្ជើញគាត់មកពិសាហារមួយពេល ដែលមានរស់ជាតិឆ្ងាញ់ គឺម្ហូបទាំងអស់គឺជាមុខម្ហូបតុកា អោយពួកគាត់បានឆ្ងាញ់ម្តង ទាំងនោះហើយគឺជាសេចក្តីសុខផ្លូវចិត្ត ដែលបានកើតឡើង និងរំភើបរហូតស្រក់ទឹកភ្នែក។ និយាយទាំងអួលដើមក ពេលដែល តាតាស៊ីក្លូ ជាងបីរយ នាក់បានដឹងរឿងពិតអំពីលោកឳពុក របស់ ករុណា ពេជ្រ ឈឺដោយមិនដឹងឮអ្វីទាំងអស់ ពោលគឺជាមនុស្សរុក្ខជាតិ តាតា ទាំងនោះបានជូនពរសូមអោយឳពុក របស់ករុណា បានដឹងខ្លួនស្គាល់កូន ឡើងវិញ ពេលនោះហើយដែលតារាចម្រៀង រូបនេះ អួលដើមក និយាយមិនចេញ ក្រៅពីសម្រក់ទឹកភ្នែក។

លោកថា ការរៀបចំនេះ គឺធ្វើឡើងនៅចំថ្ងៃទិវានៃក្តីស្រលាញ់១៤ កុម្ភៈ ប៉ុន្តែដោយជាន់ថ្ងៃជាមួយនឹងថ្ងៃបុណ្យចូលឆ្នាំថ្មីប្រពៃណីជនជាតិចិន ដូច្នេះលោកនិងក្រុមការងារបានសម្រេចផ្លាស់ប្តូរមកថ្ងៃ៤កុម្ភៈវិញម្តង។ លោកក៏បានអរគុណ សប្បុរសជន ទាំងក្នុងនិងក្រៅប្រទេស ដែលបានរួមចំណែក ចូលជាថវិកា និង សម្ភារៈមួយចំនួន។

កន្លងទៅនេះ តារាចម្រៀង សាយ ដែលមានឈ្មោះដើម អ៊ួន បឋម បានទទួពានរង្វាន់វីរយុវជន ឆ្នាំ ២០២០ ហើយ ពីសមាគមអន្តរជាតិយុវជន និង សិស្សនិស្សិតដើម្បីសន្តិភាព ដែលហៅកាត់ថា IAYSP ។ ក្នុងនោះ សាយ ត្រូវបានទទួលរង្វាន់វីរយុវជននេះបាន ក៏ព្រោះតែបន្ទាប់ពីឃើញសកម្មភាពមនុស្សធម៌នៃការរៃអង្គាសថវិកាជូនមន្ទីរពេទ្យកុមារអង្គរចំនួន៥០ ម៉ឺនដុល្លារ តាមរយៈកម្មវិធ «រត់ដើម្បីសប្បុរសធម៌ជាមួយសាយ» គណៈកម្មការនៃសមាគម IAYSP ក៏បានវាយតម្លៃ និង ជ្រើសរើសសាយ ជាបុគ្គលដែលមានលក្ខណៈសម្បត្តិគ្រប់គ្រាន់ក្នុងការទទួលបាននូវពានរង្វាន់មួយនេះ ។

យ៉ាងណាមិញ តារាចម្រៀង Original song រូបនេះបានបង្ហើបដែរថា លោកគ្រោងរៀបចំកម្មវិធីមួយទៀតដែលមានឈ្មោះថា «តោះចាប់ផ្តើមធ្វើជាមួយ សាយ (Let’s Do It with Sai)» ជាកម្មវិធីបំផុសគំនិតជួយសង្គមតាមរយៈក្រុមតូចៗដែលបានដាក់ពាក្យចូលរួមក្នុងកម្មវិធី។ កម្មវិធីនឹងផ្តល់ជាប្រឹក្សាយោបល់ និង ពិភាក្សាក្នុងការរៀបចំសកម្មភាព ឬយុទ្ធនាការកិច្ចសង្គមណាមួយ ហើយកម្មវិធីអាចនឹងធ្វើការគាំទ្រជាកញ្ចប់មូលនិធិមួយចំនួនផងដែរ ។ លើសពីនោះ យុវជនដែលលោកជ្រើសរើសបាននោះ ក៏ត្រូវចូលរួមក្នុងការផលិតភាពយន្តនៅចំនុចខាងលើនោះដែរ។ ជាមួយនឹងបទពិសោធន៍នេះហើយ ដែលលោកប្រកាសថា នឹងស្វែងរកដៃគូផលិតជាភាពយន្តមួយ ដែលនិយាយពីការរត់សប្បុរសធម៌រយៈពេល៩៩ថ្ងៃរបស់ ដើម្បីអោយភាពយន្តនេះ បានរួមចំណែកកាន់តែច្រើន ជួយដល់មន្ទីរពេទ្យកុមារអង្គរ។ ភាពយន្តដែលគ្រោងផលិតនោះ គឺនិយាយពីការតស៊ូ បង្ហាញពីរឿងរ៉ាវដ៏លំបាកជាច្រើន នៅពីក្រោយការរត់ និង បង្ហាញពីទឹកចិត្តដ៏ច្រើនឥតគណនារបស់បងប្អូនខ្មែរ ដែលបានជួយយកអាសារលោក នៅក្នុងសកម្មភាពរត់។

ភាយន្តនេះ លោកប្រកាសលក់សំបុត្រ ហើយលុយដែលបានពីការឧបត្ថម្ភ និង បានពីការដាក់បញ្ចាំងតាមរោង គឺប្រគល់ជូនមន្ទីរពេទ្យកុមារអង្គរទាំងអស់ ដែលការប្រកាសរបស់លោកបានធ្វើអោយមានការសរសើរយ៉ាងខ្លាំង នៅក្នុងពិធីបិទបញ្ចប់ពីសកម្មភាពរត់នោះ។ គណអធិបតី ដែលបានចូលរួមក៏បង្ហាញនូវការស្ងើចសរសើរ ចំពោះទឹកចិត្តលះបង់របស់លោកផងដែរ ដោយការប្រកាសបង្កើតភាពយននតដើម្បីបន្តស្វែងរកថវិកាជួយដល់មន្ទីរពេទ្យកុមារអង្គររនេះ នឹងក្លាយជាសញ្ញាណថ្មីមួយ ដើម្បីបំផុសអោយសប្បុរសជនដែលមានបំណងចង់ជួយ នឹងមានឱកាសជួយដល់មន្ទីរពេទ្យកុមារអង្គរកាន់តែច្រើន តាមរយៈការប្រកាសផលិតនូវស្នាដៃមួយនេះ។ លោក សាយ បន្តថា លោកនឹងប្រើអាជីព និង ជីវិតរបស់លោកដើម្បីជាប្រយោជន៍ចំពោះកុមារអោយបានកាន់តែច្រើនបម្ថែមទៀត ហើយក្រៅពីគម្រោងបង្កើតភាពយន្តនេះ លោកក៏នឹងបង្កើតគម្រោង «តោះចាប់ផ្តើមធ្វើជាមួយ សាយ (Let’s Do It with Sai)» ដើម្បីរៃលុយអោយច្រើនបន្ថែមទៀត។

បន្ទាប់ពីចាកចេញពីផលិតកម្មថោន ធ្វើឱ្យហ្វេនជាច្រើនភ្ញាក់ផ្អើលកាលពីពាក់កណ្តាលឆ្នាំ២០២០ នៅពេលនេះកំពូលតារាចម្រៀងសំឡេងផ្អែម មាស សុខសោភាព បានសម្រេចចិត្តទៅជ្រកក្រោមទ្រនំថ្មីជាផ្លូវការហើយ ពោលផលិតកម្មថ្មីនោះ គឺមានឈ្មោះថា «រាម»។

ដំណឹងចូលជ្រកក្រោមទ្រនំថ្មីនេះ ត្រូវបានមាស សុខសោភា បង្ហោះឱ្យដឹងនាពេលថ្មីៗនេះថា បច្ចុប្បន្ននាងបានសម្រេចចិត្តចុះកុងត្រៀម ចូលធ្វើជាតារាចម្រៀងពេញសិទ្ធ ក្នុងផលិតកម្មថ្មីមួយហើយ គឺផលិតកកម្ម រាម ខណៈព្រឹត្តិការណ៍សម្ពោធផលិតកម្មរាម និងការស្វាគមន៍វត្តមានរបស់ មាស សុខសោភា មកកាន់ផលិតកម្មរាម គឺនឹងត្រូវធ្វើឡើងនៅថ្ងៃទី ១៩ ខែកុម្ភៈ ក្នុងពេលជាមួយគ្នាតែម្តង។

កំពូលតារាចម្រៀងស្រីរូបនេះ មាស សុខសោភា បានបញ្ជាក់ថា ខណៈដែលបទចម្រៀងមួយចំនួនបានត្រៀមរួចជាស្រេច ជាមួយនឹងការសម្រិតសម្រាំងផលិត ដោយបច្ចេកទេស ពិសេសកាំមេរ៉ាដែលផលិតកម្មនេះប្រើគឺមានតម្លៃថ្លៃកប់ពពកមិនធ្លាប់មានប្រើនៅកម្ពុជា ហើយក៏ជាបច្ចេកវិទ្យាកាំមេរ៉ាទំនើបចុងក្រោយដែលក្រុមហ៊ុនលំដាប់ហូលីវូដប្រើប្រាស់ផងដែរ។ យ៉ាងណាមិញ នៅថ្ងៃទី១៩ កុម្ភៈខាងមុខនេះ គឺជាថ្ងៃបើកមុខទំព័រផលិតកម្មថ្មីហើយ បទចម្រៀងនីមួយៗសុទ្ធសឹងតែសម្រិតសម្រាំងគុណភាពជាចំបង ដោយមិនផលិតតែបរិមាណបទ។ មានការលើកឡើងផងដែរថាក្រៅពីតារាចម្រៀង មាស សុខសោភា ផលិតកម្មនេះក៏នឹងទាញយកតារាចម្រៀង តារាកំប្លែងមួយចំនួនចូលច្រៀងផងដែរ ដែលមានការបង្ហើបថា តារាកំប្លែង នាយគ្រឿន និងនាងខ្ញុងក៏នឹងចូលច្រៀងក្នុងផលិតកម្មថ្មីមួយនេះផងដែរ។

សូមជម្រាបដែរថា គេក៏នៅមិនទាន់អាចសន្និដ្ឋានបាននៅឡើយទេថាតើសន្ទុះទីផ្សារបទចម្រៀងក្នុងផលិតកម្មថ្មីរបស់នាងនឹងអាចហក់ឡើងបានកម្រិតណា ហើយការចុះកិច្ចសន្យារយៈពេល១ឆ្នាំរបស់នាងក៏ត្រូវបានគេដឹងថាដើម្បីបន្តស្ទាបស្ទង់ទីផ្សារមួយដើម្បីងាយបន្តឬបញ្ចប់កិច្ចសន្យាក្នុងរយៈពេលខ្លី៕

ពិធីផ្ទេរតំណែង Miss Grand Cambodia 2020 ត្រូវបានរៀបចំឡើង តាមការគ្រោងទុក យ៉ាងតក់ក្រហល់ពោលនៅថ្ងៃទី ០១ ខែ កុម្ភៈ ឆ្នាំ ២០២១។ មហាជន និង អ្នកគាំទ្រ បានទន្ទឹងរងចាំ និងអ៊ុតមើលថា តើ Miss Grand មួយណា ដែលត្រូវគ្រងតំណែង ជំនួស កញ្ញា សេង រដ្ឋា Miss Grand Cambodia 2020 និង កញ្ញា លឹម សុធាវី ជ័យលាភីរងទី១ បន្ទាប់ពីកញ្ញាទាំង២ ព្រមព្រៀង លាលែងពីតំណែង និង ត្រូវបាន បញ្ចប់កិច្ចសន្យាទាំងឡាយ ជាមួយ ស្ថាប័ន Miss Grand Cambodia កាលពីពេលថ្មីៗនេះ ខណៈការប្រកួតលើអន្តរជាតិខិតជិតមកដល់ នៅក្នុងខែ មិនា ខាងមុខនៅឯប្រទេសថៃ។

ភាពចម្រូងចម្រាស់មួយនេះ គឺជាដែលក្តៅគគុកមួយដែលធ្វើអោយមហាជនទូទៅ ជាពិសេសអ្នក និយម គាំទ្រ និង តាមដាន Miss Grand តែម្តង។ ជាក់ស្តែងលទ្ធផលជាផ្លូវការនៃការជ្រើសរើសតំណែងជំនួសកញ្ញា សេង រដ្ឋា នោះ ហើយអ្នកដែលក្លាយជា ម្ខាស់ម្កុដ Miss Grand Cambodia 2020 គឺកញ្ញា លីវ ជីលី បវរកញ្ញាជ័យ លាភីរងទី២ មកពីខេត្តបន្ទាយមានជ័យ ខណៈជ័យលាភីលំដាប់រងទី៣ត្រូវឡើងមកលំដាប់រងទី១ និងលំដាប់រងទី៤ត្រូវឡើងមកលំដាប់រងទី២វិញ។នៅក្នុងពិធីផ្ទេរតំណែង និងគ្រងម្កុដសារជាថ្មី នេះ កញ្ញាលីវ ជីលី បានបញ្ជាក់ថា រយៈពេល១ខែគឺពិតជាខ្លី ហើយអ្វីដែលនាងប្រឹងប្រែងខ្លាំងគឺការហ្វឹកហាត់ដើរដើម្បីកាន់តែបន្ថែមទំនុកចិត្តដែលនាងមានស្រាប់ នាងស្នើឱ្យយមហាជនពិសេសអ្នកគាំទ្រវិស័យកញ្ញាឯកជួយផ្តល់ជាកម្លាំងចិត្ត បញ្ចេញមតិក្នុងន័យកែលម្អជាជាងការរិះគន់បែបជាន់ពន្លិច និងបញ្ចប់ការគិតថាត្រឹមតែជាការចេញទៅប្រកួតដើម្បីជាការអមឆាក ខណៈដែលពេលនេះនាងក៏ត្រូវការកម្លាំងចិត្តដើម្បីបន្តពង្រឹងសមត្ថភាពឲ្យកាន់តែល្អប្រសើរតាមតែអាចធ្វើទៅបាន។

ចំណែកលោក អ៊ិន សុភិន អគ្គនាយកផលិតកម្មមហាហង្សវិញបានលើកឡើងថា ក្រុមហ៊ុនបានត្រៀមគ្រប់សព្វដើម្បីថែទាំ ហ្វឹកហាត់ទាំងការដើរបង្ហាញម៉ូដឆ្លើយសំណួរ និងសកម្មភាពផ្សេងៗដើម្បីប្រាកដថានឹងអាចក្លាយជាបេក្ខនារីតំណាងជាតិចេញទៅប្រកួតលើឆាកអន្តរជាតិបាន។ លោកថាបញ្ហាដែលកើតឡើងកន្លងមកនឹងក្លាយជាបទពិសោធន៍ថ្មីសម្រាប់ការផលិតកម្មវិធីលើកក្រោយ ហើយបើទោះបីជានៅសល់ពេលមិនច្រើនក្តីប៉ុន្តែស្ថាប័ននឹងខិតខំពង្រឹងសមត្ថភាពកញ្ញាឯកតំណាងជាតិតាមលទ្ធភាពនិងដើម្បីបញ្ចប់ការគិតថាត្រឹមតែជាបេក្ខនារីអមឆាក ដែលសូម្បីតែឈុតតំណាងជាតិ ឈុតរាត្រីសមោសរសម្រាប់កញ្ញាឯកគ្រងក៏បានត្រៀមរួចជាស្រេចដែរ៕

នៅពេលថ្មីៗនេះ តារាចម្រៀង ករុណា ពេជ្រ បានបង្ហោះនៅលើបណ្ដាញសង្គមហ្វេប៊ុករបស់លោកឱ្យដឹងថា លោករួម​ជាមួយនឹង​សប្បុរជន​ក្នុង និង​ក្រៅប្រទេស បានរួម​គ្នារៀបចំ​ទិវា​នៃ​ក្តី​ស្រលាញ់ ចំពោះ​តា​ធាក់​ស៊ីក្លូ នៅ​ថ្ងៃទី​៤ កុម្ភៈ ខាង​នេះ ដោយ​អញ្ជើញ​ពួកគាត់​ជាង ៣០០ នាក់ មកពី​សមាគម​ស៊ីក្លូ​កម្ពុជា ដោយ​ទទួលទាន​អាហារ មួយពេល នៅ​ភោជនីយដ្ឋាន វី​ហ្វ្រេ​ន វេលាម៉ោង 5 ល្ងាច ក្នុងទីតាំង សាខា ឫស្សីកែវ ស្ពានបាឡេ។ ក្រោយពី​ការទទួល​ទាន​អាហារ​នោះ ក៏មាន​ថែម​អំណោយ ជា​សម្ភារៈ បន្ថែម​រួមជាមួយ​នឹង​ថវិកា​ផងដែរ​។​

ករុណា ប្រាប់ពីគោលបំណងថា នៅ​ថ្ងៃ​៤ កុម្ភៈ ខាងមុខ នេះ លោកតាៗ​ធាក់​ស៊ីក្លូ និង​បាន​ពិសា​អាហារ​មួយពេល ដែលមាន​រស់ជាតិ​ឈ្ងុយឆ្ងាញ់ ដូច​ម្ហូប​តុ​ការ ដូចជា បង្គារ​ខ្ទិះ ឆា​ក្តាមថ្ម តុង​យាំ​បង្គារ ប្រហិត​ត្រី​ឆ្លាត​ចៀន មាន់​ដុត​ស្រែ​+​ប្រហុក​ឆៅ បង្អែម និង​ផ្លែឈើ រួម​ជាមួយនឹង​កញ្ចប់​ថវិកា និង​សម្ភារៈ​មួយចំនួនទៀត​។ ករុណា ពេជ្រ ប្រាប់ថា ខ្លួន​ពិតជា​ពិបាក​ច្រើនណាស់ ដែល​បាន​ជួប​រឿង​បែបនេះ ដូច្នេះហើយ ទើប​ចង់​ធ្វើបុណ្យ​ដាក់​ទាន ជាមួយនឹង​ឳ​ពុក​គេ (​តា​ធាក់​ស៊ីក្លូ​) លោក​បញ្ជាក់ថា ឃើញ​ឳ​ពុក​របស់គេ អាច​ហូបចុក​បាន ប៉ុន្តែ​បែ​ជា​គ្មាន​លទ្ធភាព​គ្រប់គ្រាន់ សម្រាប់​ហូប​ឆ្ងាញ់ៗ ចំណែក​ឳ​ពុក​របស់ខ្លួន មាន​ទ្រព្យធន អាច​ហូបចុក​បាន ប៉ុន្តែ​បែ​ជា​ហូប​មិនបាន ដូច្នេះ​លោក​ថា មាន​អារម្មណ៍​កក់ក្តៅ និង​សប្បាយចិត្ត ដែល​បាន​ចែករំលែក​ទាន បែបនេះ ចំពោះ​មនុស្ស​ចាស់ៗ ដូច​ជាតាៗ​ធាក់​ស៊ីក្លូ​។​​

លោក ករុណា ពេជ្រ បានបញ្ជាក់ទៀតថា លោកពិតជាចង់ធ្វើបុណ្យ ចែកទានដល់ពួកគាត់ ដែលនៅមានកម្លាំង អាចទទួលទានអាហារបាន ខណៈដែលឪពុករបស់លោកកំពុងឈឺ និងមិនអាចពិសារអ្វីបាន ទើបលោកចេះតែនឹកឃើញឪពុករបស់គេ ដែលនៅទទួលទានអាហារបាន។ «ខ្ញុំឃើញពួកគាត់ពិសារអ្វីបាន ខ្ញុំនឹកឃើញដល់ប៉ារបស់ខ្ញុំ ដែលកំពុងឈឺមិនអាចហូបបាន ខ្ញុំចង់ឲ្យពួកគាត់ហូបឆ្ងាញ់..! ទោះបីជាការហូបមួយពេលជុំគ្នានេះ មានរយៈពេលខ្លីមែន ប៉ុន្តែបានបញ្ជាក់ពីក្ដីស្រឡាញ់ ចំពោះពួកគាត់ដែលមានវ័យចាស់ៗ ហើយនៅតែត្រដបញ្ចេញកម្លាំង ប្រកបរបរធាក់ស៊ីក្លូរកលុយចិញ្ចឹមជីវិត..!»។

ថ្មីៗនេះតារាចម្រៀងស្រីល្បីឈ្មោះកញ្ញា អែន ជេឡា បានបង្ហាញវត្តមានត្រឡប់ចូលសិល្បៈវិញដែលធ្វើឱ្យអ្នកគាំទ្ររំភើបខ្លាំងមែនទែន។ កញ្ញាបានបញ្ចេញវីដេអូបទចម្រៀង«ពេលជួបពេលឃ្លាតពិបាកដូចគ្នា» នៅលើបណ្ដាញសង្គមហ្វេសប៊ុកនិងយូធូប ជាការច្រៀងថ្មីឡើងវិញ ដើម្បីបើកទំព័រអាជីពតារាចម្រៀងថ្មីម្ដងទៀត។ ការវិលមកវិញរបស់កញ្ញា អែន ជេឡា នៅតែធ្វើឱ្យមហាជនអ្នកគាំទ្រសង្ស័យមូលហេតុពិត នៃការផ្អាកពីសិល្បៈរបស់កញ្ញា តើកញ្ញាមានមូលហេតុអ្វី បានជាស្ងាត់ឈឺងបែបនេះពីសិល្បៈ?

នៅថ្ងៃទី១ខែកុម្ភៈ ឆ្នាំ២០២១នេះ កញ្ញា អែន ជេឡា បានប្រាប់សារព័ត៌មានឡារ៉ែនថា « ខ្ញុំបានផ្អាកពីសិល្បៈរយៈពេលយូរខ្លាំងមែនទែន បើគិតទៅជិត១០ទៅហើយ។ មូលហេតុពិតនៃស្ងាត់ពីសិល្បៈបែបនេះ គឺខ្ញុំចង់ដកឃ្លាបន្ដការសិក្សាឱ្យចប់សព្វគ្រប់ និងទទួលបានការថ្មីដែលល្អប្រសើមួយសម្រាប់ខ្លួន។ ហេតុផលមួយទៀតនោះគឺ កាលដែលខ្ញុំចូលសិល្បៈ នៅពេលនោះខ្ញុំមានវ័យក្មេង ខាងក្រុមគ្រួសារខ្ញុំតែងតែណែនាំឱ្យបន្ដការសិក្សាឱ្យចប់ដើមចប់ចុងសិន ពួកគាត់មិនសូវចង់ឱ្យខ្ញុំភ្លើតភ្លើន ឬប្រឡូកសិល្បៈដោយបោះបង់ការសិក្សាររបស់ខ្លួននោះទេ»។

ម្ចាស់បទ «ទោះវេលាមិនស័ក្ដសម» រូបនេះបានបន្ដទៀតថា «ការវិលត្រឡប់មកវិញនេះ គឺខ្ញុំនឹករលឹកដល់អ្នកគាំទ្រខ្លាំងមែន ព្រោះខ្ញុំបានបែកពីពួកគាត់យូរខ្លាំងដូចគ្នា។ ហេតុផលនៃការសម្រេចចិត្តបង្ហាញមុខក្នុងសិល្បៈវិញ គឺខ្ញុំគិតថា នៅពេលនេះខ្ញុំមានភាពចាស់ទុំជាងមុន មានការគិតច្រើន មានការងារធ្វើល្អមួយហើយ និងបានបញ្ចប់ការសិក្សាអស់ហើយ។ ខ្ញុំបានតាំងជំហរថ្មីសម្រាប់គោលដៅសិល្បៈនេះ ដោយបានបង្កើតឆាណែលយូធូបខ្លួនឯងមានឈ្មោះ Angella -Official និងមានហ្វេសប៊ុកផេក Angella-អែនជេឡា។ ចម្រៀងដំបូងនេះខ្ញុំបាននាំអារម្មណ៍របស់ហ្វេនឱ្យវិលទៅកាន់អតីតកាល កាលពី៨ឆ្នាំមុន ដែលអ្នកទាំងអស់ស្រឡាញ់នឹងគាំទ្ររូបនាងខ្ញុំ»។

កញ្ញា អែន ជេឡា បានប្រាប់សារព័ត៌មានឡារ៉ែនទៀតថា « កន្លងមកមានផលិតកម្មជាច្រើនទាក់ទងឱ្យនាងខ្ញុំទៅច្រៀងវិញ តែនៅពេលនេះនាងខ្ញុំចេះតែស្ងាត់ ដោយសារតែផ្ដោតសំខាន់លើការសិក្សា។ ឥលូវនេះនាងខ្ញុំបានផលិតបទចម្រៀងដោយខ្លួនឯង ហើយនាងខ្ញុំនឹងរៀបចំគោលដៅថ្មីលើវិថីសិល្បៈ។ ខ្ញុំនឹងមានបទមនោសញ្ចេតនាច្រើនបទទៀត ត្រៀមបង្ហាញអ្នកគាំទ្ររបស់នាងខ្ញុំ។ នាងខ្ញុំសង្ឃឹមថា ហ្វេនគ្រប់គ្នានៅតែស្រឡាញ់និងចង់ស្ដាប់បទនាងខ្ញុំនៅក្នុងបេះដូងដដែរ។ ខ្ញុំក៏សូមអរគុណដល់សារព័ត៌មានឡារ៉ែន ដែលបានសម្ភាសន៍ការបកស្រាយរបស់នាងខ្ញុំ សង្ឃឹមថា អ្នកគាំទ្រទាំងអស់បានយល់ការពិត និងនៅតែស្រឡាញ់សំឡេងរបស់នាងខ្ញុំដូចមុន»៕

ទស្សនាបទចម្រៀង ពេលជួប ពេលឃ្លាតពិបាកដូចគ្នា(cover) -​ អែនជេឡា៖

ប្រាសាទ ដាវីន បាន​សម្រាល​កូន​ស្រី​ដ៏​គួរ​ឲ្យ​ស្រឡាញ់​ម្នាក់​កាល​ពី​ថ្ងៃទី ១៨ ខែ ​សីហា ឆ្នាំ ២០២០ ​​ខណៈ​​នាង​ក៏​​បាន​បង្ហោះ​សារ​តាម​ហ្វេសប៊ុក​​​ខ្លួន​ ជា​សាធារណៈ​​​​បាន​ឲ្យដឹង​ដែរ​​ថា កូនស្រី​ដ៏​​គួរឱ្យ​ក្នាញ់​របស់​ខ្លួន​នោះ​បាន​ចាប់​កំណើត​នៅ​ព្រឹក​​ម៉ោង ១០ និង ៣ នាទី ​​មាន​ទម្ងន់ ៤,២ គីឡូក្រាម​ និង​ត្រូវ​បាន​ដាក់​ឈ្មោះ​ឱ្យ​​ថា Kiami Grintal​។

អតីត Freshie Girl ចំណាត់​ថ្នាក់​លេខ ៣ កាល​ពី​ឆ្នាំ ២០០៥ មាន​រាង​ខ្ពស់​​ស្រឡះ សម្បុរ​ខ្មៅ​ស្រអែមរូបនេះ បាន​​វិល​​ត្រឡប់​មក​ប្រឡូក​សិល្បៈ​វិញ​ហើយ ដោយថ្មីៗនេះគេឃើញនាងចេញថតផលិតផល និងថតសម្អាងការជាញឹកញាប់។ កាលពីពេលកន្លងទៅ ប្រាសាទ ដាវីន ធ្លាប់​បញ្ជាក់​ប្រាប់​អ្នកសារពត៌មានក្នុងស្រុក​​ថា ការមក​ស្រុក​ខ្មែរ​លើក​នេះ ក៏​មាន​ក្រុមហ៊ុន និង​ផលិតកម្ម​នានា មក​សួរ​នាំ​ចង់​ហៅ​​ទៅ​​ថត​កុន​ដែរ តែ​នាង​​មិន​អាច​ទទួល​បាន​ឡើយ សម្រាប់​​ការ​ថត​កុន ដោយសារ​ខ្លាច​ប៉ះពាល់​ពេល ការ​ត្រូវឡើងចុះទៅ​ក្រៅ​ប្រទេស​វិញ​ ទើប​មិន​ហ៊ាន​ទទួល​ថត​​។ ដូច្នេះ​​ទើបនាង​ទទួលតែ​​ការងារ​​សិល្បៈ​​បែប​​មាន​រយៈពេល​ខ្លីៗ​ដូចជា​ថត​សម្អាងការ និង​ថត​ស្ប៉ត​ពាណិជ្ជកម្ម​នានា​តែប៉ុណ្ណោះ។

អ្នកនាង ​ប្រាសាទ ដាវីន ត្រូវគេកត់សម្កាល់ថា មាន​វត្តមាន​​ក្នុង​ប្រទេស​កម្ពុជាយូរជាងមុនៗ ដោយការត្រឡប់មកលើកនេះត្រូវគេ​សម្គាល់ថា​នាងបានចូលរួម​ថត​​​ស្ប៉ត​​ពាណិជ្ជកម្ម​ និង​ថត​​សម្អាង​ការ​​​ជា​រឿយៗ​​ មិន​សូវ​​ដាច់ឡើយ ហើយ​​ទំនងជា​មាន​​គម្រោង​​ការ​ច្បាស់​លាស់ ​មក​ប្រឡូក​សិល្បៈ​​វិញ​ ក្រោយ​ពី​មាន​​ម្ចាស់​​ចិត្ត​ជា​​ជន​​បរទេស​នៅ​​លើ​​​ទឹកដី​​កំណើត​ខ្លួន​ និង​​មាន​ចំណង​ស្នេហ៍​កូន​ស្រី​គួរ​ឱ្យ​ស្រឡាញ់​​​។