Author: អេបិល

ផ្ទុះការសង្ស័យ!! G-Devith បញ្ចេញបទល្បីកប់ តែមិនមែននៅក្នុងទ្រនំហង្សមាស
នៅពេលថ្មីៗនេះ តារាចម្រៀងប្រុសនៅក្នុងផលិតកម្មរស្មីហង្សមាស គឺលោក G-Devith បានបញ្ចេញបទចម្រៀងថ្មីរបស់ខ្លួនទាំងនៅលើបណ្ដាញសង្គមហ្វេសប៊ុក និងយូធូប ដែលបទនោះមានចំណងជើងថា «BODY» ដែលមានការសម្ដែងដោយរូបលោកផ្ទាល់ជាមួយនឹងកញ្ញា ទេព បូព្រឹក្ស។ អ្វីដែលកាន់តែធ្វើឱ្យមានភាពទាក់ទាញបំផុតរបស់បទចម្រៀងនេះគឺការបកស្រាយជាភាសាខ្មែរ និងជាភាសាថៃ ដែលមាន Version 2 ដាច់ដោយឡែកផ្សេងគ្នា ជាប្រភេទ Original Song។
គួរកត់សម្គាល់ដែរថា បទចម្រៀងដ៏ថ្មីសន្លាងមួយបទនេះ មិនត្រឹមតែមានភាពល្បីល្បាញនៅក្នុងស្រុកតែប៉ុណ្ណោះទេ តែក៏ទទួលបានការគាំទ្រនៅក្នុងប្រទេសថៃដូចគ្នាផងដែរ រហូតដល់មានអ្នកគាំទ្រជនជាតិថៃបានចូលមកសរសើរ និងគាំទ្រ G-Devith យ៉ាងពេញទំហឹងទៀតផង។ ទន្ទឹមនឹងការគាំទ្រយ៉ាងភ្លូកទឹកភ្លូកដីបែបនេះ ក៏នៅមានផ្ទុះការសង្ស័យពីសំណាក់មហាជនដែលបានបង្ហើបថា «ហេតុអ្វីបទចម្រៀងល្បីមួយបទនេះមិនមែននៅក្នុងផលិតកម្មរស្មីហង្សមាស តែបែរជាបទ Original Song នៅក្នុងគណនីយូធូបផ្ទាល់របស់លោកទៅវិញ?»។
ស្របពេលជោគជ័យយ៉ាងខ្លាំងរបស់តារាចម្រៀង G-Devith បច្ចុប្បន្ននេះគេមើលឃើញថា លោកមានភាពមមាញឹកច្រើន ចំពោះការគ្រប់ការងារសិល្បៈ និងជំនួញរួមគ្នាជាមួយកញ្ញា ទេព បូព្រឹក្ស ក្នុងការបើកហាងផលិតផលគ្រឿងសម្អាងសម្រាប់បុរសនារីពីរោងចក្រនៅប្រទេស សាំងហ្គាពួរផ្ទាល់(Cosmetic)ឈ្មោះ ទេព បូព្រឹក្ស ជាអក្សរកាត់ ” XTBP” និងមានសម្លៀកបំពាក់ និងមួកផងដែរ ហើយហាងពួកគេមានឈ្មោះ Dit-Way Shop ដែលបានចំណាយទឹកប្រាក់សរុប 14ម៉ឺនដុល្លារអាមេរិក ដោយហ៊ុនគ្នាម្នាក់ 50%៕

July 18, 2018
កម្មវីធីចាប់រង្វាន់អាហារូបករណ៍ថ្នាំដុសធ្មេញ Colgate ឆ្នាំ2018 លើកទី2ស្ថិតនៅផ្សាររាត្រី ទីរួមខេត្តកំពងស្ពឺ
កាលពីថ្ងៃសៅរ៍ ទី14 ខែកក្កដា ឆ្នាំ2018 ក្រុមហ៊ុន ខលហ្គេត បានរៀបចំកម្មវិធីចាប់រង្វាន់ អាហារូបករណ៍លើកទី2របស់ខ្លួន ស្ថិតនៅបរិវេណផ្សាររាត្រី ទីរួមខេត្តកំពង់ស្ពឺ និងបានរកឃើញ អ្នកឈ្នះរង្វាន់ ចំនួន37រូបបន្ដែមទៀត។ នៅក្នុងកម្មវីធីនេះក៏មានកម្មវិធីលេងល្បែងកំសាន្តសប្បាយៗ ដើម្បីឈ្នះរង្វាន់ អនុស្សាវរីយ៍ជាច្រើន និងការលក់ជូនពិសេសដល់អតិថិជនផងដែរ។
យុទ្ធនាការនេះផ្តល់ឱកាសដល់ប្រជាជនកម្ពុជា ជាពិសេសមាតាបិតាដែលធ្លាប់តែបារម្ភណ៍ពីការសិក្សារបស់កូនៗ និងសិស្សានុសិស្សដែលកំពុងតែបារម្ភណ៍ពីការសិក្សារបស់ខ្លួន។ ឥឡូវនេះអតិថិជនទាំងអស់ នឹងមានឱកាសឈ្នះរង្វាន់ជាអាហារូបករណ៍ដែលមានតម្លៃសរុប 240លានរៀល។ គោលបំណងរបស់ ក្រុមហ៊ុន ខលហ្គេត នៅក្នុងយុទ្ធនាការនេះគឺដើម្បីផ្តល់នូវឱកាសដល់កុមារកម្ពុជាឲ្យមានការអប់រំកាន់តែប្រសើរ និងមានអនាគតរុងរឿង។
កម្មវិធីចាប់រង្វាន់អាហារូបករណ៍លើកចុងក្រោយនឹងមកដល់ឆាប់ៗនេះ! ដូច្នេះសូមកុំឲ្យឱកាសឈ្នះរង្វាន់ នេះរំលងឲ្យសោះ។ រង្វាន់អាហារូបករណ៍៣៧រង្វាន់ផ្សេងទៀតកំពុងរង់ចាំអ្នក ដូច្នេះប្រញាប់ឡើង! កម្មវិធីចាប់ រង្វាន់អាហារូបករណ៍លើកចុងក្រោយនឹងប្រព្រឹត្តទៅនៅថ្ងៃទី18 ខែសីហា ឆ្នាំ2018 ស្ថិតនៅ Lively Plaza Aeon Mall រាជធានីភ្នំពេញ នឹងមានកម្មវិធីលេងល្បែងកំសាន្តសប្បាយៗដើម្បីឈ្នះរង្វាន់អនុស្សាវរីយ៍ជាច្រើន និងការចូលរួមសម្តែងរបស់តារាកិត្តិយសផងដែរ។
ប្រញាប់ឡើង! ឱកាសឈ្នះរង្វាន់អាហារូបករណ៍លើកចុងក្រោយកំពុងរង់ចាំអ្នក ដោយគ្រាន់តែ សរសេរឈ្មោះ លេខទូរស័ព្ទ និងអាសយដ្ឋាន លើសំបកប្រអប់ថ្នាំដុសធ្មេញ ខលហ្គេត ឬ សំបកច្រាសដុសធ្មេញ ខលហ្គេត គ្រប់ប្រភេទ រួចយកទៅដាក់ក្នុងធុងឆ្នោតដែលនៅជិតអ្នក ចាប់ពីថ្ងៃនេះរហូតដល់ថ្ងៃទី31 ខែកក្កដា ឆ្នាំ2018។ សម្រាប់ព័ត៌មានបន្ថែម សូមមើលលើប្រអប់ថ្នាំដុសធ្មេញ ខលហ្គេត ឬទំនាក់ទំនងទៅលេខ 017 891 00។
ក្រុមហ៊ុន ខលហ្គេត សន្យានឹងជួយបន្តការគាំទ្រចំពោះយុទ្ធនាការសំខាន់ៗដើម្បីផ្តល់នូវ
ឱកាសដល់កុមារកម្ពុជាឲ្យមានការអប់រំកាន់តែប្រសើរនិងមានអនាគតរុងរឿង។
ខលហ្គេត ផ្គត់ផ្គង់ការសិក្សារកុមារកម្ពុជាឲ្យមានអនាគតកាន់តែប្រសើរ។

July 18, 2018
មិននឹកស្មានថា ស៊ូ ស៊ីរិកា លះបង់ដើម្បីសិល្បៈដល់ថ្នាក់ហ្នឹងសោះ…
តាមរយៈបណ្ដាញទំនាក់ទំនងសង្គមហ្វេសប៊ុកនៅពេលថ្មីៗនេះបានឱ្យដឹងថា តារាចម្រៀង ស៊ូ ស៊ីរិកា បានព្យាយាមលះបង់ជាច្រើនក្នុងការថតបទចម្រៀងដែលមានលាយឡំជាមួយសាច់រឿងខ្លី រហូតភ្លាត់ស្នៀតធ្វើនាងលង់ទឹកមែនទែនទៀតផង តែយ៉ាងណាក៏ដោយ ក៏ក្រុមការងារបានជួយសង្គ្រោះនាងទាន់ពេលវេលាដែរ។ ចម្រៀងមួយបទនោះមានចំណងជើងថា «ឧបសគ្គស្នេហ៍» ដឹកនាំសម្ដែងដោយលោក រិទ្ធ អូមេហ្កា នៅក្នុងផលិតកម្មថោន។
តាមរយៈវីដេអូដែលបានបង្ហោះនៅលើបណ្ដាញសង្គមនេះត្រូវបានគេមើលឃើញថា ពិតជាគួរឱ្យអាណិតអាសូរតារាស្រីរូបនេះខ្លាំងណាស់នៅពេលដែលនាងកំពុងឈ្លក់ទឹកអាងយ៉ាងខ្លាំង។ រឿងលង់ទឹកនេះហាក់មិនទាន់ស្ងប់បានប៉ុន្មានផងស្រាប់តែនៅថ្ងៃនេះគេឃើញម្ចាស់បទ «ស្រលាញ់បង លើសហើយ» រូបនេះបានបង្ហាញរូបភាពដ៏គួរអាសូរប៉ុន្មានសន្លឹកទៀត ដែលគេមើលឃើញថា ខ្នងរបស់នាងបានរបកស្បែកមកទាំងផ្ទាំងៗ ហាក់បីដូចជាកើតប្រតិកម្មចាញ់កម្ដៅថ្ងៃ។ នាងបានសរសេរសារយ៉ាងខ្លីថា «ឧបសគ្គស្នេហ៍មានច្រើនរសជាតិណាស់ របកស្បែក លង់ទឹក បាក់ដៃនឹងមាននៅវគ្គបន្ត»។
ដើម្បីឱ្យកាន់តែជាក់ច្បាស់ថា តើតារាស្រីរូបនេះគួរឱ្យអាណិតអាសូរដល់កម្រិតណានោះ សូមទស្សនាវីដេអូសកម្មភាពក្រៅឆាកខាងក្រោមនេះ៖
July 18, 2018
ចំណាត់ថ្នាក់តារាសម្ដែង 10រូប ដែលមានទ្រព្យសម្បត្តិច្រើនជាងគេលើពិភពលោកក្នុងឆ្នាំ2018
តាមរយៈសារព័ត៌មាន MThai ដែលចេញផ្សាយនៅពេលថ្មីៗនេះបានឱ្យដឹងថា ការចាត់ចំណាត់ថ្នាក់តារាសម្ដែងហូលីវូដដែលមានទ្រព្យច្រើនជាងគេលើពិភពលោករបស់គេហទំព័រ Forbes នៅក្នុងឆ្នាំ 2018 នេះបានឱ្យដឹងថា មានតារាសម្ដែង កីឡាករ អ្នកជំនួញទាំងអស់ចំនួន 100នាក់ ដែលជាប់ក្នុងចំណាត់ថ្នាក់អ្នកមានទ្រព្យសម្បត្តិច្រើនជាងគេលើពិភពលោក។ ការចាត់ចំណាត់ថ្នាក់នេះ ត្រូវបានគណនាតាមរយៈទ្រព្យសម្បត្តិដែលទទួលបានច្រើនចាប់តាំងពីថ្ងៃទី1 ខែមិថុនា ឆ្នាំ2017 រហូតដល់ថ្ងៃទី1 ខែមិថុនា ឆ្នាំ2018(រយៈពេល 1ឆ្នាំ) ដែលនៅក្នុងចំណោមនោះ គេសង្កេតឃើញមានតារាសម្ដែងចំនួន 10រូប ស្ថិតនៅលំដាប់លេខរៀងកំពូលៗដែរ។
អ្នកដែលស្ថិតនៅលំដាប់លេខរៀងទី1 នោះគឺ Floyd Mayweather ជាកីឡាករប្រដាល់ជនជាតិអាមេរិក វ័យ 41ឆ្នាំ មានទ្រព្យសម្បត្តិដល់ទៅ 285 លានដុល្លារសហរដ្ឋអាមេរិក។
លំដាប់ទី2 ) លោក George Clooney
ជាតារាសម្ដែងវ័យ 57ឆ្នាំ មានទ្រព្យសម្បត្តិ 239លានដុល្លារសហរដ្ឋអាមេរិក។
លំដាប់ទី3 ) Kylie Jenner
ជាតារាម៉ូដែល និងជាអ្នកជំនួញវ័យ 20ឆ្នាំ មានទ្រព្យសម្បត្តិ 166.5លានដុល្លារសហរដ្ឋអាមេរិក។
លំដាប់ទី4) លោក Dwayne Johnson(The Rock)
ជាកីឡាករ-តារាសម្ដែងវ័យ 46ឆ្នាំ មានទ្រព្យសម្បត្តិ 124លានដុល្លារសហរដ្ឋអាមេរិក។
លំដាប់ទី5) U2
ជាតន្ត្រីករដែលមានទ្រព្យសម្បត្តិ 118លានដុល្លារសហរដ្ឋអាមេរិក។
លំដាប់ទី6 ) លោក Coldplay
ជាតន្ត្រីករមានទ្រព្យសម្បត្តិ 115.5 លានដុល្លារសហរដ្ឋអាមេរិក។
លំដាប់ទី7 ) លោក Ed Sheeran
ជាតារាចម្រៀងវ័យ 27ឆ្នាំ មានទ្រព្យសម្បត្តិ 110លានដុល្លារសហរដ្ឋអាមេរិក។
លំដាប់ទី8 ) លោក Bruno Mars
ជាតារាចម្រៀងវ័យ 32ឆ្នាំ មានទ្រព្យសម្បត្តិ 100លានដុល្លារសហរដ្ឋអាមេរិក។
លំដាប់ទី9 ) Katy Perry
ជាតារាចម្រៀងវ័យ 33ឆ្នាំ មានទ្រព្យសម្បត្តិ 83លានដុល្លារសហរដ្ឋអាមេរិក។
និងអ្នកដែលជាប់លំដាប់ថ្នាក់ក្រោម10 មាន៖
លំដាប់ទី20 ) Robert Downey Jr.(Iron man)
ជាតារាសម្ដែងវ័យ 57ឆ្នាំ មានទ្រព្យសម្បត្តិ 81លានដុល្លារសហរដ្ឋអាមេរិក។
និងលំដាប់ទី21 ) Taylor Swift
ជាតារាចម្រៀងវ័យ 28ឆ្នាំ មានទ្រព្យសម្បត្តិ 80លានដុល្លារសហរដ្ឋអាមេរិក៕
July 18, 2018
ក្ដុកក្តួលអារម្មណ៍!! កូនស្រីកវី អ៊ុំ ដរ៉ា សម្រក់ទឹកភ្នែករៀបរាប់ស្ថានភាពជំងឺឪពុក
កញ្ញា សំ ថារ័ត្ន ដែលគេស្គាល់ថាជាកីឡាការិនីថ្នាក់ជាតិផ្នែកល្បុក្កតោ និងជាតួស្រីនៅក្នុងរឿង « ការពារឧក្រិដ្ឋជន » ក៏ត្រូវជាកូនស្រីកវីល្បីឈ្មោះ លោក អ៊ុំ ដរ៉ា បានពោលពាក្យយ៉ាងកម្សត់លាយឡំដោយទឹកភ្នែក ព្រោះតែស្ថានភាពជំងឺឪពុកហាក់មិនធូរស្បើយ។ ទោះជាយ៉ាងណានាងនៅតែមិនទាន់អស់សង្ឃឹម ទេគឺនៅតែបន្តព្យាយាមស្វែងរកការព្យាបាលព្រោះតែសង្ឃឹមថាឪពុកនឹងអាចងើបឈរឡើងវិញបាន។
ម្ចាស់និពន្ធបទ « បិតាវីយូឡុង» លោក អ៊ុំ ដរ៉ា ធ្លាប់ល្បីឈ្មោះខ្លាំង នៅក្នុងអំឡុងទសវត្សឆ្នាំ60 លោកបាននិពន្ធបទចម្រៀងជាច្រើន ហើយបទចម្រៀងដែលល្បាញខ្លាំងរហូតមកដល់បច្ចុប្បន្នមានដូចជា បទចម្រៀងរបស់លោកសិន ស៊ីសាមុតមានបទ« រូបអូនហ្នឹងហើយ» និង « ថ្ងៃណាមានសង្ឃឹម» បទច្រៀងដោយអ្នកស្រី រស់ សេរីសុទ្ធា មានបទ« ឈប់ស្រលាញ់អូនទៅ », «នេះឬផលបុណ្យ? », « ស្រលាញ់អូនដល់ណា» ,«ចាស់ជូរឯម» ជាដើម។ ភាពល្បីល្បាញរបស់លោកហាក់មិនបានធ្វើឲ្យជីវភាពរស់ក្នុងភាពស្រណុកសុខស្រួលសមនិងកេរ្តិ៍ឈ្មោះសោះព្រោះតែវ័យឈានដល់79ឆ្នាំ ហើយក៏ កំពុងមានជំងឺប្រចាំកាយឈឺផ្នែកឆ្អឹងត្រគាក ខាងឆ្វេងដើរមិនរួចជាច្រើនឆ្នាំមកហើយ។ ទោះបីជាមានជំងឺប្រចាំកាយជាយូរ កូនស្រីកវីឆ្នើមរូបនេះថ្លែងទាំងមិនអស់សង្ឃឹមថានាង និងក្រុមគ្រួសារបានសម្រេចចិត្តសាជាថ្មី ដែលផ្ដល់ការព្យាបាលឆ្អឹង ឪពុកនាង ទៅអោយលោកវេជ្ជបណ្ឌិតខ្មែរបុរាណ ព្រោះថាទៅមើលពេទ្យវិទ្យាសាស្ត្រ គេលែងទទួលព្យាបាលឆ្អឹងលោកពុកហើយ ដោយសារពុកចាស់ជ្រុល ហើយខ្សោយមិនអាចទប់ទល់បាននូវការអនុវត្តព្យាបាលរបស់ពេទ្យទេ។ ដូច្នេះ មានតែវិធីអាគមផ្សំអាយុ ដែលប្រហែលនឹងអាចជួយឪពុកនាងបាន។ នាងថាថ្លៃព្យាបាលក៏អស់មិនតិចដែរអាចដល់ទៅ 2ពាន់ដុល្លារអាមេរិកឯណោះ។
ទោះបីជាមិនមានលទ្ធភាពប៉ុន្តែនាងចង់តស៊ូនឹងការងារជាច្រើនតាមតែអាចធ្វើបានព្រោះតែកូនៗចង់ឃើញឪពុកឈរបាន មានតែត្រូវប្រឹងរកលុយ។ ទោះបីជានាងស្ថានភាពជំងឺឪពុកមិនដូចដើម100 ភាគរយ ក៏យ៉ាងហោចណាស់ ក៏អាចធ្វើឱ្យឪពុកនាងបានថយការឈឺចាប់ និងក្រោកឈរបានវិញ និងចង់ឱ្យពុក អង្គុយឱ្យបានយូរ និងកូតវីយូឡុងអោយពួកនាងស្ដាប់ទៀត។ នាងថាបើឪពុកនាងឈរបានវិញមែន នាងនឹងសុំគេ ឡើងឆាកតន្ត្រីណាមួយជាមួយគ្នា ហើយឪពុកនាងលេងវីយូឡុង ហើយនាងជាអ្នកច្រៀង ។ នាងពោលទាំងទឹកភ្នែកថា «អរគុណឪពុក ដែលបានសហការជាមួយកូនអំឡុងពេលកូននៅមើលថែ ពេលដែលពុកស្ថិតក្នុងដង្ហើមផិតផើយ ប្រឹងរស់បន្តជីវិត ដើម្បីជាជនគំរូ សម្រាប់សង្គមគ្រួសារ និងប្រទេសជាតិ និងអោយកូនៗបានមើល និងរៀនសូត្រតាម ទោះបីពុកមិនបានសម្ដីវោហារស្ដីប្រដៅដូចពុកគេដទៃ តែទង្វើរ ដែលពុកបានបង្ហាញ គឺមានន័យណាស់ទៅហើយ»។
នាងបន្ដថា ស្ថានភាពគ្រួសារយើងពីមុន វេទនា ឥឡូវនេះពួកយើងបានអង្គុយគ្រាន់ សង្ឃឹមថាថ្ងៃខាងមុខ ពួកយើងនឹងបានឈរយ៉ាងស្រស់ស្រាយក្ដីសុខបំផុត។ នាងតែងត្រលប់ទៅមើលរូបថត និងអនុស្សាវរីយ៍លោកពីមុនៗ ស្រក់ទឹកភ្នែក ស្ដាយ ស្ដាយពុកប្រញាប់ធ្លាក់ខ្លួនឈឺ ពុកអត់ទាន់បានដេញធាក់កូនៗអោយរៀនភ្លេងរៀននិពន្ធអីផង។ ក៏មិនដែលឮពុកអួតប្រាប់កូនមួយម៉ាត់ថា « ឪពីមុនល្បីដែរណា! អួតមួយម៉ាត់ពីរអី អត់អាលីង»។
នាងបន្តថាលោកឪលោកម៉ែ កូនសុំទោស ដែលមិនបានដើរតាមផ្លូវឪ ឪបានចំណូលមិនឈឺសាច់ដូចកូនមែន តែឪចុករោយចង្កេះ ឈឺក្បាល ស្រ្តេស ព្រោះឪប្រើខួរក្បាលគិតច្រើន។ នាងថា” រឿងធ្វើការបំរើជាតិ គឺកូនគិតថា កូនដើរផ្លូវជាមួយឪ អ៊ីចឹង សូមឪ និងម៉ែ កុំខកចិត្តឡើយ៕
July 17, 2018
បវរកញ្ញា Miss Grand Thailand 20018 រំភើបពេកដល់ថ្នាក់ក្រាបសំពះបាតជើងឪពុកម្ដាយ
តាមរយៈសារព័ត៌មាន Khaosod ទើបចេញផ្សាយនៅពេលថ្មីៗនេះ បានឱ្យដឹងថា កម្មវិធីប្រកួតបវរកញ្ញា Miss Grand Thailand 2018 នេះបានរកឃើញម្ចាស់មកុដនារដូវកាលថ្មីនេះហើយគឺ នាង ណាំអយ ឆៈនៈផាន មានឈ្មោះហៅក្រៅ ប្អូនស្រី ម៉ស ( Moss ) ។ នាងជាបវរកញ្ញាប្រចាំឆ្នាំ 2018 ដែលទទួលបានបោះឆ្នោតគាំទ្រ និងភាពសុគ្រិតយុត្តិធម៌ពីគណៈកម្មការជាច្រើន ក្រោយពីបានឆ្លងកាត់វគ្គជម្រុះជាច្រើនជុំ។
ដោយមានក្ដីរំភើបខ្លាំងពេក បវរកញ្ញារូបនេះ បានបង្ហាញកាយវិការក្រាបសំពះបាតជើងឪពុកម្ដាយរបស់នាងនៅលើវេទិកា ដែលធ្វើឱ្យទស្សនិកជន និងសំណាក់អ្នកសារព័ត៌មានទាំងអស់មានភាពភ្ញាក់ផ្អើលចំពោះរូបនាង។ ដោយផ្អែកទៅលើការបង្ហោះសារនៅលើអ៊ីនស្ដាក្រាមរបស់នាង បានឱ្យដឹងថា « នៅទីបំផុតនៃជីវិតរបស់កូនម្នាក់នេះ បានតបស្នងគុណពុកម៉ែហើយ យើងមានផ្ទះហើយណា៎ មានឡានបន្ថែមទៀត ពុកម៉ែនិងបានសម្រាកខ្លះ ពុកម៉ែជាដួងចិត្តរបស់កូន ស្រឡាញ់ណាស់ »។ សារនេះបានបញ្ជាក់ឱ្យដឹងថា ក្រោយពីដែលនាងទទួលបានជយលាភីនេះហើយ នាងគ្រោងនឹងកសាងផ្ទះជូនឪពុកម្ដាយ។
ពិតជាកត្តញូចំពោះមាតាបិតារបស់ខ្លូនខ្លាំងណាស់ និងពិតជាគួរឱ្យសរសើចំពោះរូបនាង ដែលបានឆ្លងកាត់ឧបសគ្គនានាច្រើន រហូតបានជួយក្ដីសម្រេចប្រាថ្នាខ្លួនឯង។ គួរបញ្ជាក់ផងដែរថា សកម្មភាពរបស់បវរកញ្ញារូបនេះ បានក្លាយជាកម្លាំងបណ្ដាលចិត្តយ៉ាងខ្លាំងដល់អ្នកគាំទ្រ ឱ្យក្រោយឈរតស៊ូជាមួយបញ្ហាជីវិត ហើយងាកមកតបស្នងគុណឪពុកម្ដាយដោយមិនរាថយ បើទោះបីជាផ្លូវខាងមុនមានឧបសគ្គលំបាកជាច្រើន ៕
ที่สุดของชีวิตลูกคนนี้จะตอบแทนได้ เรามีบ้านแล้วนะ มีรถเพิ่มให้ด้วย พ่อกับแม่จะได้พักสักที ดวงใจของหนู รัก❤
A post shared by NamOey Chanaphan👑. (@moss_cnp) on Jul 15, 2018 at 3:18am PDT
July 17, 2018
តារាល្បីកូនកាត់ ឆេង ទីម៉ា បង្ហាញអារម្មណ៍ពិតលើកដំបូងក្រោយរងការរិះគន់ពេញហ្វេសប៊ុក
នៅចាំបានទេ រហ័សនាមតារាល្បីកូនកាត់ដែលមានភាពល្បីល្បាញដោយការចែកចាយពាសពេញបណ្ដាញសង្គមហ្វេសប៊ុកនោះគឺ លោក ឆេង ទីម៉ា ត្រូវបានរងនូវការរិះគន់យ៉ាងចាស់ដៃ ពីអ្នកលេងបណ្ដាញសង្គមជាមួយវីដេអូដែលមានព័ត៌មានចេញផ្សាយពីរូបសម្រស់ និងមានមុខមាត់ ស្អាតដូចកូនកាត់ ធ្វើឱ្យរូបើផលល្បីភ្លាមៗ ដែលមានអ្នកចែករំលែកវីដេអូនេះដល់ទៅរាប់ម៉ឺននាក់ឯណោះ។
សូមជម្រាបថា លោក ឆេង ទីម៉ា មានអាយុ22ឆ្នាំ ត្រូវបានមហាជនកោតសរសើរ និងរិះគន់ក្នុងពេលតែមួយដោយសារតែ បច្ចេកទេសកាត់តរូបភាព តាមរយៈកម្មវិធី Photoshop ដែលធ្វើអោយប្រិយមិត្តដែលនិយមលេងបណ្តាញ Facebook ធ្វើការស៊ែរ រួមជាមួយពាក្យថា IDOL ថែមទៀតផង។ បើទោះជាមានអ្នកគាំទ្រ និងអ្នកមិនគាំទ្រ យ៉ាងណាក៏ដោយ ប៉ុន្តែលោក ឆេង ទីម៉ា បានបង្ហាញអារម្មណ៍របស់ខ្លួនដែលត្រូវបានគេយកទៅ Troll គ្រប់ Page និងគ្រប់សារពត៌មាន នៅក្នុងកម្មវិធី “ពេញចិត្តឬអត់?”។
ចង់ដឹងកាន់តែច្បាស់ថា លោកបានបញ្ចេញអារម្មណ៍យ៉ាងម៉េចខ្លះ សូមទស្សនាវីដេអូខាងក្រោមនេះ៖
July 17, 2018
ឈាមច្រមុះ !! មាស សុខសោភា បង្ហាញរាងសិចស៊ីឡើងកប់
តារាចម្រៀងសំឡេងស្រទន់ ប្រចាំផលិតកម្មថោន កញ្ញាមាស សុខសោភា នៅពេលថ្មីៗនេះបានបង្ហាញដងខ្លួនក្នុងស្ថានភាពសិចស៊ីដ៏គួរឱ្យភ្ញាក់ផ្អើលទៀតហើយនៅលើអ៊ីនស្ដាក្រាម គ្រាដែលបានកម្សាន្ដនៅឆ្នេរសមុទ្រ ស្របពេលតារាសម្ដែងនិយមភាពសិចស៊ីជាច្រើនហាក់មានសភាពស្ងប់ស្ងាត់ក្នុងការបញ្ចេញរូបភាពសិចស៊ីរបស់ខ្លួនដើម្បីជាការទាក់ទាញប្រជាប្រិយភាពពីមហាជន ។
កន្លងមកធ្លាប់មានតារាសម្ដែងជាច្រើនបានយករូបភាពសិចស៊ីខ្លួនបង្ហោះនៅលើបណ្ដាញសង្គមហ្វេសប៊ុក ដើម្បីទទួលបានចំណាប់អារម្មណ៍ពីមហាជន។ អ្វីដែលពួកគេបានប្រឹងប្រែងធ្វើឃើញថាពិតជាមានលទ្ធផលមែន ព្រោះក្រោយពេលដែលរូបភាពរបស់ពួកគេត្រូវបានចែកចាយបន្ដគ្នា ត្រូវបានមហាជនជាច្រើនស្គាល់ពួកគេកាន់តែច្បាស់ ដូចជាកញ្ញា វ៉ាន់ វល្ល័ក សេង សូណា និងដេនីក្វាន់ ជាដើម ប៉ុន្ដែក្រោយមកសកម្មភាពទាំងនោះក៏ត្រូវបានស្ងាត់ទៅវិញដោយសារតែក្រសួងពាក់ព័ន្ធបានចាត់ចំណាត់ការប្រមានទៅលើតារាទាំងនោះឱ្យរក្សាសេចក្ដីថ្លៃថ្នូរ និងវប្បធម៌ប្រពៃណីផងដែរ។
ដោយឡែកសម្រាប់រូបភាពសិចស៊ីរបស់កញ្ញា មាស សុខសោភា ប៉ុន្មានសន្លឹកនោះអ្នកគាំទ្ររបស់នាងជាច្រើនបាន ជឿថាគ្មានចេតនាក្នុងការបង្ហាញភាពសិចស៊ីទាក់ទាញប្រជាប្រិយភាពនោះទេ តែគ្រាន់តែជាការកម្សាន្ដ និងបង្អួតដងខ្លួនចំពោះឆ្នេរសមុទ្រដ៏ខៀវស្រងាត់តែប៉ុណ្ណោះ ព្រោះបើនិយាយពីកេរ្ដិ៍ឈ្មោះក្នុងសិល្បៈវិញ សម្រាប់នាងគឺល្បីសុះសាយទៅហើយ។
គួរបញ្ជាក់ថានេះមិនមែនជាលើកទីមួយទេដែលកញ្ញា មាស សុខសោភា លេចចេញនូវរូបភាពបែបសិចស៊ី ព្រោះកន្លងមកនាងធ្លាប់បង្ហោះរូបភាពសិចស៊ីបញ្ចេញដើមទ្រូងមូលក្លំឱ្យមហាជនមានការភ្ញាក់ផ្អើលយ៉ាងខ្លាំងក្រោយមកក៏ស្ងប់ស្ងាត់។ ប្រមាណជាកន្លះឆ្នាំមុនក៏លេចចេញរូបភាពនាងស្លៀកឈុតប៊ីគីនីដេកសំដិលខ្លួនយ៉ាងរំភើយនៅជិតអាងហែលទឹក និងលើកនេះរូបភាពនាងនៅមាត់សមុទ្រម្ដងទៀត។ ទោះយ៉ាងក៏ដោយ មាស សុខសោភា ធ្លាប់បានបកស្រាយអះអាងប្រាប់សារព័ត៌មានឡារ៉ែនថា ការស្លៀកពាក់សិចស៊ីរបស់នាង គឺមានទៅតាមកាលទេសៈ មិនមែនចេះតែសិចស៊ីគ្រប់ពេលនេះទេ ៕
July 17, 2018
ក្តីស្រមៃធំមួយរបស់អាណាព្យាបាលគឺកូនទទួលបានការសិក្សាល្អ និងសុភមង្គល
គ្រប់អាណាព្យាបាលទាំងអស់ សុទ្ធតែខិតខំប្រឹងប្រែងគ្រប់លទ្ធភាពដើម្បីអនាគតរបស់កូនៗ ហើយគាត់ហ៊ានលះបង់អ្វីគ្រប់យ៉ាងដើម្បីឱ្យកូនទទួលបានការអប់រំល្អ មានសុភមង្គល និងក្លាយជាមនុស្សខ្លាំងនៅថ្ងៃអនាគត។ តែជាទូទៅ ពួកគាត់គិតថាការបញ្ចូនកូនឱ្យទៅរៀនជាវិធីគ្រប់គ្រាន់ហើយសម្រាប់ពួកគេ ខណៈស្ថានភាពជាក់ស្តែងដែលនាំឱ្យក្មេងក្លាយជាមនុស្សខ្លាំងនោះក៏ត្រូវការចាំបាច់នូវបរិស្ថានក្នុងការរស់នៅល្អ ឬគ្រួសារមួយដែលមានសុភមង្គលផងដែរ ទើបពួកគេអាចអភិវឌ្ឍសក្តានុពលប្រកបដោយថាមពលវិជ្ជមានបាន។
លោក គង់ សំនៀង ប្រធាននាយកប្រតិបត្តិការនៃក្រុមហ៊ុនវេសឡាញ អេឌ្យូខេសិន គ្រុប បានលើកឡើងថា ដើម្បីជំរុញឱ្យក្មេងក្លាយជាមនុស្សខ្លាំងបានពួកគេចាំបាច់ត្រូវទទួលបានការអប់រំល្អពីសាលាដែលមានប្រព័ន្ធអប់រំច្បាស់លាស់ និងរស់នៅក្នុងសង្គមគ្រួសារមួយដែលមានភាពកក់ក្តៅសម្រាប់ពួកគេ។ ហេតុនេះអាណាព្យាបាលចាំបាច់ត្រូវតែរក្សាឱ្យបាននូវតុល្យភាពជីវិត មានទាំងកម្រិតជីវភាពល្អ និងមានសុភមង្គលផ្ទាល់ខ្លួនផងដែរ ដើម្បីឱ្យកូនបានរស់នៅជាមួយគ្នាប្រកបដោយភាពរីករាយ ដែលអនុញ្ញាតឱ្យពួកគេខិតខំប្រឹងប្រែងរៀនសូត្រដោយមិនខ្វល់ខ្វាយច្រើនពីរឿងគ្រួសារ។ ម្យ៉ាងវិញទៀត ប្រសិនបើកូនរៀននៅសាលាល្អហើយ តែអាណាព្យាបាលតែងតែមានបញ្ហាក្នុងគ្រួសារ កូននោះក៏នឹងមិនអាចរៀនពូកែបានដែរ ហើយថែមទាំងអាចប៉ះពាល់អវិជ្ជមានសម្រាប់ការគិតរបស់ពួកគេថែមទៀតផង។
លោក គង់ សំនៀង បានមានប្រសាសន៍ថា៖ «ក្នុងការរស់នៅរបស់មនុស្សយើងម្នាក់ៗ អ្នកណាក៏មានបញ្ហាដែរ ដូចជាបញ្ហាគ្រួសារ បញ្ហាការងារ បញ្ហាអាជីវកម្ម ឬបញ្ហាផ្សេងៗទៀតដែលមិនអាចជៀសផុត។ តែស្របពេលជាមួយគ្នានេះ យើងក៏មានកាតព្វកិច្ចយ៉ាងសំខាន់មួយទៀតគឺដើរតួនាទីជាឪពុកម្តាយប្រកបដោយទំនួលខុសត្រូវខ្ពស់។ ហេតុនេះដើម្បីបំពេញតួនាទីយ៉ាងមានតម្លៃនេះបានល្អអាណាព្យាបាលចាំបាច់ត្រូវតែសិក្សាឱ្យបានច្រើនដើម្បីអភិវឌ្ឍជីវិតរស់នៅឱ្យកាន់តែប្រសើរសម្រាប់ជាគំរូដល់កូន និង កសាងសុភមង្គលគ្រួសារទាំងមូល»។
លោក គង់ សំនៀង បានលើកឡើងផងដែរថា ឆ្លើយតបជាមួយនឹងបញ្ហានេះ សាលារៀនវ៉េស្ទឡាញន៍ សាខាព្រែកលៀប នឹងផ្តល់ជូននូវកម្មវិធីសិក្សាពិសេសមួយដែលមានឈ្មោះថា កម្មវិធីអប់រំសម្រាប់គ្រួសារ ដែលផ្តល់ឱកាសឱ្យអាណាព្យាបាលបានសិក្សាពីវិធីសាស្រ្តបង្កើនសេចក្តីសុខ សុភមង្គមង្គលសម្រាប់ក្រុមគ្រួសារ កសាងទំនុកចិត្តលើខ្លួនឯងសម្រាប់បុត្រធីតា បង្កើនជំនាញ និងសម្មិទ្ធិផលក្នុងការសិក្សា ព្រមទាំងកាត់បន្ថយបញ្ហាផ្សេងៗដែលបុត្រធីតាត្រូវប្រឈមមុខនាថ្ងៃអនាគតថែមទៀតផង។ កម្មវិធីអប់រំសម្រាប់គ្រួសារគឺផ្តោតលើចំណុចសំខាន់ៗមួយចំនួនដូចជា ទី1 ទម្លាប់ទាំង7 ដ៏មានប្រសិទ្ធភាពសម្រាប់គ្រួសារ និង បុត្រធីតា ទី2 ការអភិវឌ្ឍអាជីពការងារ និងភាពជាអ្នកដឹកនាំ ទី3 ការអភិវឌ្ឍអាជីវកម្ម និងភាពជាអ្នកដឹកនាំ ទី4 ការប្រឹក្សាយោបល់អប់រំ និងចិត្តសាស្ត្រ ដល់សិស្សានុសិស្ស និងមាតាបិតាសិស្ស។
អ្នកជំនាញអប់រំខាងលើបានលើកឡើងផងដែរថា ដើម្បីទទួលបាននូវប្រភពពុទ្ធិដ៏មានតម្លៃទាំងអស់នេះអាណាព្យាបាលគ្រាន់តែចុះឈ្មោះកូនរបស់គាត់នៅសាលារៀនវ៉េស្ទឡាញន៍សាខាព្រែកលៀប ក្នុងបវេសនកាលថ្មីខាងមុខនេះគាត់នឹងអាចមានឱកាសសិក្សាពីមេរៀនសំខាន់ៗដើម្បីអភិវឌ្ឍជីវិតស្របពេលដែលកូនរបស់ពួកគាត់ទទួលបានការសិក្សាពីចំណេះជំនាញប្រកបដោយគុណភាពខ្ពស់។
លោកស្រី សូ សុភក្តិ ជាម្ចាស់អាជីវកម្ម និងជាអាណាព្យាបាលសិស្សមួយរូបបានលើកឡើងថា លោកស្រីមានការភ្ញាក់ផ្អើលនៅពេលដែលគាត់បានដឹងពីកម្មវិធី ចុះឈ្មោះសិក្សាកូនបានទាំងគ្រួសារនេះ ព្រោះលោកស្រីជាអ្នករកស៊ីផង និងជាអ្នកគ្រប់គ្រងលើកូនៗផង។ លោកស្រីសង្កត់ធ្ងន់ថាពេលខ្លះយើងម្នាក់ៗ រវល់តែគិតរឿងរកស៊ីភ្លេចគិតពីកូន ហើយពេលខ្លះគិតតែពីគ្រួសារភ្លេចគិតពីមុខរបរ ខណៈពេលខ្លះទៀតមានបញ្ហាប្រឈមច្រើនក្នុងពេលជាមួយគ្នា ដែលបណ្តាលឱ្យខ្វល់ខ្វាយច្រើន និងប៉ះពាល់ដល់ការរស់នៅ។ ប្រសិនបើកូនរបស់គាត់បានសិក្សាក្នុងសាលាល្អមួយ ហើយថែមទាំងមានកន្លែងប្រឹក្សាយោបល់ និងបន្ថែមគំនិតល្អៗដល់គាត់បន្ថែមទៀតនោះលោកស្រីនឹងមិនរារែកក្នុងការចុះឈ្មោះសម្រាប់កូននោះទេ។
លោកស្រី សូ សុភក្តិ បាននិយាយថា៖ «អាណាព្យាបាលមួយចំនួន រួមទាំងរូបខ្ញុំផង ពេលខ្លះពិតជាចង់ទទួលបានចំណេះដឹងបន្ថែមពីការពង្រីកមុខរបរ ការដឹកនាំការងារ និងគ្រួសារឱ្យកាន់តែល្អ តែនិយាយត្រង់ខ្ញុំលំបាកស្វែងរកកន្លែងរៀន និងមិនដាច់ចិត្តទៅរៀន។ ប្រសិនបើសាលារបស់កូនៗ មានបន្ថែមវគ្គទាំងអស់នេះសម្រាប់ឪពុកម្តាយ ខ្ញុំអាចរីករាយនឹងការសាកល្បង ហើយក៏អាចយកឈ្នះភាពរារែករបស់ខ្លួនឯងដែរ»។
លោកស្រី សុភក្តិ បានបន្ថែមផងដែរថា ប្រសិនបើជីវភាពរស់នៅក្នុងគ្រួសារមានសុភមង្គល និងភាពរឹងមាំផ្នែកហិរញ្ញវត្ថុនោះកូនៗក៏នឹងទទួលបាននូវឱកាស រួមទាំងភាពកក់ក្តៅច្រើនពីគ្រួសារ។ នៅពេលនោះហើយជាពេលមានសេចក្តីសុខជាងគេសម្រាប់ឪពុកម្តាយ ព្រោះគាត់នឹងអាចចំណាយពេលវេលាច្រើនក្នុងការផ្តល់ក្តីស្រឡាញ់កាន់តែច្រើនដល់កូនៗ ស្របពេលដែលគាត់មានទីប្រឹក្សាល្អនៅកន្លែងសិក្សារបស់កូនៗផ្ទាល់តែម្តង។
គួរបញ្ជាក់ផងដែរថាដើម្បីអបអរសាទរ បវេសនកាលថ្មី ឆ្នាំសិក្សា 2018-2019 ចុះឈ្មោះបុត្រធីតា នៅសាលារៀនវ៉េស្ទឡាញន៍ សាខាព្រែកលៀប ឲ្យបានមុនថ្ងៃទី 01 ខែ សីហា ឆ្នាំ 2018 លោក លោកស្រី នឹងទទួលបានការបញ្ចុះតម្លៃសិក្សា 25% មានសុពលភាពរយៈពេល 2ឆ្នាំ និង អាវយឺតដ៏ស្រស់ស្អាត 1 រួមទាំងកញ្ចប់សិក្សាសម្រាប់គ្រួសារផងដែរ ៕

July 16, 2018
មុនពេលប្រឡងបាក់ឌុបសូមមកមើលប្រការហាមឃាត់ដែលនាំឱ្យប៉ះពាល់ដល់បេក្ខជន
ការប្រឡងមធ្យមសិក្សាទុតិយភូមិ (បាក់ឌុប) ត្រូវបានរៀបចំយ៉ាងម៉ឺងម៉ាត់ ហេតុនេះដើម្បីធានាឱ្យការប្រឡងដំណើរការដោយរលូន និងមានភាពយុត្តិធម៌ ក្រសួងអប់រំ យុវជន និងកីឡា បានចេញគោលការណ៍ហាមឃាត់មួយចំនួនដើម្បីបញ្ជាក់ប្រាប់ដល់បេក្ខជនប្រឡងឱ្យមានការប្រុងប្រយ័ត្នចំពោះពេលប្រឡង។
ប្រការដែលបេក្ខជនមិនត្រូវអនុវត្តក្នុងដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិរួមមាន៖
1- មិនត្រូវមកដល់មណ្ឌលប្រឡងក្រោយជួងទី2
2- មិនត្រូវស្លៀកពាក់ឯកសណ្ឋានកងប្រដាប់អាវុធចូលក្នុងមណ្ឌលប្រឡង
3- មិនត្រូវយកសៀវភៅ និងសំណៅគ្រប់រូបភាពចូលក្នុងមណ្ឌលប្រឡង
4- មិនត្រូវយកចូលក្នុងមណ្ឌលប្រឡង ឬបន្ទប់ប្រឡងនូវអាវុធ ជាតិផ្ទុះ ទូរស័ព្ទដៃ ឧបករណ៍ អេឡិចត្រូនិកគ្រប់ប្រភេទ សៀវភៅ សំណៅឯកសារ ប្រដាប់គិតលេខ នាឡិកាដៃដែលមានប្រដាប់គិតលេខ កាតាប កាបូបយួរដៃ ថង់ សំពៀត កញ្ចប់ផ្សេងៗ និងទឹកលុបពណ៌ស
5- មិនត្រូវចូលក្នុងបន្ទប់ប្រឡង មុនពេលអនុរក្សហៅឈ្មោះ
6- មិនត្រូវប្រើពាក្យសំដី អាកប្បកិរិយាមិនសមរម្យក្នុងមណ្ឌលប្រឡង ឬបង្កជម្លោះនៅក្នុងមណ្ឌលប្រឡង ឬក្នុងបន្ទប់ប្រឡង ដោយគំរាមកំហែងលើបេក្ខជនដទៃ
7- មិនត្រូវបដិសេធ ប្រឆាំងតបត ឬបង្កបាតុភាពដោយពាក្យសំដី ដោយកាយវិការ ចំពោះការត្រួតពិនិត្យ របស់អ្នកមានសមត្ថកិច្ច ឬមេប្រយោគក្នុងការពិនិត្យ ស្រាវជ្រាវរើរកសំណៅឯកសារ និងសម្ភារផ្សេងៗ ដែលត្រូវហាមឃាត់ មិនឱ្យយកចូលក្នុងមណ្ឌលប្រឡង
8- មិនត្រូវធ្វើចម្លើយវិញ្ញាសា នៅលើសន្លឹកកិច្ចការណា ដែលគ្មានហត្ថលេខារបស់អនុរក្ស
9- មិនត្រូវចម្លងប្រធានវិញ្ញាសាចូលក្នុងក្រដាសដទៃ និងមិនត្រូវបោះប្រធានវិញ្ញាសាចេញក្រៅបន្ទប់ប្រឡងឡើយ
10- មិនត្រូវងើបឈរ ងាកឆ្វេង-ស្ដាំ អើតឈ្ងោកទៅមុខ បែរទៅក្រោយ ឬដើរចេញពីកន្លែងអង្គុយដោយគ្មានការអនុញ្ញាតពីអនុរក្ស។ មិនត្រូវសរសេរកិច្ចការហើយអានខ្លាំងៗ ឮដល់អ្នកជិតខាង ឬឆក់អូសទាញយកសន្លឹកកិច្ចការរបស់អ្នកដទៃដាក់ពីមុខ ឬដាក់ពីក្រោមសន្លឹកកិច្ចការរបស់ខ្លួនឡើយ
11- មិនត្រូវប្ដូរគ្នានូវសន្លឹកកិច្ចការ ឬក្រដាសព្រាង ឬផ្ទៀងផ្ទាត់ចម្លើយ ឬចម្លងគ្នា និងមិនត្រូវដាក់សន្លឹកកិច្ចការឆ្ងាយពីមុខរបស់ខ្លួន បង្កឱ្យអ្នកដទៃមើល ឬអូសឆក់យកបាន
12- មិនត្រូវធ្វើសញ្ញាសម្គាល់លើសន្លឹកកិច្ចការ ដើម្បីធ្វើឱ្យសម្គាល់អាគតដ្ឋានរបស់ខ្លួន ដូចជាសរសេរ អក្សរប្លែកពីតួអក្សរទាំងអស់ក្នុងកិច្ចការ ធ្វើសញ្ញាផ្សេងៗ ឬគូសបន្ទាត់ខុសប្រក្រតី ឬលុបនឹងទឹកស ឬសរសេររំលងបន្ទាត់ជាដើម
13- មិនត្រូវលាក់ ឬហែកសន្លឹកកិច្ចការរបស់ខ្លួន និងមិនត្រូវហែក ឬលាក់សន្លឹកកិច្ចការអ្នកដទៃ
14- មិនត្រូវបំផ្លាញ ឬធ្វើឱ្យខូចខាតសម្ភារៈនៅក្នុងបន្ទប់ប្រឡង ដូចជាដោះទ្វារ បង្អួច ធ្វើឱ្យរបើកជញ្ជាំងក្ដារ ធ្វើឱ្យបាក់បែកតុ កៅអី ឬក្ដារខៀនជាដើម
15- មិនត្រូវឱ្យអ្នកដទៃប្រឡងជំនួស ឬសរសេរបំពេញបន្ថែម លើសន្លឹកកិច្ចការរបស់ខ្លួនជាដាច់ខាត
16- មិនត្រូវប្រើពាក្យសំដី និងអាកប្បកិរិយា ដែលនាំឱ្យខូចសណ្ដាប់ធ្នាប់ របៀបរៀបរយនៃការប្រឡងឬប៉ះពាល់ដល់កិត្តិយសរបស់មេប្រយោគ។
July 16, 2018