Author: អេបិល

តាមរយៈសារព័ត៌មាន Teenee ដែលចេញផ្សាយមុននេះបន្ដិចបានឱ្យដឹងថា បន្ទាប់ពីទទួលបានភាពជោគជ័យយ៉ាងខ្លាំងពីរឿងភាគបុរាណថៃ «បុព្វេសន្និវាស» ខណៈនេះ តារាសម្ដែងប្រុស ប៉ូប ថនៈវ៉ាន់ បានត្រៀមបង្ហាញខ្លួនក្នុងរឿងភាគថ្មីម្ដងទៀតហើយ ដែលនឹងសម្ដែងជាតួឯកប្រុសជាមួយតារាស្រី ទែវ ណថៈផន ដែលធ្លាប់ទទួលបានភាពជោគជ័យជាតារាស្រីឆ្នើមប្រចាំឆ្នាំ2016 ដូចគ្នា នៅក្នុងរឿងភាគ «ណាឃី» ដ៏ល្បីល្បាញ។

ក្នុងឱកាសបង្ហាញឈុតបុរាណថៃនោះ អ្នកទាំងពីរត្រូវបានអ្នកគាំទ្រលាន់មាត់សរសើរថា អ្នកទាំងពីរពិតជាស័ក្ដិសមគ្នាខ្លាំងមែនទែន បើសិនជាបានសម្ដែងរឿងភាគបុរាណជាមួយគ្នាបែបនេះមែននោះ។ គួរបញ្ជាក់ផងដែរថា រឿងភាគថ្មីមួយនេះ មានចំណងជើងថា «កែវរ៉ាហ៊ូ» ដែលដកស្រង់ចេញពីប្រលោមលោកបែបបុរាណល្បីបំផុតរបស់ប្រទេសថៃ និងគ្រោងដាក់បញ្ចាំងនាពេលឆាប់ៗខាងមុខនេះ។ តារាសម្ដែងប្រុស ប៉ូប នៅតែមានក្ដីរំពឹងទុកថា រឿងភាគថ្មីរបស់ខ្លួននឹងទទួលបានការគាំទ្រខ្លាំងជាងមុនទៅទៀត ព្រោះថា ទាំងសាច់រឿង និងអ្នកដឹកនាំរឿងមានភាពសម្រិតសម្រាំងខ្លាំងជាងរឿងមុនៗ។

សូមជម្រាបដែរថា ខណៈនេះ ប៉ូប ថនៈវ៉ាន់ បានផ្អាកការងារសម្ដែងរឿងសម័យមួយរយៈសិនហើយ ដោយងាកមកសម្រុកថតរឿងភាគបុរាណជាបន្ដបន្ទាប់មិនសម្រាកដៃឡើយ ដោយរឿងភាគមួយទៀតបន្ទាប់ពីរឿង «បុព្វេសន្និវាស» គឺរឿង «ព្រហ្មលិខិត» ដែលមានអ្នកដឹកនាំសម្ដែងរឿងតែម្នាក់៕

តាមរយៈបណ្ដាញទំនាក់ទំនងសង្គមនៅពេលថ្មីៗ គេមើលឃើញថា តារាសម្ដែងស្រី បេននី យ៉ាំង បានបង្ហាញក្ដីអាណិតអាសូរចំពោះក្មេងៗក្នុងវ័យលេង និងរៀនកំពុងមានការខ្វះខាតលទ្ធភាពថែទាំសុខភាព និងព្យាបាលជំងឺ ធ្វើឱ្យតារាស្រីរូបនេះមានអារម្មណ៍ក្ដុកក្ដួល អួលដើមក ប្រកាសស្វែងរកនៅលើហ្វេសប៊ុកផ្ទាល់ខ្លួននូវជំនួយសប្បុរសធម៌ជួយដល់ប្អូនៗ ដែលសកម្មភាពនេះធ្វើឱ្យអ្នកលេងបណ្ដាញសង្គមធំនឹកស្ងើចសរសើរពីទឺកចិត្តរបស់នាងមិនដាច់ពីមាត់។

អមជាមួយរូបភាពក្មេងស្រីម្នាក់ មានជំងឺភ្នែកចម្លែក ដោយមានដុំសាច់ដុះបែកជាប់នឹងភ្នែក មើលទៅគួរអាណិតអនេកប្លែក និងធ្ងន់ធ្ងរ តែគេមើលឃើញកញ្ញារូបល្អ បេននី យ៉ាំង ត្រកងបីនាងតូចយ៉ាងណែនខ្លាំង និងស្និទ្ធស្នាលឥតលាក់បាំងដោយក្ដីស្រឡាញ់ចាំងពីបេះដូង និងជាកម្លាំងចិត្តដល់នាងតូច ថែមទាំងនាំយកថវិកាមួយចំនួនជូនម្ដាយរបស់នាងតូច ដើម្បីឱ្យប្អូនស្រីបានព្យាបាលជំងឺចម្លែកមួយនេះទៀតផង។ បេននី យ៉ាំង បានតាំងចិត្តនិយាយយ៉ាងសម្រាំងសម្រិតលើកទឹកចិត្តនាងតូចថា «ភាពស្រស់ស្អាតគឺ មិនមែនការដែលមានមុខមាត់ស្អាតទេ គឺការមានទឹកចិត្តស្រស់ស្អាត បេះដូងស្រស់ស្អាត និងដួងព្រលឹងស្រស់ស្អាត កូនស្អាតណាស់ កូននឹងជាឆាប់ៗឱ្យមីងបានមកថើបកូនម្ដងទៀតណា៎»។  មិនមែនមានតែប្អូនស្រីក្មេងខ្ចីម្នាក់នេះទេ នៅមានពួកគេក្មេងៗច្រើននាក់ទៀតដែលបេននី កំពុងខ្មីឃ្មាត​ស្វែងរកជំនួយថែមទៀតមកជួយពួកគេ ដោយមិនត្អួញត្អែរមួយម៉ាត់ណាឡើយ។

គួរបញ្ជាក់ផងដែរថា ខណៈនេះតារាសម្ដែងស្រីដែលកំពុងពាក់ម៉ាស់ពញ្ញាក់អារម្មណ៍មហាជនរូបនេះ កំពុងស្ថិតក្នុងដំណើរដកខ្លួនថយពីសិល្បៈបន្ដិចហើយ និងបានងាកមកចូលរួមសកម្មភាពមនុស្សធម៌ជាច្រើន ក្នុងការជួយដល់បងប្អូនដែលកំពុងមានទុក្ខលំបាក និងខ្វះលទ្ធភាពក្នុងការព្យាបាលជំងឺប្រចាំកាយ។ ជាក់ស្ដែង សន្ដានចិត្តមនុស្សធម៌របស់នាង បានធ្វើឱ្យអ្នកគាំទ្រជាច្រើនងាកមកស្រឡាញ់រូបនាង និងបាននិយាយឡើងថា ដោយសារភាពសិចស៊ីរបស់នាង ទើបធ្វើឱ្យមហាជនមិនចូលចិត្តទង្វើ និងការស្លៀកពាក់របស់នាង តែខណៈនេះពួកគេគ្រប់គ្នាបានឃើញពីទឹកចិត្តរបស់នាងដោយស្មោះ និងបានពោលពាក្យថាស្រឡាញ់ ច្រើនជាងពាក្យថាស្អប់វិញហើយ៕

នៅពេលថ្មីៗនេះ តាមរយៈការ Live Video លក់ផលិតផលថែរក្សាស​ម្រស់ស្បែកនៅលើបណ្ដាញសង្គមហ្វេសប៊ុក តារាស្រីសិចស៊ី ដេននី ក្វាន់ បានបញ្ចេញរូបរាងកាយដ៏ទាក់ទាញជាមួយនឹងដើមទ្រូងដ៏មូលក្លំទ្រលុកទ្រលន់ តាមដោយក្បាលពោះដ៏រាបស្មើរលោង(ស្រមោចវារជ្រុះ) គួបផ្សំនឹងសាច់ដ៏សខ្ចីដូចបណ្ដូលចេក ដែលធ្វើឱ្យមហាជន(ភាគច្រើនប្រុសៗ) ជ្រួលជ្រើម ឈ្លក់វង្វេងនឹងសម្រស់ខ្លួនប្រាណរបស់នាងសឹងតែងើបមុខមិនរួច។

ទើបតែរួចផុតពីព្រនង់ធំរបស់ក្រសួងថ្មីៗ ស្រាប់តែពេលនេះ ដេននី ក្វាន់ បានបង្ហាញភាពសិចស៊ីក្ដៅសាច់ធ្វើឱ្យទស្សនិកជន ជាពិសេសអ្នកដែលនិយមលេងបណ្ដាញសង្គម ដកកចំហមាត់(ហៀរទឹកមាត់) មើលនាងមិនចង់ប្រិចភ្នែកនៅពេលដែលនាងកំពុង Live វីដេអូផ្សព្វផ្សាយលក់ផលិតផលខាត់ស្បែកឱ្យសក្នុងឈុតប៊ីគីនី ដោយបានបញ្ចេញដើមទ្រូងដ៏សផ្ងាវ និងមូលក្លំ សមនឹងរាងតូចស្រឡូនសខ្ចីដ៏គួរឱ្យក្នាញ់(ប្រ៊ឺ!!) ធ្វើឱ្យប្រុសៗមិនតិចនាក់ឡើយនាំគ្នាឡើងអារម្មណ៍ក្ដៅខ្លួន ឡេះឡាស់ ឆ្លេឆ្លា ពេលបានឃើញសកម្មភាពដ៏សិចស៊ីនេះ។

សូមជម្រាបផងដែរថា មិនមែនតែតារាស្រី ដេននី ក្វាន់ ម្នាក់នោះទេដែលបង្ហាញភាពសិចស៊ី ដូចដែលប្រិយមិត្តបានដឹងរួចមកហើយថា បងប្អូនតារាស្រីរូបនេះ គឺអ្នកនាង ចោម ច័ន្ទ និងប្អូនស្រី ចោម ក្វាន់ ក៏តែងតែបង្ហាញឈុតថ្មីៗបែបសិចស៊ីកប់ៗ ធ្វើឱ្យបុរសៗហូរឈាមច្រមុះដោយសារសម្រស់របស់ពួកគេទាំងពីរដែរ។ ស្រីស្អាតទាំង3 ត្រូវបានអ្នកលេងបណ្ដាញសង្គមចាត់ទុកថាជា កំពូលតារាសិចស៊ីដ៏ស្រស់ស្អាតដែលត្រូវតែតាមដានជាប់ជានិច្ចកុំឱ្យខកខាននៅលើបណ្ដាញសង្គមហ្វេប៊ុក៕

ទោះបីវ័យកាន់តែជ្រេបន្ដិចក៏ពិតមែន តែតារា​សម្តែង ​និង​ពិធី​ការិនី កែវ នីសា កាន់​តែមាន​សម្រស់​ស្រស់ស្អាត ​និង​មានការតុបតែង​ខ្លួន​ទាន់សម័យ ឃ្យូតគួរឱ្យស្រឡាញ់ខ្លាំងឡើង។ មានមហាជនជាច្រើនបានលើកមកនិយាយថា កែវ នីសា ស្រស់ស្អាត​មិន​ចាញ់​តារា​ស្រករ​ក្រោយ​ប៉ុន្មាន​ឡើយ ក៏ប៉ុន្ដែ​គួរឱ្យ​ស្តាយមួយរយៈ​ចុង​ក្រោយនេះ កែវ នីសា បែរជា​ស្ងប់ស្ងាត់​ការថត​រឿង​ទៅវិញ ។​

​កែវ នីសា ត្រូវបាន​គេ​ចាត់ទុកជា​តារា​សម្តែង​ដែលមាន​រូប​សម្រស់​ស្រស់ស្អាត​គួរឱ្យ​ស្រឡាញ់​ទោះជា​នាង​មាន​វ័យ​ច្រើន​បន្តិច​ក៏ដោយ។ តែ​ស​ម្រស់ ​និង​ការតុបតែង​ខ្លួន​របស់​នាង​ពិតជា​អត់ទ្រាំ​មិន​សរសើរ​មិនបានឡើយ។ ជាពិសេស​ចុងក្រោយ​នេះ​សម្រស់​របស់​នាង​លេចធ្លោ​ខ្លាំង​មិន​ចាញ់តារា​ប្រទេសជិតខាង​ប៉ុន្មាន​ឡើយ។ មានការ​និយាយថា ទោះជា​អាយុ​ច្រើន​មែន ​តែបើ​និយាយ​ពី​សម្រស់​របស់ កែវ នីសា វិញ គឺពិតជា​ស្អាត​អស់​ស្ទះតែម្ដង។ តែ​ក៏​មានការ​បង្ហើប​ថា កែវ នីសា ស្រស់ស្អាត​ដោយសារតែ​នាង​មាន​ការកែ​កុនបន្ថែម​តាមបែប​បច្ចេក​វិ​ទ្យា​ទំនើប​ ដែលជារឿយៗ​គេ​តែង​ឃើញនាង​ទៅ​ប្រទេស​ថៃ។

​កែវ នីសា ធ្លាប់ជា​តារា​សម្តែង​ដែលមាន​ប្រជាប្រិយភាព ​កន្លងមក​នា​ងធ្លាប់​លេចមុខ​នៅក្នុង​រឿង​ភាគ​ជាច្រើន ​ក្នុង​តំណែង​ជា​តួឯក​ស្រី។ ប៉ុន្តែ​មួយរយៈចុងក្រោយនេះ កែវ នីសា បាន​ស្ងប់ស្ងាត់​ក្នុង​ការថត​រឿង​ ដោយសារតែ​នាងបាន​ងាក​ទៅ​ចាប់យក​អាជីព​ជា​ពិធី​ការិនី​ម្តងវិញ។ មានការ​បង្ហើប​ថា ក្រៅពីតួឯក កែវ នីសា មិន​ទទួល​សម្តែង​ទេ។ ថ្វី​ត្បិត​ការងារ​មិនសូវ​មមាញឹក​ដូច​មុន​ក៏​ពិតមែន តែ​ជីវភាព​រស់នៅ​របស់​នា​ងនៅតែ​មាន​ភាព​ហ៊ឺហាដដែល។ ជារឿយៗ កែវ នីសា តែង​ចំណាយពេល​ដើរ​កម្សាន្ត​នៅ​ប្រទេសក្រៅ​ទៀតផង៕

Good night 😴😴😴😴

A post shared by Keo Nisa 🎀❤🎀 (@keonisa) on Jul 31, 2018 at 9:07am PDT

What are you thinking about Nisa ? 🤫

A post shared by Keo Nisa 🎀❤🎀 (@keonisa) on May 22, 2018 at 2:51am PDT

ម្នាក់ឯងបានហេីយ 🤣😂

A post shared by Keo Nisa 🎀❤🎀 (@keonisa) on Jun 8, 2018 at 11:13pm PDT

A post shared by Keo Nisa 🎀❤🎀 (@keonisa) on Apr 30, 2018 at 9:09pm PDT

ដូចដែលប្រិយមិត្តបានស្គាល់ហើយថា លោក ឈិន សារ៉ាត់ ជាតារាសម្ដែងមានឈ្មោះល្បីមួយរូបក្នុងប្រទេសកម្ពុជា ខណៈនេះលោកបានសម្តែងអារម្មណ៍ក្តុកក្តួលបំផុត រហូតនិយាយអួលដើមក សម្រក់ទឹកភ្នែកនៅពេលបានឃើញកុមារាម្នាក់រងគ្រោះថ្នាក់ចរាចរណ៍ និងតែមួយប៉ប្រិចភ្នែកប៉ុណ្ណោះជើងមួយចំហៀងរបស់គេ ក៏ត្រូវលោកគ្រូពេទ្យសម្រេចកាត់ចេញដើម្បីសង្រ្គោះជីវិត យ៉ាងនឹកស្មានមិនដល់។ លោក សារ៉ាត់ នឹកសោកស្តាយ និងអាណិតអាសូរកុមារាកម្សត់នោះខ្លាំងណាស់ ទើបខំប្រឹងប្រែងស្វះស្វែងរកជំនួយសប្បុរសធម៌ជួយដល់កុមាររងគ្រោះ និងក្រុមគ្រួសាររបស់គេដែលកំពុងខ្វះខាត។

តារាសម្ដែងប្រុសរូបនេះ បានប្រាប់ឱ្យដឹងថា ខ្លួនមានក្ដីតក់ស្លុតខ្លាំងមែនទែន នៅពេលឃើញកុមារាដ៍ស្រស់ស្អាតធ្លាប់តែមានរាងកាយមាំទាំពេញលក្ខណៈ បែរជាមកជួបគ្រោះអកុសល រងគ្រោះថ្នាក់រហូតត្រូវពេទ្យកាត់ជើងម្ខាង។ ក្រោយឃើញពេទ្យសម្រេចធ្វើបែបនេះហើយ និងបានឃើញក្មួយប្រុសលើកដៃសំពះសុំឱ្យគេជួយផងនោះ កាន់តែធ្វើឱ្យលោកនឹកស្រណោះខ្លាំង រហូតដល់ស្រក់ទឹកភ្នែកនិយាយទាំងអួលដើមកថា គិតមើលទៅដូចជាសុបិន្តអាក្រក់អ៊ីចឹង ធ្លាប់តែដើរបាន ជិះកង់ទៅរៀន រត់លេងកើត តែឥឡូវបែរជាមកបាត់ជើងម្ខាង សួរថា តើមានអារម្មណ៍ហេងហាង និងទទួលយកម្តេចនឹងកើតទៅ?។ ដូចនេះមានតែម្នាក់ៗខំលើកទឹកចិត្តក្មួយឱ្យច្រើន ព្រោះគ្នាគ្មានអ្វីក្រៅពីយំ​ ហើយឈឺចាប់ជាមួយមុខមាត់ស្លូតបូតដ៏គួរឱ្យអាណិតនោះទេ។ ឃើញដូច្នេះហើយ ទើបមិត្តសិល្បករមួយចំនួន និងសប្បុរសជននានាបានរួមគ្នារៃអង្គាសប្រាក់តាមសទ្ធាចូលតាមរយៈលោកជាទឹកចិត្តដើម្បីជួយដល់កុមារាកម្សត់នោះ លោកសូមអរគុណ។ តាមរយៈរូបភាពនេះលោកសូមអំពាវនាវដល់បងប្អូនទាំងអស់ គប្បីគោរពច្បាប់ចរាចរណ៍ទាំងអស់គ្នា ចៀសវាងការជួបគ្រោះថ្នាក់ដែលនឹងធ្វើឱ្យមានវិបត្តិទៅថ្ងៃក្រោយ និងបើកបរដោយការយោគយល់គ្នា និងមានសីលធម៌ល្អជាសំខាន់។

សូមជម្រាបបន្ថែមថា ក្មេង​ប្រុសកម្សត់នោះមានវ័យ 8ឆ្នាំត្រូវបានឡានធុនធ្ងន់បើកកិនពីលើជើង បណ្តាលឱ្យរងរបួសធ្ងន់ រហូតត្រូវខាងមន្ទីរពេទ្យសម្រេចកាត់ជើងដែលត្រូវរបួសនោះចេញដើម្បីសង្រ្គោះជីវិតរបស់ប្អូន ហើយពេលនេះប្អូនកំពុងតែទទួលការសង្គ្រោះបន្ទាន់នៅឯមន្ទីរពេទ្យមួយក្នុងប្រទេសវៀតណាម។ ដោយសារតែក្រុមគ្រួសាររបស់ប្អូនមានជីវភាពខ្វះខាត មិនមានថវិកាគ្រប់គ្រាន់ក្នុងការព្យាបាលរបួសដ៏ធ្ងន់ធ្ងររបស់ប្អូន ធ្វើឱ្យមហាជនជាច្រើនមិនអាចមើលនឹងភ្នែកបាន ក៏នាំគ្នាជួយស្វះស្វែងរកការឧបត្ថម្ភពីសប្បុរសជននានាជាបន្តបន្ទាប់។ បើទោះជាមានការជួយឧបត្ថម្ភ ពីសប្បុរសជននានាហើយក្ដី ប៉ុន្តែការចំណាយផ្សេងៗក៏នៅតែត្រូវការបន្ថែមនៅឡើយ ព្រោះនៅពេលនេះប្អូនប្រុស លី ហេង កំពុងស្ថិតនៅក្នុងបន្ទប់សង្គ្រោះបន្ទាន់នៅឡើយ។ ប្អូនប្រុសបានរៀបរាប់ក្នុងវីដេអូថា រូបគេមានការឈឺចាប់ខ្លាំងណាស់ សូមក្តីអាណិតមេត្តាជួយផង ព្រោះគ្រួសាររបស់គេនៅខ្វះខាតថវិកាដើម្បីបន្តការព្យាបាល៕

ពិតជាមិនមែនរឿងធម្មតាឡើយ ទម្រាំតែក្តាប់បានឱកាសមួយៗនោះ ខណៈ កញ្ញា រឿន ស៊ីណាត ដែលជាជយលាភី បរវកញ្ញាឯកកម្ពុជាចំណាត់ថ្នាក់លេខ1 ក្នុងឆ្នាំ2017 ហាក់កំពុងសម្ងំ ហាត់ពត់លន់ដុំសមត្ថភាព របស់ខ្លួនបន្ថែមទៀត ដើម្បីទៅបញ្ចេញសមត្ថភាពលើឆាកអន្តរជាតិ គឺនាងនឹងត្រៀមខ្លួនធ្វើជាបវរកញ្ញា តំណាងឱ្យប្រទេសកម្ពុជា ក្នុងកម្មវិធីប្រកួតសម្រស់ លំដាក់ថ្នាក់ពិភពលោក «Miss Universe 2018»។ យ៉ាងណាមិញ ថ្មីៗនេះ ស្រាប់តែធ្លាយដំណឹងមកថា នាងបានបង្ហាញវត្តមានក្នុងកម្មវិធីប្រកួត «Miss Universe 2018» ហើយ។

កន្លងមកកញ្ញា រឿន ស៊ីណាត ធ្លាប់ប្រាប់អ្នកសារព័ត៌មានថា ខណៈនេះ នាងកំពុងតែត្រៀមខ្លួនទៅប្រកួត Miss Universe…ខណៈបច្ចុប្បន្ននេះ មានខាងផលិតកម្មច្រើន ដែលទាក់ទងមកឱ្យនាងទៅថត MV និងថតស្ពតផងដែរ ដូចជាខាង ផលិតកម្មសាន់ដេ និងផលិតកម្ម ហង្សមាស ប៉ុន្តែមិនអាចទទួលបាន ដោយសារតែនាងវរល់នឹងត្រៀមខ្លួន ក្នុងការហាត់រៀនបន្ថែម ដើម្បីចេញទៅប្រកួត «Miss universe» ប៉ុន្តែបើត្រឡប់មកពីប្រកួតវិញ អាចនឹងទទួលបាន។

គួរបញ្ជាក់ថា ត្រូវបានមហាជនដឹងថា នាងពិតជាមានរូបសម្រស់ស្រស់ស្អាតបែបធម្មជាតិ និងពោលពេញដោយសមត្ថភាពផ្នែកដើរម៉ូត ដោយនាង គឺជាបវរកញ្ញាឯក លេខ1 របស់ប្រទេសកម្ពុជា ក្នុងកម្មវិធី «Miss Cambodia 2017» ខណៈនៅប៉ុន្មានខែខាងមុខនេះ នាងនឹងតំណាងឲ្យប្រទេសកម្ពុជា ចេញទៅប្រកួត «Miss Universe» នៅលើឆាកអន្តរជាតិ៕