Author: អេបិល

នារាត្រីថ្ងៃទី5 ខែសីហា វេលាម៉ោងប្រមាណជា11 និង20នាទី តារាសម្ដែង លោកញ៉ែម សុគន្ធ បានជួបគ្រោះថ្នាក់ចរាចរណ៍ដោយបានបើកបុករបាំងពុះចែកថ្នល់នៅត្រង់ចំណុចមួយស្ថិតនៅលើបណ្ដោយផ្លូវម៉ៅសេទុង កែងផ្លូវ193 សង្កាត់ទួលស្វាយព្រៃ2 ខណ្ឌចំការមន។

តាមប្រភពពីកន្លែងកើតហេតុបានឱ្យដឹងថា មុនពេលកើតហេតុ គេឃើញលោក ញ៉ែម សុគន្ធ បើកបរដោយផ្ទាល់នូវរថយន្តម៉ាកហាយឡែនឌ័រ ពណ៌ស្ករ ពាក់ស្លាកលេខ ភ្នំពេញ 2AK-5321 ជារថយន្តដែលលោកប្រើប្រាស់ជាប្រចាំនៅក្នុងការងារសិល្បៈ ដោយបើកពីលិចទៅកើតក្នុងល្បឿនដ៏លឿន ហើយភ្លាមនោះដោយសារតែគេចពីម៉ូតូមួយគ្រឿង រថយន្តរបស់លោកក៏ងាកក្បាលទៅបុកនឹងខឿនក្បាលនាគនៃរបាំងបែងចែកផ្លូវ បណ្ដាលឱ្យផ្ទុះពោងសុវត្ថិភាពទាំង2 ហើយរថយន្តបានរងនូវការខូចខាតផ្នែកខាងមុខយ៉ាងច្រើន។

ក្រោយពេលកើតហេតុភ្លាមៗ លោកញ៉ែម សុគន្ធ ដែលមិនមានទទួលរងគ្រោះថ្នាក់អ្វីធ្ងន់ធ្ងរទេនោះ ក៏បានគេចចេញពីទីកើតហេតុ ដោយបន្សល់ទុករថយន្តឱ្យខាងសមត្ថកិច្ចធ្វើការវាស់វែង។ មកដល់ពេលនេះ លោក ញ៉ែម សុគន្ធ នៅមិនទាន់បានផ្ដល់នូវការបកស្រាយណាមួយអំពីគ្រោះថ្នាក់ចរាចរណ៍នេះនៅឡើយទេ៕

កាលពីម្សិលមិញនេះតារាចម្រៀងសំឡេងក្រលួច ឈួន សុវណ្ណឆៃ បានរៀបចំកម្មវិធីចុះចែកអំណោយដល់កុមារកំព្រាជាច្រើនរូបនៅអង្គការបណ្តុះបណ្តាលនិងថែរក្សាកុមារកំព្រាដែលស្ថិតនៅភូមិទី1 (ដីអំបិល)ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺក្នុងបរិយាកាសរីករាយប្រកបដោយភាពស្និតស្នាលរាក់ទាក់។ នេះជាលើកទី2ហើយដែលអ្នកនាងឈួន សុវណ្ណឆៃផ្តួចផ្តើមគំនិតចុះជួយក្មួយៗកុមារកំព្រាដោយជូនដំណឹងដល់សប្បុរសជនមិត្តភក្តិជិតដិត និងអាជីវករតាមផ្សារដើម្បីបានគ្រឿងឧបភោគបរិភោគនិងសម្លៀកបំពាក់ខ្លះៗជូនប្អូនៗ។

អ្នកនាងឈួន សុវណ្ណឆៃ បានប្រាប់ថាមិនដឹងជាបែបណានោះទេក្នុងចិត្តអោយតែមកដល់ទីនេះគឺសប្បាយចិត្តបំផុតដែលបានជួយដល់ប្អូនៗនៅទីនេះព្រោះគ្នាលំបាកហើយអត់មានឪពុកម្តាយមើលថែរក្រៅពីរស់នៅអង្គការ។ អ្នកនាងថាឱកាសលើកនេះនាងបានបង្កើតបរិយាកាសស្និតជាមួយប្អូនៗជាច្រើនដូចជាលេងហ្គេមការច្រៀងការរាំកម្សាន្តហើយក៏បានផ្តាំផ្ញើអោយក្មួយត្រូវយកចិត្តទុកដាក់រៀនសូត្រអោយបានចេះដឹងធ្វើជាមនុស្សល្អមនុស្សមានចំនេះនៅក្នុងសង្គម។ អំណោយដែលទទួលបានមានទឹកស៊ីអ៊ីវ ទឹកត្រី ត្រីខ អង្ករ5បាវ មី សម្លៀកបំពាក់ និងរបស់របរមួយចំនួនទៀតផងដែរ។ ការផ្តល់នូវអំណោយនេះបានមកពីអ្នកស្គាល់នាងដូចជាមិត្តភ័ក្រ្តឃើញនាងប្រកូកប្រកាសតាមហ្វេសបុកក៏ជួយតាមទឹកចិត្តហើយក៍មានអាជីវកនៅផ្សារថ្មីក៏ដូចជាប្អូនស្រីបង្កើតឈួន សុវណ្ណដាលីនមកពីអាមេរិកក៏ស្ម័គ្រជួយ។ អ្នកនាងនឹងឈ្លៀតយកពេលវេលាណាមួយអោយបានច្រើនដើម្បីពាំនាំរបស់របរជួយដល់កុមារនៅទីនេះនាងចូលចិត្តនិងស្រឡាញ់ណាស់។

លោកចំរើនដែលជាមិត្តជិតដិតរបស់សុវណ្ណឆៃបានអោយដឹងថាលោកក៏បានរួមសហការជាមួយអ្នកនាងសុវណ្ណឆៃដើម្បីបង្កើតនិងរកជំនួយអោយបានច្រើនហើយបានជួយខ្លះដែរ។ បើទោះផ្លូវឆ្ងាយតែសប្បាយចិត្តដែលបានចែករំលែកក្តីស្រឡាញ់ដល់ប្អូនៗអោយបានកក់ក្តៅព្រោះតាមដឹង1ថ្ងៃប្រើអង្ករអស់1បាវ៕

តាមរយៈបណ្ដាញទំនាក់ទំនងសង្គមហ្វេសប៊ុកនាពេលថ្មីៗនេះ គេមើលឃើញថា កំពូលតារាសម្តែងជើងចាស់ និងជាប្រធានសមាគមសិល្បៈខ្មែរ អ្នកនាង ចន ច័ន្ទលក្ខិណា បានបង្ហោះរូបភាពជាច្រើនសន្លឹកដែលធ្វើឱ្យអ្នកគាំទ្រភ្ញាក់ផ្អើលចំពោះសភាពស្បែកមុខរបស់អ្នកនាង ដែលមើលទៅកំពុងមានបញ្ហាសើស្បែក។

ជាទូទៅគេមើលឃើញសម្រស់របស់អ្នកនាង ចន ច័ន្ទលក្ខិណា វិញហាក់ដូចមិនចាស់ទៅតាមអាយុឡើយ ពោលគឺអ្នកនាងនៅតែមើលទៅក្មេង និងស្អាតមិនចាញ់តារាសិល្បៈស្រីៗក្មេងៗឡើយ។ ប៉ុន្តែ កាលពីយប់មិញនេះ មហាជនមានការភ្ជាក់ផ្អើល ក្រោយពីបានឃើញសាច់មុខរបស់ អ្នកនាង ចន ច័ន្ទលក្ខិណា ប្រែជាមានស្នាជាំខុសប្រក្រតី។

ដោយផ្អែកលើគណនី អ្នកនាង ចន ច័ន្ទលក្ខិណា បានបង្ហោះសារបែបនេះថា: «មុខអាក្រក់បែបនេះបើខ្ញុំ live video លក់សម្លៀកបំពាក់មានអ្នកទិញឬអត់ ? ខ្ញុំមិនខ្លាចនិងបង្ហាញមុខអាក្រក់អញ្ចឹងទេ ខ្ញុំជាខ្ញុំ»។ ទោះបីជាយ៉ាងណា អ្នកគាំទ្របានធ្វើការសង្ស័យថា ប្រហែលជា អ្នកនាង ចន ច័ន្ទលក្ខិណា ធ្វើការកែសម្ផស្សថ្មីនៅលើផ្ទៃមុខជាមិនខាន ចំណែកអ្នកខ្លះបានផ្តល់កម្លាំងចិត្តដល់អ្នកនាងថា ទោះអ្នកនាងបែបនេះ ក៏ពួកគេនៅតែគាំទ្រជានិច្ច។ ដើម្បីឱ្យកាន់តែជាក់ច្បាស់ សូមទស្សនារូបភាពខាងក្រោមនេះ៖

តារាចម្រៀងស្រីវ័យក្មេងប្រចាំផលិតកម្មសាន់ដេ កញ្ញា វីរៈ និច កំពុងតែបន្តឡើងកូដខ្លាំង និងទទួលបានការគាំទ្រជាបន្តបន្ទាប់ ទោះបីជាកញ្ញាទើបតែចូលប្រឡូកក្នុងវិថីសិល្បថ្មីៗនេះក៏ដោយ។ ជាក់ស្តែង កាលពីយប់ម្សិលមិញនេះ កញ្ញា វីរៈ និច ព្រមទាំងតារាល្បីៗជាច្រើនដួងទៀត រួមមានដូចជា នាយ ចឺម លោកខាន់ ជេម និង កញ្ញា សុខ ពិសី ជាដើម បានចេញទៅសម្តែងនៅឯប្រទេសកូរ៉េក្នុងរយៈពេល១សប្តាហ៍។ អ្វីដែលគួរឱ្យចាប់អារម្មណ៍នោះគឺ មួយឈុតបែបសាមញ្ញ របស់ កញ្ញា វីរៈ និច ស្លៀកយប់មិញមុនចេញដំណើរទៅកាន់ប្រទេសកូរ៉េ នាងបានលេងស្ទាយឈុតបែបកីឡាធម្មតាៗ ហើយកាន់តែធ្វើឱ្យ កញ្ញា វីរៈ និច មានភាពលេចធ្លោទៀតនោះ គឺការប្រកៀកស្និទ្ធស្នាលជាមួយនាយ ចឺម។

នៅពេលមុនចេញដំណើរនោះ តារាចម្រៀងប្រុសនៅសាន់ដេ នាយ ចឺម បានធ្វើការ Live Video និយាយឆ្លងឆ្លើយជាមួយអ្នកគាំទ្រ តែគេបានមើលឃើញថា នៅក្នុងនោះ វីរៈ និច ក៏បានមកអង្គុយកៀកកិតជាមួយនាយ ចឺម ផងដែរ រហូតដល់អ្នកគាំទ្រពោលសរសើថា អ្នកទាំងពីពិតជាគួរឱ្យស្រឡាញ់ និងស័ក្ដសមគ្នាមែនទែន បើបានធ្វើសង្សានឹងគ្នាមិនដឹងល្អយ៉ាងណាទេ។ គួររំឭកផងដែរ កន្លងមកបញ្ហាដែលធ្លាក់លើកឡើងនេះ​ កញ្ញាវីរៈ និច្ច បាន​ចេញ​មុខ​​ឆ្លើយ​តបថា ខ្លួន​ និង​នាយ​ចឺម​ មិន​មាន​ជាប់​ជំពាក់​ចិត្ត​ស្នេហ៍​លើ​គ្នា​នោះ​ទេ ចំណែកឯសកម្មភាព​កន្លង​មក​ដែល​ខ្លួន និង​ នាយចឺម​ ស្និទ្ធស្នាល​នោះ គឺ​ក្នុង​ទម្រង់​ជា​ដៃ​គូ​សិល្បៈ​សុទ្ធសាធ នឹង​រាប់​អាន​គ្នា​ដូច​បង​ប្អូន​ប៉ុណ្ណោះ។

ដើម្បីឱ្យកាន់តែជាក់ច្បាស់ សូមទស្សនាវីដេអូខាងក្រោមនេះ៖

https://www.youtube.com/watch?v=P2wF5RPsJfk

ការក្លាយជាគូដណ្ដឹងគ្នារវាងតារាចម្រៀងល្បីឈ្មោះ ឱក សុគន្ធកញ្ញា និងអ្នកគ្រប់គ្រងទូរទស្សន៍ហង្សមាស លោកអ៊ឹង សុខលី ជាងប៉ុន្មានខែនេះ ធ្វើឱ្យគូស្នេហ៍1គូនេះ លែងលាក់បាំង និងញញើតក្នុងការបណ្ដើរគ្នាដូចមុនទៀតហើយ ខណៈពេលដែលលេចលឺដំណឹងថាពួកគេទាំងពីរនឹងដឹកដៃចូលរោងការនាថ្ងៃខាងមុខដ៏ឆាប់ទៀតផង។ ជាក់ស្តែង​ ក្នុងដំណើរកំសាន្តលើកនេះ ជាមួយ មិត្តភក្តិ និងគូដណ្តឹង ឱក សុគន្ធកញ្ញា បានដាច់ចិត្តបង្ហោះរូបថតតែពីរនាក់ជាលើកដំបូង កាន់ដៃគ្នារត់នៅលើវាលស្មៅដ៏ខៀងខ្ចី ភ្ជាប់ជាមួយពាក្យថា “ខ្លាចវង្វេងផ្លូវ” ឃើញហើយមានអារម្មណ៍ថាពួកគេមានសេចក្តីសុខណាស់។

ការបណ្ដើរគ្នាជាសាធារណៈរវាងឱក សុគន្ធកញ្ញា និងគូដណ្ដឹងនាង លោកអ៊ឹង សុខលី នេះ ត្រូវបានតារារួមអាជីពជាច្រើនបានសួរនាំពួកគេថា ពេលណាទើបចូលរោងការ ហើយត្រូវសុគន្ធកញ្ញា និងអនាគតប្ដី ឆ្លើយដូចគ្នាថា មិនទាន់គិត បើទោះជាមិត្តភក្ដិជុំវិញខ្លួនសុទ្ធតែជំរុញឱ្យពួកគេចូលរោងការឱ្យឆាប់ៗ ព្រោះគេចង់ឃើញសុគន្ធកញ្ញា គ្រងឈុតកូនក្រមុំក៏ដោយ តែកញ្ញា និងលោកសុខលី និយាយប្រាប់មិត្តភក្ដិថា មិនទាន់ចង់រៀបការឆាប់ៗដូចគ្នា។ ប៉ុន្ដែរឿងដែលធ្វើឱ្យសុគន្ធកញ្ញា រំភើបខ្លាំងនោះ គឺនៅពេលដែលអ្នកនៅជុំវិញខ្លួននាងសុទ្ធតែអះអាងថា នាងនិងលោកសុខលី ស័ក្តិសមគ្នាខ្លាំងណាស់ ដែលធ្វើឱ្យតារាមួយចំនួនថែមទាំងច្រណែនទៀតផង។

គួររំឭកដែរថា តារាចម្រៀងស្រី ឱក សុគន្ធកញ្ញា បានភ្ជាប់ពាក្យជាមួយលោក អ៊ឹង សុខលី កាលពីថ្ងៃទី18 ខែមិថុនា ឆ្នាំ2018 កន្លងទៅថ្មីៗនេះ ។ ការសម្រេចចិត្តភ្ជាប់ពាក្យនោះ គឺជាលទ្ធផលបន្ទាប់ពីអ្នកទាំងពីរទាក់ទងគ្នា​ដោយបិទបាំងអស់រយៈពេលជាយូរឆ្នាំណាស់មកហើយ ទើបតែកន្លងមក ដែលកញ្ញា សុគន្ធកញ្ញា បានធ្វើពិធីទាំងឡើងផ្ទះ ស្របពេលជាមួយនឹងពិធីចូលស្តីដណ្តឹង ដោយលែងបិទបាំង ដើម្បីបញ្ចប់នូវការរិះគន់៕

តាមរយៈសារព័ត៌មានថៃ Tvpool ដែលចេញផ្សាយមុននេះបន្ដិចបានឱ្យដឹងថា តារាឯកស្រី បេឡា រ៉ានី ខេមពេន កំពុងទទួលបានប្រជាប្រិយភាពយ៉ាងខ្លាំងតាមរយៈរឿង « បុពេសន្និវាស » ដែលបានចាក់បញ្ចាំងនៅក្នុងប្រទេសកម្ពុជា និងធ្វើឱ្យអ្នកគាំទ្រលង់ស្រឡាញ់ការសម្ដែងរបស់នាងយ៉ាងជក់ចិត្តដិតអារម្មណ៍។ ខណៈបានធ្វើដំណើរមកកាន់ប្រទេសកម្ពុជានាពេលកន្លងទៅថ្មីៗនោះ តារាឯកស្រីរូបនេះ បានទទួលព្រះរាជអនុញ្ញាតិ និងសព្វព្រះហឫទ័យឱ្យចូលក្រាបបង្គំគាល់ សម្តេចព្រះមហាវិរៈក្សត្រិយ៍ នរោត្តម មុនិនាថ សីហនុ ព្រះវិរៈរាជមាតាជាតិ  នាព្រះរាជដំណាក់គន្ធបុផ្ផា ព្រះបរមរាជវាំងកម្ពុជា។

ក្រោយការបង្គំគាល់ ខណៈនេះតារាឯកស្រី បេឡា បាននិយាយរៀបរាប់ពីអារម្មណ៍ពិត ដែលបានទទួលមហាកត្តិយសក្នុងមួយជីវិតរបស់នាង ដែលមិនអាចកាត់ថ្លៃបានថា « នាងខ្ញុំមានអារម្មណ៍ថាជាកត្តិយសខ្លាំងបំផុត ដែលទ្រង់បានសព្វព្រះរាជហឫទ័យប្រោសឱ្យចូលបង្គំគាល់ ដែលអាចនិយាយបានថា ជាកត្តិយសដ៏ខ្ពង់ខ្ពស់ក្រៃលែង និងជាម្លប់ជ្រកកោន ដែលមិនធ្លាប់គិតសោះថាទទួលបានឱកាសដ៏ថ្លៃថ្លានេះ។ អ្វីដែលជាក្ដីសប្បាយចិត្តខ្លាំងបំផុតនោះគឺ ទ្រង់បានព្រះរាជប្រទានព្រះរាជអំណោយផងដែរ មានទាំងក្រណាត់សូត្រ និងឌីវីឌីចម្រៀងនិងតន្ត្រីដែលទ្រង់បានសព្វព្រះហឫទ័យសម្ដែងផ្ទាល់ ទ្រង់មានព្រះទ័យមេត្តាករុណា»។

នាង​បានបន្ដថា « ចំណែកឯអ្នកគាំទ្រកម្ពុជា ក៏បានទទួលស្វាគមន៍យ៉ាងមានភាពកក់ក្ដៅ ចាប់តាំងពីពេលទៅដល់ អ្នកគាំទ្រ មករង់ចាំទទួលនៅឯព្រលានយន្ដហោះ និងបានពញ្ញាក់អារម្មណ៍ខ្លាំងណាស់ ក្នុងការច្រៀងចម្រៀងបទ  បុពេសន្និវាស  យ៉ាងពិរោះទៀតផង។ តាំងពីទៅដល់ទៅនោះ មានទាំងផ្កាមកទទួល មានអាវ មានវត្ថុអនុសាវរីយ៍ជាច្រើន សម្ដែងពីទឹកចិត្តល្អខ្លាំងណាស់ ដែលនាងខ្ញុំទទួលបានពីអ្នកគាំទ្រកម្ពុជាម្ដងទៀត។ ដំណើរនៅពេលនោះ បេឡា បានទៅធ្វើការងារ ហើយការងារនោះ អ្នកគាំទ្រនៅតែទទួលរាក់ទាក់យ៉ាងកក់ក្ដៅថែមទៀត ទាំងអ្នកគាំទ្រកម្ពុជា និងជនជាតិថៃ ដែលអមដំណើរទៅជាមួយគ្នា យ៉ាងកក់ក្ដៅលើសគ្រាមុនខ្លាំង។

ដោយរឿងភាគបានដាក់បញ្ចាំងនៅក្នុងប្រទេសកម្ពុជាមួយរយៈពេលហើយ នោះគឺរឿង បុពេសន្និវាស ហើយអ្នកគាំទ្រទាំងអស់បានស្រែកច្រៀងចម្រៀងក្នុងរឿងខ្លាំង ហើយពួកគេបានចាំពីពាក្យពេចន៍នៅក្នុងរឿងភាគនេះយ៉ាងច្បាស់ ដែលធ្វើឱ្យនាងខ្ញុំសប្បាយចិត្តខ្លាំងណាស់ ក្នុងការស្វាគមន៍យ៉ាងមហិមាដល់ថ្នាក់នេះ រហូតធ្វើឱ្យនាងខ្ញុំ (បេឡា ) មានអារម្មណ៍កក់ក្ដៅ និងចង់ត្រឡប់ទៅត្រឡប់មកឱ្យបានញឹកញាប់។ ប្រសិនបើមានឱកាស បេឡា សន្យាថា និងមកកាន់កម្ពុជាម្ដងទៀតយ៉ាងពិតប្រាកដ »៕

តាមរយៈគេហទំព័រកម្សាន្ដ Sanook ដែលចេញផ្សាយមុនបន្ដិច បានឱ្យដឹងថា ពិតជាបានបង្កឱ្យមានភាពភ្ញាក់ផ្អើលខ្លាំងបំផុតចំពោះអ្នកគាំទ្រទាំងអស់ ដោយសារតែតារាឯកស្រីវ័យក្មេងរូបស្រស់ យ៉ាយ៉ា ឧរ៉ាត់សាយ៉ា បានបង្ហោះរូបភាពនៅលើទំព័រអ៊ីនស្ដាក្រាមរបស់នាងជាច្រើនសន្លឹកដែលបង្ហាញអំពីស្នាមសាក់ពេញខ្លួន។

យ៉ាយ៉ា ដែលធ្លាប់តែជាតារាស្រីនិស្ស័យស្រគត់ស្រគំ និយមតែងកាយបែបគួរឱ្យស្រឡាញ់ Cuteៗ ក៏ស្រាប់តែមកផ្លាស់ប្ដូរស្តាយល៍ក្លាយជានារីដែលមានរូបសាក់ធំៗ និងមើលទៅដូចជាពួក Hippy Heavy metal ឬពួក Gansters យ៉ាងឡូយទៅវិញ។ តែយ៉ាងណាក៏ដោយ នាងបានសរសេរនៅលើទំព័រអ៊ីនស្ដាក្រាមរបស់នាងថា «មានអ្វីថ្មីៗ សប្បាយៗ ទុកឱ្យអ្នកទាំងអស់គ្នាតាមដានក្នុងពេលឆាប់ៗនេះ» ដូច្នេះមានតែរង់ចាំទស្សនាទាំងអស់គ្នាតទៅទៀត។

ហើយអ្នកគាំទ្រគ្រប់គ្នាក៏ចង់ដឹងពីអារម្មណ៍របស់ ណៈដេត ដូចគ្នាដែរថា តើលោកមានអារម្មណ៍យ៉ាងណាដែរ នៅពេលឃើញ យ៉ាយ៉ា មានសភាពបែបនេះ ហេសៗ…។ ដើម្បីឱ្យកាន់តែជាក់ច្បាស់បន្ថែមទៀត សូមទស្សនារូបភាពទាំងអស់ខាងក្រោមនេះ៖